صباح يوم جديد:
ناضت بكري دارت أحلى فطور وركبت عشان تنوضه
هدى: وليد... وليد هيا نوض
وليد: فتح عيونه وقعد يشبحلها... صباح النور
هدى: صباح الورد.. هي نوض أدوش عشان تفطر قبل ما الاكل يبرد
وليد: ناض من السرير.. تمام
هدى: شدت ايده.. كيف حالك اليوم قاعد مريض
وليد: قرب منها... لا وليت كويس بعد اللي صار أمس
هدى: خدودها حمرر تحشمت
وليد: عض شواربه وتنهد وخش الحمام
هدى: حطتله حوايجه عالسرير مع أنها عارفه انه مش حيلبسهم ونزلت
وتت القهوة وحطتها وهو نزل وانصدمت لما لقاته لابس الحوايج اللي وتتهم أبتسمت
وليد: شن الفطور الحلو هادا
هدى: تفكر... فطور حلو! كل يوم نديرله فيه...
وليد: خيرك
هدى: هاا لالا شي قعمز افطر هي
قعدو فطرو وهما يفطرو طق الباب
وليد: ناض فتح الباب وأنصدم من اللي شافه فجأة تعصب و وجهه قلب أحمر...
____________________
علي سفرة الفطور:
خيرية: اليوم بنمشي نطلب البنت بش ترفعني
حمزة: تنهد... باهي
خيرية: حطت ايدها علي كتفه... احكيلي شنفي
حمزة: نزل عيونه... علاش تبيني نتزوج واني طالع من علاقه فاشله
خيرية: اني نبيك تتخطى العلاقه هادي صدقني والله البنت اللي بناخدهالك كويسه ومحترمه وشبعانه وسمحه مش زي التانيه
حمزة: تجبديش سريبها
خيرية: باهي يا وليدي بس صدقني لما تشوفها حتعجبك البنت تخش القلب اسلوبها يجنن وكفايه انها من عيله محترمه
حمزة: عيله شنو
خيرية: عيلة(.......)
حمزة: اها تمام ميه ميه اللي تبيه يصير
خيرية:متأكد
حمزة: باس ايدها.. اي متأكد.. هي بنطلع عندي عمل
خيرية: باهي ربي معاك
طلع حمزة وهو يفكر في اللي جاي ومش متحمس
__________________
قاعده في غرفتها مش قادره تنسى كلام عمها و مرته ومش قادره تقول ل أمهاا... تبيش تتكلم عشان متصيرش حاجه ل خوها وفنفس الوقت مش قادره تسكت
وتين: طقت الباب وخشت... صباح الخير شيمو
شيماء: سارحه
وتين: قربت منها.. شيماء... شيماء
شيماء: هاا شنفي
وتين: خيرك أنتِ
شيماء: لالا شي
وتين: تمام... نبي ناخد رأيك في موضوع
شيماء: عدلت قعميزتها... شنوو
وتين: خوك يبيني
شيماء: خوي منو
وتين: ؏ اساس عندك خو تاني أدهم من غيره
شيماء: حي أمتى وكيف وأني وين
وتين: أنتِ مختفيه دديما المهم اني رفضت باهي قعدت فتره رافضه مشي امس جاني وقالي عندك ل الخميس وبننسى موضوعنا
شيماء: اي وأنتِ شن تبي توا
وتين: نبي حل🙂
شيماء: الحل بأيديك.. يعني من زمان تحبيه ولما يجيك ويقولك نبيك تقولي لا خيرك غبيه وتين
وتين: يعني نوافق
شيماء: أكيدد
وتين: تمام بنقوله اليوم... أنتِ خيرك ديما فالدار
شيماء: كنت مريضه شويه
وتين: باهي نوضي أنزلي معاي هي
شيماء: تمام هي
_________________
حمزة: السلام عليكم
أنس: وعليكم السلام... ليا ساعة نستنا فيك وينك
حمزة: اهوا جيتك... تعالى نبيك في موضوع
أنس: قعمز.. موضوع شنو
حمزة: عرفت عيلة البنت اللي امي بتاخدهالي
أنس: منو
حمزة: عيلتكم
أنس: كداب.. منو البنت باهي
حمزة: مشعارف اني نبي نعرف منك
أنس: وين نندري اني علاش مسألتش أمك
حمزة: مشعارف
أنس: زعما واحده من خواتي
حمزة: ممكن.. بتمشي اليوم هي توا تعرف من اخواتك ولا لا
أنس: كويس كويس.. في واحده خايف تكون هي
حمزة: يشبح في الوراقي... علاش
أنس: شخصيتها مش حتعجبك لكن هي كويسه
حمزة: أن شاء الله خير
أنس: اي حق نسيت نقولك.. عرفو اللي خنبو السيارات وتوا موجودين فالمصنع القديم
حمزة: حلو هي نوض نمشو عشان يعرفو روحهم مع من لعبو
طلع و وراه أنس وركبو السيارة ومشو للمصنع
YOU ARE READING
كنت ومازلتِ حبيبتي ❤.
General Fictionرغم البعد الاا انهم اتحدو كل شي ورجعو فهل يا تري حبهم حيستمر ولا غرورهم وكبريائهم عندهم رأي تاني. تابعوني وأنضمو وكونو فراشاتي الحلوين🦋✨
