نضت راسي يوجع فيا لان بكيت هلبا أمس خشيت الحمام طلعت صليت ومشيت فطرت 🤍
هدي: خيرك من أمس مش عاجبتيني
هبة: شي
هدي: متأكده🤨
هبة: اي اي متأكده.... أنتِ اليوم عاد فرحانه بيخطبوك 😉
هدي: ضحكت 😂😂... اي توا بتجي خالتي متمشيش الجامعه اليوم
هبة: اصلا مش ماشيه... شن صار في خالد
هدي: مصار شي جي يهدد يحسابني بنخاف وهو دراه كبد هكي 😒
هبة: خاطري نشوف منضره وليد هادا اكيده طرف
هدي: مبردك.. المهم كلمي ساجده تجي
هبة: علاش... قصدي مش لازم 🙂
هدي: مش لازم... كلميها بلا دراه أنتِ التانيه نبيها معانا
هبة: كلميها أنتِ امالا
وناضت
هدي: افف ربي ياخدك يا وسام 😒🙂
_____
أدهم: بنسألك
وتين: هااا
أدهم: فتحتي مع أمي الموضوع؟...🙄
وتين: لا مكنتش فاضيه توا نفتحه معاها اليوم ❤️🩹
أدهم: مليح
وتين: أمتا حبيتها وكيف 😀
أدهم: كانت معاي في الجامعه وخوها صاحبي ديما نشوف فيها عجبتني مشيت كلمتها قلتلها أني معجب بيها قعدنا فترة نتكلموا وبعدين حبتني وحبيتها قلتلها اول ما نجي هني نخطبها وهي مستنيه نفتح الموضوع مع أمي باش تجي هي وخوها وبوها
وتين: اممم كويس ربي يهنيكم... رديت عليه وأني قلبيييي ناررررر 🔥🔥🔥
أدهم: هي أني بنوض ما توصي بشي
وتين: سلامتك ♥☺️
خشيت ادوشت ومشيت للخدمه وأني نفكر في الموضوع (لاحظتوا ان وتين الروايه كلها وهي تفكر 😂😂😂)
______
في مكان بعيد عايشه عيله صغيره متكونه من أب وأم و ولد وبنت
خيري(الأب): كملتوا كل شي... في شي ناقص
أقبال(الأم): اي كملنا كل شي الحمدلله بكري ☺️
خيري: به كويس... العرس باقي عليه اسبوع بيجو يباتوا ولا
أقبال: اي اي كلمتني شيخه اليوم بتجي هي و ولدها
خيري: كويس... محمد غدوا اطلع مع الولاد الحوازه ولما يجي خالد توا نقوله يلحقك
محمد (الأبن): تم 👍🏻
كانت قاعده وسارحه تفكر في أكتر شخص حباته في العالم 😍
خيري: نور خيرك سارحه يا بنت🤨
نور: ها لا شيي
محمد: أني بنطلع تبو شي
كلهم: سلامتك
__________
نزل من السيارة هو وأخته ووقفت جنبه قعد يشبح للحوش اللي معش خشله من 25 سنه... أتنفس بعمق وخش ووراه أخته
أدهم: السلام عليكم
عادل(عمه الكبير): وعليكم السلام
أدهم: مد ايده عظم الله اجركم ❤️🩹
عادل: شكر الله سعيكم... نعرفك أني وليدي🤨🤨
أدهم: أبتسم بهدوء... أني أدهم ولد المرحوم 🙂
عادل: قعد يشبحله ومصدوم متوقعش أنه يجي أبتسم أبتسامه صفرا.... اهلا اهلا ولد خوييي... وحضنه
أدهم: مدارش أي تعبير قعد واقف بس
عادل: تفضل قعمز
أدهم: قعمز وقعد يشبح للرجاله اللي قاعدين كانو هلبااا وسرح بعيد
عند النساوين:
فتحيه: تفضلي بنيتي
شيماء: يزيد فضلك عمتي ☺️
فتحيه: أنتِ بنت منو من الرجاله اول مره نشوفك
شيماء: أني بنت المرحوم ❤️🩹🔥
فتحيه: فتحت عيونها بصدمه😳... بنت جميله
شيماء: اي ☺️
كلهم يشبحو ل بعضهم ومش مصدقين 🔥🔥
فتحيه: به وين أمك علاش مجتش معاك
شيماء: ماما تاعبه شويه جيت أني وخوي بس
مني: فرحت... خوك هنيي 😍😍
شيماء: شبحتلها بأستغرب... اي
قعدو ساكتين ويشبحوا ل بعضهم بس 🤫
YOU ARE READING
كنت ومازلتِ حبيبتي ❤.
General Fictionرغم البعد الاا انهم اتحدو كل شي ورجعو فهل يا تري حبهم حيستمر ولا غرورهم وكبريائهم عندهم رأي تاني. تابعوني وأنضمو وكونو فراشاتي الحلوين🦋✨
