مهند: كان ساند عالسياره ويشبح للحوش ويدخن
أنس: نزل من سيارته... مهند شن ادير هني
مهند: تلفت... أمي جايه تخطبلي
أنس: من عندنا
مهند: اي
أنس: من بتاخد
مهند: يدخن... مشعارف
أنس: حتى أنتَ بتتزوج
مهند: شكله هكي
أنس: خيرك واقف هكي تعالى خش المربوعه
مهند: به هي
رسيل: نازله من الدروج
فاطمه: ما شاء الله ربي يبارك غزاله
رسيل: قعمزت وهي متحشمه
فاطمه: كيف حالك يبنتي
رسيل: الحمدلله بخير
فاطمه: طبعا اني عندي أهم شي تكوني أنتِ موافقه
رسيل: هزت راسها... اي موافقه
فاطمه: الحمدلله
فتحية: شبحتلها... شنرايك نديرو تلبيستها مع موده يوم الخميس واهوا الفرحه فرحتين
فاطمه: عادي مفيش مشكله
رسيل: كانت تبتسم لكن من داخل فرحانهه هلبا.. مش لانها تحبه هي اصلا متعرفش منضره كيف.. فرحانه لانها حتطلع من الحوش هادا.. مكانتش تعرف أن بتمشي لحوش ولا نقوللكم توا تعرفو بعدين 🔥
_________________________
مرت الايام عاديه جدا فتحية ونهى و رسيل ومودة
يجهزو في حفلة الخطوبه بعد ما جت خيرية وفاطمة واتفقو علي كل شي
يوم الخميس:
الساعة 6 المغرب:
كانت وتين تلود عالحوش وتبخر فيه و نزلت فتحية و نهى يستقبلو فالضيوف وشيماء ونهال يتأكدو من أن كل شي جاهز
وكانت مودة و رسيل في المُزين ومعاهم سهر وسالمه
__________
كانت رسيل قاعده متوتره ومتحشمه عكس مودة كانت فرحانه وابتسامتها من الودن للودن
خش حمزة لبس مودة الذبله ومكانش في اي تعابير علي وجهه
وبعده خش مهند ومسك ايد رسيل ولبسها الذبله وكان متوتر لانه عمره ما تعامل مع بنات غير أمه وأخته
رسيل: ابتسمت.. مفروض اني نتوتر مش أنتَ
مهند: احم مبروك
رسيل: يبارك فيك❤
مهند أبتسملها قبل ما يطلع وهي ردتله الابتسامه
_________________________
فضت الزحمه و موده و رسيل كل واحده فيهم شعور مختلف كملو الحوسه مع باقي البنات وخشو يرقدو
_________________________
مشهد مسرع:
خشيت غرفتي واني مكسوره... مصدومه من الي سمعته خش وراي
مهند: رسيل خليني نفهمك
رسيل: عيطت... منبييششش منبييشش نسمعع منككك شييي أنتَ كدااابببب طلقنييي معش نبيككك كرهتكككك... طلقنييي مهند طلقنييي 💔
مهند: يعيط بصوت اعلى منها.... اهددديييي خلينيي نفهكك اللي سمعتيه كلللههه
رسيل: قاطعت كلامه... ااششششش نبيش نسمعع صوتكك كرهتككك... تخبط فيه علي صدره.... علاشش اديرر هكيييي حبيتكك اني حبيتكك علاششش تكلممم💔..... خليتوني نكررههه حياتييي كلهاااا.. حرامم عليككمم علاششش هكيي
مهند: حط ايديه علي وجهها... رسيل وربي حبيتك وربي كل شي صار انيي عارفف انه غللطط 💔مكنتش نعرف أن
رسيل: أن شنوو شنوو.. مكنتش تعرف ان اني مدخلنيش ب خوي و بوي💔... مكنتش تعرفف ان اني حنحبك💔.. مكنتشش تعرففف ان بوكك اللي دمررر عيلتيييي💔... شننووو مكنتشششش تعرفف هادا كلههه... خلاصصص حرام عليكك كرهتك اني معش نبي نشوف وجهك... تضرب فيه.... طلقنييي مهند طلقنييي
مهند: ضعف قدامها... رسيل نحبك وربي💔
رسيل: واني نكرهككك نكرهكك... طاحت عالارض وتبكي💔... اني نبي نعيش حياة طبيعيه بعيد عنن كل شي... بعيد عن الحقد والانتقام والدم... اعصابي تعبت مهند تعبت خلاص... شدت ايديه... بالله عليك خلاص ياسررر كفايه انتقام.... بالله عليك لو تحبني
مهند: حضنها... تمامم خلاص اهدي أنتِ بس
رسيل: غمضت عيونها وتحكي بصوت هادي... تعبت مهند خلاص 💔
مهند: تمام يعمري تمام كل شي حيكون بخير
YOU ARE READING
كنت ومازلتِ حبيبتي ❤.
General Fictionرغم البعد الاا انهم اتحدو كل شي ورجعو فهل يا تري حبهم حيستمر ولا غرورهم وكبريائهم عندهم رأي تاني. تابعوني وأنضمو وكونو فراشاتي الحلوين🦋✨
