ساجدة: هدى أنتِ تدوي جدياتت
هدى: شن تبيني ندير يعني نمشي نعيش معاها فنفس الحوش
ساجدة: راجلك يا غبيهه زواجكك كيف تنهيه هكي
وتين: ساجدة معاهاا حق لازم تحاربيي عشان راجلك مش معقولهه تجي تاخده منك هكي
هبة: حاولت معاها هلبا مسكره راسهاا
ساجدة: صراحه لما جيتك هداكا اليومم شفت الحب فعيونه مستحيل يكون ميحبكش
هدى: اااه 💔
ساجدة: والله أنتِ غبيه كل شي حيضيع من بين ايديك
شوفي أسمعي كلامي وديري زي ما نقولك تمام
هدى: شنو
ساجدة: أول شي حترجعي لحوشك و لراجلك ومنبيش أعتراض
هدى: تمام
ساجدة: تنوريها بنت الكلب هادي 😈
_________________________
أيهم: كله بسببكم... دمرتوها ودمرتونا كلنا...
شن تبو تاني هااا مش حترتاحو لين يموتوو كلهم ولااااا
عبدالله: أيهم
أيهم: منبيش نسمع اسكت منبيش سكر الموضوع..
كملو حياتكم عادي كأنها مماتتش متعودين أنتم... وطلع
عبد الحكيم: شبح ل رسيل... خيرك متكلمتيش من البداية أنتِ
مدام الورقه معاك علاش مطلعتيهاش
رسيل: تشبحله وساكته 💔
عادل: معش في حد عاقل فالحوش هادا بكلل تنتحرو و تجيبولنا العار بعدين تلومونا... زي ما قال أيهم حنكملو حياتنا ومنبيش
حدد يجبد سيرتها تاني تسكرر الموضوع هني مفهومم
كان عادل كلمته الناهيه فالحوش بعد عبد الرحمن.... كانو كلهم يسمعو في كلامه مش حباً فيه لالا.. خوفا منه.. عشان هكي كانو يسمعو كلامه تجنباً لأي مشاكل ممكن تصير...
_________________________
وليد: كان فرحان أن هدى رجعت للحوش... تفضلي
هدى: خشت وهي مبتسمه وتدكر في كلام ساجدة...
ساجدة: لازم ترجعي لحوشك وتكوني مع راجلك لازم تخليها تعرف أنه يحبك أنتِ ويبيك أنتِ وأن هي خلاص ملهاش وجود في حياته مفهوم... ادلعي عليه قدامها.. ديري جو رومانسي ليكم ف غرفتكم.. خليك شاطره يبنتي وحتشوفي شن حيصير أسمعي كلامي 😈
هدى: فاقت علي صوت هاجر..
هاجر: واخيرا رجعتي علاش اديري فالجو حرجانه و كلام فاضي
هدى: تجاهلت كلامها وشبحت لوليد... حبيبي أني بنركب نرتاح في غرفتنا
هاجر: فهمت أن هدى راجعه وهي حاطتها في راسها واكيد بتحاول اطلعها من الحوش وتبعدها عن وليد
وليد: تمام حبيبي ارتاحي بنطلع اني عندي خدمه مش معطل عليك
هدى: دير بالك علي روحك
وليد: باسها علي راسها... حاضر ❤
هاجر: واقفه تراقب فيهم وتشبحلها بكره واضح
هدى: ركبت دارها وسكرت علي روحها
هاجر: توا نوريك من هي هاجر قاعده متعرفينيش
_________________________
حمزة: قاعد فالمعرض ومشغول فالاوراق خش مهند و أنس
مهند: السلام عليكم
حمزة: وعليكم السلام
أنس: اي شن ادير وأنتَ ديما حاشي راسك فالاوراق وصدقني مش فاهم شي
حمزة: كنت نتبت في الحسابات لقيت هلبا اخطاء مشعارف شنصاير خل يروح حمدي من غريان ونتفاهم
مهند: ايي أنس شن الامور في حوشكم
أنس: والله شن بنقولك لكن البنت طلعت منتحره مش مقتوله
حمزة: كيف
أنس: كاتبه ورقه وكانت مخبيتها بنت عمي رسيل واليوم طلعتها لان أيهم كان يبي يقتل خطيبها يحساب هو اللي قتلها
مهند: وبنت عمك علاش تخبي الورقه الايام اللي فاتو
أنس: شي طبيعي يطلع من رسيل متعودين عليها... موضوع الانتحار مش خاش راسي
مهند: ياكل في اللوز... علاش مش كاتبه رساله وداع زي ما يقولو
أنس: متعرفهاش البنت هادي أنتَ كانت اكتر بنت محبوبه فالعيله يعني الكل يحبها.. كيف كاتبه فالورقه محد يحبني و دمرتوني حسيت ان مش طريقه كلامها اصلا و حتى الشغاله مختفيه من يوم موتها...
حمزة: وعلاش مقلتش الكلام هادا كله ل عيلتك
أنس: ملحقتش عمي سكر الموضوع وقال معش حد يجبده و قال ل مرته تكلم أمك بش تقوللها أنهم جاهزين ل خطبت البنت
مهند: خطبت شنو
أنس: خطبت حمزة 😂
مهند: أمتا صار وكيف واني خيرني معنديش علم 🙂
حمزة: ملحقتش نقولك كنت في المستشفى يومها
مهند: شبح ل أنس.. تزوج مرتين وأحني زي العانس جنبه
أنس: حظه زي حظ المزيتات يراجل 😂
مهند: طق في يده.... وربي 😂😂
حمزة: يشقلب ف عيونه... به سكر فمك أنتَ وياه
أنس: يهمس ل مهند... توا تشوفه بعد الزواج كيف يولي🤣
مهند: المعرض بيفلس 😂😂.
حمزة: ناضلهم.. اقلب وجهك أنتَ وياه هي
يجرو برا المعرض وميتين ضحك 😂😂
YOU ARE READING
كنت ومازلتِ حبيبتي ❤.
General Fictionرغم البعد الاا انهم اتحدو كل شي ورجعو فهل يا تري حبهم حيستمر ولا غرورهم وكبريائهم عندهم رأي تاني. تابعوني وأنضمو وكونو فراشاتي الحلوين🦋✨
