ماتوقع الروايه بتجيب تفاعل وتعليقات زي قبل لان الاغلب قراها 🚶🏻♀️
بس معليه
الشمس مشرقه ولا زلت واثقه انه بتمطر
مدري اقول قراءه ممتعه او اعاده ممتعه بس اهم شي استمتعوا
عشان ريمان ماكانت تبي تروح لمركز الشرطه بكبره ياخذون اقوالها سجل احمد اقوالها و وقعت وخلاها تروح
شافوها البنات جايه تدخل وقاموا كلهم دخلت وكان الهدوء مسيطر عليها بس مو نفس عادتها كانت هاديه بشكل غريب اكثر من العاده خذت شنطتها وفصخت نظارتها
وقالت لرهف الي مسكت يدها قبل لاتروح : معليك ماصار شي خليته يعترف والحين مسكته الشرطه روحي السكن ارتاحي وتعوذي من بليس وانتوا بعد يبنات
لفت على البنات آخر جملتها وابتسمت ابتسامه خفيفه لمرام وطلعت متجه لسيارتها تحت انظار البنات وعلي الي سوا نفسه بياخذ شي من سيارته وقام يلحقها
بدت رهف تصيح والبنات جلسوا يهدونها ومن ضمنهم مرام قالت الجوهره لمرام بتنبيه : اسمعي مرام احنا بنجلس مع رهف انتي الحين روحي سريع سريعع شوفي وضع ريمان شوفي وش صار واضح صار شي بس كذابه ماتبي تقول
هزت مرام راسها وقامت وهي تحاول تسرع بخطواتها
عند ريمان : كانت تلعن نفسها لانها ركنت سيارتها آخر الدنيا عشانها تبي تروح من المكان بأسرع وقت قبل لا احد يجيها من البنات مدت يدها وفتحت سيارتها بالمفتاح ناويه تركب وتمشي
وقفها صوت احد يناديها لفت وشافت مرام الي جات تركض لها عشان ماتروح تنهدت بتعب عارفه التحقيق الي بيجيها
كان البليهي عند سيارته راكب بس فاتح النافذه يبي يسمع وش يقولون عشان سيارته قريبه من سياره ريمان بس بوسطهم سياره وحده، ندم على قد شعر راسه انه ماراح وهبد الرجال
وقفت مرام تاخذ نفس من الركض الي ركضته وقالت بعد ماخذت انفاسها : ريمان قولي الصراحه وش صار؟
ردت ريمان بسرعه تبي تروح : ماصار شي يا مرام معليك لاتشيلين هم وش بيصير يعني
رفعت مرام حواجبها وردت وهي تأشر على اذان ريمان : مارح تمشي على يالكذابه اذانك حمر لاتكذبين واضح فيك الصيحه بس كاتمتها
سكتت وهي تناظر مرام قربت مرام وسألت بنبره جديه اكثر : ريمان عشان خاطري لاتكذبين بس هالمره جاوبيني بصدق وش سوا لك؟ لاتنكرين واضح صار شي
ابعدت ريمان عيونها ولفت تطالع بالشوراع عارفه لو كملت تناظر فيها بتبكي انتبهت مرام لشفايف ريمان الي كانوا مجروحين كأن احد جايب سكين وجارحهم دقت مرام ريمان وقالت بعتاب : يحماره وش فيها شفايفك كذا وش مسويه فيها وبعدين لي-
