طاحت عين ريمان على علي الي يطالع فيها ويبتسم
عقدت حواجبها وقالت بغباء وهي تضحك : انت ههههه علي صح ههههههه
هز علي راسه باستغراب وابتسامته مافارقته : اكيد انا علي بس وش الي يضحك طيب
طالعتها ريمان من فوق لتحت وقالت باستقعاد : ليه ماتبيني اضحك يعني
رد علي وهو يرفع حواجبه باعتراض : لا افا اضحكي جعل مايضحك غيرك ( بضحك كل يوم وانا مالي دخل 🦧)
شمقت له والتفتت على مرام الي تطالع فيهم كاتمه الضحكه على حالهم
رمشت اكثر من مرا وقربت فجأه وضمت مرام بقوه
بادلتها مرام باستغراب لين حست بدموع على كتفها
بعدت عنها بشويش وسألت : وشفيك يا امي ليه تبكين
(هاذي ريمان ولا انا فيني تناقض مو طبيعي)
سمع علي ليه تبكين وقام مسرع
سأل علي وهو يطالع ريمان بخوف : وشفيها ليه تبكي
رفعت مرام كتوفها : مدري بس اتوقع لانها سكرانه كذا تسوي لان دايم الي يسكرون كذا مايحسون بالي يسوون يمكن يقولون كلام يفضحون نفسهم او يجيبون العيد ف الحين لا تشره عليها
تنهد علي وهو يطالع فيها بقله حيله
قام علي وقال وهو متجهه لغرفته : بررح ابدل انتبهي لها شويات وجاي الله يعين
هزت مرام راسها بموافقه وهي تشد على حضن ريمان الي شهاقها مالي المكان
قطع الصمت صوت ريمان الي كانت تقول بحزن بصوت مبحوح من كثر البكى: مرام
همهمت مرام وهي تحط كل تركيزها على ريمان
تكلمت ريمان بعد مده بوسط شهقاتها: تخيلي رجع لي بعد 6 سنين وقايل لامه انه يبي يخطبني !
عقدت مرام حواجبها باستغراب " وش تقول ذي منهو الي رجع بعد من تقصد ؟ "
قال علي الي لبس له لبس مريح وهو جاي : وشفيك ؟
سألت مرام بتفكير : الحين انت تعرف عن وش تتكلم ؟ فجأه قامت تقول تخيلي رجع لي بعد 6 سنين ومدري وش وقايل لامه انه بيخطبني ؟ من تقصد
بلع علي ريقه وقال بغباء مصطنع : ها مدري مدري شدراني
قامت مرام وهي تبعد ريمان بخفيف : اسمع بروح اشوف طريقه تخليها ترجع لوعيها انت خلك عندها شويات واجي
