صباح يوم الاثنين كانت ريمان بالمطبخ تسوي لها قهوه بعد ماتجهزت عشان تروح للجامعه والواضح انها كانت بعالم ثاني وتفكر
دخلت عليها مرام وشافتها مفهيه عند غلايه الماي ولا انتبهت انها دخلت اصلاً
اشرت بيدها قدام وجه ريمان وهي تقول : مين المحظوظ الي ماخذ تفكيرك
رمشت ريمان اكثر من مره بعد ما استوعبت : محد من قال ؟
رفعت مرام حواجبها بتكذيب وقالت : محد قوليها لغيري حبيبتي من يوم رجعت من العرس وانتي بعالم ثاني قولي شصار يوم رحت مالي دخل الحين نركب السياره وتقولين بالتفصيل من الالف الى الياء
قلبت ريمان عيونها وهي تصب القهوه بالكوب بدون رد
بالسياره
بادرت مرام الي قالت وهي تعطي كامل تركيزها لريمان : ايه قولي اسمعك وش صار ؟
تنهدت ريمان وردت تبي تسكر الموضوع : ماصار شي وش بيصير مثلاً
ضربتها مرام ضربه خفيفه على كتفها وهي تقول : كليتبن تقولين غصباً عنك ولا اروح لعلي واسأله اكيد صار شي لان هو اصبع رجله متعور وانتي اصابع يدينك مرضوضه يعني مافي مهرب
( مرام صايره الشايب مستقد للعمال )
تاففت ريمان وبدت تقول لمرام ايش صار من تركتها عند الباب لين جات من العرس ، بس ما صارحتها بالمشاعر الي كانت تحس فيها اكيد
اسندت مرام وجهها براحه يدها وقامت تكلم نفسها وهي تناظر من النافذه : اهاا يعني عشان كذا علي كان طول الوقت يسأل عن يدها ومهتم وانا مو داري عن هوى داري
قالت ريمان وهي تحاول تكذب الي سمعته : هاا ؟ شتقولين انتي
هزت هي راسها بنفي وسألت بخبث هي ترفع حاجب واحد : ايهه ماقلتي يعني بعد كل الي صار وبعد ما قالك انك السبب بانه يضرب نفسه بالغلط بأيش تحسين؟
ردت ريمان بفهاوه مصطنعه : بأيش احس يعني ؟
تأففت مرام وقالت مغيره الموضوع لانها تعرف انه ريمان بتكذب وبتستغبي ومارح تجاوب بصدق : ماعلينا اليوم المباراه بتروحين ؟ سألت البنات وقالوا انهم حاجزين من قبل وانا بتكون عندي تذكره من علي يعني باقي انتي ها شقلتي ؟
رفعت ريمان كتوفها وردت بتفكير : والله مدري ما اتوقع يختي صجه وازعاج اتابع من التلفريون ولا بالجوال ابرك
تنهدت ريمان ورجعت تطالع بالطريق بعد ماشافت انه مرام ماردت
______________________
