تحمحمت ريمان ورجعت على الخط مع عُلا : معليش على الصوت انا بمطعم وفيه واحد تكلم بصوت عالي الله يهديه ويصلحه
عطت علي نظره اخر جملتها وسكتت تستمع لرد عُلا
همهمت عُلا بتفهم : اها لا معليه بس آمريني وشبغيتي
ردت ريمان وهي تعقد حواجبها : انتي امس عطيتني بوكس حلا صح ؟
قالت عُلا باستغراب : اي ليه وشفيه ليكون مو حلو
رفعت ريمان حواجبها وهي تطالع بمرام : هو مو على سالفه حلو ولا لا ليته على ذا السالفه
عُلا بنبره تساؤل : ها اجل وشفيه
زمت ريمان شفايفها وتنهدت : امس ذقته وماحسيت بنفسي الا وانا توني صاحيه قبل ساعتين يمكن انتي متأكده من اخوك ؟ لانه فيه 55% من الكحول
شهقت عُلا شهقه مسموعه للثلاثه وردت بعدها بصدمه : يبنت تمزحين ولا منجدك؟ شلون فيه نسبه من الكحول اخوي يوم سافر شافه بمحل مشهور الكل يشتري منه وجربه وكان دايم مزعجنا فيه
ردت ريمان باستغراب : طيب ؟ واذا ذاقه يعني ماكان يحس انه سكران ولا كيف ؟ وانتوا ماذقتوه ولا جربتوه ولا وش الوضع مخي راح فيها
ردت عُلا وواضح انها مخروشه : مدري والله احنا ماذقناه على اساس جايب معه بوكسين واحد لنا وواحد له ويوم جا وقت زورتكم ما امدانا نشتري شي وقلنا عيب نروح ولانجيب شي ف قررنا نجيب الحلا معنا ونخليه هو يجيب لنا بعدين وغير كذا مادري هو ساكن لحاله بلندن عشانه مبتعث
( اه يالندن علامه وكيف حاله هههه عذراً على الفصله ماطلعتها الا عليكم)
تنهدت ريمان بحيره وتكلمت بعدها : اسمعي الحين بخليك روحي تفاهمي معاه وعطيني العلم الزين
ودعتها عُلا وسكرت
ولفت على مرام علي : اي وش بتطلبون
قالت مرام وهي تطالع الايباد الي فيه المينو : والله الي بتطلبونه اطلبوه لي انا بعد الجوع ذابحني ما اقول لا
تنهدت ريمان وهي تسند راسها براحه يدها : انا ابي سلطه
لف علي وهو معقد حواجبه : جعل الله يسلط على عدوي جن العالم كله يعني ذا غدا الحين ؟
لفت علي ريمان مستغربه : شفيك كلتني بقشوري وجع توني كنت بقول ابي برقر دجاج لاتخليني اكنسل
طالعها علي من فوق لتحت : ايه بعد احسب وحتى لو كنسلتي بتاكلين غصب
رفعت ريمان حواجبها وطالعت فيه بعناد : لا والله ؟ قل قسم اجل عناد بس بطلب سلطه وبشوف وش بتسوي
