صحت ريمان من النوم الفجر صلت وقومت مرام الي كانت بسابع نومه تصلي واكيد مانست البنات دقت عليهم لين ماتأكدت انهم قاموا ورجعت نامت
صحتها مرام على الساعه 7 الصباح وهي تقول : قومي ريمان بسرعه تأخرنا
تأففت ريمان وردت وهي تبعد الغطا : تأخرنا على ايش ياخلف حظي ليكون مضيعه ترا اليوم جمعه مافي دوام
قالت مرام وهي تبعد الغطى كله عن ريمان : لا مو قصدي الدوام امس كنت متفقه مع بنت خالتي ساره نروح الحديقه الي بالحي لان بيتها قريب من بيتي ولانها بتنشغل العصر مايمدي فقلت نروح الحين واكيد مابروح لحالي قلت اجلسك تجين معي
قامت ريمان وردت وهي تلبس شبشبها : ومتى كنتي ناويه تقولين يعني ماقلتي الا وقت الطلعه
ردت مرام وهي طالعه من الغرفه : شدراني انه مدام نفيخه بتطردك من السكن
رفعت ريمان حواجبها وردت وهي تتخصر : يعني لو ماطردتني كان ماقلتي لي اجي معك صدق مصلحه بعدين عادي حتى لو ماقلتي مو ميته على حديقتكم اقعد اقرا لي كتاب ابرك
صرخت مرام الي كانت بغرفتها : تركي الفلسفه وروحي تجهزي ساره قالت ساعه الا ربع وتكون بالحديقه
سفهتها ريمان ودخلت الحمام تروشت على السريع وطلعت لبست لها جينز اسود وبلوفر كحلي واسع جففت شعرها وخلته طايح على كتوفها ولا حطت غير مسكرا ومرطب ماتحب تحط مكياج وتجيها حكه منه
راحت الصاله ولا شافت مرام دقت عليها باب الغرفه وقالت : اخلصي علينا يابنت انا قايمه بعدك وتجهزت وخلصت وانتي تو-
قاطعتها مرام الي فتحت الباب وردت : اقول تراني مخلصه لاتسوين يعنني انا احترم المواعيد خلصي طلعي بسوي لي قهوه وبلحقك
ردت ريمان بتحسر : ياربي تجيب الشقى لنفسها قهوه ايش وستاربكس موجود امشي ناخذ لنا فطور ونمر السوبر ماركت ناخذ كم شي ينوكل لاتضيعين الوقت بقهوتك الي تاخذ سنه
قالت ريمان ولفت عشان تطلع
صفقتها مرام على ظهرها وقالت وهي رايحه تاخذ شنطتها : كليتبن بس لاتنسين اني سويتلك معاي
هزت ريمان راسها وهي تضحك وطلعت
ركبت السياره وشغلتها وتكتفت تنتظر مرام
مرت خمس دقايق وبعدها طلعت مرام ركبت السياره وقالت بسرعه : اخلصي بسرعه حركي لانتأخر
هزت ريمان راسها وردت تعشق السياره عشان تمشي : طيب طيب مب طايره بنت خالتك مدري على ايش مستعجله
