بدت تلعب معه ومن الواضح انه ليلها طويل كل ما خذت الكوره رجع خذها ماتقدر تستحوذ عليها لمده دقيقه بس
وقفت بنص اللعب وهي تحط يدينها على خصرها بتعب
وقف علي معها وقال وهو يبتسم ويسند رجله بالكوره : المفروض منزمان تستسلمين من الحين واضح مين بيفوز
رفعت ريمان حواجبها مو عاجبها الكلام وتقدمت مستغله انه مفهي ومو مركز ، شاتت الكوره برجلها وبعدتها عن رجله وراحت تركض عشان تاخذها
لحقها علي وهو يقول : اصبري مايصلح ماقلتي لي انك بتكلمين لعب خير
تجاهلته ريمان وكملت لعب تركض متجهه للمرمى حقه ناويه تسجل ركض علي لين صار قريب منها وبوسط ماهو يحاول يستحوذ على الكوره
لاحظ مرام جايه ومعها حميد وقف وتوجه لهم وهو يقول : كان نمتوا احسن
استغلت ريمان الفرصه وسددت الكوره فالمرمى واخيراً جابت اول هدف
التفت علي على صوت الكوره وهي تصقع بالمرمى
تنهد وقال باعتراض : هي خير ماصدقتي على الله انتي اصبري
رفعت ريمان كتوفها ويدينها يعني مالي دخل
قلب علي عيونه ورجع لحميد الي كان معه التيشيرت اخذ من مرام القلم وثبت التيشيرت بيد بمساعده حميد واليد الثانيه ماسك فيها القلم
فتح القلم ووقع ومد التيشيرت لحميد
اخذه حميده والابتسامه شاقه وجهه ناظر لريمان الي كانت متكتفه وتناظر لهم من بعيد
ركض لها وضمها بقوه وهو يضحك بادلته وقالت باستغراب وهي تبتسم : مو المفروض تضم علي ؟ هو الي معطيك التيشيرت ترا
رفع حميد راسه وقال : عادي اضمك لانك انتي الي جبتيني له
تنهد علي وهو يقول بداخله " ماكنت اظن اني بتمنى اكون مكان بزر بس شكلها صارت "
قاطع الحوار صوت جوال مرام الي يرن
ردت وكانت ساره الي قالت بتساؤل : ورعه وين رحتوا يلا العشا بيجي بعدين ورعي قام ويصيح يدور ريمانو خليها تجي قرفني بعيشتي
رفعت مرام حواجبها لريمان الي كانت تستمع لكلام ساره بسهوله بسبب الهدوء
قالت وهي تهز راسها وتمشي ناويه تروح : امشي يالشخصيه المهمه ورعها يبيك يصيح والعشا شوي ويجي
هزت ريمان راسها وقالت بغرور : ادري شخصيه مهمه منزمان اساساً
انهت جملتها وهي ترفع حاجبها وتناظر لحميد وتسأل : ولا شتقول انت؟
