بالطريق وكان الهدوء يعم المكان تكلمت ام ريمان وقالت وهي تبتسم
: ماقلت لك ياريمان مين بيجينا واخيراً
عقدت ريمان حواجبها بفضول وردت وهي تبتسم : منهو ؟
قالت ام ريمان وهي تلتفت بفرحه : العايله الي كانوا ساكنين جمبنا ونقلوا ام خالد اتصلت علي اختها بعد انقطاع 6 سنين وقالت انهم بيزورونا بعد يومين واختها ام خالد تفكر انها تخطبك لولدها
سكتت ريمان لمده تعيد الجمله براسها وتعيدها مره ومرتين وثلاث وتتكر كلمه ام خالد عليها اكثر ام خالد خالد !! وتخطبها لولدها !!!!
وقفت السياره على جنب بعد ما استوعبت انها كانت بتصدم بسياره من صراخ امها
قالت ام ريمان باستغراب وخوف من حال ريمان الي تغير 180 درجه بثانيه : وشفيك يابنتي لهدرجه مصدومه لهدرجه اشتقتي لهم !
تملكت ريمان رغبه كبيره جداً بالضحك وقالت براسها " اشتاق ! ويننن يا امي اشتاق الشوق يمين وانا يسار وكيف اشتاق للي كان كابوسي الي كان اكثر شي اهرب منه ومابي اواجهه واكثر شي اكرهه وشلون اشتاق لمن دمر طفولتي !! والي جايني بعد كل الي صار يبي يخطبني مفكر اني بوافق ؟!!!"
تنهدت ريمان وردت بهدوء : لا يما بس استغربت كيف فجأه قرروا يجون بعد مده المهم الله يحييهم
كملت ام ريمان وهي تبتسم : ماعلينا انتي فكري بالموضوع واستخيري
سكتت ريمان ولا ردت على جمله امها الاخيره وحركت السياره وهي تتمنى يصير اي شي اي شي بس مايجون او مايجي هو بالذات
وصلت ريمان امها ومحمد للبيت وتعذرت بأنها بتروح للبيت حق مرام تاخذ اغراض لها
واتجهت للبحر المستمع الاول لها ولهمومها ولكل شي محد يقدر يفهمه
عند علي وصالح الي كانوا بمقهى يسولفون
قال صالح الي كان يضحك على علي الي مفهي وهو يذكر ابتسامه ريمان له : حبيبنا وراك فهيت خلاص ندري انه ابتسامتها حلوه
رد علي بعد ما استوعب جمله صالح وهو معقد حواجبه : وشو وشو شقلت تدري انه ابتسامتها حلوه ؟!
تحمحم صالح وقال : من قال انا قلت ! غلطان غلطان يالغيور
طالعه علي من فوق لتحت وكان بيرد لولا صوت جواله الي يرن
طالع بالاسم وكانت مرام
اخذ الجوال ورد
قالت مرام قبل لايبدا يتكلم : اخونا بالله بعطيك رقم ريمان واتصل عليها
