: شفيك ساكته يابنت ؟
سأل علي الي استغرب من سكوت ريمان المفاجئ بعد ماسألها اول ماردت على الاتصال
" ليكون ماغلطت وانا اكتب اسمك بس ؟ "
مسحت ريمان دموعها بهدوء تكتم شهقتها : لا معليك مافيه شي
ولأول مره تطلع دموعها من بعد كتمان لسنين ، سنين طويله كابرت وزيفت فيها القوه ، كانت اخر مره نزلت فيها دمعتها على وفاة عمتها قبل 4 سنين ، من بعدها وقناع القوه ما انشال من عليها ، لاول مره تحس بهاذي المشاعر كل شخص كانت تقابله غريب بعيد والاهم لو كان " ذكر "
ماتقدر تتقبله ماتقدر تتقبله حتى لو كان اخوها او ابوها انعدام الثقه ملازمها من اول موقف لها مع خالد كل شخص كان يحبها حتى لو حبه نقي مثل حب اخوها لها او حب خالها او ابوها اي شخص يقرب لها ومحرم لها ،
ماكانت قادره تحس بمشاعرهم الصادقه والنقيه اتجاهها كل الي تعرفه انهم يحبونها حب قذر وبس ماتقدر تحس بمشاعر غير هاذي من اول خيانه لها ، خيانه خالد
لكنها ولاول مره من بعد سنين طويله قدرت تحس بمشاعر نقيه وصافيه مو مشاعر قذره ونيه اقذر ، والمشاعر هذي كانت من او مع " علي "
عقد علي الي بالجهه الثانيه حواجبه بعد ما حس بسكوت ريمان الغريب وردها الاغرب : متأكده؟
ابتسمت ريمان وهي تهز راسها وكأنه يشوفها : متأكده
تنهد علي وهو مو متطمن لكنه تجاهل شعوره وقرر يتفاهم معها بوقت ثاني : ماقلتي لي شرايك بالهدف ؟
سأل علي وهو يبتسم بخفه
سكتت ريمان لدقيقه وهي تتذكر احتفاليته وعيونها تلمع : هممم حلو وجداً....... زيك
( كللولولولولولولويششش مابغيناااا )
اتسعت ابتسامه علي اكثر وضحك بخفه وكأنه مو مصدق : انتي ريمان الاصليه ولا ريمان تقليد ؟
( الولد مفكر نفسه يحلم من كثر الصدمه )
ضحكت على رده فعله بوسط دموعها : لا ريمان الاصليه
زم علي شفايفه بتفكير يبي ينتهز الفرصه : ابي اتأكد
حكت ريمان راسها باستغراب : و وشلون بتتأكد ان شاء الله
ابتسم علي بخبث وهمس بنبره لعوبه : ابيك تعيدين الي قلتيه
قلبت ريمان عيونها من انتهازه للفرصه الي واضح منزمان ينتظرها : هممم حلو وجداً.... ها رضيت ؟
رفع حواجبه باعتراض : اقول اقول قلتي كل شي الا اهم نقطه
ردت ريمان بغباء مصطنع : اهم نقطه
