8:22
عقدت حواجبها بإنزعاج من صوت الجوال الي يرن رفعت راسها وهي تدور بيدها لين مامسكته وملامح الالم معتليه وجهها ماتقدر تحرك يدينها بسبب الجروح الي مابعد تلتئم
مسكت الجوال ورفعته وشافت مرام يتصل بك
تنهدت وقامت وهي تحط الجوال بإذنها بعد ماردت
بادرت مرام وقالت : الو هلا كيفك
قالت ريمان وهي معقده حواجبها : مو بخير الواحد ماينام يعني الله يهديك خربتي علي نومي وشبغيتي فيك شي
ناظرت مرام بعلي الي كان جالس معها من فوق لتحت بمعنى سمعت وش تقول؟
ردت بعتاب : وشدعوه عاد ريماني حرام نسأل عنك وعن اخبارك بعدين عادي وشفيها اذا قومتك مايصلح طول الوقت نايمه قومي شوفي حياتك شوفي وش لك وش عليك صح مافي دراسه واجازه لين يصلحون الاشياء الي تعطلت بالجامعه بس برضو قومي صلي قابلي ربك اكلي لك كم لقمه
تنهدت ريمان وقالت وهي تناظر الساعه الي معلقه بجدار الغرفه : لا مو حرام بعدين عادي وشفيها اذا نمت خليني ارتاح من الجامعه وغثاها واذا على الصلاه ما علي صلاه يحبيبتي وحتى لو علي احط منبه لاتخافين مايحتاج احد يصحيني زيك
دقت مرام علي برجله وهي تناظره وودها تهبده لان محد غيره صجها عشان تدق على ريمان وتشوف وش اخبارها مع انها توها الظهر كانت عندهم
قالت تحاول تضيع الموضوع : طيب يحبيبتي معليك خلاص العذر والسموحه خلينا من ذا الموضوع امي عازمتك انتي وامك بكرا على العشاء وملزمه علي الا اقولك واقنعك تجين
مدت ريمان شفايفها بتفكير وردت بعد مده بفهاوه : انا ؟
قال علي بصوت مسموع : لا ان-
ماكمل جملته الا ومرام صافقته وحاطه يدها على فمه
قالت بصوت خفيف وهي معصبه : سد حلقك لا ادخل اصابعي بعيونك
رجعت ناظرت الجوال وردت: اي يحبيبتي يعني من غيرك
عقدت ريمان حواجبها وقالت : مرام فيه احد جمبك ؟
ضحكت مرام تحاول تضيع الموضوع وقالت : لا شدعوه مين بيكون جمبي يعني بعدين شسمه ها شقلتي بتجون ولا لا
رمشت ريمان اكثر من مرا وهي تحاول تقنع نفسها انه الصوت الي سمعته مجرد وهم : تمام تمام معليك بقول لامي مع السلامه بروح لأبراهيم يناديني
