بعد سنه ونص
ف الغرفه قاعدين مع بعض ويتناقشون نقاش ماله نهايه زي دايم
خيرر على كيفك الوضع!
نطق علي باعتراض لها
ردت ريمان وهي تعقد حواجبها بعصبيه : بهفك ترا ! تقول لي اليوم ايش اقولك الاثنين وتزعل ؟ تتكلم بالالغاز وتبيني افهم !!
طالعها هو من فوق لين تحت وطلع زعلان متجهه للمطبخ يشرب ماي يبرد على نفسه
وقف عند باب المطبخ اول ماشاف صندوق ازرق على طاوله المطبخ ملفوف عليه شريط ابيض
تمتم باستغراب وهو يقرب منه ويتفحصه يدور اي كرت عليه : من جابه ذا ؟
لمح كرت ابيض بوسط الصندوق بين الشرايط وسحبه يقلبه بتفكير مين صاحب الهديه ومين حاطها اساساً
فتحه بتركيز وبدا يقرا المكتوب بصوت خفيف : وانت مصدق يالهطف اني ناسيه يوم ميلادك؟
تغيرت ملامح وجهه من استغراب لأبتسامه اعتلت ملامح وجهه
حط الكرت على جنب وبدا يفتح عُقد الشرايط بفرح
فتح الكرتون ووقف يتأمل الي بداخله لدقايق
تيشيرت وشورت الهلال لبزر ؟
همس علي باستنكار لان الواضح ان الملابس لشخص مايتعدى عمره الشهور
قاطع تفكيره ريمان الي وقفت جنبه بابتسامه خفيفه ونطقت وهي متكتفه : وشرايك؟
ابعد علي الكرتون بعدم رضا وجلس على الكرسي وهو يرد : مالك داعي يا ريمان وشذا المفروض ذي هديه يعني؟
زمت ريمان شفايفها بضحكه مكتومه ومدت يدها تبعد التيشيرت وتاخذ شي تحته
تنهد علي الي متكتف بزعل وهو يطالع ريمان تمد له جهاز يشبه جهاز قياس الحراره
عقد حواجبه بعدم فهم : شدخل حاطه مقياس الحراره ؟ غلطانه يالاخت
تنهدت ريمان بتعب وقربت الجهاز من وجهه اكثر
تأمله علي لدقايق لين مابدا يستوعب وملامح وجهه قلبت
قام من مكانه وسحب الجهاز من يدها يشوف ايش فيه
تحت نظرات ريمان الي ابتسامتها بتشق وجهها على ردة فعله
قلب علي نظراته مابين ريمان والجهاز وهو يأشر على بطنها بصدمه
