[Zawgyi]
Extra 3
စာသင်နေရင်း ဖုန်းမှ message သံဆက်တိုက်တက်နေ၍ ခိုင် မိုက်ကလေးချကာ
"ခနလေးနော် ကလေးတို့"
ဖုန်းကိုဖွင့်ကြည့်လိုက်ရာ ပို့နေသူမှာတွယ်တာ။
"စံပယ်နှစ်ပွင့်ထရံကာ တကယ်ချစ်ရင်စာပြန်ပါ"
ပို့ထားသည့်စာကိုမြင်တော့ ခိုင် ပါးစပ်လေးအုပ်ကာရယ်မိလေသည်။
သို့သော် ခိုင်ဘာမှပြန်မရေးဘဲ ဖုန်းပါဝါပိတ်လိုက်ပြီးသင်စရာရှိတာဆက်သင်နေလိုက်၏။
တွယ်တာ ခိုင့်ကို လက်ထပ်ခွင့်တောင်းခဲ့တာ ၁လပင်ပြည့်တော့မည်။ တွယ်တာ့ မ်ိဘများက မန္တလေးတွင်ပဲနေဆဲဖြစ်ကာ တွယ်တာကတော့ယခင်နေခဲ့သောရန်ကုန်မှအိမ်တွင်သာ အိမ်အကူများဖြင့်နေ၏။
ခိုင်လည်းတွယ်တာ့ အိမ်သို့မကြာခနရောက်ဖြစ်ပါသည်။ မနက်ဖြန်သည် တွယ်တာ ခိုင့်ကိုတရားဝင်ပိုင်ဆိုင်ရတော့မည့်နေ့ဖြစ်သည်။
ခိုင်ကအကျယ်မချဲ့လို၍ သူမတို့မိသားစုတွင်းသာပွဲအသေးလေးလုပ်မည်ဟုဆို၏။
သူမစာများကို ခိုင်ကဘာမှပြန်မပြော၍ တွယ်တာ ဖုန်းလေးကိုကြည့်နေရင်းမှ သရေတာဘက်ဦးတည်လိုက်လေသည်။
တွယ်တာ သရေတာနောက်ဆုံးတန်း၌ထိုင်လိုက်ကာ စာသင်နေသော ခိုင့်ကို အားရပါးရ ငေးနေမိ၏။ မမြင်ခဲ့ရသော နှစ်များအတွင်းခိုင်သည် ပိုလို့ပင်လှလာသလို။ ခန္ဓာကိုယ်အချိုးအစားမှာလည်းပြောင်းလဲခြင်းမရှိဘဲ ယခင်ကဲ့သို့ပင်သေးသွယ်လှပနေဆဲ။
လွန်ခဲ့သော ၄နှစ်ကျော် တွယ်တာ့ဘဝ တက္ကသိုလ်ပထမနေ့၌ သူမနှလုံးသားကို မတော်တဆ ခလုတ်တိုက်သွားခဲ့သည့် ခိုင် ဟူသော နာမ်စားလေးသည် ယခုတိုင်ထိ သူမနှလုံးသားကိုတိုးဝှေ့နေဆဲပင်။
တွယ်တာ ငေးကောင်းကောင်းဖြင့်ငေးနေတာ ခိုင်စာသင်လို့ပြီးသွားမှန်းပင်မသိလိုက်။ ကလေးများက ထပြီးနှုတ်ဆက်တော့မှ သတိဝင်ကာသရေတာရှေ့စာအုပ်သိမ်းနေသော ခိုင့်အနားကိုအပြေးသွားလိုက်ပြီး ခိုင့်ထံမှအိတ်ကလေးကိုလှမ်းယူလိုက်ကာ
