[Zawgyi]
၂၈
နံနက်ဆိုလျှင်စောစောနိုးတတ်သည့်ခိုင် ယနေ့လည်း ထုံးစံအတိုင်း ၆နာရီလောက်တည်းကနိုးနေ၏။
ညကတစ်ညလုံးတွယ်တာ အဖျားပြန်တက်မလားတွေးနေမိသလို အိပ်ယာနိုးသည်နှင့်လည်း တွယ်တာရောသက်သာရဲ့လားဟု ပူနေမိပြန်သည်။
ယနေ့ ခိုင်အတန်းဝင်ရန်မရှိသဖြင့် ကျောင်းမှစောစောပြန်ပြီး တွယ်တာ့ အိမ်ကိုသွားရန်တွေးထားသည်။ တွယ်တာ လက်ကလည်းယောင်နေသဖြင့် ကျောင်းကိုမလာစေလို။
တွယ်တာ့ကိုဖုန်းဆက်မည်လုပ်တော့ အချိန်က၇နာရီမထိုးသေးရာ တွယ်တာအိပ်ရေးပျက်မည်စိုး၍ ခိုင် မျက်နှာသစ်ရေချိုးရန်အရင်ပြင်ဆင်လိုက်သည်။
ခိုင်မျက်နှာလှလှလေးအား မိတ်ကပ်ခပ်ပါးပါးလေးလိမ်းခြယ်နေတုန်း ပွန်းပဲ့ဒဏ်ရာလေးအချို့မှ ကျန်ခဲ့သည့် အမာရွတ်ခပ်သေးသေးလေးများကို မြင်တော့ accident ဖြစ်ခဲ့သည့်နေ့ကိုသတိရမိသွားပြန်သည်။
သူမဘဝ၏နောက်ဆုံးအချိန်ဟု ထင်ခဲ့သည့် ထိုအခိုက်အတန့်လေးတွင် ခိုင့်ရင်ထဲနောက်ဆုံးတမ်းတမိသည်က တွယ်တာဟူသော နာမ်စားလေးပင်။
ထိုအကြောင်းတို့ကိုတွေးမိသည်နှင့် ခိုင့်နှလုံးသားနေရာမှ တစ်ဆစ်ဆစ်ခံစားလာရသဖြင့် ခိုင် အတွေးစ တို့ကိုဖျောက်ဖျက်လိုက်ကာ အဝတ်လဲခန်းတွင်းသို့ဝင်သွားလိုက်သည်။
တစ်ကိုယ်လုံးပြင်ဆင်ပြီး အချိန်ကြည့်လိုက်တော့၈နာရီဝန်းကျင်မို့ ခိုင် တွယ်တာ့ကိုဖုန်းဆက်ကာ ကျောင်းမလာရန် မှာပြီး ခိုင်ကျောင်းသို့ထွက်လာခဲ့သည်။
မမလတ်က အလုပ်ရှိသဖြင့် အိမ်တွင်မရှိ။ဒါရိုက်ဘာခေါ်သွားရန်မှာထားခဲ့သော်ငြား တွယ်တာ့ ထံသွားရမည်ဖြစ်၍ ခိုင်ကိုယ်တိုင်ပင် ကားမောင်းထွက်ခဲ့လိုက်သည်။
~~~~~
"အရမ်းကြည့်နေတာ မနေတတ်တော့ဘူးနော်"
ကျောင်းသွားရန်ပြင်ဆင်နေသည့် သူမအား ဖြိုးက ထိုင်ငေးနေ၍ နွယ်ချောင်းလေးဟန့်ကာသတိလှမ်းပေးလိုက်၏။
နွယ့်စကားကြောင့် ဖြိုး မေးလေးထောက်ရင်းငေးနေရင်းမှ
"ဘယ်လောက်ကြည့်ကြည့်ကို ကြည့်လို့မဝဘူးတီချယ်ရယ်"
