اعانق أمانيكَ مهما ذَقتَ مِن تعب من ذا الذي نالَ مايهوى بلا تعب !

الجز 2

.
الجزء الثاني
.
جمانه وهي تشوف نواف كانت عيونه كلها دموع وكان مايبي يبن لها انه خايف عليها وفجاة قالت لنواف وهي تبكي من التعب
جمانه :  له نواف فيك شي
نواف : لا مافيني شي
جمانه ويوم اخوانها رجعونها لكرسي وقعدت تنهار اكثر واكثر من قبل وفجاة شافت نواف كان يبكي ان كانت تتالم
جمانه : نواف انا مافيني الا العافية تطمن
نواف : جمانه ماراح اتطمن عليك الا الين نشوف الدكتور وش يقول
يوم دخلو المستشفى وراحو لدكتور واخوانها
عشان يعرفون وش صار لجمانه
الدكتور : لازم اشاعة عشان نتطمن عليها
محمد  : تمام
جمانه يوم دخلت الاشاعه كانت تذكر ربها وتدعي ان مايكون فيها شي ويوم سوت الاشاعه وطلعت من الغرفه
الدكتور : هو شي بسيط بس بنعطيها كريم وعلاجات زياده غير الي صرفتها قبل شوي
كان نواف واقف جنب جمانه و اخوانها قدامها وكانت تسمع نواف وش يقول
نواف بهمس : الحمدلله ان مافيك شي لو فيك شي كان اعطيتك روحي
جمانه كانت تسمعه وكان صوته خفيف مره وهنا هي استحت من داخلها والدكتور صرف لها علاجات ويوم طلعو من المستشفى 
نواف : الحمدلله مافيك شي
جمانه : أي الحمدلله
ويوم كانت تقوم من الكرسي كانت تتالم بقوه و رجعت تبكي من كثر الم و نواف لف وجه عشان يبكي عشان مايبي ان جمانه تشوفه وهو يبكي وهي  كانت اقول من داخلها : نواف لاتبكي ترا اذا شفتك تبكي اتضايق
وكانت تمسك صيحته عشان مايبكي ولف عليها وكانت عيونه كلها حمرا ويوم ركبت
محمد : نواف معك سياره ولالا
نواف : لا والله مامعي خذتها اختي
عبدالرحمن : اجل تعال نوصلك
معنا
نواف : لا والله ما ابي اشغلكم
عبدالرحمن : لاعادي
يوم ركب نواف السياره راحت جمانه ترسل له في الواتس
جمانه : نواف وشفيك تو تبكي وكانت عيونك حمرا فيك شي ولالا علمني ولا تخوفني عليك
نواف : لا ياجمانه مافيني الا عافيه انتي الي ظهرك لما الحين يعورك ولالا
جمانه : يعني شوي يعورني
نواف : جعله فيني ولا فيك
جمانه : لا يانواف لاتقول كذا
ويوم قفلت جوالها حطت راسها على اخوها محمد بعدين دق عليها خالها
نايف : جوجو وشفيك سمعت انك اليوم في المستشفى
جمانه : لا مافيني شي بس تعبت و رحت المستشفى
وفجاة في نص المكالمة قعدت تصارخ من الم في ظهرها وقعدت تصيح بعدين اخوها عبدالرحمن وقف السياره و نواف و اخوها عبدالرحمن فتحو الباب الي عندها
عبدالرحمن : وشفيك
واخوها محمد خذ جوالها ويرد على خاله
نايف : وشفيها جمانه لايكون فيها شي
محمد : لا مافيه شي بس تعبت من ظهرها شوي
نايف : وينكم فيه بجي الحين
محمد : خالي لا تجي جمانه مافيها شي اذا بتجي تعال بيتنا ولا تقول لل امي شي ولأ توضح لها
نواف : جمانه وشفيك لايكون فيك شي قولي وشفيك
وعبدالرحمن كان يضرب نفسه : انا سبب انا سبب
اخوها محمد نزل لعبدالرحمن
محمد : عبدالرحمن اهجد خلاص مافيها شي
ويوم نواف قعد تنزل دموعه قعدت ترفع راسه
جمانه :  نواف لاتصيح ترا بتخليني ابكي
نواف : لا تبكين خلاص شوفي مسحت دموعي
جمانه هنا قعدت تصيح وكانت بتموت وكانت تشاهق بدون ماتتنفس وأخوانها ودوها المستشفى
نواف : محمد سق بدال عبدالرحمن وانا بمسك جمانه
محمد : تمام
نواف : تكفين جمانه تنفسي حاول انتي قويه انتي مو ضعيفة انتي قويه
جمانه مسكت يد نواف : لا تخاف علي انا بكون قويه
وكانت ماسكه يده بقوه وفجاة داخت وطاحت في حضنه وقعد يصحيها محمد مقدر وسرع في سرعه وكانت جمانه تتنفس بقوه و دموعها تنزل من عيونها ويوم وصلو المستشفى
نواف : انا بشيلها انتو يكفي انكم ماتقدرون
محمد : انا بشيلها
نواف : محمد خلاص اعقل يكفي انك تعبان
يوم دخلو المستشفى كانت جمانه ترجف ويوم حطوها على سيرير
الدكتوه : وشفيها
نواف شرح لهم كلشي
الدكتوره :  لازم اشاعة
ويوم دخلت جمانه الاشاعة قالو نفس كلام الدكتور الي قبل ويوم طلعت من المستشفى وكانو اخوانها يخلونها توقف عشان تنزل وكان نواف يساعد محمد وكان نواف يصيح وهو ماسك الغصه ويوم ركب قدام مع محمد الا ترسل له جمانه
جمانه : نواف ليه تصيح ترا كذا تخليني اتعب زياده
نواف : لايروحي خلاص ماراح ابكي عشانك بس
بعدين يوم قفلت جوالها وحست انها بخير و يوم وصلو نواف
لبيتهم
نواف ارسل لجمانه : جمانه ارسلي اذا وصلتي بيتكم
جمانه : تمام برسل لك ويوم وصلت البيت ارسلت له
نواف : تمام
جمانه : يوم دخلت البيت راحت تحضن خالها على طول
نايف : اقعدي ارتاحي لاتقعدين واقفه
يوم جمانه قعدت : ابي ارتاح في غرفتي
نايف : انا بوديك غرفتك
'يوم دخلت الغرفة قعدت على سريرها و تتالم مرههه بعدين يوم اكلت اعلاج حقتها وخلصت ويوم خالها تطمن عليها طلع من الغرفه راحت تغير ملابسها وقعدت تابع جوالها وتجيها رساله رابط من نواف الرابط ويوم فتحت رابط هنا قعدت جمانه تتسم
جمانه : ياخي مدري وش اقول لك
ويوم قفلت جوالها نامت بعدين يوم صحت راحت تشوف اهلها مو في البيت وبعدين طلعت لـ حديقة الي في بيتهم وفجاة يدق باب البيت
وتجيها باقة ورد وابتسمت
جمانه : الله يجنن الورد
ويوم قرت الكرت مكتوب (الحمدلله على سلامه وماتشوفين شر ياروح خالك نايف ) وراحت تدق على خالها
جمانه : ليه يا خالي كلفت على نفسك يكفي وجودك بحياتي كلها
نايف : ياعيون خالك انتي تستاهلين اكثر مو كذا بس شلونك الحين طيبه ولالا
جمانه : أي الحمدلله احسن من قبل
خالي نايف : الحمدلله
ويوم قفلت من خالها فجاة باب البيت ينفتح ويدخلون عليها اخوانها ومعهم كيك و هدايا وقعدت جمانه تنزل دموعها وبعدين حضنت اخوانها
جمانه : ليه كل هاذا كله
عبدالرحمن : انتي تستاهلين اكثر ياعيون اخوانك
ويوم احتفلوا وخلصو
جمانه :  عاد الحين ابي اطلع
محمد : تم ماطلبتي شي
وراحت تلبس عبايتها ويوم طلعو وركبت السياره ركبت قدام مع اخوها محمد وبعدين راحو مكان قعدت تهوجس وتفكر في نواف من بعد الي صار له اليوم بعد ماكان يبكي عليها وهي كانت تقول
جمانه بينها وبين نفسها : ان صار له شي انا سبب
وبعدين اخوانها شافوها تفكر
محمد : وشفيك تبكين
جمانه : لا مافيني شي
وقعدت تمسح دموعها وبعدين راحو يشترون فهوه
جمانه : ابي ارجع البيت عشان عندي بكره تقديم مشروع
وابي ازين المشروع الحين و اعدل عليه
عبدالرحمن : تمام بنرجع الحين
ويوم رجعو ويوم بينزلون من السياره كانت تفكر في نواف وكنت
جمانه : نواف فيه شي مستحيل مافيه
شي ويوم دخلو البيت راحت غرفتها على طول وقعدت تزين المشروع حقها و يوم خلصت راحت تجهز أغراض حقت بكره و كانت تجهز البس حق بكره وراحت لسريرها وكانت تفكر في نواف
وراحت ترسل له
جمانه : هلا نواف كيفك اخبارك كيف امورك وكيف حالك
نواف : طيب الحمدلله انتي كيفك كيف ظهرك الحين لما الحين فيه الم ولالا
جمانه : شوي يعور مو مره
نواف : ان شاء الله يخف عليك واهم شي ارتاحي اي كلتي علاجك ولالا
جمانه : اي كلتها الحمدلله
نواف : كويس يلا ما ابي اطول عليك مع سلامه
جمانه : مع سلامه
ويوم قفلت جوالها نامت بعدين صحت على صوت الاذان الفجر  وبعدين تجهزت و زينت لها قهوة وكانت تحتري اخوها سلمان يوديها الجامعة ويوم طلعو من البيت و ركبو السياره 
سلمان : كيف تحسين نفسك الحين
جمانه : احسن الحين الحمدلله
اخوي سلمان : الحمدلله
جمانه قعدت تشرب قهوة حقتها بعدين حطت راسها على الشباك وقعدت تفكر في نواف وبعدين غمضت عيونها وبعدين اخوها صحها وصلت الجامعة على ساعه 7:30 وهي عندها كلاس على ساعه 8:30 بس طلعت بدري عشان تشوف صديقتها في مكتبه ويوم وصلت الجامعة ودخلت و شافت صديقتها ساره و بعدين راحت تحضنها
جمانه بغصه :  اهخخ يا ساره
جمانه : امس كان متعب ياليت كنتي معي
ساره : وشفيك جوجو ليكون فيك شي وانا ما ادري علميني
جمانه : تعالي نقعد في المكتبه واقولك
ساره : يلا تعالي
ويوم دخلت المكتبة قعدت هي و ساره تقول لها كل شي
ساره : ياروحي انتي يا جوجو طيب ليه ماقلتيا لي على طول اجي اتطمن عليك
جمانه : والله نسيت وكنت ابيك مره وحتى يوم طلعنا من المستشفى واخواني كانو يقولون لي وقفي عشان نركبك السيارة وكنت ماقدر اقوم وكنت اصيح و كان نواف معنا وكانت دموعه تنزل وبعدين لف عشان يبكي بعدين ناظر فيني وقلت له يا نواف شفيك قال مافيني شي وكان يساعد اخواني عشان اقوم وبعدين انا من يوم وصلنه البيت وانا مو مرتاحة احس فيه شي وبعدين ارسلت له وتطمنت عليه
ساره : اهخخ صدق ياليت كنت معك كنت راح اعطيك صحتي و اخذ تعبك
جمانه : لا عادي يا ساره
بعدين فجاة يدخل عليهم نواف وسكتوا بعدين يوم شافها مداومه انصدم و ارسل لها
نواف : جمانه ليه داومتي كان غبتي لانك تعبانه
جمانه : لا عادي واساس عندنا اليوم مشروع تقديم و لازم انا اشرح المشروع
نواف : تمام و شوفي اي شي تبينه او اذا تعبتي ارسلي لي عشان اجيك تمام
جمانه : تمام راح ارسلك
بعدين راحو الكلاس لان مابقى شي و تبدا ويوم راحو دخلو وقعدو
وكان الدكتور يشرح لهم وبعد ربع ساعة حست الم في ظهرها خفيف وقالت بيروح بعدين دخل نواف القاعه عشان يعطي الدكتور مشروع حقه بعدين جمانه مسكت يد ساره بقوه و كان نواف يناظر فيها وفجاة قعدت تصارخ وتصيح من ظهرها كان يعورها مره بعدين نواف ترك كل شي كان في يده وجاء عندها
نواف : جمانه شوفيني انا موجود عندك شوفيني لاتبكين وانا هنا يوم شفت جمانه تبكي قعدت ابكي معها ماقدرت امسك دمعتي جمانه تكفين ناظريني تكلمي لاتخليني اخوف عليك
جمانه : نواف مقدر ظهري يعورني مره أحسني بموت ما اتنفس زين
نواف : ياخي جعله فيني ولا فيك طيب انتي معك علاج حقك ولالا
جمانه : نواف لاتقول كذا اي معي في شنطه
نواف : امسكي علاج كليه وتفضلي هذي المويه
جمانه : نواف مقدر اكله
نواف : ليه ماتقدرين
فجاة يغمى على جمانه وفجاة نواف يشيل جمانه وخلاها في حضنه وقاعد يقول نواف : جوجو عيوني اصحي لاتخلين اخاف زياده عليك
ويوم مسك يدها نواف خلاص جوجو اصحي عشاني واذا تحبيني اصحي تكفين لاتخوفيني
وجمانه مافيه اي استجابة
وفجاة شال جمانه
نواف : بوديها المستشفى
دكتور : انت مو ولي امرها عشان توديها
نواف : اقول وخر عني وساره خذي اغراض جمانه و تعالي معي عشان جمانه
ساره : تمام
وكانت جمانه تسمع نواف وهو كان يركض يوديها لسياره عشان يلحق على المستشفى ويوم ركبها السياره نواف : ساره اذا تعرفين تسوقين سوقي بمسك جمانه انا
ساره : اي اعرف اسوق
نواف : تمام جمانه تكفين اصحي تكفين تكفين ان صار لك شي انا سبب تكفين اصحي
وهو يتكلم كانت عيون جمانه تنزل منها دموع وكان نواف ماسك يدها بقوه وحط يده على راسها و يقرا عليها وهو خايف عليها مرهه حتى ان يوم وصلو ا دخلني وقال حاله ضروريه بعدين يوم دخلت كان الدكتور يكشف علي
نواف : ان صار شي لل جمانه بكون انا سبب اني خليتها
جمانه يوم طلعت من طوارئ قالو اشاعة على طول
نواف : جمانه تكفين ناظري فيني تكفين فتحي عيونك تكفين لاتخليني اخاف عليك
جمانه يوم دخلت الاشاعه ويوم طلعت وكانت توها صاحيه من البنج بعدين نواف مسك يدها وقال
نواف : جمانه كيفك الحين
جمانه : الحمدلله بخير
وكانت ماسكه يده طول الوقت وكانت تبيه جنبها  وبعدين دخلوغرفه جمانه وبعدين اعطوها بنج وخذوها لل اشاعة ثانيه بعدين يوم طلعت كنت على تاثير البنج وفجاة نواف جاء ومسك يدها
جمانه : وشفيك
جمانه على تحت تاثير بنج : مافيني شي نواف
نواف : سمي
جمانه : انا احبك 
سكت معد قال شي من صدمه وبعدين
جمانه : له وشفيك
نواف : جمانه انتي لما الحين في البنج ولا  توك
جمانه : لا مافيني صحيت من البنج
نواف : اقبصي يدي عشان اتاكد اني مو في حلم
جمانه : ماراح اقبص بقوه لان اخاف
نواف : تمام
جمانه : ها قبصتك كيف تعور
نواف : لا ماتعور بس ماني مصدق إني بالحقيقة ياخي انا الي اموت فيك ياخي حبيتك من اول ماشفتك ما ابي اكذب عليك وحتى اني كل يوم افكر فيك
واخاف عليك
جمانه : ياخي مدري وش اقول لك
الدكتور : راح نعطيها مغذي ضروري
و بعدين تطلع نتيجه الاشاعه وبعدين خلاص تطلع
نواف : تمام
الدكتور : نواف تعال ابيك في موضوع
نواف : تمام الحين جاي
الدكتور : نواف شف جمانه الحين هي ماصحت من البنج توها يعني اي شي قالته وهي تحت تخدير يعني هي مو في وعيها
نواف : تمام يادكتور معلي من هاذا بس طمني عنها كيف حالها
الدكتور : مافيها الا عافيه بس لازم ترتاح واذا كان عندها دوام ماتروح عشان تاخذ راحتها وعشان ظهرها مايتالم ثانيه
نواف : تمام يادكتور شكرا الله يعطيك العافية
ساره : جمانه اصحي
ويوم صحت من البنج جت صديقتها ساره وهي تضحك على جمانه
جمانه : ساره وشفيك قولي
ساره : جمانه انتي جبتي لل نفسك العيد
جمانه : ليه وش سويت
ساره : وانتي في البنج كنتي ماسكه يد نواف وقعدتي تقولين له نواف انا احبك
جمانه : ساره متاكده اني قلت له كذا ولالا احس احراج مرههه يالتني ماتكلمت وانا في البنج
ساره : اي مصورتك وانتي تتكلمين معه وقعدت اضحك عليك مره والمشكلة نواف احسه صدق وقال لك ياخي انا الي اموت فيك ياخي حبيتك من اول ماشفتك ما ابي اكذب عليك وحتى اني كل يوم افكر فيك يوم قال كذا نواف احس اني حزنت عليه لان كنتي توك في البنج وبرسلك الفيد على واتس وشوفيه انتي
جمانه : شوفي ساره انا بعترف لك بشي يبقى بيني وبينك صح انا يوم اقول لل نواف اني احبك وانا في البنج
ساره : اي
جمانه : ترا انا في الحقيقة انا احب نواف عشان ما اكذب عليك وانتي اول وحده تدرين اني احب نواف ياخي مدري شلون اشرح لك له عن حبي ياخي احبه حب مايعلمه الا الله وتكفين طلعت امه تعرف امي من الثانوي وابوي يعرف ابوه احس يمه شي غريب والمشكلة ان مقد سمعت اهلي يتكلمون عنهم
ساره : اسكتي نواف دخل
جمانه : تمام يا ساره
ويوم دخل نواف عليهم
جمانه بينها وبين نفسها : هلا بقلبي
وكان ودها تقولها بلسانها
نواف : جمانه شوفي ترا راح ينكتب لك خروج الحين ويقول الدكتور لك اجازه يومين عشان تخفين ولازم ترتاحين
جمانه : تمام نواف الله يعطيك العافية ماقصرت في ذا الاسبوع كله معي من مستشفى الى مستشفى ياخي مدري شلون اشكرك
ساره بهمس لـ جمانه : لا شرايك تقولين له اني احبك بعد
نواف : لا شدعوة يا جمانه هاذا واجبي اني اوقف معك ولا تخافين على مشروعك كلمت الدكتور ان وقال ان تقدر تقدمه في اي يوم تبيه هي
عشان كذا ماراح تقدمينه لا بكره ولا بعده لان عندك اجازه
جمانه : ليه عندي اجازه وانا ما ابي اغيب عن الجامعه لان عندي اشياء كثيره
نواف وهو معصب : جمانه اسمعي كلام الدكتور لان هاذا شي يخص تعبك ولازم ترتاحين
جمانه : تمام
وفجاة يدخل الدكتور
الدكتور : سلام عليكم
الكل : وعليكم السلام
الدكتور : جمانه كتبت لها خروج الحين ولازم تطلع و ترتاح
جمانه : يوم طلعو و ركبو السيارة وكانت ساره جنبها قاعده وماسكه يدها
جمانه بهمس لـ ساره : احسني بدوخ ولا تقولين شي لل نواف لان ادري راح يخاف علي مره ثانية و راح يوديني مستشفى وانا ما ابي اتعبه زياده
ساره : ياعيوني جوجو حاولي انك ماتدوخي انتي قويه
جمانه : تمام يا ساره
وهم في الطريق دق عليها خالها نايف
نايف : هلا بجوجو حبيبت خالها الوحيده انتي عيوني كيفك اخبارك كيف ظهرك الحين يعور ولالا
جمانه : خالي بقول لك شي بس لاحد يدري فيه من اخواني و امي و ابوي بس ابي الي يعرف انت بس
نايف : قولي ياعيون خالك
جمانه : خالي انا توني طالعه من المستشفى ومعي صديقتي و نواف هم الي ودوني المستشفى وقال الدكتور لازم اشاعة ودخلت اشاعة ويوم طلعت قال ان لازم اريح يومين واعطاني اجازه
نايف : جمانه طيب ليه ماقلتي لي عشان آجي اتطمن عليك
جمانه : لا ياخالي عادي لاني الحين انا عند الباب البيت
نايف : تمام ياعيون خالك بجيك الحين بدون ما اهلك يحسون
جمانه : تمام يا خالي ويوم دخلو البيت راحت غرفتها على طول بعدين نامت وبعدين صحت على صوت خالها كان عندها يقرا عليها وهو حاط يده على راسها بعدين فتحت عيونها
نايف :  هلا والله بعيون خالها
جمانه استحت : خالي عادي تفتح المكيف لان احسني حرانه
نايف : جمانه حنا في الشتاء كيف تفتحين المكيف
جمانه : مدري احسني حرانه
نايف : لا ماراح افتح عشان ما تتعبين المهم ترا اليوم عندكم طلعه في البر انتي و امك واخوانك وابوك مع احد يعرفه ابوك
جمانه : تمام بقوم اتجهز الحين عشان اكشخ شوي و اروح عشان اغير نفسيتي
نايف : يلا قومي وانا بروح
جمانه : خالي لا تروح اقعد تحت ابي اقعد معك
نايف : تمام
جمانه لابسه كم طويل عشان ما تبرد وخذت بلوفر و جكيت احتياط وبعدين لبسة البوت وحطت مكياج وبعدين نزلت لـ خالها
نايف: ماشاءالله وش هاذا الجمال اشوف القمر ينزل من السماء
جمانه : خالي تراني استحي
نايف : فديت الي يستحي دام هي عيون خالها الصغير
جمانه : اههخخ يا خالي الله لايحرمني منك ولا من شوفتك
نايف : ولا يحرمني منك ياعيوني
جمانه : فديت عيونك امي جتك ولالا
نايف : اي جت وبعدين راحت للمطبخ معليك اهم شي انتي قاعدة معي الحين
جمانه : تمام
ام محمد : جمانه خلصتي ولالا
جمانه : اي خلصت وقاعده مع خالي
ام محمد : تمام يلا روحي اركبي السيارة انا بطلع بس انتي روحي قبلي
جمانه : تمام يلا بطلع الحين يلا مع السلامة خالي بطلع
نايف : بطلع معك بوصلك لل سيارة وبعدين بركب سيارتي
جمانه : تمام
ويوم طلعو و ركبت السيارة وقعدت وبعدين ام محمد جت
جمانه : يمه حنا بنروح مع مين اليوم
ام محمد : بنروح مع اهل نواف
هنا جمانه ابتسمت
جمانه : اها وليه انا اخر وحده ادري
امي : نسيت اقولك ياعيوني انتي
جمانه : عادي معليه
وفي نص الطريق قعدت تهوجس وبعدين غمضت عيونها ويوم وصلو
ام محمد : يلا وصلنا
وبعدين نزلو ويوم حطو الاغراض وحست انها شوي بردانه بعدين راحو يسلمون على اهل نواف وجلست مع خوات نواف و يسولف وفجاة تجي رساله لجمانه من ولد خالتها
ولد خالتها : جوجو تعالي برا خذي اغراض قبل لا اروح البيت
يوم راحت له تاخذ اغراض منه الاتشوف من بعيد نواف و سوت نفسها مو مهتمة بعدين
ولد خالتها : كيفك
جمانه : الحمدلله
بعدين خذت الاغراض وبعدين راحت ل امها وبعدين قعدت معها وتجيها مكالمة من الدكتور الجامعة وراحت مكان ثاني وكلمته وقال الدكتور : جمانه اسمعي المشروع حقكك مايمدي تقدمينه و على تصرف الي صار لك مع نواف ماراح استلم مشروعك ويوم قفل في وجهي قعدت تكبي من القهر وبعدين قعدت اتمسك برجل من البرد و اني قعدت ابكي وفجاة اسمع صوت مشي احد وبعدين احد يرفع راسي واشوف نواف يقول
نواف : جمانه وشفيك
جمانه : مافيني شي
وبعدين يوم بتروح  الا يسحبها مع خصرها لحضنه و
نواف : قولي وشفيك ولا تخليني اغار عليك يوم في ولد قبل شوي تكلمينه
وكانت جمانه تناظر في عيونه وكانت عيونه كلها حمرا وباين عليه انه غار عليها
جمانه : مافيني شي
وبعدين حط يده على راسها وبعدين حست انه حضنها بقوه مره وبعدين يوم بتروح سحبها مره ثانيه مع خصرها
نواف : تراني احبك ولا تخليني اغار عليك مره ثانيه
ويوم فكت منه راحت عند امها وهي كلها حب ومستانسه بعد ضيقه وبعدين قعدو يسولفون جمانه و البنات وقعدو يتقهوى
جمانه : بنات خن نطلع برا
الكل : يلا
ويوم طلعو كانت تشوف نواف هناك من بعيد وهو يناطر فيها وبعدين قعدت تناظر جوالها من كثر انها استحت وبعدين ارسل لها
نواف : وشفيهم الحلوين يستحون
جمانه : خلاص تراني استحي و خواتك معي مو بس انا ياخي نواف بقولك شي
نواف : قولي ياعيون نواف انتي
جمانه : ياخي احبك
نواف : دقيقة متاكده ولا عيوني فيها شي لا ابي اتاكد من صوتك
جمانه وهي تسجل فويس : احبك
نواف : لا ماني مستوعب اخيرا الحب الي احبه صار حقيقه
جمانه : اي صار
ويوم راحت المطبخ بتاخذ لها مويه الا تحس احد يسحبها مع خصرها وهو حاط يده عند عيونها وبعدين يفك يده ويطلع نواف بعدين يحضنها مره ويرفعها
نواف : انتي حبي اول و الاخير يادنيتي
جمانه بهمس لنواف : احبك
و راحت على طول ويوم راحت عند البنات
ميس : وينك طولتي
جمانه : رحت دورة اشرب مويه
ميس : تمام
بعدين نواف يرسل لجمانه
نواف : جمانه وش قلتي لي في اذني نسيت
جمانه : ماراح اقول تذكر انت
نواف : عشان خاطري يا جوجو
جمانه : تمام بقول بس بشرط
نواف : وش شرطك اعطيك الدنياا كلها لو تبغينها ولو تبين النجمه من السماء جبتها لك
جمانه : شرطي ان تجيب لي قهوة
نواف : ماطلبتي شي اجيب لك الحين الي تبينه
و قعدت تسال البنات وش يبون وارسلت لنواف كل الي يبونه
نواف : بس هاذا الي تبينه انا اجيب لك الدنياا مو بس هاذا
جمانه : يلا اذا جيت ارسل لي عشان اجي اخذها واخليك تسمعها ثانية
نواف : تمام ماطلبتي شي الحين اروح اجيبها لكم
جمانه : يلا
ويوم راحت تسولف مع البنات وقعدو يلعبون لعبة في الجوال وصار لهم نص ساعة تقريبا وبعدين تشوف نواف راسل لها
نواف : جوجو انا برا تعالي خذي القهوة مني قبل لاحد يشوفني عندكم
جمانه : بجي الحين
وراحت لنواف تاخذ منه القهوه
نواف : ماشاءالله اشوف القمر جاي الين عندي
جمانه : خلاص اعطيني القهوه و تراني استحي و يوم لفيت
نواف : وين وعدك الي قلتيه
جمانه : اها تمام
جمانه بهمس مره ثانيه : احبك
وبعدين راحت لبنات بعدين ارسل لها
نواف : ياخي انا الي احبك
جمانه : يلا مع سلامه رح عند ابوي وابوك واخواني عشان محد يشك فيك
نواف : تمام ياعيون نواف انتي
و يوم جمانه اعطت البنات القهوه وقعدو يكملون وبعدين تجيني مكالمة من وراحت طلعت برا عشان تكلم وطلع الشخص هو عمتها وبعدين كلمتها وبعدين سالت عليها وبعدين قعدت تسولف معها بعدين يوم قفلت راحت  لبنات وبعدين يوم قعدت حست انها بردانه
ميس : شي يدفيك لان واضح عليك انك بردانه مرهه
جمانه : اي عادي
ميس : لين روحي جيبي فروة نواف عند شنطه حقتي
يوم درت انها حقت نواف قعدت تبتسم من داخلها ويوم اعطوها الفروة قعدت تشمها و كنت تشم ريحة نواف وكانها في حضنه وحست انها مستانسه مره ورحت ترسلت لل نواف
جمانه : نواف حبيبي ترا خذيت فروة حقتك لان حسيت اني بردانه
وعشان كذا خواتك اعطوني الفروه حقتك ويوم شميت ريحتك حسيت نفسي في امان
نواف : وهه ياعيون حبيبك انتي فداك فروتي
جمانه : اجل باخذها لي عشانها تذكرني فيك
نواف : تمام فداك
ويوم جمانه راحت لغرفه ترتاح وكانت معطيه ظهرها لباب بعدين احد يدخل عليها ويسحبها مع ..
.
.
انتهى الجزء الثاني 😢
ان شاء الله يعجبكم واسف اني تأخرت عليكم 🤍
وان شاء الله اصير انزل لكم روايه كلها بوقتها
وهاذا حسابي الانستا ( reciip_ )
🤍🤍