اعانق أمانيكَ مهما ذَقتَ مِن تعب من ذا الذي نالَ مايهوى بلا تعب !

23

.
.
اليوم ثاني في بيت ابو عبدالعزيز على ساعه 12:57 الظهر
~ تحديدًا في غرفة جمانه ~
صحت وهي مره تعبانة والا يرن جوالها ~ دحوم 🤍~
جمانه بصوت تعب : هلا
عبدالرحمن : هلا جوجو كيفك
جمانه بصوت تعب : طيبه الحمدلله
عبدالرحمن : طيب وش فيه صوتك مره متغير قولي وشفيك
جمانه بصوت تعب : والله مافيني شي بس قمت وانا تعبانه مره
عبدالرحمن : اجل قومي يلا بوديك المستشفى
جمانه بصوت تعب : لا مايحتاج
عبدالرحمن : وش الي مايحتاج اقول قومي بوديك
جمانه بصوت تعب : تمام
وقامت جمانه ودخلت دورة المياه ( يكرم القارئ) و توضت وطلعت من دورة المياه ( يكرم القارئ ) وفرشت السجاده وقعدت تصلي ويوم خلصت الصلاة حست بدوخة بس كملت وراحت تلبس عبايتها ونقابها ونزلت
ام محمد : على وين ياجمانه
جمانه : بروح مع عبدالرحمن مشوار وبجي
ام محمد : زين انتبهي لنفسك
جمانه : ابشري
وطلعت جمانه وشافت عبدالرحمن
عبدالرحمن : يلا مشينا
ومسك يدها وطلعو مع باب وفجاة يطلع لهم نواف و كانت معه ربى
طالعت فيه جمانه وكانت عيونها بعيونه
عبدالرحمن : جمانه خذي المفتاح السيارة وشغليها وبجي
جمانه بصوت تعب : تمام
وراحت جمانه وبعدها دخلت ربى
عبدالرحمن : وينك امس ماشفتك زين
نواف : والله انشغلت شوي و امس طلعت البنات كانو يبون يطلعون
عبدالرحمن : زين
نواف : الا وين بتروح
عبدالرحمن : بودي جمانه مشوار
نواف : زين
عبدالرحمن : يلا تبي شي ولا توصي بشي
نواف بضيقة صدر : لا سلامتك
عبدالرحمن لاحظ ضيقة نواف
ودخل نواف و راح عبدالرحمن وركب السياره واتجه لمستشفى
دخلت جمانه على الدكتوره وكشفت عليها
الدكتوره : انتي فيك التهاب في حلق وهو في بدايه وظغطك نازل مره
وفيك حراره ولازم مغذي وخافض حراره وابرة حساسية
جمانه : تمام
وطلعت جمانه
عبدالرحمن : وشفيك
جمانه : حراره و التهاب وظغطي نازل وتعطيني مغذي
وراحو لجهة المغذي ودخلت جمانه وحطت لها السستر المغذي وابرة الحساسية
وصورت المغذي ونزلتها ستوري سناب بلغط
~ بيت ابو عبدالعزيز تحديدا في مجلس الرجال ~
ابو نواف: كيفكم يانواف اليوم
نواف : الحمدلله
ابو نواف : الحمدلله
ابو عبدالعزيز : يا عبدالعزيز
ابو محمد : سم
ابو عبدالعزيز : وين ولدك عبدالرحمن ماشفته
ابو محمد : والله مدري وينه
كان محمد قاعد على جواله وفجاة يشوف ستوري جمانه
محمد بشرقه : احح
نواف ناظر مع محمد : وشفيك
محمد : تعال برا معي بسرعه بقولك شي ضروري
نواف : طيب
وطلعو محمد و نواف
نواف : وشفيك كانك مروع
محمد : جمانه في المستشفى
نواف شرق : كذاب
محمد : اي والله منزله ستوري انها ماخذه مغذي بعد
نواف : اها ماتشوف شر انا بدخل داخل
محمد  : زين يلا بجي معك
ودخلو داخل كلهم
ابو محمد : وشفيكم طلعتو وجيتو متوترين
محمد : جمانه
ابو محمد بتوتر : وش فيها جمانه
محمد : في المستشفى
ابو محمد قام بتوتر وخوفه على جمانه : يلا مشينا على المستشفى
محمد : لا مافيها شي مع عبدالرحمن هي
ابو محمد : وش فيها بظبط
محمد : سالت عبدالرحمن يقول ظغطها نازل وفيها التهاب وحراره
ابو محمد : دق عليه الان بكلمه
محمد : ابشر
ودق محمد على عبدالرحمن
ابو محمد : الو عبدالرحمن
عبدالرحمن : سم
ابو محمد : وش فيها جمانه
عبدالرحمن : مافيها الا العافية بس بعد شوي تخلص من المغذي و راجعين
ابو محمد : متاكد
عبدالرحمن : اي يايبه متاكد ولا تخاف عليها
ابو محمد : زين
وقفل ابو محمد من عبدالرحمن
ابو عبدالعزيز : وش فيها
ابو محمد : تعبانه شوي وخذت مغذي وجايه
ابو عبدالعزيز : زين
وبعد ساعه تقريبا جو عبدالرحمن و جمانه وكان محمد موجود برا
محمد : ياهلا بحبيبة اخوها
عبدالرحمن : وخر بس ذي حقتي
محمد : اقول فارق بس تعالي معي داخل عند ابوي و جدي
جمانه : لا فيه العيال
محمد : كلهم طالعين مافيه احد
جمانه : زين بفك النقاب
محمد : لاخليه عليك حلو مره
ولف محمد وقرص عبدالرحمن وهمس له : نواف داخل
وفجاة ضحك عبدالرحمن
جمانه : وشفيك تضحك
عبدالرحمن : لا ولا شي
ودخلو وجمانه شافت نواف وكانت مقهوره من محمد كان قايل لها مافيه احد ولفت عليه وضربت راسه بشنطه
محمد وهو كاتم ضحكته : وشفيك ماسويت شي
جمانه بصوت مبحوح : ابد ماسويت شي البراه طالعه من عيونك
محمد : ترا حتى عبدالرحمن كان يدري
عبدالرحمن بجحده: كذاب انا ما ادري
ابو محمد : تعالي ياجمانه عندي
وراحت جمانه جلست عند ابوها
ابو محمد : كيفك الحين
جمانه : الحمدلله
ابو محمد : الحمدلله
وقعدو يضحكون شوي مع جمانه ويسولفون والا يرن جوال جمانه
جمانه : الو
نوره : تعالي الان في جدول لعب حريقههه
جمانه بصوت مبحوح : يلا تم جايهه
وقفلت جمانه ولفت على عبدالرحمن و ومحمد وضربتهم بشنطه : حركتكم اليوم والله لا اخليكم تندمون عليها ومفاتيح غرفكم معي وبتنامون في الحوش اليوم فاهمين ولالا
عبدالرحمن : فاهم بس نبي جدول على احمم
جمانه فهمت انه يقصد ربى وكان جايب جو جمانه في مضاربه : اوهه ابشر لو تبي الحين تم عاد مشتهيه ذا الجدول من امس
عبدالرحمن : كفو جمانه اي تكفين ودي اشوف الدم في الارض
جمانه بحماس وصوت مبحوح: يوه تم بعد شوي بتسمع
عبدالرحمن : كفو
جمانه : كفوك طيب ولاتحسبني نسيت سالفتك انت و محمد ومع السلامه
الكل : مع سلامه
وطلعت جمانه ودخلت لبنات وكانو يلعبون بلوت
جمانه : عيدو من جديد بلعب
نوره : اوه جت جوجو يلا تبدا الحين العبه صح
وقعدو يلعبون كلهم لين فازت جمانه و نوره
جمانه بصوت مبحوح : الله فزنا انا و نوري
نجد : اح اكبر خاينه انتي
جمانه : عادي مره الجايه انا وانتي نلعب
نجد : تم
ربى بدلع : ميس
تنهدت ميس يوم سمعت اسمها : هلا
ربى بدلع : وين المطبخ بروح اجيب لي مويه
ميس بصدمه : هناك المطبخ
ربى بدلع : تمام شكرا
ميس : عفوا
وراحت ربى وراحت جمانه وراها
ربى لفت ولقت جمانه وراها ولابسه عبايتها وحاطه طرحتها على شعرها
ربى بدلع : على وين
جمانه : وانتي وش شغلك
طلعت جمانه من باب مطبخ وكانت في جلسه قريبه من باب المطبخ وقعدت وكانت تهوجس وتعبانة وكل شوي تكح
وفجاة الا نواف يمر من المكان الي فيه جمانه وكانت تفكر ولا شافت انه موجود وكان نواف يناظر فيها كانت عيونها تعبانه وكانت ترجف من براد الهوا وكان يتاملها واستوعبت جمانه ان في احد يناظرها وتغطت و دخلت على طول و واخت لعند البنات في المجلس الحريم وكانت قاعده على جوالها
وفجاة الكل يناظر في جمانه ويتزغرط
الكل : الف مبروك يا جمانه
جمانه كانت مصدومه ولا تعرف شي
جمانه : وش السالفة
ام محمد : في احد تقدم لك
تضايقت جمانه وكانت بداخلها غصه : من
ام نواف : ولدي نواف
جمانه شرقت بريقها ولاعد قدرت تتكلم
ربى بصراخ : ايششش نواف خطبها لا عاد انا زوجته واليوم ثاني لي يوم ويتزوج علي
ام نواف : يابنتي الشرع حلل الاربع
ربى : لا نوافي مايتزوج علي ولا ياخذ وحده غيري
وطلعت جمانه من المجلس وهي متضايقة وطلعت وراها نوره
نوره وقفت جمانه بس سحبت يدها جمانه وطلعت من باب المطبخ وقفت وكانت مره متضايقة وفجاة تطيح في الارض وتقعد تبكي وجت نوره حضنتها بقوه
جمانه بصوت مبحوح وبكى قوي : ما ابيه خلاص ما اعد ابي اشوفه الا مع ربى خلاص ما ابيههه يا نوره ما ابيه
وفجاة عبدالرحمن و نواف يشوفون وحده تبكي وعبدالرحمن ميز جمانه من عيونها
وتقدم بسرعه لها وبعدت نوره ودخلت داخل
عبدالرحمن : جوجو ياعيوني قومي إنا عبدالرحمن
وقامت جمانه وهي تبكي وشافت نواف مع عبدالرحمن وحضنت عبدالرحمن بقوه وقعدت تبكي بقوه
عبدالرحمن : جوجو وشفيك ياعيوني
ومازالت جمانه تبكي ولا تكلمت بحرف
لف عبدالرحمن لنواف وهمس له انه يروح ويتركهم لحالهم
وبعد نواف وخالهم لحالهم
عبدالرحمن : جوجو تكلمي مافيه الا انا وانتي قولي وشفيك
جمانه بصوت مبحوح وبكى : نواف خطبني
عبدالرحمن : حلو
جمانه بصوت مبحوح وبكى: ما ابيه ياخذني على ربى ما ابي اخرب حياة البنت
عبدالرحمن : عادي الشرع حلل الاربع
سكتت جمانه وقعدت تبكي بحضن عبدالرحمن و ربع ساعة هدت جمانه ودخلت داخل وتغيرت نفسيتها بعد ماكلمت عبدالرحمن وكانت فرحانه
نوره : جوجو روحي اكشخي الان لان بيجونا حريم
جمانه : تمام
وراحت جمانه تكشخ وتحط المكياج وزيت شعرها ولبست فستانها الاحمر ماسك من عند خصرها وكعبها الابيض
لبس جمانه 👇🏻