اعانق أمانيكَ مهما ذَقتَ مِن تعب من ذا الذي نالَ مايهوى بلا تعب !

16

.
.
.
والا فجاة تقعد حور في الارض بعد مافقدت الامل ان تلقى بناتها
مشعل : حور قومي معي انتي تعبانة ادخلي داخل انا بدورهم لس
حور : ماتروح رجلي على رجلك
مشعل : انتي تعبانة
حور : لو اني طايحه على فراش بناتي بدورهم
ام عبدالعزيز : يابنتي تعالي ادخلي ارتاحي
حور : يا يمه ماني داخله الين بناتي معي
وطلعو عبدالرحمن و محمد و نواف من بعد ماسمعو صراخ
محمد : عبدالرحمن
عبدالرحمن : هلا
محمد : مو كان ذيك جمانه
عبدالرحمن : اي والله صادق
محمد : طيب ليه وشفيهم البنات ماسكينها
عبدالرحمن : مدري
محمد : عاد اليوم ميس راسله لي ان حنا مضايقين جمانه ولالا
نواف : حتى انا ارسلت لي
محمد : غريبه
عبدالرحمن : والله اختك فيها شي صدقني
محمد : اي صادق حتى انا احس ان فيها شي
ميس : جوجو ياعيوني تسمعيني
جمانه بصوت خفيف : بنات احسني بدوخ
ميس : نجد امسكيها بقوه عشان ماتطيح
نجد : ماسكتها
والا فجاة جمانه تطيح عليهم
ميس : جوجو تسمعيني
نجد : بروح اجيب لها مويه
ميس : يلا
ام محمد : محمد تعال ود أختك لمستشفى سريع
محمد : يلا جاي
وجاء محمد وشال جمانه واخذها لسيارة و راحت معه ميس وعبدالرحمن
وراحو لمستشفى وطول الطريق ميس قاعده تحاول تصحي جمانه
محمد : ميس خذي المويه حاولي تخلينها تصحى
ميس : بحاول
عبدالرحمن : هذي حركاتك يامحمد
محمد : وش سويت انا
عبدالرحمن : ابد ماسويت شي
محمد : خلاص قفل الموضوع
عبدالرحمن: طيب
وكملو الطريق وكانت السيارة هدو وبعد عشر دقايق وصلو المستشفى
عبدالرحمن : انا بشيلها
محمد : طيب
ونزلت ميس من سياره عشان عبدالرحمن يشيل جمانه
وشالها ودخلو وحطوها في سرير حق طوارئ
الدكتوره : وشفيها
محمد : ماندري والله يادكتوره طاحت علينا كذا فجاة
الدكتوره : تمام انتو اطلعو برا وانا بشوف وش فيها
محمد : طيب
وطلعو كلهم وقعدت الدكتوره تكشف جمانه
............**............
بيت ابو عبدالعزيز
ام عبدالعزيز : ياحور يابنتي تعالي ادخلي داخل
حور بعصبيه : ماني داخله الين بناتي معي
مشعل : يابنت حلال ادخلي داخل ارتاحي
حور : ماتفهمون ماراح ادخل الين بناتي معي افهمو
مشعل : طيب ادخلي
ونزل مشعل لمستوى حور وساعدها عشان تقوم ودخلو كلهم داخل
ام عبدالعزيز : نجد روحي شوفي فوق يمكن تلقينهم
نجد : ابشري
وراحت نجد فوق تدور ودخلت كل الغرف ولا لقتهم ويوم وصلت غرفة عبدالرحمن سمعت صوت احد يبكي ويوم دخلت شافت ردينا و سكره
نجد : بسم الله عليكم تعالو
وخذتهم وحضنتهم وبعدين شالتهم ونزلت تحت
نجد : لقيت الاميرات صغار
قامت حور بسرعه لعند نجد عشان تاخذ بناتها
حور : وين لقيتهم
نجد : في غرفة عبدالرحمن
حور : والله ماتقصرين
وقعدو كلهم وحور معها ردينا و سكره مع مشعل وكانو يتطمنون عليهم بعدها طلع مشعل
ام عبدالعزيز : قلت لس يابنتي ماراح يطلعون برا البيت
حور : والله يايمه اني خفت عليهم اكثر من نفسي
ام عبدالعزيز : يا امي لازم تخافين على نفسس لانك شايله روح معس مو بس انتي
حور : دقيقة جمانه وينها
نجد : طاحت علينا يوم كنا برا وخذوها عبدالرحمن و محمد و ميس راحت معهم
حور : ياعمري ياجوجو عاد اليوم وجها ماعجبني واحس فيها شي
نجد : حتى انا وميس شاكين ان فيها شي ورحنا كلمنها ولا تكلمت
حور : انا بتكلم معها اذا رجعت وبشوف وش فيها
نجد : ان شاء الله
ام ابراهيم : ياحور انتي في شهر كم
حور : ثاني
ام ابراهيم : يوه وراس مشوار طويل
حور : ان شاء الله بتروح بسرعه
ام ابراهيم : ان شاء الله
............**............
في المستشفى
محمد : عبدالرحمن رح شف وش صار
عبدالرحمن : طيب
ويوم عبدالرحمن بيروح الا تطلع الدكتوره
الدكتوره: انت اخو جمانه
عبدالرحمن : اي
الدكتوره : والله شف جمانه تاركه صحتها مره لا تاكل ولا شي وحتى ماتهتم في صحتها
عبدالرحمن : والله يادكتوره انا ما اكون معها بس تبين تعرفين وش يصير معها بنادي لك خطيبت اخوي وتقول لس
الدكتوره : زين
عبدالرحمن : ميس ادخلي مع الدكتوره
ميس : طيب
ويوم دخلت ميس محمد قاعد يناظر في عبدالرحمن
عبدالرحمن : يوه مو وقت غيرتك
محمد : ياويلك ان سويتها ثانيه
عبدالرحمن : طيب
............**............
عند الدكتوره
الدكتوره : انتي خطيبت اخوها
ميس : اي انا
الدكتوره : انتي عايشه معها
ميس : اي حنا ساكنين بيت واحد مع اهلنا كلنا
الدكتوره : طيب جمانه متى اخر مره اكلت
ميس : من يومين لان تحط الاكل بصحن ولا تاكل
الدكتوره : تمام
ميس : ليه وشفيها
الدكتوره : ظغط عندها نازل بسبب انها ماتاكل ولازم تاكل وبصرف لها علاجات لازم تاكلها لمدة ثلاث ايام ولازم قبل علاجات تاكل
ميس : ابشري انا بهتم فيها
الدكتوره  : زين عاد الحين باخذك لعندها
ميس : تمام
وطلعت الدكتوره وميس وراحو لجمانه ويوم شافتها ميس ضاق صدرها على جمانه وقربت لعندها
ميس : كيف تحسبين نفسس الحين
جمانه : كويسه
ميس : الحمدلله
جمانه : شلون جين هنا انا
ميس : دختي علينا يوم كنا برا فط الحوش وجبناك هنا انا و محمد و عبدالرحمن
جمانه : اي صح وش صار لعمتي حور
ميس : ما ادري والله
جمانه : معس جوالي
ميس : لا والله
جمانه : عادي ادق من جوالس
ميس : اي عادي لو تبين عيوني اعطيتس
جمانه : فديت عيونس انا
وخذت جوال ميس وحطت رقم الي تبيه ودقت عليه
حور : هلا من معي
جمانه : جمانه
حور : شلونس جوجو الحين كيفس
جمانه : طيبه الحمدلله وانتي كيفس لقيتي ردينا و سكره
حور : اي الحمدلله
جمانه : وين لقيتهم
حور : في غرفة عبدالرحمن اخوس
جمانه : زين اهم شي لقيتهم
حور : اي والله عاد انا الحين بفصل بخليك ترتاحين
جمانه : بنجي بس شوي
حور : زين يلا تبين شي
جمانه : لا سلامتس
حور : مع سلامه
جمانه : مع سلامه
وفصلت جمانه من عمتها حور والا يدخلون عليهم عبدالرحمن و محمد
محمد : وه سلامت
جمانه : الله يسلمك
عبدالرحمن : ماتشوفين شر ياعيون اخوس
جمانه : الشر مايجيك
ميس : الدكتوره قالت لي انس ماتاكلين
جمانه : ها لا من قال أساس انا اكل كل شوي
ميس : جوجو
جمانه : لبيه
ميس : لاتكذبين تراني انا معك ولا اشوفس تاكلين
جمانه : عادي لو ما اكل
عبدالرحمن بعصبيه قويه : لا مو عادي
جمانه لفت راسها من جه ثانيه
عبدالرحمن : يوه ترا مو وقت زعلس
جمانه : اطلع برا ولاتكلمني
عبدالرحمن بعصبيه خفيفه : طيب
محمد بهمس لعبدالرحمن : هد لاتعصب
عبدالرحمن : وخر انت بعد عني
وطلع عبدالرحمن وهو معصب
جمانه : اطلعو كلكم ما ابيك
وطلع محمد وباقي ميس مع جمانه
ميس : جوجو وشفيس ياعيوني
جمانه : وش قلت لكم اطلعو كلكم ما ابي احد عندي في الغرفه
ميس : تمام بطلع
وطلعت ميس
محمد : طلعتس انتي بعد
ميس: اي وكانت معصبه علي مره
محمد : اسمعو ندخل ونعتذر
عبدالرحمن بعصبيه : ماني داخل تبي ادخل عند اختك وانا بمشي لحالي
محمد : وين
عبدالرحمن : بروح ولا تلحقني وامسك مفتاح السيارة
وخذ محمد مفتاح السيارة وطلع عبدالرحمن من المستشفى
محمد : لازم ندخل عندها
ميس : يلا
ودخلو وكانت جمانه حاطه وجها على جه ثانيه ويسمعت ان في احد دخل عليها لفت
جمانه : انا وش قلت لكم اطلعو ما ابيكم
ميس : هدي ياجوجو
جمانه : ماراح اهدي الين ماتطلعون برا الغرفه
ميس : اسمعيني والله اني اسف على اني تو ضقت عليس
جمانه : انسي الموضوع خلاص قفلته ولاعد تفتحينه بس اطلعي برا الحين
ميس : ليه بقعد معس لان محد راح يوصلني
جمانه : ليه وين سياره
ميس : طلع عبدالرحمن وخذها
محمد : لا ماخذها اعطاني المفتاح وقال بروح ولاحد يلحقني
جمانه بخوف : ليه وين راح
محمد : والله ما ادري بس طلع وهو معصب مره ولا علمني وين بيروح
جمانه سكتت بتوتر لانها خافت على اخوها عبدالرحمن
محمد : بتجي الممرضة الحين وتفك لك المغذي
جمانه : تمام
............**............
في شارع
كان عبدالرحمن يمشي الين وصل مكان مافيه احد وفيه كم بيت قديمه
ولما شاف البقاله دخل
عبدالرحمن : سلام عليكم
العامل : وعليكم السلام
عبدالرحمن شاف البكت وخذه
عبدالرحمن : كم سعره
العامل : بعشره
عبدالرحمن : امسك هذي عشره
وخذ عبدالرحمن البكت و ولاعه وراح مكان مافيه احد وكان مرتفع وقعد فيه وقعد يدخن
وفجاة انكتم عبدالرحمن وقعد يكح الين اغمى عليه من الكتمه وماكان فيه احد عنده
............**............
في المستشفى
ميس : جوجو فيس شي
جمانه : لا مافيني شي بس حسيت بدوخه و راحت
ميس : اول مانرجع بتاكلين
جمانه : تمام
وجلست جمانه على كرسي ودفته ميس الين طلعو الين وصلو سياره
محمد : ماشاءالله الاميره مافيه شي
أبتسمت جمانه
محمد : يلا تعال اركبي
جمانه : بركب ورا عشان انسدح
محمد : طيب
وركبت جمانه ورا وميس مع محمد قدام وكملو طريقهم الين وصلو البيت
محمد : يلا ننزل
جمانه : تعال ساعدني
محمد : ابشري
وجاء محمد لعند جمانه عشان يساعدها وبعدين نزلت ميس عشان تساعد محمد عشان ينزلون جمانه ونزلت وكانو ماسكينها الين قسم الحريم ودخلو
محمد بصوت عالي : ياولد
ولا بنات كلهم يلبسون عبايتهم
ام عبدالعزيز : ادخل
ودخلو ميس و محمد و جمانه
ام محمد : جمانه وشفيس يابنتي
جمانه : مافيني شي يا يمه
ميس : جوجو
جمانه : معليس منها يايمه مافيني شي
ام محمد : متاكده
جمانه : اي
ام محمد : دقيقة انتو رحتو اربعه وين عبدالرحمن
محمد : عنده مشوار وبيجي
ام محمد : زين
ام ابراهيم : عاد استئذان يا آم عبدالعزيز
ام عبدالعزيز : على وين يا ام ابراهيم
ام ابراهيم : والله بنمشي
ام عبدالعزيز : اقعدي معنا
ام ابراهيم : والله ودي بس ابو ابراهيم عنده شغل
ام عبدالعزيز : يلا مرة ثانية تجين عندي
ام ابراهيم : ان شاء الله
ام عبدالعزيز : لاتقولين يا ام سالم بتروحون
ام سالم : اي والله حتى حنا بنمشي
ام عبدالعزيز : يلا مره ثانية تجون عندنا وتسهرون
ام ابراهيم : ان شاء الله
وطلعو الحريم وجلست جمانه
حور : وشفيس ياجوجو
جمانه : مافيني شي بس دوخه بسيطة
حور : متاكده
جمانه : اي
حور : زين
جمانه : ميس ابغى اروح فوق
ميس : تمام تعالي نجد ساعديني نرقي جمانه فوق
نجد : تمام
وطلعو البنات لفوق ودخلو الغرفه مع جمانه وقعدو على سرير
نجد : ميس وش صار معكم في المستشفى
ميس : قالت الدكتور ان جمانه واضح عليها قلة الاكل ولازم تاكل ومعطياتها
علاجات
نجد ضربت جمانه بخفه : وجع ليه ماتاكلين
جمانه : يوه اخلص من اخواني تجون انتو
ميس : محمد ماضاق عليس بس عبدالرحمن الي ضاق
ويوم جمانه سمعت طاري عبدالرحمن توترت اكثر وخافت عليه لان
مختفي من بعد ماطلع من المستشفى ماله لا خبر ولا حس وقعدت تفكر فيه
.
.
انتهى الجزء
اعطوني رايكم
اعتذر ان مانزلت امس بارت
ارسلو تشبيهكم في
الانستا : 7j.m67
واعتذر عن الاخطاء الاملائية✨✨