اعانق أمانيكَ مهما ذَقتَ مِن تعب من ذا الذي نالَ مايهوى بلا تعب !

28

.
.
جالسه تفكر بنواف والي صار بينهم امس
سلمان : جوجو فيك شي
جمانه ببكى : انا سبب بحادث نواف انا سبب
سلمان : لا مو انتي سبب ربي كاتب له
جمانه ببكى قوي : الا انا وامس كان يبي يراضيني بس تهاوشت معه ويوم بيروح قلت روحه بلا رده
سلمان : يعيوني انتي مو سبب والكلام طلع من الغضب وان شاء الله بيرجع لك
جمانه : ما اقدر ابي اروح المستشفى
سلمان : والله مقدر اردك يلا قومي البسي عبايتك
وراحت تلبس عبايتها
سلمان : يلا
جمانه : يلا
وطلعو و ركبت السيارة مع سلمان وهي دموعها تنزل
و وصلو المستشفى ونزلت مع سلمان و راحو الرسبشن
سلمان : السلام عليكم
الرجال : وعليكم السلام وش بغيت امر
سلمان : ابي اعرف عن نواف عبدالله جاي لكم بحادث
الرجال : والله لما الحين بغرفه العمليات
سلمان : طيب وين غرفة العمليات
الرجال : على يمينك
سلمان : شكرا
الرجال : هذا واجبنا
راح سلمان وجمانه وشافت الكل موجود وكانت شوي وتدوخ الا يتقدم لها
عبدالرحمن
عبدالرحمن : بيصحى ان شاء الله وبيطلع بسلامه
وفجاة ارتمت بحضن عبدالرحمن وبدت تبكي
عبدالرحمن تنهد : يجوجو يعيوني انتي هدي وان شاء الله بيطلع بسلامه واي وترا اليوم سلطان داخل وان شاء الله يطلع ويقول لنا الاخبار الزينه
جمانه ببكى : ان شاء لله
وبعد ساعه ونص طلع سلطان والا تروح جمانه له وتمس بكتوفه
جمانه ببكى : تكفى قول ان مافيه شي تكفى
سلطان : فيه نزيف داخلي وحاولنا وخف نزيف و دخل الغيبوبة
وجمانه من سمعت كلمت غيبوبة صارت ماتسمع الا صوت وماتقدر تميز وعيونها شويش وتتقفل والا تطيح عليهم
سلطان : جوجو يعيوني اصحي
عبدالرحمن : ريان جب مويه
سلطان بصوت عالي : في احد هنا يجي بسرعهه
وجو اخذو جمانه وكان معها عبدالرحمن والدكتوره
الدكتوره : راح اعطيها مهدي وخلوها ترتاح ولان واضح ان جايتها صدمه
عبدالرحمن : اي خطيبها بعناية المركزه
الدكتوره : ان شاء الله يقوم بسلامه
عبدالرحمن : ان شاء الله
وطلعت الدكتوره وجلس عبدالرحمن امام جمانه وبعد مامر الوقت تقريبا عشر دقايق صحت جمانه
جمانه بتعب وصوت مبحوح : انا ويني فيه
عبدالرحمن : انتي الحين ارتاحي ولا تعبين نفسك وان شاء الله شوي ونطلع
جمانه بتعب : ليه وش صار
عبدالرحمن : من طلع سلطان وعلمك عن نواف وانتي مغمى عليك
وبدت جمانه تتذكر الاحداث وبدت تبكي
عبدالرحمن تنهد : يعيون اخوك انتي هدي وان شاء الله بيطلع
جمانه ببكى قوي : عبدالرحمن انت مستوعب ان غيبوبة ماندري ان متى يطلع يمكن اسبوع شهر سنه سنين ماندري
عبدالرحمن : تعوذي من الشيطان وان شاء الله بيطلع
جمانه قعدت تبكي بحضن عبدالرحمن
~ عند بعناية المركزه ~
كانو كلهم موجودين
ابو عبدالعزيز : يلا نرجع كلنا لان وجودنا ماله اي فايده واهل نواف موجودين
ام عبدالعزيز : اي والله صدقت
وكلهم راحو مابقى الا اهل نواف وجمانه وعبدالرحمن ومحمد
وبعد كم دقيقة تجي جمانه ومعها عبدالرحمن وراحت تشوف نواف من النافذة وكانت عليه اجهزه وكانت تبكي بدون صوت
عبدالرحمن تقدم لجمانه
عبدالرحمن : هدي يعيوني اخوس ماراح يصير الا كل عافيه وبيطلع من الغيبوبة ويرجع معنا وبعد كم شهر نسوي عرسكم يلا لاتبكين
جمانه ساكته ولا قالت شي بس تطالع في نواف
وبعد ما مر الوقت ولا صار اي شي على ساعه 9:57 ليل
جمانه : انا بدخل له
عبدالرحمن : اتوقع ان ماحد يقدر يدخل عليه
جمانه : بروح لعند سلطان وبشوف
وراحت جمانه لمكتب سلطان
سلطان : هلأ بغيتني
جمانه : اقدر ادخل على نواف
سلطان : لا يعيوني ماتقدرين تدخلين
جمانه : ليه
سلطان : والله دكتور قايل كذا ممنوع احد يدخل علي
جمانه : تكفى انا طالبتك تدخلني عنده بس ربع ساعة تكفى بشوفه شوي
سلطان : والله مقدر اردتك يلا تعالي البسي لبس خاص وادخلك
جمانه بفرحه : احبك
سلطان : والله حب مصلحة دام تبين تروحين لحبيب القلب
جمانه : لا معليك
وطلعو من مكتب ولبست لبس خاص ودخلت عليه وكل ماتقرب من نواف تنزل دمعه من عيونها الين جلست على سرير
جمانه وهي تمسك يد نواف : نواف تكفى اصحى لاتخوفني عليك ومسامحتك على الي سويته بس تكفى ارجع اشتقت لك ياخي اصحى اشتقت لك
وكانت جمانه تبكي زياده كل ماتشوف حال نواف بعدها حطت راسها على صدره وبعد كم دقيقة غفت
~ برا العناية المركزة ~
عبدالرحمن : سلطان طلع جمانه افضل ولان الوقت خلص اتوقع
سلطان : اي بدخل عليها الحين لان الوقت خلص
عبدالرحمن : زين
ودخل سلطان وشافت جمانه نايمه على صدر نواف وطلع جواله وصورهم
وبعدها راح لجمانه ومسكها مع كتفها والين طلعها وجلسها على كرسي
وجاء محمد مويه واعطهم اكل ولعند ميس اعطها اكل
ميس : شكرا مالي نفس اكل
جمانه بصوت تعب : ميس كلي
ميس : والله مالي نفس اكل
جمانه : ميوسه كلي علشانه يلا
وبدت تاكل ميس
بعد ما مر الوقت الين ساعه 1:35
جاهم سلطان
سلطان : ياعمي والله وجودكم ماله فايده لان لما الحين مافيه اي استجابه منه
وانتو رحو ارتاحو انا هنا موجود اي شي بيصير بتصل عليكم بس انتو روحو ارتاحو
ابو نواف : ياوليدي كيف اخلي نواف هنا و اروح
سلطان : يعمي انا موجود وطالبك لاتردني انت وخالتي
ابو نواف : ماني برادك وابشر يلا مشينا نرجع
سلطان راح لعبدالرحمن : عبدالرحمن انت خذ عمي وخالتي وبنات ومحمد زوجته ومعهم جمانه
عبدالرحمن : تمام
يارا : ميس يمدي اجي معكم
ميس : اي عادي حياك
وراحت يارا تساعد جمانه والين كلهم ركبو سياره و جمانه حاطه راسها على شباك ودموعها تنزل كل ما تتذكر الاشياء الي صارت بينهم
يارا : جوجو فيك شي
جمانه هزت راسها بمعنى " لا "
وكملو طريق وكان الكل ساكت وبعد عشر دقايق وصلو القصر ونزلو كلهم
وسبقتهم جمانه ودخلت وراحت على طول لغرفة نواف وكانو بنات يشوفونها وهي تدخل الغرفه
دخلت وشمت ريحته الين ماسندت ظهرها على باب وبدت تنزل شوي شوي
وكانت تبكي وشافت ثوبه الي محطوط على سريره وتقدمت وجلست على سرير وخذت ثوبه وبدت تحضن ثوبه تبكي الي ماغفت والثوب ماسكته بحضنها
وبعد كم دقيقة دخلت عليها نوره وشافتها نايمه وبحضنها ثوب نواف وبدت تدمع على منظرها
وطلعت وراحت لنجد
نجد : ابك وشفيك تبكين
نوره بدموع : جمانه شكلها يضيق الصدر وهي بغرفه نواف وبحضنها ثوب نواف ودموعها بخدها
نجد : يعمري يجوجو والله حالها يضيق الصدر
وفجاة تدخل عليهم جمانه وهي فرحانه
جمانه : بنات نواف جاني تو وقعد معي وسولف بس راح ماشفتوه وين راح
طالعت نوره بنجد
نوره : جوجو تعالي اقعدي هنا
جمانه : لا بروح ادور نواف
نوره : نواف لما الحين بغيبوبة لما الحين ماصحى الي طلع لك هذا حلم مو حقيقة
وبدت دموع جمانه تنزل وجلست لعند بنات 
جمانه ببكى : اليوم اول يوم رمضان وهو مو معنا
نوره : ان شاء الله بيصحى بكره وبيطلع
جمانه ببكى : ان شاء الله
وراحت جمانه غرفة نواف وبدت تفكر ب الاشياء الي صارت بينهم
~ اليوم ثاني على ساعه 5:54 العصر ~
كان الكل يسوي الفطور ل اول يوم برمضان
ام عبدالعزيز : نجد يعيوني روحي صحي جمانه
نجد : ابشري
وراحت لفوق ودخلت على جمانه
نجد : جوجو ياعيوني تعالي بعد شوي بياذن ونفطر
جمانه بتعب : ما ابي افطر عندي مويه بشربها اذا اذن
نجد : يعيوني جوجو اكل لك لو شوي
جمانه : ما ابي اكل ولا شي
نجد : تمام براحتك
وطلعت ونزلت لهم
ام عبدالعزيز : وش قالت
نجد : رافضه تنزل وتقول اذا اذن بشرب مويه
ام عبدالعزيز : وليه ماتبي تاكل
نجد : والله ما ادري ياجده
دخل عليهم مروان مسوع
مروان : ترا اذن
وطلع وبدا يفطرون كلهم وبعد مافطرو راحو يصلون المغرب
نجد : نوني شرايك نسوي شي لخوات نواف ولجمانه
نوره : اي والله فكره
نجد : فكري معي وش نسوي
نوره : والله ما ادري
نجد : مافيه بالي اي فكره
نوره : حتى انا
~ مر27 يوم وهم نفس الحال ونواف ماصحى من الغيبوبة ~
ام عبدالعزيز : ياسرع الرمضان هذا
ام محمد : اي والله مر بسرعه
ميس : يمه انا بروح المستشفى
ام نواف : ليه وشفيك
ميس : بزور نواف بشوف وشصار عليه
ام نواف : زين وطمنيني
ميس : ابشري
وطلعت ميس وركبت مع سواق وراحت المستشفى
وراحت ل العناية المركزة وكانت تشوف نواف وضايق صدرها وفجاة يحرك يده وفرحت وراحت لدكتوره
ميس : يادكتوره نواف حرك يده
الدكتوره على طول راحت ومعها الكادر طبي الي مشرفين على حالة نواف
وميس تشوفهم كانو فرحانين
وطلعت الدكتوره لها
ميس : بشريني يادكتوره
الدكتوره ب ابتسامه : الحمدلله على سلامته والحين بنقله لغرفة العاديه
ميس ببكى الفرحه : الحمدلله
وطلعو نواف وكانت معهم الين وصلو الغرفه
وبعدها طلعو وجلست ميس قدام نواف وكانت ماسكه يده وبعد عشر دقايق بدا نواف يفتح عيونه بشويش
نواف بصوت تعب : انا ويني
ميس : واخيرا صحيت من الغيبوبة
نواف : وش سالفه
ميس : صارلك حادث وجاك نزيف ودخلوك الغيبوبة
نواف بدا يتذكر اخر شي صار معه
ميس ب ابتسامه : لاتشوف وشصار لقمر حقك
نواف : وش فيها
ميس : لما الحين محد يدري انك صحيت غيري وجمانه ماتدري
نواف : صاير لها شي
ميس : لاتشوف حالتها الي تغيرت 180 درجه طلعت جمانه الي مانعرفها طلعت جمانه الي ماتاكل بس بتفكر حتى اكل نحاول فيها تاكل بس هي رافضه تماما من بدايةً رمضان وهي ماتاكل بس تشرب مويه ويالله تاكل وخالتي تخلي عبدالرحمن ومحمد يجونها علشان تاكل ويوم اول يوم ورجعت دخلت غرفتك وتنام فيها لما الحين مادخلت غرفتها ابد
وصرنا نادر نشوفها يعني ب الاسبوع مرتين بس وخالتي متضايقة مره بسبب حالت جمانه
نواف : يمديك تدقين عليها تجي هي بس لحالها ما ابي احد يدري اني صحيت غيرها
ميس : اي اقدر بدق عليها واقول لها
نواف : كويس
وطلعت جوالها ميس ودقت جمانه
نواف : حطي سبيكر
ميس : الو جوجو
جمانه بتعب : لبيه
ميس : يمديك تجين المستشفى
جمانه بتعب : ليه فيك شي
ميس : تعالي واقولك
جمانه بتعب : يلا خمس دقايق وان شاء الله اكون عندك
ميس : تم
وقفلت من ميس
نواف : وأضح من صوتها تعبانه مره
ميس : مره واساس طاحت علينا قبل امس ودكتوره تقول لازم تاكل ولا بتزيد حالتها
تنهد نواف من تغير حالة جمانه
وبعد عشر دقايق ميس طلعت برا
ميس : جوجو عادي تدخلين عند الدكتوره تجيين جوالي نسيته
جمانه : ابشري
ودخلت جمانه وشافت نواف قدام وتجمعت دموعها بعيونها
وتكلمت بغصه : نواف
نواف : لبيه عيونه
ركضت له وهي تدفن راسها بصدره وبدت تبكي بقوه
تنهد نواف
نواف : يجوجو يعيوني انتي شوفني مافيني شي مافيني الا عافية
جمانه ببكى قوي : وش الي مافيك شي نواف ترا انا سبب انا الي سبب
نواف : يعيوني انتي مو انتي سبب هذا ربي كاتبه لي
جمانه ببكى : انا ليه قلت كلمه ليه
حاول نواف يقوم ويحضنها
جمانه : لاتتحرك خلك بمكانك انت تعبان
نواف : مافيني شي
جمانه : نواف قلت لك خلك بمكانك
رجع نواف ظهره وكانو ماسكين يد بعض ويطالعون في بعض
وفجاة بنطق باب وتدخل ميس
نواف : هلا بميوسه
جمانه : اجل الدكتوره
ميس بضحكه : والله خطت نواف مو خطتي
جمانه : تمام
نواف : كلمي امي وخواتي يجون بس لاتقولين لهم اني صحيت
ميس : تمام
ميس : الا تعال وش بتسوي ب ربى
نواف بكل برود : برجعها على ذمتي
طالعت فيه جمانه وفجاة طالعت في نواف وكانت دموعها بعيونها وخذت شنطتها وطلعت
ميس : والله انك وصخ
نواف بضحكه : ليه
ميس : ويقول ليه بارد والله ودي اذبحك يا نواف
نواف : ماسويت شي وانا صادق ترا برجعها على ذمتي
ميس بعصبيه : ان رجعت ربى الرخيصم يا نواف انا ماني اختك فاهم
نواف : برجعها على ذمتي وبسكنها بفله لحالها وبسجل البيت لها
ميس مسكت راسها : لا انت مانك طبيعي بترجع الرخيصه الي فشلت العائلة بسبب افعالها
نواف : خلاص قفلي الموضوع وحطيه براسك اني برجعها
خذ ميس شنطتها وطلعت وفجاة يدخلون اهلهم
ام نواف : نواف
نواف : لبيه
ام نواف بدموع الفرحه : الحمدلله على سلامتك ياوليدي
نواف : الله يسلمك
ابو نواف : الحمدلله على سلامتك ويوم تطلع بتنزل لك ذبايح
~ عند جمانه ~
راحت لمكتب خالتها إلي تشتغل في المستشفى
ودخلت المكتب وشافت خالتها
هدى : جوجو
جمانه بدت تبكي بقوه
وتقدمت لها هدى وحضنتها
هدى : يعيون خالتك وشفيك قولي لي
جمانه بغصه وببكى : نواف بيرجعها على ذمته
هدى ب استغراب : مين
جمانه : ربى
هدى : لاحول ولا قوة الا بالله يرجعها بعد ما فشلت العائلة
جمانه ببكى : والله مدري عنه
وفجاة تجي رساله لجوال جمانه برقم غريب
المجهول : طلع خطيبك من الغيبوبة بس تذكري ان بيرجع ربى على ذمته وهو الحين مسحور وبيرجعها على ذمته وأنتي بتطلقين منه يعني انتي طليقته وهي زوجته اولى والاخيره وتذكري ان سبب دخوله الغيبوبة انتي لانك انتي صدمتيه بسيارتك وراح تشوفين مين الي راح ينتصر واذكرك ان ربى زوجته اولى والاخيره وانتي طليقته فاهمه يا بنت عبدالعزيز ولا تبين افهمك زين وتذكري بكل الاوقات انه مسحور و راح يكرهك بكل الاوقات الي يشوفك فيها وحتى انه بيختارها قدام اهلك وبيعطيك ورقة طلاق قدام اهلك ويلا جهزي نفسك لطلاقك الي بعد كم يوم ويلا مع السلامة
يوم قرت جمانه الرساله بدت ترجف من الخوف
هدى : وشفيك جوجو
جمانه بصوت رجفه : نواف م س ح و ر( مسحور )
هدى حطت يدها على فهمها بصدمه
جمانه كانت تبكي برجفه وخوف على نواف
هدى : يعيوني انتي الحين وان شاء الله ماراح يصير فيه شي
وفجاة تدخل عليهم ميس وتنصدم ان جمانه هنا
ميس : جوجو وشفيك
ماقدرت جوجو وبكت زياده
هدى : جوجو يعيوني هدي
ميس : وشفيها
جمانه : نواف
ميس بخوف : وش فيه نواف
جمانه ببكى قوي : ربى ساحرته
.
.
انتهى الجزء
اعطوني رايكم
اعذروني على الاخطاء الاملائية
لاتنسون النجمه هي داعمه لي 💙💙
وهذا حساب الانستا reciip_
تيك j.ur11