اعانق أمانيكَ مهما ذَقتَ مِن تعب من ذا الذي نالَ مايهوى بلا تعب !

7

.
.
.
.
.
يكلمها وكان متوترة ويوم ركب كلمه محمد يتطمن على جمانه وقال عبدالرحمن انها متضايقة وتبي تطلع معه وانا هنا خفت عليها وحسيت انها فيها شي ويوم رجعنا طلعت مع عبدالرحمن وكانت عيونها حمرا واضح عليها مره وكنت خايف عليها مره ان فيها شي وحتى ان ارسل لها ولا ترد علي
ميس : والله شف مدري وش اقولك وانا اختك مدري وشفيكم انت و جمانه كلكم متضايقين وجمانه كانت متضايقة من الجوهره بنت عمها لان كانت تتكلم عنك
نواف : دقيقة يعني البنت الي شفتها بنت عم جمانه
ميس : اي هي
نواف صد بضيق وقال : اسمعي ميس لاحد يعرف في الموضوع اني احب جمانه بنت عمي عبدالعزيز
ميس : علامك انت وش شايفني نقالة علوم
نواف وهو يضحك : لا مو نقالة علوم بس اسمعي اي شي يصير لجمانه علميني فاهمه
ميس وهي تضحك على نواف : طيب هد يا طايح في الغرام
نواف : طيب اسمعي خن اشغل مسجل نسمع شي
ميس : يلا
نواف وميس وهم
ميس وهي تبتسم لنواف : عاش نواف عاش
نواف وهو يضحك : لا داعي لا داعي يلا ميس نرجع عشان ابوي مايقول شي
ميس : يلا
ويوم ميس و نواف راحو يركبون سياره
___________
عند البنات
الجوهره : جوجو
جمانه وهي تقرا الكتاب حقها : هلا
الجوهره : احسك متضايقة مني
جمانه وهي بداخلها غصه : لا
الجوهره : متاكده
جمانه : لا معليتس
الجوهره : كويس
_______
عند الامهات
ام عبدالعزيز : ام محمد وين البنات معد لهم حس
ام محمد : والله مدري بس برسل لجمانه يجون
ام عبدالعزيز : تمام
ام محمد : جمانه وينتس انتي والبنات
جمانه : قاعدين في الغرفه
ام محمد : تعالو عندنا
جمانه : تمام جايني
ام محمد : تمام
_______
ميس و نواف
ويوم وصلو نزلو ونواف شاف جمانه وكانت معه ميس وقال نواف بصوت عالي
نواف : ياسعود ان كان متضايق مني اعطني ضيقته وخذ فرحي واعطيه
وفجاة ميس تقبص نواف وتقول له
ميس : ياطايح بـ حب اهجد
وفجاة جمانه تلف عليهم وتناظر فيهم بعدين تروح ل امها
نواف : تمشين في قلبي وانتي سارقته
ميس : خلاص انت رح عند الشباب
نواف : علامتس انتي ماقلت شي
ميس : نواف
نواف : طيب خلاص
ويوم كل واحد راح ودخلت ميس عليهم وقالت امها
ام نواف : ماشاءالله مع مين رحتي
ميس : طلعت مع نواف كأن يبني في موضوع
ام نواف : مافيه شي
ميس : اي مافيه شي
ام نواف : زين
ميس راحت تقعد عند جمانه
ميس في اذن جمانه : ياسارقه قلب نواف
فجاة تلف جمانه لميس
جمانه : وش قلتي
ميس وهي تضحك : لا ولا شي
ام نواف : وشفيكم تتكلمون بخفيف انتي وياها
ميس وجمانه : لا مافينا شي
_________
عند الشباب
ابو عبدالعزيز : مو كان الوقت تاخر
عبدالرحمن : ياجدي تونا ساعه 8 نبي نتكي شوي
ابو عبدالعزيز : لا مافيه ويلا كل واحد ياخذ فراشه وينوم وحنا بنام بالمجلس وانتو نامو في الحوش
عبدالرحمن : تمام ياجدي
وبعدها قامو الشباب ياخذون فراشهم ويحطونه في الحوش
محمد : يلا كل واحد يقعد في فراشه
نواف الي قعد جنب عبدالرحمن وكان عبدالرحمن يطالع في نواف
عبدالرحمن : شفيك انت صاد مالك حس اليوم
نواف : لا مافيني شي بس الدنيا ضايقه علي
عبدالرحمن : اسمع تعال ابي اكلمك بموضوع
نواف وهو خايف : طيب
ويوم عبدالرحمن و نواف راحو
يجلسون برا بعيد عن فراشهم
عبدالرحمن : علامك اليوم صاد ومالك حس ولا خبر ولا شي
نواف : مافيني شي
عبدالرحمن : ترا ادري انك متضايق وخايف على جمانه
نواف بخوف لف على عبدالرحمن وهو متوتر : شقلت انت
عبدالرحمن : الي سمعته
نواف : عبدالرحمن شف ما ابي مشاكل بس ترا الحقيقة انا احبك اختك
واخاف عليها ان صار لها شي وحتى ان يوم تعبت يوم الجامعة خفت عليها و حتى يوم كنا في المخيم يوم انتو كنتو مختنقين من الغاز قعدت تصيح وقاعد اهديها وانا احبيتها من اول يوم شفتها في الجامعه
عبدالرحمن : نواف تراني ادري في حبكم لان جمانه قايله لي وشف يومكم صغار كنتو تحبون تلعبون مع بعض دايم لان هذي سالفه قالتها لي امي وانتو كنتو صغار تحبون بعض
نواف وهو يبتسم : ماشاءالله
عبدالرحمن : هد من بدايتها وانت تعرف لي طحت في الغرام
نواف وهو يضحك : لا من قالك اني طايح
عبدالرحمن : وجهك وضح لي كل شي
نواف : ماشاءالله وجهي معبر عني
عبدالرحمن : اي
نواف : يلا عاد شرايك نرجع عشان جدي مايذبحنا
عبدالرحمن وهو مصدوم : من متى صار جدك
نواف وهو يضحك : ياحمار هو بحسبة جدي
عبدالرحمن : اها يلا خن نرجع
نواف : يلا
ويوم عبدالرحمن و نواف رجعو وكل واحد قعد في مكانه
__________
عند البنات
نجد : جمانه ياخي أحسني متضايقة
جمانه : علامتس يا اوخيتي تراتس زيي ماعندي اخت وانتي بحسبة اوخيتي و توام ثانيه حقي واحس فيتس
نجد وهي تضحك : اي والله وانتي صادزه وانتي قطعه من قلبي
جمانه : فديتس وفديت قلبس
نجد : فداس كلهم
جمانه : انتي تكفيني عنهم
نجد : وه احبتس والله
ام عبدالعزيز جدتهم يوم دخلت عليهم
ام عبدالعزيز : يلا يا بناتي قمو جهزو فراشكم
جمانه : ياجده تونا ساعه 8:30
ام عبدالعزيز : ياجوجو مافيه شي اسمه تونا يلا وقت نوم
جمانه : تمام الحين نفرش الفراش
وبعد ماقاموا البنات يفرشون فراشهم
نجد : بنات خن ننام برا في الحوش الجو مره حلو
جمانه : اي والله الجو حلو خن ننام برا
الكل : اي والله
ويوم يفرشون فراشهم كلهم مع بعض
ويوم كل وحده قعدت في مكانها
نجد : بنات
الكل : هلا
نجد : خن نسوي شي
جمانه : وش تبين نسوي خن ننام بس
نجد : طيب
__________
عند الشياب
ابو عبدالعزيز وهو معه عصا حقه وهو يقومهم واحد واحد عشان صلاة الفجر
سلمان : هلا جدي صباح الخير
ابو عبدالعزيز : هلا فيك صباح النور ماشاءالله صاحي بدري
سلمان : اي والله ياجدي صحيت بدري عشان اصلي الفجر معكم
ابو عبدالعزيز : زين
ويوم صحو كلهم وكلهم اتجهوا لدوره المياه عشان يتوضؤن
سلمان : نواف
نواف : هلا
سلمان : شرايك اليوم نروح نفحط عاد
لعبتي التفحيط
نواف : اوهه جوي قدام بس متى نطلع
سلمان : اي وقت تبيه انت
نواف : عادي اي وقت بس شرايك نطلع المغرب
سلمان : تم بس يلا توض عشان نروح نصلي
نواف : يلا
ويوم خلصو رواح يصلون في المسجد
ودخلو يصلون وبعدين يوم خلصو كلهم وفي نص الطريق
ابو عبدالعزيز : ياعيالي يلا كل واحد على شغله
سلمان : جدي انا و عبدالرحمن و محمد و نواف بنروح العزبه
ابو عبدالعزيز : تمام والباقي
هتان : ياجدي انا و مشاري و نايف و زياد وطلال بنروح لمحل الذهب
ابو عبدالعزيز : اي انتو رحو لذهب والباقي وش بتسون
عبداللطيف : ياجدي انا و فهد بنروح نقضي اغراض البيت
ابو عبدالعزيز : كويس وانتو يا عيالي ابيكم في موضوع
الكل : ابشر
وبعدها الكل أتجه لشغله عيال ابو محمد راحو العزبه معهم نواف
سلمان : تعرف ولا نعلمك
نواف : لا اعرف
عبدالرحمن : اوه ماشاءالله تعرف
نواف : وش شايفني واحد مايعرف
عبدالرحمن وهو يضحك : من وجهك يقول انك ماتعرف
نواف : اقول تراني اعرف
عبدالرحمن : طيب خلاص
نواف : وش تبون اسوي
محمد : تعال احلب الحليب من ناقه
نواف : طيب
ويوم نواف راح يحلب ناقه و محمد راح يرتب الخيمه حقت الحريم و رجال و عبدالرحمن راح يحط الاكل لل حيوانات
و سلمان راح يرتب المطبخ ويوم خلصو
عبدالرحمن : اهخخ انا منهلك مره
محمد : يا ابوي انت ماسويت الي سويته انا
نواف : ياخي الناقه بثره مو راضيه تهجد يالله حلبة الحليب
سلمان : اهم شي انك حلبته
نواف : اي
الكل : زين
___________
عند محل ذهب حق ابو عبدالعزيز
هتان : نايف اقعد معي في محل ذهب و مشاري و طلال و زياد رحو لمحل حق جدي حق البشت و سيوف انتبهو له زين
مشاري : ابشر
ويوم راحو لمحل البشت و سيوف الي كان يرتب و الي كان يحسب الحسابات و الي يطلع الاشياء ناقصه
مشاري : اسمعو خلصتو ولا لا
زياد و طلال : اي خلصنا
مشاري : يلا تعالو نقفل المحل و نطلع نروح عند هتان
طلال : يلا
ويوم راحو لهتان وكانو يقفلون المحل لان كانو يرتبونه
هتان : يلا امشو نطلع
الكل : يلا
عند البنات
جمانه : بنات يلا تعالو معي نكمل الفطور
الكل : يلا
ويوم راحو لمطبخ يسون الفطور دخلت عليهم ام عبدالعزيز
ام عبدالعزيز : خلصتو الفطور
جمانه : بنخلص الحين
ام عبدالعزيز : تمام الله يعطيكم العافية
جمانه : الله يعافيتس
________
عند الامهات
ام نواف : صباح الخير
الكل : صباح النور
ام نواف : كيفتس يا ام محمد
ام محمد : طيبه الحمدلله وانتي كيفتس
ام نواف : طيبه دامتس بخير
ام عبدالعزيز : يا بناتي صحيتو كلكم
ام محمد : اي كلنا يا اميمتي
ام عبدالعزيز : زين
_________
عند الشياب
ابو عبدالعزيز : جو العيال ولالا
ابو زياد : لا والله
فجاة يصادفهم صوت ضحك العيال
ابو محمد : هذول هم جو
ابو عبدالعزيز : زين عشان نلحق على الفطور كلنا
ويوم دخلو كلهم
الكل : سلام عليكم
ابو عبدالعزيز : وعليكم السلام
محمد : ياجدي ترا خلصنا امور العزبه
ابو عبدالعزيز : الله يعافيكم ماقصرتو
وانتو الباقي وش سويتو
هتان : رتبنا كل شي على ماتبغا
ابو عبدالعزيز : اي كفو هذول احفادي
ابو محمد : وحنا وش عيال البطه سودا
ابو عبدالعزيز وهو يضحك : لا انتو عيالي بس بعد هم احفادي
ابو نواف وهو يضحك : معليك يا عم ولدك الكبير مفروض يسوي شغل مع العيال
ابو محمد : اهجد انت
ابو عبدالعزيز وهو يضحك : وانت صادز يا ابو نواف
ابو محمد وهو معصب : ماشاءالله صرت تسمع كلامه
ابو عبدالعزيز : ياوليدي ترا كله شغل وانت ماتتعب في شغلك
ابو محمد : الا اتعب بس ليه تخليني اشتغل مع احفادك كل واحد اطول من ثاني وكلهم ناقه
ابو عبدالعزيز : عاد الا احفادي لاحد يطقطق عليهم
ابو محمد : ماشاءالله وحنا عيالك
ابو عبدالعزيز : وانتو بعد بس احفادي غير
ابو فهد : يبه كانهم تاخروا على فطور
ابو عبدالعزيز : عبدالرحمن
عبدالرحمن : سم
ابو عبدالعزيز : رح شف خلص الفطور ولالا
عبدالرحمن : ابشر
ويوم عبدالرحمن راح من عند باب المطبخ الخلفي طق الباب
عبدالرحمن : جمانه : خلص الفطور ولالا تاخرتو علينا
جمانه : اي خلص تعال ادخل مافيه احد
عبدالرحمن : طيب وش هاذا زين تسلم يدينتس
جمانه : يلا امسك خذه لا تتاخر عليهم
عبدالرحمن وهو يضحك : تمام يا حبيبة نواف
جمانه : عبدالرحمن عد وش قلت
عبدالرحمن وهو يضحك : ولا شي بس بروح ادوي الفطور
جمانه : يلا اخلص
عبدالرحمن : طيب
ويوم نواف راح يودي الفطور وكانت جمانه في المطبخ وكانت تحط الفطور حقهم وكان معها اكل حار وهي تشيله الا يطيح عليها
جمانه : اهههههههههههه
ميس وهي خايفه : جمانه علامتس
جمانه وهي تبكي : طاح علي الاكل وهو حار
ميس : دقيقة انادي خالتي
ام محمد : جمانه علامتس تصارخين
ميس وهي خايف : جابس الله ياخالتي جمانه انكب عليها الاكل
ام محمد وهي خايف على جمانه : يمه بسم الله عليتس يابنيتي
ام عبدالعزيز : تعالي يابنتي
جمانه وهي تبكي بقوه : يايمه ماقدر اتحرك مره
ام محمد : دقيقة يا جمانه بدق على اخوتس يودينا المستشفى
جمانه : اي تكفين
ام نواف : ميس روحي جيبي عباية جمانه
ام محمد : عبدالرحمن تعال المطبخ بسرعة
عبدالرحمن : علامتس يا يمه تبكين
ام محمد : تعال اختك انكب عليها الاكل وهو حار
عبدالرحمن : وشهو جاي
__________
عند مجلس الرجال
ابو محمد : علامها امك
عبدالرحمن وهو متوتر : تقول ان الاكل حار طاح على جمانه
ابو محمد : محمد قم شغل السيارة بسرعه
محمد : طيب
عبدالرحمن وهو يروح عند امه و جمانه وشاف الكل عند جمانه في المطبخ
جمانه : عبدالرحمن ماقدر اتحرك
عبدالرحمن : ياعيون اخوتس انتي
وفجاة عبدالرحمن يشيل جمانه على حضنه وكانن يركض
عبدالرحمن : محمد افتح الباب
محمد كان مايسمع ويشوف نواف
نواف : خلاص انا بفتح لك الباب
عبدالرحمن : يلا
يوم ركب عبدالرحمن جمانه نواف مسك يد عبدالرحمن
نواف : انتبه لها تكفى لاتخليها
عبدالرحمن : صاحي انت اكيد بخاف عليها ذي اختي الوحيده ذي قطعه من قلبي
ويوم ركب السيارة عبدالرحمن و راحو المستشفى عشان جمانه ويوم وصلوا عبدالرحمن شال جمانه ويدخلها ويحطها على سرير
محمد : وين الدكتور او الدكتوره وينهم
الدكتوره : هلا فيكم شي
محمد : اختي محترقه من الاكل الي طاح عليها
الدكتوره : معليكم بنسوي الي نقدر عليه
محمد وهو معصب : وش الي تقدرون عليه
عبدالرحمن وهو يمسك محمد ويهديه عشان مايذبح الدكتوره
عبدالرحمن : يامحمد اهجد خلاص
محمد : كيف اهجد واختي كانت تحترق
عبدالرحمن : ان شاء الله تخف
محمد : ان شاء الله
_________
عند بيت ابو عبدالعزيز
ابو محمد وهو متوتر وخايف على جمانه : سلمان دق على اخوانك شف وش صار لجمانه
سلمان : ابشر ، الو محمد كيف جمانه الحين
محمد : والله ماندري دخلنها على طوارئ
سلمان : طمني اذا طلعت
محمد : ابشر
سلمان : يبه يقول محمد توها في طوارئ
ابو محمد وه خايف : ماقالو شي
سلمان : لا والله
ابو عبدالعزيز : عبدالعزيز خلاص ارحم نفسك ادع انها مافيها شي
ابو محمد : يبه جمانه هذي قطعه من قلبي بنتي الوحيده
ابو عبدالعزيز : طيب هد
_______
عند الحريم
ام نواف : خلاص يا وفاء هدي
ام محمد : شلون اهدي وبنتي في المستشفى وانا ما ادري عنها
ام نواف : طيب اتصلي على محمد شوفي شلونها
ام محمد : اي بتصل عليه ، هلا محمد كيف جمانه
محمد : والله هي في طوارئ الحين
ام محمد : ياقلبيه
محمد : يمه هدي وادعي ان مايصير لها شي
ام محمد : ان شاء الله تطلع بسلامه
محمد : ان شاء الله
وبعدها ام محمد راحت تصلي وتدعي لجمانه وبنات عمانها وعماتها يدعون لها
________
في المستشفى
الدكتوره : جمانه الحمدلله الحرق ما اكل جلدك لو اكل جلدك كان راح يكون فيه اثار بس مافيه ولا شي
جمانه : الحمدلله الحمدلله
الدكتوره : عاد الحين بنلف رجلك عشان تخف وانتي اهتمي فيها والكريم مدة حقته اسبوعين
جمانه : ان شاء الله
وبعدها طلعت الدكتوره تطمن محمد و عبدالرحمن
محمد : الحمدلله الله يعطيك العافية يادكتوره ماقصرتي معنا واسف على تصرف الي كان من بدايه
الدكتوره : لا عادي دايم تجي هذي الحالات والاهل مايكونون في وعيهم عشان يخافون على عيالهم
عبدالرحمن : ماقصرتي يادكتوره
الدكتوره : هاذا واجبي
محمد : دحوم اتصل على امي وابوي وعلم امي وابوي
عبدالرحمن : لا ماراح اقول لهم نسوي لهم مفاجاة
محمد : طيب
ويوم اخوان جمانه دخلو عليها
محمد : بسم الله عليتس وانا اخوتس في عدوتس ولا فيتس
عبدالرحمن وهو يضحك : اهخخ القلب كان خايف عليها مره
جمانه : دحومم كلامك انتبه لك
عبدالرحمن وهو يضحك : وش ماقلت شي غلط
جمانه : انت فاهم وش قصدي و اكثر
محمد : وشفيكم انتو تتكلمون لغز
عبدالرحمن : لا ولا شي
محمد : بجيب لتس كرسي واجي
جمانه : الله يعافيك
عبدالرحمن وهو يضحك : زين محمد طلع اسمعي لاتشوفين شكل نواف وهو خايف عليتس شكله كان متوتر مره
جمانه : دقيقة تعال كيف قالك كذا وهو مايدري معلمتك
عبدالرحمن : انا قلت له ابي اكلمك في و موضوع وعلمني بكل شي لان كان متضايق
جمانه وهي خايفه على نواف : ليه وش فيه
عبدالرحمن : شف اثار الحب
جمانه : عبدالرحمن اهجد وقل وش فيه
محمد : مين
الكل : محد
عبدالرحمن وهو يناظر في جمانه وماسك ضحكته
محمد : يلا جمانه اركبي الكرسي
جمانه : يلا
ويوم جمانه ركبت كرسي وطلعون من المستشفى و ركبو سياره
عبدالرحمن : اسمعي جوجو
جمانه : هلا
عبدالرحمن : هذا علاجك و كريمات حقتك وانتظمي عليها
جمانه : ابشر
ويوم كملو الطريق الي وصلو البيت وكان محمد يضرب بوري وكلهم طلعو وكان معهم نواف وكانو محمد و عبدالرحمن يساعدون جمانه
ابو عبدالعزيز : هلا وغلا نورت جوجو
جمانه : هلا فيك يا جدي
ام عبدالعزيز : هلا والله نورت نور عيوني
جمانه : هلا فيتس يا جدتي
ام محمد : الحمدلله على سلامتس ياعيون امتس
جمانه : الله يسلمتس يا اميمتي
ام محمد : يلا بنات تعالو ساعدو جمانه عشان ندخلها داخل
البنات : ابشري
ويوم البنات خذو جمانه وقعدو كلهم عندها ويسلمون عليها ويتطمنون عليها
جمانه : بنات شرايكم نقعد برا
نجد : علامتس انتي صاحيه
جمانه : ليه تعبانه وبعد شوي بنرجع ننام
نجد : طيب اسمعي عشانتس هل مره بس
جمانه : وه فديت نجد
نجد وهي تضحك : احبتس بس يلا بنات يلا تعالو معنا
البنات : يلا
ويوم طلعو البنات باقي نجد وجمانه داخل
جمانه : نجوده
نجد : عيونها
جمانه : ابيتس توديني الغرفه بلبس فستان
نجد : اوه ماشاءالله شعندها القمر يلبس
جمانه وهي تبتسم : لا بس كذا بغير
نجد : تمام
ويوم نجد تودي جمانه الغرفه عشان تغير وتلبس فستانها الي كان يسحر الواحد ويوم خلصت دخلت عليها نجد
نجد : ماشاءالله بسم الله عليتس وش ذا الجمال
جمانه : حبيبتي انتي والله
نجد : اذكري المعوذات لاحد يعطيك عين
جمانه : ابشري
ويوم خلصت جمانه مكياجها و كل شي طلعت لبنات
سحر : ماشاءالله القمر جاي اذكرو الله
جمانه : وه حبيبتي سحوره
سحر : فداتس
ويوم قعدت جمانه وكانو البنات جالسين برا ويسمعون اغاني
جمانه : بنات بقوم ارقص من يرقص معي
نجد : انا برقص مع اوخيتي
جمانه : وه فديت اوخيتس
وكانو يرقصون وجمانه كانت لابسه الفستان الاحمر يسرق القلب ونجد كانت لابسه فستان أبيض
__________
عند الشباب
عبدالرحمن : نواف تسمع الي اسمعه
نواف : اي خن نطلع نشوف
ويوم طلعو شافو البنات و نواف شاف جمانه لابسه الفستان الاحمر و روج الاحمر وعبدالرحمن يوم شاف بنت عمه ارتبك وكان مايعرف من هي بس حبها لان كانت هي ماشاءالله الجمال وكل شي فيها حلو
عبدالرحمن : تشوف الي اشوفه انا
نواف : انا ما اشوف الا احمر بينهم
عبدالرحمن وهو يضحك : الاحمراني اجل سارق عقلك
نواف : مو بس عقلي الا قلبي و روحي
عبدالرحمن وهو ميت ضحك على نواف : تكفى نواف شكلك يضحك وانت ذايب
نواف : استر على الي شفته
عبدالرحمن : طيب بس امش خن نرجع داخل
نواف : طيب
ويوم الكل دخل داخل لان جت ساعه 12 ظهر والعيال راحو يصلون الظهر والبنات كانو كل وحده في غرفته نجد وجمانه و خوات نواف في غرفه والباقي مع بعض
وبعدها كل وحده قعدت على جوالها
جمانه : بنات
الكل : هلا
جمانه : شرايكم نطلع
ايلان : اي والله تكفين خن نطلع
جمانه : تم بس من يودينا
لين : معليتس اخوي يودينا و اخوتس يروح معنا عشان اخوي مو مره يعرف وين نروح
جمانه : تم
نجد : اجل يلا دقو عليهم
جمانه : يلا بدق على عبدالرحمن
لين : بدق على نواف
ويوم كل وحده دقت على اخوها و قالو تم كلهم راحو يلبسون عبايتهم ويتغطون بعدين يوم طلعو نجد وجمانه كانو مع بعض وشافو عبدالرحمن و
نواف عند السياره برا يحترونهم
عبدالرحمن بصوت عالي ويناظرون بعض: ياخي تكفى يا نواف يوم شفت الابيض دخت ماعرفت اوزان نفسي
نواف وهو يضحك : وانا لاشفت الاحمر معد اعرف نفسي
وبعدها نجد و جمانه وقفو في نص الطريق قعدو يناظرون بعض بعدين جمانه شرقت
عبدالرحمن : صحه وانا اخوتس
نواف بصوت عالي لعبدالرحمن : ياجعلها مويه لي اذا تعبت
عبدالرحمن وهو ميت ضحك وقعد في الارض لان ماقدر يمسك ضحكته من كلام نواف
عبدالرحمن وهو يكلم نواف في اذنه : تكفى يا نواف خلاص تغزلت فيها وتراها اختي
نواف : وانت خلاص تغزلت في بنت عمك
عبدالرحمن ناظر نواف من الاحراج : وش قلت انت
نواف : ماقلت شي
عبدالرحمن : يلا يابنات اركبو سياره
جمانه : تعال ابيك شوي
عبدالرحمن : طيب
جمانه : تعالو انتو الاثنين من تقصدون
عبدالرحمن : لا ولا شي نقصد ورد الابيض و الاحمر
جمانه : متاكد
عبدالرحمن وهو يضحك و متوتر : اي معليتس
ويوم راحو يركبو سياره ومشو و رواح السوق لان البنات كانو يبونه
نواف بصوت عالي : ياعبدالرحمن قلبي لونه احمر والمشكلة حب احد لونه لابس احمر
عبدالرحمن وهو يضحك : يوه عاد انا احب ابيض والي احبه لابس الابيض
جمانه و نجد طالعو بعض بصدمه
جمانه : عبدالرحمن رد على جوالك ضروري
عبدالرحمن وهو متوتر : ابشري
جمانه : قسم بالله لو ماتعترف لا تندم
عبدالرحمن : اذا نزلنا قلت لتس كل شي
جمانه : طيب
ويوم راحو السوق و البنات نزلو كلهم وراحو محلو تبيه
جمانه : بنات وش رايكم في هذا الفستان
نجد : ماشاءالله يهبل وبيطلع عليتس نار عاد الاحمر مايطلع حلو الا علو جمانه
جمانه استحت : وه احبتس
نجد : اموت فيتس
نواف و عبدالرحمن الي كانو وافقين برا و يناظرون فيهم
نواف : اشك ان اختك تبي تذبحني
عبدالرحمن وهو يضحك : بتذبحني معك
نواف : ليه
عبدالرحمن : شكلها شكت في الموضوع الابيض و الاحمر
نواف وهو كان يشرب مويه و شرق
عبدالرحمن وهو يضحك : صحه ترا جمانه تطالع فيك اهجد
نواف ارتبك : ها وش قلت
عبدالرحمن : حبيبت القلب تناظر فينا
نواف وقف زين وكان يسوي نفسه مايشوفها
جمانه : بنات
الكل : هلا
جمانه : شرايكم نطلع و نروح محل جدي
نجد : اي والله
جمانه : اجل بنادي اخوي ، عبدالرحمن
عبدالرحمن : هلا
جمانه : نبي نروح محل جدي
عبدالرحمن : والله المفتاح مو معي مع هتان
جمانه : اوفف كل ما ابي محل جدي مايكون المفتاح معك
عبدالرحمن : طيب خلصتو ولالا
جمانه : اي
ويوم رجعو يركبون سياره قالت ميد عبدالرحمن انزل لان كانت تبي تعرف في الموضوع
جمانه : يلا قل وش الموضوع
عبدالرحمن : يابنت عبدالعزيز مو الحين في بيت جدي
جمانه : تراك وعدتني
عبدالرحمن : ابشري على هاذا الخشم
ويوم ركبو سياره وراحو بيت جدهم وكلهم نزلو وكانو نواف و جمانه يطالعون بعض وبعدين جمانه مشت وهي تحس ان نواف بيصر له شي وراحت ودخلت
بعد مامر الوقت بدون احداث
_________
عند الشباب
سلمان : نواف
نواف : هلا
سلمان : الحين المغرب شرايك نروح نفحط
نواف : يلا جوي مره
ويوم طلعو وركبو سياره و راحو مكان كان كله جبال و شارع كبير عشان ياخذون راحتهم
________
عند الشياب
ابو عبدالعزيز : محمد
محمد : سم
ابو عبدالعزيز : وين اخوك سلمان و نواف
محمد : والله مدري وينهم اكيد طلعو يروحون شي قريب ويجون
ابو عبدالعزيز : دق عليه وشف وينهم
محمد : ابشر
ويوم محمد دق على اخوه سلمان و كان جواله مشغل و كل شوي يدق ولا يرد
محمد : ياجدي مايرد اكيد جواله طفى جواله
بعد ساعتين عند سلمان و نواف
حسين : لاحول ولاقوة الا بالله
محسن : الله يصبر اهلهم
حسين : امين بس دقيقة هذا مو كان حفيد ال محمد
محسن : الا والله اجل مين الي معه
حسين : يمكن صديقه او جيرانهم محسن : مدري والله بس دقيقة واحد منهم يدق جواله
حسين : اي
ويوم محسن خذ الجوال و رد على محمد
محمد : سلمان وينك ماترد ترا جدي خايف عليكم
محسن : لاحول ولا قوة الا بالله
محمد وهو متوتر : من انت وين سلمان اخوي وينه
وفجاة كلهم ناظرو محمد بتوتر وخوف
محسن : والله يا اخوي لقينا سيارة مقلوبة وفيها شخصين وكلهم مصابين ودقينا على الاسعاف وهي جايه
محمد : اي مستشفى
محسن : مستشفى الفلاني
محمد : جايكم
ابو عبدالعزيز : وش سالفه ياوليدي
محمد : نواف و سلمان صار عليهم حادث
ابو نواف : ايش
ابو محمد : يلا قم ودنا المستشفى
ابو عبدالعزيز : يلا وانتو اقعدو ولا احد يدري في الموضوع
الكل : ابشر بس نبي نتطمن عليهم
ويوم كلهم راحو المستشفى وسالو عنهم وقالو انهم في العمليات وقعد ابو محمد و ابو نواف ضايق صدرهم ولا يتكلمون
عبدالرحمن : يبه انت ادع انه يصحى ولا يكون فيه شي
ابو محمد : ان شاء الله الله يسمع منك
ويوم طلع الدكتور
الدكتور : وين ابو نواف
ابو نواف : انا ابوه
الدكتور : الحمدلله قدرنا نساعد نواف وطلع بسلامه بس في كسر فس يده ورقبته توجعه
ابو نواف : الحمدلله لك يارب
ابو محمد : طيب وانا ولدي كيفه
الدكتور صد بحزن : والله يا ابو محمد مانقدر نقول لك شي لان الحين هو في غيبوبة ولا صحى ونحتريه يصحى
تنهد ابو محمد بضيق وصد
ابو نواف : لاتخاف ياعبدالعزيز ولدك اسد بيقوم من الغيبوبة ولا تخاف
ابو عبدالعزيز : لاتخاف وانا اعرف حفيدي
.
.
.
.
( الله شكل بيصير حب في قلب عبدالرحمن نبي نعرف من هي ؟
( اهخخ يوم جمانه درت عن نواف و اخوها سلمان يوم الحادث تكسر الخاطر يلا عاد ادعو لسلمان يقوم من الغيبوبة 😞)