.
.
.
في قاعه على ساعه 1 ليل
البنات كلهم قاعدين مع بعض ويتكلمون
جمانه بضحك : بنات ام اصفر اليوم وهي ترقص مو طبيعية
سحر : اي والله وانتي صادقه
جمانه : بنات خلاص معد ابي اسولف
نوره : وليه ماتبين تكملين
جمانه : ابي ميس
نوره : طيب دقي على محمد اخوك
جمانه : اي صح
وخذت جوالها جمانه دقت على محمد
جمانه : الو محمد
محمد : هلا
جمانه : وينكم
محمد : في سياره
جمانه : حط سبكر
محمد : حطيت
جمانه : ميوس خلاص ارجعي واقعدي حشي معنا مو قلادره اسولف بدونك
ميس بضحكه : ياعيوني انتي خلاص بكره اجي وسولفي الين ماتبين
جمانه بفرحه : اي كفو اي اسمعيني شفتي ابو راس الي عندك ان
سوا فيك شي دقي انتي علي بس والله اجي وادفنه لك
محمد مصدوم : اح ياجمانه ماهقيتها منك تصيرين ضد اخوك
جمانه بجحده : لا ابد ما اصير ضد اخوي انا اصير معه
محمد : اي صدقت يلا اذلفي
جمانه : ميس شوفي شغلك عليه لان قال لي اذلفي
ميس : ابشري
محمد : يلا وصلت الفندق بقفل
جمانه : طيب ميوسه انتبهي لنفسك من ابو راس
ميس : من عيوني
جمانه : يلا مع سلامه
محمد : دقيقة
جمانه : وش تبي بعد يا ابو راس
محمد : في شي ماقلتي
لي
جمانه : ماراح اقول ويلا مع سلامه
وقفلت جمانه في وجه محمد وكانت تضحك
~ عند محمد وميس في الفندق ~
نزلو من سياره وكان محمد يساعد ميس بفستانها
وراحو لغرفتهم ودخلو
محمد : انا بروح اجيب العشاء وانتي خذي راحتك
ميس : تمام ياعيوني
محمد ذاب من كلمت ^عيوني ^
ميس بضحكه : يلا مو قلت بتروح تجيب العشاء
محمد : ياجعلني فدا الضحكه
ميس استحت : محمد خلاص يلا رح جب العشاء
وطلع محمد يجيب العشاء
وراحت ميس تفك الفستان وتزين شعرها و راحت تلبس ملابسها
وخلصت وقعدت في الكنبه وفتحت جوالها وقعدت تتفرج على تصوير
البنات لها من جوالها
لين : بنات عرفتو من ام اصفر ولا اعلمكم من هي
سحر : من قولي
لين : بنت عمتي ربى الي خطبها نواف قبل أسبوع
هنا سكتت جمانه ولا قالت شي وكانت تناظر في نجد
وعيونها كلها دموع
سحر : يوه عاد شينه مره
لين : مره شينه مدري وش لاقي فيها نواف
ولا تجي يارا عندهم
يارا : يلا يابنات تعالو تعشو
قامو كلهم الا نوره و نجد و جمانه
يارا : جمانه يلا تعالو
جمانه بغصه : ما اشتهيت اكل شي
يارا : ليه ياعيوني وشفيك
جمانه : مافيني شي بس بقعد شوي واجي
وراحت يارا والا فجاة جمانه تحضن نجد وهي تبكي
جمانه ببكى قوي وبحضن نجد : يانجد خطب وهو يحبني ليه يلعب بمشاعري وكل شي وبعدين يروح يخطب بنت عمته
نجد : هدي ياعيوني هو مايستاهل ان يكون زوجك الحمدلله ان ربي
طلعه على حقيقته
جمانه سكتت ونوره و نجد مايسمعون غير شهقاتها
نجد : جوجو امسحي دموعك وتعالي ناكل
جمانه بضيقة صدر : تمام
ومسحت دموعها وقامو البنات كلهم وقعدو ياكلون الا جمانه كانت
تحوس بصحنها ولا تاكل
نجد بهمس لجمانه : جوجو كلي ياعيوني
جمانه : تمام
وكلو البنات وحاول ينسون جمانه السالفه ونست وقعدو يضحكون مع بعض
ام محمد : يلا يابنات بنمشي
وقامو البنات وراحو ياخذون اغراضهم ولبسو عبايتهم ونقابتهم
وطلعو وركبو سياره والي كان يسوق عبدالرحمن ومع نواف وبهاج
وحركو
عبدالرحمن : جوجو وشفيك ساكته العاده بعد العرس تحشين فيهم كلهم
جمانه كانت تهوجس وبعالم ثاني
عبدالرحمن : جوجو فيك شي
جمانه : هلا لا مافيني شي
عبدالرحمن : طيب سولفي وش صار معكم في العرس
جمانه : بعدين
عبدالرحمن : ليه فيك شي
جمانه : لا مافيني شي
وكمل عبدالرحمن السواقه وصلو البيت وكلهم نزلو وكانت اخر وحده جمانه
وسحبها عبدالرحمن لجه ثانيه
عبدالرحمن : وشفيك قولي
بكت جمانه وتقدم عبدالرحمن وحضنها وهي تبكي
عبدالرحمن : قولي لي ياعيونك اخوك
جمانه بشهقه قويه وصوت متقطع : ن.و.ا.ف . خ. ط. ب . ب. ن .ت .ع. م . ت. ه ( نواف خطب بنت عمته )
عبدالرحمن : هدي ياجوجو وقولي لي وشصار
جمانه ببكى قوي : ياعبدالرحمن نواف خطب بنت عمته
عبدالرحمن : شلون دريتي
جمانه ببكى : من خواته اليوم في العرس
حضنها عبدالرحمن وهي تبكي ويوم حضنها عبدالرحمن شدت على ثوبه من ورا بقوه
عبدالرحمن: جوجو ياعيوني روحي غرفتك و ارتاحي
جمانه هزت راسها بمعنى " تمام "
وراحت جمانه وفجاة تصادف نواف بوجها وكان نقابها مليان دموع جمانه وعيونها كلها حمرا
وتجاهلت نواف ودخلت داخل البيت وكانت فيها غصه وراحت فوق
لغرفتها وغيرت ملابسها ومسحت مكياج وانسدحت على سرير
~عند نواف و عبدالرحمن ~
جاء نواف لعند عبدالرحمن
نواف : وشفيها جمانه
عبدالرحمن : مافيها شي يلا مع سلامه انا بروح اغير ثوبي
وبنوم
وراح عبدالرحمن وكان يفكر في جمانه و راح لغرفته وغير ثوبه ولبس ملابسه
وقعد في سريره ويحوس بشعره ويفكر
~ بغرفة جمانه ~
كانت تفكر ودموعها تنزل وخذت جوالها ودقت على ميس
جمانه : ميس
ميس : عيونها
جمانه : فاضيه ولالا
ميس: اي عيوني
فجاة جمانه بكت
ميس : جوجو ياعيوني وشفيك
جمانه : لا مافيني شي
وقفلت جمانه من ميس وقعدت تصرخ بقوه من كثر ضيقه وسمعوها الكل
وجت عندها نوره
نوره : جوجو ياعيوني هدي
جمانه ببكى قوي : ما ابي احد عندي اطلعو كلكم
وطلعو والا يجي عبدالرحمن ويدخل عندها ويقفل وراه الباب
والا توقف جمانه وتروح تحضن عبدالرحمن على طول
عبدالرحمن : جوجو ياعيوني هدي
جمانه ببكى : عبدالرحمن مو قادره مو قادره
عبدالرحمن : الا انتي تقدرين
وخذ عبدالرحمن جمانه وقعدها في سرير وحطت جمانه راسها على رجل عبدالرحمن وكانت تنزل دموعها وتطلع منها شهقات
جمانه ارتفعت وقعدت زين
جمانه : عبدالرحمن
عبدالرحمن : لبيه
جمانه : شف اذا امي واخواني وابوي قايمين نادهم
عبدالرحمن : تمام
وفتح عبدالرحمن جواله
~ قروب عائلة ~
عبدالرحمن : الكل صاحي
ام محمد : اي وشفيك
محمد : وش تبغى
عبدالرحمن : تعالو غرفة جمانه كلكم ومحمد انت دق علي
الكل : تمام
وتجمعو كلهم في غرفة جمانه
ام محمد : جوجو ياعيوني وشفيك
جمانه : ابغى اطلب منكم طلب
ابو محمد : قولي يابنتي
جمانه : ابغى اسافر برا لحالي
ابو محمد : ليه وشفيك
جمانه : ياببه ابي اطلع برا اغير جو
ابو محمد : تم ماطلبتي شي
سلطان : وين بتروحين
جمانه : لندن
سلمان : حلو بس لازم محمد نقول له
محمد : انا معكم على خط
سلمان : وجع بسم الله مو انت عند حرمتك
محمد : وشدخلك انت
ابو محمد : خلاص انا موافق
جمانه بفرحه : وه شكره ماتقصرون
ابو محمد : اهم شي راحتك
محمد : هي متى بترجعين
جمانه : مدري والله يمكن اطول
محمد: ليه
جمانه : بروح اغير جو
ام محمد : آنا موافقه بس انتبهي لنفسك ولصلاتك
محمد : تمام انا موافق
ريان : حتى انا موافق
سلمان : وحتى انا موافق
سلطان : حتى انا مواقق
عبدالرحمن بـ استهبال : لا انا مو موافق
ولفت جمانه على عبدالرحمن وكانت تناظر فيه وكانت دموعها شوي وتنزل
عبدالرحمن بضحكه : استهبل معك روحي سافر وغيري جو
جمانه بفرحه : اهخخ الله لايحرمني منكم كلكم
والكل : ولا منك
جمانه : ولا ابي خالتي سميه وبناتها يدرون ولا ولدها و ابوهم
الكل : تمام
جمانه خذت الجوال من عبدالرحمن : وانت يا ابو راس والله ان
قلت شي لميس والله اسحبك مع اذونك
محمد : ماراح اقول لها شي بس لا تاكليني
جمانه : اي شاطر ورح لزوجتك خلص وقتك معنا يا العريس
محمد : اي اوريك بكره
جمانه : اي يصير خير ويلا مع سلامه
وقفلت جمانه المكالمة واعطت الجوال عبدالرحمن
جمانه : ماودكم تطلعون لان ابي ارقد تعبانة مره
عبدالرحمن : ماشاءالله طرده محترمه مره
جمانه : اي
وطلعو كلهم وكانت جمانه فرحانه مره وبعد عشر دقايق نامت
~ فندق ~
ميس : وشفيك ما اكلت
محمد : شبعان مره كلي انتي
ميس : انا الحمدلله شبعت
محمد : تمام انا بروح ابدل ثوبي واجي
ميس : تمام
وراح محمد بدل ثوبه وخلص وراجع وشاف ميس قاعده على سرير
محمد : تبغين نتابع شي ولا نام
ميس : لا خن نام عشان بكره نروح بدري لـ اهلنا
محمد : اي صح اجل تصبحين على خير
ميس : وانت من اهل الخير
وكلهم نامو
~ بيت ابو عبدالعزيز ~
الظهر - ساعه 12:30
ام عبدالعزيز : يابنات كلشي جاهز ولالا
لين : اي كل شي جاهز
ام عبدالعزيز : زين
جمانه : بنات ماشفتو جوالي
سحر : في المطبخ
جمانه : تمام
~ الفندق عند ميس و محمد ~
ميس : محمد يلا قم لانتاخر على اهلنا
محمد بصوت مليان نوم : خمس دقايق بس
ميس : وش خمس دقايق ترا مره تاخرنا والحين ساعه 12:47
محمد فز من مكانه : ساعه كم
ميس بضحكه خفيفه : 12:47
محمد : يوه تاخرنا مره
ميس : يلا قم البس لاني انا خلصت وجهزت من قبل
محمد : طيب ليه ماصحيتيني معك
ميس : اصحيك بس انت ماصحيت
محمد : عادي يلا انا بتروش وبطلع والبس ونروح لهم
ميس : تمام
وراح محمد يتروش وخلص وطلع ولبس ملابسه
محمد : يلا مشينا
ميس : يلا
وطلعو من غرفتهم وكان محمد ماسك يد ميس وطلعو وركبو سياره
محمد : تبين نجيب معنا شي ولالا
ميس : اي عادي
محمد : خلاص هناك في محل حلا وننزل نشتري
ميس : تمام
وكملو طريقهم وكان محمد مبسوط ان ميس صارت زوجته
محمد : يلا وصلنا المحل
ونزلو ودخلو
ميس : محمد هذا حلو
محمد : خلاص تم اي شي تبينه انا راضي
ميس ابتسمت
محمد : يلا اعطيني بحاسب وانتي اركبي سياره
ميس : ابشر
وطلعت وراحت وركبت سياره والا يجي محمد وركب
محمد : تفضلي هذا الحلا الي اخترتيه انتي
ميس : شكرا مره
محمد : مابينا
وكملو طريقهم
~ بيت ابو عبدالعزيز ~
في المجلس
ابو عبدالعزيز : سلطان
سلطان : سم
ابو عبدالعزيز: ما كلمك محمد متى بجي
سلطان : في طريق
والا فجاة تنفتح البوابة ويسمعون بواري ويطلعون كلهم الحريم و بنات و الرجال و العيال
ابو عبدالعزيز بصوت عالي : ياهلا ويامرحبا بمعرسنا
محمد : ياهلا فيك ياجدي
وراح محمد يسلم على جده وعمانه وعماته وجدته وامه ونفس شي ميس راحت تسلم على ابوها و امها وخواتها والحريم ويوم وصل محمد لعند جمانه
جمانه : نزل راسك شوي
محمد : يوه توني استوعب انك قصيره
جمانه : ابو راس اهجد ولاتطقطق على طولي ترا طولي 162
محمد بضحك : يوه وه فديت القصيره وخلاص بنزل راسي بس لاتقولين ابو راس
جمانه : خلاص بسكت بس نزل راسك
نزل محمد راسه لمستوى جمانه : ها نزلت راسي وش تبين
مدت جمانه يدها ومسكت اذن محمد : من القصيره
محمد بضحك : يوه خلاص
جمانه : لا تكفى قول من القصيره لان فيني فضول مره
محمد : خلي فضولك في نفسك ولا اتكلم عن موضوع امس الي تكلمنا فيه
فكت جمانه يدها من اذن محمد : لا اسف انت اخوي حبيبي نزل راسك مره ثانية بحبه
محمد بضحك : اي شاطره
ابو محمد : وش موضوعه انت وياها قلتوه بدونا
محمد : يبه شفيك نسيت
ابو محمد : اي صح ذكرت
جمانه وهي كاتمه ضحكتها : يبه لايكون فيك زهايمر
ابو محمد بصوت حاد شوي : جمانه
جمانه بدموع تحاول تخفيها : اسف
عبدالرحمن بضحكه عاليه : وقسم بالله انها ام دميعة ماتوفر دموع
بهاج بضحكه : نفس الي عندي ماتفور دموع
نوره : بهاجوه
بهاج وهو ماسك ضحكته : ابشري
عبدالرحمن : اي احسن عشان مره لاتتكلم عليها
بهاج : توبه مره توبه
عبدالرحمن : اي احسن
ابو عبدالعزيز : يلا ياحريم ادخلو داخل
ودخلو الحريم داخل
~ مجلس الحريم ~
ام عبدالعزيز : شلونك ياعروستنا
ميس : طيبه الحمدلله
ام عبدالعزيز : الحمدلله
ام محمد : شلون محمد معك يابنتي
ميس : طيب الحمدلله
ام محمد : الحمدلله
والا فجاة تلف جمانه لميس : تعالي لايكون ابو راس ضاربك سابك مسوي
فيك شي لا ان انا الي بذبحه على يدي
نوره : تم وانا محزم معك
جمانه : كفو يامحزمي
نجد : تم وانا بعد
جمانه : كفو
ميس يضحكه : لا خلو زوجي
جمانه بضحكه : وه زوجها ترا اخوي
ميس : عادي
وفجاة جمانه سكتت وذكرت ان بتسافر وتخليهم
نوره : جوجو وشفيك
جمانه : هلا لا مافيني شي
نوره : ترا من امس الي صار وانتي مو عاجبتني
جمانه : لا مافيني شي
ميس قامت من مكانه وسحبت يد جمانه : تعالي بكلمك في موضوع
جمانه تذكرت الي صار امس : تكفين خليها بعدين
ميس : جوجو قومي الحين
جمانه : تمام
وراحو لغرفه الي في طاولة الطعام
ميس : جوجو وشفيك امس يوم دقيتي علي لان واضح انك كنتي متضايقة
جمانه بجحده : لا مافيني شي وماكنت متضايقة
ميس : طيب والي تو قالت نوره يعني هي تكذب
جمانه : لا
ميس : طيب قولي وشفيك ياعيون اختك قولي انا بسمع لك
جمانه : مافيني شي واذا صار شي قلت لك
ميس : متاكده
جمانه : اي متاكده ومليون مره متاكده
ميس بضحكه خفيفه : اجل يلا خلينا نرجع لبنات
جمانه : والله اني احسد ابو راس على ذا الجمال وكل شي اهخ ياويله ابو راس ان مد يده عليك
ميس بضحكه : ابشري ياعيوني
وراحو جمانه وميس لعند البنات
ام محمد : جمانه يابنتي اطلعي لـ اخوانك وابوك برا ييبونك في الموضوع
جمانه : ابشري
وراحت جمانه تلبس عبايتها ونقابها وطلعت لهم
جمانه : هلا بغيتوني
ابو محمد : اي بنتي
جمانه : هلا وش تبوني فيه
عبدالرحمن بتمثيل الحزن : ترا مالقينا حجز الا بعد شهر
جمانه بدت دموع عيونها تتجمع : ابد مافيه حجز اليوم
محمد بتمثيل الحزن : اي واساس كل الطياران محجوزه
جمانه سكتت وبدت الدموع تنزل من دموعها
وتقدم لها سلطان وحضنها : لا ياكذابين حجزنا لجوجو وافخم مكان
جمانه بفرحه : صادق سلطوني
سلطان بضحكه : اي صادق
وطلع جواله وطلع تذكره : هاذي التذكرة والطياره اليوم المغرب
جمانه بدموع : تكفون خلاص كنسلو ما ابغى اروح واخليكم
عبدالرحمن بضحكه : وليه وحنا رضع عشان تخافين علينا
ابو محمد ضرب راس عبدالرحمن من ورا : ماودك تعقل انت
عبدالرحمن : ابشر
جمانه بضحكه : اي احسن
عبدالرحمن : لا اروح الحين الغي الحجز
جمانه : لا حبيبي انت اخوي استهبل معك وشفيك
عبدالرحمن : اي زين
ابو محمد : يلا بنتي روحي جهزي اغراضك الحين عشان اذا خلصتي
منها يجي سلمان وياخذها ويحطها في سياره
جمانه : تمام
وتقدمت حبت راس ابوها : ماتقصر يابابا
عبدالرحمن : خلاص خلص وقت يادلوعة بابا وماما
جمانه : بابا شوفه
ابو محمد : عبدالرحمن خل اختك براحتها ويلا يلا ياجمانه ادخلي
ودخلت جمانه وفي بالها الموضوع وشلون بتقول لبنات
ودخلت المجلس
جمانه : نوني تعالي فوق غرفتي
نوره : ابشري
وراحت نوره ورا جمانه لين ادخلو الغرفه ونوره قاعده على سرير
والا جمانه تطلع شنطتها من دولابها وتحطها على سرير
نوره بصدمه واستغراب : جوجو وش قاعده تسوين
جمانه : اليوم بسافر
نوره : على وين بتسافرين
جمانه : بروح اغير نفسي لان حاسه هلفتره مره متضايقة ومحتاجه اسافر
نوره : طيب بتقولين لبنات انك بتسافرين ولالا
جمانه : لا بس انتي بتعرفين وترا اهلي يعرفون وهم الي حجزو لي
نوره : طيب ليه ماتبين البنات يعرفون
جمانه : بيعرفون مع الوقت واهلي بيقولون لهم وانا ما ابي اهل ميس يدرون وخاصة نواف لان بعدين ابيهم يدرون مو الحين
نوره : تمام
وبدت جمانه تشاور نوره في الملابس وبدت تحط اغراضها كلها
ويوم خلصت جمانه قفلت شنطتها وحطتها عند باب الغرفه
نوره بدموع : تكفين جوجو لاتروحين
جمانه : والله يانوني ودي بس ما اقدر واساس ابي اغير جو
نوره : خلاص بس لازم يكون بينا تواصل
جمانه : ابشري من عيوني ماطلبتي شي يانوري
وطلعو جمانه و نوره ونزلو لعند البنات
~ مجلس الحريم ~
ام محمد : يلا يابنات حطو الغداء
سحر : ابشري
وراحو البنات كلهم الا نوره و ميس ونجد و جمانه قاعدين
جمانه : بنات تخيلو لو اسافر واترككم واقعد سنه برا
نجد بجديه : احش رجلك ان طلعتي برا البيت
جمانه ناظرت نوره بخوف من نجد : وليه تحشين رجلي
نجد : ان سافرتي
جمانه : خلاص توبه
نجد : اي احسن
جت سحر لعند ام محمد : ياخالتي حطينا كل شي
ام محم : تمام ، يلا تفضلو على الغداء
وقامو كلهم وراحو لطاولة الطعام وكانو الكل فرحان
ام عبدالعزيز : حور يابنتي
حور : سمي
ام عبدالعزيز : انتي اي شهر الحين
حور : شهر الرابع يايمه
ام عبدالعزيز : ماشاءالله ان شاء الله تولدين بصحة وسلامه
حور : ان شاء الله
وقعدو كلهم يكملون اكلهم ويوم خلصو قعدو البنات يشلون الصحون
ويغسلونها ونفس الشيء بعض البنات راحو يجيبون الصحون الي
عند رجال ودخلو يغسلونهم كلهم وخلصو وقعدو في صاله لحالهم
~ مجلس الرجال ~
ابو عبدالعزيز : متى بتسافر يامحمد
محمد : اليوم ياجدي
ابو عبدالعزيز : زين
ابو نواف : نواف تعال بكلمك برا شوي
نواف : ابشر
وطلع نواف برا مع ابوه
نواف : سم يايبه وش بغيت
ابو نواف : كلمني ابو ربى وحدد متى الملكه
نواف تنهد من طاري : يابيه انا ما ابيه خلاص مو لازم تجبروني
ابو نواف : وانت لازم تسمع كلام جدك
نواف بعصبيه : ياببه هاذي حياتي انا وانا الي ابي اختار من اتزوج
مو انتو الي تختارون لي
ابو نواف : جدك الي قال لك تزوج ربى يعنى تتزوجها
نواف بعصبيه : بس يايبه انا ما ابيها
ابو نواف : انا ماني باكسر كلمة ابوي عشانك ماتبي بنت اختي
نواف ترك ابوه ودخل داخل وهو معصب
عبدالرحمن بهمس لمحمد : وش فيه معصب مره اخاف اكلمه وينفس علي
محمد بهمس لعبدالرحمن : خله عشان ماينفجر علينا
عبدالرحمن : اي
وفتح محمد جواله
~ محادثة ميس ~
محمد : ميس
ميس : لبيه
محمد : نمشي الحين
ميس : اذا عادي شوي
محمد : لان انا مسوي لك مفاجاة
ميس : تمام بس عادي ربع ساعة بس لان ابي اقعد مع بنات
محمد : تمام ياعيوني ربع ساعة ونطلع
ميس : تمام
وقفل محمد جواله
محمد : نواف
نواف وهو يحاول يمسك عصبيته : نعم
محمد : وشفيك معصب هد اعصابك شوي
نواف : مافيني شي
محمد : تمام
~ مجلس الحريم ~
ام نواف : يابنتي متى بتسافرون
ميس : اليوم
ام نواف : زين وانتبهي لنفسك و لرجلك
ميس : ابشري
جمانه : بنات
الكل : لبيه
جمانه : دام ميس بتسافر اليوم بنسوي شي قبل لاتسافر
نجد : تكفين ياجوجو لاتسوين مصايب
جمانه : لا معليك ماراح اسوي شي بس نقعد في المطبخ و نسولف
نجد : تمام
وقامو البنات كلهم وراحو المطبخ وقعدو في طالوه
جمانه : معليش يا ميس امس ربى ذي بنت عمتك بغيت اذبحها
ميس بضحكه : ليه
جمانه : تتمعيع وتتدلع وتغير صوتها وع معليش لو انها قدامي الحين ذبحتها
ميس : مره صادقه حتى لان نجتمع عند عماتي وربي تتميع وكل شي
وحتى في مره قد فركت وجها بيدي
جمانه : كفو
ميس : كفوك طيب
والا فجاة تجي رساله من جوال ميس
محمد : يلا نمشي
ردت ميس : يلا
مبس : يلا يابنات مع سلامه
حزنو البنات كلهم عشان ميس بتسافر
وقامو وكل وحده حضنتها واخر وحده جمانه كانت واقفه
ميس : جوجو تعالي وشفيك
وتقدمت بسرعه وحضنتها بقوه
وحست ميس ان ذا الحضن وراه شي
ميس : يلا مع سلامه
وراحت ميس تسلم على امها وعلى ام محمد
ام نواف : انتبهي لنفسك يابنتي واي شي تبغينه اتصلي علي
ميس : ابشري
ام محمد : شوفي ميس ان سوا شي فيك محمد دقي علي على طول انا ادبه لك
ميس بـ ابتسامه : ابشري
ولبست عبايتها ونقابها وطلعت
محمد : يلا
ميس : يلا
وركبو سياره وطلعو من البيت
~ مجلس ابو عبدالعزيز ~
ابو عبدالعزيز : ياعبدالرحمن
عبدالرحمن : سم
ابو عبدالعزيز : متى ناوي تتزوج
عبدالرحمن : مدري والله ياجدي
ابو عبدالعزيز : انت اختار وحنا نروح نخطب لك
عبدالرحمن : لا مو من برا العائلة
ابو عبدالعزيز : ماشاءالله ومن تبي تاخذ
عبدالرحمن : بعدين تعرفون
ابو عبدالعزيز : زين
مر الوقت الين صار المغرب
~ غرفة جمانه ~
ام محمد : جوجو الشنط خليتي سلمان يركبها ولالا
جمانه : اي ركبها
ام محمد : زين يلا البسي عبايتك و نقابك ونطلع
جمانه : ابشري
ولبست عبايتها وراحت تلبس نقابها وكانت واقفه عند المراية
ونزلو تحت وشافتهم ام عبدالعزيز
ام عبدالعزيز : على وين بابنتي
ام محمد : رايحين مشوار وبنرجع
ام عبدالعزيز : زين انتبهوا لنفسكم
ام محمد : ابشري
وطلعو وكانو وافقين اخوان جمانه وابوها وقفت جمانه معهم
ابو محمد : يلا اركبو
وركبو كلهم وكانت جمانه فنص بين ريان و عبدالرحمن وسلطان و سلمان ورا
جمانه وهي مكتومه : ياخي انكتمت وخرو رجلكم عني
عبدالرحمن وهو يطقطق بجوالها : يا اختي الكريمة لاتزعجيني
جمانه ضربت رأس عبدالرحمن : وجع وانا اموت عشان لا ازعجك
عبدالرحمن بضحك : لا استهبل معك يا جوجي
جمانه : اي زين ولا هبدتك بشنطه الي معي
ريان : انت وياها ماودكم تسكتون
جمانه وعبدالرحمن بنفس الوقت : لا
ريان : خلاص لاتاكلوني
وبعد نص ساعة وصلو
~ مطار الملك خالد الدولي ~
وصلو المطار ونزلو كلهم وعبدالرحمن راح ينزل اغراض جمانه
ودخلو المطار وصلو الين ممر الدخول المسافرين
وقفو كلهم
ابو محمد : جوجو
جمانه : لبيه
ابو محمد فتح يده عشان جمانه تحضنه : ماودك تحضنيني قبل لاتسافرين
جمانه تقدمت لحضن ابوها وحضنته
ام محمد : خلاص الحين دوري جوجو تعالي بحضني
وحضنتهم كلهم الا عبدالرحمن يوم شافته راحت له وحضنته بقوه وفجاة بدو يسمعون شهقات
عبدالرحمن تنهد : جوجو ياعيوني لا تصحين
جمانه ببكى : خلاص ما ابي اسافر واخليكم
عبدالرحمن : لا ياعيونك اخوك روحي و غيري جو احسن من تقعدين هنا
جمانه هزت راسها بمعنى " تمام "
ابو محمد : يلا روحي ياجوجو عشان تلحقين على المفاجأة
جمانه : تمام
ودخلت الممر حق المسافرين وراحو اهل جمانه وراحت تدخل الطياره
ودخلت الممر والين وصلت لموظفة الطيران
موظفة الطيران : التكت لوسمحتي
جمانه : تفضلي
موظفة الطيران : تفضلي من هنا درجة الاعمال
جمانه : تمام شكرا ماتقصرين
ودخلت جمانه وشافت وحطت اغراضها فوق وقعدت في مكانها
وفتحت جوالها وشافت رساله من نوره
~ محادثة ~
نوره : هلا جوجو وصلتي المطار
جمانه : اي توني راكبه الطيارة
نوره : زين واذا وصلتي ارسلي لي عشان اتطمن عليك
جمانه : ابشري , واذا راحو اهل ميس ارسلي لي
نوره : ليه
جمانه : علميني وعشان ابغى امي تفاتح الموضوع مع عماتي و جدتي
نوره : ابشري
وقفلت جمانه جوالها وكانت تشوف الجو ليل من شباك الطياره
~ بيت ابو عبدالعزيز تحديدًا في مجلس الحريم ~
ام نواف : يلا مع سلامه
ام عبدالعزيز : على وين يابنتي
ام نواف : اليوم ملكة نواف وبنروح
ام عبدالعزيز : ماشاءالله الف مبروك
ام نواف : الله يبارك فيك ، يلا مع سلامه
الكل : مع سلامه
نجد بهمس لنوره : وش بنسوي لو درت جمانه ان ملكة نواف اليوم
نوره بهمس لنجد : والله مدري بس نحاول مانقول لها
وطلعو اهل نواف كلهم
ام محمد : انا بقول لكم شي
ام عبدالعزيز : قولي يابنتي
ام محمد : اليوم كانت رحلة جمانه وهي الحين مسافره
وفجاة تشرق نجد وهي تشرب المويه
نوره : صحه اشربي زين
نجد بصدمه : دقيقة ابغى استوعب ان جوجو مسافره ولا قالت لي شي
ام محمد : واساس كل هذا صار اليوم الفجر
ام عبدالعزيز : وين راحت
ام محمد : لندن
ام عبدالعزيز : وه وش ودها لديره كلها اجانب ولا من عرقنا ولا من عادتنا
ام محمد : يايمه جمانه تعرف لهم لان قد سافرنا لهم
ام عبدالعزيز : والله لو انها رايحه لديره نعرف لها ومن عرقنا كان احسن
لها
ام محمد : والله يا يمه هي تبيها
ام عبدالعزيز : طيب متى بترجع لنا
ام محمد : والله لما الحين ماقالت لنا متى بترجع
ام عبدالعزيز : اهم شي انها ماراح تطول
ام محمد : والله اني ما ادري
ام عبدالعزيز : زين
~مجلس ابو عبدالعزيز ~
ابو محمد : انا بقولكم شي صار اليوم
ابو عبدالعزيز : قل وش عندك من علم
ابو محمد : اليوم جمانه بنتي سافرت برا
ابو عبدالعزيز بصدمه : وليه تسافر وش عندها
ابو محمد : رايحه تغير جو
ابو عبدالعزيز : وسفرتنا قبل شهرين
ابو محمد : يايبه البنت متضايقة خلها تسافر
ابو عبدالعزيز بعصبيه خفيفه : بسمح لها هلمره ولا مره ثانيه ماتسافر
ابو محمد: ان شاء الله
ابو هتان : الا وين راحت ياعبدالعزيز
ابو محمد : راحت لندن
ابو هتان : وليه راحت لندن كان راحت شي عندنا في السعوديه
ابو محمد : والله البنت تبي لندن ولا حبيت اكسر بخاطرها
ابو هتان : اي زين
ملهم بهمس لهتان : والله ان البنت قويه وسافرت برا
هتان بهمس لملهم : اي والله انا لو اسافر برا جدي قص رجلي
ملهم بهمس لهتان : كلنا والله بس والله ان خالي سوا كل شي
قبل لايعلم جدي واحسن شي
هتان بهمس لملهم : اي والله صادق
~ بيت العمه مزنه ~
عند باب
نواف : يايبه تراني مغصوب عليها ولا ابيها وليه جدي يغصبني عليها
ابو نواف بعصبيه خفيفه : كم مره قلت لك يانواف ما اقدر اكسر كلمة ابوي
نواف : وطيب وليه وانا انجبر على ربى وانا ما ابيها
يايبه انا ما ابيها ولا ابيها تصير زوجتي
ابو نواف بعصبيه : نواف بتتزوج ياعني بتتزوج ربى
نواف بعصبيه : يبه انا ما ابيها
ام نواف : خلاص يانواف لازم تسمع كلام جدك وابوك
سكت نواف وكان معصب مره من تصرف امه وابوه معه
ودخلو البيت
ابو ربى : يلا هلا بنواف
نواف بدون نفس : هلا فيك
ابو ربى : تفضلو القعدر
وقعدو كلهم وقعدو يحترون الشيخ
الشيخ : السلام عليكم ورحمة الله وبركاته
الكل : وعليكم السلام ورحمة الله وبركاته
وقعد بنص بين ابو ربى و نواف
الشيخ : ^ قول زوجتك ابنتي ^
ابو ربى : ^زوجتك ابنتي ^
الشيخ : ^ على كتاب الله وسنة ورسوله ^
ابو ربى : ^على كتاب الله وسنة ورسوله ^
الشيخ : ^ على مايرضى الله ^
ابو ربى : ^ على مايرضى الله ^
ولف على نواف وقال
الشيخ : ^قول قبلت ابنتك زوجه لي ^
نواف بدون نفس : ^قبلت ابنتك زوجه لي ^
الشيخ : ^على كتاب الله وسنة ورسوله
نواف : ^على سنة الله و رسوله ^
الشيخ : مبروك الله يتمم عليكم الفرحه و راحه
وتنهد نواف من صارت ربى زوجته وطلع برا البيت وهو متضايق
ابو ربى : وينه نواف
ابو نواف : رايح يخلص شغله ويجي
ابو ربى : زين
~ في طيارة ~
كانت جمانه تناظر السماء والغيوم
وبعد ست ساعات جاء وقت الهبوط الطياره وهبطت الطياره وقامت جمانه من مكانها ونزلت شنطتها وطلعت من طياره و وصلت لممر
جمانه بسعاده : الحمدلله وصلت
ودخلت المطار بعد ماوصلت وراحت وشافت ستاربكس وراحت تطلب لها
(صح ان الحين جمانه في لندن بس راح اتكلم عربي لان الانجليزي ماراح اتكلم فيه )
جمانه : حابه اطلب قهوه
موظف ستاربكس : تفضلي وش تبغين
جمانه : ابغى قهوه سودا
موظف ستاربكس : تمام حسابك 4 القنيه إسترليني
جمانه : تمام
موظف ستاربكس : شبكه ولا كاش
جمانه : لا شبكه
موظف ستاربكس : أوكيه ، طيب وش الاسم الي اكتبه على الكوب
جمانه : جمانه
موظف ستاربكس : أوكيه
وحاسبت جمانه وقعدت تحتري قهوتها بعد ثلاث دقايق
موظف ستاربكس : جمانه
راحت تاخذ قهوتها
جمانه : شكرا
موظف ستاربكس : عفوا
وخذت جمانه قهوتها وراحت لعند باب الخروج من المطار
جمانه وبدت تشوف من سواقين الي برا وشافت لوحه مكتوب فيها " اهلاً بك ياجمانه بنت عبدالعزيز ال محمد " وكانت السيارة مرسيدس
وراحت له جمانه وقعد يركب الاغراض بـ سيارة
ودقت على نوره
جمانه : نوني قايمه
نوره : اي صاحيه
جمانه : تراني وصلت
نوره : الحمدلله على السلامة
جمانه : الله يسلمك يا روحي
والا فجاة جمانه تسمع صراخ نجد من جوال نوره
نجد بصراخ : انتي مب صاحيه انتي ارجعي بس والله لا اذبحك
جمانه بضحك : نجوده ليه
نجد : ياويلك مني ياجوجو
جمانه : معلينا يوم رحت صار شي
وفجاة نجد وجمانه ونوره كانو ساكتين ولا قالو شي
جمانه بخوف : بنات ردو صار شي
نجد وهي تحاول تنطق : اليوم
جمانه : اليوم وش انطوق احد منكم يتكلم
نجد : اليوم ملكة نواف وبنت عمته ربى
وفجاة سكتت جمانه
نجد : جوجو
جمانه بضيق : لبيه
نجد : فيك شي
جمانه بضيق: لا مافيني شي بس راسي يعورني يلا مع السلامة بقفل
وقفلت جمانه وحطت راسها على شباك وبدت دموعها تنزل وفجاة مسكت
جوالها وفتحت محادثتها مع نواف
جمانه : مبروك لكم منك المال و منها العيال و عسى الله يسعدكم و يوفقكم و عقبال العرس ويخليكم لبعض والله لايفرقكم
وقفلت جوالها وهي متضايقة
~ في ربع الخالي ~
مكان مافيه احد
كان نواف شاب الضوء ومعه شاهي ويهوجس
والا فجاة تجي رساله من جمانه ويفتحها ويشوفها ان تبارك له عن ملكته
تضايق نواف ولا رد على جمانه وقفل جواله كله
نواف بينه وبين نفسه : ليه ماخطبتها من قبل الحين بتروح لغيري
والحين ماخذ ربى اهخ ياليتني تقدمت لها عشان مايغصبني جدي
اهخ ياجمانه
وقطع هواجيسه صوت كلب
~ في لندن ~
كانت جمانه تهوجس ومتضايقه
السواق : وصلنا يامدام
جمانه : تمام
لفت جمانه حجابها ولبست الكمامه ونزلت لفندق وراحت لـ استقبال
جمانه : هاي
راعي الاستقبال : نورتينا بفندق ***
جمانه : في حجز بـ اسم جمانه بنت عبدالعزيز ال محمد
راعي الاستقبال : دقيقة بشوف لك ، اي في وتفضلي هاذي التكت حق الغرفه
جمانه : ثنكيو
راعي الاستقبال : ولكم
وراحت جمانه جمانه وركبت المصعد ويوم ركبت شافت رجال
الرجال : السلام عليكم
جمانه : وعليكم السلام
الرجال : من وين انتي
جمانه : من المملكة العربية السعوديه وانت من وين
الرجال : حتى انا من السعودي
جمانه : اها ماشاءالله ونعم
الرجال : ونعم فيك ، الا بسالك من ال مين انتي
جمانه : ال محمد
الرجال : ماشاءالله وجدك عبدالرحمن
جمانه : اي
الرجال : ماشاءالله
جمانه : الا بسالك وش اسمك
الرجال : اسمي كايد ال مسعود
جمانه : دقيقة انت ولد الجوهره
كايد : اي
جمانه : وعندك خاله اسمها وفاء
كايد : اي وعندها اربع اولاد وبنت وحده
جمانه : انا بنت خالتك وفاء
كايد : ماشاءالله انتي جمانه
جمانه : اي انا
كايد : والله وتغيرتي مره وكبرتي
جمانه بضحكه خفيفه : وليه وتحسبني صغيره
كايد : لا بس تغيرتي مره
وصلو الدور حقهم وراحت جمانه ويصادف ان غرفة كايد و جمانه جمب
بعض
كايد : هذي غرفتك
جمانه : اي
كايد : ماشاءالله وطلعنا جيران
جمانه بضحكه خفيفه : اي
ودخلو كلهم
ويوم حطت جمانه شنطتها عند الباب وفكت عبايتها وانسدحت على السرير
وبدت الاشياء الي تجمعهم هي و نواف تذكرها وبدت دموعها تنزل
وفتحت جوالها ودقت على عبدالرحمن
جمانه بغصه : دحوم صاحي ولالا
عبدالرحمن : اي صاحي
جمانه : احسني متضايقة مره
عبدالرحمن : وشفيك ياعيوني اخوك
جمانه : مدري احس فيني شي مضايقني مره
عبدالرحمن : انسي ياعيوني وافرشي سجادة وصلي
جمانه : تمام
وقفلت جمانه وقامت توضت وفرشت سجادتها وقعدت تصلي ويوم خلصت الصلاة قعدت تقرا قران الين ما حست انها ارتاحت قامت وقعدت على
سريرها وتطقطق في جوالها وبعد عشر دقايق نامت
~ بيت ابو عبدالعزيز ~
نجد : نوره تتوقعين ان جمانه سوت شي بنفسها
نوره : لا ما اتوقع
نجد : بس يوم جوجو سكتت حسيت انها فيها شي
نوره : لا مافيها شي
نجد : طيب ساعه كم الحين
نوره : 1:47
نجد : اجل الحين عندهم 11 واكيد نامت من تعب
نوره : اي والله وانتي صادقه
نجد : خن نوم عشان نقوم الفجر نصلي وبعدين نام
نوره : تمام
ونامو البنات كلهم
~ اليوم ثاني ~
في بيت ابو عبدالعزيز على ساعه 9:50 صباح
في مجلس ابو عبدالعزيز
ابو عبدالعزيز : الا ياعبدالله وش صار معكم امس
ابو نواف : الحمدلله تملكو
ابو عبدالعزيز لف على نواف : الف مبروك يا نواف
نواف بضيقة صدر : الله يبارك فيك ياجدي
ملهم بهمس لنواف : ماسمعت وش صار امس
نواف : وش صار
ملهم بهمس لنواف : خالي عبدالعزيز خل بنته تسافر برا ويوم سافرت جاء خالي و قال لجدي
نواف بهمس لملهم : الي تقوله انت صادق فيه ولا كذب
ملهم بهمس لنواف : اي وانا صادق وحتى كانو مودينها كلهم المطار
سكت نواف وكانو محمد و عبدالرحمن يناظرون في نواف
عبدالرحمن : نواف تعال برا ابيك شوي
طلع نواف وهو ساكت ماقال شي وطلعو محمد و عبدالرحمن
عبدالرحمن : وشفيك من امس وانت مو عاجبني فيك شي
نواف تنهد : لا مافيني شي انا بطلع
وراح نواف وركب سيارته وطلع من البيت
وكان يهوجس لين وقف على جمب وفتح جواله ودق على سعود
نواف : الو سعود
سعود : هلا والله وينك من زمان عنك
نواف : لاتسال ياسعود بس ابيك تطلع لي وحده وينها وابي معلومات عنها
سعود : ابشر بس ابي اسمها الكامل
نواف جمانه بنت عبدالعزيز بن عبدالرحمن ال محمد
سعود : تمام عطني نص ساعة وارسل لك معلومتها كلها و وين هي
نواف : تمام
وقفل نواف من سعود وكان يهوجس ومرت نص ساعة وتجي رساله من سعود
سعود : اسمها جمانه بنت عبدالعزيز بن عبدالرحمن ال محمد
وعمرها 20 وصلية دمها ** وعايشه بـ الرياض وعندها خمس اخوان
ورقمها 057****** وعندها اربع اعمام و واربع عمات وصديقتها المقربه مره نوره وحاليا مسافره برا المملكة وفي لندن وتحديد في فندق ***
نواف : مشكور ماقصرت
سعود : مابينا يا نواف
وقفل نواف جواله و راح لبيت عمته مزنه وطق الباب
ابو ربى : جايك ، ياهلا بنواف
نواف : ياهلا فيك ياعمي
ابو ربى : تعال حياك
ودخل نواف مع ابو ربى لمجلس
ابو ربى : تو مانورت البيت يا نواف
نواف : النور نورك يا عمي
ابو ربى: بنادي البنت عشان تشوفها
نواف : تمام
ودخلت ربى على نواف وجلست جمب نواف
نواف : اسمعي يابنت عمتي انا تراني خاطبك و مغصوب عليك وانا
ما ابيك
ربى وهي تتدلع : نوافي ليه طيب انا احبك
نواف : وانا ما ابيك افهمي
ربى : نوافي ليه
نواف تنرفز من طريقة كلام ربى و طلع من البيت ورجع لبيت ابو عبدالعزيز ودخل عليهم في المجلس
نواف : السلام عليكم
الكل : وعليكم السلام
عبدالرحمن بهمس لبهاج : ذا ابي اعرف وش فيه من امس مو عاجبني مره
لبهاج بهمس لعبدالرحمن : وانت صادق مو عاجبني مره شكلي بروح اكلمه
عبدالرحمن بهمس لبهاج : زين
بهاج : نواف تعال بكلمك برا
نواف : تمام
وطلعو نواف و بهاج برا
بهاج : وشفيك معصب من دخلت
نواف : تكفى يابهاج لاتفتح الموضوع لان مضايقني مره
بهاج : وشهو الموضوع
نواف تنهد : جدي مزوجني بنت عمتي غصب عني
بهاج تذكر يوم جده زوجه هيام غصب عنه : طيب وش بتسوي
نواف : مدري وانا اساس مخطط اتزوج وحده بس شكلها بتروح من يدي
بهاج : اذا قصدك جمانه لا ما اتوقع وان شاء الله تاخذها بـ الحلال
نواف : الله يسمع منك يابهاج
بهاج : طيب يلا عاد اضحك لاتضيق خلقك وعاد اليوم ان شاء الله بنطلع
انا وانت وعبدالرحمن نتمشى
نواف بـ ابتسامه : تم
ودخل نواف و بهاج وجلسو عند عبدالرحمن
عبدالرحمن : واخير نفست مو زي قبل شوي باز بوزك شبرين
نواف : ترا والله ارجع زي تو
عبدالرحمن بضحكه : لا استهبل معك
ابو عبدالعزيز : ياملهم
ملهم : سم ياجدي
ابو عبدالعزيز : قم صب القهوه
ملهم : ابشري ياجدي
صالح : ياعبدالرحمن
عبدالرحمن ولد هيا : سم ياخال
صالح : مادورت لك وظيفة
عبدالرحمن ولد هيا : لا والله ياخالي مادورت وان شاء الله بروح ادور لي
صالح : ان شاء الله
~ مجلس الحريم ~
ام عبدالعزيز : نجوده
نجد : سمي
ام عبدالعزيز : سم الله عدودك ، شوفي نوره وينها
نجد : نايمه لان امس سهرنا
ام عبدالعزيز : وليه تسهرون
نجد : قعدنا ياجده
ام عبدالعزيز : زين
~~~~~~~~~~~
بعد مامر شهر على الوضع ونفس الشي جمانه كانت مسافره ولا رجعت
و رجعو ميس و محمد من شهر العسل في بيت ابو عبدالعزيز
~ مجلس ابو عبدالعزيز ~
ابو عبدالعزيز : ياعبدالعزيز
ابو محمد : سم
ابو عبدالعزيز بعصبيه خفيفه : جمانه صار لها شهر ولا رجعت متى
ناوي ترجع
ابو محمد : قريب ان شاء الله
ابو عبدالعزيز : متى قريب
ابو محمد : والله يايبه ما ادري
~ في لندن عند جمانه ~
صحت على ساعه 9:00 صباح
جمانه : مر شهر على سفري ولا رجعت الحمدلله
وقامت جمانه ودخلت دورة المياه (يكرم القارئ ) وتوضت وفرشت سجادة وبدت تصلي ويوم خلصت شالت سجدتها وقامت تلبس وتحط مرطب ولبست عبايتها ولبست كمامتها وطلعت وفجاة يطلع كايد
كايد : السلام عليكم
جمانه : وعليكم السلام
كايد : كيفك اليوم
جمانه : طيبه الحمدلله
كايد : الحمدلله
وراحت جمانه وركبت المصعد ونزلت ويوم جت بتطلع الا يجها واحد سكر*ان
رجال : واو وش هذا الجمال
ويقعد يلمس جمانه
جمانه بصراخ : وخر عني
( لمره ثاني ترا كلامهم انجليزي بس انا اخليه عربي 😭)
رجال : انا اسمي هاري
جمانه : وخر عني لاتلمسني
والا فجاة كايد يشوف جمانه ويجي لعندها
كايد : هي من انت
هاري : انا حبيبها
جمانه بصراخ : هي ماني حبيبتك ولا شي وخر عني
وتقدم كايد وضرب هاري مع وجه وطاح وتقدمو السكرتير وخذوه وطلعوه برا
كايد : تعرض لك شي ضربك ولا شي
جمانه : لا بس قعد يلمس يدي
كايد : زين وان صار لك شي قولي لي يلا مع سلامه
جمانه : تمام مع سلامه
وطلعو كلهم وجمانه وركبت السواق حقها وراحت لسوق ودخلت محل ديور
الموظفه : نورتينا
جمانه ابتسمت : ابغى شنطه الي توها نازله جديده
الموظفة : تمام استريحي هنا و وش حابه قهوتك
جمانه : قهوه سودا
الموظفه : تمام
وقعدت جمانه تحتري
الموظفه : تفضلي هذي قهوتك الي طلبتيها
جمانه : شكرا
جت الموظفه ثانيه : تفضلي هذي اجدد موديل عندنا وتوه نازل امس
جمانه : تمام
وقعدت جمانه تناظر فيهل وكانت عاجبتها مره
جمانه : خلاص ابي هاذي ، طيب ابغى اخر شوز نزل عندكم
الموظفه ثانيه : تمام دقيقه
راحت الموظفه تجيب لجمانه وجت
الموظفه ثانيه : تفضلي
جمانه كانت مره تتامل في شوز مره عاجبها
جمانه : خلاص ابغى هذول
الموظفه ثانيه : الشوز وشنطه
جمانه : اي
وراحت الموظفه تحط الفاتوره وبعدها جابت الشبكه وطلعت جمانه البطاقة وحاسبت وهي مره فرحانه
~ سيارة عبدالرحمن ~
عبدالرحمن بضحك : لا شفتو ذا المشهور الي اسمه *** اهخخ استغفر الله
نواف بضحك : تكفى حركاته
وفجاة تجي رساله من جوال عبدالرحمن سحب المبلغ 10577
عبدالرحمن بصدمه : وجع من سحب ذا كله
بهاج : من ماخذ بطاقتك مدري
نواف : يمكن جمانه
عبدالرحمن : صح بدق عليها ، الو
وحط سبكر
جمانه : لبيه
عبدالرحمن : انتي ساحبه من بطاقتي
جمانه : يس
عبدالرحمن : ماشاءالله ومتى خذتيها
جمانه : في المطار في يوم حضنتك دخلت يدي وخذيتها
عبدالرحمن : وانا اقول ليه جيتني اخر واحد
جمانه : عادي بردها لك في عرسك انت و نجوده واكثر
نواف بصراخ فرحه : العب يامعرسنا
عبدالرحمن : ماودك تسكت
نواف : خلاص طيب
عبدالرحمن : وطالع منها انت لان انت الي معرسنا ترا عرسك بعد خمس ايام
نواف تنهد من عبدالرحمن جاب الطاري العرس
ورجع عبدالرحمن يكلم جمانه
عبدالرحمن : جوجو احس في لسانك كلام زايد قولي
جمانه : تخيل من شفت اول ماجيت لندن
عبدالرحمن : من
جمانه : ولد خالتي كايد
عبدالرحمن : يوه كايد من زمان عنه
جمانه : والله تغير مره
عبدالرحمن : انذكره قصير
جمانه : مع وين قصير طلع زي طول محمد كانه نخله
عبدالرحمن كان يبي نواف يغار : اجل اسمعي فيه خبر توه جايني تبين
تسمعين ولالا
جمانه : قل
عبدالرحمن : كايد يبي رقم ابوي توه راسل لي
والا فجاة جمانه تشرق بمويه
عبدالرحمن بضحك : صحه
نواف : وانت ماودك تمشي
عبدالرحمن حس ان نواف غار : بمشي الحين بس اذا صادني ساهر بتدفعه انت لان انا مطفر مره
نواف : بدفع عنك بس امش
عبدالرحمن : العب يا كاش حقنا
ويوم جمانه سمعت صوت نواف تضايقت
جمانه بغصه : يلا باي بروح اكمل شوبنق
عبدالرحمن حس ان جمانه فيها شي : جوجو والله ان سويتي الي في بالي
ياويلك
جمانه : وليه قصدك بطاقتك
عبدالرحمن : لا انتي عارفه زين
جمانه : طيب يلا مع سلامه
عبدالرحمن : مع سلامه
وقفل عبدالرحمن جوال وحطه على ثوبه
~ في لندن عند جمانه ~
قفلت وهي متضايقة وطلعت راحت تشتري لها ملابس
جتها بنت
البنت : السلام عليكم
جمانه : وعليكم السلام
البنت : انتي سعوديه
جمانه : اي انا سعوديه
البنت : الحمدلله لقيت وحده زيي
جمانه : طيب امري وش بغيتي
البنت : بخوف في رجال يلاحقوني من اول مادخلت السوق وانا لحالي مامعي احد
جمانه : خلاص تعالي معي لان انا لحالي بعد
البنت : تمام الا بسالك وش اسمك
جمانه : جمانه
البنت : الله يجننن وانا اسمي دانه
جمانه : عاشت الاسامي يا دانه
دانه : عاشت ايامك
جمانه : يلا تعالي نكمل شوبنق على راحتنا
دانه : تمام
وراحو يكملون شوبنق وكانت جمانه يدها كلها اكياس ومره تعبت
وطلعت جوالها واتصلت على سواق حقها
جمانه : اوليفر قرب سياره عند باب
اوليفر : تمام
دانه : من هذا اوليفر
جمانه : سواق حقي
دانه : اها ماشاءالله
وطلعو وتقدم اوليفر وخذ الكياس من جمانه و دانه
وركبو سياره وفتحت جمانه جوالها ودقت على نجد
جمانه : نجوده
نجد : وينك ماتدقين ماتسالين عني والله اني مشتاقه لك مره
جمانه : حتى انا
نجد : اسمعي متى ناويه ترجعين
جمانه : مدري يمكن بعد اسبوعين
نجد : ابشرك ميس و محمد جو لرياض
جمانه بفرحه : وانتي صادقه
ميس خذت الجوال من نجد : اي وهي صادقه
جمانه بفرحه : ميوسه والله انك وحشتيني صدق
ميس : حتى انا والله ياجوجو
جمانه : الا تعالي وين ابو راس مادق علي ولا ارسل لي وهذا وانا اخته الوحيده
ميس بضحكه خفيفه : والله ما ادري بس هو الحين طالع
جمانه : مع من
ميس : اتوقع عبدالرحمن و نواف و بهاج
جمانه : اي زين اتفاهم معه ابو راس الحين
ميس بضحكه : لا خليه حرام عليك
جمانه : بخليه عشانك ولا هو يبي له تفاهم ثاني معه
ميس : لاتعصبين عليه
جمانه : ميوسه ذا اخوي اعرف له زين متربيه معه 19 سنه
ميس : تمام
جمانه : يلا بنات مع سلامه بنزل لفندق شوي وادق عليكم
دانه : ماشاءالله انتي معي في نفس الفندق
جمانه : اي هذا الفندق الي انا ساكنه فيه
دانه : ماشاءالله
جمانه : اوليفر نزل الاغراض حقتي وحطها في حقت الشنطه ويحطونها في غرفتي
اوليفر : تمام
ونزلو جمانه و دانه وجمانه راحت غرفتها
جمانه : دانه تعالي معي لان مامعي احد
دانه : والله ما ابي اكلف عليك
جمانه : لا كلافه ولا شي انا ابي احد يقعد معي
دانه : تمام
ودخلو كلهم الغرفه وجمانه فكت عبايتها وجلست على كنب
جمانه : دانه وش تبغين نطلب ض
دانه : والله احسني مشتهيه باستا
جمانه : حتى خلاص بطلبها وناكل مع بعض
دانه : تمام
وطلبت جمانه وبعد شوي بدو ياكلون ويضحكون مع بعض ويسلفون ة
~لندن ~
صحت على ساعه 5 الفجر وبدت تجهز اغراضها وتحطها في شنطتها
جمانه : خلصت الاغراض وكلشي جاهز بس باقي اروح لمشغل اسوي لوك جديد
وخلصت جمانه اغراضها وبعدها لبست جاكيتها الكبير وقبعتها وشالها و كمامه ونزلت تحت وطلعت وكان الجو ثلج وكانت تتمشى والجو يجنن مره
جمانه : اهخ ناقصني نجوده
وطلعت جواله ودقت على نجد
جمانه : نجوده والله وحشتيني
نجد بصوت نوم : عبداللطيف والله العظيهم ان ماقفلت الحين لا اجيك وادفنك
جمانه بضحكه : نجوده انا جوجو مو عبداللطيف
نجد بـ استيعاب : جمانه
جمانه بضحك : اي جمانه بسرعه افتحي كام بوريك شي
نجد : ابشري
وفتحت الكام
نجد : الله جوجو تعالي خذيني
جمانه : المره جايه بسرقك معي وبحط في الشنطه
نجد : تمام
وقفلت جمانه وراحت تتمشى في شارع وكانت مره فرحانه
وبعد نص ساعة رجعت الفندق ودخلت غرفتها وقعدت في سرير
ومر الوقت 9:35
وقامت جمانه وغيرت ملابسها وطلعت من الفندق وركبت مع سواق وراحت
لمشغل
ودخلت عليهم وبدو يقصونه لين كتفها
جمانه بفرحه : الله يجنن مره
الكوفيره : لانك جميله وقمر
جمانه : مره شكرا ماتقصرين
الكوفيره: عفوا
وحاسبت جمانه وطلعت وركبت مع سواق ورجعت الفندق وراحت لغرفتها وخذت اغراضها وشنطتها وطلعت برا الفندق
جمانه : اوليفر خذ شناط وعلى المطار
اوليفر : حاضر
وركب اوليفر شنط وجمانه ركبت سياره وراحت لمطار
وبعد ساعه وصلت ونزلت ومعها شنطتها و اغراضها وخلصت كل شي وشحنت الشنطه وراحت وركبت طياره
جمانه : اهخه الحمدلله برجع
وبدت طياره تمشي الين اقلعت
وكانت جمانه تتامل الغيوم وكانت مره فرحانه
~مجلس الحريم~
ام عبدالعزيز : يافاء ماسالتي جمانه متى بتجي والله اني مشتاقه لها
ام محمد : لا ويا يمه ماسالتها
ام عبدالعزيز : زين
ام نواف : ها يبنات خلصتو شريتو الفستانين
الكل : اي
ميس : نجد
نجد : لبيه
ميس : جمانه متى اخر مره كلمتيها
نجد : والله مدري دقت علي وانا نايمه
ميس : تمام
ومر الوقت وصارت ساعه 6:00 المغرب
~ في مطار الملك خالد الدولي ~
طلعت جمانه من طياره ودخلت على مطار وراحت تاخذ اغراضها وطلعت واخذت تكسي ويوم ركبت لبست نقابها واتجهت على بيت ابو عبدالعزيز ويوم وصلت على ساعه 7:04
ودخلت جمان داخل وطلعت جمانه ودقت على عبدالرحمن
عبدالرحمن : هلا
جمانه : عبدالرحمن انت ومحمد اطلعو برا في طالبيه انا طالبتها خذوها
عبدالرحمن : تمام
وقفلت جمانه وبعدها بدقيقة
طلعو عبدالرحمن ومحمد وشافو جمانه وتقدمت وحضنتهم كلهم
وفجاة يطلع نواف ويناظر فيهم
نواف بينه وبين نفسه : من ذي
وفجاة بـ استيعاب متاخر : اي صح ذي جمانه
ويوم ذكرها تضايق ودخل المجلس
عبدالرحمن بفرحه : والله انها اجمل طالبيه
محمد : وانت صادق ياعبدالرحمن
جمانه : خلص وقتكم يلا بروح داخل واذا دقيت عليكم طلعو ابوي
عبدالرحمن: ابشري
وراحت جمانه ودخلت عليهم المجلس
نجد بصراخ وفرحه : جمانهههه
نوره بفرحه : لا ما اصدق ان ذي جمانه
وفجاة البنات كلهم قامو وحضنو جمانه وبعدها سلمت على عماتها وامها وقعدت عند جدتها
ام عبدالعزيز : والله ياجوجو اني مشتاقه لك واجد
جمانه : حتى انا ياجدتي مشتاقه لك مره
وقعدت ام عبدالعزيز تلمس بشعر جمانه
ام عبدالعزيز بصدمه : جمانه وين شعرك
جمانه بضحك : قصيته
ام عبدالعزيز : وليه قصيتي شعرك
جمانه : قلت ابي اغير عن طويل شوي
ام عبدالعزيز : اجل بصير احط لك حناء وسدر عشان يطول
جمانه : لا تكفي ياجده ما ابيهم انا بعتني بشعري بماسك
ام عبدالعزيز : لا خليني انا
جمانه : لاتكفين ياجده
نجد بضحكه : اي ياجده
~ مجلس ابو عبدالعزيز ~
عبدالرحمن بهمس لـ ابوه : يبه ترا جمانه رجعت
ابو محمد بفرحه : انت صادق
عبدالرحمن : اي وشفناها انا ومحمد ودخلت داخل
ابو محمد : الحمدلله
وارسل عبدالرحمن لجمانه
عبدالرحمن : البسي عبايتك وتعالي سلمي
جمانه : تمام
وبعد ثلاث دقايق جت جمانه
جمانه : السلام عليكم
الكل : وعليكم السلام
ابو عبدالعزيز : ياهلا ويامرحبا تعالي عندي وانا جدك
تقدمت جمانه وراحت لعند جدها
ابو عبدالعزيز : ليه سافرتي
جمانه : رحت اغير جو ياجدي
ابو عبدالعزيز شد على شعر جمانه بخفيف
جمانه : جدي ليه تمعط شعري
ابو عبدالعزيز : ليه قاصته
جمانه : ياجدي بغير عن طويل
ابو عبدالعزيز : زين
وفجاة صارو جمانه و نواف يطالعون بعض وقام نواف
عبدالرحمن رما على نواف مفتاح السيارة على صدر نواف : شغل سياره
نواف : وليه وش شايفني سواق عندك
عبدالرحمن بضحكه : سواق بالي بالك
نواف بـ ابتسامه : عادي راضي
عبدالرحمن : اي اقول اخلص علي شغل السيارة
نواف : طيب
جمانه ضاق صدرها : جدي انا بطلع انام تبغى شي
ابو عبدالعزيز : لا يابنتي بس انتبهي لنفسك
جمانه : ان شاء الله
وطلعت جمانه وطلعو وراها نواف وعبدالرحمن
عبدالرحمن : رح شغل سياره شوي واجي
نواف : طيب
ولحق عبدالرحمن جمانه
عبدالرحمن : جمانه
جمانه : هلا
عبدالرحمن : شفيك ترا واضح انك متضايقة من عيونك
جمانه : لا مافيني
عبدالرحمن : متاكده
وفجاة بدت تدمع عيون جمانه
وكان نواف يناظرهم من بعيد
عبدالرحمن : خلاص روحي مع بنات وبعدين اكلمك في الموضوع
جمانه : تمام
ودخلت جمانه وفكت النقاب وقعدت مع البنات وكانو يضحكون مع بعض
.
.
انتهى الجزء
اعطوني رايكم
اعذروني على الاخطاء الاملائية
اهخخ نواف قهرني يوم تزوج تعالو كلنا نروح نذبحه
لاتنسون النجمه ⭐️
واعذروني على البارت ان متاخر لان حبيت اخليه لكم طويل 💗
أنت تقرأ
اعانق أمانيكَ مهما ذَقتَ مِن تعب من ذا الذي نالَ مايهوى بلا تعب !
Fantasyقرائه ممتعه 🤍ورجاء قبل القراءة لايك واضافة و كومنت 🤍
