اعانق أمانيكَ مهما ذَقتَ مِن تعب من ذا الذي نالَ مايهوى بلا تعب !

15

.
.
نجد : اي والله حتى انا مصدومه ياخي ما اتوقع ذا ولد عمي
ميس : الا ولد عمس
نجد : ماني مصدقه
جمانه : دقيقة بشوف بدق عليه اتاكد
ميس : تمام
نجد : اي تكفين انا مصدومه زيس مقدر استوعب
جمانه : اك
ودقيت عليه جمانه
جمانه : الو
محمد : هلا
جمانه : انت الي راسل لميس
محمد : لا ليه
جمانه : الا انت
محمد : اي انا
جمانه : ماشاءالله
محمد : اي عادي احبها و زوجتي
وفجاة ميس تشرق من قهوه من صدمه
جمانه انصدمت : اك ندري انها زوجتك بس تراك جبت لنفسك العيد
محمد : ليه
جمانه : على سبكر
محمد : الله ينكبس ياجمانه
جمانه : مالي دخل
محمد : وش الي مالس دخل ترا ابوي يقول خل جمانه تجي مجلس يبغى يكلمس بموضوع
جمانه : طيب
وقفلت منه جمانه وقامت بتروح ل ابوها
............**............
في مجلس
محمد : اي الحين اعلمها كيف تحط سبكر
نواف : خلها حرام
محمد : انت اسكت ياقلبها
عبدالرحمن بضحك : اي ذا قلبها هههههههه
محمد : دقيقه شكلها جت قم عبدالرحمن وقف ورا باب وانا جنب باب وبعدين بنمسكها
عبدالرحمن : تم
وقفو عند باب والا تدخل جمانه ويمسكون جمانه
محمد : مسكتس تعالي
جمانه : محمد فك
محمد : ماني فاك
عبدالرحمن : اسمعي انا مالي دخل
جمانه : عادي انت اتفاهم معك بعدين
عبدالرحمن : مالي دخل
جمانه : طيب فكوني
عبدالرحمن : لا
محمد : ماني فاكك
جمانه : طيب قربو اذانيكم شوي
محمد : طيب
جمانه بهمس لعبدالرحمن ولمحمد : ترا قلبوكم عندي لاتخلوني اخربهم
عبدالرحمن : ياويلك ان لمستي قلبي
نواف وهو يضحك : انت يوه قلبك لعبين عليه
عبدالرحمن وهو ماسك جمانه بعبايتها بيد وحده : وذي دامها قلبك عندنا والله ماتروح الا مانسوي فيها شي
نواف : حرام عليكم
عبدالرحمن : حرام علينا عشان قلبك هنا
نواف : لا
جمانه بتمثيل : محمد احسني بدوخ
محمد : وشفيك
جمانه : احسني بدوخ
محمد : تعالي اقعدي
والا فجاة جمانه تطيح
نواف : الحين وش أستفدتو
عبدالرحمن قعد يحك راسه : ها مدري
نواف : مامنكم فايده
عبدالرحمن : محمد رح جب مويه
محمد : طيب
عبدالرحمن قعد يصحي جمانه : جوجو عيوني اصحي
جمانه بهمس : ويني فيه
عبدالرحمن : هنا عندي ياعيوني اخوس
محمد : جيت امسك شربها
ويوم خلو جمانه تشرب وهي ماقدرت تمسك ضحكتها وتطلع المويه على وجيهم
جمانه وهي تضحك : رديتها عشان مره ثانيه تعرفون تسون فيني الي سويتوه
عبدالرحمن خبط راس جمانه بيده : والله انس ماتستحين
جمانه : ليه
عبدالرحمن : تسوي كذا في اخوانس
جمانه : اي عادي انا اختكم الوحيده
محمد : واذا الوحيده عادي
جمانه : عاد زودتها مقعديني هنا بروح عند بنات احسن من أقعد معكم
عبدالرحمن : اي روحي
جمانه : اي بروح
وطلعت جمانه
نواف : والله سوت حركه بردت حرتي فيكم
محمد : اقول اهجد لا نسوي ارد من الي سوينه لها
نواف : لا خلاص
............**............
عند بنات
دخلت عليهم جمانه
ميس : وش صار
جمانه : طلعو كاذبين علي ان ابوي يبغاني
نجد : اجل اسمعي نرد لهم الحركه بس اقوى
جمانه : تم
ميس : وش بتسوين
نجد م: معليس الخطه عندي
ميس : تم
ام محمد : يابنات تعالو تغدو
نجد : ابشري ياخالتي بنجي الحين
جمانه : روحو كلو مالي نفس اكل
ميس : ليه وش فيس
جمانه : مافيني شي
ميس : ترا من دخلت عليس في الغرفه و وجهس ما أعجبني
جمانه : خلاص بعدين اقول لكم
نجد : تمام
ميس : طيب قومي كلي كم لقمه بس
جمانه : والله مالي نفس
نجد : طيب عشاني انا
جمانه : طيب
وقامت و راحو لعند الحريم ياكلون في طاوله
وكانو جالسين ثلاثه كلهم جنب بعض وكانت جمانه تهوجس كانت تحرك معلقه بصحن ولا تاكل
ميس : جمانه وشفيك
جمانه : هلا لا مافيني شي
ميس : تمام
وخلصو الحريم وقامو كلهم الا بنات
سكره : جوجو وشفيك لان من جلستي تهوجسين
جمانه : مافي شي
سكره : متاكده مافيك شي
جمانه : اي مافيني شي
سكره : تمام
نجد : تعالو نطلع
ميس : تمام جمانه تعالي
جمانه : اسبقوني
ميس : تمام
وطلعو بنات وباقي جمانه الي كانت تهوجس وفجاة من باب ثاني ينفتح ويدخل نواف يشوفها قاعده لحالها وكانت عيونها تنزل دموع
نواف : احمم ياولد
جمانه : بسم الله
نواف : معليش ماشفتك
جمانه : تبغى شي
نواف : ابغى اختي سحر
جمانه : تمام بناديها لك
وقامت جمانه وطلعت وراحت لبنات
جمانه : سحر
سحر : لبيه
جمانه : اخوس نواف يبيس
سحر : تمام
وراحت سحر وقعدت عند بنات بس على زاويه
ميس  : جمانه تعالي ابغاك في غرفتك والحقينا نجد
نجد : ابشري
وطلعو من عند بنات و راحو لغرفة جمانه وقعدو على سرير
ميس : جوجو ياعيوني وشفيس اليوم ماعجبتيني فيس شي
جمانه نزلت راسها : لا مافيني شي
نجد : الا فيس شي
جمانه كانت عيونها كلها دموع : اي مافيني شي
ميس : كيف مافيس شي الا فيس شي
جمانه : بنات مافيني شي
نجد : جوجو ياعيوني كيف مافيس شي وعيونك كلها دموع
جمانه : مافيني شي
ميس : خلاص تعالي حطي راسس على رجلي
جمانه : تمام
وحطت راسها على رجل ميس وكانت ميس تهدي في جمانه الين غفت
ميس : نجد اعطيني جوالي عندك
نجد : طيب
وخذت ميس جوالها
ميس : شكرا
نجد : مابينا
ودخلت ميس على واتس ترسل لمحمد
ميس : محمد
محمد : لبيه ياعيوني
ميس : انتو مسوين شي بجمانه
محمد : لا ليه
ميس : لا ولا شي
محمد : لايكون فيها شي
ميس : لا مافيها
محمد : زين
ودخلت ميس على محادثتها هي و نواف
ميس : نواف
نواف : لبيه
ميس : انت شايف جمانه اليوم
نواف : اي
ميس : قايل لها شي
نواف : لا ماقلت لها شي
ميس : تمام
وقفلت جوالها وكملت تمسك شعر جمانه وتسولف مع نجد
ميس : سالت محمد و نواف يقولون ماقلنا لها شي
نجد : غريبه لان احس فيها شي مره قوي لان من امس متغير وجها مره
ميس : اي والله وانتي صادقه
نجد : اسمعي خلينا نحط عليها المفرش ترتاح شوي وحنا ننزل مع بنات
ميس : انزلي لهم انتي انا ما اقدر بقعد مع جمانه
نجد : دامس ما انتي نازله ماراح انزل
ميس : أي خلاص اساس خواتي تحت معهم
نجد : زين
............**............
عند الحريم
ام عبدالعزيز : وين البنات نجد و جمانه و ميس
سحر : راحو فوق مع جمانه
ام عبدالعزيز : روحي شوفي وش فيهم
سحر : ابشري
وراحت سحر لهم فوق وطقت باب
ميس : تفضل
سحر : وشفيكم قاعدين هنا
ميس : جمانه تعبانة وقاعدين معها
سحر : ليه وشفيها
ميس : مافيها شي بس متضايقة شوي
سحر : زين انا بنزل بقعد مع بنات
ميس : زين
ونزلت سحر
ام عبدالعزيز : وشفيهم يابنتي
سحر : يقولون جمانه تعبانه شوي وبنقعد معها
ام عبدالعزيز : زين
ام محمد : وشفيها يابنتي
سحر : لاتخافين ياخالتي خلوها تنام عشان ترتاح
ام محمد : زين
ام ابراهيم : اي يا وفاء بنت كم عمرها
ام محمد : 19
ام ابراهيم : ماشاءالله
حور : ايلان
ايلان : لبيه
حور : عادي تشوفين وين بناتي
ايلان : ابشري
حور : تبشري بالجنة
وراحت ايلان تشوف وين بنات ويوم راحت مالقتهم ورجعت
حور: وينهم
ايلان : مالقيتهم
ام عبدالعزيز : يمكن عند ابوهم شوفي
حور : ان شاء الله
وخذت جوالها وتدق على زوجها
حور : الو مشعل
مشعل : هلا
حور: بنات عندكم ولالا
مشعل : لا مو عندنا
حور : لاحول ولا قوة الا بالله وينهم
مشعل :  بروح اشوفهم يمكن يلعبون برا
حور : طيب
مشعل : مافيه احد
حور : تكفى دورهم
مشعل : مافيه احد في الحوش
حور : خلاص بدق عليك اذا لقيتهم
مشعل : طيب
ام عبدالعزيز : يابنتي هدي مايصلح ترفعين ضغطس وانتي حامل
حور : يايمه بناتي ضايعين ماهمني شي اهم شي بناتي
ام عبدالعزيز : انتي ارتاحي وحنا بنروح ندورهم
حور : لا بقوم بدور بناتي
ام عبدالعزيز : طيب
وكلهم قامو يدورن ردينا و سكره وبعد دورهم مالقوهم
ام عبدالعزيز : يابنتي تعالي اقعدي
حور : ماني قاعده
ام محمد : يا حور اقعدي والله مو زين لس ان ترفعين ضغطس وانتي حامل
حور : سفهتهم ولا كلمتهم وقالت بصوت عالي : سكره ردينا وينكم
............**............
في غرفة جمانه
جمانه صحت من صوت صراخ الي تحت
جمانه : يمه وش سالفه
ميس : بسم الله عليس وش فيس
جمانه : مافيني شي بس وش صوت
نجد : اتوقع صوت عمتي حور
جمانه قامت بسرعه وبتفتح باب الا تمسكها ميس
ميس : على وين تعالي اقعدي ارتاحي
جمانه : ماني قاعده و تراكه عمتي
ميس : طيب يلا امشي بنروح معس
جمانه : طيب 
ونزلو بنات تحت
جمانه : وشفيكم
ام محمد : جمانه شفتي سكره و ردينا
جمانه : لا والله اساس انا كنت منسدحه في غرفتي
ام محمد : زين
والا تقوم حور وهي مسرعه بتطلع لحوش الا ام محمد تمسكها
ام محمد : وقفي ياحور شلون تطلعين كذا بدون عبايتس
حور : اي بطلع كذا بروح ادور بناتي
ام محمد : اصبري اجيب لس عبايتس
حور : ما ابيها بطلع انا
ام محمد : سحر و ايلان تعالو امسكو حور بجيب عبايتها
سحر: ابشري
وراحت ام محمد تجيب عبايت حور
ام محمد : امسكي عبايتس
ام عبدالعزيز : يابنات وحده منكم تجيب عبايتي
سحر : انا بجيها لس
ام عبدالعزيز ماقصرتي
وبعدين راحو كلهم وطلعو مع حور
مشعل : وينهم
حور : مالقيتهم
وكانو كلهم وافقين وكانو ميس و نجد ماسكين جمانه خايفين تطيح عليهم
.
.
انتهى الجزء
هذا الجزء تعويض ونزلته لكم هديه ✨
اعطوني رايكم
ارسلو تشبيهكم في
الانستا : 7j.m67
واعتذر عن الاخطاء الاملائية