اعانق أمانيكَ مهما ذَقتَ مِن تعب من ذا الذي نالَ مايهوى بلا تعب !

26

.
.
بعد ماوصلو المستشفى نزل محمد وشال جمانه وبسرعه راح
لطوارئ
محمد بصوت عالي : في احد هنا
تجمعو الممرضات لعند محمد وخذو جمانه ودخلوها
كانت ميس واقفه وكانت تبكي
محمد : ميس ارتاحي على الكرسي
تقدمت ميس وجلست بكرسي
وبعد عشرين دقيقة طلع لهم الدكتور وفزت ميس
محمد : وش فيها يادكتور
الدكتور : مافيها الا عافيه بس يدها فيها رضه ولفيتها وراح اصرف لها كريم وعلاجات
محمد : طيب وش سبب الدوخه
الدكتور : بسبب ضرب
محمد : تمام طيب يمدي ادخل عليها
الدكتور : اي يمديك
وراح الدكتور ودخلو عليها ميس و محمد
اول مادخلو عليها قعدت تبكي
تقدم لها محمد وحضنها
محمد : لا ما اتفقنا تبكين كذا 
جمانه ببكى : ماتوقعت يسوي فيني كذا
ميس : معليك انا باخذ حقك ولا تخافين
فجاة يدخل نواف عليهم وفجاة الكل ساكت
جمانه : وش تبي جاي بعد الي سويته فيني يانواف
محمد هز ميس علشان يطلعون ويخلونهم
نواف : والله اسف وانا غلطان اني سويت كذا
جمانه بدموع : نواف اطلع براا لا اشوفك
نواف تقدم لها وقعد بكرسي الي إمامها : جوجو أسمعيني انتي اول
جمانه : ما ابي اسمعك ولا اتكلم معك اطلع برا
نواف : عاتبيني طلعي الي بخاطرك اضربيني سوي الي تبين
نزلت دموع جمانه على خدها كانها جمره وتكلمت بعتاب :
اكفنى شرك كفى جرح القلوب
رح عسى الله يحرمك لذ المنام
صرت اشوف الغدر مابين الدروب
ياسبب نوحي وحزني والهيام
ابتدينا وانـتهينا يالعوب
لا تحاول تـقنع بحلو الكلام
الله اكبر صرت انا كلي عيوب
عقب قولك معجب انكرت الغرام
اكتويت بحبك ولازم اتوب
لأجل عينك كم تحملت الملام
( بعض القصايد انا اكتبها وبعضها لا )
نواف نزل راسه بضيق : اسف والله غلطان وانا استاهل الي قلتيه بس
تكفين لاتسوين فيني كذا يا جمانه لاتكسريني وانا اغليتك
جمانه بضيقة الصدر : نواف اطلع تكفى ما ابي اشوفك
طلع نواف بضيق وقعد على كراسي ودخل محمد لجمانه وميس مع نواف
ميس : ليه تسوي فيها كذا يانواف
نواف بضيقة صدر : ميس تكفين لاتزيدين الهم لان الي فيني كافيني
ميس : طيب ليه سويت فيها كذا علمني بس
نواف : ما ادري لاتساليني وش وشلون صار ذا شي وماكنت بعقلي
وفجاة ميس بدت تتالم
نواف : فيك شي
ميس هزت راسها بمعنى " لا "
وراحت لدورة المياه (يكرم القارئ) وطلعت وهي تمسح على فمها
وكان نواف يحتريها
نواف : تعالي نروح الدكتوره دام حنا في المستشفى
ميس : لا مايحتاج انا اعرف وش فيني
نواف : وشفيك
ميس : وش فيه الخال زعلان
نواف ناظر ميس بصدمه بعدين استوعب : حامل
ميس ب ابتسامه : اي
نواف : بصير خال واخيرا
ميس : اي يعيون اختك بتصير خال
نواف : الحمدلله طيب علمتي مح
ميس : يلا خن نرجع لهم
نواف : يلا
ورجعو وكان محمد ماسك جمانه وطلعو وراهم الين ركبو سياره
وركبت ميس ورا مع جمانه وكان طول الوقت كانت السيارة هدوء
وصلو القصر ونزلو ودخلو والبنات كلهم تجمعو لعند جمانه
نوره : وش صار
ميس : يدها رضه وسبب دوخه من الضرب الي صار لها
نوره : جعل يد ربى الكسر والله لما الحين قتهرتني
يارا : والله ما اخليها بحالها
جمانه بتعب : لا خليها
يارا : لا ماني مخليتها وبخليها تندم على شي سوته
جمانه سكتت وراحت لغرفتها وكانو بنات وراها ودخلت غرفتها وقفلت باب وصار ظهرها باب وقعدت تبكي
نجد وهي تطق باب : جوجو افتحي باب بكلمك
جمانه وهي تمسح دموعها : بنام تعبانه
نجد : جوجو ماراح تنامين الين ماتقولين وشفيك
جمانه : خلاص مافيني شي خليني انام
نجد : تمام بس تدكري اني برجع لك وبتقولين
~ مجلس الرجال ~
عبدالرحمن بهمس لمحمد : وشفيه قافله معه
محمد بهمس لعبدالرحمن : تعال برا واقولك
وقامو عبدالرحمن و محمد وطلعو برا يتمشون
عبدالرحمن : وشصار
محمد : على ماسمعت من الزوجه ان ربى ضاربه جمانه وصار بينهم هواش ويوم نادو نواف فجاة دف نواف وخذ ربى لحضنه ودف جمانه
عبدالرحمن بعصبيه : وش فيه ذا كانه زودها انا بروح ادفنه علشان
يعرف يدف جمانه مره ثانيه
محمد مسك كتوف عبدالرحمن يهديه : اهجد لاتسوي فيه شي وهو جاء المستشفى يعتذر لها
عبدالرحمن بصدمه : وليه ماتعلمني انك وديتها المستشفى
محمد : ياولد اصبر انا مدري حتى ميس دقت علي تقول تعال بسرعه
وخذنا جمانه وعلى طول رحنا المستشفى
عبدالرحمن : طيب فيه شي اسمه اتصال تدق تقول عبدالرحمن تعال
محمد : اهم شي طلعنا وهي مع بنات الحين
عبدالرحمن : زين انا بروح لها
محمد : زين
~ مجلس الحريم ~
ام عبدالعزيز : يابنات جمانه ما اشوفها معكم
نجد : تعبانه شوي بس نايمه
ام محمد : ماقالت لكم وش فيها
سكتو بنات كلهم وقعدون يناظرون في بعض
ام محمد : قولو وش فيها تكلمو
ميس : مافيها شي ياخالتي بس تعبانة شوي وان شاء الله بعد شوي انا
بروح واشيك عليها
ام محمد : زين
نجد بهمس ليارا : روحي لجوجو يمكن تقتنع تفتح لك باب
يارا بهمس لنجد : بحاول فيها
وطلعت من المجلس الحريم وراحت لغرفة جمانه
يارا : جوجو افتحي لي باب انا يارا
جمانه : يويو خليني لحالي ما ابي احد
يارا : افتحي باب يعيوني بكلمك بموضوع
وفتحت جمانه ليارا باب وارتمت بحضنها
جمانه ببكى : تكفين ماتوقعت يسوي فيني كذا ماتوقعت
يارا : يعيوني انتي ماتدرين ماكان بوعيه
جمانه ببكى حارق : الا كان بوعيه لما دفني وشافني ولا قال شي
حتى يناظر فيني وهو عارف اني جمانه والله اني منقهره على حركته الي سوها فيني قهرني كانه طعن قلبي بسكين والله محروقه لما الحين احسني ما ابيه خلاص
يارا : لا يعيوني هدي اول شي ماراح يصير الا كل خير ان شاء الله وماتدرين يمكن هو عصب على ربى ضربها سوى فيها شي
جمانه ببكى : لا ما اتوقع من بعد مادفني ما اتوقع ان ضربها ولا سوى فيها شي بخليها ب اسعد شي وانا بيقعد يضربني الي اموت
يارا : وش هذا كلام يا جوجو معليك نواف وهو اخوي اعرف له معليك بيجيك ويتاسف لك ويعطيك رضاوة بس لانتي لاتزعلين منه
جمانه ببكى : كيفف علميني كيف ما ازعل منه وهو كسرني وكسر روحي و قلبي ليه خليه يعطيني سبب واحد علشان اعرف ليه سوا كذا
يارا : خلاص يعيوني الحين قومي وخذي لك شور والبسي لبس حلو واحط لك مكياج وننزل لتحت لبنات
جمانه : تمام
قامت جمانه ودخلت الدوره المياه (يكرم القارئ ) وخذت لها شور وبعد عشر دقايق طلعت ولبست بنطول ابيض وبلوزة سودا ماسكه وعاريع من الكتوف وبعد ماخلصت نشفت شعرها وسوت مكياجها خفيف ونزلت لهم
ميس : اخيرا نزلتي
جمانه ب إبتسامة : ترا ارجع
ميس : لا تكفين اقعدي
وفجاة يدخل عليهم
.
.
انتهى الجزء
اعطوني رايكم
اعذروني على الاخطاء الاملائية
لاتنسون النجمه هي داعمه لي 💙💙
واسف على بارت قصير