اعانق أمانيكَ مهما ذَقتَ مِن تعب من ذا الذي نالَ مايهوى بلا تعب !

20

.
.
ابو محمد : طيب يمدي انا ارفع شكوى عليه
المدير فهد : اي اقدر تقدر ترفع عليه شكوى
ابو محمد زين
وطلعت انت جمانه وشافت ابوها واقف مع المدير المركز
جمانه بتعب : محد يبلغ على سامي
سامي وقف زين وابتسم يوم قالت ان محد يبلغ عليه
عبدالرحمن بعصبيه خفيفه : وليه مانبلغ يابنت انتي بغيتي تموتين على يده ولا تبلغين عليه
جمانه بتعب : اي ماني بلغه عليه
وتقدم لها عبدالرحمن ومسك فكها وبعصبيه خفيفه : بتبلغين غصب عنس ولا رحت انا وبلغت بنفسي
جمانه بالم : فك عني
عبدالرحمن شد على فكها اكثر : ماني فاك الين ماتبلغين عليه
جمانه بالم اقوى وعيونها صارت كلها دموع : فكني عورتني
عبدالرحمن بعصبيه : ماني فاك الين ماتسوين بلاغ عليه الحين
جمانه ببكى : يبه خلي عبدالرحمن يفكني عورني مره
ابو محمد بعصبيه : عبدالرحمن وخر يدك عنها
وخر عبدالرحمن يده عن جمانه والا فجاة تطيح على يدها المكسوره
جمانه بالم قويه : اه يدي
نزل ريان لمستوى جمانه : جوجو اعطيني يدك عشان تقومين
ابو محمد بعصبيه : صاحي انتي تطيح اختك متى بتفهم انها اختك الوحيده
محمد : يبه خله علي انا اعرف كيف اتصرف معه
كان سامي فيه ويوم حس ان ماله وجود طلع من المكان وخلهم على راحتهم
ابو محمد بعصبيه: اطلع من هنا ياعبدالرحمن ما ابي اشوفك
وطلع عبدالرحمن
و ريان ساعد جمانه الين رجعت الغرفه وارتاحت بس كانت تتالم من يدها المكسوره
ابو محمد : ذا ولد متى يستوعب انها اخته الوحيده
محمد : عاد قبل لان نسافر هو وياها متهاوشين ويوم جينا هنا
ابو محمد : اي يوم جينا هنا وش صار بينهم
محمد سكت ولا تكلم وفضل السكوت
ابو محمد بعصبيه : ممكن تتكلم يا محمد
محمد : عبدالرحمن ضرب جمانه يومنا في الخط
ابو محمد بعصبيه قويه : لا ذا مب صاحي صدق ارسل له ان ما ابي اشوف رقعة وجه
محمد : ابشر
وراح محمد على جنب ورسل لعبدالرحمن : ابوي عرف بكل شي صار بينك وبين جمانه و قال ان مايبي يشوف رقعة وجهك
عبدالرحمن شاف الرساله من برا ولا رد على محمد
ابو محمد بعصبيه : ارسلت له
محمد : اي ارسلت له
ويدخل ابو محمد على جمانه
ابو محمد : جوجو ياعيوني انتي كيفس الحين
جمانه : طيبه الحمدلله
ابو محمد : الحمدلله
ريان : وين راح عبدالرحمن
ابو محمد بعصبيه : لاتجيب طاريه الي مايستحي
ريان : ليه
ابو محمد : خلاص قفل على الموضوع
ريان : ابشر
ابو محمد : دق على امك طمنها ان لقينا جمانه
ريان : ابشر ، الو
ام محمد بضيقة صدر: هلا ياوليدي
ريان : وش فيها حلوة البن زعلانه
ام محمد : بنتي مخطوفه ولا ادري عنها وماتبيني ازعل
ريان : طيب والي يعطيس بشاره بتسعدس
ام محمد : وش هي
ريان : لقينا جمانه وهي الحين معنا
ام محمد بفرحه : الي تقوله انت صادق يا ريان
ريان : اي صادق و شويات وحنا جاين
ام محمد : زين
وقفل الخط ريان
ابو محمد : محمد رح اسال الدكتور متى نقدر نطلع جمانه
والا فجاة تدخل عليهم الدكتوره
الدكتوره : كيفك جمانه الحين
جمانه : احسم الحمدلله
الدكتوره : الحمدلله
ابو محمد : طيب متى يمديها تطلع من المستشفى
الدكتوره : نص ساعة على مايخلص المغذي
ابو محمد : زين
وطلعت الدكتوره
محمد : جمانه عادي سوال
جمانه وهي تفرفر في جوالها : قل وش عندك
محمد : ليه مابلغتي على الي خاطفك
جمانه تنهدت : يوه رجعنا لنفس سالفه خلاص قفلو سالفه
محمد : طيب جاوبي على سوالي
جمانه : خلاص قفلو على الموضوع و انسو اني ابلغ
محمد : تمام براحتك
وبعد نص وخلص المغذي وطلعو كلهم واتجهو لحديقة
ام عبدالعزيز : تعالي ياجوجو تعالي في حضن جدتك
وتقدمت جمانه وراحت لجدتها وحضنتها وحطت راسها على رجل جدتها
ام عبدالعزيز قعدت تمسح على شعر جمانه : كيفك الحين يابنتي
جمانه : طبيه الحمدلله
ام عبدالعزيز : الحمدلله
الجوهره : هي وخري عن جدتي
جمانه وهي تضحك : غيوره مره موتي ماراح اقوم من حضن جدتي
نجد : اي كفو اعطيها
لفت الجوهره وفتحت جوالها وكلمت سامي
الجوهره : هي انت مو اتفقنا ان جمانه تقعد عندك على الاقل اسبوع
سامي : ماقدرت و وديتها عند اخوانها و ابوها في المركز
الجوهره : قسم بالله انك غبي مره غبي
سامي : انا غبي تمام والله لا اجي واعلم اهلك واخوان جمانه ان انتي الي متفقه معي عشان اخطف جمانه
هنا الجوهره ارتبشت وخافت اكثر
ام هتان : وش فيك يا الجوهرة
الجوهره بتلعثم كلام : ها لا مافيني شي
ام هتان : زين
............**............
جهة العيال
ابو عبدالعزيز : وينها جمانه
ابو محمد : عند الاهل
ابو عبدالعزيز : زين
لف ابو محمد على عبدالرحمن : عبدالرحمن
عبدالرحمن : هلا
ابو محمد : رح كلم اختك الحين واعتذر منها
عبدالرحمن : وليه اعتذر منها
ابو محمد بعصبيه خفيفه : رح اعتذر منها الحين بسرعه
ابو عبدالعزيز : وش فيك على ولد
ابو محمد : متهاوش مع اخته
ابو عبدالعزيز : وليه متهاوش معها
عبدالرحمن : ياجدي جمانه رافضه مره انها تبلغ على الي خطفها وانا كنت اتهاوش مع الي خطفها وبعدين طلعت جمانه قالت محد يبلغ عليه
ابو عبدالعزيز : وليه ماتبلغ عليه
عبدالرحمن: والله ما ادري ياجدي
ابو عبدالعزيز : نادها ابيها
محمد : انا بقوم اناديها
ابو محمد : اقعد بكلم امك تخليها تجي هي بنفسها
محمد : تمام
وقعد محمد وبعد دقيقتين جت جمانه
جمانه : هلا جدي
ابو عبدالعزيز : ليه مابلغتي على الي خاطفك
جمانه : ياجدي انا مقفله الموضوع مع ابوي و اخواني وقايله لهم ماراح ابلغ عليه ولا احد راح يبلغ عليه
ابو عبدالعزيز بصوت عالي : وليه محد يبلغ عليه هذا واحد خاطفك كيف ماتبين نبلغ عليه
جمانه : خلاص ياجدي نقفل الموضوع ولا احد يبلغ عليه
ابو عبدالعزيز بصوت عالي وعصبيه قويه : بنروح المركز الحين وتبلغين عليه و ياويلك ان رحتي بعدها وشلتي بلاغ
جمانه كانت واقفه ومصدومه من جدها وبدت عيونها تتجمع فيها الدموع
ابو عبدالعزيز بعصبيه : تراني حذرتك ان شلتي بلاغ ياويلك
وراحت جمانه وكانت دموع تنزل وصار كله نقابها دموع وراحت مكان مافيه احد وقعدت في الارض وضمت رجولها الين قعدت تبكي
نرجع لعند الرجال
ابو محمد : يايبه كانك قسيت على جمانه
ابو عبدالعزيز : احسن عشان تروح تبلغ عليه ولا تسكت عن حقها
هتان بهمس لملهم : والله ان جدي قسى عليها مره حتى ان واضح ان عيونها فيها الغصه
ملهم بهمس لهتان : اي والله انك صدقت بس والله اني رحمتها
هتان بهس لملهم : اي والله وانت صادق رحمتها مره وحتى مشيتها يوم راحت واضح عليها التعب مره
ملهم بهمس لهتان : اي والله وحتى .. والا يقاطعهم ابو عبدالعزيز
ابو عبدالعزيز : وجع وش تهمسون لبعض
ملهم : لا ياجدي مافيه شي بس نسولف عن ايام المتوسط
ابو عبدالعزيز : والله انكم كذابين
هتان : اي ياجدي ملهم صادق نسولف عن ايام المتوسط
ابو عبدالعزيز : هلمره بمشيها لكم لاكن مره ثانية ياويلكم
هتان وملهم بنفس الوقت : ابشر
............**............
نرجع لعند جمانه
كانت تهوجس وعيونها تدمع بعدين رجعت وضمت رجلها وقعدت تبكي
وفجاة يجي واحد يمر من المكان الي فيه جمانه وكان يسمع
صوت بكى عالي بعدين راح لعندها وحط يده على كتف جمانه
جمانه : بسم الله من انت
يوم شافت وجه عرفت انه نواف
نواف : وشفيك قاعده هنا لحالك
جمانه وهي تمسح دموعها : لا مافيني شي بس قاعده هنا بغير جو
نواف : كيف مافيك شي وانتي من رحتي وانتي عيونك كانت
كلها دموع كيف مافيك شي
جمانه : خلاص يانواف مافيني شي
نواف : جمانه قولي وشفيك
جمانه بغصه : مافيني شي خلاص رح
نواف : ماني رايح الين ماتروحين عند الحريم
جمانه : شوي و اروح عندهم
نواف : الحين تروحين
قامت جمانه بتعب وبغت تطيح والا فجاة يمسكها نواف
وبعدها استوعب بعدين وخر عنها
وتروح جمانه لعند الحريم وكان التعب واضح في عيونها
ام عبدالعزيز : وش فيك ياجمانه
جمانه : لا مافيني شي بس باخذ شنطتي وبروح لعند بنات
ام عبدالعزيز : والله ماتروحين اساس البنات راحو يجيبون اغراضهم
وبيرجعون
وتقدمت جمانه وحطت راسها على رجل امها
وقعدو البنات
نجد : جمانه تعالي العبي معنا
جمانه : والله مالي خلق العب
ميس : تكفين عشاني
جمانه : تمان بس عشانك ياميس
ميس بفرحه : شكرا
وقعدو يلعبون
سحر : جمانه غشت
جمانه : لا والله ماغشيت
سحر : و الورق الي تحت رجلك وش هي
جمانه : يوه هاذي اوراقي طاحت مني
سحر : اي واضح
ميس بصوت خفيف لبنات : بنات شفو الحرمه ذيك مع رجلها شكلها تجنن
جمانه : اي والله شكلها تشق القلب شق
ام عبدالعزيز : وفاء مو كان ذاك ولد جوهره
ام محمد : اي والله ان هو
من جهة الولد و حرمته
.: وش بهم ذول ياشرون علينا
.: مدري والله
.: خن نروح لهم ونشوف وش يبون
وراحو لعند الحريم
.: هلا بغيتو شي
ام عبدالعزيز : انت ولد جوهره ال جابر
.: اي انا
أم عبدالعزيز : احس ان انت بهاج
بهاج : اي انا
ام عبدالعزيز بدموع فرح : يلا هلا وغلا هلا بولد الغاليه
بهاج : هلا فيك بس ماعرفتك
ام عبدالعزيز : انا صديقت امك منيره
بهاج : اي عرفتك امي دايم تجيب طاريك وتبي تشوفك
ام عبدالعزيز : اي والله اني مشتاقه لها مره
بهاج : بعطيك رقمها
ام عبدالعزيز: ماتقصر ياوليدي
جمانه بصوت عالي : اونووو
لفو كلهم على صرخت جمانه
والا فجاة ام عبدالعزيز ترمي علبة المنديل على جمانه
جمانه وهي تحك الم ضربه : ليه ياجده ضربتيني قدام الناس
ام عبدالعزيز : وانتي ليه تصرخين عند الناس
جمانه رفعت راسه لبهاج ولبنت الي معه : اسف على الموقف الي صار تو امسحوها في وجهي
بهاج وهو يضحك : لا عادي خذي راحتك
والا فجاة البنت الي معه تضربه مع كتفه : بهاج
بهاح وهو يضحك : خلاص بسكت
ام عبدالعزيز : بهاج ليكون هذي غدير
بهاج وهو يضحك : لا ياخالتي هذي حرمتي
ام عبدالعزيز : ماشاءالله كبرت و تزوجت
بهاج : اي
ام عبدالعزيز : والله اني اتذكر انك صفقت كل عيال الديره مابقيت احد ماضربته
بهاج با احراج : ابك يا خالتي استري على الماضي حقي
ام عبدالعزيز  : ابشر ، الا يابنتي وش اسمك
نوره : اسمي نوره ياخالتي
ام عبدالعزيز : الله عاشت الاسامي يا نوره
نوره : عاشت ايامك يا خالتي
ام عبدالعزيز : يوه يابهاج ذكرت البنت الي كنت تتنمر عليها انها يتيمه والله انك من يومك صغير ماتستحي وكان اسمها نوره
نوره ناظرت بهاج وعيونها كلها دموع
بهاج تنهد : تكفين لا يانوري لاتبكين
ام عبدالعزيز : ليه وش فيس يابنتي
بهاج : هذي البنت الي كنت اتمنر عليها
ام عبدالعزيز : ماشاءالله تزوجتها الله يخليكم لبعض ، تعالي يابنت سحاب عندي
نوره كانت واقفه بصدمه ان ام عبدالعزيز تعرف امها
نوره : ياخالتي كيف تعرفين امي
ام عبدالعزيز : يوم سحاب كانت من يومها صغيره تجن ونفس عيونك
نوره بدموع : كيف كانت اول
بهاج : يلا ام دميعة لقت شي تبكي عليه
جمانه : معليش يانوره باخذ حقك ، خلها تبكي وشعندك انت
نجد : انتي اسكتي انتي اكبر ام دميعة في عائلة
جمانه دنقت راسها لانها استحت
نوره بدموع : بهاج خلاص اسكت
بهاج وهو كاتم ضحكته : ابشري ، يلا انا بروح امشي واذا خلصتي كلميني
ام عبدالعزيز : رح هناك في الرجال اقعد معهم
بهاج : ابشري
وراح بهاج
نوره وهي قاعده عند ام عبدالعزيز
نوره : كيف كانت امي قبل لاتتزوج ابوي
( معليش بعرفكم على نوره و بهاج
نوره بنت سحاب : جميله جمال اهل الديره يسمونها ( شبيهه القمر )
وطيبه و حنونه وتخاف من الصحراء لان ( ابوها و امها ماتو فيه ) وشخصية عنيده و قويه وتمشي كلمتها غصب لاكن ام دميعه عمرها 23
وعمانها اعداها
بهاج : بهاج شخصيه تحب الضحك و وسعة الصدر والطقطقة وراعي ذبات
ويتقبل المزح وراعي مقالب بس عنده مشكله بسيطة عصبيته مايقدر يتحكم فيها ويكره العناد وشخص مايفهم بالحب ولا يؤمن بالحب واذا حب احد يضره من كثر حبه (يحسب الحب مضره )
نرجع لعند الحريم
وقعدت ام عبدالعزيز تشرح لها كيف امها
وقعدت تنزل دموعها
نجد : معليش يانوره بس طلعتي ام دميعة زي الي قدامي
جمانه : وشفيني ياحلوي وانا ام دميعه
نجد : ماقلنا شي بس كل دقيقة دمعتي
نوره با ابتسامه : الله في احد زيي ام دميعة
جمانه طقت الصدر بيدها المكسوره : اي
نجد : مب صاحيه انتي
جمانه : ليه
نجد : يدك مكسوره وتضربين فيها
واستوعبت جمانه وبدت تحس بالم وبدت عيونها تملا دموع
نجد تنهدت : ها شفتي يانوره قلت لك ذي زيك ام دميعة
نوره : وه فديت ام دميعة ، خالتي بروح اقعد مع بنات
ام عبدالعزيز : خذي راحتس
وراحت نوره لعند بنات
............**............
عند الرجال
مر من عندهم بهاج
بهاج : سلام عليكم
ابو عبدالعزيز : يامرحبا والله هلا بولد مطلق
بهاج : هلا فيك ياعمي
ابو عبدالعزيز : حياك اجلس معنا
بهاج : ابشر ياعمي
وجلس بهاج وقعد يتكلم مع ابو عبدالعزيز : الا ياعمي كيف تعرف ابوي
ابو عبدالعزيز : يوه ابوك صديق عمري كله ، يعال كل واحد يعرف نفسه
وقعدو كلهم يعرفون نفسهم الين ماوصل لعند عبدالرحمن وكان معصب مره وماسك الفنجال بقوه وكانت عروق يده واضحه
بهاج حط يده على كتف عبدالرحمن : وانت
عبدالرحمن لف على بهاج : عبدالرحمن
بهاج :ونعم والله ياعبدالرحمن
عبدالرحمن : ونعم فيك وانت وش اسمك
بهاج : اللواء بهاج مطلق عبدالرحمن
عبدالرحمن : ونعم والله فيك يا ابو مطلق
ابتسم بهاج لعبدالرحمن ورجع عبدالرحمن يهوجس وكان معصب ولا بين لـ احد
بهاج : عبدالرحمن عادي اكلمك شوي
عبدالرحمن : اي
وراحو مكان مافيه احد
بهاج : فيك شي ياعبدالرحمن
عبدالرحمن : لا مافيني شي
بهاج : عبدالرحمن قل وشفيك لان واضح انك معصب مره
عبدالرحمن تنهد ومسك شعره : اي متضايق مره وافكر في موضوع
بهاج : ليه وشفيك
عبدالرحمن : اختي
بهاج : ليه وشفيها اختك
عبدالرحمن : رافضه انها تبلغ على الي خطفها وعذبها
بهاج : ليه وش صار لها
عبدالرحمن قال لبهاج كل شي صار
بهاج تنهد وتذكر الي صار بنوره
عبدالرحمن : وشفيك
بهاج : لا مافيني شي ، نرجع لموضوع اختك بس لازم تعرفون وش
سبب رفضها انها تبلغ
عبدالرحمن : ماقالت لنا و جدي اصر عليها ومعد سمعنا لها حس
بهاج : دقيقة اختك هي الي يدها مكسوره صح
عبدالرحمن استغرب : ليه و وش عرفك بـ اختي
بهاج : كنت اتمشى انا و زوجتي والا نشوف حرمه تنادينا
ويوم رحنا طلعت جدتك صديقت امي وخذتنا سواليف وفجاة صرخت
اختك لان كانت تلعب مع بنات وخالتي رمت عليها
علبة المناديل وقالت لخالتي ليه تضربها بعدين خالتي قالت لها ليه
تصرخين عند الناس ولفت علينا علي وانا حرمتي تعتذر لنا
عبدالرحمن ضحك : جمانه ماتخلص حركاتها وحتى وهي تعبانه
بهاج : الا بسالك انت وش تشتغل
عبدالرحمن : مهندس
بهاج : ماشاءالله
عبدالرحمن : كم صارلك جاي ابها
بهاج : يومين
عبدالرحمن : انت و زوجتك بس ولا اهلك معك
بهاج : لا والله بس انا و زوجتي
عبدالرحمن وهو يضحك : يوه ماراح تسلم من جدي بيلزم عليك ان تسكن معنا في الفندق
بهاج : الله يكون بعون
عبدالرحمن : امين ، تبي نرجع ولا تبي جدول
بهاج : جدول
عبدالرحمن : ابشر
ودق عبدالرحمن على محمد :
محمد : هلا
عبدالرحمن : تعال انت و العاشق
محمد بضحك : طيب
بهاج بـ استغراب : من العاشق
عبدالرحمن : الي تشوفه
وفتح جواله عبدالرحمن ورسل لجمانه
-المحادثة-
عبدالرحمن: جوجو ياعيوني تعالي انتي وبنات وحرمة بهاج
جمانه : طيب
عبدالرحمن : اي وتعالي براضيك
جمانه بتسليك لعبدالرحمن : اي ان شاء الله
عبدالرحمن : جوجو تكفين لاتسلكين لي والله اني ندمان اني
عصبت عليك
جمانه : خلاص اجي ويصير خير
عبدالرحمن : تمام
وقفل جوالها عبدالرحمن
بهاج : وين جدولك
عبدالرحمن : دقيقه ويجي جدولي
بهاج : تمام
............**............
عند بنات
جمانه : بنات عبدالرحمن يقول تعالو
ميس : ليه وش يبي ابو صنادح
جمانه بضحك : مدري
نوره : مين ذا عبدالرحمن
جمانه : اخوي
نوره : ماشاءالله الله يخليه لكم
جمانه : امين ، يلا قمو خن نروح
وقامو كلهم وراحو لعند عبدالرحمن
جمانه : وش تبي
محمد : اي وهي صادقه وش تبي مجمعنا
عبدالرحمن : بنروح نشوف الاماكن
نواف ربط ثوبه : جوي تم
ميس : والله وانا اختك اهجد لانك بتجيب العيد لنفسك
نواف : افا يا اوخيتي ليه
ميس : انا أدرى
نواف : ابشري
محمد بضحك : ايه كفو ميس تخلينه يمشي على كلامك
ميس : اخوي و انا اعرف
بهاج بـ استغراب ان كيف محمد يكلم ميس : سوال محمد
محمد : تفضل
بهاج : ميس وش تصير لك
محمد : زوجتي بس باقي العرس
بهاج : اها ماشاءالله
عبدالرحمن : يلا خن نروح نشوف مكان
وقعدو كلهم يمشون
عبدالرحمن بضحك : ام دميعة لفي علي شوي
جمانه : وش تبي
عبدالرحمن : شوفي هذاك شايب قاعد لحاله
لفت جمانه وكذالك لفت معها نوره وقعد يدمعون
بهاج يضحك على نوره ولأ يواسيها : نوري تكفين لاتبكين
عبدالرحمن : اوهه طلع عندنا ام دميعة ثانيه غير جمانه
نوره بدموع : بهاج تكفى خن ناخذه معنا
تقدم لها بهاج : يانوره يمكن ولده معه بس راح يجيب له شي
نوره بدموع : لا خن ناخذه معنا
تقدمت جمانه لعبدالرحمن : اي صح خن ناخذه معنا
عبدالرحمن : انتي سمعتي كلان بهاج لنوره مايحتاج اعيده لك
نوره بدموع : بعاج تكفى خن ناخذه معنا
بهاج : اول شي لاتقولين تكفى لان ما اخلي شي بخاطرك
نوره بدموع : تكفى
بهاج طلع من جيبه شوكلاتة : امسكي
نوره بـ ابتسامه تحاول تخفيها : شكرا
بهاج : مابينا
جمانه : انا بروح لشايب
عبدالرحمن : اسكتي عشان نوره نست يوم كلمها بهاج
دنقت راسها جمانه وراحت مع بنات ونفس الشيء نوره راحت معهم
محمد : وين الجدول الي بتسويه الاخ عبدالرحمن
عبدالرحمن تورط : ها
محمد : وش بتسوي جدول
عبدالرحمن : والله ماعندي شي بس كنت احسب البنات عندهم
جدول
لفت عليه جمانه : لا ماعندنا كنا نلعب اونو وانت خربت عليها
يلا يابنات خن نرجع نلعب
عبدالرحمن : وقفو هناك في مكان حلو
والا فجاة واحد يجي يوقف قدام نوره
.: السلام عليكم
نوره : وعليكم السلام
.: وش هذا الجمال
وكان بهاج يناظر فيه وماقدر يمسك نفسه وراح له
بهاج بعصبيه يحاول يخفيها : من انت
.: رامي
بهاج بعصبيه يحاول يخفيها : وش تبي في البنت
رامي : ابي اتزوجه اعجبتني
وكانت نوره خايفه ان بهاج يسوي شي برجال
نوره بخوف : بهاج خلاص خله
بهاج بعصبيه قويه : وخر عن هذا المكان عشان ما ادفنك
نوره بدموع و خوف على بهاج : بهاج خلاص خله
بهاج بعصبيه قويه : نوره وخري عني
وتقدمو البنات وخذو نوره و خافو ان يسوي فيها شي
رامي : ليه تزعل الجما.. الا يقاطعه ضرب بهاج الين ماتضاربوه
مع بهاج
نوره ببكى وخوف : خلاص بهاج اتركه تكفى اتركه
بهاح متجاهل نوره تمامًا
وتقدمو عبدالرحمن و نواف و محمد يحاولون يفكون بين بهاج و عبدالرحمن
عبدالرحمن : بهاج خلاص فكه ذبحته
بهاج بعصبيه قويه : احسن انا ابي اذبحه على يدي
نواف : خلاص يابهاج فكه
نوره بصوت عالي وببكى : بهاج خلاص اتركه تكفى اتركه
ولما بهاج استوعب ان نوره تصيح فك رامي من يده
رامي انحاش من بهاج فكه من يده وكآن بهاج خشمه كله دم وفي جرح
في شفايفه
وتقدم بهاج لنوره وابعدو البنات
وتقدم بهاج وحضن نوره الي كانت تبكي بحضن بهاج
نوره ببكى وبحضن بهاج : ليه يابهاج تسوي كذا ليه
بهاج : اول شي اهدي
وخرت نوره وشافت وجه بهاج الي خشمه ينزف و فمه مليان دم
نوره : شف الحين كل ملايسك دم
بهاج : عادي
نوره : بهاج وش الي عادي صاحي انت
بهاج هز راسه بمعنى" اي "
نوره : اقول امش اقعد بمسح الدم
بهاج : خليه
نوره : بهاج اقعد بسرعه
بهاج : ابشري
وقعدت نوره تمسح الدم الي على وجه بهاج
عبدالرحمن : بهاج ليه مسوي كذا ابي اعرف
بهاج : بعدين اقولك
نوره بهمس و أبتسامه : الغيره
بهاج بصوت حاد : نوره
نوره : اقول اسكت
وكملت نوره تمسح وفجاة صارت عيونها كلها ضباب ماتشوف وركز
عليها بهاج
بهاج : نوره فيك شي
نرره يالله تشوف بهاح : اي اشوفك
بهاج هنا ما صدق ورفع يده وحط رقم : هذا رقم كم
نوره تحس انها شوي و بتدوخ : 4
بهاج : لا انتي فيك شي قومي يلا على المستشفى
نوره بتعب مره : لا مافيني شي اساس .. وفجاة تطيح نوره في حضن بهاج
بهاج كان يحاول يصحيها : نوره تسمعيني ولالا
عبدالرحمن : طيب ودها المستشفى
بهاج : يلا امسك مفتاح سياره وتعال
وبهاج شال نوره بحضنه وراح لسيارته وكان عبدالرحمن يسوق واتجهو
لمستشفى
و وصلو المستشفى
بهاج بصوت عالي : مافيه احد ابي دكتوره او دكتور بسرعه
الممرضه جت لعند بهاج : دخلها هنا
ودخلها بهاج وحطها
الممرضه : اطلع الحين وحنا بنشوف وش فيها ونعطيك خبر
بهاج : تمام
وطلع بهاج وشاف عبدالرحمن
تقدم عبدالرحمن وحط يده على كتف بهاج : ان شاء الله مافيها شي
بهاج خايف على نوره : ان شاء الله
وقعدو على كراسي وبعد عشر دقايق طلعت الممرضه
الممرض : انت زوجها
بهاج : اي انا زوجها
الممرضه : الحمدلله مافيها شي بس دوخه بسيطه واعطيناها مغذي
ونص ساعه ويخلص
بهاج : الحمدلله مشكوره
الممرضه : هذا واجبنا
بهاج : طيب يمدي ادخل اشوفها ولالا
الممرضه : اي يمدي تدخل تشوفها
بهاج : كويس
ودخل بهاج على نوره وشافها تناظر سقف
بهاج : وهو النوري تعبانه اجيب الطاقم الطبي عشانها
نوره بتعب : لا مافيني شي
بهاج : بس جتك دوخه وبعد نص ساعة يخلص المغذي
نوره : يوه بوبو تكفى ابي اطلع الحين
بهاج تنهد : لاتقولين تكفى لان ما اقدر اخلي شي بخاطرك
نوره : والله اني ما احب المستشفى مره
بهاج : عشاني نحتري يخلص ونطلع
نوره : تمام
ومرت نص ساعة وخلص المغذي وطلعو من المستشفى
ورجعو لمكان
جمانه : الحمدلله على سلامه يانوني
نوره با ابتسامته :  الله يسلمك ياعيوني
عبدالرحمن : يلا تبون نكمل الجدول ولالا
بهاج : اي عادي
عبدالرحمن : يلا مشينا
وكملو وراحو وفجاة يشوفون واحد يبع غزل بنات
جمانه : دحوم
عبدالرحمن : لبيه
جمانه : ابي غزل بنات
عبدالرحمن : ابشري
عبدالرحمن و بهاج راحو يشترون
بهاج : لو سمحت ابي 4 غزل بنات
راعي غزل بنات: ابشر
وطلع راعي الغزل بنات 4 وأعطه بهاج
بهاج : شكرا
عبدالرحمن : رح انت بحاسب
بهاج : لا ماتحاسب انا الي بحاسب عنك
عبدالرحمن : والله ماتحاسب وتراني حلفت
بهاج : تمام
وراح بهاج لعند بنات
بهاج : نوره
نوره : لبيه
بهاج : تعالي
نوره : ابشر
وجت نوره لعند بهاج
نوره : هلا وش بغيت
بهاج : خذي الغزل بنات واعطي بنات معك
نوره : تمام مره شكرا
بهاج : كم مره اقولك مابينا
نوره : حاضر
بهاج : يلا روحي
نوره : تمام
وجاء عبدالرحمن لعند بهاج
عبدالرحمن : ياخي تبي صراحة
بهاج : اي عطني صراحتك
عبدالرحمن : انا ما عندي جدول مره وناديت بنات و اخوي احسب عندهم جدول وطلع ماعندهم جدول
بهاج : اجل اسمع شرايك نرجع
عبدالرحمن : اي احسن احسني ما اشتهيت امشي
بهاج : اجل يلا خن نرجع
عبدالرحمن : يلا
ورجع عبدالرحمن لبنات
عبدالرحمن وهو يصفق : يلا بنرجع
جمانه وهي تتأفف : طيب ، دقيقة عبدالرحمن و محمد عادي توقفون حمب بعض
عبدالرحمن : امش خن نشوف اختك وش تبي
وقفو عندها وكانت جمانه ماسكه ضحكتها
جمانه بضحك : والله الطول طول نخله والعقل عقل صخله
محمد : ماشاءالله اقول فارقي عن وجهي لا اذبحك
جمانه طنتشت محمد : يلا يابنات خن نرجع ونلعب اونو
بهاج بضحك : يمه حركات نوره مره
محمد : اجل ماينفع يقعدون مع بعض
بهاج : مره ولا بيجيبون لنا العيد
محمد : وش نسوي
بهاج : عندي الحل
محمد : تم
بهاج بصوت عالي : نوره يلا بنمشي
نوره لفت وشافت بهاج ياشر لها بمعنى " يلا بنمشي"
راحت نوره لبهاج وخذته على جمب
نوره : بوبو تكفى ما ابي اروح البنات يجنون ابي اقعد معهم
بهاج تنهد : لاتقولين تكفى لان صدق ما اقدر اخلي شي بخاطرك
نوره : تكفى
بهاج : بنمشي يلا
نوره : ما ابغى
بهاج بتقليد نوره : ما ابغوء
نوره ضربت صدر بهاج : بروح مع بنات
بهاج : تمام انتبهي لنفسك
وراحت نوره ورجع بهاج لعيال
نواف وهو يضحك : جابت راسك اجل
عبدالرحمن وهو يضرب كتف نواف : طالع منها انت
نواف بتزبيد لموضوع : ها لا مو من قال
محمد بضحك : ههههههههههه واضح لا اقول والله لو هي تقول جب
لي القمر جبته اقول اثقل ترا الثقل زين
نواف : طالع منها الاخ ماكان بغى يموت يوم يشوفها بعد الملكه
محمد ضرب نواف بقوه : اسكت عشان ما اكب عفشك
نواف وهو يحك مكان ضربه : طيب خلاص بسكت ولاعد تضرب
لان ضربك حار مره
محمد بضحك : اليد الحار ماتطلع الا نادر وعلى الناس الي ماتسكت
نواف : خلاص بسكت
عبدالرحمن : يوه شكله مشتاق لـ حب
بهاج : من
عبدالرحمن بضحك : نواف
بهاج : وليه ومن يحب
عبدالرحمن بضحك : مع الوقت بتعرف
بهاج : ان شاء الله
عبدالرحمن : يلا خن نرجع
ورجعو كلهم
ابو عبدالعزيز : وينكم طولتو مره الحين على العصر
عبدالرحمن : ياجدي رحنا نغير جو
هتان : رايحين تغيرون جو ولا تسون اشياء من يمين و يسار
هنا عبدالرحمن ماقدر يمسك نفسه على هتان ومسك مع رقبته :هي انت وش تقول وانتبه لكلامك مره ثانيه عشان ما اذبحك
هتان بضحك : وانا صادق
عبدالرحمن بعصبيه : قسم بالله يا هتان ان ماسكت انا اعلمك كيف
تسكت
ابو عبدالعزيز : خلاص انتو وياه اقعدو
وقعد عبدالرحمن وكان معصب مره
بهاج : خلاص معليك منه
ابو عبدالعزيز : يلا خلاص بنمشي نرجع لفندق
ابو هتان : يلا طيب يبه من بيودي البنات
ابو عبدالعزيز : هتان و عبدالرحمن ونواف
عبدالرحمن : يبه ابي محمد معنا
ابو عبدالعزيز : ليه
عبدالرحمن : ياجدي ابيه
ابو عبدالعزيز : خلاص محمد بدال هتان
ابتسم عبدالرحمن وناظر هتان با انتصار
هتان : لا ياجدي خلني مع البنات
ابو عبدالعزيز : لا خلاص انت و ريان و سلطان لعيال
هتان : تكفى ياجدي
ابو عبدالعزيز : لا انت لعيال
هتان : ابشر
ابو عبدالعزيز : يلا شيلو العفش
............**............
عند الحريم
ام عبدالعزيز : يلا يابنات بنمشي
جمانه : ليه ياجده نبي نقعد ما ابي اروح واخلي نوره
نوره بضحك : وه ياحظي ماتبي تخليني
جمانه : اي اكيد
وقامو البنات كلهم الا جمانه
جمانه : هي وانا تروحون وتخلوني احد يجي يساعدني
وجت نوره ومدت يدها لجمانه
ويوم قامت جمانه حست بالم بيدها المكسوره
لاحظو عليها ميس و نجد و نوره
نجد : جوجو فيك شي ياعيوني
جمانه بالم : لا ياعيوني مافيني شي
ميس : متاكده ولالا
جمانه بالم : اي متاكده
ميس : يلا خن نروح نركب
جمانه حضنت نوره : مع سلامه ياعيوني واذا وصلتو الفندق ارسلي اتطمن
نوره بـ ابتسامه : حاضر من عيوني ماطلبتي شي
جمانه : فديت عيونك
ام عبدالعزيز : واساس من قال ان بنخليكم تروحون بتجون معنا
جمانه بفرحه : صادقه ياجده
ام عبدالعزيز : اي بيجون معنا
نوره : لا ياخالتي مانبي نكلف عليكم
ام عبدالعزيز : لا كلافه ولا شي واساس ابو عبدالعزيز ماراح
يخليكم تروحون بتجون معنا
نرره : والله مدري وش اقول لك ياخالتي
ام عبدالعزيز : لاتقولين شي ويلا بنمشي الحين
جمانه تقدمت وحضنت نوره : هذي حقتي لاحد يجها عشان
ما اكسر يده و رجله و راسه
نجد وهي تضحك : انتي اساس يدك ثانيه مكسوره كيف تكسرين يد و رجل و راس
جمانه : معليك هاذي لعبتي
نجد : اي يصير خير
ام عبدالعزيز : يلا اركبو سياره
وراحو مكان الي فيه سيارات وكانو كلهم فيه
ابو عبدالعزيز : يلا اركبو بنمشي الحين ، ويلا بهاج اركب مع العيال
بهاج : لا ياعمي انا و نوره بنمشي الحين بنروح الفندق حقنا
ابو عبدالعزيز : لا بتجون معنا و نوره بتروح مع بنات
بهاج : ابشر ياعمي خلاص بجي بس بركب سيارتي وبمشي
وراكم
ابو عبدالعزيز : زين يلا يابنتي اركبي مع بنات
نوره : ابشر ياعمي
وركبت نوره مع بنات وكانت جمانه فرحانه مره
جمانه : نورت ام سياره بوجود نوري
نوره : النور نورك يا عيوني
وكانو مبسوطين الين وصلو الفندق
............**............
بعد مرور شهرين
في القاعه العرس
في غرفة الي فيها جمانه
دخلت عليها نجد
نجد : جوجو خلصتي
جمانه : باقي مكياجي خلصت شعري
نجد : زين انا بطلع وبشوف البنات وش يبون
جمانه : تمام
وطلعت نجد وشافت نوره
نجد : خلصتي
نوره  بتوتر : اي
نجد : وشفيك نوره متوترة
نوره  بتوتر : لا مافيني شي
نجد : الا وش فيك قولي
نوره : خايفه من بهاج يعصب علي عشان فستاني
نجد : معليك منه
نوره : تمام
نجد : ترا الميكب ارتست في طريق بنقعد كلنا في المجلس
عشان تخلصنا كلنا
نوره : كويس و تراني حاجزه حقت الشعر لنا كلنا
نجد بفرحه : مره شكرا
نوره : مابينا ياروحي
وراحت نجد تخلص اغراضها
............**............
عند العيال
نواف : يلا قمو خن نلحق على الحلاق
محمد : يلا
بهاج : بتروحون اي حلاق
نواف : الي هنا
بهاج : زين يلا
وطلعو كلهم وراحو الحلاق
محمد : مدير انا اليوم زواج انا يبي يطلع حلو
العامل : تمام
وقعدو كلهم يحلقون وخلصو وراحو لمغسله ياخذون ثيابهم
محمد : نواف انزل جبها تكفى
نواف : طيب عبدالرحمن امش معي تساعدني تراها كثيره
عبدالرحمن : يلا
ونزلو عبدالرحمن و نواف يجيون ثياب
بهاج : ها كيف حماسك لعرس
محمد : والله مو حماس التوتر مره عالي
بهاج : عادي
محمد : المشكلة كيف مرت شهرين على طول
بهاج : عادي تمر
والا يجون نواف عبدالرحمن وركبو سياره ورجعو لبيت ودخلو داخل
ابو عبدالعزيز : جبتو الثياب و شماغ كلهم
عبدالرحمن : اي ياجدي
ابو عبدالعزيز : زين اجل يلا دخلوها
عبدالرحمن : ابشر
ودخلو عبدالرحمن و نواف وحطو الثياب وكان الكل متقروش
وكانو يدورون اغراضهم الي يقول ( وين عطري - وين شمبو حقي بتروش
-وين بشتي- بسرعه اطلع ابي اتروش - وين سروالي وفلينه - ابي المشط - وين طاقيه حقتي - ابي ثوب حقي - وين جزمتي - وين شرابي الاسود )
وخلصو كلهم وقعدو في مجلس
وبعد مرور ثلاث ساعات على حدود 2:47
عند البنات
جمانه : بنات خلصتو لان بنروح الحين لان المصوره بتصورنا واساس الحين هي قاعده تصور ميس وميس تبي نشوفها الحين بتسوي لنا الفيرست لوك قبل محمد
سحر : اي حلو اجل يلا خلونا ننزل الحين قبل
جمانه : اي لان المصوره ارسلت لي تقول انزلو الحين
ايلان : يلا
ونزلو البنات و راحو لكوشه و قفو وبعدين جت ميس وقفت
المصوره : يابنات يلا لفو
ولفو بنات وكانو منصدمين مره من جمال ميس وكانو يقولون
نوره : ماشاءالله جمال ماشاءالله
نجد : وه قمر طالعه اليوم قمر
جمانه ببكى فرح : لا ماني مستوعبة ان ميس بتتزوج
ميس : لا ياجوجو تكفين الا دموعك لاتنزل
جمانه وهي تمسح دموعها : ابشري
يارا : يابنات تكفون كيف ميوسه بتتزوج ماني مستوعبة
سحر : حتى انا ماني مستوعبة انها بتتزوج
(ارسلو تشبيهاتكم في الانستا _reciip_)
ايلان : خلاص بسرقها ماراح ياخذها محمد
جمانه با أبتسامه : يس راح تسكن عندنا راح تقعد عندي طول الوقت
نجد : احسدك يا جمانه ان ميوسه بتجي عندك
ميس : جمانه ناسيه ولا اذكرك
جمانه بـ استغراب : ليه
ميس : حتى انتي بيجيك النصيب وبتروحين
جمانه : لا بقعد عندك ماني رايحه الين ما اصير عمه
ميس : ان شاء الله
تقدمت ميس لجمانه وهمست لجمانه : تجهزي النصيب جايك
انصدمت جمانه وكانت ساكته
نوره بضحك : وشفيك جوجو
جمانه : هلا لا مافيني شي انا بروح اشوف امي
ميس بضحك : زين ، يلا روحو الحين بصور مع زوجي
يارا : تغيرتي والله صرتي تطردينا
ميس : لا والله عشان بصور انا و محمد عشان يمدينا
يارا بـ ابتسامه : لا استهبل معك
ميس : زين
وراحو البنات كلهم فوق وبعد عشر دقايق دخل محمد وما كانت ميس فيه لان كانت المصوره تسوي الفيرست لوك حقهم
المصوره : يلا لف ياعريس
ولف محمد وكان يتامل ميس وكانت ميس متوترة من نظرات محمد وكانت مبتسمه وتقدم لها محمد وحضنها وغطها بـ البشت حقه
محمد : ماشاءالله تبارك الرحمن كله هلجمال لي الله يخليك لي
ياعيوني انتي والله انك قمر و كل شي بنسبه لي
ميس استحت ولا قالت شي
محمد : بقول لك شي
من يقول الزين ما يكمل حلاه
كل شيٍ في حبيبي إكتمل
الله اللي كمله و الله عطاه
ما بقى للزين في خلّي محل
العيون أحلى من عيون المهاه
شافها قلبي و صفّق و احتفل
نظرته من فتنته شعلة حياه
و الجفون من الحيا فيها كسل
ميس احمر وجها ولاعد قالت شي
محمد بـ ابتسامه : خلاص بسكت لان صار وجهك احمر
ميس ضربت كتف محمد بخفه : اي احسن معد قدرت اقول شي
محمد : اسف ياعيوني
ميس : شدعوة مابينا
وقعدو يصورون مع بعض الين ماخلصو تصوير
على ساعه 7:47
ميس كانت في غرفة العروس وكانو البنات عندها ويسولفون مع بعض
والا تدخل عليهم ام محمد
ام محمد : ماشاءالله عروستنا اليوم قمر ماشاءالله
ميس : والله انتي القمر ياخالتي
ام محمد : ياحبيبتي انتي ، بنات يلا انزلو قبل لايجون المعازيم
الكل : ابشري
ونزلو كلهم الا يارا قعدت مع ميس
نجد : بنات كل شي جاهز صح
لين : اي كل شي جاهز
نوره : بنات شرايكم نروح نصور قبل لايجون الحريم
جمانه : اي والله صادقه يلا خن نوره
وراحو البنات يصورن ويرقصون مع بعض
............**............
عند العيال في قاعه
ابو محمد : ريان رح شف القهوه كلها جاهزه
ريان : ابشر
محمد : عبدالرحمن وين قلمي
عبدالرحمن : معي
محمد : اعطني ابيه
عبدالرحمن طلع من جيبه قلم : امسك
نواف : يوه معرسنا لازم اليوم تسامحني
محمد : ليه
نواف : بمسكها حش فيك عند العيال
محمد ضرب نواف مع راسه : ياقليل الادب ماتستحي ، عمي امسك ولدك
عشان ما اطلع التوتر الي فيني واحطه فيه
ابو نواف : نواف ماودك تهجد
نواف : خلاص بهجد
محمد : اي احسن
عبدالرحمن : يلا نطلع الحين قبل لايجون معازيم عشان نزفك لهم
محمد : يلا
وطلعو محمد و عبدالرحمن و نواف و بهاج وراحو يركبون سياره BMW وقعدو يحترون معازيم في سياره وبعد مامر الوقت زفو محمد بسياره ونزل من سياره و وراه الرجال وبعدين وقف في مكانه وجو الناس يسلمون عليه
ويباركون له ومابعد ما الكل بارك لمحمد بدو بعرضه النجديه
الكل بصوت عالي :
نجد شامت لبو تركي وأخذها شيخنا
واخمرت عشاقها عقب لطم خشومها
لا بكت نجد العذية تهل دموعنا
بالهنادي قاصرين شوارب قومها
حنا هل العادات مخضبين سيفنا
والطيور الحامية جادعين لحومها
صعبة أفعالنا لابغاها غيرنا
وكلمة التوحيد حنا عمار رسومهما
حنا هل العوجا نها الملاقى عيدنا
والجزيرة كلها مدبين قرومها
لابتي عوج المراكيض هذا سوقنا
بيعوا الارواح في الهوش باول رسومها
مرخصين ارقابنا لا زهمنا شيخنا
والقبايل كلها شيخنا قيدومها
في تواريخ العرب راسمين علومنا
وعادة الدنيا تزول وتدوم علومها
............**............
عند الحريم داخل
كان الكل موجود والكل يحتري العروس تنزف
ام محمد : يلا ياحريم تغطو الرجال بيدخلون
وتغطو الحريم وكلهم واشتغلت زفت الرجال ودخلو ابو محمد و محمد و نواف و خوال ميس ويوم انزفو الين وصلو الكوشه وقفو وبدت تشتغل زفت العروسة ميس
ونزلت ميس من درج وكانت الأنوار كلها مطفيه ونور متجه لميس وهي تنزف
وانزفت الين وصلت الكوشه وقفت في النص وقعدت المصور تصورهم كلهم مع بعض
محمد بصوت عالي : اهل العريس و العروس يجون وهم متغطين ويتصورون معنا
وقامو البنات و ام محمد و ام نواف ومهم لابسين طرحتهم و تصور كلهم مع بعض وبعدها جاء نواف يبارك لميس
نواف : الف مبروك يا اوخيتي وان شاء الله نشوف عيالكم قريب
ميس بـ ابتسامه : الله يبارك فيك يا اوخي وعدك بكره
وراح نواف يبارك لمحمد : الف مبروك يا حمود
محمد بـ ابتسامه : الله يبارك فيك يا نواف
وبعدها همس محمد لنواف : يلا فارق
نواف بـ ابتسامه : طيب
وطلعو الرجال كلهم مابقى الا ميس وقامو الحريم كلهم يسلمون على ميس ويباركون لها وبعد ماخلصو الحريم جو البنات كلهم عند ميس ويرقصون معها وضحكو معها
ام محمد راحت لبنات : يلا بنات خن نزفها لرجها بتروح معه
جمانه بحزن : لا ما ابيها تروح ولا ابي محمد يروح ابيهم كلهم
ميس: ياعيوني انتي بنشوفكم ان شاء الله بكره
جمانه : ان شاء الله
و زفو ميس محمد وركبوها سياره وراحو ودخلو البنات كلهم
ام محمد : تفضلو يا حريم العشاء
ودخلو الحريم كلهم لعشاء وكانو البنات قاعدين كلهم في مكان واحد ويسولفون وجتهم ام محمد
ام محمد : تعالو كلو يابنات
الكل : ابشري بنجي
.
.
انتهى الجزء
اعطوني رايكم
اعذروني على الاخطاء الاملائية
والحمدلله عرسو محمد ميس خلونا نبارك لهم 😢
لاتنسون النجمه ⭐️