.
.
.
رجعو نجد و ميس والعيال لمكانهم وهم متضايقين
ابو عبدالعزيز : وش فيكم ياعيال
عبدالرحمن بضيقه وساكت
ابو محمد : محمد تكلم وش فيكم
ابو عبدالعزيز : نجد قولي وش فيكم
نجد وعيونها كلها دموع
ابو نواف : نواف تكلم ميس تكلمي وش فيكم
عبدالرحمن بغصه : يبه
ابو محمد بعصبيه : وشفيكم انطقو
عبدالرحمن سكت
ابو محمد : امك فيها شي اختك فيها شي
يوم ابو محمد جاب طاري جمانه محمد و عبدالرحمن نزلو روسهم
ابو محمد بعصبيه : جمانهه فيها شي
محمد : اي
ابو محمد بعصبيه وبصراخ : وش فيها
ومن سمعو صراخ ابو محمد كلهم اجتمعوا الحريم و العيال وبنات
ابو محمد بعصبيه : انطقو
عبدالرحمن بغصه : جمانه انخطفت
كانت الجوهره تبتسم من تحت النقاب ولا احد منتبه لها وراحت يوم عرفت ان جمانه انخطفت راحت تكلم سامي
(بعرف عن سامي هذا سامي في اخر له سنه في الثانوي ومع انه عايد خمس سنوات في الثانوي وهو عمره 23 وهو يحب الجوهره لان كان بينهم تواصل من زمان بس الجوهره ماكانت تدري ان سامي يحبها )
نرجع لمكان الرجال
الا تطيح ام محمد على رجل وتقعد تصيح : جمانههه
ابو محمد بصراخ وضيقه على خطف بنته : شلون انخطفت مو هي كانت معكم
عبدالرحمن بغصه : الا كانت معنا بس قالت بروخ دوره المياه (يكرم القارئ )
ابو محمد : طيب شلون انخطفت وشلون عرفتو
عبدالرحمن بغصه : الخاطف راسل لي ولمحمد وقال ان بلغتو ياويلكم
وبجيب جثتها عندكم
ريان : اساس انت بلغتو وانتهيت
عبدالرحمن بصدمه : ليه مابلغت انا
ريان : ياحبيبي نسيت اني العقيد وابوي شرطي وكذلك عمي عبدالله شرطي
عبدالرحمن كان ساكت ويناظر في ريان
ريان : انا بسوي فريق وبندخل مداهمه
ابو محمد : كيف حنا مو في الرياض
ريان : انا اعرف الي يشتغلون هنا
ابو محمد : زين وانا بروح لمركز وبعطيهم بطاقة شغل وان شاء الله يساعدوني
ابونواف : اي معليك دام انك شرطي خلاص لان انا قد صارلي كذا
ايو محمد : زين
ابو عبدالعزيز : يلا
ريان : بكلم شغلي عشان بقول لهم عن المشكله واذا قدرو يجيبون البلاغ هنا ويحطوني معهم زين
ابو عبدالعزيز : زين يلا روحو الحين رتبو شغلكم
ابو نواف : يلا يا عبدالعزيز و ريان و محمد و عبدالرحمن نخلص شغلنا ونزتبه ونرجع
ابو محمد بضيق على بنته : يلا
وركبو سياره و اتجهو لمركز الشرطه
وبعدها يوم وصل نزلو
ابو محمد : نروح نتكلم مع المدير
ابو نواف : اي اساس انا اعرفه
ابو محمد : زين
وراحو لعند مكتب المدير المركز وطقو الباب
المدير فهد : تفضل
ودخلو ويوم المدير فهد شاف ابو نواف
المدير فهد بفرحه : يلا هلا ويامرحبا وينك يا ابو نواف مختفي
ابو نواف : موجود
المدير فهد : طيب ليه وش فيك
ابو نواف : والله جاي ابي اشوف تقدرون تساعدوني بموضوع
المدير فهد: اي ابشر
ابو نواف : محمد قل وشصار
وتكلم محمد كلشي صار معه وحتى سمعه صوت الفيدو
المدير فهد : هذا يتمسى جريمه قويه خلاص انا برسل فريق يترقبون المكان
ريان : طيب انا بصير معهم
المدير فهد : ليه وانت وش وضيفتك
ريان : عقيد
المدير فهد : ورني بطاقتك حقت الشغل
وطلعها ريان من بوكه : سم طال عمرك
المدير فهد : زين برسلك معهم وانت رتب الوضع هناك
ريان : زين
المدير فهد : تمام بس معك بدلت الدوام حقتك ولالا
ريان : اي معي بسياره
المدير فهد : كويس لان بنبدا الترتيب الفريق من الحين
وقعدو يكملو شغلهم (تبون الصراحة لاني ماني مره في ذي الاشياء 😭)
............**............
في المكان الهجور
سامي بضحك : تبين تسرقين حب البنت تحلمين
وقعد يكمل فيها ضرب وسحبها ودفها برجله
جمانه بتعب وصوت خفيف : تكفى فكني ومن انت
سامي وهو يضحك : انا سامي إذًا ماتعرفيني بخليك تعرفيني غصب
جمانه ببكى والم : طيب خلاص اتركني
سامي قرب منها ومسك فكها ورفع راسها : ماني بتاركس
ودفها وطاحت على يدها اليسار
جمانه بالم قوي و بكى : خلاص اتركني انا ماسويت لك شي
سامي بضحك عالي : ماني تاركس وبخليس تموتين دم
وطلع سامي يرا وقفل الباب وراه وقعد يفكر في جمانه
سامي بينه وبين نفسه : بدخل السجن بسبب ضربي لها وعشاني سمعت كلام الجوهره
قعد سامي يضرب نفسه ونادم مره على الي سوه في جمانه وبعدها دخل لعند جمانه وشافها قاعد في الارض طايحه وقاعده تبكي
سامي تقدم لها : جمانه اعطيني يدك بخليس تقعدين
جمانه بالم وتبكي : لا شكرا ما ابيك تساعدني
سامي الندم ياكله من داخله : بقولك شي وبعدين بمشي
جمانه : مقدر امد يدي تعورني مره و لونها ازرق
سامي : طيب يدك ثانيه مديها لي
جمانه حاولت تطلع يدها الين طلعت ومدت يدها لسامي وجلسها على جدار
سامي بضيق ونزل راسه : والله يابنت الحلال اني نادم ندم شديد على
الي سويته فيس ما ادري ليه سويت كذا فيس
جمانه ببكى : ندمت الحين بعد ماضربتي وكسرت يدي
وش استفيد من ضربك انا
سامي بضيق : ابيك تسامحيني ولا تبلغين علي ونفس الشيء اهلك لايبلغون علي لان انا واحد وحيد امي وابوي عندهم في البيت واختي متزوجه وانا الي اصرف عليهم وانا الي اوديهم المستشفى واجيب علاجاتهم واطبخ لهم الاكل واجيب الاغراض ومع اني ادرس واشتغل عشان اصرف عليهم وعشان ابيس تسامحيني ولا تبلغون علي انتي واهلس
جمانه ضاق صدرها يوم سمعت سالفه سامي : تمام ماراح نبلغ بس توعدني انك تبعد عني وتبعد عن بنات الناس ولا تسوي فيهم ولا شي وتخليهم
بحالهم
سامي بضيق : ابشري على هذا الخشم أوعدس اني اترك ذي الاشياء ولا ارجع لها واترك بنات الناس بحالهم
جمانه : اعطني جوالي بتصل با اخواني
سامي طلع جوال جمانه من جيبه : تفضلي
وخذت جوالها ودقت على عبدالرحمن
جمانه : الو عبدالرحمن
عبدالرحمن بصدمه : الو من معي
جمانه : شف الاسم من داق عليك
وشاف عبدالرحمن من واستوعب: جمانه
جمانه : اي
عبدالرحمن بخوف على جمانه : وينس وش سوا فيس ولد ***
جمانه : انتو وينكم الحين
عبدالرحمن : في المركز الشرطه الي اسمه ****
جمانه بخوف : لاتبلغون عليه
عبدالرحمن : وليه مانبلغ عليه وهو خاطفس
جمانه : خلاص ياعبدالرحمن لاتبلغون وانا بجي الحين عندكم في المركز
عبدالرحمن : طيب
وقفلت من عبدالرحمن
جمانه : سامي
سامي : لبيه
جمانه : ودني المركز الشرطه ****
سامي : تمام
جمانه بالم وهي تقوم وتحاول تزين نقابها وطلعت مع سامي وركبت ورا في سياره واتجهو لمركز وبعد ربع ساعة وصلو ودخلو ويوم دخلو جمانه شافت عبدالرحمن واقف راحت له
عبدالرحمن بصدمه : من انتي
جمانه تقدمت له وحضنته
عبدالرحمن وهو يبعد عنها : لو سمحتي ابعدي عني من انتي
جمانه وخرت عن حضنه وضربته عبدالرحمن مع جبته : انا اختك جمانه
عبدالرحمن با استيعاب الا متاخر : جمانه
جمانه: لا نجد
عبدالرحمن : فيس شي جاس شي
جمانه سكتت
ورفع راسه عبدالرحمن وشاف سامي ورا
وراح له عبدالرحمن وكان معصب ومسكه مع رقبته
عبدالرحمن بعصبيه قويه : يا ابن *** ليه تسوي كذا با اختي و مو من حقك تسوي فيها كذا
وتقدمت جمانه لعند عبدالرحمن وتبي تفكه بينه وبين سامي : عبدالرحمن وخر عنه فكه
الا فجاة عبدالرحمن يدف جمانه وتطيح على يدها المكسوره
جمانه بالم وصراخ : اههه يدي
وآلا فجاة يجتمعون العساكر ويقعدون يفروقون عبدالرحمن عن سامي
ويوم لف عبدالرحمن شاف جمامه طايحه وماسكه يدها المكسوره
عبدالرحمن بخوف على جمانه : جوجو فيس شي
جمانه بالم قوي و ببكى : يدي تعورني مره تعورني
والا يطلع ابو محمد و محمد و ابو نواف و ريان ويشوفون عبدالرحمن نازل لمستوى بنت
ابو محمد : عبدالرحمن وشفيك
عبدالرحمن : ريان محمد بسرعه تعالو ساعدوني نودي جمانه المستشفى
ابو محمد بصدمه : ذي جمانه
عبدالرحمن : اي يايبه هاذي جمانه
ابو محمد : يلا يامحمد ودو اختكم المستشفى الي هنا جمب المركز
عبدالرحمن شال جمانه لان معد صار لها حس ولا صوت وعلى طول راحو لمستشفى
عبدالرحمن بصوت عالي : دكتورررر دكتوررهه
الا وتجي ممرضه
الممرض امال : حطها هنا على السرير
وحطها عبدالرحمن
الممرضه امال : لو سمحت اخوي اطلع برا
عبدالرحمن : حنا اخوتها
الممرضه امال : لو اخوها بس اعذرني والله هذا سياسة المستشفى
وطلعو عبدالرحمن ومحمد و ريان وقعدو على كراسي
والا يدخل عليهم ابومحمد و نواف والمدير
ابو محمد : وينها
عبدالرحمن ساكت ونفس الشيء محمد و ريان ساكتين
ابو محمد : احد منكم يتكلم
ريان : دخلنها داخل يسعفونها
ابومحمد : يارب طلع بنتي سالمه ومافيها شي ويارب ألي سوا فيها ذا شي رده لها واكثر من كذا
والا تطلع الممرضه امال : انتو اهل البنت الي مصابه
ابو محمد بخوف على بنته جمانه : اي حنا اهلها
الممرضة جمانه : لاتخافون عليها بس فيها كسو في يدها اليسار وباقي جسمها رضات
ابو محمد تنهد براحه : الحمدلله مافيها شي الحمدلله
فرحو عبدالرحمن و محمد و ريان ان مافيها شي
المدير فهد : بس نبغى ناخذ منها التحقيق
الممرضه امال : تقدرون تدخلون عليها الحين
ودخلو ويقعدو يحققون مع جمانه ويوم خلصو تحقيق طلعو
ابو محمد تقدم لمدير فهد : وش صار
المدير فهد : رافضه انها ترفع شكوى عليه وتقول ان هي الي طاحت ما انخطفت
عبدالرحمن تقدم لمدير فهد : بس فيه شي يثبت ان هي متعرضه لخطف
المدير فهد : ندري بس هي رافضة مره انها ترفع شكوى عليه
.
.
.
انتهى الجزء
اعطوني رايكم
اعذروني على الاخطاء الاملائية
واسف على بارت قصير لان صارت لي ظروف ولا كتبت الا شوي 😢
النجمه لاتنسونها ⭐️
أنت تقرأ
اعانق أمانيكَ مهما ذَقتَ مِن تعب من ذا الذي نالَ مايهوى بلا تعب !
Fantasyقرائه ممتعه 🤍ورجاء قبل القراءة لايك واضافة و كومنت 🤍
