اعانق أمانيكَ مهما ذَقتَ مِن تعب من ذا الذي نالَ مايهوى بلا تعب !

29

.
.
انصدمت ميس من كلام جمانه وتجلست عند جمانه
ميس : شلون دريتي
جمانه خذت جوالها وكانت ترجف واعطت لميس تقرا رساله
ميس بدموع : آنا أرويها وانا الي راح امسك القضيه حقت نواف
جمانه ببكى : تكفين يا ميس ما ابي اخسر بسببها
ميس : لا معليك وموضوع سحر ماراح يعرف فيها الا انا وانتي وامي وخالتي ويارا بس
جمانه ببكى : تكفين قولي لهم انا ما اقدر اقول لهم شي
ميس تحاول ماتبكي اكثر من قبل : تمام انا بروح اجيب امي ويارا واقول لهم
وطلعت ميس وهي تكتم بكيتها الين وصلت غرفة نواف وفتحت الباب و اول مادخلت طاحت عيونها بعيون نواف وفجاة دموعها نزلت
ميس : يمه ويارا تعالو شوي ابيكم برا
ام نواف : فيك شي
ميس : ابيكم بكم كلمه ضروري
ام نواف : تمام
وطلعو من الغرفه وراحت لمكتب الدكتوره هدى
ام نواف : ميس وش سالفه
ميس : ندخل هنا واقولك كل شي
ودخلو وانصدمت ام نواف و يارا لما شافو جمانه تبكي
ام نواف : جوجو وش فيس
جمانه تحاول تخفي دموعها
جمانه : مافيني شي بس عيوني تحرقني
ميس : يمه اقعدي واقولك كل شي
وقعدت ام نواف وقدامها ميس وجمانه على يسارها ويمينها يارا
ام نواف : ميس قولي وشفيكم لاتخليني اتوتر اكثر من انا الي فيه الحين
ميس : ربى
ام نواف : وش فيها رخيصه
ميس سكتت ماقدرت تتكلم وماغير دموعها تنزل وقالت : ساحره نواف علشان يكره جمانه ويرجعها لذمته ويطلق جمانه
ام نواف انصدمت من كلام ميس وكانت تناظر في جمانه
ويارا كانت تنزل دموعها وتحاول تهدي جمانه ومابعد مابكت جمانه بقوه الين ماطاحت لعند رجل ميس
هدى : جوجو يعيوني
ميس : بروح انادي احد
وطلعت ميس وجو اخذوها ولعند الطوارئ وميس ان نواف رجعو لعند نواف ودخلو وكانو ايلان وسحر ولين كانو يضحكون مع نواف
وجلست ام نواف على كرسي وكانت تطالع في نواف
ميس : انا بروح
نواف : وين
ميس : بروح لجمانه تعبانة في الطوارئ
نواف : تمام
سحر : بسم الله عليها وشفيها
ميس : تعبانة
سحر : بجي معك
ميس : تمام
~ مجلس الحريم ~
ام عبدالعزيز : ي نجد
نجد : سمي
ام عبدالعزيز : ماقالت لك جمانه وين راحت
نجد : تقول مشوار قريب واجي يعني ماهي مطوله مره
ام عبدالعزيز : زين
ام محمد : اي ابشركم نواف صحى سميه اوسلت لي ان قام بسلامه
ام عبدالعزيز : الحمدلله على سلامته وان شاء الله يرجع البيت
ام محمد : ان شاء الله
~ في الطوارئ ~
ميس : يارا تحسين اكلم محمد يجي يشوفها
يارا : اي بس لاتقولين له شي الين يوصل علشان مايسرع ولا يصير فيه شي
ميس : تمام واي وانتي صادقه ماني قايله له شي خايفه يسرع
ودقت ميس على محمد
ميس : الو
محمد : هلا
ميس : محمد يمديك تجي المستشفى
محمد : وشفيك فيك شي
ميس : لا مافيني شي بس تعال ابيك ضروري
محمد : يلا عشر دقايق وان شاء الله وانا عندك
ميس : تمام
وقفلت من محمد
وبعد عشر دقايق وصل محمد لعند ميس
محمد : وشفيكم
ميس : جمانه تعبانة داخل ولما الحين الدكتور ماطلع ولا قال لنا شي
محمد مسح على شعره : لاحول ولا قوة الا بالله طيب ماطلع لكم احد قالكم شي
ميس : والله محد طلع لنا لما الحين
محمد : الا صح الحمدلله على سلامة نواف
ميس تضايقت من جاب طاري نواف وصدت لجه ثانيه وقالت : الله يسلمك
لاحظ محمد يوم جاب طاري نواف قدام ميس تضايقت
وبعد عشرين دقيقة تطلع لهم الدكتوره
الدكتوره هدى : محمد
محمد : هلا والله كيفك اخبارك وينك من زمان عنك
الدكتوره : طيبه الحمدلله موجوده انت الي وينك
محمد : موجودين
الدكتوره : محمد ميس تعالو مكتبي بتكلم معكم بموضوع
استغرب محمد و راح مع خالته لمكتب وجلسو
الدكتوره : ميس حبيبتي الي صار اليوم لازم يدري فيه محمد لان مرتبط بصحة جمانه لان هو صدمه صار لها
محمد ب استغراب : وش فيكم
ميس نزلت راسها بضيقة صدر : نواف
محمد : وش فيه نواف
ميس : ربى ساحرته وقايله لجمانه كلام
وطلعت جوالها ومدته لمحمد وبدا محمد يقرا الكلام
محمد بعصبيه قويه : هذي ما ودها تعقل ولا انا اطلع دمها على يدي ولا وش تبي
ميس : لا تسوي شي انا بمسك القضية حقت نواف وانا اعرف وش اتصرف
وبرفع قضية ب آسم جمانه ان ربى مسويه لها تهديد
محمد : تمام وسحر
ميس : سالفه ذي خلها علي انا وانا الي بحلها ان شاء الله
محمد : تمام
الدكتوره : نرجع لموضوع جمانه لازم اخليها تحت الملاحظة اليومين هذي علشان ترتاح
محمد : المشكلة كيف بقول ل امي و ابوي و اخواني
الدكتوره : ناد اخوانك وانا اقولهم و سلطان يدري لان كان معي قبل شوي ب الطوارئ
محمد : تمام
وطلعو ميس ومحد و راحو لجمانه ويوم دخلو عليهم كانت نايمه وبيدها المهدي
ميس : قسم بالله شكلها يضيق صدر ماني مستوعبة ان الي صار كل ذا من تحت راس ربى
محمد : والله انها رخيصه فعلا
وبدت جمانه تفتح عيونها بشويش
جمانه بهمس : نواف
ميس : يعمري انتي والله يجوجو حسبي الله ونعم الوكيل من كان سبب في تخريب علاقتكم
محمد : جوجو
جمانه بصوت تعب : محمد
محمد : هلا
جمانه : طلعني من المستشفى الان
ميس : جوجو هدي شوي بقولكم وش بسوي بربى
جمانه : وش بتسوين
ميس : بصير معها وخليها تفك سحر واقولها ان انا الي بخلي نواف يطلقك بس ماراح يسويها وبخليها تفك سحر و راح اسوي شي بتعرفون وشهو في العيد
جمانه : تمام
محمد : انا بروح اسوي لك خروج ب مسواليتي انا لان خالتي قالت تقعد بس
انا بطلعك ماني مخليك ب المستشفى ومابقى شي ل العيد
جمانه : اي والله تكفى ما ابي اقعد ب المستشفى
وطلع محمد يكمل الاجراءات الخروج وجمانه جت لعندها الممرضه تفك المهدي وبدت ميس تساعد جمانه والين طلعو من المستشفى وركبو سياره
وبعد ثلاث دقايق
ميس : حمود
محمد : عيونه
ميس : احسني مشتهيه فروله
محمد : بس ماطلبتي شي اجيب لك ولو تبين مزرعة كامله شريت لك
ميس : لابس ابي كم حبه
محمد : بجيب الحين وكليها بعد الفطور
جمانه : هيي ترا في احد معكم مو وقت الرومنسية حقتكم
ميس : جمانه اطلعي منها انتي على الاساس ذاك مايسوي شس
جمانه : على طاري فروله علمتيه
ميس : لا ابيه يعرف هو بنفسه وانا مسويه حركه لي شهر بس مادرا
محمد : مين
جمانه وميس بنفس الوقت : مالك شغل
ميس بضحكه : جوجو هو له شغل نسيتي
جمانه : اي صح اسف لك اخوي لازم تتخطى ب اسرع وقت
محمد : ابي اعرف
جمانه : خلاص انا بقولك بكره ي اخوي بس تجهز ليلة
محمد : والله ان وراكم بلا قولو وش وراكم
جمانه : والله ماهقيت منك ي اخوي
محمد : اخلصو وش مسوين من وراي
جمانه : ولا شي
محمد : اي صح ترا بعد العيد عندي مداهمة مدتها شهرين
ميس صدت من عرفت ان محمد ان راح يطول ب المداهمة
محمد : وش في الحلوه زعلانه
ميس : مافيني شي
محمد : ترا اطقطق مدتها اسبوعين بس قلت بشوف وش تقولين
ميس : طيب ابي فروله
محمد : على هذا الخشم ابشري
ويوم نزل محمد صدت جمانه بضيقة صدر لما شافت تصرف محمد مع ميس وتذكرت نواف كيف كان وكيف صار
ميس حست ان جمانه متضايقة
ميس : جوجو وش راح تلبسين العيد
جمانه : عندي فستان شاريته جديد وحلو مره ولا قد لبسته
ميس : حلو
جمانه : وانتي وش راح تلبسين
ميس : عندي فستان شاريته قبل فتره
جمانه : حلو
وجاء محمد ومعه فروله كثير وقاسمهم
محمد : هذي لميوسه وثانيه لجوجو و ترا كل وحده داخل كيسه حقتها نوتيلا
جمانه : شكرا
محمد : مابينا وانا اخوس
ميس بفرحه : احبك
محمد : ياجعلني فدا لهذي الفرحه
وحرك السيارة محمد واتجهو ويوم وصلو كانو وقتها تومهم واصلين اهل نواف ومعهم نواف
ويوم نزلت جمانه طاحت عينها بعيون نواف وصدت
جمانه : ميوس انا بروح لغرفتي تمام واذا بغيتي شي تعالي لي
ميس : تمام
ودخلت جمانه داخل تحت انظار نواف
~ مجلس الحريم ~
دخلت جمانه وراحت على طول لغرفتها
ام عبدالعزيز : الحمدلله ان ما فيها شي
ام محمد : اي والله
ودخلو ام نواف وبناتها ومحمد راح لغرفته هو و ميس
ام عبدالعزيز : الحمدلله على سلامة نواف
ام نواف : الله يسلمك
~ بغرفه ميس ومحمد ~
محمد بتعب : يوه من زمان مادخلت الغرفه
وفك محمد كبك حقه يوم حطه على طاوله شاف اختبار حمل وشاف انه خطين
محمد بفرحه : حامل
ميس : اي ولي شهرين تقريبا
محمد : وليه ماقلتي لي شي
ميس : كنت ابيك تشوف الاختبار حمل بنفسك بس دايم تنوم مع العيال تحت
محمد : والله اسف وتعالي اجلسي لاتتحركين ولا تسوين شي
ميس بضحكه : نفس حركات جمانه من اول ماعرفت الخبر
محمد يضيق عيونه : جمانه اول وحده عرفت
ميس : اي لان هي الي ودتني المستشفى نسوي تحليل
محمد : ياليت يرجع ذاك اليوم وانا الي اكون بدالها وانا اكون اول واحد اعرف خبر بس يلا اهم شي عرفنا الا صح بنت ولا ولد
ميس بضحكه : تونا شهر خامس نروح نشوف بنت ولا ولد
محمد : يوه اخيرا بصير ابو
ميس : اذا ولد وش بتسمي
محمد : ودي ب عبدالعزيز على ابوي وانتي وش ودك اذا صارت بنت
ميس : جمانه
محمد : عاد والله لو تدري ان بتكون سميتها والله ماتخليها تنوم عندك
ميس بضحكه : احسن اذا جاء وقت نوم تاخذها و تريحني
محمد : بمناسبة الفرحه هذي اليوم بنفطر برا ماراح ناكل في البيت
ميس : وليه
محمد : كيفي بطلع مع ام عيالي
ميس بضحكه : ماشاءالله
محمد : يلا اجهزي
ميس : خلها يوم ثاني لان مايمدي الحين
محمد : تمام علشانك
~ غرفة جمانه ~
كانت قاعده على سرير وفجاة ينطق باب
جمانه : تفضل
والا يدخل عليها نواف
نواف : جمانه
جمانه : هلا
نواف : انا برجع ربى بذمتي
جمانه بدموع : تمام الله يهينكم
نواف : شفيك ترا تبقين انتي زوجتي اول وحده
جمانه ببكى قوي : انا خلاص ماني قادره بكتم اكثر ترا ربى مسويه لك سحر علشان تطلقني وتعطيني ورقة طلاقي قدام اهلي كلامهم وحتى وانها بتخليك تكرهني وحتى ان بيخلوني انا الي صادمتك بحادث
نواف بعصبيه جنونية : لا ذي تبيني اذبحها فعلا متى تبي تخلص حركاتها والله ما اخليها بحالها
جمانه مسكت يد نواف قبل لا يطلع
جمانه ببكى : لا تروح وتسوي شي تكفى توك طالع من المستشفى خلها بقلعتها و ميس بتهتم في الموضوع وهي بتمسك القضيه وانت خلك تكفى لاتسوي شي بنفسك
وارتمت جمانه بحضن نواف وهي تبكي بقوه
نواف : جوجو يعيوني انتي هدي والله لا اخليها تندم على كل كلمه قالتها ولا كانت هي سبب دموعك والله وتالله وبالله لا اخليها تعض أصابعها بندم
انتي بس انركي الموضوع علي انا وميس
جمانه ببكى : لا تكفى نواف خلك معي ولا تسوي شي يخليك تدخل سجن علشان وحده رخيصه لاتلطخ يدك بدم وحده رخبصه تكفى خلك وميس بتحل الموضوع وهي قالت لي وش بتسوي طالبتك ان ماتسوي شي لان راح تاذيني وتاذيك اكثر علشان كذا اترك الموضوع على ميس
تنهد نواف وحط يده على راس جمانه وبدا يمسح عليه ويهديها
نواف : تعالي اقعدي على سرير
وقعدت جمانه وكانت تبكي بقوه
نواف وهو يمسح على شعر جمانه : اهدي ولك الي تبين بس تكفين لاتقطعين قلبي اكثر من كذا
وينظق الباب وتدخل ميس
ميس : وش جابك
نواف : وش الي وش جابني جاي عندها بكلمها بشي وتراني عرفت بكل شي وحساب ربى عندي انا اعرف كيف اربيها زين
ميس : نواف موضوع ربى خله علي انا بحله بكل شي وان شاء الله بخلص الموضوع بثلاث ايام قبل العيد
تنهد نواف وطالع بميس
نواف : خلاص امسكي الموضوع
ميس : تمام
نواف : كم باقي على الاذان
ميس : نص ساعة
نواف : اجل انا باكل مع جمانه اذا احد من العاملات تيجيب الاكل فوق
جمانه : لا عادي انت كل مع الرجال تحت انا بقعد بغرفه
نواف : جمانه بفطر معك هنا ابي اتاكد انك اكلتي زين
ميس : انا بنزل ازين لكم الاكل وبخلي ميري تجيبه لكم
نواف : تمام
ونزلت ميس وبدت تجهز الفطور لنواف وجمانه ويوم خلصت خذته ميري و ودته لغرفة جمانه واخذه نواف ودخل وقعدو يحترون الاذان ويوم اذن اكل نواف وكانت جمانه تفكر
نواف : جمانه
جمانه : هلا
نواف : وين رحتي اكلي اول
جمانه : ما ابي اكل شبعت الحمدلله
نواف : وش ما اكلتي شي بس تمرتين و مويه
جمانه : ما ابي اكل
وخذ نواف الشوربه وبدا يشرب جمانه
جمانه مدت يدها وبعدت صحن
جمانه : ما ابي شبعت الحمدلله
نواف : ما اكلتي شي
جمانه : والله شبعت الحمدلله
نواف : اي صح ترا بعد زواجنا بثلاث شهور او شهرين بنرجع نداوم
جمانه : ما احسني اشتقت لدوام ودي اوقف دراسه
نواف : حتى انا والله الا صح ترا بنطلع انا وانتي بعد شوي
جمانه : لا انت ارتاح الحين بعدين نطلع مع بعض
نواف : مافيني شي الحمدلله بنطلع الحين يلا البسي عبايتك بنمشي
جمانه : تمام
وقامت جمانه وراحت تلبس عبايتها ونواف راح يلبس ثوب وشماغ وقف لعند غرفة جمانه وطلعت وكانت كاشخة وريحة عطرها جابت راس نواف وفجاة سحبها مع خصرها
نواف : ماقدرت امسك نفسي ريحتك وجمالك جاب راسي
نزلت راسها جمانه وكانت مبتسمه
نواف حط يده فكها ورفع راسها
نواف : يلا نطلع
جمانه : دقايق بنات تحت بقولهم يروحون المقلط
نواف بضحكه : تمام ي المراة القيوره
جمانه دقت على نجد
جمانه : روحي انتي و نوره لمجلس بينزل نواف
نجد بضحكه : محد بصاله كلنا بمجلس
جمانه : زين
ونزلو جمانه ونواف يوم طلعو من باب مسك نواف يد جمانه والا يطلع عبدالرحمن
عبدالرحمن : الله عصافير الحب على وين
نواف : طالعين نتمشى
عبدالرحمن : الا صح وينك اليوم ماشفتك على فطور
نواف : فاطر معها
عبدالرحمن بضحكه : ماشاءالله عصافير الحب يفطرون مع بعض
نواف : وشدخلك انت يلا اخلص وتزوج
عبدالرحمن : اهخ بس متى تجي
جمانه : رح اخطبها بنفسك عند عمي
عبدالرحمن : مو الحين بخليها بوقت حلو
جمانه : زين
نواف : يلا خذيت وقت بنروح الحين
عبدالرحمن : مع السلامه
وطلعو وركبو سياره
جمانه : وين بنروح
نواف : اول شي بنروح ناخذ قهوه وبعدين نتمشى بمجمع
جمانه : تمام
وخذو لهم قهوه وكملو طريق الين وصلو المجمع ونزلو
جمانه : الله يجنن المكان حتى الجو حلو كذا براد شوي
نواف : اي والله
جمانه : تدري لما الحين ماخلصت اغراض العرس
نواف : افا يلا تعالي في محلات كثيره ندخل ونشتري انا وانتي مع بعض
جمانه : تمام
وراحو لمحل ملابس و راحت جمانه وكان نواف بعيد شوي عنها
والا يجي واحد يقرب لعند جمانه
ولد : رقمك ياحلوه ولا سنابك
جمانه : نعم وش تبي انت واساس من انت علشان تقولي كذا
ولد بغمزة عين : حبيبك
جمانه بصوت عالي : لوسمحت انا وحده متزوجه وخر عني
وفجاة يشوفهم نواف وتنفجر اعصابه ويتقدم لرجال ويضربه الين طاح ب الارض ويكمل ضرب
جمانه بصوت عالي وبكى : نواف خلاص فكه تكفى توك طالع من الغيبوبة وتعبان لاتزيد تعبك تكفى
نواف مايسمع جمانه ومركز برجال ويضربه ضرب الين رجال فكو بين نواف و ولد ثاني
ونواف سحب جمانه معه وقعدها على كرسي وهو معصب
نواف : كم مره قلت لك غطي شعرك زين ولاتخلين احد يقرب منك وانا اساس اخر مره اخليك لحالك
جمانه بدموع وصاده لجه ثانيه
نواف : والله معليش ماقدرت امسك اعصابي واشوف واحد واقف عندك ويسولف معك
جمانه : بس ما تتهجم بسرعه هد
نواف : خلاص اسف
جمانه : ما ارضى كذا
نواف : يلا قدامي على ديور و كارتير يلا وماتطلعين منهم الا شاريه كل شي تبينه
وراحو لكارتير وقعدت جمانه وبدو يجيبون لهم اساور الجديده وخواتم وسلسال
جمانه : الله هذي سواره حلوه
نواف : كم سعرها
الموظف : 36,600
حطت جمانه اصبعها على شفايفها يوم درت انها غاليه
ولاحظ نواف زعل جمانه
نواف : تمام ابي هذي الاسواره وهذا خاتم بكم
الموظف :17,500
نواف : تمام ابي خاتم و الاسواره
جمانه كانت مصدومه من تصرف نواف
جمانه : نواف لا ما ابيهم غاليه عليك
نواف : والله لو يصير غالي لا اخليه رخيص لعيونك
جمانه استحت ولا قالت شي
وجاب لهم الموظف كيسة كارتير وشبكه علشان يدفع نواف
نواف : كم حساب كامل
الموظف : 54,100
نواف : تمام
.
.
انتهى الجزء
اعطوني رايكم
اعذروني على الاخطاء الاملائية
لاتنسون النجمه هي داعمه لي 💙💙
وهذا حساب الانستا reciip_
تيك j.ur11