اعانق أمانيكَ مهما ذَقتَ مِن تعب من ذا الذي نالَ مايهوى بلا تعب !

13

.
.
.
.
بيت ابو عبدالعزيز
ام محمد : جمانه بسرعه جيبي البخور
جمانه : طيب
وراحت جمانه تجيب البخور وتبخر مكان
_________
مجلس الرجاجيل
نواف : اي وين محمد
سلمان : رايح مع ابوي
نواف : زين
وفجاة سمعو صوت بواري من برا و عرفو ان جدهم جاء
عبدالرحمن : يلا قم انت وياه جدي جاء
وقامو كلهم وشافو جدهم وصل وقعدو ينزلون من سياره والا جمانه تجي هي وامها وتوقف معهم
عبدالرحمن : يا هلا ومسهلا نورتو البيت
ابو عبدالعزيز : بنورك ياوليدي
ابو سلمى : وين عبدالعزيز
عبدالرحمن : طالع مع محمد
ابو سلمى : زين
ابو عبدالعزيز : جوجو تعالي اشتقت لتس
والا جمانه تروح تحضن جدها وكانو اخوانها يطقطقون عليها وكان نواف يناظر فيها
عبدالرحمن بضحك : ياشينها
جمانه : الغيره عشان جدي ماحضنك
والا يجي نواف يسلم على ابو عبدالعزيز ويبوس راسه وكانت جمانه في حضن جدها
جمانه بينها وبين نفسها : ياريبه يارب تنشق الارض وتبلعني
ريان : وخر نواف بروح عند جدي
نواف : خذ راحتك
ويوم راح نواف من عند ابو عبدالعزيز ارتاحت بعدين راحت عند جدتها
جمانه : يوه ياجده اشتقت لتس
ام عبدالعزيز : وانا بعد اشتقت لتس يا جمانه
بعدين يوم شافت نجد راحت تحضنها بقوه
جمانه : اشتقت لتس يانجوده
نجد : وانا بعد مشتاقه لتس
عبدالرحمن : ياجدي دام الكل موجود في نجد العذيه بقول قصيده
ابو عبدالعزيز : قل
عبدالرحمن :
يعل ريانك.. ويسقي ظماياك
يا نجد حبيناك.. من حب راعيك
اللي بنى مجدك وصانك وسواك
يا نجد.. قلبي ينفعه يوم يطريك
الله يلوم اللي يلومه إلى أطراك
الأمن.. والإيمان متوطن فيك
فضل المليك اللي ربا فيك.. وارباك
العين في سود الليالي.. تناجيك
لو هي (بلندن) كانها اليوم بحماك
كلام مشتاق يبي شوف أراضيك
جنسيته تحمل فصيلة.. رعاياك
ماهو كلام إمخادعي.. يسميك
باسم تنافا مع حلاياك.. واسماك
بالشر يدعي لك.. وبالخير ناسيك
ما يدري أن أهلك تسلو.. بذكراك
لبيك يا داري من البعد لبيك
صرخة غريب ما يصدق بلاماك
ابو عبدالعزيز : عاش شاعر نجد العذيه
جمانه بهمس لنجد : صدقيني يقصدك انتي
نجد استحت وعيونها شوي وتدخل
نواف : لا مو بس عبدالرحمن يعطي قصيده انا بعد بعطي قصيده لشخص غالي علي وان شاء الله يرجع لي
ابو عبدالعزيز : سمعنا وان شاء الله شخص ذا الغالي عليك يرجع لك
نواف :
لو غبت عن عيني ماغابت طواريك
حتى لو انك عن عيوني بعيد
انت بقلبي صعب الايام تمحيك لانك
بقلبي وفي سواقي وريده
انت ملاذ الروح ياروح مغليك وانت
تفاصيل الحياة السعيده
ساعه اشوفك نبض قلبي يحييك
واشوف في وجهك ولادة قصيده
لو حالت ايام ماني بناسيك وتبقى
حب العمر ياجمل عنيد
ابو عبدالعزيز : ماشاءالله عليك نواف
عبدالرحمن بهمس لنواف : مين تقصد لايكون ذيك
نواف : مدري
ابو عبدالعزيز : يلا ياحريم ادخلو ويلا ياعيال على مجلس
الكل : ابشر
وكلهم دخلو
_______
مجلس ابو عبدالعزيز
ابو عبدالعزيز : ريان
ريان : سم
ابو عبدالعزيز : دق على ابوك شف وينه
ريان : ابشر
وطلع ريان يكلم ابوه
ريان : الو يبه وينكم
ابو محمد : جاين في طريق
ريان : زين لان جدي جاء
ابو محمد : زين
وقفل المكالمه ريان ودخل المجلس
ابو عبدالعزيز : وش قال
ريان : جاي بطريق
ابو عبدالعزيز : زين
_________
داخل البيت عند الحريم في صاله
ام عبدالعزيز : والله يابنتي ماقصرتي نظفتو البيت كان خليتوها الين نجي و نزتبه كلنا
ام محمد : لا يا اميمتي عادي و ترا مو بس انا و جمانه معي العيال ساعدوني
ام عبدالعزيز : ماقصرتو
جمانه : عاد الحين اعطوني فلوس رتبت غرفكم كلكم ولا ماتدخلونها
الجوهره : خمسه وتخب عليتس
جمانه : اجل ماتشمين غرفتس
نجد : عاد جوجو اعطيها عيوني
جمانه : لا خلي عيونتس لتس
ام عبدالعزيز : وش ذا كلام يا جمانه
جمانه : اطقطق معهم ياجده
ام عبدالعزيز : زين
ام ردينا : جوجو تعالي بكلمتس
جمانه : ابشري ياعمه
وراحت هي وعمتها لمطبخ وقعدو على طاوله
جمانه : شفيك
ام ردينا بتوتر : اااا مدري ولاعد تقولين لي عمه
جمانه : ابشري حور وشفيك قولي
ام ردينا : انا
جمانه : انتي وش
ام ردينا : حامل
جمانه كانت بتموت من الفرحه وحضنتها : الله بيجي حفيد جديد
ام ردينا : احسني خايفه
جمانه : ليه خايفه
ام ردينا : مدري
جمانه : عادي و ترا ذا مو اول حمل لتس ذا ثاني حمل
ام ردينا : بس مدري كيف اقول ل امي
جمانه : تبين اقول اهم بطريقتي
ام ردينا : تكفين
وطلعو وكانت جمانه ماسكه يد عمتها وقعدو وكانو الكل يسولف
جمانه : عندي لكم خبر حلو مره
الكل : وش
جمانه : في حفيد جاي بطريق
ام محمد بصدمه : لايكون انتي
جمانه وهي مفجوعة : اول شي انا متزوجه
ام محمد ارتاحت : لا
ام عبدالعزيز : مين قولي يا جمانه
جمانه حطيت يدها على بطن عمتها حور
ام عبدالعزيز : حور حامل
ام ردينا بفرح : اي
ام عبدالعزيز قامت وراحت تحضن بنتها حور : ياجعلني اشوف الفرحه ذي عليتس كل يوم
ام ردينا : وياتس يا اميمتي
ام محمد : وه لان ماني مستوعبة ان حور حامل ومبروك يا اوخيتي
ام ردينا : الله يبارك فيتس يا اوخيتي
وقعدو الكل يبارك ل ام ردينا
______
في مجلس ابو عبدالعزيز
ابو عبدالعزيز : نواف
نواف : سم
ابو عبدالعزيز : وين بيتكم
نواف : الي قدامكم
ابو عبدالعزيز : ماشاءالله طلعنا جيران
نواف : اي
ابو عبدالعزيز : اجل اسمع ياوليدي ناد ابوك ابي اكلمه بموضوع
نواف : ابشر
وراح نواف لبيتهم ودخل وشاف ابوه قاعد في مجلس
نواف : سلام عليكم
ابو نواف : وعليكم السلام
نواف : يبه
ابو نواف : هلا
نواف : يبه ابو عبدالعزيز يبي يكلمك في موضوع
ابو نواف : ماشاءالله هم جو نجد
نواف : اي وبيتهم الي قدام بيتنا
ابو نواف : ماشاءالله ذا بيتهم
نواف : اي
ابو نواف : اجل مشينا نروح لهم
وبعدها طلع ابو نواف و نواف و راحو لبيت ابو عبدالعزيز و دخلو
ابو نواف : سلام عليكم
الكل : وعليكم السلام
ابو عبدالعزيز : يا ابو نواف تعال ابيك بموضوع برا
ابو نواف : ابشر
وطلع ابو نواف و ابو عبالعزيز
ابو عبدالعزيز : يا عبدالله انت بحسبة ولدي وبطلبك طلب واتمنى ان ماتقول لا
ابو نواف : تم
ابو عبدالعزيز : تجيب الاهل وتعيش معنا
ابو نواف : لا ياعمي والله مانبي نكلف عليكم
ابو عبدالعزيز : اول شي لاتقول لي عمي ابيك تقول لي ابوي لانك بحسبة ولدي
ابو نواف : ابشر
ابو عبدالعزيز : يلا ناد الاهل وتعال وجب معكم عفشكم
ابو نواف : والله يا يبه ما اب قاطعه ابو عبدالعزيز : مافيه كلافه ولا شي انت بحسبة ولدي
ابو نواف : ابشر
وراح ابو نواف لبيته ودخل وشافهم كلهم مجتمعين
ابو نواف : سلام عليكم
الكل : وعليكم السلام
ابو نواف : يلا جهزو اغراضكم
ام نواف : ليه
ابو نواف : ابوي يبني اسكن معه
ام نواف : لا ياعبدالله ماني مستوعبة ابوك يقول كذا
ابو نواف : اقصد ابو عبدالعزيز
ام نواف : والله ما ابي اكلف عليهم وحنا كثار
ابو نواف : قلت له نفس كلامتس
ام نواف : وش قال
ابو نواف : لزم علي اني اسكن عندهم
ام نواف : اجل يابنات جهزو اغراضكم الا صح يا ابو نواف وين بيتهم
ابو نواف : الي قدام بيتنا
ام نواف : ماشاءالله ذا بيتهم
ابو نواف : اي
ام نواف : عاد ماكنت ادري واليوم خليت نواف يودي لهم اكل
ابو نواف : زين يلا جهزو اغراضكم
وكلهم راحو يجهزون اغراضهم وخلصو و راحو لبيت ابو عبدالعزيز ودخلو
ابو عبدالعزيز : حياكم
ابو نواف : ماكان ودي اكلف عليكم
ابو عبدالعزيز ماسمع كلم ابو نواف
ابو عبدالعزيز بصوت عالي : ام عبدالعزيز
ويوم سمعت ام عبدالعزيز ابو عبدالعزيز يناديها لبست عبايتها وطلعت
ابو عبدالعزيز : خذي ام نواف وبناتها ودخليهم لانهم جاين يعيشون معنا
ام عبدالعزيز : يامرحبا ومسهلا نورتي البيت يا سميه
ام نواف : بنورس يا اميمتي ( ام نواف تعتبر ام عبدالعزيز زي امها )
ودخلو دخل البيت
ام محمد : ياهلا بسميه
ام نواف : هلا فيتس يا وفاء
وقامو كلهم يسلمون على ام نواف وبناتها
جمانه قامت تحضن البنات وتسلم عليهم
جمانه : ياهلا بزوجت حمودي اخوي
ميس استحت من كلمة جمانه
جمانه : حياكم اقعدو
وقعدو بنات وكانو الكل يسولف وفجاة تجي رساله لجمانه
المجهول : ما أشتقت لي
جمانه : من معي
المجهول : تعرفين يا حبيبت نواف
جمانه : قول انت من
المجهول : انا معي صورك وبنشرها كلها
جمانه توترت مره ان صوره عند شخص : كيف جبت صوري
بعدين قفلت جوالها وكانت تهوجس وشافتها ميس
ميس : جوجو ياعيوني فيتس شي
جمانه : ها لا مافيني شي
ميس : طيب ليه وجهس متغير مره
جمانه : لا مافيني شي
ميس : تمام
ام عبدالعزيز : يلا يابنات وقت النوم
وقامو الكل
و راحو فوق لغرفهم
ميس : وين انام
جمانه : اي صح تعالي اوريكم غرفكم
ميس : غرفنا ؟
جمانه : اي كل وحده لها غرفه
ميس : تمام
وراحت جمانه و بنات وشافو غرفهم
والكل راح ينام
وجمانه دخلت غرفتها
ام عبدالعزيز : سميه يابنتي تعالي
وراحت ام نواف ل ام عبدالعزيز
ام نواف : سمي
ام عبدالعزيز : شوفي ذا غرفتك انتي وابو نواف
ام نواف : لا يا اميمتي
ام عبدالعزيز : ذي غرفتكم ولا ابي اي اعتذار
ام نواف حبت راس ام عبدالعزيز وام عبدالعزيز راحت لغرفتها
__________
في مجلس ابو عبدالعزيز
ابو عبدالعزيز : يلا وقت نوم
والكل دخل و راح غرفته الا عبدالرحمن و ابو نواف و نواف
نواف : وين بنام انا
عبدالرحمن : غرفتك عند غرفتي
نواف : غرفتي ؟
عبدالرحمن بضحك : اي غرفتك
ابو نواف : نواف شف وين امك
عبدالرحمن : ياعمي انت وخالتي لكم غرفه لحالكم
ابو نواف : لا ياعبدالرحمن تستهبل
عبدالرحمن : لا يا عمي ما استهبل
ابو نواف : والله ماتقصرون وتعبناكم معنا
عبدالرحمن : لاتعب ولا شي ياعمي
وراح ابو نواف مع عبدالرحمن يوصله لغرفته لان ماكان يعرف ودخل لغرفتهم وباقي نواف و عبدالرحمن وراح عبدالرحمن و وقف عند باب غرفته
عبدالرحمن وهو ياشر على الغرفه الي جنبه : نواف ذي غرفتك
نواف : مشكور ماتقصر
عبدالرحمن : طيب معك ملابس ولا لا
نواف : لا والله بس بفك ثوبي وبنوم
عبدالرحمن : اذا تبي تاخذ من عندي عادي
نواف : لا عادي بكره باخذ ملابسي
عبدالرحمن : تمام يلا مع سلامه
نواف : مع سلامه
وكل واحد دخل غرفته ونامو
_______
غرفت جمانه
جمانه كانت جالسه على سريرها وتهوجس برساله الي جتها وراحت ترسل لشخص
جمانه : سلام عليكم
المجهول : وعليكم السلام
جمانه : وش يثبت ان صوري عندك اذا كانت عندك ارسلها
مجهول : عندي ماراح ارسل لك
جمانه : ان كنت صادق ارسلها
مجهول : مع سلامه
جمانه : والله انك كذاب
وقفلت جمانه بعد انها ارتاحت و نامت
________
بيت المجهول و راح تعرفون منهم
رولا بعصبيه : عبدالملك
عبدالملك : هلا
رولا : لازم نطلع صور جمانه
عبدالملك : شلون
رولا قالت له الخطه
عبدالملك : تم
_________
في بيت ابو عبدالعزيز
على ساعه 4:30 صحى الكل على صلاة الفجر وكلهم راحو لمجسد
وصلو وخلصو في طريق
ابو محمد : يبه
ابو عبدالعزيز : هلا
ابو محمد : ماودك تنادي اخوياك الي هنا
ابو عبدالعزيز : اي والله صدقت من زمان عنهم
ابو محمد : خلاص قل تم واليوم اعزمهم
ابو عبدالعزيز : تم
وكملو طريق الين وصلو البيت و راحو لمجس
______
في مجلس ابو عبدالعزيز
ابوعبدالعزيز : محمد رح قول لهم ان اليوم العصر في عزيمه خلهم يتجهزون وقل لهم العزيمه حريم و رجال
محمد : ابشر
وراح محمد ودخل المقلط عشان يناديني اخته
محمد بصوت عالي : جمانه
كانت جمانه مشغولة في المطبخ وكانت ميس قاعده في صاله وسمعت صوت محمد وراحت تحط طرحتها
ميس : هلا بغيت شي
محمد ابتسم يوم سمع صوتها : ابي جمانه
ميس : ابشر
محمد : تبشرين بالجنة
وراحت ميس لمطبخ تنادي جمانه
ميس : جمانه
جمانه : هلا
ميس : محمد يبيتس
جمانه : تمام تعالي معي
ميس : تمام
ويوم طلعو من المطبخ
جمانه : وش يبغى حبيب قلبتس
ميس استحت : يبي اخته
جمانه : تمام
وراحت جمانه لمقلط
جمانه : هلا
محمد كانت الابتسامة شاقه وجه بعد ماسمع صوت ميس
جمانه : ماشاءالله الابتسامه شاقه الوجه
محمد خذ يد جمانه وحطه على قلبه
محمد : انقذني قلب اخوتس قبل لا يروح
جمانه بضحك : ليه وين بيروح
محمد : حق حبيبت قلبي
جمانه بضحك : ماشاءالله طيب ليه جاي
محمد : اي صح نسيت جدي يقول ترا فيه عزيمه حريم و رجال
جمانه : تمام بس مين الي بيجي
محمد : اخويا جدي ويلا بروح تامرين على شي
جمانه : لا تبين انك خفيف اثقل شوي
محمد : ابشري
وراح محمد
ودخلت جمانه مع بنات عشان يكملون الفطور وحطت الفطور لهم
وحطت لرجال وكلهم قعدو ياكلون بعدها كل واحد دخل لغرفته
________
في غرفة عبدالرحمن
كان يطقطق على جوالها والا يدخل عليه نواف
نواف : هلا عبدالرحمن
عبدالرحمن : هلا فيك شي
نواف : بقعد معك
عبدالرحمن : حياك
وقعد نواف على سرير عبدالرحمن وقعد يهوجس
عبدالرحمن : نواف وشفيك تهوجس تراك من جيتنا وانت مو على بعضك
نواف : لا بس ضايق صدري
عبدالرحمن : من وش
نواف : من الي قلت لك
عبدالرحمن : اي على موضوعكم هذا احله لك الحين
نواف : كيف
عبدالرحمن : معليك ادق عليها و تعرف ، الو جمانه
جمانه : هلا بفيت
عبدالرحمن الي كان حاط سبكر : اسمعي عندتس احد
جمانه : لا قاعده لحالي في غرفتي
عبدالرحمن : اسمعي اجل
جمانه : وش
عبدالرحمن : بكلمك بموضوعكم انتي و نواف
جمانه : اي تكلم
عبدالرحمن : جمانه الحين انتي متضايقة عشانك قلتي لها الكلام ذاك
جمانه : اي والله انا ندمانة مره
عبدالرحمن : طيب انتي الحين راضيه عنه ولالا
جمانه : اي
عبدالرحمن : زين
جمانه : الا تعال ابي اعرف من ذا ابو عبدالله
نواف هنا ماقدر يمسك ضحكته وقعد يضحك وصوته بان عند جمانه
عبدالرحمن : ياخي انت ماتعرف تسد حلقك
نواف بضحك : ياخي مقدر لما الحين سالفة ابو عبدالله الي هو انا اضحك عليها
وكانت جمانه تسمع كلامهم ويوم درت ان ابو عبدالله نواف تفشلت وقفلت المكالمة
عبدالرحمن : قفلت
نواف : ياخي وش اسوي من جايب لكم وانا اطقطق عليها على سالفتي
عبدالرحمن : اقول قر لا تطقطق على اختي
نواف : عادي
_________
غرفة جمانه
الي كانت متفشله بعد الي صار لها  و يدخلون عليها نجد و ميس
نجد : سلام عليكم
جمانه : وعليكم السلام
ميس : وش فيه وجهس متغير
جمانه : لا مافيني شي
نجد : جوجو ياعيوني قولي وش فيتس
جمانه : تو قاعده اكلم اخوي عبدالرحمن عن موضوعي انا و نواف
ميس : ليه وشفيكم
جمانه : نواف ماقال لتس
ميس : لا ماقال لي
جمانه : اجل انا بقول لتس
ميس : تمام
وقعدت جمانه تقول لميس سالفه كلها
جمانه : هذا كل الي صار وانا ندمانه مره
ميس : اسمعي دام عبدالرحمن كلمه و فهمه زين
جمانه : اي بس مدري احسني خايفه
نجد : انسي خلاص اسمعو خن نسوي شي
جمانه : اقول انا برجع انام لان اليوم عندنا عزيمه
نجد : يوه نسيت ياخي ما ابي انزل لحريم
جمانه : كلنا ويقول محمد ان الي بيجون اصدقاء جدي
نجد : يوه تكفين ما ابي اشوف ام بندر والله تنشب لي تقول يا هلا بحرمت ولدي
ميس بضحك : يوه الله يعينك
جمانه : يلا كل وحده على غرفتها
نجد : تمام
بعدين طلعت جمانه معهم
ميس : على وين
جمانه : بروح اجيب لي مويه
ميس : تمام
نجد : اقول انتي خذي جلالس
جمانه : طيب
ودخلت جمانه تاخذ جلالها وطلعت وشافت البنت راحو غرفهم وهي نزلت لمطبخ
_________
غرفة عبدالرحمن
نواف : دحوم
عبدالرحمن : ها
نواف : خن نسوي شي
عبدالرحمن : رح جب اغراضك من بيتكم
نواف : اي صح
عبدالرحمن : يلا فارق
نواف : تعال معي
عبدالرحمن : ما اشتهيت
نواف : بطلعك على حسابي
عبدالرحمن : لا استهبل معك نروح نجيب اغراضك و نرجع
نواف : تمام
وطلعو نواف و عبدالرحمن و نواف راح ياخذ اغراضه ونزل و حط اغراضه في سيارته و رجعو لبيت ابو عبدالعزيز
و رجعو كلهم و راحو غرفهم وكان الكل في غرفته والبيت هدوء مافيه احد صاحي
على ساعه 11:30 الظهر الكل صحى عشان يجهزون لعزيمه
______
في غرفة جمانه
تدخل عليها نجد عشان تصحيها
نجد : جمانه قومي يلا
جمانه بصوت نوم : اطلعي وقفلي باب معس
نجد : قومي قبل لا جدتي تجي
جمانه بصوت نوم : طيب
نجد راحت تجيب مويه عشان تكب على جمانه عشان تقوم
جمانه بخرشه : هي انتي خير
نجد : قومي بسرعه اذن الظهر
جمانه : خلاص اطلعي بتروش و اصلي و انزل لكم
نجد : تمام
.
.
.
اعطوني رايكم