اعانق أمانيكَ مهما ذَقتَ مِن تعب من ذا الذي نالَ مايهوى بلا تعب !

12

.
.
.
.
في بيت ابو وليد
ابو وليد : سعد
سعد : سم
ابو وليد : اخوك ما اتصل عليك
سعد : لا والله
سعود دخل عليهم وكان البيت كله هادي : سلام عليكم
ابو وليد و سعد : وعليكم السلام
سعود : وين عبدالملك و رولا ابيهم في مشوار
ابو وليد : معد ابي أسمع اسمهم في بيتي والي بيجيب طاريهم ياويله مني
سعود بصدمه من كلام ابوه : ليه يايبه ذول احفادك عيال ولدك
ابو وليد بعصبيه : ذول مو احفادي ولا عيال ولدي ولا اعرفهم
سعود : يبه ليه
ابو وليد : على فعاليهم محد يبهم
سعد : بس يبه ذول عيال وليد لاتنسى انهم مندون ام وابوهم متزوج
ابو وليد بعصبيه : انا وش قلت لكم وكلامي مايتكرر مره ثانيه
سعد و سعود : ابشر
______
سياره ابو محمد
ابو محمد : عبدالرحمن
عبدالرحمن : سم
ابو محمد : كلمك عمك عبدالله ولا
عبدالرحمن : لا والله
ابو محمد : زين
ام محمد : جمانه
جمانه : سمي
ام محمد : محمد ما قال لتس شي متى زواجه
جمانه : لا والله بس شكله راح يقول اذا وصلنا
ام محمد : تمام
ريان الي كان بعالم هواجيس والا فجاة يخبطه عبدالرحمن
عبدالرحمن : هي انت وين رحت
ريان : ياخي الواحد مايهجوس
عبدالرحمن : الا
ريان : اجل خلني اهوجس على راحتي
عبدالرحمن : طيب
عبدالرحمن كان يبي يحارش احد وكان طفشان وفكر انه يحارش جمانه
عبدالرحمن بصوت عالي في اذن جمانه : جمانه
جمانه : وجع اذني ابيها
عبدالرحمن بضحك : عادي المهم طفش خن نلعب
جمانه : ما ابي
عبدالرحمن : خلاص يادلوعه اسف
جمانه : ما ابغى
والا تجي رسال من جوال جمانه من ( نجودتي ❤️ ) وابتسمت لما شافت نجد ارسلت لها
عبدالرحمن : اعطيني وجه
الا جمانه تاخذ جوالها وتحطه في وجه عبدالرحمن وتخليه يشوف من راسل لها : شف من راسل
عبدالرحمن بابتسامة بهمس : ياجعلني رساله
جمانه بضحك : صبر خني اشوف رساله
ولما جمانه فتحت رساله وشافتها
نجد : جوجو
جمانه : عيونها
نجد : وصلتو ولالا
جمانه : لا باقي
نجد : طيب اسمعي
جمانه : وش
نجد : شفتي ورقه الي اعطيتني اياها
جمانه : اي
نجد : قريتها تكفين اخوتس وش مسوي فيني
جمانه بضحك : تكفين جاني فضول اعرف وش كاتب لتس
نجد : بتكب لتس وش قال
جمانه : تم
و ارسلت لها نجد صوره وكان مكتوب فيها :
يا مدور الهين ترى الكايد احلى
واسأل مغني كايدات الطروقي
الزين غالي لكن الأزين اغلى
ولكل شراي بضاعه وسوقي
النو عالي والسما فوقه اعلى
ولا فاق علم جاه عالم يفوقي
والصعب هلا قلت ياصعب سهلا
دامك تبيني فانت ياصعب شوقي
أحب عسف المهرة اللي تغلى
واحب أروض كل طرف يموقي
واحب اسافرمع سحاب تعلى
وأحب فوق الغيم لمع لبروقي
وأحب أساهر بدري اللي تجلى
وارسم شعاع الشمس عند الشروقي
يامن على ثاير فوادي تولى
خلك على قلب الكرامه شفوقي
أكرم عزيز بالعمر مااستذلا
يسوق عمره للمشاريف سوقي
اخترتك من الناس للقلب خلى
ياحيثك مرادي وكيفي وذوقي
مارحت أدور كل زول تحلى
جمانه كانت تقرا وهي مبسوطة ومستغربه من كلام اخوها : نجد تكفين انا ماني مستوعبة ان عبدالرحمن ذا يكتب قصايد
نجد : عادي المهم اسمعي بكتب له قصيده وخليه يقرها
جمانه : بدينا 😉
نجد : جوجو خلاص برسل لك وخليه يشوفها
جمانه : تمام
نجد :
مرتاح أحبّك ولا علّمت
حتّى انتْ عيّيت أبيّن لكْ
والبارحه يوم أنا سلّمت
شكّيت لو عيني تدلّكْ
برقٍ لمَعْ بالعيون وخِفْت
مواجع القلب توصل لك
عساك في ناظري ماشِفْت
كيف المعاليق يومنْ لكْ
من خوفتي لااحترق جنّبت
هربت من شمسك لظلّكْ
أخشَى عليك الهوَى لو طحت
ماتلّني يمّك يتلّكْ
أبي قليلك ولا حصّلت
بعضك تركني معَ كلّكْ
ماادري صواب أو خطا ما قِلْت
إنّك حبيبي وانا خلّكْ
( ترا بعض قصايد انا اكتبها وبعضها من شاعر خالد الفيصل )
جمانه : ماشاءالله شاعرتنا الجميله طلعتي شاعرها وانا ما اعرف
نجد : لا والله ما اعرف
جمانه : ههههههههه تمام بروح اوريه عبدالرحمن
نجد : تمام
وبعدها جمانه قفلت الجوال وقعدت تسولف مع اخوها عبدالرحمن
جمانه : دحومي
عبدالرحمن : دحومي ذي ورآها شي
جمانه : اي
عبدالرحمن : وش قولي
جمانه بهمس : شفت صاحبة رساله
عبدالرحمن بابتسامه : اي
جمانه : يبغى يرد على كلامك
عبدالرحمن : وشهو الكلام
جمانه بابتسامة : برسله لك في واتس
عبدالرحمن : طيب
وبعدها جمانه فتحت جوالها و ارسلت لعبدالرحمن الكلام حق الي ارسلت لها نجد
عبدالرحمن : ياجعلني فداها
جمانه بضحك : اقول اسكت
بعدها قفل جوالتهم وقعدو يناظرون بعض وهم يضحكون
ابو محمد بصوت عالي : يلا وين قصيده نجد العذيه
الكل بصوت واحد وعالي :
نجد شامت لبو تركي وأخذها شيخنا
واخمرت عشاقها عقب لطم خشومها
لابكت نجد العذية تهل دموعنا
بالهنادي قاصرين شوارب قومها
حنا هل العادات مخضبين سيوفنا
والطيور الحامية جادعين لحومها
صعبة أفعالنا لابغاها غيرنا
وكلمة التوحيد حنا عمار رسومها
حنا هل العوجا نها الملاقى عيدنا
والجزيرة كلها مدبين قرومها
لابتي عوج المراكيض هذا سوقنا
بيعوا الارواح في الهوش باول رسومها
مرخصين ارقابنا لا زهمنا شيخنا
والقبايل كلها شيخنا قيدومها
في تواريخ العرب راسمين علومنا
وعادة الدنيا تزول وتدوم علومها
وقعد عبدالرحمن يصفق ويصارخ : عاشت نجد
وجمانه تناظر فيه وهي ميته ضحك
ريان بضحك : عبدالرحمن فيك شي
عبدالرحمن : لا الحمدلله
جمانه وهي تاشر على عبدالرحمن : ريان تعرف ذا
ريان بضحك : اي ليه
جمانه : لا اخوك مو صاحي اول مره يقولها وهو متفاعل
ريان : اي والله انتي صادزه اول مره ينفعل معنا ياخي اعترف وش مسوي
عبدالرحمن انحرج : لا بس مين مايحب نجد العذيه
وجمانه كانت تناظر في عبدالرحمن وهي ميته ضحك عليه و ريان يضحك ومستغزب
________
سياره محمد
سلطان : تعبت متى بنوصل نجد
محمد : بدري وصلنا وخلصنا
سلطان : اخيرا
سلمان : ياخي انا جايع مره وش حل
محمد : حتى انا جايع
سلطان : اسمعو نجيب شي خفيف ناكله من بقاله وناكل
محمد : تمام
________
في مجلس ابو عبدالعزيز
ابو نواف : عاد انا استذن منكم وماشي
ابو عبدالعزيز : على وين يا ابو نواف
ابو نواف : والله ياعمي ماشي وراجع لنجد
ابو عبدالعزيز : والله كان ودي تقعد معنا بس دامك مشغول مع دوام تروحون بسلامه
ابو نواف : يلا نواف مشينا
وبعدها طلعو خوات نواف و امه وكانو يودعونهم وكانت الجوهره تناظر في نواف وميس كانت تشوف نظرات الجوهره لنواف
ميس وهي تسلم على الجوهره بهمس : لاتفكرين انه بياخذتس وحطيها في بالتس زين
الجوهره كانت تناظر في ميس بكره بعد ماقالت لها ذا الكلام
ابو نواف : يلا اركبو سياره
بعدين انقسمو يارا و ميس مع نواف في سيارته و سحر و ايلان و لين مع امهم و ابوهم
ويوم ركبو نواف و ميس و يارا وكملو طريق في نص الطريق
ميس : نواف
نواف : هلا
ميس : شخبار القمر حقك
نواف استحى من كلام ميس : بخير ليه تسالين عن قمري
يارا : اهو في سر وانا ما اعرفه
ميس : نواف اعترف وخلصنا
نواف : طيب
يارا : وش مخبي علي قل
نواف : احب
يارا بضحك : لا ماني مستوعب ان نواف يحب
ميس وهي تضحك : اقول لتس مين يحب ولا يقول هو
يارا : لا خلي هو يعترف
نواف : مدري من هي
ميس : لا والله الحين ماتعرفها والمشكلة الابتسامة شاقه وجهك
نواف : خلاص بعترف
يارا : يلا مين
نواف : جمانه بنت عمي عبدالعزيز
يارا : جوجو عاد هي ماشاءالله جميله مره ياخي والله حلو
ابتسم نواف يوم يارا تكلمت عنها
ميس : اوههه الابتسامة شاقه الوجه
يارا : ترا راعي الهوى مفضوح صحيح النظرة ماتكفي
نواف وهو يضحك : خلاص
ميس : عاش الحب الي لعب فيك
________
سياره ابو محمد
ابو محمد : يلا تجهزو الحين بنوصل البيت على لفه
الكل : تمام
جمانه : وين نعالي
عبدالرحمن : تحت ريان
جمانه : ريانوه جيب نعالي
ريان : هاتس
عبدالرحمن : انا وين نعالي
جمانه : والله انك فاهي تحتك هي
ابو محمد : يلا وصلنا
بعدين نزلو كلهم
جمانه : اخيرا الحين اتحرك
عبدالرحمن : وش قصدتس
جمانه : ولا شي
ابو محمد : ريان عبدالرحمن تعالو سعدوني ننزل الاغراض
عبدالرحمن و ريان : ابشر
وكانت جمانه تناظر في عبدالرحمن و ريان تقهرهم ان ماتشيل شي
عبدالرحمن بهمس لريان : قسم بالله لا اذبح اختك
ريان بهمس : اقول اسكت وشل الاغراض
وكانو يدخلون الاغراض البيت وجمانه على طول راحت لغرفتها
جمانه : اههخ غرفتي اشتقت لها مره
وبعدين قعدت جمانه على سريرها وهي تعبانه من طريق سفر والا فجاة تجي رساله من جوالها وكان رقم مجهول
مجهول : لاتنسين اني راح ادمر حياتك
جمانه اعطت شخص بلوك وهي ماتبي تخرب نفسيتها
عبدالرحمن دخل عليها : جوجو وشفيك
جمانه : مافيني شي
عبدالرحمن : اسمعي
جمانه : وش
عبدالرحمن : الصباح نطلع انا وانتي
جمانه : تمام
وبعدها عبدالرحمن طلع من غرفتها وجمانه راحت تغير ملابسها وبعدها انسدحت على سري وبعدها نامت
تسريع الاحداث الين يوم ثاني
بعد وصول اهل نواف الى نجد العذيه و راحو بيتهم
ميس : يارا بتروحين بيتس ولا بتنامين عندنا
يارا : بنام عندكم لا تركي مسافر عنده شغل
( تعريف بسيط عن زوج يارا اسمه تركي العمر 31 يشتغل مهندس وتزوج يارا لانه يحبها من يومه صغير و يصير ولد عمتها )
ميس : زين
ام نواف : يلا يابنات وقت نوم نامو
الكل : ابشري
وبعدها كل وحده دخلت في غرفتها و نواف كان في غرفته يهوجس ويفكر في جمانه
_______
يوم ثاني في صبح على ساعه 6:37
جمانه كانت صاحيه وتابع جواله والا يدخلون عليها ريان و عبدالرحمن
ريان وعبدالرحمن : بوههه
جمانه وهي منخرشه : بسم الله الرحمن الرحيم ياخي فيه شي اسمه طق باب
عبدالرحمن وهو يضحك : عادي المهم بنطلع انا و ريان نفطر تجين معنا ولا
جمانه : بجي
ريان : يلا البسي عباتس
جمانه : يلا اطلعو انزلو تحت وجايتكم
عبدالرحمن : طيب
وبعدها طلعو وجمانه خذت عبايتها ولبستها ونزلت
عبدالرحمن : يلا مشينا
جمانه : يلا
وبعدها طلعو و ركبو سياره
عبدالرحمن : وين تبون نروح نفطر
ريان بطقطقة : خابر لكم فطور هنا عند بيتنا حلو مره نطلب فول و تميس بسبعة ريال
جمانه بصدمه : اذا بتروحون كذا ماراح انزل معكم ولا رجعوني البيت
ريان : ياخي اطقطق معتس
عبدالرحمن : يلا وش تبون نروح
جمانه : تتذكر الفطور الي رحنا لها يوم تخرجي من الثانوي
عبدالرحمن : اي
جمانه : خن نروح له
عبدالرحمن : طيب
ويوم كملو الطريق و صلو المطعم ونزلو
ريان : جوجو
جمانه : هلا
ريان : انتي اخر ايام في ديره مو على بعضك فيك شي
جمانه : لا مافيني شي
ويمر عليهم الوقت طبيعي و يرجعو لبيت
ريان :السلام عليكم
الكل : وعليكم السلام
ام محمد : يلا خن نطلع
ريان : على وين
ام محمد : بيت جدك بنروح نرتبه الحين
ريان : طيب وطلعو كلهم
واتجهو لبيت ابو عبدالعزيز ودخلو وقعدو يرتبونه ويجهزون كل شي وخلصو كلهم
.
.
.
اعطوني رايكم
.
( كيف بس يوم عرفتو ان نواف اعترف ل اخته يارا عن حبه لجمانه وهل تتوقعون ان ريان بيكشف ان جمانه تحب نواف ولالا 🫢)