اعانق أمانيكَ مهما ذَقتَ مِن تعب من ذا الذي نالَ مايهوى بلا تعب !

18

.
.
.
حاسب نواف وطلع وركب سياره
عبدالرحمن : وين محمد
نواف : بيجيب له شي
عبدالرحمن : زين
نواف : ايلان امسكي اغراضك ذي والكيسه ثانيه لسحر والكيسه ثالثه حقت بنات باقي و رابعه حقت جمانه وخامسه حقت لين
جمانه ناظرت نواف وهو كان حاط عينه بعينها
جمانه : لا ماتقصر ما ابي شي
نواف : خذيها لان محد يبغها
جمانه : تمام شكرا
نواف : عفوا
عبدالرحمن بهمس لنواف : شعندك جايب لها
نواف : البنات كلهم معهم الا هي ما معها
عبدالرحمن : اي زين
الا يجي محمد و يركب
عبدالرحمن : كان نمت في بقاله احسن وجبت لكم مفرش
محمد : اقول حرك بس
نواف : ابي اسوق
عبدالرحمن : اي والله تكفى تعال مكاني
نواف : تم
وبدلو نواف و عبدالرحمن الامكان
وكملو طريقهم وكانت جمانه حاطه راسها على شباك وكانت نايمه من التعب
وكان نواف يناظرها من المرايه
نواف : اسمعو بقول شي
عبدالرحمن : قل
نواف : لا شفت عيونها ماعرفت اسوق اجل لو صرت اشوفها كل يوم وش بيصير
عبدالرحمن وهو يضحك بصوت عالي : هههههههه عاد هي مدري شلون بتقبل بخشتك ذي
وصحت جمانه بسبب ضحك عبدالرحمن وقامت وهي مرتاعه
جمانه : بسم الله
ميس : بسم الله عليس وش فيس
جمانه : لا مافيني شي بس خفت يوم سمعت صوت عالي
ميس : لا معليس هدي ذا عبدالرحمن يضحك
صدت جمانه يوم ميس جابت طاري عبدالرحمن
نواف : عاد يوه انت طالع منها الي بتاخذك والله بتهج من البيت
والا فجأة تشرق نجد
ميس بضحك : صحه
جمانه : اعطيها مويه
نجد : لا خلاص مافيني شي
جمانه : عبدالرحمن
لف عليها عبدالرحمن وكان مصدوم
جمانه : معليش ابي محمد
لف عبدالرحمن بضيق يحسب ان رضت عنه
محمد : لبيه
جمانه : ابي مويه اذا عندك
محمد : اي عندي كم تبين وحده
جمانه : وحده بس
محمد : ابشري
واخذ محمد المويه الي عنده ومدها لجمانه
ميس : نواف
نواف : ها
ميس رمت على نواف المويه : وش الي ها انا اختك الكبيره
نواف : واذا اختي الكبيره
ميس : احترمني
عبدالرحمن : اي احترم اختك
محمد : على الاساس انت ياعبدالرحمن سامع كلام اختك ماشاءالله اقول انت من اخر يتكلم عن الاحترام
سكت عبدالرحمن ولا قال شي
محمد : خلاص اسكتو وانت سق زين
وسكتو كلهم وكانت جمانه تناظر طريق الي مافيه ولا نور وكانت تفكر
وكان نواف يناظر فيها ولا قدر يشيل عيونه عنه
عبدالرحمن بهمس لمحمد : شف العاشق الولهان يناظر في حبه
محمد بضحكه بخفيفه : اي ماشفته وش سوا قبل شوي في بقاله
عبدالرحمن بهمس لمحمد: اي داري ان شاري لها
محمد بهمس لعبدالرحمن : والله انه طايح على وجه
عبدالرحمن بهمس لمحمد : صدقت ان طايح على وجه
محمد بهميس لعبدالرحمن : طالع منها انت ترا حتى انت طايح على وجهك
عبدالرحمن بهمس لمحمد : لا من قال اني طايح على وجهي واساس مالي بـ امور الحب ذي
محمد بهمس لعبدالرحمن : اي اقص ايدي اذا انت مو طايح على وجهك
............**............
في سيارة الرجال
ابو عبدالعزيز : ثامر شف سياره الي فيها محمد ونواف و عبدالرحمن ورانا
لف ثامر يشوف هم وراهم ولالا : لا يايبه مو ورانا بس الي ورانا خالد و العيال
ابو عبدالعزيز : ذولي وينهم يا عبدالعزيز عطني جوالي عندك بدق عليهم
ابو نواف : انا بدق على نواف يايبه بشوف وينهم
ابو عبدالعزيز : زين
وخذ جوالها ابو نواف ودق على نواف
............**............
سياره الي فيها بنات
الا فجأة يدق جوال نواف بصوت عالي
نواف : وجع مين الي يدق الحين
عبدالرحمن : شف من
وخذ جواله نواف وشاف مين الي داق عليه واتسعت عيونه
نواف : ياويلي
عبدالرحمن : من
نواف : ابوي الي يدق
عبدالرحمن : طيب ليه خايف رد عليه
وفجاة نواف يذب جواله على ميس : ردي عليه انتي وقولي نواف يسوق مايقدر يرد
ميس : وجع وثاني مره اعطني الجوال زين مو تذبه علي
نواف : طيب بس الحين ردي عليه
ميس : طيب
وردت على ابوها
ميس : هلا يبه
ابو نواف : هلا يابنتي وين نواف مايرد
ميس : نواف مايقدر لان يسوق
ابو نواف : زين طيب انتو وينكم
ميس : حنا وراكم
ابو نواف : زين
وقفل ابو نواف من ميس
ميس : زين ماعصب
نواف : الحمدلله
ميس : جوجو كلتي علاجس ولالا
جمانه : لا والله ما اكلته
عبدالرحمن بعصبيه خفيفه : وليه ما اكلتيه
جمانه : وانت مالك دخل اكله ولا ما اكله ولاعد تتدخل
عبدالرحمن بعصبيه : الا بتدخل دام شي في صحتس
جمانه : شكرا صحتي انا ادرا فيها ولاعد تتدخل لوسمحت
محمد : خلاص اسكتو انت وياها
نزلت جمانه راسها وفكت النقاب وحطت يدينها على
نجد : جوجو وشفيس
جمانه : لا مافيني شي بس انكتمت
محمد : تبين شي تبين نوقف شوي عشان تنزلين تاخذين نفس
جمانه : اي والله
محمد : ابشري نواف وقف على جنب
وقفو على جنب و نزلت جمانه بدون نقابها لان كانت مكتومه مره ونزل محمد لها
محمد : وشفيس
جمانه : لا مافيني شي بس مكتومه شوي
نزل عبدالرحمن وجاء لعند جمانه : وشفيس
جمانه بعصبيه : ارجع ما ابي اشوفك
عبدالرحمن بصوت عالي وعصبيه : شرها علي اني جاي اتطمن عليس
جمانه : لاتتطمن علي ولا ابي اشوفك ولا ابي اسمع صوتك ارجع
عبدالرحمن بعصبيه : طيب جمانه خلك على قد كلامك
جمانه : انا قد كلامي مو زي بعض الناس كسر الوعد الي قاله
عبدالرحمن بعصبيه قويه : جمانه لاتخليني امد يدي عليس
جمانه : ان كنت قدها مد .. الا يقاطع كلامها كف من عبدالرحمن الي طبعت يده في وجه جمانه وكانت تناظر فيه وعيونها مليانه دموع
محمد بعصبيه : صاحييي انت تضرب اختك الوحيده صاحي
عبدالرحمن : اي صاحي ومالك شغل مره ثانيه
راحت جمانه وهي ساكته ومليانه عيونها دموع وركبت سياره
محمد بعصبيه قويه : والله ياعبدالرحمن ان صار في جمانه شي والله لاتندم فهمت ولالا
عبدالرحمن : وخر عني بس
وراح وركب عبدالرحمن وهو معصب وبعدها ركب محمد ولف على جمانه وشافها منزله راسها
محمد : جمانه
جمانه وهي منزله راسها : هلا
محمد : ارفعي راسك
جمانه هزت راسها بمعنى " لا "
محمد : طيب
ورفعت راسها وحطته على شباك وكانت عيونها كلها دموع
............**............
سياره الي فيها الحريم
ام محمد كانت حاسه ان احد عيالها او بنتها صار لهم شي
ام نواف : ياوفاء وش فيس
ام محمد : مافيني شي بس حاسه ان عيالي وبنتي فيهم شي
ام نواف : تعوذي من الشيطان وان شاء الله مافيهم شي
ام محمد : الله يسمع منس وان شاء الله مافيهم شي بس بدق على عبدالرحمن اتطمن
ام نواف: اي دقي عليه وتطمني عليهم
وخذت جوالها ام محمد ودقت على عبدالرحمن
ام محمد : الو عبدالرحمن
عبدالرحمن : هلا
ام محمد : فيكم شي
عبدالرحمن بخوف على امه : لا مافينا شي انت فيس شي
ام محمد : لا مافيني شي طيب جمانه فيها شي ولالا
عبدالرحمن سكت ولا قال شي
ام محمد بخوف اكثر يوم عبدالرحمن ماقال شي : تكلم فيها شي
عبدالرحمن : لا مافيها شي
ام محمد تنهدت براحه : الحمدلله
عبدالرحمن : ليه وش فيس يا اميمتي
ام محمد : لا مافيني شي بس حبيت اتطمن عليكم
عبدالرحمن : تطمني مافينا الا عافيه
ام محمد : زين وانتبهو لـ اختكم ويلا عاد مع السلامه
عبدالرحمن بخنقة عبره : ابشري مع سلامه
وقفلت منه ام محمد
ام نواف : ها تطمنتي
ام محمد : اي الحمدلله مافيهم شي
ام نواف : الحمدلله وقلت لس مافيهم شي
ام محمد : بس ماقدرت بالي معهم
ام نواف : اهم شي تطمنتي عليهم
ام محمد : اي والله
ام نواف : عاد الحين ارتاحي ولا تشغلين بالس
ام محمد : اي والله
............**............
سياره الي فيها الرجال
سعد : يايبه شرايك اول مانوصل نروح بيت عمي
ابو عبدالعزيز : لا بنروح الفندق نريح شوي وبعدين نزوح نتمشى ويوم الثاني نروح لبيت عمك
سعد : زين
............**............
سياره الي فيها البنات
عبدالرحمن بصوت عالي : ابو فراس
نوره : سم ( ينادون نوره علم اسم ابوها ولانها قاصه بوي وحركاتها زي الحركات العيال ولاتتغطى على عيال عمانها و عماتها وتلبس عبايه ملونه )
عبدالرحمن : سم الله عدوك اسمع نبي اذا وصلنا ابها نبّي فعاليات حقتك
نوره دقت الصدر : ابشر بي بسوي اي شي تبيه
عبدالرحمن : اي كفو ابو فراس
جمانه كانت تناظر في عبدالرحمن وكان في داخلها كلام كثير ويوم بيلف بيرجع يناظر قدام لف عليها وشاف الكف الي طابع على خدها ولف وقعد في مكانه وهو مدنق راسه ويفكر
محمد : نواف كم باقي ونوصل
نواف : يوه مطولين باقي لنا ثمن ساعات
محمد : مطولين مره شكلي باخذ لي غفوه بعد شوي عشان اريح شوي
نواف : اي بعد شوي ريح ازين لك
ميس : جوجو نامي علي تراك من امس مانمتي
جمانه : مافيني نوم
ميس : ياجوجو نامي انتي تعبانه مره
جمانه : والله ياميس مافيني نوم
ميس : جربي بس حطي راسس على كتفي ونامي عادي
ويوم حطت جمانه راسها على كتف ميس وبعد ثلاث دقايق نامت جمانه وشافت ميس الكف الي على وجه جمانه من الجه اليسار
ميس : محمد
محمد لف عليها : لبيه
ميس اشرت على الكف الي في وجه جمانه و بصوت خفيف : وش ذا
محمد اشر على عبدالرحمن
ميس حركت يدها بمعنى " ليه "
محمد : ابرسلك
ميس : تمام
وفتحت ميس جوالها ودخلت على محدثتهم
محمد : متهاوشين
ميس : ليه وش سبب
محمد : والله ما ادري عنهم بس قالت له جمانه (انا قد كلامي مو زي بعض الناس كسر الوعد الي قاله ) ومافهمت وش قصدها بس واضح بينهم سالفه قويه
ميس : طيب حاول تعرف من عبدالرحمن من وش
محمد : برسل له
وطلع محمد من محادثه ودخل على محادثت عبدالرحمن
محمد : ولد
عبدالرحمن : وش تبي
محمد : ابي اعرف ليه انت وجمانه متهاوشين
عبدالرحمن : عشاني رجعت ادخن
محمد : صاحي انت ليه ترجع تدخن تبي تدمر صحتك
عبدالرحمن : اخلص من جمانه تجي انت
محمد : جمانه ماعصبت عليك الا انها خايفه عليك
عبدالرحمن : داري
محمد : وترا مايستاهل الكف الي اعطيتها وترا وجها احمر مره ويدك طابعه على وجها
عبدالرحمن : عارف
محمد : دامك عارف ليه تسوي كذا
عبدالرحمن : ماقدرت امسك عصبيتي
محمد : امسكها دام ذي اختك الوحيده ترا الواحد يتمنى يكون عنده اخت
عبدالرحمن : طيب خلاص
وقفل عبدالرحمن محمد ولف يناظر طريق
وراح محمد يكلم ميس
محمد : طلعو متهاوشين بسبب ان عبدالرحمن مسوي شي جمانه ماتحب ان عبدالرحمن يسويه لان هي عارفه بيتعب نفسه
ميس : اها طيب مايستاهل الكف دام فيه خوف عليه والله حرام عليه
محمد : عاد عبدالرحمن عنيد يسوي الي براسه واذا عصب بيتهاوش مع الي قدامه
ميس : والله حرام يضربها عاد هي تعبانه مره ويجي يزيد عليها
محمد : بكلمه اذا وصلنا الفندق
ميس : زين
وقفلو جوالاتهم وكانت السيارة كلها هدو مافيها ولا صوت انسان
وكانت ميس حاطه يدها على خد جمانه
(وبعد مامر الوقت - 11:37 ليل )
صحت جمانه على صوت طق من الشباك ويوم شافت اخوها عبدالرحمن لفت واعطت شباك ظهرها
عبدالرحمن : انزلي بكلمس
جمانه هزت راسها بمعنى "لا"
عبدالرحمن : جوجو تكفين انزلي بكلمس شوي
جمانه : ماني نازله
عبدالرحمن : طيب اذا تحبيني وتغليني انزلي الحين
جمانه : ما اقدر انزل ماني متغطيه
عبدالرحمن : انزلي محد شايفس
لفت جمانه وفتحت الباب ونزلت
عبدالرحمن : والله يا جمانه اسف على الي صار وندمان مره اني عصبت عليس و عشان كذا جيت اعتذر منس يا جوجو
سكتت جمانه ولا قالت شي وكانت منزله راسها
عبدالرحمن : خلاص ياجوجو ارضي والله ما احب اشوفس
زعلانه مني
ويرفع راسها عبدالرحمن : اضحكي تكفين والله اني مشتاقه لضحكتس
وفجاة جمانه شوي شوي تبدا تبتسم
عبدالرحمن بضحكه : اي هذي جوجو الي تبتسم
وفجأة يحضنها عبدالرحمن وهو فرحان
وكان محمد جاي من بعيد وشافهم حاضنين بعض
محمد : الحمدلله رضت عليه
وكمل طريقه لين وصل عندهم
محمد : اهو الحين يبلها ذبيحة عشان جمانه رضت
عبدالرحمن وهو مبتسم : تستاهل عشر ذبايح مو وحده
جمانه : لا عاد
عبدالرحمن : اي وتستاهلين اكثر من كذا عشانس رضيتي
جمانه : بس خل الذبيحه على شي ثاني
محمد وهو يضحك : يوه عبدالرحمن ماشفت القلب اليوم كيف يناظر
عبدالرحمن وهو يضحك : شايف والله ان القلب مفضوح مره
جمانه : هي انت وياه تكلمو بدون الغاز
عبدالرحمن وهو يضحك : لا ولا شي
جمانه وهي تضرب عبدالرحمن بخفيف : تكلم
عبدالرحمن وهو يضحك : حبيب قلبس اليوم يناظر فيس طول الطريق وحتى وانتي فاتشه
جمانه بصدمه : ها وش تقول انت
عبدالرحمن : الي سمعتيه
جمانه مسكت راسها وخبطت محمد و عبدالرحمن : وانتو وش فايدتكم كان حطيتو الطرحه على وجهي
محمد : مانقدر لان البنات فيه ولا اقدر الف
جمانه : كان قلت لميس وانت بعد كان قلت لحبيبت القلب
عبدالرحمن وهو يجحد : ها مين انا ما احب وقلبي مايحب احد
جمانه بصدمه من كلام عبدالرحمن : ياراسي راسه جاحدها بعد والله لو تدري عنك بتذبحك بدالي
محمد : شف وش قال قبل شوي (لا من قال اني طايح على وجهي واساس مالي بـ امور الحب ذي ) وانت اكبر كذا وداري عنك انك تحب نجد بنت عمي خالد
جمانه وهي تضحك : والله انكم عيال عبدالعزيز طايحين على وجهيكم بالحب
محمد : انا احب بالحلال ومأخذها بالحلال
جمانه : بس انك حابها قبل لاتتزوجها يعني طالع منها
محمد : بس على طول خذتها بالحلال ما طولت
عبدالرحمن : حتى انا ناوي بس احتري اموري تزين واتقدم لها
جمانه : حلو
عبدالرحمن : اي وانتي حبيب القلب متى بيجي يخطبس
جمانه : وانا وش دراني اسالوه انتو
محمد : انا بساله
والا فجأة يجون البنات كلهم من بقاله ويركبون سياره ويجي جدهم
ابو عبدالعزيز : محمد الحين سق انت بدال نواف
نواف : ليه ياجدي انا بسوق عنه
ابو عبدالعزيز : انا ماكنت ابي الا راحتك بس دامك صالم انك تسوق خلاص سق انت بدال محمد
نواف راح يبوس ابو عبدالعزيز : ماتقصر ياجدي
ابو عبدالعزيز : يلا اركبو عشان نوصل على شروق ويمدي نريح وبعدين نطلع
نواف : ابشر
وكلهم ركبو سياره وحركو وكملو الطريقهم
نواف : عبدالرحمن
عبدالرحمن : هلا
نواف : ساعه كم الحين
عبدالرحمن : 12:10
نواف : زين
عبدالرحمن : ليه تسال
نواف : لا بس كذا
............**............
سياره العيال
سلطان : هي وشفيكم نايمين نبي فعاليات
سلمان : والله ماعندي شي
سلطان : والله لو اني رايح مع عماني ابرك
ريان : اسمعو ترا جدي قايل في قروب ان العيال لنا جناح وبنات نفس الشي جناح وحتى عماتي والحريم ولهم جناح هم بعد
سلطان : اي احسن والله ابي ارتاح
ريان : انا وانتو و عبدالرحمن و محمد لنا غرفتين الغرفه اول وحده تكفيها ثلاثه ونفس الشي حقت محمد و عبدالرحمن عاد يختارون من ينوم معهم عاد مدري عنهم والله
سلطان : اتوقع نواف معهم
ريان : اي صح مافكرت فيها
وكملو طريق الين وصلو ابها كلهم وتحديدا في الفندق
............**............
سياره البنات
عبدالرحمن : اخيرا وصلنا والله اني تعبان مره
نواف : انت اسكت لو سايق كان ماقدرت تتحرك انا الي تعبان مره
عبدالرحمن : محد غاصبك قالك سق جدي قال ميد محمد وانت قلت ابي اسوق
نواف : اي انا ابي الحين اسوق وفي رجعه برتاح
عبدالرحمن : اقول انزل بس
ونزلو كلهم البنات و العيال والحريم و الرجال
ابو عبدالعزيز : يا عبدالعزيز رح شف الحجز حقنا الي انت حاجزه
ابو محمد : ابشر
وراح ابو محمد لـ استقبال
ابو محمد : السلام عليكم
سامي حق الاستقبال : وعليكم السلام
ابو محمد : انا حاجز هنا بـ اسم عبدالعزيز عبدالرحمن
سامي : دقيقه بشوف لك
ابو محمد : تمام
سامي : الي هو اربع جنحات
ابو محمد : اي
سامي : تمام هذي بطاقات حقت جنحات وكلها جنب بعض وفي دور 7 على اليمين
ابو محمد : مشكور ماتقصر
سامي : هذا واجبنا
ورجع ابومحمد
ابو محمد : هذي بطايق جنحات وراح نعطي واحد منكم يمسكه محمد ذي حقتكم يمه ذي حقتكم الجناح يانجد تعالي وانا عمس
نجد : سم
ابو محمد : خلي الكرت الغرفه معس
نجد : ابشر
ابو عبدالعزيز : يلا امشو نروح
وكلهم ركبو المصعد واتجهو لـ اجنحه حقتهم
............**............
الجناح حق العيال
محمد : اسمعو انا و عبدالرحمن ونواف في غرفه وحده وباقي دبرو انفسكم
زياد : الغرف كثيره ماشاءالله بتكفينا اكيد
محمد :زين عاد الحين خن نريح عشان يمدينا نطلع اليوم
زياد :عاد فيه مكان حلو مره شرايكم نطلع له
محمد : اي
عبدالرحمن : يلا على الغرف كلكم
ودخلو كلهم
في غرفة ريان وسلطان و سلمان
ريان : ياخي احسني ماني مرتاح على جيتنا في ابها احس بيصير شي
سلطان : لا ذا الشيطان يوسوس في راسك ان شاء الله ماراح يصير شي
ريان : ان شاء الله
............**............
جناح البنات
نجد : اخيرا برتاح الحين
جمانه : اي والله عاد بنوم الحين واذا صحيت بتروش وانشف شعري
نجد : حلو اسمعي انا وانتي وميس في غرفه وحده وكل وحده مع خواتها
الجوهره وهي تناظر جمانه من فوق لتحت : وليه بتخلين ذي تنوم معس
نجد بعصبيه : هي تراها بنت عمس ولها اسم مو ذي
جمانه بعصبيه قويه : ألزمي حدودس يا الجوهره ولا تتكلمين كذا
الجوهره وهي تضحك : ماني الازمه حدودي وبكيفي وتاكل ***
وتروح الجوهره تدف جمانه على الارض وتطلع من جناح وتروح لجناح العيال وطقت باب
ريان : من
الجوهره : ابي هتان
ريان : طيب
وراح ريان ينادي هتان
ريان : في احد يبيك برا
هتان : طيب
وراح هتان يفتح باب من برا وشافها وهي تبكي
هتان : وش فيس
الجوهره بكذب انها تبكي : جمانه دفتني على الارض وسبتني
هتان بعصبيه خفيفه : وليه
الجوهره وهي تكذب عليه وتمثل دموع: مدري والله بس دفتني وكتفي يعورني مره
هتان : اصبري بروح اتكلم مع اخوانها واجيس
الجوهره : تمام
ودخل هتان وهو معصب وراح لغرفة الب فيها محمد
هتان بصوت عصبيه : محمد
محمد : نعم وش تبي معصب
هتان : امسك اختك على اختي لاتضربها عشان ما اعلمها الادب انا
محمد : وش سالفة
هتان : الجوهره جايه لي تشتكي من اختك انها ضاربتها
محمد : اختي مستحيل تمد يدها
هتان : رح ادب جمانه ولا اجي انا ادبها بنفسي
محمد بعصبيه : هي ألزم حدودك لاتتكلم عن اختي ولاتجيب اسمها على لسانك
هتان : بجيبه عندك مانع
محمد : اي عندي
هتان : وشهو
محمد : لاتجيب اسم اختي دام بتطريه بشينه
هتان : طيب رح عن وجهي
وطلعو عبدالرحمن و محمد وشافو الجوهره مافيها شي وراحو لجناح حق بنات وطقو الباب
وفتحت نجد باب
نجد : مين
عبدالرحمن ابتسم من سمع صوتها : نبي جمانه
نجد : تمام بس دقيقه بروح اناديها
وراحت نجد تنادي جمانه وجت جمانه وطلعت لهم
عبدالرحمن : وش صار بينس وبينها
جمانه : ليه جت الدلوعه عندكم
محمد : اي جت وتمثل عند اخوها انها تصيح
جمانه : اهخخ بس والله لو تفكوني منها كان دفنتها المشكله هي الي دافتني وسبتني
والا يجي ابو محمد
ابو محمد : محمد وش ذا صراخ الي جاي من غرفتكم
محمد : انا وهتان متهاوشين
ابو محمد : ليه وشفيكم
محمد : جاي يتكلم عن جمانه إنّ الجوهره اخته جايه وهي تصيح
ابو محمد : جوجو يابنتي وش صار
جمانه : هي ضاربتني وسبتني ورايحه تصيح عند اخوها وتكذب عليه اني انا الي ضاربتها والمشكله هي الي دافتني على الارض
ابو محمد : خلاص انا بكلم عمس وبخليها يكلمها
جمانه : المشكله البنات كلهم شاهدين على كذا حتى اختها
ابو محمد : نادي لي رغد
جمانه : ابشر
ودخلت جمانه داخل وراحت تنادي رغد
جمانه : رغوده ابوي يبس
رغد : تمام جايه بس بلبس نقابي
جمانه : تمام
وطلعت جمانه
جمانه : بتجي الحين
وطلعت رغد
رغد : هلا عمي بغيتني بشي
ابو محمد : اي وانا عمس صح ان اختس هي الي سابه ودافه جمانه
رغد : اي ياعمي ذا الكلام صحيح
ابو محمد : زين يابنتي شكرا ماتقصرين
ودخلت رغد داخل والا تمر الجوهره وكانها ماتشوف عمها وتدخل داخل
ابو محمد : والله انها ماتستحي وانا عمها واقف قدامها ولا تسلم علي ولا شي
جمانه : اساس يا يبه انا ما ارتحت لها من يوم وصلنا وحركاتها ماني مرتاحه لها واحس بتسوي شي
محمد : وقسم انس صادقه ياجمانه المشكله انا الي ما ارتحت لها لان طول الوقت في سياره معها جوالها ولا تركته واحس بتسوي شي
عبدالرحمن : بنشوف وش بيصر معها
ابو محمد : يلا كل واحد على جناح حقه
محمد : ابشر
ودخلو كلهم داخل ويوم دخلت جمانه وكانت تشوف الجوهره تهاوش اختها رغد
الجوهره بعصبية : كنت ابيس عون صرتي فرعون
رغد : طيب انا ما ابي اكذب على عمي
الجوهره : اكذبي لو مره وحده عادي مايضر شي
رغد : طيب انا ما احب اكذب على عمي افهمي
الجوهره : يعني قد كلامس ان ماتكذبين على عمي
رغد : اي قد كلامي اني ما اكذب على عمي
جمانه : هي انتي خلاص انتي كاذبه على اخوس وتبين اختس توقف معس وتكذب لا ذا مو من حقس ان تغصبينها على شي هي ماتبيه
الجوهره بعصبيه قويه : وانتي مالس دخل ولاعد تتدخلين بين اخت واختها لو سمحتي يعني
رغد تقدمت وقفت عند جمانه : بس انا اعتبر جمانه اختي الكبيره
الجوهره وهي تناظر جمانه من فوق لتحت وتحط اصبعها على جمانه : ذي تعتبرينها اختس الكبيره
رغد : اي اعتبرها اختي الكبيره ليه عندس سبب
الجوهره : لا والله ماعندي
وألآ فجأه ينطق الباب وراحت جمانه تشوف مين الي عند باب
ابو محمد : الجوهره تعالي وانتي يا جمانه اطلعي
وطلعو كلهم لعند ابو محمد
ابو محمد : ماهقيتها منس يا الجوهره تكذبين على عمس
الجوهره : والله ياعمي انا اسف ولا... ألا يقاطعها ابو محمد
ابو محمد : وتكذبين على اخوس بعد
الجوهره : طيب ياعمي اسمع مني
ابو محمد : ما ابي اسمع منس ولا حرف فاهمه وانا بتفاهم مع ابوس الحين ويلا ادخلو داخل
ودخلو كلهم وكانت الجوهره تناظر جمانه بحقد
نجد : جوجو انا وميس غيرنا ملابسنا ويلا انتي غيري ملابسك وتعالي معنا
جمانه : تمام
وراحت جمانه تغير ملابسها ويوم خلصت راحت الغرفه مع بنات
نجد : وش فيس ياجوجو
جمانه : اهخخ بس والله لو تخلوني ادفن الجوهره
نجد : ليه
جمانه : تخيلو كاذبه على اخوها ان انا الي ضاربتها وسابتها
ميس : وجع ذي ماتستحي
جمانه : ما ادري عنها بس محمد و عبدالرحمن يقولون ما ارتحنا لها لان طول الطريق ماسكه جوالها ماتركته
ميس : اي ماتركته طول الطريق معها وتتكلم مع احد واحس بتسوي شي
نجد : اي حتى انا احس بتسوي شي
جمانه : نحتري وش بتسوي
ميس : يلا خن نام عشان ورانا طلعه اذا صحينا
جمانه : اي صح وانا اذا صحيت بتروش عشان ازين شعري
نجد : يلا نامو
نامو كل البنات إلا الجوهره كانت قاعده وكانت تكلم بجوال
الجوهره : خلاص تم اليوم اذا طلعت نفذ الخطه
المجهول : تم انتي متى تبين ارسلي لي والله لا اخليها تندم عشان تعرف تسرق حبيبك منك
الجوهره : كفو واذا خذيتها كل التعذيب الي تسويه خل وجها مفتوح وتصوره
وترسله لـ الي قلته لك
المجهول : ابشري ماطلبتي شي
الجوهره : يلا مع سلامه اكلمك اذا صحيت
المجهول : مع سلامه
وراحت الجوهره نامت
(في الفندق تحديد غرفه العيال - 12:46 الظهر)
محمد بصوت عالي : يلا اصحو ساعه 12 يلا
عبدالرحمن بصوت نوم : شوي بس
محمد : مافيه شوي يلا بنطلع الحين
نواف : صحو ولالا
محمد : عبدالرحمن لا شف الباقي صحهم
نواف : طيب
وراح نواف يصحي العيال باقي ورجع لمحمد
محمد : صحو
نواف : اي معليك خليتهم يصحون بسرعه
محمد : كفو طيب انت تروشت ولالا
نواف : اي صاحي قبلكم وتروشت وشربت لي قهوه
محمد : ما شاء الله اجل انا بروح اتروش وانت اقعد صح عبدالرحمن
نواف : طيب
وراح محمد يتروش و نواف قعد يصحي عبدالرحمن
نواف : يلا ياعبدالرحمن قم ترا ورانا طلعه
عبدالرحمن بصوت نوم : خمس دقايق بس
نواف : خلصت الخمس دقايق يلا قم و تروش
صحى عبدالرحمن وصحصح
نواف : صح نوم
عبدالرحمن : ساعه كم
نواف : 1:00
عبدالرحمن : كذاب
نواف : والله
عبدالرحمن قام وهو متقروش : يوم ماتروشت
نواف : صار لنا انا ومحمد ساعه نصحي فيك
عبدالرحمن : راحت علي نومه والله يلا بقوم اتروش الحين
............**............
جناح البنات
جمانه : نجد جيبي الإستشوار بنشف شعري
نجد : هو عندس
جمانه : اوهه معليش ماشفته
نجد : لا عادي
ميس : بنات
نجد وجمانه : لبيه
ميس : تكفون نبي جدول صح اليوم
نجد : بس ابشري ماطلبتي شي ينزل لك اليوم احلى جدول كله فعاليات
ميس : تم
جمانه : اسمعو انا خلصت بس بنشف شعري
ميس : جيبه انا بنشفه لس
جمانه : تمام
وقعدت ميس تنشف شعر جمانه
ايلان : يا سحر وين شوزي الجديد
سحر وهي تحط الميكب : والله ما ادري يمكن في شنطت الشوز الصغيره
ايلان : طيب وين حطيتها
سحر : برا في صاله
ايلان : تمام
ساره : نجوده ممكن تجين شوي
نجد : تم
وراحت نجد لساره
نجد : هلا وش بغيتي
ساره : عندس مسكره لان شكلي نسيت حقتي
نجد : اي معي شوفيها في شنطتي حقت المكياج
ساره : تمام
نجد : لموره وش ذي حركاتك لبسك يجنن مره
لمار : والله انتي الي تجننين
نجد : يلا يابنات خلصو بسرعه عشان يمدينا نطلع بدري
والا فجأة تجي رساله من جوال نجد في قروب عمانها وعماتها
ابو عبدالعزيز : خلصتو كلكم ولالا
نجد : يابنات جدي يقول خلصتو ولالا
جمانه : قولي له شوي باقي لنا
نجد : والله ياجدي حنا يابنات تونا ماخلصنا يبي لنا شوي
ابو عبدالعزيز : يلا خلصو عشان لانتاخر
نجد : ابشر ، بنات يلا خن نخلص لان جدي يقول خلصو بدري عشان لانتاخر
جمانه : انا خلصت
نجد : وحتى انا
ميس : وانا بعد
الكل : خلصنا
نجد : زين اجل برسل في قروب ان حنا خلصنا
وخذت نجد جوالها وقالت في قروب
نجد : حنا بنات خلصنا
ابو عبدالعزيز : زين وانتو يا عيال
محمد : خلصنا ياجدي جاهزين
ام عبدالعزيز : حتى حنا خلصنا
ابو عبدالعزيز : زين يلا انزلو تحت
الكل : ابشر
خلصو البنات كلهم ولبسو عباياتهم ونزول تحت
وكانو العيال نازلين قبلهم
محمد : غريبه خلصتو بسرعه العآده اخر ناس ينزلون انتو
جمانه : صاحين من 10 وخلصنا كل شي
محمد : اي زين
ونزلو كلهم
ابو عبدالعزيز : كلكم موجودين
الكل : اي
ابو عبدالعزيز : نفس ترتبينا في جيه نروح الحين نفس ترتيب
عبدالرحمن : طيب ياجدي وين بنروح
ابو عبدالعزيز : نفس الحديقة الي رحنا لها سنه الي راحت
عبدالرحمن : زين
ابو عبدالعزيز : يلا نمشي الحين
وطلعو كلهم وركبو سيارات
سياره الي فيها بنات
عبدالرحمن : ابوفراس جاهز لفعاليات
نوره : اي جاهز
عبدالرحمن : تم
نجد كانت تناظر في نوره بغيره لان كان عبدالرحمن يكلم نوره
وكانت جمانه وميس يضحكون على شكل نجد
ولفت عليهم نجد : وش فيكم تضحكون
ميس وهي تضحك : لا ولا شي بس نتفرج على الغيره الي تطلع منس
نجد : وجع من قال اني اغار
جمانه وهي تضحك : واضح يانجوده انس ماتغارين
وكان عبدالرحمن يبتسم وهو يسمع كلام جمانه وميس عن نجد
نجد : اي ما اغار وش فيكم اي صح ذكرت
جمانه : وش
نجد : بدق على محمد ولد عمتي نوره
جمانه : ليه
نجد : الشاحن حقي معه
عبدالرحمن بصوت عالي : عندي قصيده تبون تسمعون
الكل : اي
عبدالرحمن :
لاتضحك لغيري ترا القلب يرتاع
اغار حتى ان رد غيري سلامك
اي والله اني فيك بالحيل طماع
ابيك كلك لي حتى كلامك
محمد : عاش شاعرنا
نواف : ماشاءالله مين المقصود في قصيده
عبدالرحمن : شخص
نواف : من
عبدالرحمن : شحص
نواف : تراني اعرف من تقصد و ركز في سواقتك زين
عبدالرحمن : الحمدالله مركز
نواف : زين
وكملو طريقهم الين وصلو الحديقه ونزلو كلهم وتقسمو البنات في جلسه وحده والحريم لحالهم والعيال نفس شي والرجال قاعدين لحالهم
نجد : جمانه ميس شرايكم نقوم نتمشى ونكتشف
جمانه : تم
ميس : اي والله اساس انا ودي امشي
نجد : كويس يلا قمو
وقامو البنات وراحو يمشون
جمانه : بنات شوفو القطوه ذي تجنن
نجد : امسكيها
جمانه  : عادي متعوده لان عندي قطوه اسمها فوفو
نجد : ماشاءالله
ومسكتها جمانه وقعدت تلعب فيها
ميس : يلا ياجوجو خن نكمل مشي
جمانه وقفت : يلا
نجد وهي تاشر : بنات شوفو الورد ذاك يجنن مره
ميس : شرايكم ناخذ منه
جمانه : اي تكفون
والا يجي عبدالرحمن من ورا جمانه وهي ماتدري
عبدالرحمن : عوو
جمانه نطت من الروعه : بسم الله الرحمن الرحيم
عبدالرحمن : ليه شايفه جني
جمانه : اي
عبدالرحمن : اهو ماهقيتها منس
جمانه : اقول فارقو يلا حنا جاين نتمشى لحالنا
عبدالرحمن : خلاص بنمشي قدامكم
جمانه : طيب يلا قدامنا
محمد : طيب بنصير قدامكم
جمانه : بنات دقيقة بروح دورة المياه (يكرم القارئ )
نجد : تمام
وراحت جمانه لمكان دورة المياه ويوم راحت جت سياره كبيره سودا ونزلو منها شباب وكانو يسحبون في جمانه
جمانه بصراخ عالي : عبدالرحمننننن محمددد نوافففففف
المجهول : اسكتي ولاتتكلمين
جمانه : فكوني من انتو
المجهول : بتعرفين بعد شوي من حنا
جمانه وهي تحاول تفك نفسها : وخرو عني لاحد يلمسني
المجهول وهو يسحب جمانه : امشي بسرعه
جمانه : فكني
وسحبها والين ركبها سياره وخذ جواله
المجهول : تمت المهمه يا الجوهره
الجوهره بفرحه : كفو يا سامي
سامي : اذا وصلنا المكان بتجيك كل الفديوهات
الجوهره : كويس وابيك بشي اذا وصلتو المكان لان ضروري
سامي : تمام
وقفل جواله سامي
جمانه بصراخ : من انت وليه خاطفني ابي سبب ليه خاطفني
سامي كان متجاهل جمانه مره ولا كان يسمع لها
ويوم وصلو المكان المهجور نزل جمانه وهو يسحبها بالارض
جمانه بصراخ والم : اههه فكني يدي تعورني
سامي وهو يسحبها بقوه : اقول اسكتي عشان ما اسوي فيس شي خليس تندمين انس تكلمتي
ودخل سامي داخل وحط جمانه على كرسي وربطها وفك نقابها
جمانه وهي منزله راسها : رجع نقابي مو من حق.... الا يقاطعه كف من سامي ويكمل يضرب فيها الين داخت ومعد حست بنفسها
جمانه بصوت خفيف : ليه تسوي فيني كذا انا ما سويت فيك شي
سامي : عشان تعرفين تسرقين حبيبها
جمانه بصوت خفيف حبيب مين .. والا ينقطع صوت جمانه ومعد لها ولا حس
والا يجي سامي ويرفع الجوال ويصور
سامي : شف حبيبت قلبك وش صار فيها الحين وش بتسوي وان بلغت ترا بجيب جثتها لك عند رجلك
ويقفل تصوير ويصور مقطع ثاني
سامي : هذي اختك شفها هي الحين بين يدي وان بلغتو والله لا اجيب جثتها لعند رجولكم
ويقفل سامي تصوير ويرسل المقطع اول لنواف و ثاني لـ اخوان جمانه
............**............
في الحديقه
الا فجاة تجي رساله من رقم غريب لنواف ويفتح ويشوف الفيديو
نواف : جمانهه
عبدالرحمن : وجع وش فيها
والا فجاة تجي رساله لعبدالرحمن ولمحمد
ويفتحون الفيديو
عبدالرحمن بصدمه : مو هييي كانت بتروح دورة المياه ( يكرم القارئ)
محمد : ايي اشلون انخطفت شلونننن
ونواف كان ماسك راسه ويتحرك وماكان عارف وش يسوي
ميس بتوتر وخوف على جمانه : وشفيها جمانه
وكانو محمد وعبدالرحمن و نواف ساكتين
ميس بصوت عالي : وش فيها تكلم بسرعه
محمد : هدي اول شي
ميس : قول لي وش فيها
محمد : جمانه الحين هي مخطوفه ولا ندري وينها وجانا من الخاطف تهديد لو بلغنا ان راح يجيب لنا جثتها
ميس نزلت وهي مصدومه وكانت تصرخ بصوت عالي وكانت تصيح : جمانههه
نجد وعيونها كلها دموع : محمد تكفى لاتكذب قول صدق
محمد : والله اني صادق وحتى شوفو الفيديو وحتى ان وجه جمانه فيه
وخذت نجد من محمد وشافت الفيديو ويوم شافته اغمى عليها
ميس : نجد تكفين اصحي نجوده اصحي نواف بسرعة جب مويه
نواف كان بعيد عنهم ولا سمع ميس
والا يروح عبدالرحمن يجيب مويه لميس
عبدالرحمن : تفضلي ذي المويه
ميس : شكرا
عبدالرحمن : عفوا
وكانت ميس ترش على نجد كانت تبغى اي استجابه من منها
والا فجاة نجد تهمس : جمانه وينها جمانه
ميس : جمانه بتجي الحين بس انتي اصحي اول تكفين اصحي
وكانت ميس تحاول تصحي فيها والين ماصحت
نجد : تكفون جيبو جمانه لاتروح
ميس : جمانه راحت شوي وتجي
نجد : جمانه مخطوفه كيف تقولين شوي وتجي
.
.
.
انتهى الجزء
اعطوني رايكم
اعذروني على الاخطاء الاملائية
نزلت اليوم لان ماراح يمديني انزل بكره  💓
النجمه لاتنسونها ⭐️