اعانق أمانيكَ مهما ذَقتَ مِن تعب من ذا الذي نالَ مايهوى بلا تعب !

11

.
.
.
.
في سياره ابو محمد
عبدالرحمن : ريان اعطني شاهي عندك
ريان : طيب
بعدين عبدالرحمن خذ شاهي
عبدالرحمن : مين يبي شاهي
جمانه : انا ابغى
ام محمد : انا وابوك نبغى
عبدالرحمن : ابشرو
ريان : انا ما ابغى
قعد عبدالرحمن يصب شاهي ل امه و ابوه و لجمانه ويوم خلص قعد
يهوجس وفجاة تجي رساله من ( نواف عبدالله)
نواف : هلا عبدالرحمن
عبدالرحمن : هلا بغيت شي
نواف : اي
وكانت جمانه حاطه راسها على كتف عبدالرحمن وكانت تشوف محادثة عبدالرحمن و نواف
عبدالرحمن : وش فيك
نواف : والله ضايقه الدنياا كلها علي من امس وكنت ابي اكلمك بس انتو بترجعون لرياض وماقدرت
عبدالرحمن : عادي قل وش فيك
نواف : جمانه جنبك
عبدالرحمن : اي ليه ؟
نواف : لاتشوف وش بقول
عبدالرحمن : جمانه حطي راسك على شباك شوي
جمانه : تمام
عبدالرحمن : وخرتها عن كتفي قول وشفيك
نواف : امس انا طلعت بعد ملكه ميس ومحمد وطلعت وكنت متضايق ورحت الحديقة اتنفس شوي وفجاة جمانه جت وكنت اشوفها من بعيد وكان في واحد جاي عندها  و يسحبها غصب ويطلب منها رقمها بعدين رحت عندها اشوف وش فيها بعدين تهاوشت مع ولد بعدين قعدت اتاكد ان مافيها شي بعدين فجاة عصبت علي وقالت لي (خلاص يانواف مافيني شي وتكفى خلاص ابعد عني ماعد ابيك ماعاد ابيك افهم ) وانا جيت اقول لك لان مدري اذا هي فاتحتك الموضوع ولالا
عبدالرحمن : لا والله بس نصيحة مني اذا جمانه كانت متضايقة و تعبانه لاتكلمها لان بتقعد تفصل عليك مره وعن موضوعكم بحله ان شاء الله اذا رجعنا البيت بتكلم معها
نواف : مقصرت والله واسف اذا ازعجتك
عبدالرحمن : لا ازعاج ولا شي
بعدين عبدالرحمن قفل جواله وقعد يشوف جمانه الي كانت تبكي بدون صوت وفتح جوال و ارسل لها
عبدالرحمن : جوجو شفيتس تبكين
جمانه : لا مافيني شي
عبدالرحمن : متاكده
جمانه : والله مدري وش اقول لك
عبدالرحمن : قولي وانا اخوتس
جمانه : تتذكر امس يوم جيتني عند الحديقة
عبدالرحمن : اي
جمانه : صار اشياء كثيره وكان نواف موجود وانا عصبت فجاة من ضيقة الي فيني وقلت كلام وتحسفت عليه
عبدالرحمن : وش هو الكلام
جمانه : اني معد ابيه وابي يبعد عني
عبدالرحمن : طيب اول شي امسحي دموعتس ونواف كلمني في الموضوع وانا فهمته
جمانه : خلاص بقفل جوالي ابغى انام متضايقة مره
عبدالرحمن : قفليه وحطي راسك على كتفي
جمانه : تمام
__
سياره محمد
سلمان : اعطني بشغل الاغاني
سلطان : حط خالد عبدالرحمن
سلمان : تم
وحطو خالد عبدالرحمن وكملو طريق والي غارق في هواجيس
محمد : هيي تكفون غيروها
سلمان : ليه
محمد : ما ابي اهوجس
سلمان : طيب
وكملو طريق
_____
ديره في بيت خالد
ابو وليد : سعود
سعود : سم
ابو وليد : وين عيال اخوك وليد
عبدالملك : موجودين ياجدي
ابو وليد : تعال ابيك
عبدالملك : ابشر
ابو وليد : تبشر بالجنة
سعود : يلا مع سلامه تبون شي
ابو وليد : لا سلامتك
وطلع سعود
عبدالملك : جدي بغيتني بشي
ابو وليد : اي
عبدالملك : وشهو
ابو وليد : ابيك تقولي سالفتك انت وجمانه ولا ابي تكذب ولا حرف كذب
عبدالملك بخوف : ابشر
وقعد عبدالملك يشرح لجده كل ش من الإلف الى الياء
ابو وليد : وهذا ثقتي فيك كبيره ياعبدالملك تسوي كذا في البنت
عبدالملك : ياجدي مقدرت اشوفها تحب غيري وانا احبها
ابو وليد : دامك شايفها ماتبيك ليه تقدمت لها
عبدالملك : احبها ياجدي
ابو وليد : دامك تحبها ليه تعذبها
عبدالملك تنهد : ياجدي اول مره ضربتها عشان كانت مع خالها وكنت احسبها تخوني وثاني مره بدون سبب
ابو وليد بعصبيه : ليههه ياعبدالملك ليه تسوي كذا في البنت
عبدالملك : ياجدي والله.. قاطعه جده بالكلام
ابو وليد : قم الحين ونروح لبيت ال محمد تعتذرعلى افعالك
عبدالملك : ياجدي ما ابي
ابو وليد بعصبيه : الا بتروح غصب
عبدالملك تنهد بخوف وطلع هو وياجده لبيت ال محمد
وصلو بيت ال محمد
ابو وليد : سلام عليكم
ابو عبدالعزيز : وعليكم السلام
ابو وليد : انا جاي اعتذر عن عيالي وعن عيال ولدي وليد
ابو عبدالعزيز : يا ابو وليد انا احترمك واقدر عشرتنا مع بعض بس خذ حفيدك واطلع من بيتي
ابو وليد: يا ابو عبدالعزيز انا جايك اعتذر منك
ابو عبدالعزيز بعصبيه : يا خالد احفادك بغو يذبحون حفيدتي وهي ماسوت لهم شي وانت جاي تتعذر عنهم لا والله ماراح ياخذ حقي الا المحاكم
ابو وليد : يا عبدالرحمن تكفى خلنا نحلها بينا وانا ماودي الشرطه تتدخل بينا
ابو عبدالعزيز : ماراح احلها الا في المحكمة يا خالد
ابو وليد بحزن : اجل انا طالع مع سلامه
ابو عبدالعزيز : ولا تنسى المحكمة راح تجيك رساله منها
ناظره ابو وليد وهو بضيق وطلع
في شارع عند ابو وليد و عبدالملك
ابو وليد بعصبيه : فشلتوني عند صاحب عمري والله ياحسافه انكم احفادي
عبدالملك : ياجدي.. الا يقاطعه جده بكلام : ماني جدك ولا شي وانا متبري منك
عبدالملك : ياجدي تكفى لا تخليني مالي غيرك امي توفت الله يرحمها و ابوي متزوج و برا ديره
ابو عبدالعزيز بصراخ و عصبيه : دام انك عارف ليه تتكلم وامك ماتت بسبب ابوك الي عذبها واخفيت شي هذا ان ابوك الي عذبها وانا جاي اعتذر من اخوها عشان سواتك انت واختك ولا امك ماشاءالله عليها كانت حرمة  صح بس ابوك الي عذبها كنت اعتبر امك بنتي بس ما اقول الا الله يرحمها ويغفر لها
عبدالملك الي ماعرف وش يقول وقعدو يمشون وفي نص الطريق شافو ولد ابو عبدالعزيز
ابو وليد : هلا صالح
صالح : هلا ياعمي
ابو وليد : جاي اكلمك بموضوع
صالح : سم
ابو وليد قال له كل شي بتفاصيل
صالح : والله ياعمي والله عيال ولدك عذبو بنت اخوي و اهانوا فيها وضربوها وجاي تعتذر كذا لا والله ياعمي مقدر اقول شي الكلام عند ابوي و اخوي عبدالعزيز
ابو وليد نزل راسه بضيق ومن سوات عيال ولده
وكملو الطريق الي وصلو البيت
ابو وليد : يا عبدالملك و رولا تعالي بسرعه
رولا : سم
وجت رولا وقعدت عنده
ابو وليد : من اليوم تاخذون عفشكم و تطلعون من البيت ولا اني اعرفكم ولا انتو احفادي
رولا بصدمه : ياجدي ليه
ابو وليد : من سواتكم فشلتوني عند خالكم ياخي ابي سبب واحد ليه تسون في جمانه كذا
رولا : ياجدي ما نحبها
ابو وليد : تسون كذا عشانكم ماتحبونها
عبدالملك : ياجدي
ابو وليد : اسكت انت ما ابي اسمع لك صوت
عبدالملك : ابشر
________ عند ابو محمد
في نص الطريق وقف ابو محمد عند المحطه
ابو محمد : ريان
ريان : سم
ابو محمد : انزل جب لنا شي خفيف ناكله
ريان : ابشر
جمانه الي نامت على شباك وعبدالرحمن شافها كذا وخاف ان رقبتها تعورها وحطها على كتفه الا فجاة تصحى
عبدالرحمن : بسم الله عليتس
جمانه : وصلنا ولالا
عبدالرحمن : لا باقي اربع ساعات
جمانه : يوه اجل اسمع اعطني شاهي
عبدالرحمن : ابشري
جمانه : تبشر بالجنة
وبعدين جاء ريان واعط اهله الاغراض وكملو الطريق
______ سياره محمد
سلمان : بحط لكم شي حلو
سلطان : الله يستر من جوك
الا سلمان يحط لهم ساجده عبيد
سلطان : لاتكفى سلمان غيرها
سلمان : لا انا ابغى اسمعها
سلطان : يوه جوك خايس مره
محمد : حط سماعات في اذنك واسمع لحالك
سلطان : احسن لي
______ بيت ابو عبدالعزيز
ام نواف : ميس
ميس : سمي
ام نواف بهمس : كلمتي ابوتس
ميس بهمس : لا ليه
ام نواف بهمس : احس خلاص نرجع لرياض لان اهل محمد مو موجودين واحس خلاص لازم نرجع
ميس بهمس : بكلم نواف بشوف
ام نواف : زين
.
.
.
اعطوني رايكم
(اسف على تاخير مره بس حصلت لي ضروف واذا فيه اي غلط في جز سامحوني وانا توني كاتبه جديده واسف مره اذا بارت قصير بس ان شاء الله بينزل لكم بارت طويل 😢 ونبغى تتفاعل حقكم الحلو🤍)