اعانق أمانيكَ مهما ذَقتَ مِن تعب من ذا الذي نالَ مايهوى بلا تعب !

17

.
.
اي كانت جمانه ساكته ومع بنات تهوجس
نجد : وين وصلتي
جمانه : هلا
نجد: لا انتي بعالم ثاني
جمانه : معكم
نجد : وش قلنا تو
جمانه : ما ادري
نجد : عشان كذا انتي مو معنا
جمانه : عادي
ميس : لا مو عادي قولي وشفيك
جمانه : مافيني شي بس ساعه كم
ميس : ساعه سبع ونص
جمانه : يلا كل وحده على غرفتها بنام
ميس : لا بنقعد معس
جمانه : ابغى انام تعبانة
ميس : طيب
نجد : اجل تعالي ياميس في غرفتي نقعد مع بعض ونخليها
ميس : اي والله يلا خن نروح ونخليها
كانت جمانه تناظر فيهم وعيونها كلها دموع
جمانه : خلاص يلا اطلعو وقفلو النور وباب
نجد : طيب
وطلعو البنات وقفلو باب وانسدحت جمانه وكانت تفكر با اخوها عبدالرحمن وكانت خايفه لايصير فيه شي
............**............
غرفة ميس
نجد : احس ان جمانه فيها شي بس مو راضيه تتكلم
ميس : اي حتى انا حاسه فيها شي
نجد : طيب يوم رحتو المستشفى احد ضايق عليها
ميس : اي عبدالرحمن عشانها ماتاكل
نجد : طيب هو وينه الحين
ميس : والله ما ادري لان يوم طلعنا من غرفه جمانه اعطى المفتاح محمد وقال لاحد يجي وراي وطلع من المستشفى
نجد : غريبه
ميس : اي ويوم يتكلم مع جمانه كان معصب مره
نجد : يمكن هم متهاوشين
ميس : والله ما ادري
............**............
في مجلس ابو عبدالعزيز
ابو عبدالعزيز : يامحمد وين عبدالرحمن
محمد : طالع مع خويه
ابو عبدالعزيز : ماقالك متى بيرجع
محمد : لا والله
ابو عبدالعزيز : طيب
وطلع محمد من المجلس عشان يدق على عبدالرحمن
محمد : عبدالرحمن رد مو وقت سماجتك
وجاه نواف
نواف : وشفيك
محمد : مافيني شي
نواف : عبدالرحمن وينه طيب
محمد : ما ادري وينه
نواف : مو تقول تو ان معه خويه
محمد : قلت كذا عشان لا ابوي ولا جدي يخافون عليه
نواف : طيب انت تعرف هو وين يروح لان يتضايق
محمد : يروح يمشي لحاله مامعه احد بس يكون طريق غريب فاضي
نواف : انتو رايحين آي مستشفى
محمد : المستشفى الفلاني ذاك
نواف : اي عرفته يمكن ركب مع تكسي وراح
محمد : ما اتوقع عبدالرحمن يروح مع تكسي
نواف : طيب اسمع خن ندخل داخل بعدين نشوف وش يصير
محمد : طيب
ودخلو لمجلس
ابو عبدالعزيز : يا مشاري
مشاري : سم
ابو عبدالعزيز : رح شف المشب فيه صندوق كبير جبه انت و فهد
مشاري : ابشر
وطلعو مشاري و فهد لمشب يجبون الصندوق ويوم دخلو لقوه كبير
مشاري : انا بشيله من اليمين وانت شله من يسار
فهد : طيب
وشالوه وطلعو من المشب واتجهو لمجلس ودخلو وحطوه عند ابو عبدالعزيز
مشاري : سم ياجدي هذا صندوق الي طلبته
ابو عبدالعزيز : ماتقصرون ياعيالي
فهد : هذا واجبنا ياجدي
وقعدو كلهم
ابو عبدالعزيز: ياعيال شفو هذا صندقو من ابوي الله يرحمه
الكل : الله يرحمه ويغفر له
ابو عبدالعزيز : هذي امانه عندي وان ماطال عمري بتخلونها عندكم امانه
ابو زياد : الله يطول بعمرك والامانه ذي بتصير معك
ابو محمد : محمد
محمد : هلا
ابو محمد : عبدالرحمن ماقال لك متى بيرجع
محمد : لا والله ماقال شي
ابو عبدالعزيز : يامحمد ساعه كم الحين
محمد : ثمان ياجدي
ابو عبدالعزيز : اجل رحو افرشو المفارش لنا بنرقد برا وانتو في المجلس
محمد : ابشر
وقامو العيال كلهم يفروشون المفارش لجدهم وعمانهم
زياد : عيال تكفون اليوم خن نسوي شي لانوم بدري خن نسوي فعاليات
عبداللطيف: طلع لنا فعاليات ومانرقد بدري
نايف : اي والله وهو صادق طلع لنا فعاليات
فهد : شرايكم نلعب بلوت
ريان : اقول افرش المفارش بعدين نفكر
فهد طيب
وكلمو يفرشون ودخلو داخل في المجلس
............**............
في قسم الحريم
ام عبدالعزيز : يلا يابنات كل وحده على غرفتها عشان تنامون
حور : روحو انتو انا بقعد هنا شوي
ام عبدالعزيز : يابنتي ارتاحي في غرفتس عشان زوجس يجي عندس
حور : بقعد هنا لان البنات نايمين في الغرفه
ام عبدالعزيز : طيب اذا رحتي غرفتس ارسلي لي بس
حور : ابشري
ام محمد الي كانت تفكر وساكته وماكانت مركزه معهم
ام نواف : وفاء فيتس شي
ام محمد : لا مافيني شي
ام نواف : متاكده
ام محمد : اي
ام نواف : زين
............**............
عند عبدالرحمن
كان طايح وكان المكان ظلام ومافيه الا نور خفيفه والا
يجي يمر واحد كبير بسن من عند عبدالرحمن
ويشوفه طايح ولايحس
الشايب : ياولدي تسمعني
وكان مع شياب ولده
ولد الشايب : يبه ادق على الاسعاف ولالا
الشايب : اي دق عليهم
ولد الشايب : ابشر
ودقو على الاسعاف وخلال خمس دقايق جو
الممرض : انتو ؤش تصيرون له
الشايب : والله شفته كذا طايح وحنا مانقرب له ولا نعرفه
الممرض : زين
وركبو عبدالرحمن الاسعاف واتجهوا لمستشفى
ودخلو عبدالرحمن الطوارئ
وقعدو يكشفون حالته و وش فيه
الدكتور : جيبو لي الاكسجين
الممرض : طيب
وجابو له الاكسجين
الممرض : وشفيه يادكتور
الدكتور : واضح ان الرجال مدخن وان الرئتين حقته ماتتحمل
الممرض : اها طيب الحين شلون بتقول اهله
الدكتور : اهله الي برا ولالا
الممرض : لا هذول الي لقوه طايح
الدكتور : اجل اسمع دق على الشرطه لازم يجون عشان يطلعون لنا معلومات له
الممرض: ابشر
وطلع الممرض وأتجه لـ استقبل ودق على الشرطة
الممرض : السلام عليكم ورحمة الله وبركاته
مركز الشرطة : وعليكم السلام ورحمة الله وبركاته
الممرض : معكم المستشفى **** نبغى فريق عشان يطلعون لنا المعلومات شخص عندنا
مركز الشرطة : طيب خمس دقايق وهم عندكم
الممرض : مشكور ماتقصر
مركز الشرطة : هذا واجبنا
الممرض : مع سلامه
وقفل الممرض واتجه لـ دكتور
الممرض : طلبت فريق يجون يشفون من هو
الدكتور : كويس
............**............
في مجلس ابو عبدالعزيز
كانو العيال كلهم منسدحين ويتكلمون مع بعض
نواف وهو يضحك : معليش يامحمد انا ماني متخيلك ان انت العريس
ريان بضحك : اي والله وانت صادق يا .. آلا يقاطعه صوت رن جواله من المركز الشرطه
ريان : هلا
العسكري : استاذ ريان
ريان : اي وش بغيتو
العسكري : نبيك تجي المركز ضروري لان المستشفى **** طالبينا
ريان : يلا شويات وجايكم
العسكري : تمام
وقفل جواله ريان
محمد : على وين
ريان : المركز طالبيني لان في مستشفى طالبين فريق
محمد : زين اجل انتبه لنفسك
ريان : ان شاء الله بس علم امي و جمانه
محمد : زين
وطلع ريان وركب سيارته واتجه لمركز شرطة ونزل لهم ودخل غرفة الاجتماعات
ضابط ريان : سلام عليكم
الكل : وعليكم السلام
ضابظ  ريان : اي وش طالبين المستشفى ****
العسكري صالح : عندهم مريض ومايعرفون معلومات عنه ويبغون نجي
ضابط ريان : طيب السيارة الي بنروح فيها انا وانتو جاهزة
العسكري : اي
ضابط ريان : زين اجل يلا خن نمشي نلحق عليهم
العسكري : يلا
وطلعو واتجهو يركبون سياره واتجهو لـ مستشفى ****
و وصلو المستشفى ونزلو ودخلو لـ استقبال
ضابط ريان : السلام عليكم
الاستقبال : وعليكم السلام
ضابط ريان : طالبين فريق على واحد جبتو هنا ولا تعرفون معلومات عنه صح
الاستقبال : اي صح بس دقايق انادي لك الدكتور عبدالله الي مشرف على حالته
ضابط ريان : طيب
وراحت حقت الاستقبال لدكتور
ساره : الدكتورعبدالله الفريق آلي طلبتو برا وضابط يبغى يكلمك بموضوع المريض
الدكتور : يلا جاي الحين
وطلعت ساره ورجعت الاستقبال
وجاء الدكتور لعند ضابط ريان
الدكتور : السلام عليكم
ضابط ريان : وعليكم السلام انت الدكتور عبدالله
الدكتور : اي
ضابط ريان : زين وين المريض
الدكتور : هنا في الغرفه ذي
ضابط ريان : زين بندخل عليه يلا ياشباب
ويوم ريان قرب من باب الغرفه وفتح الباب ويوم شاف عبدالرحمن وقف وماتحرك ولا شي ولا قال شي
عسكري صالح : استاذ ريان فيك شي
ريان ساكت ومصدوم ولا تكلم
الدكتور : فيك شي
ريان راح على طول قعد عند عبدالرحمن
ريان وهو ماسك يد عبدالرحمن : تكفى لاتتركنا وتخلينا
تقدم الدكتور عبدالله لريان : من هذا المريض
ريان بضيقة صدر : اخويي هذا اخوي عبدالرحمن
وقف الدكتور وهو ساكت ولا قال شي
ريان : تكفى ياعبدالرحمن لاتروح وتخلينا
الدكتور : ترا حالته مره مو زينه وتعبان من الرئتين حقته
ريان : ليه وشفيها
الدكتور : واضح ان يستعمل الدخان وهو مايناسبه
لف ريان لعبدالرحمن : ليه ياعبدالرحمن ترجع تستخدمه ليه
الدكتور : لازم يبعد عنه واذا رجع له بيتعب مره
العسكري صالح : استاذ ريان حنا بنحتريك برا
ظابط ريان : طيب
وطلعو العسكرين برا يحترونه
الدكتور : طبعا هو الحين ماصحى ولازم يرتاح شوي
ضابط ريان : تمام انا بقعد معه
الدكتور : زين وان صار اي شي عندك الممرض يجي يشوفه
ضابط ريان : ان شاء الله
وطلع الدكتور وقعد ريان مع عبدالرحمن
وشوي شوي بدا عبدالرحمن يفتح عيونه وقعد ريان عنده
ريان : سلامات
عبدالرحمن بصوت خفيف : الله يسلمك
ريان : ليه ترجع تدخن
عبدالرحمن : انا وش جابني هنا
ريان : بسبب دخان
عبدالرحمن : طيب
ريان : ليه رجعت تدخن
عبدالرحمن : بكيفي
ريان : لا ياعبدالرحمن مو على كيفك هذي صحتك تبي تهملها
عبدالرحمن : مين الي بيتعب انا ولا انت
ريان : انت بس انا خايف عليك وعلى مصلحتك
عبدالرحمن : خلاص بوقفه معد راح استخدمه
ريان : زين
عبدالرحمن : الا جمانه رجعت البيت ولالا
ريان : اي رجعو بس واضح انها تعبانه مره ولا لها خلق لـ احد
عبدالرحمن : وش قال لكم محمد يوم ماجيت معهم
ريان : قال انك رايح مع خويك
عبدالرحمن : زين
ريان : الحين وش بنقول لهم انك في المستشفى
عبدالرحمن : ماراح نقول لهم شي بنرجع ولا كان صار شي
ريان : وش الي ماكان ولا صار شي الا بتقول لهم وبكلم محمد الحين بقول له
عبدالرحمن : لا تكلمهم
ريان : دامك ماتبي يدرون ليه تسوي كذا
عبدالرحمن : خلاص لايدرون
ريان : وش الي لايدرون الا بنقول لهم اذا رجعنا بس ماراح اقول ليه جيت المستشفى
عبدالرحمن : طيب متى قال دكتور بطلع
ريان : مدري بروح اشوف الدكتور واعلمه انك صحيت
عبدالرحمن : طيب
وطلع ريان
العسكري صالح : شلونك الحين يا استاذ ريان
ضابط ريان : لا الحين افضل
العسكري صالح : زين طيب كيف عبدالرحمن اخوك الحين عسى صحى
ضابط ريان : اي صحى الحمدلله
العسكري صالح : زين الحمدلله
ضابط ريان : شوي وجايك
العسكري صالح : خذ راحتك
وراح ريان لدكتور ودخل عليه في غرفته
ضابط ريان : السلام عليكم
الدكتورعبدالله : وعليكم السلام
ضابط ريان : معليش يادكتور ازعجناك
الدكتور عبدالله : لا عادي بس انت اخو المريض صح
ضابط ريان : اي انا اخوه
الدكتورعبدالله : زين بتكلم معك عن حالته
ارخى ظهره ريان و رجع ظهره لورا
ضابط ريان : تفضل
الدكتور عبدالله : شوف اخوك حالته لازم يقعد في المستشفى عشان نشوف ونتطمن عليه
ضابط ريان : طيب كم يبغى له يقعد في المستشفى
الدكتور عبدالله : والله ما ادري بس شكله يبغى له يوم
ضابط ريان : تمام
الدكتورعبدالله : طيب الحين هو صحى ولا لا
ضابط ريان : اي صحى
الدكتور : زين الحين بنشوف حالته زياده
ضابط ريان : تمام
وطلعو ضابط ريان و الدكتورعبدالله واتجهو لغرفة عبدالرحمن ودخلو لعند
عبدالرحمن
الدكتورعبدالله : السلام عليكم
عبدالرحمن : وعليكم السلام
الدكتور : كيف تحس نفسك الحين
عبدالرحمن: الحمدالله كويس
الدكتور عبدالله : الحمدلله
ضابط ريان : طيب هو الحين متى بيطلع
الدكتورعبدالله : بنشوف حالته الحين بعدين بقولك متى يطلع
ضابط ريان : زين
وطلع الدكتور وقعد ريان على سرير عند عبدالرحمن
عبدالرحمن : شعندك جاي بلبسك حق دوام
ريان : طالبين فريق عشان يعرفونك من انت وكلموني وجيت معهم وعرفتك من يوم شفتك
عبدالرحمن : اها طيب اسمع دق على جمانه
ريان : طيب
وقعد ريان يتلمس جيوبه
عبدالرحمن : وشفيك
ريان : شكلي نسيت جوالي في طاولة الاجتماع
عبدالرحمن : يوه مو وقته
ريان : وانت وين جوالك
عبدالرحمن : ما ادري وينه ما جابوه لي
ريان : خلاص بروح اكلم صالح يجيبه
عبدالرحمن : طيب
وطلع ريان
ضابط ريان : صالح
العسكري صالح : سم
ضابط ريان : يمديك تروح المركز تشوف غرفة الاجتماعات فيها جوالي واذا لقيته جبه
العسكري صالح : ابشر
ضابط ريان : وانت يا ماجد روح معه
العسكري ماجد : ابشر
وطلعو صالح و ماجد
ورجع ريان دخل لعبدالرحمن
عبدالرحمن : وش صار
ريان : خليتهم يروحون يجيبونه
عبدالرحمن : زين
............**............
بيت ابو عبدالعزيز تحديدًا في غرفة جمانه
كانت تهوجس وتفكر في عبدالرحمن وكان قلبها ناغزها وتحس ان فيه شي
وقامت ولبست عبايتها وطلعت من غرفتها
وطلعت من غرفتها وطلعت وراحت لمجلس الي فيه العيال وطقت باب وفتحت باب
نواف : يمه جني
جمانه : وجع الجني فوقك
سكت نواف ولا قال شي
جمانه : محمد ابغاك ضروري
محمد : طيب
ويوم طلع محمد لجمانه نواف استوعب ان ذي جمانه
نرجع لعند جمانه ومحمد
محمد : سمي وش بغيتي
جمانه : عبدالرحمن رجع ولالا
محمد : لا والله
جمانه : طيب ليه ماشفت ريان معكم وينه
محمد : المركز طالبينه لان عندهم شغله
جمانه : اها طيب دق عليه ابي اكلمه ضروري
محمد : طيب
ودق محمد على ريان وكان ريان مايرد
محمد : مايرد يمكن مشغول
جمانه : يوه بس ياخي احس عبدالرحمن فيه شي قلبي ناغزني
محمد : لا ان شاء الله مافيه الا عافيه اكيد سهران مع خويه او بينوم معه
جمانه : لا ما اتوقع لان طلع من المستشفى وهو معصب مني
محمد : لا ان شاء الله مافيه شي وانتي لاتفكرين فيه لان مافيه شي
جمانه : زين اجل اذا دق عليك قول له يدق علي ضروري
محمد : ان شاء الله
وراحت جمانه ودخل محمد لمجلس
سلمان : وشفيها
محمد : تسال عن ريان و عبدالرحمن
سلمان : وش دراها إن عبدالرحمن و ريان طالعين
محمد : عبدالرحمن طلع من يومنا في المستشفى و ريان تقول وينه ماشافته معنا
سلمان : زين طيب اخوك عبدالرحمن متى ناوي يرجع
محمد : والله ما ادري عنه
............**............
في المستشفى عند عبدالرحمن
ريان : وربي اني تعبان مره
عبدالرحمن : ليه من وش
ريان : منهلك مره ابي ارقد
عبدالرحمن : نم على كنب
ريان : ما ابي
والا ينطق باب الغرفه
ريان : تفضل
الايدخل العسكري صالح
ريان : لقيتوه ولالا
العسكري صالح : لا والله
ريان : اجل نسيته في البيت تمام مشكور ماتقصرون خلاص ارجعو لمركز
العسكري صالح: شلون بترجع
ريان : بخلي اخوي يجيني
العسكري صالح : تمام
وطلع العسكري صالح وقفل الباب معه
عبدالرحمن : وش بتسوي وانت مامعك جوالك
ريان : بيجيبون جوالك وبندق منه
عبدالرحمن : زين
ريان : من جت جمانه و وجها مو عاجبني احس فيها شي
عبدالرحمن : اي عارف انا
ريان : وشفيها
عبدالرحمن : انا ضايق عليها قبل لا اطلع من المستشفى
ريان : ليه تضيق عليها
عبدالرحمن : مهمله نفسها لا تاكل ولا تهتم بصحتها ولا شي
ريان : كلمها بطيب لاتضيق عليها
عبدالرحمن : يصير خير
والا يدخل عليهم الممرض
الممرض : السلام عليكم
عبدالرحمن و ريان : وعليكم السلام
الممرض : هذا جوالك
عبدالرحمن : اي والله الله يعافيك
وطلع الممرض
ريان : بتدق على مين
عبدالرحمن: محد
............**............
عند جمانه في غرفتها
دخلت في غرفتها وهي تفكر في عبدالرحمن لان ماتعرف وش صار له
وانسدحت في سريرها و مازالت تفكر في عبدالرحمن والا فجاة يرن
جوالها وتمسك على طول وتشوف مين دق عليها ويطلع عبدالرحمن
عبدالرحمن : الو
جمانه ماسكه بكيتها : هلا
عبدالرحمن : جوجو وشفيه صوتك متغير
جمانه بغصه : لا مافيني شي
عبدالرحمن : متاكده
جمانه: اي مافيني شي الا انت وينك
عبدالرحمن : انا
جمانه : اي انت
عبدالرحمن : في .. الا يقاطعه ريان
ريان : لاتقول
عبدالرحمن : ليه
جمانه : وينك فيه ومين الي معك
عبدالرحمن : معي ريان
جمانه : وينكم فيه
عبدالرحمن : في المستشفى
جمانه : ليه وشفيك
عبدالرحمن : تعالي ليه صوتس متغير
جمانه : مافيني شي ومعليك مني وليه انت في المستشفى
عبدالرحمن : مافيني شي
جمانه : ياعبدالرحمن لاتكذب علي الا فيك شي
عبدالرحمن : اذا جيت علمتس
جمانه : تمام
وقفلت جمانه المكان وكانت تفكر ولا نامت
(بيت ابو عبدالعزيز- صباح 6:23 )
كان الكل صاحي
في مجلس ابو عبدالعزيز
ابو عبدالعزيز : وين عبدالرحمن و ريان
سلمان: ريان عنده شغل في دوامه و عبدالرحمن والله ما ادري وينه
ابو عبدالعزيز : دق عليه الحين
سلمان : ابشر
وطلع سلمان جواله ودق على عبدالرحمن
سلمان : الو
عبدالرحمن : هلا
سلمان : وينك
عبدالرحمن : في المستشفى ليه تسال
سلمان : ليه وشفيك
عبدالرحمن : تعبت شوي ورحت المستشفى وشويات وجاين
سلمان : ليه من معك
عبدالرحمن : ريان
سلمان : زين
وقفل من عبدالرحمن
ابو عبدالعزيز : وينه
سلمان : في المستشفى يقول
ابو عبدالعزيز : ليه وش فيه
سلمان : مدري والله بس يقول جاي الحين
ابو عبدالعزيز : زين
............**............
في قسم الحريم داخل
ام محمد : يانجد
نجد : لبيه
ام محمد : وين جمانه مانزلت معكم
نجد : والله يا خالتي مدري وينها ماشفتها
ام محمد : روحي شوفي هي في غرفتها ولالا
نجد : ابشري
وراحت نجد لغرفة جمانه وطقت باب
جمانه : تفضل
نجد : جوجو
جمانه : هلا
نجد : وشفيس مانزلتي تحت معنا
جمانه : لا مافيني شي
نجد : طيب ليه عيونيس حمرا ليه بكيتي
جمانه : مابكيت بس مانمت من امس
نجد : ليه مانمتي وشفيس
جمانه : مافيني شي بس افكر بشي
نجد : وش تفكرين فيه
جمانه : لا ولا شي
نجد : لا فيه شي مستحيل مافيس شي
جمانه : لا مافيني شي
الاتدخل عليهم ميس
ميس : جوجو
جمانه : هلا
ميس : وشفيس ماجيتني تحت
جمانه : مافيني شي
نجد : قولي وشفيس
جمانه بعصبيه:  خلاص مافيني شي اطلعو
ميس : جوجو ياعيوني قولي وشفيس
جمانه : افكر بـ عبدالرحمن ارتحتو عرفتو وش فيني
ميس : ليه وش فيه
جمانه : دق علي ساعه 9 تقريبا قلت له وينه وقال انه في المستشفى
ميس : ماقال وشفيه
جمانه : لا والله
نجد : يلا تعالي تحت ننزل عشان خالتي تبيس
جمانه : يوه وش اقول لـ امي عن عبدالرحمن
نجد : ليه هي ماتدري
جمانه : لا ماقلت لها لان خايفه يصير لها شي
نجد : خلاص قولي لها الحين بس بشويش
جمانه : اي
ميس : اجل يلا تعالي ننزل تحت
نجد : خذي عبايتس لان اتوقع جدي يبي نجتمع كلنا
جمانه : اي هي تحت ماخذيتها
نجد : زين اجل يلا تعالي ننزل
جمانه : تمام
وطلعو من غرفه ونزلو تحت
ام محمد : جوجو ياعيوني وشفيس
جمانه وهي ماسكه بكيتها : مافيني شي بس
ام محمد : بس وش
جمانه : عبدالرحمن داق علي وقال انه في المستشفى
ام محمد : ليه وشفيه
جمانه : يقول مافيني شي
ام محمد : ان شاءالله مافيه شي
جمانه : ان شاء لله
ام محمد : البسي عبايتس لان جدس يبينا كلنا
جمانه : تمام
وراحت جمانه تلبس عبايتها ونقابها
نجد : يلا تعالي نقعد في صاله نحتري جدي
جمانه : تمام
وقبل لايجلسون سمعو صوت بواري
جمانه : عبدالرحمن جاء برا
وطلعو كلهم وقفو عند باب
ابو عبدالعزيز بصوت عالي : ماتشوف شر ياوليدي
عبدالرحمن جاء لعند جده : شر مايجيك ياجدي
بعدين وقف بنص عبدالرحمن
ام عبدالعزيز : سلامتك ياوليدي
عبدالرحمن : الله يسلمك يا يمه
وفجأة جمانه ماقدرت تمسك نفسها وركضت لـ عبدالرحمن وتحضنه بقوه وكانت تبكي
وكانو الكل يناظر فيهم
عبدالرحمن : جوجو مافيني قلت لك مافيني شي
جمانه بصوت بكي : وش الي مافيك شي عبدالرحمن لاتكذب علي
عبدالرحمن سكت ولا قال شي
جمانه : شفيك سكت
عبدالرحمن : هلا لا مافيني شي
ريان : عبدالرحمن
عبدالرحمن : انت اسكت ولا تقول شي
وخرت جمانه عن حضن عبدالرحمن : ليه وشفيك
عبدالرحمن : لا مافيني شي
ابو عبدالعزيز : يلا الكل داخل بكلمك في موضوع
ودخلو داخل كلهم
عبدالرحمن : ياجدي اعتذر انا بروح غرفتي اريح فيها
ابو عبدالعزيز : عذرك معك
جمانه : حتى انا ياجدي بروح وابي ريان يجي معي ابغى اكلمه
ريان : انا
جمانه : لا انا
ابو عبدالعزيز : تمام رحو
وراحو كلهم فوق
جمانه : كلكم داخل في غرفتا
عبدالرحمن : حنا
جمانه : اي
عبدالرحمن : طيب
ودخلت جمانه ودخلو معها عبدالرحمن و ريان
وقعدت جمانه على سريرها وقعدو معها اخوانها
جمانه : عبدالرحمن ليه رايح المستشفى
عبدالرحمن : لا مافيه شي
جمانه : عبدالرحمن قول
ريان : انا بقول
جمانه : اسمعك
ريان : الاخ عبدالرحمن يوم طلع من عندكم ( كمل لها سالفه )
جمانه بعصبيه : ليه ياعبدالرحمن رجعت تدخن ليه تبي تدمر صحتك انت
عبدالرحمن : لا
جمانه بعصبيه : طيب ليههه ترجع تدخن ومن سمح لك
عبدالرحمن : انا سمحت لنفسي
جمانه بعصبيه قويه وبصوت عالي : اطلع من غرفتي الحين بسرعه ما ابي اشوفك
عبدالرحمن : ليه
جمانه بعصبيه : اطلع الان
ريان : قالت لك اطلع خلاص اطلع
عبدالرحمن : طيب بطلع خلاص لاتاكلوني
وطلع عبدالرحمن من غرفة
ريان : خلاص انتي هدي و ارتاحي
جمانه : تمام
ريان : يلا انا بنزل وبروح انادي عبدالرحمن لان جدي يبنا كلنا
جمانه : يلا
وطلعو من الغرفه و جمانه نزلت تحت و ريان راح لغرفة عبدالرحمن
ريان : عبدالرحمن 
عبدالرحمن : هلا
ريان : سوال بس
عبدالرحمن : اخلص قل وش عندك
ريان : ليه تو رفعت ظغطها بحالها تعبانه ومانامت من امس وانت تجي تزيد عليها
عبدالرحمن : صدق والله توني ادري منك
ريان : بلا طقطقه انت
عبدالرحمن : شايفني اطقطق انا
ريان : اي
عبدالرحمن : طيب
ريان : اقول بس امش ننزل عند جدي
عبدالرحمن : يلا
ونزلو تحت كلهم وقعدو
ابو عبدالعزيز : قاعد افكر بشي ان نسويه هذا شهر ان نسافر ابها
ابو محمد : يوهه من زمان عنها اي والله خن نروح لها
ابو عبدالعزيز : خلاص تم بنروح كلنا ولا واحد يقول لا وبنروح اليوم
الكل : ابشر
ابو نواف : تم
ابو عبدالعزيز : راح نقسم سيارات مين الي راح يروح فيها
الحريم بيوديهم خالد وحنا يارجال بيسوق عبدالعزيز
وعيال بكيفكم انتو وبنات بيسوق فيهم نواف و عبدالرحمن و محمد
فجأة نواف يشرف بمويه الي قاعد يشربها
عبدالرحمن وهو ماسك ضحكته : صحه اشرب زين مره ثانيه
وكانت جمانه تناظر في عبدالرحمن وهي زعلانه منه
ابو عبدالعزيز : جهزو انفسكم من الحين لان بنمشي العصر اليوم
الكل : تم
وكانت ميس تناظر بمحمد وهو نفس الشي يناظر فيها
ابو عبدالعزيز : يلا كل واحد يروح يرتب اغراضه
الكل قام من مكان وراح لغرفته
............**............
في غرفة ميس
كانو جمانه و نجد عندها
ميس : وش جايبكم عندي
نجد : كذا بس بنسولف معس
ميس : الا الحمدلله على سلامت عبدالرحمن
جمانه عصبت من ميس جابت طاري عبدالرحمن : الله يسلمك
ميس : وشفيس يوم جبت طاري عبدالرحمن تغير وجهس
جمانه : لاتجبين طاريه متهاوشه معه
ميس : ليه وشفيكم
جمانه : لاتساليني انا وخلاص قفلو الموضوع
ميس : تمام
وسكتو البنات وطلعت جمانه من غزفة ميس
نجد : احس بينهم شي قوي
ميس : اي حتى انا احس بينهم هواش قوي
نجد : ان شاءالله مايكون شي قوي
ميس : ان شاءالله
............**............
في غرفة جمانه
كانت ترتب اغراضها والا فجأة يجيها اتصال من صديقتها ساره
جمانه : هلا
ساره : هلا والله من زمان عنس ياجوجو
جمانه : حتى انتي والله يا سوسو وينس محد تدقين علي ولا شي
ساره : والله انشغلت مع اهلي لان عندنا عرس بنت خالتي
جمانه : مبروك اي وحده من بنات خالاتك
ساره : الله يبارك فيس شذى عرفتيها
جمانه : اي عرفتها ياحليلها شذو راح تتزوج
ساره : اي والله مع ان مافي فرق بينا الا سنه وهي تزوجت قبلي
جمانه : ماشاءالله جاها نصيب وان شاءالله يجيني ويجيك النصيب
ساره : ان شاءالله
جمانه : الا صح تعالي وش اخبار ديمه
ساره : طيبه الحمدلله اخر مره شفتها صدفه في السوق
جمانه : عاد والله اني مشتاقه لها اخر مره شفتها في الثانوي
ساره : ان شاء الله نتجمع كلنا
جمانه : ان شاءالله
ساره : شرايك اليوم نطلع
جمانه : والله ما اقدر لان اليوم بنمشي لـ ابها حنا وعماني و عماتي وبنات و العيال واخواني
ساره : ما شاءالله
جمانه : قاعده ارتب شنطتي ومحتاره وش اخذ معي
ساره : خذي شي ثقيل معس لان هناك برد مره
جمانه : اي اكيد باخذ ثقيل
ساره : زين
جمانه : يلا عاد تبين شي
ساره : لا سلامتس
جمانه : مع سلامه
ساره : مع سلامه
وقفلت جمانه من ساره وكملت ترتيب شنطتها
............**............
(بيت ابو عبدالعزيز- العصر 3:35)
ابو عبدالعزيز : يلا خلصتو كلكم ولالا
ام عبدالعزيز : اي جاهزين
ابو عبدالعزيز : اجل يلا ياعيال ركبو شنط لسيارات
الكل : ابشر
وراحو يركبون الشنط
ام عبدالعزيز : يابنات خلو العيال يركبو الشنط حقتكم
جمانه : لا ياجدتي حنا بنركبها عشان فيها اشياء
ام عبدالعزيز : براحتك