اعانق أمانيكَ مهما ذَقتَ مِن تعب من ذا الذي نالَ مايهوى بلا تعب !

6

.
.
.
.
جمانه : لا مافيني شي بس يكفيني وجودك معي
نواف : ياعمري انتي
جمانه يوم قفلت جوالها وبعد ربع ساعة تقريبا وصلو لبيت جدها
ويوم دخلو البنات ودخلو الغرفه وقعدو يسولفون بعدين جمانه سكتت شوي وقعدت تهوجس بعدين تطلع منها دموع بعدين تجي عندها ميس 
ميس : جوجو ياعيوني وشفيك
جمانه قعدت تبكي بقوه ماقدرت وحضنت ميس على طول لان حست هي اقرب وحده لها
جمانه : ميس احسني متضايقة مدري وش فيني
ميس : ياعيوني انتي والله شوفي نامي و ارتاحي وان شاء الله تروح منك الضيقة
جمانه يوم قعدت في مكانها ونامت بعدين يوم صحت على ست صباح وقعدت تتمشى بعدين يطلع لها نواف ويجي عندها
نواف : ياهلا بقلبي اي كذا ينور صباحي بوجودك
جمانه : نواف ترا استحي
بعدين حضنته ومسك يديها
نواف : فديت الي يستحون انا
بعدين جمانه كانت بتروح بس وقفت
جمانه : بسالك شي
نواف : اسالي ياعيوني
جمانه : اخواني صحو
نواف : اي صحو
جمانه : تمام اجل رح اقعد معهم بسوي لكم فطور و اجيبه لكم
نواف : تمام ياعيوني بذوق الفطور منك
جمانه : تمام
ويوم راحت تسوي فطور ويوم خلصت بتروح تسويه بعدين يوم طلعت الا يطلع في وجها خالد ولد عمها ثامر
خالد : هلا جمانه كيفك اخبارك من زمان عنكم
جمانه : طيبه الحمدلله والله مانجي الديره لان نكون في الرياض عند خوالي
خالد : تمام
يوم خالد راح
جمانه راحت تودي لهم
جمانه : هاذا فطوركم تبغون شي
محمد : لا ياعيون اخوك تسلم يدك على الفطور
جمانه : الله يسلمك
ويوم طلعت جمانه من المجلس وراحت عند البنات وقعدت عندهم
الجوهره : جوجو وديتي الفطور عند المجلس الشباب
جمانه : اي وديته
ميس : جمانه ابي كلمك برا شوي في موضوع
جمانه : تمام يلا تعالي برا
ميس : يلا
جمانه : قولي يلا محد عندنا
ميس : شفتي ولد عمك الي طلع لك
جمانه : قصدك ولد عمي ثامر الي هو خالد
ميس : اي
جمانه : اي وش فيه
ميس ابتسمت : مدري شلون اقول لك
جمانه وهي تبتسم : تحبينه
ميس وهي تضحك : مدري
جمانه وهي تضحك : الله اذا تحبين خالد عاد هو كبر محمد
ميس : صدق
جمانه : اي عاد حبيتي واحد الكل يحبه ومحبوب الكل
ميس استحت : ياخي مدري شلون اقول لك اني استحيت يوم طلع في وجهي وكان يناظر فيني وبعدين انا رحت عند البنات
جمانه : اوههه الحب بدايته النظره هذي بيكون وراها شي حلو مره ان شاء الله يكون يحبك ويجي تقدم لك من الباب
ميس استحت مره : ان شاء الله يلا عاد خن نرجع للبنات داخل 
جمانه : يلا تعالي ندخل
الجوهره : وين رحتو
جمانه : طلعنا شوي لان ميس تبي تكلمني بموضوع
الجوهره : اها تمام بنات تعالو نسوي فطور لنا
جمانه : يلا
ويوم قامو البنات كلهم و راحو لل مطبخ يسون اكل
_______
عند الشباب
محمد : نواف تعال العب معنا
نواف : تمام
ويوم قعدو يلعبون مع بعض قال
عبدالرحمن : شباب وش رايكم نطلع مع بعض
نواف : اي والله خن نطلع نغير جو شوي
محمد : اي تكفى خن نطلع يا عبدالرحمن
عبدالرحمن : ماطلبتو شي نطلع الحين بس يامحمد علم امي وابوي وقل لهم ان راح نطلع مع العيال وعلم عماني وعماتي
محمد : تم معليك انا بروح لهم الحين
ويوم محمد راح لل امه وابوه يوقول لهم انهم بيطلعون
ام محمد : تمام ياوليدي وانتبوه لنفسكم
ابو محمد : طيب رحو انبسطوا الله يحفظكم
محمد : من عيوني ماطلبتي شي يا اميمتي
ويوم محمد راح يقول لعمه ثامر
محمد : ياعمي جيتك واخبرك ان حنا والعيال طالعين وإذا تبغى شيء ارسل لي واذا يبون شي عماني ارسل لي وابشرو
ابو خالد : تمام اذا بغينا شي ارسلت لك وانتبهوا لنفسكم
محمد : ماطلبت شي ياعمي
يوم محمد راح يعلم العيال انه علم اهله وعمه
عبدالرحمن : يلا اركبو سياره
نواف : دقيقة يا عبدالرحمن بروح دورة المياه واجي
عبدالرحمن : يلا
يوم راح نواف دورة المياه وشاف بنت موجوده يوم لفت طلعت الجوهره يوم شافته ابتسامت وابتسم لها وطلعت
ويوم خلص نواف من دورة المياه راح مع العيال ركب السيارة
________
عند البنات
الجوهره دخلت عند البنات وهي تبتسم شأفتها جمانه
جمانه : وشفيها جوجو تضحك و تتبسم
الجوهره : لا مافيه شي
ايلان : الجوهره الا فيك شي قولي
الجوهره وهي ودها تقول بس ماودها : اسمعو بقول لكم شي بس يبقى بينا محد يعرف
الكل : قولي
الجوهره : حبيت
جمانه وهي مصدومه : الجوهره تحبين لا والله ماني مستوعبة بنت سعد تحب لا والله
الجوهره وهي تضحك : ليه حرام علي وحلال عليتس عادي بنت سعد تحب
جمانه وهي تضحك : لا بس انا مستغربه طيب اسمعي اشرحي لنا شكله
الجوهره : تمام بنات تكفون هو ملامحه تجنن تدوخ مره ياخي وطوله يجنن ماشاءالله وعيونه حلو والابتسامة اهخخ تدوخ
وقعدت الجوهره تكلم توصف لهم عن نواف
ميس : الجوهره لو اقولتس ذا مين بتنصدمين
الجوهره : ليه تعرفينه ؟
ميس : اي هو اخوي نواف
فجاة جمانه سكتت ومعد قالت شي
الجوهره : اهخخ والله ياميس ماشاءالله اخوك حلو
جمانه وهي تناظر في الجوهره وكانت ماسكه دمعتها :  اها ماشاءالله
وبعدين لفت ميس على جمانه وشافت انها ماسكه صحيتها
ميس : علامتس يا جمانه
جمانه وهي فيها الغصه : لا مافيني شي بس شوي تعبانة بطلع اشم هوا شوي
ميس كانت تناظر جمانه وهي حاسه ان جمانه فيها طلعت جمانه وكانت تبكي
_________
عند العيال
عبدالرحمن : وش تبون اشغل لكم من المسجل
ريان : عادي اي شي
وفجاة يجي إتصال لعبدالرحمن من ( جوجو ❤️)
عبدالرحمن رد على جمانه وسمع انها تصيح
عبدالرحمن : جوجو ياعيوني علامتس قولي وش فيك
جمانه وهي تبكي وكاتمه الغصه : لا بس متضايقة شوي وحبيت اسمع صوتك
عبدالرحمن : لا فيتس شي قولي
جمانه فجاة قعدت تبكي اقوى : لا مافيني شي
عبدالرحمن : ياجوجو لاتخليني اخاف عليتس قولي وش بلاتس
فجاه يقول يلف محمد على عبدالرحمن
محمد : عطني الجوال وانت خلك مع سواقه
عبدالرحمن : لا يامحمد بوقف على جنب وبنزل اكلم جمانه لان مدري وش فيها تبكي
وفجاة لف نواف على عبدالرحمن
نواف : علامكم يا محمد و عبدالرحمن
محمد : لا مافينا شي
نواف : متاكدين
محمد : اي معليك متاكدين
وفجاة عبدالرحمن يوقف على جنب وينزل يكلم جمانه
عبدالرحمن : جوجو ياعيون اخوك قولي وشفيك قولي وش الي في قلبتس
جمانه وهي تبكي بقوه : عبدالرحمن ابي اطلع معك لحالنا ابي اكلمك بموضوع
عبدالرحمن : ماطلبتي شي من عيون هذي قبل هذي طيب اسمعي بعد ساعتين نطلع
جمانه : تمام
ويوم قفل عبدالرحمن من جمانه راح يركب السياره
محمد : وشفيها جوجو
عبدالرحمن : لا مافيها شي بس تبي تكلمني في موضوع
محمد : زين الحمدلله خفت ان فيها شي او امي وابوي فيهم شي
عبدالرحمن : لا مافيهم شي
_________
عند البنات
جمانه يوم راحت تدخل عند البنات وكانت عيونها حمرا
الجوهره : جوجو علامتس
جمانه وهي تناظر الجوهره بحقد : لا مافيني شي
الجوهره : تمام
ميس : جمانه علامتس متضايقة
جمانه وهي فيها غصه : لا يا ميس مافيني شي بس بعد شوي بروح مع اخوي لان هو طالع مع العيال وبعد شوي بيجي وبيحطهم وبروح مع اخوي
ميس : زين
ويوم جمانه قعدت في مكانها وهي ماسكه جوالها الا يرسل لها نواف
نواف : جوجو ياعيوني علامتس فيتس شي
جمانة شافت الرسالة من برا ولا ردت وقفلت جوالها وبعد ماجاء اخوها بعد ساعتين ارسل لها
عبدالرحمن : جمانه يلا انا احتريس تعالي اركبي سياره
جمانه : يلا انا جايه الحين
ويوم طلعت ولبست عبايتها ويطلع في وجها ولد عمها و نواف وكانو يناظرون فيها و جمانه كانت عيونها حمرا ولبست نظارات عشان
محد يشوف عيونها لانها حمرا وركبت سياره وشافها عبدالرحمن
وقال لها
عبدالرحمن : جوجو ياعيون علامتس جمانه : لا مافيني شي بس خن نطلع من بيت جدي الحين
عبدالرحمن : تمام
ويوم راحو مكان بعيد وراحو عند البحر وكانو في سياره ولا نزلو
عبدالرحمن : يلا تعالي ننزل
جمانه : يلا
ويوم نزلو و راحو يقعدون عند البحر
عبدالرحمن : جوجو ياعيون اخوتس علامتس من الي مخليك تتضايقين
وفجاة جمانه قعدت تبكي بقوه
عبدالرحمن : لالا ما ابي هذي الدموع تنزل
جمانه وهي تحترق : دحوم انا بعترف لك بشي
عبدالرحمن : يا امي قول لي كل شي بقلبتس لاتخبين علي بشي يا عيون اخوتس
جمانه : دحوم شف انا احب نواف ولد خالتي سميه
وكانت جمانه تقول له كل شي من بداية حبهم الي نهاية
جمانه : واليوم دخلت علينا الجوهره بنت عمي سعد قالت لنا انها تحب واحد وقعدت توصفه لنا وفجأة قالت لنا ميس انه اخوها نواف وانا كنت ببكي عندهم وماقدرت وعشان كذا اتصلت عليك وانا ابي
وفجاة حضنها عبدالرحمن
عبدالرحمن : ياعيون اخوتس انتي شوفي انتي صح تحبين نواف وتغارين عليه و اسمعي ياعيون اخوتس نواف انا اعرفه زين مستحيل يحب احد غيرتس ان كان يحبتس صدق وشوفي لاتبكين عيونتس ولا تخلينها تتعب وانتي لاتتعبين نفسك
جمانه : تمام يا عبدالرحمن بس اسمع لاحد يدري اني علمتك اني احب نواف بيني وبينك تمام
عبدالرحمن : ماعليتس ياعيون اخوتس ماحد راح يدري
وبعدين جمانه حضنت عبدالرحمن وبعدين مسكة يده
جمانه : دحوم شرايك نرجع البيت
عبدالرحمن : يلا
راحو يركبون سياره
_____________
عند الشياب
ابو محمد : شرايكم نكشت بكره
ابو خالد : اي والله من زمان ما طلعنا مع
بعض
سلمان : اي يبه نبي نطلع نغير جو
ابو راكان : اي والله خن نغير جو
ابو محمد : خلاص تمام بس ارسلو في قروب علمو الباقي
بيت الجد
الجد (عبدالرحمن) عمره 82
الجد حنون مره ويحب احفاده مره ويعتبرهم عياله
الجده ( منيره ) عمرها 81 حنونه مره وتحب الكل حتى احفادها وحريم عيالها كلهم
ولدهم الكبير (عبدالعزيز) العمر 45 هو حنون شوي و عصبي في الاشياء الجديه
ولدهم ثاني (سعد) العمر 43 عصبي مره بس يحب زوجته مره وحنون عليها وشديد على بعض الاشياء وعنده بنتين بنات و ثلاث اولاد واسم زوجته مها
بنته الكبيره الجوهره عمرها 17
بنته ثانيه رغد عمرها 15
ولده هتان كبير 20
ولده مشاري ثاني 18
ولده خالد اخر العنقود 11
ولدهم ثالث ( ثامر ) يحب الهدوء ويحب اخونه كلهم العمر 41 حنون على الكل ويحبهم وعنده اربع بنات و ولد واسم زوجته جواهر
بنته الكبيره ساره عمرها 20
بنته ثانيه لمار عمرها 18
بنته ثالثه اريج عمرها  16
بنته رابعه رزان عمرها 12
ولده الوحيد خالد عمره 19
ولدهم رابع ( خالد ) هادي ولا يحب الهواش و توأم ثامر وعمره 41 وعنده  ثلاث اولاد وعنده بنت وحده واسم زوجته غلا
بنته نجد ( البطله ) عمرها 20
ولده اول زياد عمره 18
ولده ثاني طلال توأم زياد عمره 18
ولده ثالث عبداللطيف عمره 17
ولدهم الخامس (إبراهيم) حنون وعنيد شوي و عمره 35
و عنده ولد واحد وبنت وحده وزوجته اسمها ريمه
بنته اول ميرال توأم فهد عمرها 15
ولده اول فهد توأم ميرال عمره 15
ولدهم اخر العنقود ( صالح ) العمر 27 وعنده بنت وحده واسمها سلمى واسم زوجته اديم
بنتهم الكبيره ( منى ) عمرها 44 حنونه وتحب جمانه و نجد مره بحسبة بناتها وعندها ولد واحد وبنت وحده
اسم زوجها فراس عمره 48
ولدها اول ملهم عمره 21
بنتها اول نوره عمرها 18
بنتهم ثانيه ( نوره ) عمرها 42 وعندها ولد واحد وتحب نجد و جمانه لأنه ماعندها بنات
اسم زوجها فارس عمره 44
ولدها الوحيد محمد
بنتهم ثالثه ( هيا ) عمرها 39 عصبيه شوي و بس اذا عصبت تراضيهم وعندها ولد و بنتين
واسم زوجها عبدالله
بنتها اول ندى عمرها 18
بنتها ثانيه لطيفة عمرها 16
ولدها الوحيد عبدالرحمن 20
بنتهم الاخيره ( حور ) عمرها 29 تحب الكل وماتحب تكسر خاطر احد وعندها توائم صغار
ردينا و منيره  اعمارهم ثلاث سنين
اسم زوجها سلطان
هاذا الجزء تعريف الشخصيات بيت الجد والجده
عند عبدالرحمن و جمانه
عبدالرحمن : جمانه ياعيون اخوتس يلا وصلنا
جمانه : يلا مع سلامه بروح عند البنات وأنت انتبه لنفسك
عبدالرحمن : ماطلبتي شي ياعيون اخوتس
يوم نزلت جمانه كان نواف يناظر فيها وهي تمشي سوت نفسها ماتشوفه ودخلت عند البنات وراحت عند ميس
ميس : ماشاءالله القمر فرحان مره
جمانه : لا بس طلعت مع اخوي دحوم
ميس : ماشاءالله الله يديمكم له ويديمه لكم
جمانه : امين
الجوهره : ميس
ميس : هلا ؟
الجوهره : خالتي ام نواف تبيك
ميس : تمام جايه الحين
_____
عند الامهات
ميس دخلت وراحت عند امها
ام نواف : ميس تعالي يا بنيتي ابيتس اكلمتس في موضوع
ميس : وش بغيتي يا اميمتي
ام نواف : وش فيه اخوتس مايرد علي
ميس : يمه يمكن مع الشباب برا
ام نواف : يابنيتي والله اني خايفه على اخوتس يسوي في نفسه شي
ميس : لا معليتس يا اميمتي ماراح يسوي في نفسه شي وانا بروح لجمانه تدق على احد من اخوانها وبشوف وين نواف و اتطمن عليه
ام نواف : تمام يابنيتي
يوم ميس راحت لبنات
جمانه : وشفيها خالتي
ميس : لا مافيها شي بس خايفه على نواف لان مايرد عليها
الجوهره : ليه لايكون فيه شي
جمانه وهي تناظر بحقد : وجع انتي انتبهي لكلامتس زين
ميس : خلاص انتي وياها جوجو دقي على احد من اخوانتس يشوفون وين نواف
جمانه : تمام بدق على محمد
ميس : اي والله تكفين
جمانه : الو محمد كيفك
محمد : طيب الحمدلله وانتي كيفتس ياوخيتي
جمانه : طيبه الحمدلله محمد بسالك شي
محمد : تفضلي ياعيون اخوتس
جمانه : نواف عندكم ولالا لان خالتي خايفه عليه مايرد
محمد : لا والله مو عندنا شكله قاعد برا بس بخلي عبدالرحمن يطلع يشوفه
جمانه : يلا عشان اروح اطمن خالتي
محمد : يلا بنروح انا وعبدالرحمن نشوف
يوم محمد طلع وهو عبدالرحمن وكان محمد حاط جواله على اذنه عشان يقول لجمانة وشافوه عبدالرحمن و محمد
عبدالرحمن : وشفيك يا نواف ضايق صدرك
محمد : يا جمانه طمني خالتي على نواف انه طيب
جمانه : طيب بقول لها بس سمعت عبدالرحمن ان هو فيه شي
محمد : لا معليتس
جمانه : تمام بروح اعلم خالتي
محمد : يلا مع سلامه
ويوم جمانه تطمنت عليه قالت لميس عشان تتطمن وتعلم امها
ميس : الحمدلله الله يطمنتس
جمانه : يلا عاد ارسلي لخالتي انه مافيه شي
ميس : اي والله
وميس ارسلت ل امها تطمنها على اخوها
ميس : اميمتي ترا نواف مافيه شي وقاعد مع شباب
ام نواف : تمام ياعيوني
ميس : اهخخ والله صدق الحمدلله ان نواف بخير
الجوهره : اي والله الحمدلله لان كنت احسب صار له شي
جمانه وهي تناظر بحقد وكره : وش قلت لتس انتبهي لكلامتس مره ثانيه
الجوهره : وجع ماقلت لتس شي بس اهم شي ان نواف مافيه شي
جمانه وهي معصبة : الجوهره لاتخليني اقوم عليتس
الجوهره : لا خلاص
ميس : خلاص انتي وياها اهجدو
بعد خمس دقايق يدق جوال ميس باسم ( اخوي نواف 🩵)
ميس : هلا والله نواف وشفيك ماترد من كم ساعه
نواف : والله وانا اخوتس متضايق وضاقت فيني الدنيا
ميس : وشفيك ياعيون اختك قل لي وشفيك
نواف : البسي عباتس واطلعي باخذك معي
ميس وهي خايفه على نواف انه في شي : يلا الحين اطلع لك
نواف : يلا انا احتريتس برا
وبعدها قفلت ميس وراحت تلبس عبايتها وشافتها جمانه
جمانه : على وين
ميس : بروح مع نواف مدري وشفيه يقول انه متضايق ويبي يطلع معي
جمانه وهي خايف عليه : اها تمام طمنيني عليكم اذا وصلتو
ميس : تمام
ويوم طلعت جمانه مع ميس وشافت نواف انه متضايق مره وكان واضح عليه
ميس : يلا جوجو مع سلامه
جمانه : مع سلامه انتبهي لنفسك
ميس : ابشري
وبعدها ركبت السيارة و راحو وجمانه ودخلت داخل
___________
مجلس الرجال
ابو عبدالعزيز : صالح وين سلمى بنتك ماشفتها
ابو سلمى : والله يايبه مع امها قاعده
ابو عبدالعزيز : جبها اشتقت لها
ابو سلمى : ابشر
ابو نواف : ابو محمد وين عبدالرحمن و محمد و نواف مآلهم حس
ابو محمد : الحين اشوف وينهم
ابو نواف : تمام
_________
عند نواف و ميس
فجاة نواف يوم وصل البحر وكان مافيه نور ولا شي بس صوت البحر بعدين قعدو
ميس : نواف وشفيك قول لي
نواف وهو ضايق صدره :والله مدري وش اقولتس يا اوخيتي
ميس : قل ياعيون اوخيتك
نواف حط راسه على كتف ميس : اهخ يا ميس اهخ الحب عذبني
ميس : ماشاءالله من تحب مين الي معذب قلبك
نواف : اخت عبدالرحمن جمانه
ميس وهي منصدمه وتناظر في نواف : صادز انت
نواف : يعني بكذب عليتس حبيتها من اول يوم داومت الجامعة
ميس : ماشاءالله طيب اسمع يا عيون اختك انت ليه متضايق كذا
نواف وهو يقفل عيونه : اهخخ يا ميس مدري وش اقولتس
ميس : قول ياعيون اختك
نواف : اليوم في دورة المياه دخلت وكانت في بنت من اهل محمد وطلعت بنت عمه بس مدري من هي وبعدين لفت علي وناظرت فيني وابتسمت وانا طلعت ورحت مع العيال ويوم كنا في سياره دقت جمانه على عبدالرحمن و كان عبدالرحمن متوتر وهو يكلمها
بعدين نزل من سياره و قعد
.
.
.
.
.
( ها كيف يوم عرفتو إن الجوهره تحب نواف )
بس الحقيقة انا انقهرت ليه الجوهره تحبه 😢
يلا اهم شي جمانه اعترفت لعبدالرحمن انها تحب نواف 🥹 ويوم نواف اعترف لميس عن حبه لجمانه 😢