اعانق أمانيكَ مهما ذَقتَ مِن تعب من ذا الذي نالَ مايهوى بلا تعب !

33

^سبحان الله وبحمده سبحان الله العظيم ^
.
.
طلع من الغرفه واتجه لصاله وقعد وحط يده بشعره وقعد يفكر
فجاة دخلت عليه جمانه وهي تبكي وجها كله دموع
جمانه بصوت مبحوح ودموع: اذا تبي تتخلص مني تخلص مني الان لاتخليني اقعد معك وانت تبي تتخلص مني وانت تعطيني وجهك ثاني اذبحني الحين لاتخليني اقعد معك وانت تخطط تتخلص مني
نواف تنهد وقام لين وصل لعندها
نواف : من قال اني ابي اتخلص منك ياجمانه انتي دنيتي كلها كيف اتخلص من دنيتي
جمانه بصوت مبحوح : اي قول كلام حلو علشان تجيب راسي وتنسيني انك تبي تتخلص مني يانواف انسى انك تحاول تجيب راسي بكلامك انسى فاهم انسى ومستحيل اكمل معك اذا رجعنا السعوديه ورقة طلاقي توصل لي فاهم ولا ولا اسوي شي مايعجبك
نواف : لاحول ولا قوة الا كيف بفهمك انتي الحين اسمعي يروحي ترا مو انتي الي اقصدك فيه
جمانه : ما اقدر اكمل معك دام تبي تسوي كذا فيني انا بروح اجهز اغراضي ونرجع اليوم ل السعوديه ومالي كلام معك فاهم
نواف بحده : ماحنا راجعين اليوم وبتقعدين وبفهمك وش الي سمعتيه
جمانه تحاول تخفي دموعها : خلاص مالي كلام معك
ويوم لفت بتدخل الغرفه سحبها مع يدها وجلسها بكرسي
نواف بحده : علامك انتي قلت لك اجلسي وبتكلم معك
جمانه لفت وجها ولا تكلمت
نواف : يوم سمعتي وانا اتكلم ما اقصدك كنت ابي اتخلص من ربى ومشاكلها الي سوتها فيني والي كلمني واساس هو الي ارسلك وهو كلمني وندمان وقال انه ندمان وهي كذبت عليك انها ساحرتني وهو اسمه فيصل
جمانه لفت وجها وبدت تطالع في وجه نواف
نواف : صدقتي الحين
جمانه : لا
وفجاة رن جوال نواف
نواف : الو
فيصل : هلا نواف
وحط نواف سبيكر
نواف : هلا وش بغيت
فيصل : ربى مخططه عليكم بشي جديد
نواف تنهد : وش بعد
فيصل : بترفع عليك قضية تحرش والطفل الي بطنها بتزور اوراق وبتقول انه طفلك
نواف : لا ذي تعدت المرحله انا ألي بتفاهم معها طيب ماعرفت من ابوه
فيصل : اذا بغيت شي انا موجود ولا تخاف بصير معكم و بوقف ضدها اي عرفت من ابوه مع انه بحرام بس خله اذا جيت السعوديه شرحت لك كل شي بتفاصيل علشان نعرف وش نسوي
نواف : والله ماتقصر يا فيصل
فيصل : هذا واجبي
نواف : يلا تامر على شي
فيصل : لا سلامتك
نواف : مع سلامه
وقفل نواف ولف لجمانه
نواف : الحين صدقتي ارتحتي ان الي ابي اتخلص منها ربى مو انتي
جمانه : طيب ليه تخبي علي الموضوع هذا ليه تخبي علي يانواف
نواف : يعيوني انتي والله ماكان ودي ينشغل بالك على شي مايتساهل ولا ابيك تفكرين وحنا مسافرين
جمانه : اذا رجعنا بتشرح لي كل شي بتفاصيل
نواف : ابشري وش بعد بغيتي
جمانه : ولا شي
نواف : ماودك نطلع نفطر
جمانه : لا ابي نفطر هنا برا عند بلكونه الجو حلو
نواف : ابشري ماطلبتي شي من عيوني
وراح نواف يطلب الفطور وراحت جمانه تغير ملابسها ولبست فستان ابيض قصير عاري الكتوف وطوله قصير
وحطت لها مكياج
نواف : جمانه يلا تعالي الفطور جاء
جمانه : تمام
وطلعت وراحت لعند فطور وشاف نواف مو فيه
وفجاة يحاوط خصرها من ورا ويستنشق عطرها الي سحرته بثواني
نواف : وش سويتي فيني يابنت عبدالعزيز
جمانه : ماسويت شي
نواف : الا سحرتيني فيك بكلك اتقيني علشان ما اموت فيك
جمانه ابتسمت بخجل : نواف خلاص تراني استحي
نواف بضحكه : فديت الي يستحون يلا خن نفطر
ويوم بتلف مسكها نواف وجلسة بحضنه
اشكالهم ⬇