اعانق أمانيكَ مهما ذَقتَ مِن تعب من ذا الذي نالَ مايهوى بلا تعب !

14

.
.
.
.
.
في بيت ابو عبدالعزيز
ام عبدالعزيز : يابنات جهزتو ولالا
نجد : جمانه مدري عنها
ام عبدالعزيز : طيب خلاص روحي ساعدي البنات في المطبخ
نجد : ابشري
راحت نجد عند البنات في المطبخ
نجد : السلام عليكم
الكل : وعليكم السلام
نجد : تبون اساعدكم بشي
ام محمد : لا انتي روحي شوفي جمانه صحت ولالا
نجد : اي انا صحيتها
ام محمد : زين
............**............
مجلس ابو عبدالعزيز
ابو عبدالعزيز : محمد
محمد: سم
ابو عبدالعزيز: رح شف جهز الشاهي و القهوه
محمد : ابشر
وطلع محمد من المجلس وراح لباب المطبخ خارجي الي ورا ودق الباب
محمد : ياولد
ام محمد : ميس بنيتي روحي شوفي محمد وش يبغى
ميس : ابشري
وراحت ميس تاخذ طرحتها عشان تشوف محمد
ميس : هلا بغيت شي
محمد : جهز الشاهي و القهوه ولالا
ميس : اي جاهز بجيب لك
محمد : طيب
ودخلت ميس تجيب الشاهي والقهوه لمحمد
ميس : تفضل
يوم مدت له القهوه الا فجاة ميس ترجف
محمد : لاترجفين
ميس بتوتر: لا عادي لان يدي كذا فجاة ترجف
محمد : زين انتبهي لنفسس
ميس : ابشر
محمد : تبشرين بالجنة
وراح محمد ودخلت ميس لمطبخ وهي مستحيه
نجد : وشفيها الحلوه مستحيه
ميس : لا مافيني شي
نجد : متاكده ولا فيك شي
ميس : اي متاكده مافيني شي
نجد : زين
ميس : انا بروح اشوف جمانه
نجد : تمام
ميس : تبغين شي
نجد : لا الله يعافيتس
وطلعت ميس وراحت لجمانه فوق في غرفتها وطقت عليها الباب
جمانه : تفضل
ودخلت ميس عليها
ميس : ماشاءالله حلوه صاحيه
جمانه : اي
ميس : ماشاءالله كاشخة عشان مين
جمانه وهي تلبس السلسال: مو عشان احد بس عشان اليوم العزيمه بكشخ
ميس : زين
ميس : جوجو وشفيه وجه متغير مره فيتس شي
جمانه : لا مافيني شي
ميس : متاكده
جمانه نزلت راسها بضيق : اي مافيني شي
ميس : الا فيتس شي
جمانه : لا خلاص غيري الموضوع
ميس : بس لازم اعرف وش فيتس
جمانه : اذا راحو الحريم قلت لتس
ميس : تمام
جمانه : اسبقيني بجي وراك الحين
ميس : لا بنزل معتس مره وحده
جمانه : تمام على راحتس
............**............
مجلس ابوعبدالعزيز
ابو سلمى : ريان
ريان : سم
ابو سلمى : رح شف سيارتي فيها جوالي ولالا
ريان : طيب
طلع ريان لسيارة عمه وخذ الجوال و رجع لهم
ريان : تفضل ياعمي
ابو سلمى : ماقصرت ياريان
ابو عبدالعزيز : عبدالعزيز مادقو عليك
ابو محمد : لا والله مادقو علي
عبدالرحمن : ياجدي يمكن ماهم جاين
ابوعبدالعزيز: لا انا اعرف اخوياي بيجون ولا يخلوني
ابو نواف : ها يامحمد متى تبي العرس
محمد : على شور البنت
ابو نواف : بناخذ رايك و رايها
محمد : عادي انا اي وقت
ابو نواف : اجل خلاص نشوف راي البنت
محمد : زين
ابو نواف : نواف رح شف راي اختك
نواف : ابشر
طلع نواف من مجلس الرجاجيل و راح مقلط الي يفصل بينهم
............**............
عند جمانه
جمانه : يلا تعالي ننزل
ميس : يلا
وطلعو من الغرفه ونزلو تحت
جمانه : دقيقة بروح اجيب شي من المقلط
ميس : تمام
وراحت جمانه ودخلت
نواف : ياولد
جمانه : بسم الله وش جابك انت
نواف : جاي عشان اكلم اختي ميس
جمانه : خلاص بناديها لك
نواف : تمام
وطلعت جمانه ويوم شافت ميس : ميس نواف يبغاك
ميس : تمام بروح له
وراحت ميس
ميس : هلا بغيت شي
نواف : ابوي يقول متى تبغين عرسس
ميس : بعد ثلاث شهور
نواف : متاكده
ميس : اي
نواف : تمام الله يوفقكم
ميس : امين وان شاء الله تتنزوج بعدي
نواف : ان شاء الله
ميس : وش صار معك انت وجمانه
نواف : ماصار شي
ميس : متاكد
نواف : كلمها عبدالرحمن وانا كنت معه ( كمل لها سالفه كامله ويشرح لها )
ميس : ياعمري هي بس اهم شي راضيه عليك
نواف : اي
ميس : زين
نواف : يلا بروح لـ ابوي اعلمه
ميس : تمام
وطلع نواف و راح لـ ابوه
ابو نواف: وش قالت
نواف : ثلاث شهور
تنهد محمد يوم قال نواف ثلاث شهور
ابو نواف : زين
محمد : نواف
نواف : هلا
محمد : تعال ابغى اكلمك برا بموضوع
نواف : طيب
وطلعو محمد و نواف برا
نواف : هلا وش بغيت
محمد : ابي رقم ميس
نواف : ليه وش تبي فيه
محمد : ابيه
نواف : افكر
محمد : أعطني ولا اعلم سلطان عليك
نواف : ليه وش سويت انا
محمد : تراني كاشفك انت وجمانه
نواف : كيف
محمد : واضحين مره
نواف : خلاص استر علي
محمد : بستر عليك بس عطني رقم ميس
نواف : طيب برسلك على واتس
محمد : زين يلا خن نرجع
نواف : طيب
ورجعو لمجلس
محمد : سلام عليكم
والا فجاة يسمعون صوت سيارات وصلت
ابو عبدالعزيز : جو اخوياي يلا نطلع نستقبلهم
وكلهم قام وطلعو برا يستقبلون ال تركي و ال خالد
ابو عبدالعزيز : يا هلا ويامرحبا
ابو ابراهيم : يا هلا فيك يا عبدالرحمن من زمان عنك وعن عيالك
ابو عبدالعزيز : والله حنا في ديره و تونا جاين نجد
ابو ابراهيم : والله انكم منورين نجد و ترانا جاين ومعنا الاهل
ابو عبدالعزيز: حياهم الله
ودخلو الحريم داخل و ودخلو الرجال المجلس
............**............
عند الحريم
ام عبدالعزيز : ياهلا وسهلا فيكم
ام ابراهيم : ياهلا فيك يا منيره والله مشتاقين لتس ولبناتس وينكم ومختفين
ام عبدالعزيز : والله في ديره وتونا نجي نجد
ام ابراهيم : الحمدلله على سلامتكم
ام عبدالعزيز : الله يسلمك
وقامو كلهم يسلمون على الحريم
والبنات قامو يضيفون الحريم بقهوه والحلا
............**............
مجلس ابو عبدالعزيز
ابو عبدالعزيز : ياولد القهوه
سلطان : ابشر
وقام نواف يصب لهم القهوه
ابو ابراهيم : يا عبدالرحمن ماشاءالله احفادك كبرو محد منهم يفكر بزواج
ابو عبدالعزيز : الا فيه واحد منهم متملك
ابو ابراهيم : ماشاءالله مين
ابو عبدالعزيز : حفيدي اول محمد
ابو ابراهيم : ماشاءالله مبروك يامحمد
محمد : الله يبارك فيك يا عمي
نواف بهمس لعبدالرحمن : ياخي جو الشيبان حلو و غريب
عبدالرحمن : ليه
نواف بهمس لعبدالرحمن : يحبون الديره والاشياء القديمه مره
عبدالرحمن بهمس لنواف: اي والله صدقت
ابو محمد : وشفيكم انتو وياها تتهمسون لبعض
عبدالرحمن : لا مافينا شي
ابو سالم : اي يا عبدالرحمن وش سويت بمحل الذهب الي في ديره
ابو عبدالعزيز : لما الحين موجود
ابو سالم : ماشاءالله
ابو عبدالعزيز : وانت وش سويت بمحل السيوف حقك
ابو سالم : لما الحين ماقفلته واحفادي ماسكينه
ابو عبدالعزيز : ماشاءالله
............**............
قسم الحريم
نجد : بنات شرايكم ناخذ اغراضنا ونطلع لحوش ونقعد وناخذ راحتنا
الكل : اي عادي
وخذو البنات فرشتهم واغراضهم وطلعو برا وقعدو
جمانه : يوه يا سكره من زمان عنتس والله اني مشتاقه لتس
سكره : حتى انا والله يا جوجو مشتاقه لتس ولنجوده
نجد : وهو سكورتي احبتس
سكره ابتسمت : الله يا نجودتي صرت سكورتس
نجد : اي
جمانه : اجل خلي سكورتي تنفعس يا نجد
نجد : اي راح تنفعني
والا فجاة تجمع دموع في عيون جمانه
نجد : وهو ام دميعة بتبكي
جمانه وهي ماسكه بكيتها : لا ماني ام دميعة
نجد : الا
سكره : وه جوجو ياعيوني انتي لاتبكين دموعتس غاليه علي واذا على نجد انا ما ابيها ابيتس انتي خلاص يلا امسحي دموعتس
جمانه : طيب
نجد : اح ماهقيتها منس يا سكره
سكره : احبكم كلكم والله ولا ارضى عليكم و لا ارضى على بنات عمي عبدالله
نجد وجمانه كانو بصدمه ويناظرون بعض
جمانه : دقيقة الحين ميس و خواتها يصرون بنات عمك
سكره : اي
جمانه : وجع وليه ماتتكلمين عنهم
سكره : مدري
نجد : والله لما الحين مصدومه
ميس : عادي
سكره : الا صح جمانه وين بنات عماتك و عمانك الباقي
جمانه : والله ما ادري عنهم
سمر : بنات اسمعو نبي جدول صح
ريم : اي بنات تكفون خن نسوي اشياء كثيره اليوم
سكره : ابشري وانا اختس
ريم : تبشرين بالجنة يا وخيتي
ايلان : خوات مايصلح يقعدون مع بعض لان بيسحبون علينا
لين : اي والله وبعد انهم عيال عمي
جمانه : معلينا من ذا نبي وحده ترقص لنا مصري اختارو وحده
البنات كلهم يصوت عالي : جمانه
جمانه : ما ابي
سكره : تكفين عشاني
جمانه : طيب
وقامت جمانه وحطو لها شي ترقص عليه ويصفقون لها
ميس : عاشت بنت عبدالعزيز
سكره قعدت تزغرط
وبعدين قعدت جمانه وقعدو يصفقون لها
ميس : بنات وش رايكم نلعب اونو
الكل : تمام
وقعدو يلعبون
جمانه : اونو
ميس : لا غش
سكره : لا جوجو ماغشت
ميس : افا يابنت عمي
سكره : معليش والله
ايلان : زعلت منس يا سكره
جمانه : وشفيكم عليها عشان وقفت معي
ميس : خلاص يلا كملو لعب
سحر : نجوده وشفيك تهوجسين
نجد : لا مافيني شي
سحر : تمام
نجد : بنات انا بروح اجيب شي من عند اخوي زياد وجياتكم
الكل : تمام
وراحت جمانه لقسم الرجال وقفت قريب من باب ودقت على اخوها زياد
نجد : زياد
زياد: لبيه
نجد : تعال ابيك برا
زياد : طيب
وطلع زياد لنجد برا
زياد : هلا وش بغيتي
نجد : ابغى شاحن الي معك
زياد : مطلعتني عشان شاحن
نجد : ولد تراني اختك الكبيره
زياد : طيب خذي شاحن
وخذت نجد شاحن و راحت لبنات
نجد : جيت
ميس : يلا تعالي العبي معي
نجد : تم
............**............
مجلس ابو عبدالعزيز
ابو سالم : يا عبدالرحمن ماودك تسير عندي في البيت واجمع الربع كلهم
ابو عبدالعزيز : اذا كان بيجي ابو ناصر انا ماني جاي
ابو سالم : ليه ياعبدالرحمن
ابو عبدالعزيز : متهاوش معه وسالفه قويه ولا ابي ارجع له خان العشرة العمر الي بيني وبينه
ابو سالم : ياعبدالرحمن اكسر شر ترا الشيطان الي خرب بينكم
ابو عبدالعزيز: المهم قفل الموضوع ولاعد تجيبون سيرته في مجلسي
ابو سالم : طيب
ابو عبدالعزيز : ياعبدالرحمن رح شف الغدا جاهز ولالا
عبدالرحمن : ابشر
وطلع عبدالرحمن متجه لباب مطبخ
............**............
عند جلسة البنات
نجد : بنات انا بروج اجيب لي مويه تبون شي
الكل : لا
وراحت نجد لمطبخ وخذت لها كاس مويه ويوم بتطلع مع باب الا يطلع في وجها عبدالرحمن ويطيح من نجد كاس قزاز
عبدالرحمن : بسم الله جاس شي
نجد نزلت لمستوى قزاز عشان تشيله من الارض والا فجاة تنرجح يدها من قزاز وينزف دم وعبدالرحمن نزل لمستوها عشان يشوفها
عبدالرحمن : بسم الله عليك قومي اعقمه لك الجرح
نجد : لا عادي بخلي جمانه تعقمه
عبدالرحمن بعصبيه خفيفه : نجد بعقمه لتس
نجد بخوف : طيب
ومدت يدها لعبدالرحمن عشان يعقم يدها وكانت ترجف مره
عبدالرحمن : شفيك ترجفين
نجد : لا مافيني شي
واخذ عبدالرحمن الشال عشان يلف الجرح لها
عبدالرحمن : انتبهي لنفسس ولا يجي الجرح مويه
نجد : ابشر
عبدالرحمن : تبشرين بالجنة يلا مع السلامة
نجد : مع سلامه
وراح عبدالرحمن ونجد كانت تشيل القزاز ومسحت الارض ورجعت لبنات
جمانه : يمهه نجوده وشفيها يدس
نجد مافيني شي بس تو طاح مني قزاز و نزفت يدي وحطيت شال
جمانه : بسم الله عليس
وقعدت نجد وفتحت جوالها ودخلت على قروب حقهم هي وجمانه وميس
نجد : تخيلو من لف يدي
ميس وجمانه : مين
نجد : عبدالرحمن
جمانه : كذابه لا ما اصدق عبدالرحمن اخوي
نجد : اي
ميس : اوه الحب
جمانه : دقيقة بروح ارسل لعبدالرحمن
نجد وميس : تمام وطلعت جمانه من قروب وراحت ترسل لعبدالرحمن
جمانه : حركات ياراعي الحب
عبدالرحمن : وش
جمانه : ابد ماسويت شي
عبدالرحمن : اي وانا صادق
جمانه : وشال الي في يد نجد من مسويه
عبدالرحمن: مدري يمكن امها
جمانه : لاتكذب علي ترا هي فاضحتك قايله ان انت الي مسويه
عبدالرحمن : اي انا الي مسويه عندك اعتراض
جمانه : لا بس ان عدتها ثانيه ياويلك
عبدالرحمن : يصير خير مع سلامه
وطلعت جمانه من محادثة وراحت لقروبهم "الثلاثي المرح في"
جمانه : يا إن عبدالرحمن يجحد بعدين يعترف ماعرفت له
ميس : لان الحب كان معه
جمانه : اي صح
نجد : بنات وشفيكم علي
والا فجاة تجي ميس رسال من رقم غريب وكان مكتوب برساله
" يعني تبين تحرميني من شوفتس ياكل عمري ليه خلتي العرس بعد ثلاث شهور "
والا فجاة ميس تشهق شهقه وكل بنات انصدمو
نجد : وشفيس
ميس : ها لا مافيني شي
جمانه : وجهس متغير وشفيس قولي
ميس : مافيني شي
جمانه : تمام
............**............
مجلس ابو عبدالعزيز
ابو عبدالعزيز : عبدالرحمن وش صار على الغدا
عبدالرحمن : شويات ويجهز
ابو عبدالعزيز : زين
ابو محمد : سلطان
سلطان : سم
ابو محمد : صب الشاهي
سلطان : ابشر
وراح سلطان يصب لهم شاهي
محمد بهمس لعبدالرحمن : ولد متى ناوي تتزوج
لف عبدالرحمن بصدمه لمحمد وتكلم لهمس لمحمد : وش الي متى اتزوج
محمد بهمس لعبدالرحمن: اي متى ناوي تتزوج
عبدالرحمن بهمس لمحمد :اذا جت بنت الحلال تزوجت
محمد بهمس لعبدالرحمن: ماشاءالله بنات عماتك وعمانك كثير خذ وحده منهم
عبدالرحمن بهمس لمحمد : يصير خير وقفل الموضوع
محمد : طيب
ابو سالم : ها ياعبدالرحمن وش قلت بتبيع الارض
ابو عبدالعزيز : والله ما ادري بشوف و ارد لك خبر
ابو سالم : زين
ابو عبدالعزيز : ها ياناصر متى ناوي تتزوج
ناصر : والله لما الحين ياعمي مالقيت بنت الحلال
ابو عبدالعزيز : ان شاء الله تلقى بنت الحلال
ناصر : ان شاء الله
ابو ابراهيم وهو ياشر على ابو نواف : يا عبدالرحمن من هذا اول مره اشوفه
ابو عبدالعزيز ضحك : هذا صديق عبدالعزيز وبحسبة ولدي
ابو ابراهيم: ماشاءالله
ابو نواف : عاد انا استئذن
ابو عبدالعزيز : على وين
ابو نواف : رايح اخلص لي كم شغله
ابو عبدالعزيز : زين لاتتاخر
ابو عبدالعزيز : ابشر
وطلع ابو نواف
............**............
قسم الحريم
ام عبدالعزيز : وين البنات
ام ردينا : برا تبين اناديهم
ام عبدالعزيز : اي عادي
وطلعت ام ردينا تنادي البنات
ام ردينا : جمانه
جمانه : لبيه
ام ردينا : امي تقول تعالو ادخلو داخل
جمانه : تمام بنجي الحين
ام ردينا : زين
جمانه : يلا شيلو الاغراض خن ندخل داخل
الكل : تمام
وقعدو يشلون الاغراض و دخلو داخل وقعدو مع الحريم
ام عبدالعزيز : بناتي قمو جهزو سفره
جمانه : طيب ياجده وين نحط حقت الرجال
ام عبدالعزيز : حطوها في المقلط وحنا في طاولة طعام
جمانه : ابشري
وراحت جمانه و بنات ودخلو المطبخ وياخذون الاغراض و يرتبونها في مقلط لرجال و رتبو كل شي وخلصو
ام عبدالعزيز : ماقصرتو والله يابناتي
جمانه : هذا واجبنا يا جده
وجلسو البنات
............**............
ابو عبدالعزيز: ياعبدالرحمن شف حطو الغدا ولالا
عبدالرحمن : ابشر
وطلع عبدالرحمن يدق على جمانه
عبدالرحمن : جوجو
جمانه : هلا
عبدالرحمن : خلص الغدا
جمانه : اي خلاص ادخلو المقلط جهزنا كل شي
عبدالرحمن : شكرا ماقصرتو
جمانه : العفو واي صح ترا قلبك كان معنا مرتب
عبدالرحمن تنهد : ليه خلوها ترتاح لان الجرح يعورها
جمانه وهي تضحك : يوه تخاف على قلبك كثير ترا هو الحين قدامي لاتخاف عليه لان عيوني عليه
عبدالرحمن : زين
وقفل منها عبدالرحمن ودخل عليهم
عبدالرحمن : يلا حياكم تفضلو الغدا جاهز
وطلعو كلهم متجهين لمقلط وجلسو يتغدون إلا عبدالرحمن و نواف و محمد
قاعدين في مجلس
............**............
عند البنات
جمانه وهي تضحك : ياخي عبدالرحمن صدق طايح على وجه
ميس : اي وحتى نوا...
الا يقاطع كلامها دق جوال جمانه
جمانه : اخواني و اعرفهم لازم يدقون
جمانه : وش تبغى
محمد : قلبي وينه
جمانه : لاحول ولا قوة الا بالله لا انتو طايحين على وجيهكم صدز
محمد : لا بس حبيت اتطمن عليه
جمانه : دام قلبك عندي دق عليه وتطمن بنفسك مو تدق علي
محمد : يوه مانس فايده
جمانه : الحين ما مني فايده اجل خلك على حالك ولا تجيك علوم قلبك
محمد : يوه خلاص يازعوله
جمانه : يلا مع سلامه
وقفلت في وجه محمد
جمانه : اخواني يبوني انقل لهم علوكم
نجد : لاتقولين لهم شي
جمانه : اي ماراح اقول لهم
نجد : الا تعالي ميس
ميس : لبيه
نجد : يوم جتك رساله في جوالك شهقتي وشهي رساله جاني فضول اعرف من مين رساله
ميس : بوريكم
نجد : تم
ودخلت ميس على رساله ولفت جوال على بنات ويوم شافو رساله شهقو
جمانه وهي مصدومه : لا مو ذا اخوي محمد ما اتوقع ذا اخوي
ميس : الا هو
جمانه : دقيقة ابغى استوعب
.
.
انتهى الجزء
دقيقة ابغى ابرر لكم عشان ماتعصبون علي 😭 وقفت فتره طويله لان ماكان فيه شغف كتابه لرواية والحمدلله رجع شغفي لكتابه و عوضتكم بارت طويل وان شاء الله الاحد اعوضكم بارت طويل وسامحوني على الاغلاط ✨✨