|عموض جارنا|
ألكاتبة سناريآ
قناة التلي https://t.me/nurse2_4
أذا أعجبك البارت لا تنسى التصويت وترك تعليق جميل
اندي:
وگف يمنا وگال
_السلام عليكم
بالگوة رديت السلام احس لساني انعگد
سحب الكرسي وگعد تنهد وگال
_شلونجن بنات
ردت غزل واني بالگوة گلت
_الحمدلله بخير أنت شلونك
باوع لعيوني و رد بتنهيدة: الحمدلله بخير
شفتة حرك شفايفة بس ما سمعت شگال
بدة يحجي وكأن غزل ما موجودة گال بهدوء
_شخبارج اندي ان شاءاللهتكونين بخير
رديت بخجل
_بخير الحمدلله على الله
_ما توقعتج راح تجين كلش فرحت من اجيتي
گتلة بخجل
_اي بالگوة قنعت اهلي اجي وبس هالمرة سمحولي
بقينا ساكتين محد يحجي غزل راسها بالموبايل وعبالك ما موجودة ويانا واني ما اعرف شگول
_اي اندي شخبارج شلونج بالدراسة
_بعدني ما مداومة
_ها زين لعد درسي زين من البداية علمود لا تواجهين مشاكل
هزيتلة راسي ورجع الهدوء سيد المكان بقينا اثنينا ساكتين انتبهت عليه جان كلش متغير عن قبل وجهة تعبان وعيونة بيهن هواي حزن
سألتة بتوتر
_اممم وليد انت زين؟
_اي طبعاً ما تشوفيني گدامج الحمدلله كلشي ما بية وباحسن حال
_لا ما اقصد هيج احسك كلش حزين وتعبان مو مثل قبل احسك كلش تغيرت من وقت امتحانات السادس اختلفت هواي مو عبالك وليد القديم اذا تريد تحجي احنا نسمعك احجيلي شنو الي خلاك توصل لهالشي
بقى ساكت وبس يتنهد حجى ورا صمت طويل
_لا ماكو شي بس عندي شوية مشاكل ويا والدي وحاير شلون احلهن يطلب مني شغلات اني ما اگدر اسويها وبنفس الوقت ما اريد ازعلة واضوجة مني لهسبب متوتر هالفترة
_متأكد، باوع وليد اذا حبيت تحجي وتشاركنا راح نسمعك ونحاول نساعدك بالي نگدر عليه لا تتردد
_لا أندلس صدگيني ماكو أي شي مقلق بس مشاكل صغيرة والدي
حجت غزل وگالت
