|غموض جارنا|
الكاتبة سناريآ
قناة التلي https://t.me/nurse2_4
أذا أعجبك البارت لا تنسى التصويت وترك تعليق جميل
اندلس: مسحت دموعي وطلعت من الصالة ما اگدر اشوف حالة زهراء واني عاجزة ما مصدگة امي ممكن تجبرنا على شي وبالاخص زهراء شلون تهددها بابنها وهي تحبة كلش وتعتبرة حفيدها
طلعت برة مالي خلگ اسمع صوت الشيخ وهو يعقد
صفنت عالسما واني ادعي ربي كون تصير معجزة هسة ويتوقف هالعقد وزهراء ما تزوج هذا
سمعت صوت الجرس يرن فززني من صفنتي شفت الكل مخبوص وما اگدر ادخل جوة واصيح أمجد
زفرت انفاسي بـقلة حيلة واتوجهت للباب افتحة
سحبت القفل وفتحتة واني متعاجزة حتى القفل احسة مالة خلگ مثلي
فتحت عيوني بقوة وراسا طفرت ليورة وعطت بقوة
_يمةةةةةةة
مسحت عيوني ونفسي ضاگ واني اشوف محمد گدامي وساند اخر شخص اتوقع اشوفة
جان لازم آدم من ايدة وآدم مدري الشبح مالتة لازم عگازة اثنينهم يباوعولي بترقب
من الصدمة والشفتة دخلت جوة اتعثر بخطواتي واصيح
_زهراءءءءءء زهراءءءءء
دخلت شفت زهراء بنص العقد توا تريد تنطق موافقتها بس وجهة انخطف وگامت تمشي باتجاهي بسرعة
اتقربت مني لزمتني وگالت
_شبيج اندلس شكو
الكل صار داير مدايري طلعو بابا وامجد من الاستقبال أمجد بس شافني
اتقرب بسرعة وعيونة مليانات عصبية
لزمني من ايدي وگال
_شبيجججج تصيحيننننن هااااا
_آدم..... آدم
زهراء راسا سحبتني وگالت
_آدم شكو شبيه
_آدم.... آدم برررا
_بـ.. برة... برة متأكدة يعني يعني مو كذب
_والله برة....
ما خلتني اكمل وطلعت بسرعة هي وامجد برة
طلع الكل وراهم متعجيبن من كلامي لحگتهم واني بعدني ارجع خطوة واتقدم خطوة وبالگوة اگدر امشي واركز
ياربي شلون ميت ورجع للحياة شنو جنت اتخيل اي يمكن جنت اتخيل شلون ميت صارلة سنين ويرجع للحياة او يمكن اني تخبلت
