|غموض جارنا|
الكاتبة سناريآ
قناة التلي https://t.me/nurse2_4
أذا أعجبك البارت لا تنسى التصويت وترك تعليق جميل
أرينا: صرخت باعلى صوت مفزوعة من الي صار ما حسيت على نفسي والا أني اصيح
_آدمممممم
ما لـ حگت استوعب الي صار و بـلمح البصر انضرب راسي بـقوة بالسيارة جان اكو ميدالية حديد حسيتها جرحتني وحسيت شي حار مثل المي نزل على گصتي عرفتة دم
باوعت لآدم شفتة لازم الستيرن بقوة يحاول يسيطر ؏ السيارة وبالگوة گدر يسيطر عليها
انتبه علي وگال بصدمة : أري
بسرعة اخذ كلينكس وتقرب مني لزم راسي ومسح الدم باوعت لايدة وشفت الدم اتخبلت صرت ابجي بـهستيريا وأني اصرخ
_آدممم شجاي يصير راح نموتت مو راح نموتت لا تعوفنييي راح اموتت
لزم ايدي و عينة ؏ الطريق والتوتر واضح على رجفة ايدة: ما اعوفج بس لا تبجيـ....
قاطع كلامنا صوت طلقة ثانية اتهسترت بمكاني ردت اصرخ من الرعب بس آدم بسرعة سد حلگي
باوع ليورة وتغيرت ملامحة للعصبية والغضب گال وهو صاك على سنونة: ذولة ولد *****شعرفهم بمكانة ماكو غير جماعة فهد
فتح الجكمجة وبسرعة طلع سلاحة وماسك اسود لبسة ويا نظارات سود بقيت اباوعلة واني فاتحة حلگي ما اعرف ليش سوة هيج
باوعلي بنظرات حنونة يحاول يهديني : اري أني راح انزل واشوف شيردون بس أنتِ ابقي بالسيارة ولا تتحركين ولا تحجين اريد صوتج ما يطلع تمام لو تشوفيني اموت لا تنزلين تمام وهسة الزمي الكلينكس زين علمود يتوقف النزف هو جرح بسيط لا تخافين تمام
_لا تعوفني اروحلك فدوة
_ما اعوفج ورب الكون بس اشوف ذولة شنو يردون وارجع
_آدم خايفة الله يخليك لا تروح
_أري بس افهميني
_لا لا ما تروح ما تروح ما اريد اخسرك آدم أذا تحبني حباب لا تروح والله ما اتحمل فكرة اخسرك اموت وراك.....حجيتها وأني ابجي واهز رأسي رافضة ينزل
_أري بس لا تبجين نبض گلبي صدگيني ما راح يصيرلي شي بس اتفاهم وياهم
_لا لا يردون يأذوك وياخذونك مني ما اعوفك انزل وياك
_أري أنتِ تثقين بي؟
هزيت رأسي بدون ما اجاوبة، ترجيتة بعيونة ما ينزل بس ما اهتم
