|غموض جارنا|
الكاتبة سناريآ
قناة التلي https://t.me/nurse2_4
أذا أعجبك البارت لا تنسى التصويت وترك تعليق جميل
أرينا: مديت ايدي اتلمس بطني حسيت بحركة بنوتي بخفة الفرحة مالية گلبي وروحي ابتسمت واني اتذكر بعد شهرين تشرف للدنيا وتنور حياتي
فززني صوت امي وهي تگول: يمة زهراء اكلي زين لا بس تشربين جاي مو زين على بنتج
_لا ماما جاي اكل لا تخافين
ابتسم آسر وگال: شوكت تشرفنا بلسومة اني اعلمها بس خل تجي ابد ما انطيج اياها راح تصير ملك خالها
نط حسوني من مكانة وگال وهو عاگد حواجبة بعصبية: هاي اختي ما انطيك اياها
مسح أمجد على شعرة وگال: ولك هاي منو الي كبر وصاير رجال سبع لا تخاف اختك بس الك محد ياخذها
_لا أمجد عوفة مو بكيفة اني راح اخذ بلسومة واخليها تصير بنتي
_ما ما ما ما ما انطيك اياها بابا ما يخليك تاخذها
_ولك فصعون اسكت قابل بكيفك بلسومة احنا ناخذها وتصير اختنا
_ولج اندي لا تتخبلين وتخبلين الطفل وياج
_شبيج ماما جاي احجي صدگ قابل مجذبة
_اندييييي
_اهووو شبيج زهيرة ترا جاي اتشاقة وياه خل ياخذ اختة ويشبع بيها ما معطلة عليها اني هم عندي زهراء اختي
_ما زهراء تصير ماما مو اختج
_دشوفي يمة هسة منو متعارك اشو محد حاجي وياه ولك حسوني شوف اختي قبل ما تصير امك فاهم
تعاركو اندي وحسوني واني بس ساكتة واضحك على حسوني وتصرفاتة
استرجعت بذكرياتي لليوم الي اغمى علي واهلي ودوني ؏ الدكتورة عبالهم مريضة بس انصدمت من گالت الدكتورة اني حامل وصارلي شهر واني مادري بذيج اللحظة صفنت بوجه الدكتورة وما انطيت اي ردة فعل ما مصدگة الي سمعتة اني حامل ومن منو من آدم يعني اني راح اصير ام ما اصدگ يعني هالطفل ثمرة حبنا اني وآدم ما صدگت واصريت على امي توديني لغير مختبر وحللت ثلاث مرات وكلهن ياكدن اني حامل رجعت للبيت وبقيت بغرفتي يوم كامل احاول اصدگ مستحيل شلون اني حامل ومن محمد ورائد خطفوني كلش اذوني شلون ما سقطت بس يمكن ربي يريد حكمة بهالشي
رغم فرحتي جان اكو غصة بگلبي ما عرفت شنو راح يصير مصيري ومصير طفلي الي ابوه صار اسبوعين من سافر وعافني وما متاكدة اذا راح يرجع او بعد ما اشوفة بس بكل الاحوال قررت احمي طفلي واحطة بين عيوني وابقى انتظر ابوه وما ايأس من من رحمة الله يمكن يرجع باجر او بعد شهر او يطول اكثر ما بيدي اي شي غير الدعاء والانتظار
