|غموض جارنا|
الكاتبة سناريآ
قناة التلي https://t.me/nurse2_4
أذا أعجبك البارت لا تنسى التصويت وترك تعليق جميل
أندي: طلعت برة فتحت الباب الخارجي ردت اطلع بس بنفس اللحظة انضربت بشخص رفعت راسي وسرعان ما شهقت بـفزع من شفت محمد وگف گدامي وشايل حسوني
بسرعة رجعت ليورة منصدمة بشوفة محمد هذا شجابة هنا بس لا من صدگ حضر العرس لان اني عزمتة عزا بعيني اذا اخواني سألوا منو عازمة الا اموت يمة اني عزمتة بالشقة والاخ صدگ نفسة يابوية اليوم كتلي راح يصير عمل شعبي
فززني صوتة وهو يگول بخزرة: وين صافنة هاج حسوني بدلي ملابسة صارن مي ودخلي جوة ما تشوفين منا زلم عقلج وين
اخذت حسوني وگتلة بتوتر: هاا.... اةة بس انت شعندك هنا
_شنو شعندي هنا شنو هالسؤال الغبي
_اقصد منو عزمك بس لا جيت لان اني عزمتك ترا جنت اتشاقة
_شنو جاي تجذبين انتي مو عزمتيني واني گلت راح احضر ما لازم افشلج وارفض الدعوة
_يبوو عزا بعيني انت شلون تجي وتسمع كلامي اليوم الا اتصخم بس گلي شبيك انت وتصدگ بزعطوطة
خزرني وگال: لا تظلين تخوطين بصف الاستكان أمجد عزمني وهسة يالا دخلي جوة
_شنو أمجد عزمك
_بس لا متوقعة سمعت كلامج ولبيت دعوتج
_شو جاي احسك تقلل مني عيني أستاذ محمد
_أنتِ للـرايح والجاي تگولين عيوني وعزيزي
_هاا لا بس يعني أنت
_لـهدرجة مأثر بيج
_لا أنت الي متأثر لـهسة بعدك متأثر بكلمة عزيزي وما ناسيها لـهاي الدرجة شاغلة بالك
_شنو
_شوف شلون متوتر اعترف أني شاغلة تفكيرك
_صدگ تحجين بنتي عيب ادخلي جوة وعوفي هاي السوالف مو الج
خزرتة ودخلت للبيت امشي بـعصبية أنت شدخلك شلون احجي هو صح يمكن طوختها بس جنت اتشاقة
انطيت حسوني لزهراء ما بيّ حيل ابتلي بيه
شفت وائل ورسول نازلين من الدرج ووراهم أمجد لابس بذلة رسمية لون اسود وقميص اسود والضحكة شاگة حلگة طالع يجنن محامينا وامي وراه تنزل وصوت هلاهلة مالي البيت
وصل يمنة وسلم على بيبي وعماتي باستعجال يريد يطلع ما بقى وكت وما يحب يظل يبوس بالعجايز
