يا رقيقه الحُسن و يا دقيقة الاوصاف يا كُل مُصطلحات الجمال والإذهال ياغيمتي

١

دخلت شركتها متجهة لمكتبها وتشوف موظفينها مركزين بشغلهم رقت الدرج المؤدي الى مكتبها وصوت كعبها يصدح ف المكان وتمشي بكل ثقة وغرور وصلت مكتبها دخلت وهي تنزل شنطتها وجلست على كرسيها وشافت كمية الاوراق الي فيه تنهدت بعمق تاخذ الاوراق وتبتدي شغلها اخذت سماعتها تلبسهم وتشوف الاوراق وتشغل الكمبيوتر تشوف الرسومات رفعت راسها من دق الباب ونزلت سماعاتها
الموظفة:هاذي رسومات المبنى الي طلبتيه
المزن مدت يدها تأخذ الأوراق:حلو ،مرت على ترف أول
الموظفة:ايه ،باقي بس تشوفينها انتي
المزن هزت راسها وحطت الاوراق تدقق ف التصميم:اوكي خلاص خليهم يبدون الشغل
الموظفة ابتسمت وطلعت ودخلت بعدها ترف:اوووهه الاستاذة مزن شكلها مشغوله اليوم
المزن رفعت راسها وابتسمت:حي الله الترف من زمان ما درعمتي كذا
ترف ابتسمت وهي تجلس قبال المزن:والله تعرفين اشغال وكذا
المزن ابتسمت على جنب:اخسس ،المهم
ترف لفت لها وهي تنزل كوب قهوتها المزن وهي تقلب ف الاوراق:قولي لـ ابوك اننا نبي اليوم شركته شوي
ترف ابتسمت:سبقتك وقلت له واتوقع الحين بادين يشتغلون
المزن نزلت كوب قهوتها:كفو ارسلتي لهم التصميم
ترف هزت راسها ب ايه:ماعليك انشاءالله بيطلع كل شي مضبوط
المزن ابتسمت وهي تحط الاوراق على جنب:دام انها شركة ابوك ما يحتاج اخاف
ترف :اسمعي كم الساعة ألان
المزن فتحت جوالها:٩ونص
ترف :اجل قومي نروح نفطر تراني جوعانه ما افطرت زين
المزن:ومن قالك لا تفطرين زين
ترف:تكفين امشي نطلع كم لك جالسه هنا ما تعبتي
المزن:ساعة
ترف بترجي:مززننن قومي بليززز من زمان ما طلعنا مع بعض
المزن قامت وهي تبتسم:ابشري كم عندي ترف انا
ترف ابتسمت وهي تحاوط يد المزن :وحده مافي غيرها
اخذت شنطتها المزن وطلعو لمكتب ترف تاخذ شنطتها ونزلو المزن:بسيارتي ولا بسيارتك
ترف :لا بسيارتي لاني عازمتك انا
المزن ابتسمت وهي تمشي لسيارة ترف:يابختي فيك والله
ترف مشت تركب:ويا بختي فيك انا بعد
المزن ربطت حزامها  وترف مثلها وحركو للمطعم يفطرون.
-
دخل البيت وبيده شنطته وصعد ل الدور الثاني يمشي للصالات وشاف امه تلعب ولد اخوه:مسها بـ الخير أم نهار
ثريا ب ابتسامة:يمسيك ب النور يا محامينا
نهار جلس واخذ أديب ولد ثابت يحطه فحضنه وطالعته ثريا:شخبارك يا حبيبي وينك مختفي لك يومين
نهار:رحت ل الرياض عندي كم شغله
ثريا بعتب:ما يصير يا أمي على الاقل ارسل رسالة طمني عليك
نهار:ابشري يا ام النهار
ثريا تأملته وهو يلعب أديب :يارب انشاءالله نشوف عيالك قريب
نهار لف لها وهو مبتسم:وييينن يمه تونا
هديل وهي داخله:بتصير شايب وانت تقول تونا
ثريا:واختك صادقه
نهار عطى امه اديب وقام: شخبارك هديلي
هديل ابتسم وهي تحضنه:بخير بعدين مره ثانية لاتختفي كذا خوفتني عليك
نهار ابتسم:ابشري يا حبيبه قلبي
ثريا:بتنام نهار
نهار:ايه
ثريا:ما بتروح لمكتبك
نهار:لا توني جاي منه
هديل:روح نام واضح انك تعبان
نهار ابتسم وهو متجه لغرفته
ثريا نزلت أديب على جلاسته:هديل روحي نادي حور تأخذ أديب ينام جا وقت نومه
هديل قامت وهي تلعب أديب:أبشري
نزلت هديل تشوف حور طالع من المطبخ معها موية :حوري امي تقول نومي أديب
حور:وينها خالتي
هديل:فوق
راحت حور لولدها وهديل مشت تجلس ف الصاله وتطقطق بجوالها
-
ترف:واوو المطعم حلو
المزن:حتى فطورهم حلو
ترف:الا وش صار على ذاك الشايب الي جاك علشان فندقه
المزن رجعت ظهرها لورا:خلصنا من الفندق حقه بس شيب في راسي
ترف ضحكت:شايب ويتشرط الحمدلله ما كملت معكم ولا كان كفرت فيه
المزن قامت وهي تناظر ساعتها:الحين أحتاج البيت فيني نوممم
ترف:من شكلك واضح انك مواصلة علشان المشروع
المزن هزت راسها ترف:اوصلك البيت ولا تأخذين سيارتك
المزن:لا لا وصليني ما فيني اركز ف الطريق
حركت ترف لبيت ابو المزن ووصلتها وبعدها راحت ،المزن طلعت مفاتيحها تفتح الباب ودخلت وسكرت الباب وراها مشت تدخل الصاله:اووهه دنيتي صاحية بدري اليوم
لطيفة سكرت مصحفها ورفعت راسها للمزن الي انحنت تقبل راس امها لطيفة:وشلونك امي اليوم كيف الشغل معاك
المزن جلست ونزلت حجابها:تمام التمام بخير
لطيفة ابتسمت المزن:كيفك اليوم انشاءالله مافي شي يوجعك
لطيفة ب ابتسامة:بخير لا تخافين بس تجيني شوية دوخة
المزن:اليوم موعدك ما جاء راكان اشوف
لطيفة:توني ب أسألك عنه ما شفته من الصبح
المزن قامت تاخذ جوالها وتتصل على راكان راحت للمطبخ تاخذ لها كأس موية ورجعت:الو راكان
راكان:هلا مزن
المزن بعصبيه :وينك اليوم موعد امي الساعة ٨الصبح ليه ما وديتها
راكان:طيب وراك معصبه افهمي اول
المزن:اشرح اشوف
راكان:الدكتور إتصل علي وقال انه بيكون موعدها بكرا علشان يشوفون اذا تحتاج عملية او لا
المزن:اوكي بس اذا مشغول خلني اوديها انا
راكان:لا لا ابوي محرص اني اوديها علشان اقوله وش بيصير
المزن تنهدت:وابوي متى راجع
راكان مشغول ب الاوراق الي عنده:يمكن بكرا او بعده
المزن جلست عند امها:انشاءالله يوصل ب السلامة طول هالمرة
راكان:يالله بسكر انا عندي شغل
المزن:مع السلامة انتبه لنفسك
راكان ضحك:انشاءالله انشاءالله
المزن نزلت جوالها:ايهه يا ام راكان وش رايك نطلع اليوم نشوف الخبر من زمان ما طلعنا سوا
لطيفة: والله بكيفكم الي يريحكم
المزن مسكت يدين امها:الي يريحك يريحنا تبين نروح ل الشاليه نسهر هناك بما انه بكرا جمعة وشرايك
لطيفة :نروح ل الشاليه بس كلكم تكونوا فيه ما ابي احد يقول لا ولا ما راح اطلع
المزن اخذت جوالها:ابدد بخليهم يجون وياويلهم يرفضون
فتحت جوالها ترسل لاخوانها فويس:السلام عليكم يا اخواني الجدعان واختي البطلة اليوم بنرووح الشاليه وياويل واحد منكم يعتذر الوالدة تبغى تغير جو وتبيكم معها وطبعن محد يجي ويده فاضيه جيبو كل شي علشان بنسهر وترا بننام هناك وسلامتكم..
سكرت جوالها بعد ما ارسلت لطيفة ضحكت عليها وهي تسجل:كفو بنيتي بنروح الحين ولا العصر
المزن:الي تبين انتي وش ودك
لطيفة:انا اقول نصبر لين تجي فرح ونروح
المزن قامت:اجل انا بروح اتروش وانام لي شوي
لطيفة هزت راسها ب زين وراحت المزن تصعد لغرفتها دخلت وهي تنزل عباتها تعلقها واخذت لها ملابس من دولابها ودخلت تتروش وبعد دقايق طلعت بعد ما رطبت جسمها وراحت لسريرها تنام
الساعة ٤العصر نزل تحت شاف امه وابوه ف الصاله:السلام عليكم
ابتسمت ثريا تنزل كاسة الشاي:وعليكم السلام امي