يا رقيقه الحُسن و يا دقيقة الاوصاف يا كُل مُصطلحات الجمال والإذهال ياغيمتي

١٥

اخذت المنديل الي عندها ورمته عليه وضحك ياخذه ويحطه على الطاوله :مقبوله منك
ثريا :لا عاد تكلمني بهالموضوع لين تعقل سمعت ولا ما سمعت
هز راسه وضرب لها التحيه وضحكت هي :استرح
«عصر يوم السبت -بيت سيف»
كانت نايمة بغرفه امها ما فارقتها من امس عقب ما رجعت مع المزن و راكان متمدده على السرير ما طلعت لهم وماسكه جوالها ناظرت الاشعار الي جاها من رقم مو مسجل عندها بس ما ردت من دخلت عندها فرح الي واضح التوتر عليها بس تحاول ما تبينه لهم وخلفها المزن
ابتسمت فرح وهي معها فساتين :ازهار يالله اختاري هاذا او هاذا
قامت وهي تتعدل وتجلس زين:ليش
ابتسمت فرح تحطهم على آلسرير وترجع شعرها لورا:لك حياتي علشان جمعه اليوم عند حمولة مزون
رفعت انظارها لها من نطقت بـ"حمولة مزون"وابتسمت تناظر ازهار الي تناظرها :امس هديل عزمتنا وقلت لك انا وطبعا ما بترفضين لانك بتطلعين عصب ولا وا طلعتي بنقول لعميمه تطلعك
لفت تناظر الفساتين من مسكتهم فرح مره ثانيه تعرضها لها :يالله ازهار تكفين احس شكلك بيطلع حلو بالوردي
لفت من سمعت صوت ترف الي طقت الباب وتستاذنهم ودخلت علطول بعد ما سمعت اصواتهم :ماشاءالله ادوركم انا
المزن:شوفي اي واحد حلو على ازهار
لفت تناظر من اشرت فرح على الفساتين :الوردي يلوق عليها
لفت ازهار تناظرهم:اصلاً الثاني مو جوي
قامت المزن ونطقت :يالله قومي خذي لك شور واطلعي بعدها تجهزي عندك الميكب ارتست فرح والشعر ترف وانا بروح اتجهز
ضحكت ترف :مصدقه نفسها عروس وشغلتنا عندها
ضحكت ازهار من تعابير ترف المصدومه من حركات المزن :خربها المحامي
هزت فرح راسها:اقول بسرعه حتى انا بروح اخلص واجيك اذا خلصتي تمام
مشت بتطلع وصرخت ترف:خير تركتوني لحالي
لفت فرح عليها :روحي لمزون ولا اقولك..،ناظرت ازهار الي غمزت وضحكت فرح وهي عند الباب:الفارس حقك تحت روحي له
صرخت تاخذ المخده وترميها بس ما جات عليها لنها ركضت قبلها وهي لحقتها بالثانية ورمتها وشهقت من الصدمه من جات بشخص ثاني غير فرح الي دخلت غرفتها و وقفت محلها ويدها على فمها تشوفه قدامها ودخلت بعد ما استوعبت تسكر الباب :بسم الله وش جابه ذا
نطقت بعضب وهي تغطي وجهها :الله ياخذ بليسك يا فرح..
كان راقي الدرج بعد ما قالت له امه ان ازهار بغرفتها وهو رايح بيسلم عليها وقف مكانه من شاف المخده طايره وضربت وجهه يطيح الجوال من يده تنرفز اول شي لانه شاف فرح الي ركضت وتوقع انه فيصل بس انصدم من شافها هي قدامه ما توقعها وضحك من دخلت الغرفه تسكر الباب بكل قوتها :مجنونه اخذ المخده وجواله الطايح ومشى لغرفه امه وطق الباب وتراجعت هي بخوف من نطق بصوته الرجولي المبحوح :أزهار
سكتت تسمع تكرار ندائه ورفعت حجابها على راسها وفتحت الباب تتصنع الثابات رغم كل ما فيها يرجف وقفت تشوفه قدامها بطوله وعرضه الي يغطيها كلها:ازهار تاخذ شور
ابتسم يناظرها :زين ليش انتي هنا
رفعت حاجبها تستغرب سواله :كيف ليش انت الي وش تبي هنا
ابتسم وعرف انها ما تدري من غرفته هاذي :كيف وش ابي غرفة امي وجاي ابي اختي
حست بالإحراج وودها الارض تنشق وتبلعها وناظرته :طيب ممكن تبعد علشان اقدر اطلع وتدخل غرفة امك وتشوف اختك
كانت تحاول تستفزه بتقليدها لكلامه بس هو ما همه مبتسم ومبسوط عليها ابعد شوي عن الباب واخذت شنطتها تطلع وتروح لغرفة فرح تدخل عليها وهي معصبه:يالنتفه انا تسوين فيني كذا
ضحكت فرح تناظرها :ليه حصلتي الفارس المغوار حقك
ضربتها :ليتي حصلته بس لا شي ثاني
جلست على طرف السرير ترف ولفت عليها فرح وهي تسوي شعرها :ليه وش صار لايكون ..،سكتت تسمعا تكمل:صح رميت عليك مخده ولا صابتك يوم رميت الثانيه وانا طلعت الحقك جات فيه وانا صنمت مكاني يقلع بليسك كله منك
ضحكت فرح بشكل هستيري وناظرتها:احلفي تكفين ما اتخيل الشكل
كشرت تقوس شفايفها:وزود عليها متخبيه بغرفه امه واقول له شتبي جاي هنا قسم بالله تمنيت الارض تنشق وتبلعني من كميه الاحراج الي صار فيني
ضحكت فرح ولفت وهي تناظرها من المرايا وتزين شعرها:معليه هاذي الصدف علشان تتعودون قبل تأخذون بعض
ناظرتها لثواني تفكر في كلامها وهزت راسها ما تبي تفكر او بالاصح تهرب من الشعور الي تحس فيه الحين هي ماتبي تجرب او تخوض هالتجربه اصلاً وقفت وهي تناظرها:بروح لمزون انا اذا خلصتي شوفي ازهار
هزت راسها بايه وطلعت ترف لغرفه المزن ،التفتت فرح تشوف جوالها الي اهتز من الاتصال وفتحت ترد عليه:شتبي مني تشوفني ما ارد عليك يعني ما ابي لا عاد تتصل
سكت لثواني يسمع هواشها ولين خلصت نطق هو :خلصتي؟
يسمع الـ لا رد منها وضحك ينزل راسه:جاينكم بعد المغرب تجهزي
ضحكت بسخريه وعدم تصديق :خير بعدين مو موجودين اليوم فالبيت
هشام :تصرفي
سكرت بوجهه بغضب وكملت تسوي شعرها بعدم اهتمام له
«عند المزن»
انتبهت لدخول ترف واشرت لها بالسكوت لانها كانت تكلم وابتسمت نتطق:اليوم عازمتنا هديل
ضحك نهار:غش تعزمكم وانا مو موجود اشوفك
رفعت أكتافها وهي ترسم الايلاينر:فارس اليوم جاء ،انت ما خلص شغلك؟
هز راسه وهو يلبس كابه بيطلع:باقي لي كم شغله
ابتسمت وتاففت تلتفت على ترف:توته تعالي ضبطيه لي
تقدمت لها ترف وانحنت ترسم لها وهي ساكته ونطقت المزن وهي ترفع الجوال لاذنها :عندك ازعاج نهار
سكتت ما تسمع منه رد غير الازعاج والشوشره الي تسمعها وقفلت المكالمة تنزل جوالها على الطاولة وتناظر ترف :شفيك هاديه مو عادتك
ناظرتها وابتعدت شوي تشوف شكل الايلاينر اذا ضبط او لا:مو قلتي اسكتي انا سكت ،خلاص ضبط !؟
لفت تناظر شكلها وابتسمت :ثنكيو ياروحي
مشت تجلس ترف وناظرت المزن:اسمعي بنروح سوا وهج بتجيب البنات من هناك
هزت راسها المزن بزين ولفت عليها :انتي مخلصه؟
همهمت لها بايه وهي جالسه على السرير ونطقت المزن بحماس :وريني كشختك
ابتسمت تقوم تنزل عباتها وترفع يدها لخصرها:شرايج
ضحكت المزن من اللهجه وتأملت فستانه:تأخذين العقل،انتظريني لين اخلص والبس نصور سوا
هزت راسها بزين وجلست تطقطق بجوالها والتفتت من انفتح الباب ودخلت ازهار باغراضها وابتسمت لترف:فاضيه قومي سوي لي ميك اب
ابتسمت ترف تقوم:كنت انتظرك بس حبيبي ترا بفلوس
ناظرتها ازهار بطرف عينها :ليه! ترا كلها كم شي تحطينهم ما يتعب
تخصرت تناظرها وني رافعه حاجبها:لا والله اجل اقعدي ما بسوي لك
ضحكت ازهار تهز راسها بالنفي وتمسك كفوفها:خلاص والله امزح بس خلصيني
قامت المزن واخذت فستانها الاسود الي ماسك عليها لين خصرها ومتوسع شوي لتحت مع فتحة من ساقها لفوق ركبتها وأكمام طويله،اخذته ودخلت تلبسه  وما طولت تطلع تناظر شكلها بالمرايا وتبتسم لبست خواتمها وسلسالها الذهبي ورجعت شعرها لورا تاخذ العطر وتتعطر
رفعت انظارها ترف تناظرها وشهقت من شافتها تخلي المزن تلتفت بخوف وازهار تفتح عيونها وتناظرهم ،ناظرتها المزن بخوف :وش فيه ؟الفستان مو حلو ؟شكلـ..،سكتت من قاطعتها ترف تصرخ من حلاوتها :تمزحين زيتونه كل شي فيك حلو ما اقدر اتحمل تكفين كيف لو شافك نهار
ضحكت تضربها :الله يقلع بليسك خرشتيني حسبت فيني شي
ابتسمت ازهار تتاملها:تهبلين ماعليك منها المصروعه
ابتسمت المزن تنحني تبوس خد ازهار وضحكت ترف تبعدها:خير حياتي الحين ما تبوسين الا نهار كلميه يجي علشان تبوسينه
ناظرتها مصدومه منها :اكرهك ترف خلاص لا تسوين كذا
ضحكت من بان خجلها ولفت تكمل ميك اب لازهار وجلست المزن وهي تلبست كعبها-تكرمون- وتناظرهم:فرح ما خلصت؟
ازهار وهي مغمضه عيونها:مادري ما شفتها
قامت بتطلع ونطقت ازهار :مزون خذي عباتك وحجابك لان اتوقع فارس ماطلع فا احتمال تصادفينه
حست بحراره تسري بجسمها من تذكرت موقفها البايخ معه ولفت تشوف المزن تلبس عباتها وحجابها وتطلع من الغرفه بللت شفايفها تنطق:شوفي حلو؟
فتحت عيونها أزهار ولفت تشوف شكلها بالمرايا وابتسمت باعجاب :حلو تسلم يدينك ،الحين بروح اكمل انا الباقي
هزت راسها بزين ترف وجلست على الكرسي من طلعت أزهار..
«مكان اخر »
ماقدر يصبر بعد ما رجع فارس ومشى يركب اغراضه وهو يكلم سلمان :تعال بدالي انت ما بيقي الا كم شغله خلصها
ركب وعدل كابه يجيبه لقدام :ما يفهم علي تعال انت وتفاهم معه نفذ صبري يا شيخ
سكر من سلمان وهو يزفر بغضب ويشغل سيارته ويطلع من المكان الي فيه ويمسك خط من القصيم للخُبر
وقف عند محطة يعبي بانزين وجلس فسيارته ينتظر وفتح جواله وعقد حجاجه من شاف الرسالة الي وصلته سكر جواله وفتح الشباك يحاسب من خلص ومشى من عنده يوقف عند الدرايف ثرو ،طلب له قهوة وشي معها واخذ طلبه بعد ما دفع وكمل يمسك خط للخُبر
«بيت سيف »