يا رقيقه الحُسن و يا دقيقة الاوصاف يا كُل مُصطلحات الجمال والإذهال ياغيمتي

١٩

تمددت ازهار على سرير فرح وتناظر البنات الي بكل مكان وحده متمدده :احتاج مساج بعد هالرقص كله
فرح تنهدت:اجل انا شقول؟
أزهار:بنات شكلي انا بلحق مزوني اليومين ذي
لفو البنات عليها وشهقت ترف:احلفي
هزت راسها تناظرهم :كلمني فارس اليوم وفيه حرمه شفتها اليوم عند امي ما عرفناها وطول اليوم عينها علي
فرح:الي سالتينا عنها؟
ازهار:ايه
وهج ابتسمت:الله زواجات ورا بعض يوَنسس
كشرت ترف ترجع تناظر جوالها :ياربي ليش تأخر
فرح:جوعانه؟ترا فيه سناكات بالدرج اذا تبغين
هزت راسها ترف ،وصدت أزهار تأخذ جوالها من جاتها رسالة وناظرت الاسم فارس:عطيني رقم الترفة الي عندك
ابتسمت تضحك بخفوت :اثقل عيب رجال وخفيف
فارس:هاتيه بعدين ترا كان عندي بس مادري وين طار
أزهار:ماشاءالله وكان عندك بعد
فارس:هاتيه ولا يكثر
أزهار:بعطيك بس علشاني راحمتك من التمطيط الي عشته
انتظر فارس لثواني وابتسم من ارسلته ازهار ومن وصلته وقف سيارته قدام بيتهم وناظر حولينه بتردد خايف يتصل وناظر رسالة أزهار:تراها عندي مع البنات وخواتها فيه بعد ،انتبه
تردد لثواني واتصل بعدها
وقفت وهي ترفع شعرها وعقدت حاجبيها بالم من رجلينها ولفت من دق جوالها وناظرت الرقم مو مسجل عندها وتوقعته المطعم تخرج من الغرفة وهي ترد:الو
ابتسم فارس:حلى بعيني الموفي
عقدت حاجبها تزيد غرابتها وسكتت تميز صوته تنتظره يتكلم ،فارس:متى ناوية تحنين علي وتعطين الموافقة
ابتسمت ترف:الله يرزقك احد يحن عليك يا فارس
ضحك فارس:الله يرزقني حبك وموافقتك
سكتت ترف تدخل غرفة المزن وتناظر شكلها بالمرايه وكمل فارس:كيف وضعك بدون المزن ؟عساك بخير؟
ناظرت أظافرها ترف:ليش داق فارس؟قلت لك اذا بتسمع موافقتي بتسمعها من ابوي
عقد حجاجه فارس:ابوك؟
ترف:ايه خالك مكلم ابوي قبل يومين ليش ما عندك علم؟
سكت فارس ما يذكر انه خاله طلبها له ولا احد قال له:اسالك بالله خالي سيف كلم ابوك
ترف:ما تدري؟
فارس حك جبينه وناظر بيتهم ينزل يدخله:انا متكلم مع امي بس ما ظنيت انه بتقول لخالي بهالسرعة
ترف:ليش داق اجل؟
فارس:ساحب على الاهل علشان اسولف وياك
ترف :ماني راعية سوالف،روح نام احسن لك وراك دوام الصباح
ابتسم فارس :تحت امرك يالترفة ..او يالموفي
ابتسمت ترف تصد :مين قال لك اني لابسه موف ؟
فارس :امم قلبي يمكن
ترف ضحكت تناظر  فستانها الي على السرير:غلطان حياتي لاني لابسه بنفسجي
تلاشت ابتسامة فارس من نذالة ازهار ونطق:مافيه فرق بينهم هاذا فاتح وذا غامق
ترف :تصبح على خير ..،قفلت جوالها ترف وضحكت من اسلوب فارس الي قريب من أسلوب ازهار .
،
وقف عند البيت والتفت عليها بعد ما فتح باب السيارة لها:انتظري اساعدك
ابتسمت تناظره من وقت ما نزل وفتح الباب لها ومد يده يساعدها ومسك فستانها تنزل وثبتت عباتها وبشته الي حاطه عليها تنزل وتقدم يطلع مفتاحه من جيبه يفتح باب بيتهم وابتسم يلف عليها :سمي و برجلك اليمين
ابتسمت المزن بأرتباك ودخلت البيت وناظرت الحوش توقف فيه ولفت على نهار وابتسم :زرعته لك كله ورد
ابتسمت المزن له و مشى نهار  معها وفتح البيت تدخل ومد يده يفتّح الاضاءة وبلعت ريقها المزن تتامل الأثاث وابتسم نهار:شرايك فيه؟لمسات امي وهديل شي بسيط وبعدين ان شاءالله انتي تكملينه
ناظرته المزن :لا يعلى على ذوقهم الصراحة تأثيثهم لبيتك يجنن
مد يده لظهرها :قصدك بيتنا
ما ردت المزن تصد بعيونها تتامل البيت ومشت تدخل مع نهار ودخلت الغرفة وتوترت من توسطتها وناظرت حولينها وشنطتها واغراضها الي قدامها تستقبلها ولفت لنهار من فسخ عقاله وشماغه:بنزل اجيب الاغراض من السيارة
ابتسمت من رفع يده يحرك شعره ومن مد شماغه لها :بيصر بي اغراضك و دولابك
ابتسمت من فهمته واخذته من يدينه ومشى يخرج و توردت ملامحها تتوتر وتجلس على طرف السرير وتناظر حوالينها وتحس بمغص ببطنها من طرى على بالها شي وزادت نبضات قلبها وارتجاف يدينها وقفت بتفتح سحاب فستانها ولفت من دخل نهار  وبيده الأغراض وحطها وصدت بعيونها ترفع كفوفها تشيل طرحتها اول وتقدم لها :اساعدك
رفعت عيونها من اقتربه منها وجلس بجانبها يفتح طرحتها و عقدها ويناظر صدود عيونها عنه ويشعر بربكتها وابتسم بهدوء وهو ينزل طرحتها وعقدها ويحطه بحضنها ووقفت المزن تتجه للشنطه:بطلع لي ملابس ابدل
نهار التفت يناظر شنطها :اساعدك
ناظرته من تقدم ونطقت تتوتر:لا لا انا ابفتحهم واطلع لي
نهار فتح اصغر شنطه يناظر ملابسها وناظرته المزن تعض شفتها بإحراج وتشوفه يناظرهم ورفع فستان منهم :هذا حلو
توردت ملامحها منه ومن الوضع الي هي فيه الحين وتخاف وتتوتر ،مدت يدها تاخذه منه ماتدري وش صابها رغم انها تعرف نهار وتحبه وتوده وترتاح معاه لكن الربكة لازم كل عروسه بليلتها تحتاجها
تقدم لها ونطق:اساعدك بفستانك..،هزت راسها بالنفي :باخذ شور
ناظرها :فيك حيل..،ناظرها من فتحت الباب وهي تنطق:ارتاح اذا اخذت شور
مشت بفستانها ترفعه ونطق نهار يناظرها :طيب من يساعدك بفستانك؟
بلعت ريقها من تصرفه معها يزيد توترها ومشى نهار يوقف خلفها ورفعت عيونها من انعكاسهم بالمرايه وفتح سحاب فستانها نهار ومسكت فستانها على جسمها من تحرر وحست بارتخائه وابتعدت عنه تتصدد ووقف محله نهار يشوفها من دخلت داخل وسكرت الباب خلفها داخل غرفة الملابس وجلس من سمع صوت الموية الي انهمر ولف يناظر اغراضها وابتسم يقوم على حيله
وابتسم يشوف شنطة ملابسها ذوقها فالملابس اعجبه انيق وهادي نفسها هي تحب كل شي يشبهها ووده يشوف كل الاشياء الي بالشنطة عليها لان فوق ما الملابس حلوة هو يشوفها انها هي الي بتحلي الملابس اكثر وبتزيدها حلاوه فوق حلاوته ،وأقمشتها ناعمة ورقيقة نفس رقتها هي ونفس ما يوصفها هو بـ"رقيقة الحُسن "،لف من سمع صوت باب الحمام وخروجها واعتدل بوقوفه ينتظر خروجها وخرجت له بفستانها الأبيض ما كفاه بياض فستان الزواج ، تقدم بخطواته لها وبهدوء ورفعت انظارها المزن له بتوتر من وقف قدامها نهار يتأمل ملامحها ورفع أصابعه لشعرها الي تركته منسدل على ظهرها بعد ما جففته ونطق نهار :نتعشى سوا؟
ناظرته وهي ساكته وابتسم نهار يمسك كفها ويلف للأكل الي على السرير وجلس وعقدت حاجبها المزن وجلست معه على السرير ومد يده يفتح لها اكلها وعصيرها ويمده لها :اخوك وفارس اليوم شايلين الليلة شيل
ابتسمت بذهول لانها توقعت راكان:فارس يجي منه بس راكان..
نهار ضحك:لا لا راكان واقف معي المهبل الثلاثي فيصل و فارس و أوس اخوي ،بس والله ياهم سوو جو طول الوقت اضحك عليهم
نزلت عيونها للأكل تبتسم وتسمع ضحكته ورجعت تناظره من كمل نهار :تميم ولد عمي الي طول عمري اشوفه اثقل واحد اليوم صدمني وجايين عيال خالتي من الكويت بعد كملت اقسم بالله طول ليلتي اضحك عليهم
ضحكت المزن وابتسم نهار من ضحكتها :اقول راكان ثقيل مستحيل يرقص ويستهبل نفس فيصل
نهار :وابو صاحبتك سعود يرقص معهم و يوصيني عليك يقول انك بحسبة بنته
همست المزن :يا حبيبي هو
هز راسه نهار يرمي أكياسه بـ سلة النفايات دليل على انتهائه:حتى عمتك بزفتنا الاولى وصتني عليك ،طلع عندك كثير يحبونك ومالومهم والله
ابتسمت المزن وناظرها نهار لثواني وسكت ورفعت عيونها عليه من سكت وبلعت ريقها من نظراته وحطت اكله بالكيس تحطه على جنب وقامت تدخل الحمام تغسل وناظرها نهار ومشى يتمدد على السرير ويرفع ذراعينه خلف راسه ويناظر السقف ينتظرها وثواني وخرجت المزن تعدل لبسها ووقف يعتدل بجلسته وتقدم يمد ذراعه لـ المزن ويجلسها وهمست بتوتر:نـهـار
انحنى يمسك سحاب فستانها ويقبل كتفها و رجفت كفوفها وجسمها كلها بين يدينه و رفعت راسها من ابتعد وجلس بجانبها على ركبتيه يرتفع عنها وينحني يقبل عنقها ورفعت راسها المزن من توترها ورجفهة كفوفها وشدت على فستانها من همس باذنها نهار :ارفقي بي
غمضت عيونها بقوه لانه مستمر بتقبيل عنقها وكتفها  واصابع يده يخالطها بشعرها ورفع كف يده لفكها يقبلها قريب من ثغرها  وانحنى عليها يحصد ما جناه من صبره وتعبه ويزرعه بذور وصله ورغبته وحقه وحلم عمره فيها بغرفه تجمعهم سوا وتضحك جدرانها انتصار فيها
،
جلست ازهار بجانب فرح على السرير وتنهدت تناظر ترف الي قبالها وعلى جوالها ولفت لفرح الي نفس الوضع ونطقت:بنات
همهمو لها وكملت:محتاره وما يمديني اسوي شي
ترف:ليه وش فيه
أزهار:فارس يقول الرجال يقول يبي الملكة بهاليومين ذي
فرح شهقت:متى وافقتي؟
أزهار:مو مهم متى وافقت إلحين مبتلشه بقول لـ فارس الثلاثاء اذا يبي ولا احسن الخميس، مادري  ما ادري بنات ما يمديني اسوي شي
ترف :اسمعيني اذا بتسوين زواج حطيه اي يوم عادي يجي يملك عليك وخلاص واذا وما بتسوين زواج اختاري يوم بهالاسبوع واعزمي الي تبغينه ويكون زواج وملكة مختصره وعائليه وهاذا احسن شي صراحة
فرح :اتفق معها واختاري الخميس واذا رفض قولي ما جهزت شي وحنا بنساعدك لا تخافين
وهج :اتفق معاهم
تنهدت وهزت رأسهآ بالإيجاب:بقول لـ امي اول بعدين هي تبلغ فارس
ترف هزت راسها وهي تتثاءب وتمددت بمكانها تغطي وجهها باللحاف:تصبحون على خير اذا بتتكلمون بشي حلوه لبكرا لا صحصحت
ضحكت وهج من نامت علطول ترف وتمددت هي بمكانها:لو تهرجونها الحين ما بترد عليكم
أزهار كشرت ترمي المخده على ترف:اعرف
فرح:تصبحون على خير
،
جلست تتغدا وهي تناظر جوالها وتبتسم جمال يومهم امس مو عادي ومن رجعت من دوامها لبيتهم ما شافتهم الا تو يوم اجتمعو على الغداء وابتسمت ترفع راسها تشوف سعود الصغير ولد مرام ولفت من نطق ابوها :كلمتني مرام اليوم عن ام فارس
بلعت ريقها توقف اكل وتناظر ابوها الي مكمل اكل وابتسمت مرام لها:خطبتك لولدها وتبينا نحدد موعد يجون
سعود:وكلمني خاله سيف وقال انه يبي يزورنا هو. وولد اخته واخته وقالي انهم بيخطبون لفارس
ناظرتها مرام لثواني ونطق سعود:وش قولك ؟
كحت تناظر مرام :شورك يبه الي تبيه وتشوفه مناسب
سعود:صح اني مالي معرفة فيه الولد بس اعرف خاله حق المعرفه وهو صديق و شريكي والولد اشوفه احيانا بالشركة بس ما قد احتكيت فيه بس ماشاءالله عليه رجال واقف مع عيال خاله ورحب فين اول ما وصلت هو وعيال سيف واهل المعرس 
ابتسمت مرام :بتحدد معهم موعد بابا؟
سعود ناظر ترف :اذا ترف موافقه وما بترفض كالعادة نرفضهم قبل يجون
صدت ترف بعيونها وابتسمت مرام تناظرها :هي تبي تصير قريبة من المزن اكيد تبي صح انه مو اخوها بس ولد عمتها وبحسبه اخوها
ترف ناظرتها وناظرت ابوها لثواني :ما ادري يمكن يجوز لي و اوافق
ضحكت مرام وابتسم سعود ينزل راسه يناظر حفيده الي بحضنه:انا اقول وافقي ولا ما بتفتكين من عيال عمامك الي كل يوم جايين لي وعطي هالرجال فرصة
ترف :اصلاً لو بوافق بوافق علشان افتك من عيال اخوانك بابا
ضحك سعود وابتسمت ترف توقف وتتركهم ودخلت غرفتها تتمدد على سريرها واخذت جوالها تشوف الرسايل الي من الشركة ولفت تناظر الرسالة الأخرى الي وصلتها منه وابتسمت بخفوت تقراها:اي يوم يناسبكم؟بهالاسبوع؟
عدلت جلستها تعض شفتها تفكر بدون ما ترد عليه وعقد حجاجه فارس يشوف خروجها من المحادثه بدون ما ترد عليه ورفع راسه لازهار :فارس مو فاضيه لك وراي حوسة تجهيزات
دلال:ليه ،انتي خليك بحوستك فاضيه له انا
ناظرت امها :اميي
دلال :بحدد مع اختها يوم ونروح نخطب وبلغ خالك سيف
فارس ابتسم يبوس راس امه :وبعد العقد بحدده بالخطبة
لف لها ونطق :صح ترا عصام يقول الاربعاء تمام ما يقدر يأجل اكثر
أزهار:الثقه الي عندك الله يرزقنا منها
دلال :وليه يحق له وليدي يوثق بنفسه
ضحكت ازهار:الحين هو واثق انها بتوافق عليه
فارس :تبيني هي بتلقى واحد مثلي اصلاً
كشرت ازهار بوجهه :انت الي ما بتحصل مثلها والله
دلال: طول السنين نحتريكم تتزوجون والحين كلكم سوا بتتزوجون وتتركوني
عبست ازهار تناظر امها بعيون مليانه دموع وقربت جنبها تحضنها..
،
نزلت هديل تشوف امها وابوها جالسين بالصالة واخوانها موجودين ما عدا نهار وابتسمت من رحب ابوها فيها تجلس بجانبه ويأخذها باحضانه،ثريا:يازين حفيدي ياناس
هديل صرخت بحماس من قال جده:تكفون ما اتحمل انا كذا
ضحك ثابت عليها:شوي شوي طيب هبلتي ولدي
هديل :شسوي ما اتحمل
عبدالرحمن:كبر بسم الله عليه
أوس :عقبال ما يقول اسمي
ضحكت هديل من وقف أديب وصارو يصفقون له ويرقص وجلس بعدها بسرعة وضحك يخليهم يضحكون معه
ثريا لفت لـ ثابت :ما كلمك نهار؟
لف عبدالرحمن عليها:ليه يكلمه؟
ثريا:مادري قلت يمكن بيجون ولا شي ولا يمكن بيسافرون
ثابت :لا ما كلمني
أوس :تلقينه لاهي وعايش بالعسل
ثريا:الله يخليهم لبعض بس استغربت انه ما كلمني
هديل:توهم عرسان اكيد بعد نهار ناسي تعرفين ولدك
عبدالرحمن:بيجيك ولدك لا تحاتين
ثابت:ما يخليك نهار يمكن جواله طافي
هزت راسها تصد ثريا وتناظر اديب وتبتسم له وتلعبه وسكت عبدالرحمن عنهم يناظر هديل ويحضنها اديب
،
حطت ميكبها وهي ساهيه وتنتظر اتصال من المزن ولفت من دخلت امها :وصلت ترا
هزت راسها ومشت تخرج تستقبل ضيوفهم مع امها وأزهار وعمتها ،ورحبت فيهم يجلسون وتقدمت فرح تسلم عليهم وناظرتها الحرمه بأعجب:يا هلا والله كيف حالك
هزت راسها فرح تجلس وابتسمت لطيفه:حياكم الله اخيراً اجتمعنا وشفناكم
ام مالك:السموحه منك والله يوم انك تعزميني اكثر من مره وانشغلت واهلي كانو عندي هالايام واليوم مشو وقلت نجيكم ولا تجوننا انتم
لطيفة:شدعوه ما بيننا اهم شي اجتمعنا وشفناكم
ام مالك :انتي المزن؟
هزت راسها بالنفي :لا فرح
ابتسمت ام مالك تناظرها باعجاب ولفت تناظر لطيفه:اجل الكبير هي المزن الي زواجها كان امس
هزت راسها لطيفه ولفت على دلال:ايه وذي عمتنا دلال وبنتها أزها
ام مالك:ماشاءالله ماشاءلله
ناظرتها ازهار تشوف نظرات الاعجاب لفرح وكملت لطيفة من شافت نظراتها:وين بناتك اجل ما جو معك
ام مالك:كل وحده عند حمولتها والصغيره عندها اختبارات تذاكر لها
ابتسم لطيفه لها ونطقت دلال:ما قلتي وش اسمها قعدتك؟
ام مالك:غدير اصغر وحده
قامت فرح تصب القهوة لهم وازهار معها وتركت الدله فرح تروح لداخل تاخذ جوالها من جاها اتصال
ام مالك:ماشاءالله على البنات ،الا يا ام راكان ما قلتي هالصغيره ماشاءالله الله يخليها لك مخطوبة متزوجة
ناظرتها أزهار بذهول وابتسمت لطيفه لها:ايه مخطوبة الله يتمم لها على خير
ام مالك:آمين آمين
دلال ناظرت ازهار وسكتو من دخلت فرح وابتسمت لهم تمشي وتجلس بجانب ازهار .
،
فتح عيونه يناظر حاله ومكانه ويناظر مزونه الي بين احضانه وابتسم براحة و اطمئنان لانه ما كان يحلم كان كل هاذا حقيقة حياته ومستقبله معها ،نزل عيونه للمزن الي نايمه بعمق على صدره وبحضنه ولف حوالينه يناظر شباكهم و دور جواله يناظر الساعه ٤:٢٠ العصر ،قام بهدوء يجلس ويناظر الشمس اخذ منشفته ومشى يدخل الحمام ، صحت تسمع صوت انهمار المويه واخذت جوالها تشوف الساعه وناظرت الشباك تشوف غروب الشمس عدلت جلستها واخذت روب فستانها تلبسه تغطي فيه جسمها والتفتت من خرج وهو ينشف شعره بمنشفه صغيره وابتسمت بهدوء من رفع انظاره لها يبتسم :مساء الخير
بلعت ريقها تشد على روب فستانها وغمضت عيونها تصد عنه يحرقها الخجل ومشت تتجه للحمام بسرعة وخرج نهار بعد ما لبس شورته و تيشيرته يطلع من الغرفة ينزل للمطبخ يدور شي ياكلونه ،فتح الثلاجة وابتسم يناظرها مليانة:يا بعد عيني يا امي
طلع منها كم شي و رتبه على الطاولة و صلح له كوب قهوة ومشى يجلس على الكرسي يحط كوب قهوته وعصير الكركديه حقها وفتح جواله يشوف الاشعارات الي من الشغل والي من أصحابه يباركون له ومن اهله ..
طلعت تاخذ منشفتها من طلع هو من الغرفة وطلعت اغراضها من شنطتها تجهزها ورجعت من جديد تعبي البانيو وتنزع فستانها من عليها وناظرت للروب الي معلق بالحمام وابتسمت وحطت اغراضها حقات الشور عند البانيو ولفت للمراية وعضت شفايفها وهي تتلمس الأثار الي بعنقها بعد ليلة امس هي حست بتقبيل نهار لها وما توقعته بهالشكل ،صدت تناظر البانيو تتأفف من توردت وجنتيها من الخجل من جا ببالها كيف بتجلس معاه وكيف بترجع تتكلم معاه طبيعي بدون ما تخجل وهي تحس حبها له تجدد داخلها
لفت تناظر الموية ونزعت روبها تغطس داخل الموية والصابون تبعد خجلها وتاخذ راحتها وهي تتروش
بعد ما انتهت خرجت بعد ما رطبت جسمها خرجت تاخذ ملابسها وتلبسهم وجلست عند شنطتها الصغيرة تطلع عطورها واخذت منها خمريه تحطها على شعرها وعنقها وتتعطر بمعطر جسم ،ناظرت فستانها السماوي على لون السماء الصافي وهادي بنقشات خفيفه تبتسم تعدله على جسمها وعدلت شعرها تجففه  وطلعت شنطة ميكبها تاخذ منها بلشر ومسكره و روج ولبست دبلتها واسورتها ورفعت جزء من شعرها والباقي تركته ينسدل على ظهرها ووقفت تناظر شكلها بالمرايه وتنهدت ومشت تفتح باب الغرفة بهدوء تناظر حولها ولا تسمع له صوت وخرجت تمشي بهدوء تنزل وتقدمت للصالة ووقفت محلها من خرج هو من المطبخ  وا مانتبها لها تشوفه معطيها ظهره ويرتب الطاولة وبلعت ريقها تعقد حاجبها بتوتر تتقدم وهي تتامله و لف لها نهار من شم عطرها وابتسم من شافها المزن تتقدم له وارتبكت المزن توقف تلين ملامحها ورفع ذراعه لها نهار :تو ما يزين يومي
ابتسمت المزن وبلعت ريقها  وهي واقفه وناداها:تعالي ،بحضني
تقدمت بهدوء له ومد ذراعه يحضنها ويبوس راسها ومسكت كفه من مده لها تجلس بجانبه ولف يناظرها نهار يتامل شكلها وفستانها و عيونها الي ما يمل منها ابد ،صد يقرب منها الفطور :وش ودك تاكلين؟
ناظرته لثواني لانه صاد وعينه على جواله وهو يكلمها والتفت نهار ما يسمع منها شي :الى متى بتجلسين خجلانه ؟
اخذت نفس تنزل نظرها وشدت على كفه :ما ادري
ابتسم ولفت له تنطق:بنروح لـ اهلك؟
نهار :لا
ارتبكت وصدت تنطق بهدوء:ليه
نهار سكت وهو يناظر حركاتها وطاحت عينه على عنقها :ما يمدي ،و ودي اقضي يومي كله معك
اخفت ابتسامتها بتوتر من مد يده يبعد خصل شعرها وبلعت ريقها من نظراته وتقدم نهار لها يقبلها وغمضت عيونها من شعورها ترفع كفها لصدره لانه ما بيوقف وبيصر نفس ما صار بالأمس
،
جلست تناظر جوالها وتنتظر وصول البنات وناظرت دخول اختها شروق وهي تتافف ودخلت وراها رنا الي بحضنها سعود الصغير:ترف مرام تقول ترا اليوم بيحددون موعد الملكة
تنهدت وهي تزين شعرها:زيـن
شروق:مستعجل شكله
رنا:يالله عقبالك نفتك منك
شهقت شروق تناظرها :استغفري بعدين حياتي فيه وهج قبلي وقبلك وانتي بعدها وانا اخركم
ترف ضحكت:مو شرط يمكن يجي نصيبك قبل وهج ما تدرين انتي
ضحكت رنا تهز راسها وكشرت شروق :لا ان شاءالله
ترف ناظرت رنا:ما وصلو البنات؟
رنا:لا ،بعدين كيف تبينهم يجونك الحين وهم اهل الرجل
ترف:ما ادري
شروق:انا بروح اتجهز  ،لا تجوني لين اخلص
ناظرتها رنا بحنق ونزلت سعود بحضن ترف ومشت تطلع من غرفة ترف تروح لـ وهج الي تنادي عليها
ابتسمت تناظر سعود الي بحضنها وباسته مع خده وضحكت من ابتسم لها :يا حبيب خالتك انت ،سعد حظك يوم انك سمي سعود القلب
اخذت جوالها تصوره وتتصور معه وقامت بعدها تطلع من غرفتها وتنزل لهم تحت تشوف وضعهم وترتيباتهم ناظرت مرام :خلصتو؟
مرام:ايه بس باقي انا بروح البس واتجهز ،عادي تخلين سعود معك شوي لين اخلص؟
هزت رأسها بالإيجاب ترف ومشت مسرعة مرام للغرفه تتجهز بعد ما رتبت كل شي وجهزت مع وهج و رنا الي ساعدتهم شوي
،
قامت من السرير تعدل جلستها ولفت تشوف نهار الي منسدح على بطنه وابعدت اللحاف ورفعت شعرها عن وجهها وابتسمت بخفوت من تأمله لها ولفت من نطق نهار:مزوني
لفت عليه تناظره لانه سكت لثواني ونطق بعدها وعيونه فيها نوم:ما افطرتي زين تبغين عشاء؟
هزت راسها بالنفي المزن وتعدل يجلس نهار و توترت من بان صدره العاري وصدت تفتح الدولاب وتدخل ملابسها ومسح عيونه يرفع يده لشعره يبعثره :بطلب عشاء،بناكل
هزت رأسها بالإيجاب بدون لا تناظره واخذ جواله يناظره ويدخل يطلب لهم عشاء وناظر جوالها الي على الطاولة:جوالك يدق
المزن ناظرته ونطقت:مين؟
مد يده ياخذ الجوال وعقد حجاجه لثواني و رفع عيونه لها ونطق:توتة اتوقع صاحبتك
ابتسمت من ابتسم هو تتورد ملامحها واخذت جوالها ونطق هو قبل ترد :شتبغين اكل؟
فتحته ولفت عليه تنطق:اي شي
سكتت تناظر الرسالة من ترف نفسها وقرتها مرتين مو مستوعبة ورفعت انظارها لنهار تنطق:فارس مكلمك اليوم؟
ناظرها نهار مستغرب وهز راسه:لا
نزلت نظرها ترد على ترف ونطق هو بعد ما اعتدل :حصل شي؟فارس فيه شي؟
هزت راسها تمد يدها توريه رسالة ترف وهي مبتسمه :اليوم خطبتهم
نهار :تكذبين
ضحكت لانه هو نفسها ما استوعب واخذ جواله يدور على رقم فارس وسكتت المزن ورجعت تقرا الرسالة وهزت راسها مو مصدق تنطق بهمس:اخيرا
لفت لـ نهار :نروح لهم نهار
نهار:هي ارسلت لك والثور الي عندي ما علمني بشي
ضحكت عليه لانه معصب لان فارس ما يرد عليه وما قال له وبنفس الوقت مبسوط له ،ناظرها يسكت واخذ جواله يشوف عدم الرد من فارس ولف ينطق:البسي
وقفت تدخل الحمام وقفل جواله نهار وغمض عيونه يحاول يصحصح وهو مستغرب ليه ما قال له فارس ولا يرد عليه ومشى يبدل ملابسه
،
جلست ترف تنتظرهم واخذت نفس تناظر كل شي جهزوها خواتها  وابتسمت تبعد توترها من دق الباب تناظر ابوها الي خرج يستقبل سيف وفارس واخوان المزن ووقفت تمشي مع مرام وباقي خواتها يستقبلون دلال ولطيفة والبنات وسلمو عليهم يرحبون فيهم
———-
لاتنسون النجمة ⭐️