يا رقيقه الحُسن و يا دقيقة الاوصاف يا كُل مُصطلحات الجمال والإذهال ياغيمتي

٢٢

فيصل :حبي هاذي تسمى عرضه مو رقص ،بعدين مو جوي اصلاً انا جوي اهز كتوفي ،ضحكت تضربه من غمز لها ويهز كتوفه وهزت راسها بفقدان امل: الله يخلف على عقلك
لفت من سمعت اسمها ونطقت :هلا
فيصل :بنت نادي امي لي بسرعه
مشت ساحبه عليه تتجه للبنت الي تقدمت لها تنطق غدير:معليش بس قلت ابغى الحمامات ودلوني بس ما عرفت اي جهة
ابتسمت المزن لها :شوفيها حبيبتي هنا
اشرت المزن عليها وابتسمت تسمعها تشكرها ومشت تبتعد عنها والمزن اتجهت للبنات ناسيه وجود فيصل الي طفش واقف عند الباب ينتظرها وانتبه لخروج احد بعد دقايق طويله وفتح الباب وهو ينطق :مزون طولتـ..
،
وقفت تشوف البنات يرقصون ومشت تسحب ترف معها:امشي معي نساعد ازهار
التفتت تشوف اهل المعرس الي توهم خارجين من الغرفه الي فيها ازهار بعد ما دخلت ازهار وجاها عصام ودخلو اهله يسلمون عليه ويباركون له،ترف:يمكن يكون موجود ما بعد راح واهله توهم خارجين مزون
المزن هزت راسها ونطقت تناظرها :معك بندول ؟
ترف ناظرتها بتفحص:الحين لا بس يمكن تحصلين بشنطتي فوق
هزت راسها تمشي تخرج من وسطهم ولحقتها ترف تناظرها:شفيك ؟
المزن:مافيني شي بس صداع خفيف
هزت راسها بزين ونطقت :اجلسي هنا بروح اجيب لك بندول وارجع يمكن صدعتي من الازعاج
ناظرتها بدون لا ترد عليها ومشت ترف لفوق واخذت جوالها المزن تفتحه تشوف كمية الرسايل من فيصل وشهقت لانها نست انه يبي امها وقامت بترجع لداخل الصاله ووقفت من سمعت الكلام الموجه لها بضحكة صاخره "مسويه نفسك من اهله ومستقبله اهله تحسبينك كذا بتدخلين فينا "
لفت عليه وهي تاخذ نفس طويل وتتجاهل الم راسها وتبتسم:ليه مو انا من اهله..،مو لازم اكون من اهله انا كل اهله حياتي
ضحكت بسخرية تنطق:بقولك شي عشان لا تحسبين احلامك الورديه بتكمل ،تراك مجرد شخص دخل حياتنا بالغلط ..
قاطعتها تنطق:حبيبتي انا ما ادخل بالغلط ..،بعدين ما افهم انتي ليه كارهتني كذا ما سويت لك شي علشان تكرهينني هالقد
رند :لا انتي ما سويتي شي بس سرقتي حب حياتي الي طول عمري بنيت احلامي وحياتي معاه وجيتي انتي خربتي كل شي وسرقتيه مني
ضحكت المزن ترفع يدها لراسها من اشتد صداعها:ترا هو مو غرض لجل يكون ملكك وسرقته منك
رفعت جوالها تشوف اتصال فيصل و ردت تمشي بتبتعد وصرخت من سحبتها رند من يدها يطيح جوالها ونطقت بانفعال:مجنونه انتي؟
نفضت يدها المزن تنحني تاخذ جوالها وتأففت تشوف شاشته مكسوره وتشوف ان فيصل للحين على الخط وقفت تناظرها 
وتقدمت ترف الي شافت كل شي تنطق :وش قله الحياء
هاذي ؟،مجنونه انتي تبنين احلام مع شخص ما يبغاك
تقدمت المزن تمسك ترف الي تقدمت لها بانفعال وهمست لها المزن :خلاص ترف
ناظرتها تنطق بقهر:مزون هاذي بزر ما تسكتين لها ،ما تمد يدها وتسكتين لها مزون
ناظرت المزن رند الي نطقت بشتيمه ونطقت بعدها:غصباً عليها ،مسوية نفسها شريفه وهي تكلم اولاد وتضحك معاهم
انفلت ترف من المزن وصفعت رند الي مسكت خدها من قوة الكف ونطقت بانفعال:انا اعلمك..
تقدمت المزن لها تنطق :احترمي نفسك ولا تقولين كلام اكبر منك ..،سكتت لثواني وكملت المزن :اكسري الشر وارجعي مكان ما جيتي
هزت راسها تناظرها من تحت لفوق :تطرديني يعني ،طردتني من زواجه و بتطردينني  الحين!
تقدمت غدير الي كانت طالعة من الحمامات وشافتهم تنطق :شفيكم بنات
ترف ناظرتها تهز راسها :مابه شي حياتي
ناظرتهم تستغرب وما مشت تشوف المزن الي نطقت :روحي وفكينا شرك خلي اليوم يكمل على خير
جت بتتكلم بس ما تركت لها مجال المزن تبتعد وترفع جوالها الي يرن وترد وهي تتنهد :هلا فيصل
كان متوتر وما يقدر يدخل يشوف الوضع ويشوف اخته بس جالس يسمع الي يصير لانه المزن ما انهت المكالمه وسمع الكلام كله الي دار بينهم من شتم واتهام للمزن  نطق :وش الي سمعته تو؟
تنهدت بتعب تصعد لفوق :ماصار شي فيصل ،لو سمحت لا تقول لا لـ راكان ولا ابوي ولا نهار سامع فيصل
فيصل:مزون سوت لك شي صح ؟ليش صرختي ؟كيف ما صار شي و ترف انفعلت كذا مزون؟
فتحت غرفتها تدخل وتقفل الباب تجلس على السرير: خلاص فيصل صار الي صار
هز راسه يرفض كلامها :وينك الحين تعالي لي ولا انا بجيك
المزن:ما اقدر اجيك فيصل ،روح لابوي اكيد يحتاجك ،ناظرت جوالها تشوفه تقفل و رمته بسريرها وناظرت دوخل ترف الي نطقت:بزر هاذي ما تتأدب ،بعد ما رحتي ركضت لامها وحور تشكي لهم وامها جات تدورك بس وقفتها حور وهديل
سكتت تسمع عدم الرد من المزن الي متمدده على السرير ونطقت بخوف:زيتونه..،هزتها بخوف :مزونن
تعدلت المزن تنطق :وين البندول ترف
قامت تتجه لشنطتها لانها وقت صعدت بتجيبه ما كملت لانها سمعت صوت رند الي تكلم المزن ونزلت لها ناسيه البندول وصداع المزن ،مشت لها تعطيها وعطتها كوب المويه تجلس:حسبي الله عليها
ناظرتها المزن تنطق:استغفري ترف
صدت عنها :وش استغفر مزون ما تشوفينها مجنونه مهووسة هاذي قسم مدري كيف اهلها متحملينها
هزت راسها المزن ورفعت انظارها من دخلت فرح ووهج مسرعات ويتقدمون لها :فيك شي
عقدت حجاجها تهز راسها :لا ،وش جابكم لا يكون خليتو ازهار بروحها
وهج :خلي ازهار راحت مع زوجها ،اخت زوجك تدورك
فرح:و زوجة عمها طلعت فجأة معصبه وتقول ما تستحي على وجهها تعزمنا وتمد يدها على بنتي
ضحكت بصدمه ترف تقوم وتدور بالغرفه:مجنونه قسم بالله وتكذب بعد
تنهدت وهج تشوف اختاها تدور وناظرتها فرح ورجعت تناظر اختها الي على السرير :وفيصل بيشوفك يقول فيها شي ليش تقفل بسرعه
تنهدت ترفع يدها لراسها :لا تكبرون الموضوع بنات ،و لا يوصل لامي وخالتي ثريا تكفون
هزت راسها وهج تنطق:اتوقع وصل وخلص عقب الدراما الي صارت منها تحت
مسكت بطنها المزن من حست بوجعه وغمضت عيونها تسمعهم يتكلمون قامت تقاوم المها الي زاد من التوتر الي صار ومشت تطلع بدون لا تتكلم وتنزل تحت تشوف عمتها خارجه من الغرفه الي كانت فيها ازهار،ابتسمت تتقدم لها تخلي البنات الي لحقوها يسكتون ،المزن:عميمه راحت ازهار
هزت راسها دلال تنطق بابتسامة:اي الله يوفقها يارب
المزن:آمين
دلال :كانت تبيكم بس قلت لشروق تناديكم وقالت ما حصلتكم وطلعتها انا لزوجها وقلت بيكلمونك اكيد
هزت راسها المزن ووقفت تناظرها دلال بتفحص:فيك شي مزون وجهك مصفر
هزت راسها بالنفي :مافيني شي بس يمكن لاني ما اكلت زين
ما دققت مره دلال ومشت من تقدمت لها ام عصام وتنهدت المزن تلف ووقفو البنات الي لحقوها ونطقت :لا تقولون شي عن الي صار خلاص
فرح :طيب مافهمنا وش الي صار
هزت راسها تمشي لامها ووقفو البنات يناظرون ترف الي تعلمهم وسكتو من جات هديل لهم تنطق بخوف:صار شي بنات ،رند جايه تبكي وتقول المزن مدت يدها عليها وقالت كلام استحي اقوله
شدت على يدها ترف من الكذب ونطقت :اولاً المزن مستحيل تمد يدها عليها و رند هي الي تمادت بالكلام على المزن وانا الي عطيتها كف لان الكلام والشتم الي قالته بحق المزن ما ارضاه انا واتوقع لا انتي ولا حتى حضرة المحامي بيرضى على المزن
تنهدت هديل :بتجلطني البنت ،سوت نفس يوم بزواجهم ؟
هزت راسها ترف بالايجاب ونطقت هديل :ما بتسكت رند وبتقول لامها وامها عادي يا تكلم ابوي ولا نهار
فرح:المزن تبي تقفل عليه بدون لا يدري احد وما تبي يوصل لابوي وامي وامك
وهج :باختصار ما تبغي مشاكل تصير بين العايلة
،
دخل بعد ما ودع اخته ووقف بجانب العيال ببشته ونطق راكان وهو يناظره:ما تعبت من البشت
تنهد يناظر نفسه وهو مبتسم:عاجبني
ابتسم راكان ونطق يشوف الرجال يقلطون على العشاء ولف يناظر جميع السيارات والناس الجالسه برا ونطق مستغرب:ما شفت فيصل ؟
هز راسه وهو يمشي :بروح اجلس ،لا تخلي العشاء اقلط
انتبه لخروج تميم الي يكلم وخلفه ثابت ونطق راكان :مادخلو العشاء
فارس:امش يمكن عندهم شي
هز راسه ينطق :ما اشتهي روح انت انا بدور فيصل
مشى فارس يدخل وراكان راح يخرج من الشاليه ويتصل على فيصل ولف نظراته لشاليهم الي فيه الحريم وشاف ثلاثه خارجين يركبون سيارة تميم الي قبل دقايق طلع مستعجل وهمس :لعله خير
ناظر فيصل الي جاي من بعيد وتقدم له ينطق راكان:وينك اختفيت
رفع انظاره له :لو ادخل من الباب الخلفي تتوقع عادي
شاف توتره وكيف يهز رجله :ولد فيك شي ؟وليش تبي تدخل؟
فيصل:انا ما فيني شي بس..
راكان:وش فيك كمل!
فيصل:المزن
راكان :شفيها؟
فيصل تردد يقول له بس ما قدر يسكت:كنت انتظرها تنادي لي امي بعدها طولت واتصلت عليها فجأة اسمع صراخ وهي تكلم احد وتقول مجنونه وسمعت كلام مت ينقال وشتم وسمعت صوت كف وصوت ترف صحبتها تهاوشها وبعدها انا قفلت ،بدا يكمل يشرح له الي سمعه كله لين تقفل جوال المزن واتصاله على فرح
مسح وجهه راكان ولف يسمع صوت نهار الي ما انتبهو له :وينها هي الحين؟صار لها شي
ناظره فيصل يمسح وجهه :مادري جوالها تقفل وما ترد
طلع جواله يتصل عليها ونطق راكان:ولد عمك تميم شفته خارج مسرع تو وركبو معه حريم وشفت ثابت بعد خارج معه بس ما اعرف وين راح
ما رد يسمع ال لا رد من تلفونها وطلع رقم هديل يتصل فيها اكثر من مره ولا ترد واخذ نفس ينطق وهو يناظر راكان:مع اي مكان اقدر ادخل
راكان :الباب الخلفي الي كنت عنده وفيه باب يوديك لفوق علطول بس..
مشى مسرع وخلفه فيصل ،تنهد بتعب ما كمل كلامه ومشى خلفهم وهو يتصل على فرح الي ردت علطول ينطق :طلعي المزن فوق نبيها ،سكر ما يسمع ردها و مشت فرح مسرعه للمزن تنطق :يبغونك فوق
عدلت جلستها المزن تنطق :مين هم؟
فرح :مادري بس راكان قال طلعيها لفوق ويبونك
قامت تشوف كفوف يديها الي ترجف ورفعت يدها لراسها من رجع لها الصداع وتقدمت ترف لها :ما كليتي شي من اليوم صح؟
هزت راسها المزن تمشي لفوق ولفت فرح على  ترف تنطق :ياربي اكيد بنتهم قايله كلام وزادت بهرات من عندها
تنهدت ترف تشوف الناس الي شوي شوي يقلون وجلست :ان شاءالله ما يصير شي
جلست فرح وابتسمت ترف تلتفت لها من شافت حرمه كبيره ومعاها بنت يطالعون فرح ،لفت على فرح تهمس لها:شكلك اعجبتي حماتك
ناظرتها فرح ما تفهم وناظرت للامام تشوف الحرمه الي تناظرها وبجانبها بنت وابتسمت تنطق لترف :شعرفك انها حماتي
ضحكت ترف تقوم:طول اليوم تناظرك مارحتي تسلمين عليها
وقفت فرح تشوف امها الي تقدمت تنطق :فرح امي ،ما سلمتي على ام زوجك
فرح:لا ما اعرفها اصلاً
ترف :غريبه هاذي الصراحه كيف ما تعرفينها
فرح :لانهم خطبو خطبه رجال وامه ماجات تشوفني
لطيفة:كانت تعبانه شكلها ما اذكر بس امي روحي لها الحين سلمي عليها وانا بجي معك لانها تعرفني
ناظرتها فرح بترجي :تكفين لا مو جاهزه
هزت راسها لطيفه تمسك ذراعها وتمشي معها وهي تبتسم وابتسمت ترف بداخلها ومشت تدور على خواتها
تقدمت لطيفة مع فرح تبتسم وهي تنطق:حي الله من جانا
ابتسمت سارة تمد يدها تصافح لطيفه الي مدت يدها لها :الله يحييك ماشاءالله مبروك لمعاريسكم
ابتسمت لطيفة لها:يبارك فيك يا عمري ،انتي ام هشام ؟
هزت راسها بالايجاب :اي ام هشام ،هاذي ماشاءالله عروستنا؟
ابتسمت فرح من قدمتها امها لها وسلمت عليها وعلى الي بجانبها تسمع سارة تمدح فيها  ،سارة:زين ما اختار هشام والله ،يا حلاتها
ابتسمت لطيفه لها وهزت راسها وناظرت سلاف الي بجانب سارة تنطق:هاذي بنتك ماشاءالله
ابتسمت سارة تلتفت على سلاف الي بجانبها وتمسح عاى كتفها :زي بنتي لاكنها بنت اختي
لطيفه:إيه ماشاءالله الله يحفظها
ناظرت سارة فرح لثواني تشوف خجلها وابتسمت تسوي نفسها تهمس للطيفه :وليدي وده يأخذ عروسته
رفهت انظارها فرح على أمها ماتبي تبي ترفض بس ما تقدر تتكلم وكملت سارة تنطق:بياخذها يتعشى معها ويرجعها
ابتسمت لطيفه براحه تشوف بنتها وهزت راسها بزين :زوجته ما نقول شي بس دامها للحين ببيت ابوها يستاذن من ابوها قيل ياخذها
سارة:اكيد ،اكيد لازم يبلغ ابوها
ألتفتت ساره لسلاف الي تكلم بجانبها ونطقت تكلمها:خالتي سلطان اخوي برا ،نمشي؟
هزت راسها وقربت تسلم على لطيفه و فرح تودعهم ومشت بعدها مع سلاف الي مدت لها عبايتها ولبسو عبياتهم وغطو وجيههم وطلعو تبتسم سارة الي شافت ولدها مع ولد خالته واقفين ويسولفون ،ابتسم من شاف امه جايه صوبه وتقدم يبوس راسها وهي تنطق:مبروك يا امي انت عساه عقد الدهر يا حبيبي
ابتسم سلطان: مبروك الله يوفقك ياخوي
هشام :آمين عقبالك
،
صعدت لفوق تشوفهم موجودين اخوانها و زوجها ابتسمت وهي تتقدم لهم :فالو لي ان فيه احد يبغاني
تقدم لها فيصل يناظرها بتفحص:صار لك شي؟
لفت بنظراتها لنهار الي تقدم يحط يده على ظهرها :وش صار ؟مزوني قولي لنا كل شي
تنهدت تنزل رايها لانها حاولت تقفل على الموضوع بس ما يتقفل ومشت للكنبه الموجود تجلس ويجلس هو بجانبها ورفعت نظراتها تشوفهم يناظرونها وابتدت تسرد لهم الموضوع من أوله لين اخر شي لصعودها لغرفتها بس ما ذكرت شي عن صداعها ومغص بطنها الي جاها وقت كانو البنات عندها فوق ،المزن:بس هاذا الي صار وانا ما ابغى خالتي وامي يعرفون ما بي تصير مشاكل
قام وهو يمسح على وجهه ينطق بغضب :ليه ما قلتي لي من اول ،مزون هاذي ما تسكتين عشانها
ناظره راكان هو عصب من الكلام الي سمعه بس ماسك اعصابه :نهار هدي هدِي شوي
جلس فيصل عند رجولها ونطق :طيب انتي ..
سكت لانها هزت راسها تناظره :انا بخير ما فيني شي ،قامت توقف وكملت:هي اتهمتني وقالت كلام ما ينقال وانا رديته عليها وخلاص انتهى انا بسكر على الموضوع للني ما ابي يصير شي اسوء من كذا
هز راسه راكان يفهمها ولف يناظر اخوه:اجل خلاص ما بنتدخل بس اعرفي مزون لو صار هالشي مره ثانيه ما بسكت ابد ابد ما بنسكت
هزت راسها تسند راسها على صدر فيصل وابتسمت لهم ونظارها نهار يعرف ليش ما تبي تقول لهم وعشان مين بس هو ما بيسكت وما يهمه وش يصير اهم شي عنده هي وغيرها مايهمه لو ايش ما صار ،ابتعدت عن فيصل الي نطق. يغير الموضوع:دامك طيبه اجل بروح اخرب على فرح شوي قبل تطلع مع زوجها
ابتسم راكان ينزل راسه :ما تمل انت
هز راسه وتقدمت هي لـ نهار تحضنه ونطقت قبل يروح فيصل :فيصل طلبتك لا تخرب عليها ترا عادي تسحب على الرجال
نهار:معليك عمي واقف بالمقدمة
ضحك فيصل بسخريه:ايه انتم تتقوون بابوي بس قدامي ماتسون ربع
اعتدل نهار بوقفته يناظره وضحك فيصل يرفع ثوبه ويحط يده فوق شماغه ويركض هارب منهم،ضحكت تعتدل وناظرت راكان الي لحق فيصل يخليهم على راحتهم وابتسمت هي تناظره من تنهد تنهيده طويله حطت يدها على صدره تنطق :نهاري
ناظرها يسند جبينه على جبينها وباس أرنبية خشمها :سمي ولبيك وامريني
اتسع مبسمها تهز راسها و رفعت يدها لشماغه تعدله عقاله:نروح البحر؟
رفع كفينه ليدينها ينزلها ويقربها لشفتيه يقبلها :هو لي قلب يقول لا
رفعت نظراتها له تهز راسها بالنفي :لا
ابتسم لها ونطقت هي تبتعد عنه شوي:رقصت معهم؟
ضحك يهز راسه :ايـه
قربت تلعب ازرار ثوبه وابتسم هو يخمن وش بتقول بس ما تكلمت للحين ونطق هو:ودك تشوفيني وانا العب او ارقص على قولتك؟
هزت راسها بأيه :فيصل مصورك صح؟
ابتسم يهز راسه:هو و أوس اخوي لقو لهم محتوى وطول الوقت يصورون العريس وابوك وحولو علي انا وفارس بعد
ضحكت لانه يوم جاها فيصل كانت يتحلطم لانه جلس يصورهم لين طفى جواله ،ناظرها لثواني ونطق :المعازيم نصهم راح تبين نروح الحين ولا تصبرين لين يخلصون الناس كلها
المزن:لا بنتظر لان فروحة بتروح مع زوجها و ببقى اساعد ماما وعميمه
باس راسها :زين انتبهي على نفسك واذا خلصتي اتصلي علي تمام
اشارت براسها بالإيجاب تشوفه يبتعد عنها وراجع مع مكان ما جا وهي رجعت تحت ،رجعت للبنات
اخذت اغراضها ومشت للباب تخرج قبل تلبس عبأتها وتأففت تشوف جوالها تقفل :مو وقتك والله مو وقتك
اخذت عباتها تلبسها وتحط شيلتها على كتوفها تشوف المكان فضى من الناس ما بقي الا هي والبنات بس وامها رجعت مع ابوها وهي بقت لان البنات طلبو منها تجلس والحين المفروض ترجع مع أوس بس جوالها قفل وطلعت برا لعلها تحصله بس ما حصلت احد ترجع داخل ووقفت بتدور على المزن علشان تتصل على نهار ووقفت من شافت شخص مقبل عليها ما ميزته وتوقعته نهار يمكن جاي للمزن حطت كل الاحتمالات لانه نفس هيئة نهار تقدمت وهي تناظر تحاول تلمح وجهه بسبب ظلام المكان ما وضح لها وجهه ونطقت بعد تردد :نهار
وقفت بعد ما اقتربت منه وصارت توضح له واخفى ابتسامته داخله لان جيتها له وإقبالها بهالشكل يموته فيها شي مو عادي له وفدت قلبه مو عاديه له نطق بخفوت :ليتني نهار دام بتنطقين اسمه بهالعذوبه ..،عقدت حجاجها ما فهمت وش يقول لانها جالس يهمس لنفسه واستغربت ترفع يدها وتلمس كتفه:انت نهار صح؟ لا تستهبل تكفى
ارتعبت من فكرة انه يكون احد غير اخوها وهي برجلينها رايحه له وتوترت ترفع شيلتها على شعرها من عدم رده وشهقت من انفتح النور ولف هو عليها من رجعت وتوضح لها من يكون ونطقت وعيونها تدمع :اا ..معليش اسفه ..،اسفه
مسك يدها من كانت بتصتدم بالطاولة الي خلفها :انتبهي !
وقفت تبتعد وما حست من صارت قريبه له ولفت هي تناظر خلفها ورجعت تناظره :ما كنت اعرف اسفه
قرب يده يمسح دموعها من نزلت ونطق بخفوت:اشش ،ليه البكي طيب؟
ابتعدت عنه تحاول تتكلم تبي تبرر بس ما قدرت تتكلم تحس انها خانت ثقت اهلها فيها وابتسم هو يدري انه خوفها ونطق وهو يصد عنها ياخذ اغراضه :اخوانك برا ينتظرونك
مشت مسرعة متجاهله خاتمها الي طاح من يدها تركض وهي تمسح دموعها ووقفت تاخذ نفس وتعدل حجابها وطلعت تدور اخوانها وابتسمت من شافتهم تتجه لهم وضحك أوس الي نطق :جات الدلوعة، بشري بكيتي؟
ناظرها نهار وهو مبتسم وعقد جاجه أوس من ركضت تحضنه واعتدل بوقفته يمسح على ضهرها :بسم الله لا اكون بموت
ضربه نهار :ولد اعقل!
ناظره اوس مستغرب وهز راسه ينطق :شفيها؟
قرب نهار لها وناظر اوس من حضنته هو بعد :بنيتي؟فيك شي ابوي انتي؟
هزت راسها وابتعد عنها يناظر وجهها ومسحت دموعها :مافيني شي بس بكيت يوم شفت المزن واخوانها يودعون فرح كانها بتروح عنهم
ضحكو بصوت عالي. ونطق أوس :يعني تبكين علشان ما تبين تبعدين عننا
ضحك نهار يمسح على راسها :يعني بتقنعيني ان كل هالدموع علشان شفتيهم يودعون اختهم
هزت راسها ونطق أوس وهو يفتح لها الباب :اركبي بس هاذا كله دلع بنات
كشرت بوجهه :بعدين مو كله علشان هاذا ،فيه شي ثاني
هز راسه وركب بجانبها أوس يشوف نهار الي متكي على شباكها :اي قولي من اول ،علشان نعذرك
تقدم نهار يبوس راسها :ما عليك منه هاذا ،شوف اذا ما هي نا تعشت جيب لها من المطعم الي تبغاه
ابتعد عنهم نهار بعد ما ودعهم ومشى لداخل شاليهه يشوفه فضى والعمال ينظفونه الحين ودخل يجلس على اقرب كنبه قباله ونزل شماغه يسند راسه ينتظرها تخلص مع امها وتجي له لجل يرحون البحر حسب طلبها هي..
،
بالداخل فضى المكان من الناس وترتب المكان وما بقي الا هي توها نازله باغراضها بعد ما بدلت لبسها لشي مريح لها ،وناظرت العاملة تنطق :ساندي خذي هاذي طلعيها لنهار برا
هزت راسها ومشت تاخذهم ،ولفت المزن تشوف امها وعمتها بالخارج عند فارس و فيصل الي بقو ما راحو للحين مشت تلبس عباتها وحجابها تسمع سوالفهم اخذت شنطتها وجوالها تخرج لهم ، المزن :مطولين؟
التفتو لها وابتسمت لطيفه تهز راسه :لا يامي بس فيصل ما زانت له السوالف الا الحين
دلال:بتروحين مع زوجك؟
هزت راسها تتزل انظارها لجوالها من رن تنطف:الطيب عند ذكره
تقدمت تسلم على امها و تودعها وتسلم على عمتها ولفت من تكلم فيصل:يوهه الحين من بسهر واسولف معه ،راكان عنده دوام وتحصلونه نايم
دلال:عندك فارس
ناظر المزن ونطق:شرايك تسحبين على زوجك وتجين معاي؟
تقدمت دلال تمسكه مع ذراعه:انا اقول امش انا اسهر معك بس تخلي البنت مع زوجها
ضحك فارس يهمس له:تصبح على خير
ناظر فارس وكشر:اوريك ،كذا تسحب علي !..
سكت يناظر عمته وباس راسها :ما ودي اتعبك نسهر وقت ثاني انا هربت ..،طارت عيونها دلال من رفع يدينه و ركب سيارته 
وضحكت تمشي لسيارة فارس تركب معاه
طلعت مع امها بعد ما تاكدوا ان كل شي تسكر وابتسمت تشوف نزوله من سيارته وقدومه يجي يسلم على امها الي ابتسمت بخجل من باس راسها :كيفك عمتي ان شاءالله طيب؟
لطيفه:طيبة،طيبة ان شاءالله، إنت شلونك عساك مرتاح
ابتسم يناظر المزن :الحمدلله ،احد عنده المزن وما يرتاح
ابتسمت تنزل راسها وهي خلف امها ومن سحبها تصير بجانبه ويده خلف ظهرها هي ودها الأرض تنشق وتبلعها من خجلها
ضحكت لطيفه تشوف بنتها الي وجهها تلون بالاحمر من حركات نهار ونظراته لها قدامها هي ، لطيفه:صادق عاد هاذي مزون عيني اوصيك عليها و اوصيها عليك
ابتسم يقبل راس لطيفه :بعيوني لا تحاتين عمتي
ناظرتهم لثواني ونطقت :زين الله يحفظكم
مشت تركب مع فيصل وحرك يبتعد عن المكان متوجه للبيت ،التفت عليها يناظر عيونها يتامل وجنتيها الحمراوتين وابتسم ينزل راسه ورفعت كفوفها لوجنتيها تتحسسها وتغطي وجهها :نـهـار ،لا تضحك
ضحك يهز راسه :من قال اني اضحك !
ضربت كتفه من بانت اسنانه وعلامة خده من ضحك ،سحبها يحطها تحت ذراعه ويبوس راسها ووجنتيها :احبك زود لما تخجلين كذا
ناظرها لثواني :بعدين ما قلت شي ليه تناظرينني كذا قدام امك
مدت يدها لصدره تدفعه وتمشي السيارة:عبيط قسم
ضحك لانها ركبت وسكرت الباب بقوه ينطق:فدا فدا يأم غروب
ابتسمت تشوفه يركب بجانبها ويحرك طالع من المكان متجه للبحر  ،ناظرته لثواني تشوفه كل شوي يناظر جواله ونطقت :حصل شي؟
نهار هز راسه:ولا شي
هزت راسها بالايجاب ترفع جوالها تشوف ترف وفرح مرسلين بالقروب وما دخلت تشوف كلامهم لانها تعرف عن ايش يحشون ،التفتت من سحب كفها يشابك يدينهم ببعضها ويسحبها لحضنه ابتسمت من قبل راسها ونطقت بعد فتره قليله :نهار
نهار مسك اصابع يدها و نطق :سمي
رفعت نظراتها له وهي بحضنه من حست بشي يدخل باصبعها البنصر واتسع مبسمها من شافته خاتم ،رفعت يدها تتامله وفسخته تشوفه وانبهرت من شافت الكلمتين المنحوتة فيه ولفت عليه تناظره بعيونها وتقدمت له تقبله وابتسم وسط قبلتها ومن بعدها حضنته يهمس بأذنها :حياتي انتي، الحياة انـتـي
قالها ورجعها لحضنه من جديد وابتسمت هي ترفع يدها تتامله:انت عمري وباقي سنيني..
ابتسم يرفع كفها يبوسها ورجع يناظر طريقه وعدلت جلستها هي تاخذ جوالها وتصوره وتصور خاتمها وضحكت من سحب يدها لحضنه بعد ما شغل اغنيه وصار يغني معها
ابتسمت تتامله ونطقت :ماشاءالله صوتك طالع حلو
غمز لها :شرايك ،انفع اصير مغني بدال المحامي؟
هزت راسها:لا ما ينفع حبيبي
نهار: توك تقولين صوتك حلو ليه ما انفع
المزن :مابي الناس يعرفونك خليك بس لي
صد يبتسم ونطق :اهاا ،حلو يعني تغارين علي
هزت راسها تسكت واخذت جوالها تشوف رسالة حور واعتذارها عن الي صار وتنهدت ترد عليها وتسكر جوالها ماتبي حور تتعذر لها ويصير بينهم رسميه بسبب اختها ولا تبي تفرق بينهم ،لف يناظرها لثواني ونطق:شفيك؟
هزت راسها بالنفي:ولا شي ،نهار
ناظرها ونطقت:هديل تعرف بالي صار بس أنا قلت لها لو خالتي وخالي ما يعرفون لا تقول لهم ما ابغى يصير مشاكل بينكم
زفر من تذكر وهو اصلاً ما نسى بس عشانها قفل على الموضوع بس هو سكت ما يفتحه معها بي علطول راح يكلم تميم عن الي صار وانه لو صار مره ثانيه هو بنفسه ما بيسكت وبيكبرها وبتوصل للقطاعة بينهم ،ناظرته لثواني ولفت تناظر المكان من وقف ونزل هو يتجه لبابها يفتحه وتنزل من مد يده يمسكها تنزل معه تسمع سكوته...
،
نزلت معاه بعد ما وصلو للمطار وهي للحين مستغربه ليه راحو المطار مو الفندق لفت عليه تناظره ينزل شنطهم ونطقت:عصام
لف يناظرها بعد ما سكر شنطة السيارة وسلمهم مفتاحه :لبيه ابوي
ابتسمت تنطق:لبيت حاج ،ممكن سوال
ابتسم يرمي شماغه على كتفه ويتقدم لها:ممكن!
هزت راسها:اي،ليه جينا المطار؟
لف يناظر المكان والبوابه :ابدأ نتقهوى ونرجع للفندق
ناظرته لثواني تكشر:لا تصير سخيف،صدق ليه
ضحك يتقدم لها بعد ما اخذو شناطهم ومسك كفها يمشي معها:لأنو يا حبيبتي رحلتنا الحين ،بنسافر لشهر العسل
اتسع مبسمها تناظره مو مستوعبه:احلف ،يعني ليه اليوم..،اقصد ..،سكتها يضرب طرف خشمها بسبابته :ودعتي اهلك وانا سلمت على اهلي والحين رايحين
سكتت ما تعرف شتقول ومشت معه من سمعت النداء بعد ما شحن شناطهم ،ركبت الطياره وهو لازال ما سك يدها وجلسها بمقعدها يجلس هو بعدها وناظرته من تذكرت ليه قبل تطلع طلب منها تبدل ملابسها لشي مريح اكثر ،ازهار:انت مخطط من اول علشان كذا استعجلت بالملكه ووقت جينا نطلع طلبت مني ابدل ملابسي
هز راسه بالايجاب وصدت تخفي ابتسامتها ونطق هو :استعجلت بالملكه لاني صدق بسافر عندي شغل ومطول لاكثر من شهر ووقت قال لي فارس انه بيكون ملكه و زواج قلت خلاص اجل نخليها كلها ونسافر بعد ما يخلص الزواج علطول شهر عسل ومنه أنا اخلص شغلي
ازهار:يعني السبب الاول شغلك صح؟
هز راسه:لا حبيبي ،سببي الاول والاخير انتي ولا ما كان استعجلت بكل هاذا
لف عليها ينطق :سكري حزامك بنقلع
ابتسمت تسكر حزامها وتستعد للاقلاع وناظرت كفها من شابكها
بكفه تحس بحنيته عليها وناظرته تسمع همسه وقت قرا دعاء السفر وبدت تردده معه .
،
بعد مرور شهر كامل باحداثه وانشغال اغلبهم بشغله ،المزن رجعت تخلص المشروع الي ماسكته وانشغلت فيه لدرجة ما حست بوقتها الي قضى ونهار ما قدر يطول اكثر ويسافر و يرجع بنفس اليوم يخلص أشغاله والقضايا الي عليه ووقف بعد ما استنزف طاقته يأخذ اجازة ويريح من الشغل ويفكر بسفرتهم وشهر العسل الي ما قضوه بسبب اشغالهم ..
-
آنتهى
تفاعلو بالتعليقات ولا تنسون النجمة ⭐️