يا رقيقه الحُسن و يا دقيقة الاوصاف يا كُل مُصطلحات الجمال والإذهال ياغيمتي

٢٤

خرجت له وناظرها يتفحص وجهها من اقبلت عليه ومسك كفها ينطق:تعشيتي؟
هزت راسها بالنفي ،وهز راسه يرص على اسنانه:طيب الحين بتروحين معاي ولا ابي اسمع اعتراض
المزن:نهار
هز راسه :مافيه
ناظرته لثواني تتنهد ونطقت :طيب ترا سلمت على امك وتنتظرك وخالاتك ينتظرونك بيسلمون عليك
نهار:تمام روحي للسيارة انتي
مد لها مفتاح سيارته تتجه لهاله وتفتحها وتركب مكانها ،واتجه هو للداخل يسمع صوت امه ونطق:يالشيخة عنك احد
ثريا:لا يا امي ادخل ادخل
ابتسم من دخل يشوف خالاته يرحبون فيه وسلم عليهم هو وبدا ياخذ اخبارهم ..
ناظرت جوالها ترسل لفرح انها طلعت مع زوجها وسكرته تسند راسها وتغمض عيونها تنتظره ،مشى لسيارته بعد ما ودع امه و ودع ابوه فتح باب السائق يركب لف يشوفها فزت ومد يده لصدرها يسمي عليها:بسم الله عليك
رفعت يدها لرأسها وتسند نفسها ؛نــهـار
نهار:عيون نهار و روحه ،اسف اني صحيتك
هزت راسها بالنفي تتعدل وشغل السيارة يحرك يطلع من اسوار القصر ولف عليها :نمر المستشفى الحين نشوف وش فيك
المزن:تمام
سكت تقترب منه وتحضن ذراعه وتسند راسها عليه ورجع يناظر طريقه متجه للمستشفى ،وصلو بعد فترة ونزل معها للمستشفى وتقدم نهار للاستقبال ينطق :فيه عيادة نسائية؟
هزت الموظفة بالإيجاب:ايوه،ممكن تعطيني اسم المريضة الرباعي
لف يناظرها ونطق :المزن سيف فهد آل فيصل
سجلت اسمها ومدت له كرت الانتظار تنطق :تفضل ،تقدر تنتظر بالاسترحة شوي وننادي عليكم الدكتورة
هز راسه نهار :يعطيك العافيه
تقدم للمزن يمشي معها يجلسون بغرفة الانتظار ،زفرت وهي ساندة راسها على كتفه :ليش جايبني استراحة الرجال؟
نهار :ابغى اكون معك ما بخليك وحدك
ابتسمت ورفع انظاره على المكان :لو كان فيه رجال كان خليتك تروحين استراحة النساء بس شوف عينك مافيه الا انا وانتي
زفرت من حست بصداع تتمسك بكفه وابتسم هو يحاوط كتفها وظلو على حالهم لين نادت عليهم الدكتورة تستدعيهم لغرفة العياده..
،
منتصف الليل
ابتسمت تتمدد على فراشها تتذكره قدامها كلامه لها ،ضحكت تغطي وجهها وتصرخ بحماس :ياربي قد ايش حلو
ضحكت حور عليها الي كانت على الكرسي سهرانه معها :هديل انتي تصدميني بكل مره مو لهدرجه خفيفه
ضحكت تتربع على سريرها وعليها بجامتها الورديه ورافعه شعرها:تصدقين اني اول ما شفته بكيت وهو جاني يمسح دموعي ويقول ليه تبكين حسيت بإحراج وقتها ونقدت على نفسي
ابتسمت حور تسمعها من كملت:يجنن حور لطيف بزيادة ويشبه المزن شوي وعيونه نفسها تهلك
شهقت حور تنطق:اما عيونه خضر؟؟
هزت راسها وهي عاضه شفتها:ايي،تخيلي بالعشاء ما قدت اكل زين بس يطالعني وقالي اذا ما عجبك نروح مطعم ثاني وكل ما اقول شي يرد علي بغزل عسولل وخفيف على القلب
ضحكت حور تشيل اديب الي يلعب بالارض وتتقدم تحلس معها على السرير:العايلة كلها عسل ،شوفي امهم كيف تهبل وطول الوقت وجهها مبتسم
هزت راسها هديل وهي عيونها تلمع هي كانت معجبه فيه بس الحين وقعت بحبه :تدرين كنت خايفه اول ما جو وخطبوني بس بكل مره استخير اكون مرتاحه واليوم عرفت السبب و عرفت اني محظوظة فيه حتى ابوه وقت دخل تدرين ما ابتعد عني راكان وطول الوقت جالس جنبي وابوه يناديني بنيتي حسيت اني بطلع من بيتنا لبيتي الثاني بيعتبروني بمقام بناتهم
هزت حور راسها تمسح دموعها:متى كبرتي انتي وصرتي تحبين وتنحبين؟
ضحكت هديل تحضنها:اخذتي ثابت واخذتي اطباعه يعني!
هديل مسحت دموعها واخذت اديب تحضنه وتبوسه :حبيب عمته
ضحكت حور من صاح اديب فيه نوم ويبي ننته ومدت يدها تاخذه منها وتقوم تحطه ب سريره الي عند هديل وتعطيه ننته وبطانيته الي يحبها ونام علطول ومشت هي تاخذ جوالها تشوف هديل الي رجعت تتمدد وتطقطق بجوالها تنطق :انا بنام خلاص عندي دوام الصباح واديب بيتم عندك
هزت راسها هديل:تم ،تصبحين على خير
انسدحت حور بفراشها الي حطته بغرفة هديل وظلت هديل تسولف مع صحباتها وهي تحس الحب يسري بدمها منه اليوم ظلت على حالها لين اسودت عندها الرؤية تدخل بنومتها العميقة واحلامها الوردية..
،
«المستشفى »
وقفت مذعورة ومتوترة من سمعت اسمها وابتسم نهار :اخيراً
زفرت تحاول تبعد توترها وتمشي معه للغرفه،فتح الباب يدخل وهي معه وابتسمت الدكتور تنطق :أنت زوجها
التفت نهار عليها ويهز راسه :إيه زوجها
هزت راسها بالإيجاب واشرت لهم يجلسون وناظرتهم:كم لكم متزوجين؟
ناظرت نهار تنطق :شهر ونص يمكن
هز راسه يناظر الدكتوره وناظر المزن الي نطقت :تسمحين اشرح لك الالم لان الي احس فيه تعب عادي لإني مضغوطه بشغلي
هزت راسها الدكتورة:اكيد تفضلي
بدأت المزن تشرح لها بكل ضميرها بكل شي شعرت فيه ،ميلت الدكتوره فمها تنطق:انا عندي شك يقول انه حمل لان الالم نفس ماقلتي تحت بس نكشف بالسونار اول
نهار ناظرها ينطق:يعني هاذي اعرض حمل؟
هزت راسها الدكتورة وناظر المزن يبتسم يدعي ربه وابتسمت المزن وقامت مع الدكتورة، زفرت من بدت الدكتورة تحط الجل على بطنها،مسكت السونار وبدت تصور وتتامل الشاشة واخذت وقت طويل بينما المزن بردت وضلت ماسكه بكف نهار تشد عليه من توترها الي زاد ،التفتت عليهم الدكتورة تلاحظها:حبيبتي المزن شوي شوي ليه كل هالتوتر
بلعت ريقها المزن تنطق:مو حامل صح؟
ضحكت الدكتورة تناظر الشاشه ،زفرت تناظر نهار ومن مماطلة الدكتورة:بالله قولي وترتيني زيادة
ابعدت الجهاز تمسح بطن المزن وتقفل بلوزتها ،ابتسمت المزن بربكة ونطق نهار:ها يا دكتورة حامل ولا لا؟
الدكتورة:حامل يا المزن وبالاسابيع الاولى
بردت اطرافها من تاكدت انها حامل وابتسم لها نهار يمسح على كتفها ،شابكت يديها ببعض تنطق:اي اسبوع بالضبط؟
الدكتورة:لسى توك داخله بالثاني بس وحملك كويس وتمام وإن شاءالله ثابت ،لكن لازم تهتمي بنفسك وترتاحين وبما انك بتكونين ماما قريب لازم تهتمين بصحتك وأكلك وخصوصاً بالأشهر الأولى وبأذن الله ربي يسهل عليك ويرزقك
رفعت راسها تشوف نهار الي عيونه تلمع وابتسمت هي تسمع كلام الدكتوره:بسجل اسمك عندي علشان تصيرين مريضة عندي وكل مراجعاتك معاي تمام ؟
هزت راسها المزن وهي تغطي وجهها بعد ما تغورقت عيونها تبكي من الفرحة وحضنها نهار تبتسم الدكتوره تنطق:الله يديم عليكم دموع الفرح ويبعد عنكم الهم والحزن
قامت المزن يحتضن اكتافها نهار وينطق :يعطيك العافيه دكتورة ما قصرتي
الدكتورة:ابد ما سويت شي ،تقدرين تتفضلين ورقمك موجود عندي من الاستقبال واشوفك قريب
صافحتها المزن :ان شاءالله
خرجت معه من الغرفه وابتسمت من لف عليها يمسك يدها :يعني بتجي غروب الصغيرة،بتجي مزوني نصخه مصغره
ضحكت تهز راسها واحتضنها :احسني من الفرحة ودي اطير فوق
مشى يطلع معها وركبت السيارة معه ونطق هو :ما تعشيتي صح؟،تبين عشاء؟
هزت راسها بالنفي تنطق:مالي نفس بالعشاء نرجع البيت؟
هز راسه بالايجاب يصغي لكلامها وزفرت تنطق بزعل:والله مو مشتهيه اذا جعت ابد بقول لك علطول
ابتسم يقرص خشمها :طيب يا زعولة بس انتي اشري وانا اقول تم
المزن :ليش تبي بنت؟
ضحك نهار ينطق:لاني احب البنات ولاني ابيهم يطلعون يشبهونك
المزن:بس يمكن يطلعون عليك
ابتسم ياخذ كفها لحضنه :مو على كيفهم
ضحكت تنطق:يمكن يطلع ولد طيب
هز راسه وابتسمت تمد كفها تمسح على بطنها ورفعت عيونها على الطريق تنطق:نهار ممكن ما نقول لاحد لي يرتفع حملي شوي؟
هز رآسه بالإيجاب يبتسم لها ويلف يدخل بيتهم و يوقف بالمواقف:ممكن ليه لا ،واحسن بعد
ابتسمت من نزل وفتح الباب لها يمسك كفها وتنزل معه ويدخلون البيت ناظرها ونطق :اطلعي نامي الحين انا بخلص مكالمه واجيك
هزت راسها بدون كلام تصعد لفوق تدخل غرفتهم ونزلت عباتها واتجهت لدولابها تاخذ بجامتها تبدل وطلعت بعد ما خلصت تمسح مكياجها وتتمدد على السرير بعد ما خلصت تنتظره ..
،
جلست على الارض تشوف شنطهم والملابس الي على الارض جالسه ترتبهم ومعها ساندي عاملتهم يرتبون الشنط لسفرتهم الي كل يوم تتأجل،كانت فاتحة الكام وتسولف مع ترف الي تجهز لزواجها :توته تتوقعين يكون الجو بارد هناك
ترف:لو اني اشتغل بالاحوال الجويه قلت لك بس يا قلبي خذي ثقيل و خفيف ما تدرين عن الجو هناك
هزت رأسها ونطقت:طيب انتي متى بتملكين ومتى زواجكم
ترف :الملكة يا زيتونه بكرا بس توقيع بدون حفلة ولا شي
والزواج بعد ما ترجعين انتي من السفر وترجع ازهار يعني يمكن٣/٦هجري
المزن:حلو حلو
تنهدت المزن وناظرت الجوال من نطقت ترف توريها القطعة:شرايك فيها مزون
المزن:حليوة
ترف:ايش يعني اخذها ولا ؟
هزت المزن را راسها:توته انتي ما تحبين كذا دوري غيرها
ناظرتها ترف تميل راسها لثواني وتركتها:صح كلامك مو جوي كذا
ناظرت المحل تدور فيه ونطقت:مزون بسكر انا بخليك تخلصين شغلك دام اننا بدري الحين الساعة تسعة الصباح واشوفك بالليل بحفلة فروحه
هزت راسها :تمام يلا باي
سكرت منها المزن وقامت تمشي تنزل تحت وتجهز لها شي تاكله وتجهز عصير الفواكه الي صارت تستبدله بدال الكركديه لانه ما ينفع لها وهي حامل..
،
خرجت من المول تتجه للمواقف تركب سيارتها وتحرك خارجه منه بتتجه للصالون تخلص شغلها بعدها ترجع البيت ،وقفت بالمواقف تنزل وتسكر سيارتها ومشت تدخل الصالون وتتجه للاستقبال تبلغهم عن موعدها ودخلوها علطول نزلت طرحتها تبقى بعباتها بس وجلست على الكرسي تمد ايدها للموظفة تبتدي باظافرها ولفت من سمعت احد يناديها وابتسمت تنطق بفرحة:فداء!!
ضحكت تتقدم لها وتسلم على ترف وهي جالسه:ايش الصدفة الحلوه
ضربتها ترف بايدها الثانيه وتعقد حجاجها:يا حيوانه وش هالقطعة
سحبت كرسي تجلس عندها :انتي الي وش القطعه ،انا اتواصل مع مزون وقالت لي انها تزوجت وانتي تبي تتزوجين وقالت بعد انك بتاخذين ولد عمتها
ابتسمت ترف تعز راسها:ايي ،تشوفين النصيب
ضحكت فداء ولفت من جا ولدها الصغير لها وشالته لحضنها وشهقت ترف تغطي فمها ونطقت فداء تجاوب على سوالها الي ما نطقته:هاذا ولدي نايف ،نايف ماما سلم على خاله ترف
نزل يسلم عليها وانحنت تبوس خدينه ترف ورفعت راسها تناظر فداء :لا ،لا ما يصير كذا الحين لازم ندور يوم قريب ونجتمع فيه قبل تسافر مزون
فداء:بتجين اليوم لبيتها؟
هزت راسها ترف:عزمتك على حفلة فرح؟
ابتسمت تهز راسها:قلت لها لا تعلمك ابي أفاجئك بس شفتك هنا وما قدرت اصبر
ابتسمت ترف تحضنها :ما بترجعين مع زوجك بدري صح ابي اشبع منك
فداء:لا مطولين هنا لان اياد عنده شغل وحنا جالسين معاه علطول
ترف:الحمدلله علشان تحضرين زواجي ونجتمع احنا الثلاثة سوا
رفعت ترف جوالها تشوف رسالته وسكرته تطنش ما تبي تكلمه قبل ما يكون زوج لها وتصير حلاله واخذتها السوالف مع صاحبتها وصارو ياخذون علوم بعضهم واخبارهم لان لهم فترة ما شافو بعض..
،
«بيت نهار ،الساعة ٥:٤٠»
نزلت بعد ما خلصت لابسه ،لبست فستان ناعم يبرز نعومتها باللون الوردي الفاتح ومخفي بروز بطنها ولابسه سليبر يناسب فستانها ،ابتسمت تناظر كل شي جاهز تقريباً توجهت للمطبخ تناظر العامله للحين موجوده ونطقت :ساندي سويتي قهوة عربي
هزت راسها :يس مدام
مشت تطلع من المطبخ من سمعت صوت باب الصالة تسكر وابتسمت تشوفه داخل بالاغراض الي طلبتها والبالونات الي بيده تقدمت له تنطق:هلا بحبيب عمري ..،ابتسمت من قبلها وابتعد يحط الاغراض على الطاولة تنطق:يعطيك العافية حبيبي
ضحك يسحبها ويحضنها:رايقة اليوم انتي وش السبب
ضحكت تنطق بغرور و ترجع شعرها خلف اذنها:كل يوم انا كذا ولا شرايك؟
ضحك يهز راسه بالايجاب ويدفن وجهه بعنقها يشم شذا عبيرها وابتعد ينطق :عزمت العيال ترا كلهم حتى زوج اختك عزمته ،وبما انكم مسوين حفلة توديع عزوبية لاختك وصاحبتك قلت أعزمهم
ابتسمت هي تمسح على ثوبه وتلعب بازاريره:زين ما تسوي
ابتسم لها وانحنى يقبل بطنها ورفع راسه:بتقولين لهم اليوم؟
هزت راسها تضحك:بتصير فيه مفاجآت كثير اليوم
ضحك من ضحكها :تحبّين المفاجآت انتي ،ابعد شعرها يعض اذنها بخفيف وشهقت هي تصرخ وتبتعد عنه :نـهـار
ضحك يرفع يدينه :وش اسوي انتي ما تتقاومين
ضحكت من صعد لفوق يخليها على ومشت هي مع العاملة ترتب الاغراض الي جابهم من حلا وفطائر على الطاولة والكيك دخلته الثلاجة
،
مكان اخر
نزلت وهي مستعجلة تجلس على طرف الكنبه وتلبس كعبها وتزين حجابها ووقفت قدام المرايه الكبيره تضبطه وناظرت شكلها لاخر مره ورفعت جوالها ما تقاوم ما تاخذ صوره،لفت من شافت امها جايه ونطقت:مع السلامه مامي
ثريا:وين..،ضربت بكفوفها على فخوذها تستغفر:ياربي على هالبنت
طلعت تسكر الباب وتمشي لسيارته من شافتها عند البوابه وابتسمت من شافته نازل يكلم ابوها ،مشت لهم وابتسمت تنطق:سلام
ناظرها عبدالرحمن ينطق:وعليكم السلام،ليش تأخرتي يا ابوي؟
وقفت بجانبه تبتسم بأحراج وهز راسه عبدالرحمن ما يبي يحرجها زياده:زين يابوي استودعتكم الله وانتبه لها يا راكان و رجعها لا تبطون
هديل:بابا ترا مو رايحين اي مكان رايحين بيت نهار
ضحك يهز راسه ويمشي للداخل ،التفت عليها من راح عبدالرحمن يحضنها ويقبلها من وجنتيها وابتسمت هي تضرب كفه:راكان ترانا بالشارع
نطق وهو يقبل راسها:واذا ؟،تراك حلالي
ابتسمت:ادري بس مو بالشارع عيب
هز راسه يبتعد عنها وفتح لها الباب تركب ومشى هو يركب مكان السائق بجانبها ويشغل السيارة ومد يده يمسك كفها :حي الله هديل
ابتسمت تنطق:الله يحييك
ضحك وهو يناظر الطريق يخرج من الحي :ايه وش الاعلوم وش الاخبار
هديل:اخباري تسرك ،ناظرته لثواني ونطقت:راكان ممكن نمر محل بشتري شي اخذه معاي مع ان مزون محلفتني ما اجيب شي
راكان:نمر ليه ما نمر
اتسع مبسمها تحتضن ذراعه ومدت يدها للمسجل تشغل شي ولف عليها من وقفو عند اشاره ينطق:بدعي للمزن ونهار الي خلوني اشوفك اليوم
ضحكت ترفع عيونها له:ليه؟
ناظرها يدري تستعبط عليه ونطق:ابد والله فيه وحده مزيونة حارمتني من شوفتها علشان حضرتها تبي تستعد للزواج،حبيبتي الزواج باقي له شهر الله حسيبك
ضحكت لانها معذبته كل مره يحدد تاريخ زواجهم يأجله لان الشي الي تبيه مو متوفر الحين ولا فستانها ما بعد جا ولا المطربه الي تبيها ما حصلت عندها حجز وو...،هديل:انت قلت لي براحتك وانت قلت سوي الي تبينه صح؟
هز راسه يناظر طريقه:صح يا عيوني بس ما يصير طولنا زياده بيصير لنا شهرين وزيادة متمالكين
سكت ثواني و لف عليها ينطق:والا شرايك اخذك بدون زواج ولا حفله ولا هم يحزنون واسفرك شهر عسل شهرين ودي ازود بس عندي شغل
ناظرته تتوسع عيونها من الصدمه:راكان ،لا ما ابي ابغى اسوي زواج بعدين هاذا يوم واحد بالعمر خلني انبسط فيه
رفع اكتافه يميل شفته:بكيفك انا قلت لك
وقف عند المحل الي تبيه ونزل ونزلت هي معه يختارون الي يبونه واخذت هي كم شي الي تبيه ومشت تشوفه عند الكاشير يحاسب حقاته ونطقت من شافت اغراضه قليله:بس ذولي!
هز راسه يناظرها وضحك ينطق :ترا حنا مو مثلكم يالبنات نكتفي بشي واحد
هزت راسها وحطت اغراضها واخذهم يحاسبهم مع اغراضه وناظرها ينطق:روحي السيارة
وقفت تناظره نازل وكاشخ ابتسمت تتقدم له وبيدها البخور ،ابتسم يحاوط ظهرها وهي تبخره اخذه منها يحطه على الطاولة وينطق:عشتي يا حبيبتي تسلمين
ابتسمت تنطق:نهار بتقول لاهلك اليوم
هز راسه ينطق:العصر كنت عندهم وبشرتهم انك حامل وفرحو لك كثير وكانو يبوني اكنسل جمعة اليوم علشان ما تتعبين بس طمنتهم
ضحكت من تذكرت تلميحات هديل ونطقت:هديل تعرف؟
هز راسه بالنفي:ما كانت موجودة بس امي وابوي وثابت حتى أوس بدوامه ما جاء
"نرجع شوي"
«العصر بيت عبدالرحمن »
دخل البيت وهو ينادي على امه ويدورها بالبيت ،لف يشوف العاملة ينطق:سارا وين امي؟
سارا:فوق صالة
هز راسه بزين ومشى يرقا لفوق بصالتهم وضحك ينطق :اوهه ماشاءالله ابو اديب موجود
قام ثابت يسلم عليه:وش عندك تصارخ
تقدم نهار يسلم على امه وابوه :ابد ادور الشيخة امي
ثريا:الله يدين هالابتسامه وش عندك؟
ابتسم ينطق:ابد ما عندي الا كل خير ،شخبارك يبه عساك بخير؟
هز راسه عبدالرحمن:بخير بخير بس تراك اقلقت امك قولها وش عندك
لف يشوف امه الي فعلا قلقت مع انه مبتسم ومد يده يمسك كفها وباسها:لا تقلق ولا شي افرحو بس
كشرت ثريا من مماطلته:خلصني نهار وترتني
ضحك يقرب لها ويبوس راسها:ابشرك ،ناظر ابوه ثم ناظر امه يشوفونه ينتظرونه يتكلم ونطق:ابشركم بعد سبع شهور بتنور حفيدتكم الدنياء
ضحكت ثريا تحط يدها على فمها :تقوله صادق يمه؟
هز راسه يبوس كفينها:ايه
ضحكت تحضنه وتبكي وتدعي له وتدعي للمزن وابتعد عنها يقوم لابوه الي حضنه ويبارك له:الله يتمم عليها بالصحه والعافيه ووينها زوجتك الحين؟
نهار:بالبيت تستعد لعزيمه البنات عندنا اليوم
ثريا:وليه تتعب نفسها المفروض تنتبه لروحها الحين
نهار :لا تخافين موصيها ما تلمس شي وعندها عاملات والأمور طيبه ان شاءالله
لف من طبطب على كتفه ثابت يبتسم :مبروك يا اخوك الله يجبها بالسلامه
ابتسم نهار يحضنه لثواني وابتعد يجلس ويسولف مع امه وابوه واخوه..
نرجع"
المزن:خذ البخور حطه بالمجلس بخره
اخذه من يدها وانحنى يقبلها ويبتعد من سمع صوت الجرس وطلع يتقدم للباب يفتحه ويشوف راكان وهديل وضحك ينطق:النسيب!،يالله حييه
تقدم راكان يسلم عليه وبعده هديل ودخلو داخل ،راكان :وين مزون؟
نهار:داخل تحصلها ،ادخلو حياكم
فتح باب الصالة يدخل ويدخلون معاه وابتسمت المزن من شافتهم تهلي وترحب بهم  ،ابتسمت هديل وهي تناظر البيت بأعجاب وتقدمت مسرعة تسلم على المزن :منزل مبارك
المزن:الله يبارك فيك
هديل:كيفك وشخبارك
ابتسمت المزن تجاوب عليها ولفت بنظراتها من دخل راكان الي مادخل معهم ينطق السلام بجمهوريه وناظرت هديل المزن تغمز لها وضحكت هديل تنطق:بعدين مو الحين اقولك
ضحكت تتقدم تسلم على اخوها الي نطق:منزل مبارك اخيتي
ضحكت تهز راسها:الله يبارك فيك
نهار :شكلنا بنقولها كثير اليوم!
لف عليه راكان يستغرب ومشى نهار يوقف بجانب المزن وجات هديل توقف بجانب راكان وابتسم نهار يناظرها :يعني تقولي زوجي بوقف بجانبه خلاص
ابتسمت تهز راسها ونطق راكان بعد ما رفع يده يحاوط ظهرها:وش السالفة بتقولها كثير
هديل:يعني شكله عشان بيتهم ..،قاطعها من هز راسه نهار ينطق:لا مو علشان بيتنا يا اخيتي
ابتسمت المزن تراقب نظراتهم المستغربه وعدم فهمهم ومدت كفها تمسك بطنها البارز شوي وتناظره لثواني وتنطق :واحد بيصير خال وانتي هديل بتصيرين عمه مره ثانيه
ناظرها راكان وشاف بطنها وضحك يتقدم يحضنها :مبروك يا اخيتي الله يتمم عليك ،ابتعد شوي يناظرها ورفع يده لخدها يقرصه:كبرت بنتي ،لف يناظر نهار الي يناظره وهو رافع حاجبه وتقدم يحضنه ويبارك له:الله يتمم عليك وتجي بنوته مثلك
ضحكت المزن تناظر هديل الي تناظر بطن المزن واشرت لها تنطق:هديل..،هدوله وين وصلتي
ناظرها نهار ينطق:بتبكي ترا عادي
تقدمت لها المزن وحضنتها من صرخت بحماس وبعفويه:بيصير عندنا بيبيين صغار ما اصدق
ضح نهار لانها تقصد حور انها بتولد بعد كم شهر والمزن ،ضحكو عليها وانحنت تمسك بطن المزن وتسولف وبعدها نطقت: مزون بأي شهر؟
المزن :الثالث
هديل:يعني ما وضح جنس الجنين؟
هزت راسها المزن:لسى
ابتسم بتأملها هي كيف عفويه كذا وكانت شوي وتبكي من فرحتها ناظرهم نهار ونطق :عقبالكم ان شاءالله
ابتسم يهز راسه ويناظرها من خجلت من كلام نهار ولفو من سمعو صوت الجرس ينطق نهار :ابو سيف امش معاي للمجلس
راكان هز راسه ولف للمزن:انتبهي لنفسك ولا تشيلين شي ثقيل وخلي ساندي تعاونك تمام
هزت راسها:تمام
مشى لهديل ونطق :انتبهي لنفسك يا حلوه
خجلت تغطي وجهها بكفوفها وابتسم يقبل خدها ويمشي خارج من الصالة للمجلس الي برا
مشت المزن للباب من شافت اختها وامها جو وناظرت نهار الي يسلم عليهم وابتسمت هي من تقدم لها يوصيها على نفسها،استقبلت اهلها بصدر رحب وابتسمت تجلس مع امها وتسولف معها وهديل جلست مع فرح وبعد دقايق دخلت ترف مع خواتها و معهم حور لوحدها ،ترف:ماشاءالله البيت بيرفكت مزون
مرام:ماشاءالله الله يجعله بيت عامر باهله
جلسو مع بعضهم وابتدت التقديمات ونطقت فرح:مزون ازهار ما بتجي؟
المزن :رجعت من السفر؟
هزت راسها:اي اليوم عميمه تقول انهم العصر جو عندها هي وزوجها
شهقت المزن تغطي فمها:العنزه ذي قايله لها انا تعالي تقول ما اقدر للحين ما رجعنا الخبر
ضحكت فرح :شكلها بتفاجئك بس انا خربت عليها
ضحكت المزن وقامت بعد ثواني تفتح الباب وتستقبل صحبتها فداء وتسلم عليها وتحضنها بشوق لها:اخيرا صارت الشوفه
ضحكت المزن:صادقه حياك تفضلي
فداء:مزون خالتي لطيفه موجوده؟
هزت راسها تبتسم ونطقت فداء:الي فتح لنا شكله زوجك ،لزم على اياد يدخل ويجلس معهم واخذ نايف معه
ابتسمت المزن تهز راسها:انا قلت له عنه علشان ما تروحين بدري ونسهر سوا
مشت المزن معها بعد ما اخذت منها عبايتها تعلقها ودخلو داخل ومشت فداء تسلم عليهم وتبتدي بلطيفه ومن بعدها البنات ..
المجلس
دخل نهار ومعه اياد والقى السلام وعرفهم عليه نهار وجلسوا مع بعضهم،وناظرو لفارس الي دخل ومعه زوج ازهار وقامو يسلمون عليه ويتحمدون له بالسلامة عقب السفر ،فارس:ماشاءالله يازين العيال
ناظره اوس لان نايف الي عمره ما تم سنه يخطي "يمشي شوي شوي"،واديب ولد ثابت يمشي معه :اديب لقى من يونسه
ناظره اياد يبتسم:لقو بعض واضح مبسوطين
شال فارس نايف يلعبه وضحك نايف مبسوط وتقدم اديب يرفع يدينه لفارس وضحك نهار وهو يسوي قهوه سودا له :شف الغيره شف ،وش بيسوي لا جات اخته اجل
ثابت :قل وش بيسوي فيك وانت مدلعه لا جات بنتك ولا ولدك
ناظره فيصل ينطق:مطولين على ما يجي ولدهم بيكبر وينسى
ضحك ثابت وضحك معه راكان يناظرون نهار الي منزل راسه ويصب مويه ومبتسم :وش مطولين الله يهديك بس
ناظره فارس:ليه فيه شي بالطريق على قولة امي
رفع راسه يناظرهم وهز راسه :بعد سبع اوست شهور
صرخو كلهم يقومون فارس و أوس و فيصل وناظرهم راكان يضحك:بشويش هبلتو الضيف
ضحك اياد يهز راسه:لا عادي شدعوه
تقدم فيصل له :احلف
نهار :والله
أوس :يعني بتجي غروب بتنور الدنياء
بعده فارس ينطق :وش غروبه اقول ،بيجي سميي فارس
ضحك عصام ينطق:ماشآءالله كل الناس تبيهم يسمون عليك
فارس:يحصل لهم اصلاً
ابعدهم نهار عنه يصب قهوته بكوبه وبأكواب ثانيه للي يبي ونطق:شف المغرور اقول غروب وبس مافي غيرها
فيصل :مبروك تتربى بعزك
ضحكو كلهم ونطق فارس:وش تتربى بعزك وهي ما جات للحين ببطن امها
ثابت:اقول انا امشو اجلسو وعينو من الله خير
لفو يناظرون دخول تميم وقامو يسلمون عليه وتقدم له نهار:ارحب بو ليلي
تميم:تبقى ماشآءالله منزل مبارك بو غروب
ضحك نهار يهز راسه :يازين الاسم الله يجيبها بالسلامة
ابتسم اوس ينطق :بارك له بعد تسع شهور بتجي بنته المنتظره
فيصل:وش تسع شهوره بعد ثمان شهور
ضحك فارس ونطق ثابت :ما شفت اغبى منكم الصدق
تميم:وش السالفه؟
ابتسم نهار يجلس ويعدل تيشيرته :ابد بس بتجيني بنت ان شاءالله
ضحك تميم يفرح له وحضنه يبارك له وابتدت جلسه الشباب يسولفون ويلعبون مع بعضهم وتعرفو على اياد اكثر واعجبوه وجاهم هشام متأخر شوي ودخل معهم بالجو علطول..
،
بالداخل
قامت هي تتجه لمطبخها ولحقتها هديل تدخل معها وتنطق:مزون جبتي ثنتين
هزت راسها :ايه احسن
عقدت حجاجها تسمع صراخ البنات وحطت الكيكة على الطاولة ونطقت:ساندي جيبي ستاند للكيكه
هديل ابتسمت تقراء المكتوب :تحمست لردة فعلها
ابتسمت المزن وهي تضبط الكيكه :الي معاي لفرح والي معاك لتوته
هزت راسها هديل بالايجاب ونطقت:علمتيهم بحملك؟
هزت راسها بالنفي وابتسمت وهي تشوف الكيكه :فيه صندوق هنا بعطيه امي وتفتحه هي وبعدين بيعرفون
هديل :حبيت الفكره
لفت المزن تنادي على ساندي تجيب الصندوق وطلعت قبلها تأشر على وهج تشغل الاغنيه ووقفو بعد ما شغلوها يصفقون خوات ترف وترف معهم وأزهار وفداء وحور ، طلعو المزن و هديل واتجهت المزن علطول لفرح الي انتبهت من الاغنيه انها لها وصارت تبكي من تقدمت المزن ووقفت لطيفه تحضنها وحطت الكيكه المزن تحضنهم ،ابتعدت فرح تمسح دموعها وتاخذ الكيكه من مدتها لها اختها وضحكت وسط دموعها:يعني كذا تودعوني لبيت زوجي
ضحكت لطيفه:حنا ما نودع نسلمه الامانه وصغر عنقود البنات
لفت المزن على هديل تهز راسها وتقدمت هديل لترف وصفقو البنات ولفت تناظرهم ترف مستغربه وناظرت هديل والكيكه والمكتوب عليه تقرا وبرضو ما اسوعبت تنطق بعد ثواني:بس توني ما تزوجت
ازهار ضحكت:يا غبيه بكرا عقدك
هزت راسها واخذت الكيكه من هديل تناظرها ونزلت دموعها وتقدمت هديل تحضنها وبادلتها الحضن ومشت للمزن تحضنها من بعد هديل وبعدها خواتها وازهار ولطيفه الي نطقت:مبروك يا بنتي انتي تستاهلينه وهو يستاهلك
تقدمت فداء لها تمسح دموعها وتحضنها:مبروك مقدماً
ضحكت تمسح دموعها ونطقت المزن:توته !
ناظرتها ترف وضحكت تحضنها من جديد: الله يخلينا ويديمنا لبعض
ابتسمت المزن ورجعو يجلسون وتقدمت المزن تاخذ الصندوق وتمشي لامها والبنات يناظرونها ونطقت فرح :لا تكون مفاجأة ثانية قلبي بيوقف ترا
ضحكت المزن ومدت الصندوق لامها:هاذا لامي هديه تنتظرها هي
ناظرتها لطيفه واخذتها تحطها على فخوذها:ما تقصرين بس والله اني ناسيه وش الي انتظره من زمان..،سكتت لانها وهي تتكلم فتحت الصندوق شوي شوي ولاحظت الي بداخله تغطي فمها وبدت عيونها تلمع وابعدت الصندوق تحضن بنتها وتبكي :مبروك يا امي مبروكك الله يتمم لك على خير
اخذت الصندوق فرح من فضولها وفتحته تطلع الي فيه وتنطق:ملابس اطفال!!..،لفت على المزن تنطق بصوت مرتفع:حامل!!؟؟
وقفو البنات كلهم الي تصرخ والي تبكي من الفرحه ،فرح:مزون صدق
-
آنتهى لا تنسون النجمه⭐️