يا رقيقه الحُسن و يا دقيقة الاوصاف يا كُل مُصطلحات الجمال والإذهال ياغيمتي

٤

ودخل سلمان بذا اللحظة:فارس في واحد يبيك برا ،وانت نهار جهزت الاوراق بيجبهم لك سلطان
فارس:اذا راكان دخله هنا
هز راسه ب زين وطلع وناظر راكان الي جالس على احد كراسي الانتظار ومعه جواله أبتسم يقترب له :قلت لي أسمك راكان صح؟ولا غلطان
ابتسم له وقام:لا صح عليك أسمي راكان
سلمان:اجل حياك فارس ينتظرك هنا ،اشر على مكتب نهار ومشو له يدخلون بعد ما طق الباب سلمان وقام فارس من شاف راكان مقبل عليه ابتسم يرحب فيه:حي الله ولد خالي تو ما ينور المكتب
ابتسم له وسلمو على بعض:منور بوجودك فروس
قام بعد ما ترك الكوب وجواله وابتسم له يمد يده يصافحه،فارس اشر له يجلس ب الكرسي المقابل له وتكلم وهو يعرف ب نهار:هاذا نهار بن عبدالرحمن صديقي وشريكي
أبتسم راكان :ماشاءالله والنعم فيه
فارس ناظر نهار ثم ناظر راكان:وهاذا راكان بن سيف ولد خالي ومدعي عام
ابتسم نهار :تشرفنا فيك راكان
أبتسم له :الشرف لي،ناظر فـ فارس ونطق بتساؤل:قات تبغاني بموضوع مهم!عندك عشرين دقيقة لإني متأخر على دوامي
ضحك فارس :دايم متأخر عن دوامك وش الجديد
راكان:فارس اعجل
فارس:خلاص بقول،ناظر فيهم شوي وتكلم:الموضوع كلعاده عمي سالم الي حتى استحي اسميه عمي ..
هز راسه راكان بمعنى كمل بعد ما سكت فارس،فارس:نهار ماسك القضيه ضده بس
نهار:هو يلعب فـ الادلة ،انا ماسك عليه أدلة كثير بس فكل مره يقلب الطاولة علينا
راكان:هو مروج صح؟
هز راسه فارس:ايه ،وسارق نص الشركات والحين يبي شركت خالي سيف
راكان عقد حواجبه:شيبي من شركة ابوي ،جا عند الشخص الغلط
فارس:تعرف الشركه المنافسة لشركتكم "Art Live"،هز راسه بالايجاب راكان :ايه شركه هشام آل سالم
صفق فارس :الله عليك ،هذا ولده ولد عمي هشام
ناظر فيه راكان منصدم ونفس الشي نهار الي نطق:انا عنده ولد !
فارس هز راسه:اي بس هشام مبتعد عن ابوه ما يبي يدخل بمشاكله بس بنفس الوقت معادي شركتكم وخصوصًا المزن اختك وانت تعرف اختك الكل يجي لها من تصاميمها ودقة شغلها
راكان:عارف بس ما قد تكلمت المزن عنه...سكت شوي من تذكر الي صار ونطق بسرعه:تذكر يوم تجون عندنا ،هز رأسه فارس،وكمل راكان:اختك والمزن طلعو من بيتنا فجأة وحنا نتعشى رايحين ل الشركه
فارس:ايي قالت لي إزهار 
نهار كان ساكت يتذكر الي صار قبل يومين ونطق وهو تحت الاستغراب:قلت أرت لايف ؟هاذي شركتكم؟
راكان:اي ليه
نهار  نطق وهو مستغرب شوي :انا رحت لهم قبل يومين وصادفت وانا داخل سالم الزفـ*ت ،كان خارج من عند الشركة
راكان ضرب الطاولة بغضب:الـ**
فارس:لازم نسأل المزن اذا هددها أو سوا لها شي
نهار :بيفيدنا ترا بما انه ف البداية
راكان اخذ جواله وقام يدور ف المكان ويتصل على المزن وما ردت عليه من اول رنه تأفف وجلس واتصل مره ثانيه وناظر فيه فارس يحاول يهديه:راكان شوي شوي عليها وانت ارتاح شوي وركز
نهار عقد حجاجه مستغرب من فارس :فـ...قاطعه الاتصال الي جا راكان و رد عليه بسرعة تنهد نهار يسند ظهره على الكرسي ويلعب ف القلم الي فيده ويستغفر
~
-العصرية
بعد ما خلصت ترتيب البوتيك حق المزن جلست على احد الكنبات الموجودة وهي تتأمل المكان ومبتسمه على إنجازها ،قامت تخرج من المكان وتسكره زين وتركب سيارتها وتتصل على صديقتها ابتسمت من جاها الرد :زيتونة خلصنا من بوتيكك ،تبغين شي ثاني امريني
ابتسمت من ترف وتكلمت وهي تسوي شعرها:لا حياتي مشكوره
سكتت ثواني ورجت تتكلم:توته بتجين اليوم معانا
ترف :لا مزون وش يجيبني بعدين ناسيه ان اليوم جمعة عماتي بابا ما بيخليني اروح اي مكان
نزلت الفير من يدها تحطه على الطاولة وتاخذ خصلة ثانية تسويها:نسيت نسيت ،عمومًا علشان ما ااخرك وانا اتاخر بسكر
ترف تأفف:الحمدلله ان عزيمتهم بعد العشاء
ضحكت وسكرت من سمعت الترف تقول لها "بايي"،كملت شعرها وهي تغني بذا اللحظة دخلت عليها فرح:زيتونه فين الكونسيلر أفتح درجة
اشرت على شنطة الميكب الصغير الي على السرير:هناك بس لا تحوسين ميكبي تكفين فرح ، هزت راسها وهي متجه ل الشنطة ورفعتها لحضنها تدور الكونسيلر ،تأفف ،:مزوون فينه مافيه هنا
المزن :تستهبلين فرح دوري زين وبتحصلينه
لطيفة:بنات احد منكم طلب حلا او شي ناخذه معانا ،عيب نروح ويدينا فاضيه
فرح وهي تحوس ف الشنطة:انا طلبت تحت فالمطبخ، شهقت وقامت توقف وتركض تنزل تحت ولحقتها لطيفة:بسم الله وش فيك شهقتي
فرح اخذت الحلا تدخله الثلاجة:مافي شي بس نسيت ادخله الثلاجة
ضربتها لطيفه من كتفها وهي تستغفر:أستغفر الله وانا احسب فيك شي خفت طاح قلبي
ضحكت بخفه وتقدمت تبوس رأس امها:آسفه لطوفه
بعدتها لطيفة ومشت تصعد للغرفة عند المزن ودخلت وهي تتكلم من هبال فرح:الله يعينني على هالبنت ماهبل فيني الا هي
المزن ابتسمت من تذمر امها :وش سوت بعد وخلتك تتذمرين كذا
لطيفة نطقت بغضب طفيف:انتي سامعه شهقتها تقولين ميت احد والركضه هبلت فيني الله يصلحها
المزن:مخروشة بنتك هاذي
تنهدت لطيفة وناظرت ف فرح الي دخلت ما كنها مسويه شي وكملت تسوي ميكبها ولطيفة كملت لبسها وقبل المغرب بدقايق وقفت بعد ما طلعت فساتينها تختار منهم شي يناسبها وناعم يصلح لجمعه صغيره كانت ساهيه تناظر فيهم محتاره بينهم رفعت راسها على احد الفساتين من ارتفع ويد ماسكته ،ابتسمت لها تنطق:هاذا يناسبك
ضحكت تضمها وتسلم:إزهار ،متى جيتي
ضحكت تمد لها الفستان:تونا مالنا شوي واصلين، خلصتي؟
المزن هزت راسها :اي كان باقي لي اللبس بس ،عمتي تحت لحالها
ابتسمت باتساع وغمزت لها:اي لحالها ،تبينه يكون موجود
ناظرت فيها ما فهمت وش تقصد واخذت فستانها من سمعت الآذان ومشت تفتح الباب :ما اطردك بس لازم اتلبس وأخلص
تقدمت تخرج وهي تقول:ما عليك اعرف ما تطردينن ،انا تحت
اومئت لها وخرجت وسكرت الباب المزن تقفله وبدات تبدل ملابسها لفستانها الوردي ناعم يناسب المناسبه فيه فتحة صدر وسيعة شوي وظهرها مغطية شعرها المنسدل ،تقدمت لتسريحتها تاخذ عطرها بريحة الياسمين و ورد الجوري مع مسك والفانيليا ،وعطرت شعرها بخمريه مسك و عود ، وكملت تلبس اكتسوراتها وكعبها وعباتها الي اختارتها سوداء تناسب العزايم وطرحتها وفتحت باب غرفتها تنزل لهم ،كانو يسولفون مع بعضهم والتفتو من سمعو صوت كعبها يضرب ف الأرض ابتسمت دلال وقامت :بسم الله ماشاءالله عليك يا بنتي ،قمر قمر
ابتسمت من مدح عمتها ومشت تسلم عليها :تسلمين
ابتسمت لطيفة تشوف خجلها وناظرت ف دلال وقالت وهي تضحك :خلاص يا دلال بنتي ماتت من خجلها
دلال ابتسمت وهي تمسح على شعر المزن:يحق لها بنت سيف
إزهار و فرح ناظر فبعض وتكلمو :ماشاءالله وحنا بنات البطه السوداء ، إزهار:مزون بديت اغار منك ترا
المزن ابتسمت وتقدمت تاخذ شنطتها الي حطتها قبل تسلم على الكرسي:حياتي انتي احلا وحده فالكون، يرضيك كذا؟
هزت رأسها ازهار وهي مبتسمه 
لطيفة قامت من مكانها تمشي وهي تعدل حجابها:يالله تأخرنا على الناس، مشت تطلع ومعها دلال والبنات وراهم ،خرجو من الشاليه بعد مالبسو حجابتهم وعباياتهم مشو المسافة القصيرة الي بينهم وبين شاليه نهار ،دلال:ماشاءالله تبارك الرحمن
ابتسمت المزن ورفعت جوالها تتصل على هديل تبلغهم بوصولهم وماهي الا ثواني وفتحت لهم هديل تستقبلهم بحكم انها كانت ف الخارج تجهز ،ابتسمت تسلم عليهم :حياكم داخل ،ابتسموا لها ومشى يدخلون داخل والمزن وهديل يمشون بجانب بعضهم  همست هديل للمزن :مزون هاذي امك الي شعرها أشقر
ابتسمت المزن تهز راسها :ايه
هديل ابتسمت تحط يدها على فمها تكتم حماسها:نسخه منك يا الله تهبلل
ضحكت المزن :والله ،يا كبر حظي دامني اشبهها ،سكتت من سمعت ثريا واقفه وترحب فيهم ،ثريا:يا هلا والله بأم راكان تو ما يتبارك المكان ،ابتسمت لطيفة ترد عليها :ياهلابك متبارك بوجودك يا ام..
ثريا ابتسمت ترد عليها:ام ثابت ،تفضلوا حياكم
دخلو لطيفة و دلال وفرح وأزهار سلمت على ثريا و حور ودخلت وجا دور المزن مدت يدها تسلم عليها وباست راسها كا احترام لها:شلونك خالتي
ثريا ابتسمت بأعجاب لـ المزن:بخير يا حلوة ،شلونك انتي
ابتسمت ترد عليها:بخير دامك بخير
قربت هديل لهم:امي هاذي المزن الي حكيت لك عنها زيتونة
ضحكت المزن من تذكرت مناداة ترف لها بذا اللقب ،ابتسمت حور لها وهي بحضنها أديب :هاذا ولدي أديب
المزن:ماشاءالله ،كتكوت طالع عليك
حور ابتسمت:والله ، يقولون يشبه ابوه أكثر
المزن بشبه همس وهي مبتسمه:لا ما يعرفون يشبهلك
مشت تدخل من تقدمت هديل تدخلها ونزلت عبايتها وحجابها وجلست بجانب البنات ،وابتدت ضيافتهم
~
~في احد المقاهي ~
جلسين مع بعضهم ويتناقشون بمختلف المواضيع ومنها موضوع القضية ،أغلق اللابتوب حقه يتنهد تنهيدة عميقة ويرفع يده على جبينه يمسجه بهدوء وبعدها نزل نظاراته الطبية وياخذ قهوتة يرتشف منها،طالع فيه ثواني طويله وتكلم بعدها ،فارس : شرايكم نروح للبحر؟ ،ناظر نهار وغمز له:يختك؟
راكان :انا معك .، ناظر نهار الي وقف وهو يلملم اغراضه وعلى وجهه طيف ابتسامة:ما بقول لا ،انا ببلغ أوس يجي اذا فاضي ونروح كلنا نتونس شوي
راكان وقف :اجل انا برجع ابدل ملابسي وارجع لكم ،فروس ارسل لي الموقع
اومى له فارس ومشو يخرجون من الكوفي فارس ونهار لليخت و راكان للبيت
~
~فـ الشاليه ~
جالسين مع بعضهم ويسولفون بمختلف المواضيع ،ثريا:ابو ثابت قالنا انه يعرفكم ،يقول يعرف زوجك
لطيفة :ماشاءالله صدق ،من متى يتعارفون ولا عرفونا على بعضنا خسارة
ثريا ابتسمت:لا لا يقول قبل يتزوجني كانو جيران والحين يا محاسن الصدف بناتنا تعرفون على بعض وجمعونا
دلال ابتسمت تنطق:الله يخليهم لنا ويصلحهم،ذولي بناتك
ثريا ابتسمت تلف تشوفهم وتكلمت :لا بس هاذي،اشرت على هديل:هاذي بنتي والثانية زوجت ولدي وبنت عمه
ابتسمت :ماشاءالله الله يخليها لك
لطيفة ابتسمت نزلت بيالتها:تقولي المزن ان هديل عزمتنا والصراحة كنت برفض يرحون بس من قالت انك انتي عزمتينا قلت ما بردها
ثريا ابتسمت :يازينها ،اي بلغوني البنات من رجعو وقلت لهديل تعزمكم نتعرف على بعض دام اننا جيران
هديل ضحكت :تخيلو اني من فجر الله احاول ب ورد تجي بس رافضة تقول عندها أمتحان
حور ماسكه أديب بحضنها وتهز فيه وهي ماسكة العابه بيدها تلعبه علشان ما يبكي:حتى انا قلت لها ،الله يعينها على الاختبارات ما يخلصون
المزن:حسافتها ،انشاءالله المره الجاية عندنا بس تكون فـ الويكند علشان تجي ورد
أزهار ابتسمت بحماس تنطق:بنات عجبتوني وينني عنكم من زمان ،تنهدت كنت ضايعة
ضحكت البنات عليها ونطقت فرح :ماشاءالله وحنا وين ،كنتي اربع وعشرين ساعة عندنا
أزهار ناظرتها بحقد:فيفي انتي مالك شغل انكتمي
هديل:والله انا الي وينني عنكم كنت طول وقتي ف البيت حتى نهار و أوس صارو ما يطلعوني معاهم علشان اشغالهم
المزن ببتسامة:الحين لقينا بعضنا وبنطفش بعض من الطلعات اذا صرنا فاضين
حور :الا مزون وش تخصصك انتي
المزن: مهندسة معمارية ،نطقت أزهار:ومصممة ازياء بعد
شهقت هديل:الله ،اخيراً حصلت احد نفسي يحب التصاميم
حور هزت راسها:هديل ترسم وتصمم فساتين أحيانًا بس ما تشتغل
هزت راسها هديل بأسى ،ونطقت إزهار:الرسم شي حلو ليه ما تعرضينهم
هديل:حاولت بس وحربت بس ما حبيت هاذا الشي
فرح:صيري مع مزون ف بوتيكها تصممون مع بعض
ناظرت فيها المزن ونطقت وهي تفكر:فكره حلوه كنت ادور احد يشتغل معاي
حور ابتسمت:جات لين عندك ،اغتنمي الفرصة مزون وانتي هديل
المزن ابتسمت من عجبتها الفكرة وناظرت هديل :والله ما اقول لا ،ناظرت فيها هديل وابتسمت تمد يدها تصافحها:نصير احسن شركاء،مدت يدها تمسك بيد هديل تصافحها :هلا والله بشريكتي
ضحكو مع بعض وبدت مواضيعهم تختلف وهي كانت مندمجة معاهم بس قامت وهي تراسل ترف تتاكد ان كل شي تمام  طلعت برا تمشي وتشوف المكان انبهرت من التصميم والاثاث كل شي حلو وانيق و مرتب صح تحس ان هذا المكان يشبهها مشت وهي تلمس الورد والأشجار الي فيه ،هي تحب كذا تحب المكان الي يكون فيه اشجار و ورود تحس فيه بالحياة تحب الطبيعة ابتسمت وانحنت وهي تلمس الورد توليب والجوري و اليآسمين ،غمضت عيونها من تحسست ملمسهم واشتمت ريحتهم ابتسمت وهي مغمضه عيونها كانت بعيدة عن مكانهم هي ما تشوفهم ولا هم يشوفونها لانها هي فمكان طويل زي الممر ،وقفت وفتحت جوالها ترد على ازهار ، حطت الجوال على اذنها بعد ما رجعت شعرها على ورا علشان ما يزعجها ونطقت:الحين جايتكم بس كان عندي مكالمه
ازهار:وين اختفيتي فجأه طيب
المزن:قلت لك كنت اكلم وطلعت برا عن الازعاج
ازهار:اجيك؟
هزت راسها وهي تتلمس الورد:لا هذاني راجعه لكم
سكرت منها ولفت ناويه ترجع بس شهقت من شافت الي لابس ثوب ابيض قدامها وهو مو لامحها ويمشي باتجاهها
~
عند العيال
كانو يمشون بأتجاه الشاليه ونطق مستغرب فارس:ما بنروح لـ..
ما كمل كلامه من قاطعه نهار:لا بنروح بس اكيد ما بروح ف ثوب
فارس:طيب جيب لي معك لبس لني حتى انا ما بروح فثوب بعد
،وقف قدام شاليهه ونزل تارك فارس فسيارته طلع مفتاحه يفتح الباب ودخل علطول يمشي منزل راسه يتجه للباب الثاني الي يوديه لفوق علطول بحكم انه يعرف ان اهله عازمين ناس اليوم ،كان يمشي ومنزل راسه ومن سمع صوت شهقه وكان شي طاح ف الارض رفع راسه وكان قريب من هالشي ،صنم مكانه وهو يطالع فالي امامه ،يحس انه يعرفها ومن بانت له بسبب وقوفها عرفها علطول نطق فداخله:هي والله هي نهار ،كيف جات عندي؟،صد من سمع صوتها ونزل راسه يصد عنها وتكلمت بصوت راجف :ااا..معليش اسفة
نطق بصوته الرجولي وبحنيه:لا تتأسفين انا الي مفروض أتأسف
مشى يبتعد اول ما سمع رنين جواله ومر من جانبها وهو صاد بعيونه عنها يدخل داخل ،كان نفسه يطول بتامله لها بس ماحب يحرجها والاتصال الي جاه خرب عليه دخل وسكر الباب يصعد لفوق لغرفته ،والمزن أرتبكت ومشت تطلع من هالمكان تروح عند البنات دخلت داخل بعد ما وقفت قدام المرايا تعدل شكلها ومشت تجلس عند ازهار ، ويدينها ترجف لاحظتها ازهار ونطقت بهمس لها:وين كنتي،نزلت انظارها ليدين المزن تنطق: وليه ترجفين؟
همست لها وهي تشد على يدها تحاول تخفي توترها من الي صار قبل دقايق:بعدين أقولك ازهار
هزت رأسها بالإيجاب والتفتت تكمل سوالفها مع البنات ،ابتسمت وعدلت جلستها من سمّعت ثريا تكلمهم ،ثريا:بنات شرايكم نطلع برا
اومئو ب الايجاب وقامو يطلعون للحديقة الي برا يكملون جلستهم ويشربون الشاهي ف الخارج ..
~
ف الدور العلوي كان فغرفته الخاصه بدل ملابسه لشورت وتيشيرت واخذ شنطته يفتحها ويحط له ملابس احتياط وملابس لفارس ومشى يطلع من غرفته بعد ما سكر الانوار وقفل الباب يخرج مع نفس المكان الي جاء من عنده ،طلع ومن شاف الممر الي تقابلو فيه ابتسم يتذكر شكلها وملامحها وعيونها الي اخذته بعيدد نطق بهمس لنفسه:ليه حسيتني خفيف قدام عيونها..،هز راسه حاول يبعد أفكاره ومشى يطلع بسرعة وما انتبه للي ف الحديقة الجانبيه مالمحهم لانه خرج مسرع و الاشجار الي فيه مغطيه عليهم ،فتح باب سيارته يركب ،فارس:بدري
ناظر فيه وهو ساكت ورجع يشغل السيارة ويحرك،فارس:وش هالصدفه،شاليه خالي هنا،اشر على مكان الشاليه وكمل:بجانب شاليهك
نطق ببحه صوته :ادري، قبل أجيك الصباح قابلت راكان عند سيارتي
ابتسم وضحك :لا لا ولا قلت لي يا حيـ*وان
نهار التفت يناظر حوله ف الشارع ونطق:قلت لهم يجبون من البقاله مفرحات ولا لا
هز راسه ينفي ووقف نهار عند اقرب بقاله ونزل ونزل معاه فارس بعد ما قفلو السيارة ودخلو يتقضون ، وقف عند ثلاجة المشروبات والتفت على نهار الي بجانبه وينقي من الشبسات:ابو سحاب ،وش اخذ مشروبات
لف يطالع ف الثلاجة ونطق:نوع ،اي شي ،اومى له فارس وبداء يحطه انواع المشروبات الغازية والعصيرات واخذ مويه بعد ومن خلص اتجه للمحاسب ونزل الاغراض يحاسبها وجا وراه نهار وحاسبو مع بعض ورجعو لسيارتهم يركبون ويحركون لليخت ، -
وقفت عند الباب تودع البنات وبعد ما انتهت لحقت اختها وازهار لشاليههم ،دخلت يدها بذراع أزهار واهما بمشون مع بعض تنهدت بعمق تنطق:ازهاري ،همهمت لها ازهار وكملت المزن:نروح البحر ؟
هزت راسها بالإيجاب:تم ، دخلو داخل الشاليه واجلسو دلال ولطيفة فالصالة بعد ما فسخو عبياتهم ،ابتسمت دلال تنطق:يازينهم حبيت امهم واضح عليها حنينه وصغيره
لطيفة ابتسمت :خوش ناس ماشاءالله عليهم ذربين
فرح:عجبوكم هاا واضح من التمديح
دلال:ايوالله أعجبوني وبصادق امهم بعد
ضحكت فرح تمشي وتجلس بجانب عمتها وتمسك ذراعها وتسند راسها عليها :عميمه انتي احسن وحده فالحياه
لفت من سمعت صوت المزن الي نازله بعد ما بدلت وبيدها عباتها وشنطتها،ونطقت لطيفه:وين مزون ؟لايكون عندك شغل؟
هزت راسها تنفي ولبست عباتها وحجابها:لا لا بس حبيت اروح شوي اتمشى وازهاري بتجي معاي
فرح تخصرت تنطق:ماشآءالله ،وانا ؟
نطقت ازهار الي قامت واخذت شنطتها بعد مالبست جزماتها السبورت :تبين حياك مابنقول لا لفروحه
ابتسمت ومدت يدها ترمي لها بوسه :ياحلوك يلمونني فحُبك ،لا بجلس مع عميمة و ماما توته
ابتسمت :زين اجل نستأذن ،مشو يخرجون بعد ما نطقت لطيفة:انتبهوا على انفسكم زين
~
فاليخت~
جالسين ومستمتعين ويسولفون مع بعضهم بعد ما تعرفو على بعض ،قام أوس وهو يضحك:جالسه مافيها نفس ثقيلة
ابتسم فيصل ينطق:والله انك صادق
ناظر فيهم وبعدها ناظر فـ فيصل يفكر بشي وفهمه فيصل من ناظر فيه ونطق:جبها والله يا بتشوف فيفي عبدو هنا قدامك
ضحكو العيال ونطق بحماس:نحضر لك احلا طبله الحين
راكان:هدها شوي فيصل لا تفشلنا من اول عزيمة
فارس:ياشيخ اعتبره زيي ما تستحي منهم ذولي خصوصاً اوس هاذا توام فيصل الضايع
ناظرو فيه اوس و فيصل ونطق اوس:فروس عادي اخمك احسك توأمنا الثالث الضايع
ضحكو كلهم ووقف فارس يمشي يسحب السماعة من اوس ويشغل اغنيه مصريه وصفرر:العبب ،يالله قومو
هز رأسه راكان باسى ينطق :ما تقول هاذا اكبر محامي ف الخبر
ابتسم نهار وقام معهم وهو يكلم راكان:خله يطلع مافي داخله يا رجال يكفي انه ضاغطينه ف الشغل
ضحك راكان من شافهم يرقصون وقام يرقص معهم وصفرو له اول ما دخل وجلس نهار وهو يتاملهم يرقصون ويضحك على اشكالهم وطلع جواله يصورهم وهو فاطس ضحك على اوس وفيصل الي فصلو مع الاغنيه ،نهار :خلاص وقفو شوي رجيتونا
جلس فارس واخذ مويه يشربها بعطش وزفر بعمق:اخخ برجع للبيت متكسر
نهار طبطب عليه:احسن محد قالك تستهبل معاهم
ضحك راكان من تعابير فارس المنصدمه ونطق فارس:خيرر ياخوي ماتعرف تقول كلمه سنعه
ضحك نهار واخذ عصير يشرب منه ،ناظر فيهم ونطق:تبغون عشاء نطلب ولا نرجع نتعشى فمطعم؟
جلس فيصل:خلونا نروح مطعمي واطبخ لكم انا
راكان ناظر فيهم ونطق مبتسم:انا موافق لاني ما افوت طبخه الصراحه
أوس رفع يده:وانا معك اناشاءالله يبيض الوجه طبخك
ضحك فيصل وضرب على صدره :ماعليك اعجبك
ناظر المكان ولف عليهم وهو ماسك المقود:اجل راجعين للميناء الوقت تأخر بعد ،اومئو له ولف يحرك راجع للميناء وهو مو معهم دخل عالم هواجيسه لحاله ،غمض عيونه بحس ف الهواء يلفح وجهه وابتسم من جات في باله وانرسمت صورتها قدامه وعيونها الخضر الي جذبته ،فتح عيونه وهو ينطق بهمس مستغرب:عدسات ولا حقيقيه
سكت يفكر ولف من سمع راكان ينادي عليه وجاي عنده ونطق يناظره:سم؟
راكان :سلمت، بغيت اسالك متى بترفع القضية على سالم
رجع يناظر امامه ينطق بهدوء:بعد يومين بعد ما ارجع للشركة واكون مخلص الشغل الي عندي علشان اتفرغ فيه
هز راسه بالزين وناظر فيه نهار ورجع يناظر طريقه ونطق:لون عيونك وراثه؟
استغرب من سواله ومن فهم ابتسم ينطق:ايه ، ابتسم ونطق يكمل:شكل فيصل ما اخذ هالشي لاني اشوف عيونه بنية
هز راسه بالإيجاب:ايه انا ومزون بس الي اخذنها من امي
هز رآسه بالإيجاب وابتعد عنه راكان راجع للعيال
~
كانت تتمشى مع ازهار وهي ماسكه ذراعها وسانده راسها عليها ، ونطقت ازهار:ماقلتي لي وين رحتي واختفيتي عندهم
نطقت وهي لازالت مستنده عليها:رحت اكلم ودخلت ممر عجبني من شفت كله ازهار و ورد ولهيت وانا اتكلم والمس الورد بس
لفت عليها ومسغره يونها تناظر فيها:بس!؟،مزون انتي من رجعتي جلستي ساعه عند المرايه تعدلين شكلك ومتوتره لاتحسبني غافله
تنهدن المزن وابتعدت عنها وجلست على التراب وممددت رجولها:اوفف ،ازهار شافني بدون عبايه وكان قريب ومن توترت ما عرفت اتحرك الا لما جاه أتصال وراح ،حطت يدها على فمها من الصدمه ونطقت:مزون لايكونـ..،قاطعتها تهز راسها:نفسه الي حكيت سيارته فالغلط
ضحكت تلف تخلي وجهها يقابل البحر وهي مبتسمه:قالك شي طيب؟سوا شي؟
هزت رأسها مرارآ وتكرارا تنفي:لا..،بس انا اول ماشفته وصنمت قلت اسفة وهو رد علي بـ لا تتأسفين..،نطقت بسرعة من غباء المزن:ليه تتاسفين ما سويتي شي غبيه وهو اغبى منك بعد
ضحكت المزن من حست انها صدق غبيه كملت وهي تفكر:كان بيقول شي بس جاه أتصال وراح مستعجل
أزهار ناظرت فيها من شافتها تفكر وقالت وهي مصغره عيونها تنطق بتساؤل:مزون لايكون حبيتيه،ناظرت فيها مصدومه تنطق:لااا وش احبه وانا ما اعرفه
ازهار غمزت لها تضحك:اعرفك خفيفه وما اكون ازهار اذا ما حبيتيه وتعلقتي فيه
نزلت راسها وبدت تطقطق اصابعها وهي مبتسمه شبه ابتسامه:والله تبغين الصدق يجنن مملوح وفيه من هديل وجسمه واضح مرتب ومعضل
ضحكت تصفق :لالالا ،ما اصدق ،زيتونه وقعتي فالحب يالخفيفه
ناظرت فيها المزن وتخصرت:وش عرفك انتي يمكن مجرد اعجاب
هزت راسها تنفي:لا مو مجرد اعجاب اعرف معك اكبر بلاير فالخُبر
هزت راسها باسى:المشكله انك مبسوطه انك بلاير وتعطين دروس علاقات بعد
ضحكت وقامت المزن تمد يدها لها:قومي نرجع ،عند شغل الصباح
أزهار قامت وهي تنفض عبايتها ويدينها من التراب :اوكي ،ابغى اروح معاكي بكرا زين،هزت راسها بالإيجاب ومشو راجعين ويكملون سوالف
~
اليوم التالي ~الفجر
صحى من النوم يغلق المنبه وقام يدخل الحمام ويتوضأ وطلع يبدل لبس ثوبه وجزماته واخذ جواله يخرج من غرفته ونزل يطلع من البيت للمسجد يصلي الفجر ،دخل المسجد وشاف ابوه جالس يقرأ قرآن قبل الصلاة والإمام جالس فالإمام وقف فالصف الاول يصلي ركعتين وبعد ما خلصهم وقف بعد ما اقام الامام وكبر بداء يصلي بالصف الاول وبعد ما خلصو صلاة جلس يقرا اذكاره ومن خلص لف يدور ابوه لقاه بيخرج ووقف يلحقه سلم عليه وطلع يمشي مع ابوه و أوس راجعين للبيت ،نطق عبدالرحمن بعد ما دخل داخل البيت وهم وراه:متى رجعتو امس؟
تثاوب اوس يحط يده على فمه ومشى يجلس على الكنبه ونام علطول وجلس عبدالرحمن ونهار جلس عنده :رجعنا على الساعة ٤الفجر
عبدالرحمن ناظر فيهم ونطق:وامك واختك من جابهم
نهار :اكيد ثابت امس ما سهر معانا وزوجته كانت معهم فالشاليه
هز راسه بالزين وسكت شوي ونطق نهار وهو يقوم من مكانه:انا برجع انام لي ساعتين قبل اروح لشغلي ،تبي شي قبل اروح
هز رآسه:لا بس قوم اخوك خله يروح لغرفته وانا بطلع بعد شوي
مشى يقوم أوس الي نايم من تعب السهر وبعد مده قليله قام وماسكه نهار وصعد معاه دخله غرفته وبعدها راح هو لغرفته دخل وسكر الباب وراه،رفع يدينه ينزل ثوبه ولبس بجامته وتمدد على سريره ينام و يدخل بعالم احلامه
~
الساعة ٨الصباح
جلست تشرب قهوتها و تناظر الكراتين الي توها واصلة فيها تصاميمها والعاملات يفرغونها ويعلقون الفساتين ويرتبونها تنهدت تشوف الاوراق الي قدامها تقراهم وتفكر فيهم رفعت راسها من سمعت صوت قد سمعته من قبل،يقول :لا حلو المكان وفكرتك حلوة ،لف عليها يناظرها وماسك بيده نظاراته:لقيتي لك شغل قبل تخسرين شركتك او صح شركة ابوك سيف ،ابتسم وكمل كلامه وهو يتقدم لها يجلس قبالها:لاني ابي اخذ اسهمك واسهم ابوك
رجعت جسمها على ورا تسنده على ظهر الكنب وتحط رجلها اليمين على اليسار وتلم يدينها وهي رافعة راسها بثقه،نطقت بتنرفز من ثقته وغروره:ما ادري ليه واثق هالكثر انك بتقدر تاخذ شركتنا وتعب سنيننا كلها مني انا ومن ابوي ،ضحكت تسخر منه:انا اقول تريح احسن لك وتبتعد عني ولا تحلم باالشركه بكبرها نزل راسه يبتسم ورفعه وهو لازال مبتسم معجب بها بثقتها بنفسها وقوتها قدامه والغرور الي يلمحها فيها،نطق:تدرين انك سبب اصراري اني ابي اخذ الشركة او نسبه من الأسهم الي فيها
سكت يناظرها لازالت نفس جلستها ورزتها الب توضح له انها واثقة بنفسها ومو خايفه منه،قام يوقف:عموماً انا جيت ابارك لك على بوتيكك ..وايه ابلغك ان مشروعك الي قبل كم يوم ضاع منك ترا رجع لك
صغرت عيونها تكلم بداخلها "شعرفه فـ مشروع الفندق الي انسرق "نطقت:اتمنى ما شوفك حولي مره ثانيه ويالله توكل
ابتسم يناظرها ورفع يده يلبس نظاراته:مقبولة منك يا بنت سيف
طلع وهو مبتسم ومشى يركب سيارته ووقف من شاف بنتين دخلو بعده ورجل معهم بس وقف ما دخل وجالس يناظر سيارته ضحك بسخرية ينطق:هاذا اخوها راكان ،صد وشغل سيارته يمشي من المكان
عند راكان الي كان جاي للمزن بيكلمها بموضوع سالم،دخل داخل البوتيك تنحنح ينطق :سلام عليكم ،زيتونتي
ابتسمت وهي كانت واقفه مع البنات هديل وترف الي جايين يساعدونها ،مشت تتجه له ضمته وهو بادلها الحضن وضحك ينطق:ناقصه حنان اوخيتي ؟
ابتعدت عنه تنطق بمزاح له:لا ناقصه راكان
ضحك من مزاحها معه ومسك راسها يضمه لصدره وضحكت هي تحاول تبعده بالقوة وبعد محاولت ابتعدت تنطق:راكان خربت حجابي اوفف
ضحك وهو يشوف المكان ومن شاف ترف الي تشرف على العاملات نطق:ابو سعود شلونك
ضحكت المزن وهديل ناظرته بصدمه وترف بالمثل بس متعوده عليه ونطقت:اولا لي اسم ثانياً بخير
ضربت كتفه المزن تنطق:وش جابك عندي
ناظرها وسحب كرسي يجلس :جيت بكلمك بموضوع الي جاك الشركه يهددك
مسكت يدينها ببعضهم وبدت تطقق اصابعها تفرغ توترها وناظر يدينها وكمل كلامه وهو يناظر المكان حوله ووجود البنت الي ما عرفها وترف :بس خليه بعد ما تخلصين واضح انك مشغوله الحين
نطقت بخفوت تنطق :راكان اذا تقصد سالم ترا قبل تجي كان توه طالع من عندي جاي يكرر كلامه وتهديده مره ثانيه
ضرب الجدار من تذكر الرجل الي شافه طالع من البوتيك وشافه وهو جاي نطق بغضب:شفته الحـ**ـيوان، بكلم نهار يرفع القضية فالمحكمة بأسرع وقت ، ناظرت فيه تتسال:مين نهار هاذا؟وش دخله فـ سالم
رفع انظاره لها:المحامي نهار بن عبدالرحمن ما عرفتي يقول انه جاي عندك الشركه وشافه عندك وهو الي ماسك القضيه
كانت تسمعهم من سمعت اسم اخوها وتأكدت من نطق أسم ابوها ، قامت تمشي متجهه لـ ترف وهي تناظر فيهم يتكلمون مع بعضهم المزن و راكان ،وقفت بجانبها ونطقت:سلام
ألتفت عليها ترف ترد:وعليكم السلام
ابتسمت هديل تناظر ترف الي وقفت مستغربه وجودها هنا ونطقت هديل:انا هديل اعتبريني صديقه المزن
ابتسمت لها ومدت يدها تصافحها ونطقت من عرفتها :انتي هديل عبدالرحمن بتكونين شريكة زيتونه..اعني المزن
ضحكت هديل والتفت تناظر المزن الي وقفه عند الباب والواضح انها تودع راكان :انتي صديقتها ؟
التسمت ترف تنطق وهي تشتغل بلابتوبها:اي اسمي ترف
ابتسمت تتقدم لهم :تعرفتو على بعض ؟
اومئو بالايجاب وابتسمت تصفق:اوكيي، هديل شفتي المكان ؟
هزت راسها وهي تناظر حولها:اي ماشاءالله كل شي بيرفكت ومرتب وكبير بعد حبيته
ابتسمت المزن وهي تطالع المكان وترتيباته وكل شي من ذوقها ويمثل شخصيتها فيه أشجار خضراء وورود وأشعة الشمس تدخل على المكان من الزجاج والاستقبال مليئ فالورود والوان المكان ابيض ساده ومع الورد والاشجار طالع المكان مريح للعين ويفتح النفس ،اخذت نفس وهي مبتسمه عاجبها المكان وكيف سوته يشبهاا ،المزن:الحمدلله عجبك ذوقي
هديل مشت تجلس على الكنبه ووقفت عندها المزن تنطق:تبين تختارين مكتبك ترا ما بقى الا هو ما خلصته
ابتسمت لها تنطق بحماس:اجل خليه علي ولو نكون مع بعض بغرفه وحده مو احسن
المزن:عادي عندي ،رفعت اكتافها :ما اقول لا الصراحه
قربت تجلس وهي تشرب المويه وتنفست من خلصت:لاتنسوني انا حطوني معاكم
هديل:انتي بتكونين معانا ؟؟
هزت راسها تنفي ونطقت المزن بضحكة:لا بس بين فتره وفتره راح تنشب لنا فالبوتيك
هديل:اهاا ما بتفيديننا بشي يعني
هزت راسها:ما اعرف لشغلكم هاذا بس تراني شاطره فالحسابات والمواصلات واذا تبون بعد اشياء تخص تخصصي انا حاضره
المزن:لا لا ما نحتاج الحين بس بعدين يمكن
هديل:اخيرا لقيت مكان اقضي وقتي فيه
جلسو هديل والمزن وقدمت لهم الموظفه قهوتهم الي طلبوه من شوي ،ترف:الحين انتو امس كنتو مع بعض
نطقت هديل:اي عازمتهم انا
ترف ناظرت المزن وهي تنطق:هذي الي عند البحر
هزت راسها بالإيجاب تنطق:ايه وشفيك
سكتت واخذت قهوتها تشربها وهي تناظر فالفراغ والتفتت من نطقت هديل الي قامت وهي ماسكه كوبها بيد وجوالها بيدها الثانيه تنطق:توصوني شي بنوتات ؟
قامت المزن معها وهي عاقده حجاجها:على وين؟توك ما شفتي باقي المكان
ابتسمت دخل جوالها بشنطتها :اناشاءالله المره الجايه اجي ومعاي افكاري ،تبغون شي؟
هزو روسهم ينفون وتقدمت تودعهم:يلا اجل باي
ترف جلست ورفعت يدها تاشر لها:باي، ومشت معها المزن تطلع معاها :مع السلامة
ابتسمت لها ومشت تركب سيارة نهار
،كان واقف ينتظر هديل تطلع بما انه بياخذها للكفي حقه مواعدها تجي تقيم قهوتهم ،التفت من طلعت ومعها شخص يعرفه ابتسم بداخله يتأملها ،لف عليها من سمعها تقول:نهار حرك
هز راسه يبعد افكاره ورفع راسه يناظرها لاخر مره بس للآسف مو موجوده دخلت ،شغل سيارته يحرك متجه لصوب كوفي النهار ،لفت عليه وهي تنطق بحماس:تخيل نهار بيكون لي فساتين من تصاميمي واخيراً
ابتسم يمد يده لراسها يمسح عليه بقوه :ماشآءالله مع مين
ابتسمت تنطق :شفتها البنوته الي كانت معاي ،بنكون انا وياها مع بعض
هز راسه بالزين ونطق يسأل يمثل عدم المعرفه:تعرفينها وتعرفين من هي بنته
هزت راسها:اكيد، هاذي وحده من البنات الي جونا امس بنات جيراننا واسمها مزون
ناظرها ورجع يناظر الطريق:مزون!؟؟
هديل:اسمها المزن بس يقولون لها او يدلعونها مزون ، همهم لها والتفت ينطق :تبغين إيس درب ولا ماتشا؟
ابتسمت تنطق بعد ما حاوطت يدينها بذراعه :اكيدد ايس درب
ضحك ووقف عن طلبات السيارات يطلب لهم ويحاسب اخذهم يمدهم لـ هديل ويحرك من المكان ،كانت تتلذذ فيه ومع الكويكز ،هديل:نهار ما بيمديني أذوق قهوة الكوفي حقك شربت قهوة اليوم كثير ،اسفة
ابتسم يمسح على راسها:داري ،ازين تخلينها مره وحده مع امي تجون مع بعض
حطت الكوب حقها على فخذها وهي ماسكته :الا نهار ما ودك تعطي ورد وجه شويتين،لف يناظر فيها مصدوم وعاقد حجاجه :من،تقصدين اخت تميم
هزت راسها بالايجاب:حرام واضح هيمانه فيك لا سمعت طاريك تخجل وبس تسال عنك
كان يناظر الطريق قدامه ونطق :بعدين ليه اعطيها وجه وانا ما احبها ؟،رفعت اكتافها:مادري بس البنت واقعه لك
نهار نطق بنفاذ صبر:ترا اعتبرها نفسك اعتبرها اختي هديل حاولي تفهمينها علشان بعدين لا تنصدم ولا يصير فيها شي ويحطونها فيني ونفترق انا وتميم علشان هالسوالف الي مالها داعي
تأففت هديل :طيب ،لف يناظرها ورجع انظاره لـ الطريق يركز فـ سواقته
~
جالس فصالة بيتهم ويناظر فالأوراق الي امامه ولابتُبه الي يشتغل عليه دخل يدينه بشعره يرفعه لفوق وابتسم من رفع راسه وشاف امه جايه له :ارحبي يا أم فارس،ابتسمت له من قام وباس راسها ياخذ الي فيدينها ويحطهم على الطاولة وجلس على الارض نفس مكانه وجلست بجانبه امه ،اخذ يلملم اوراقه ويحطهم على جنب ابتسمت تشوفه متعمق بشغله وواضح انه شي مهم لانه جالس نفس جلسته من الصباح والحين صار المغرب وهو جالس يشتغل التفتت تشوف ازهار الي جلست وهي تتذمر من نفسها جلست وهي معصبه:اوفف طفشت قوم طلعني فروس
ناظرها وهو ماسك الزمزميه يصب قهوة:وعليكم السلام،وشفيها الزهور معصبه
ناظرته دلال :ماعليك منها من امس نفس الحاله علشان صديقاتها كنسلو طلعتهم
ازهار:اميي دحين انا ابغى يطلعني وانتي تقولين ما عليك ،اختو الوحيده انا
ضحك عليها :وين بنات خالي سيف قولي لهم واطلعو مع بعض
ازهار:محد فاضي منهم مزوني تشتغل ف بوتيكها وفروحه عندها اختبارات
فارس:اجل اجلس فالبيت
ناظرت فيه وعبست وجهها وتلم يدينها ببعض دليل على زعلها ناظرتها دلال تبتسم من زعلها ونطقت:خلاص ولا يهمك اذا خلص فارس نطلع سوا
ابتسم لها يهز راسه ،نطقت وهي تناظره تخفي فرحتها:والله
ضحك من شكلها:والله
نقزت تحضنه وهي تضحك وتصرخ:اخخ احبك احبك احبك فروسي
ابعدها عنه وهو يمثل القرف وقال وعو عاقد حجاجه:اذا عدتي فروسي ذي بكنسل ترا
ضحكت ترجع مكانها وهي تنطق:لا ما عاد بقولها فروسي،لف يناظرها وهو مبقق عيونه وضحكت تغمز لها اخذ المنديل يرميه عليها وهي قامت تركض وتضحك
جلست على الكنبة تسمع سوالف امها وابوها وفيصل وفرح يتناقرون مع بعضهم ابتسمت لانهم ما يخلصون هواش التفت على امها الي نطقت:مزوني بتطلعين من الشركه يقول ابوك
هزت راسها بالإيجاب وتنهدت لطيفه:احسن لك يا بنتي مع اني عارفه انك تحبين هالشغلة بس تتعبك والله يكتب لك الي فيه الخير
ابتسمت تسند راسها على كتف امها وتبوسه:آمين
اخذ الفنجال من مدت له وتنحنح ينزله :دريتي فـ سالم شريكنا الجديد؟
رفعت راسها من سمعت الاسم وعقدت حجاجها تنطق:لا،اي سالم هاذا
سيف:عم فارس وازهار عيال عمتك
مسحت وجهها تنطق :بابا تعرف هاذا مين ليه تعطيه ؟؟تدري بيودينا ويدخلنا مشاكل مالها نهايه
سيف هز راسه:عارف عارف يا بنتي بس مو هو ولده ، وبعدين الشركة كانت شوي ونخسرها نحتاج مساهمين وشركاء ولولى الحاجة ما وافقت والشركاء الي معنا كلهم طلبوه
تنهدت تزفر :بابا عارف انه اليوم جاني لي محلي يهددني علشاني ما وافقت انه يكون شريك
قامت من مكانها على دخول راكان الي مستغرب والكل مستغرب مشت تجلس بجانب ابوها :بابا هاذا اكبر تاجر مخدرات تعرف وش معنى اكبر تاجر مخدرات وحرامي ،ناظرت فيه ونطق راكان وهو يناظر فيهم:وش فيه ،كملت كلامها:تعرف وش مسوي بـ عيال عمه دلال وابوهم الله يرحمه
قام من مكانه وينطق بعالي صوته:ادري ادري ماني غافل ،بس هددني فيك وفي اخوانك كلهم ولا اكتفا هددني ب عيال عمتك بيتهم فارس بشي ما سواه علشان يدخل السجن وبيسوي اشياء تشيب الراس علشان بس ياخذ الشراكة ، زفرت بقرف من فعايل سالم ولف لابوها الي جا يجلس بجانبها ويمسح على شعرها وظهرها:ادري يا بنيتي انه بيدخلنا فمشاكل مالها اول وتالي بس انا مو هامني كثركم انتم عيالي وازهار وفارس
تنهدت لطيف تشوفهم والمزن بحضن ابوها والعيال ساكتين وصامتين ما تكلمو لنهم ما يعرفون عن شي الا راكان
قام وهو عيونه ما انزاحت عن المزن الي واضح منهد حيلها من الشغل وابوه الي ما يقل عنها بس يسوي اي شي علشان اهله وعياله رفع جواله يشوف المتصل و رد:ارحب نهار
نهار:هلا راكان،وينك فيه؟
ناظر ف اهله وطلع يفتح الباب ويطلع برا للحوش :فالبيت،خير بغيت شي؟
هز راسه :لا بس حبيت ابلغك اني رفعت القضية للمحكمة وننتظر تتحد الجلسة
مسك راسه يرص على جبينه من داهمه صداع:زين ما قصرت
نهار:توصي شي؟،هز راسه :لا سلامتك مع السلامه،صكر المكالمة وجلس على الجلسة الي برا وفتح جواله على الرسايل يشوف من اصدقائه يطلبونه يطلع معاهم تنهد يرجع راسه يسنده على الجدار ويناظر ف السماء التفت من سمع صوتها :ايش تسوي هنا لوحدك؟
ابتسم يعدل جلسته:ابد كنت اكلم وخلصت وجلست
هزت راسه ب الزين وتقدمت تجلس فالكرسي قباله ،ناظرها من جلست ومعها كتابها تقرأ:كيف دراستك؟
فرح ابتسمت :ميه ميه ،ضحك يسخر:ميه مية ليه هنديه وانا ما اعرف
فرح شمقت له ورجعت تقرا:خفيف دمك وانا اختك
ابتسم ينزل راسه :طالع عليك وانا اخوك ،قالها وقام يتجه ل الداخل ويصعد لغرفته يبدل ملابسه
فالصاله لازالت عند ابوها وتفكر بالها مو معهم قامت من جاها اشعار من ترف مشت تبي تروح رفع راسه يشوفها تبعد عنهم تنهد بقلة حيله يسند ظهره على ظهر الكنب ،قربت منه تمسك يده :مردها بتزين يا سيف اصبر اصبر
ناظرها من حطت يدها وكلامها الي يلامس قلبه مد يده الأخرى يحطها فوق كفها ويبتسم لها
~
جالسين كا عادتهم مع بعضهم ويسولفون مع بعضهم ،عبدالرحمن:ماشاءالله هديل بتشتغلين مصممه
هزت راسها وهي مبتسمه تبين فرحتها،ثريا:ايهه ماشاءالله بتدخل شريكه مع المزن بنت سيف
عبدالرحمن:ماشاءالله ماشآءالله زين الله يوفقك يا بنتي وان بغيتي شي او احتجتي شي انا موجوده واخوانك موجودين
ناظرها وهو مبتسم:والله وكبرتي وصار عندك شغل خاص فيك
هديل حضنت ابوها :الله لا يحرمني منك،أوس سحبها لحضنه:اسمعيني ابيك تصممين لي فستان عروستي المستقبلية
رفعت راسها تناظره وهي عاقده حجاجها:انت خلها تجي بالاول وبعدين يصير خير
ثريا:أناشاءالله بتجي هي وبتجي معها زوجك نهار وازفكم عرسان يارب
ناظر نهار ف أوس وأوس ناظر فيه ونطق نهار وهو يهز راسه:ايه اناشاءالله قريب
ضحكت هديل تغمز له :فيه وحده فبالك علمني اروح اصادقها اشوف اذا هي حلوه وتستاهل ولا لا
ناظرت فيها ثريا:وانتي وش دخلك اذا حلوه ولا لا اهم شي نهار عاجبته
ناظر في امه وحب راسها :يسلم لي راسك صح عليك اهم شي انا انتي وش دخلك
أوس :صح كلامك ام أوس بس برضو ذوق هديل فالبنات حلو
ضك من رمى عليه ابوه الفنجال وانكسر فالارض من صده ،عبدالرحمن نطق بشبه غضب:وجع عيب عيب تعبت وانا افهمك بس ما تفتهم
ضربته ثريا بخفه من كتفه:تستاهل ،شال الفنجال المتكسر على الارض وهو ينطق وعلى شفته طيف ابتسامه:تمونون تمون يا ابوي وانتي يالشيخه
عبدالرحمن:اعقل ، الا ما شفتي ثابت اليوم ماهم موجودين هو وعياله
ثريا:الا العصرية كانو عندي وطلعو على المغرب مع بعضهم يتمشون
هديل عبست وجهها:ليتهم خلو اديب عندي
نهار:ابوي تعرف واحد يقاله هشام بن سالم فالسوق
عبدالرحمن هز راسه:مار علي الاسم بس ما قد قابلته،ليه حاصل شي
هز راسه ينفي:لا بس واحد من أصحابي سألني وقلت يمكن تعرفه
هديل:نهار متى موعد افتتاح الكوفي حقك؟
ناظرها وهو متكي يده على الكنبه:ما حددت يوم بس اناشاءالله هالشهر هاذا بعد ما يخلصونه
أوس:انت رحت لـ الشركة الي عطاك تميم
هز راسه:ايه رحت لهم واناشاءالله بيخلصون قريب لان الي طلبت الديكور خارجي بس
ثريا:اكيد زارع ورد ،ابتسم يهز راسه:اكيد اهم شي عندي الورد يخلي فالمكان حياة
ثريا ابتسمت له لانه يحب الورد نفسها يحب يزرع ورد فكل مكان لانن باعتقاده انه يجمل ويعطي المكان حياة وراحة نفسيه مع انه عنده حساسية بس مو قويه الا انه يحب الورد والأشجار ،قام يوقف بعد ما شاف الساعه ١٠ الليل تقدم يبوس راس ابوه وامه:تبغون شي بروح انام
أوس رفع راسه يناظره:وين بدري
نهار:دايخ من فجر ربي صاحي بروح اريح وراي محكمه بكرا
هز راسه عبدالرحمن:روح ريح راسك دام عنك شغل بكرا
-
عطوها حقها ونجمة لا هنتو✨