يا رقيقه الحُسن و يا دقيقة الاوصاف يا كُل مُصطلحات الجمال والإذهال ياغيمتي

٨

أوس لف يشوف المسبح وصفق بيدينه :من يبي يبرد شوي
لفو يناظرونه  واشر على المسبح وصفر فارس :ياسلام قدام بس ... ناظر نهار وهز راسه نهار:ما عليك عندي شورتات رح خذ لك واحد
ضحك فارس وركض يصعد لفوق مع أوس الي راح يبدل ،اخذ نهار القهوة ومشى يطلع برا :يالله تحيي ابو سيف
ابتسم راكان:منجدهم ذولا الحين بيسبحون بر...ما كمل كلامه من شاف تميم الي ركض وطب فالمسبح ووراه فيصل و أوس واخرهم فارس وهم يصرخون ،ضحك نهار عليهم :هاه كيف الوضع
اشر له اوس :مضبوط ،تعال
هز راسه :ما اقدر اقاوم بس برضو لا ما بجي
أوس:بكيف بتفقد المتعه
ضحك عليهم من شافهم سحبو تميم و رموه بالمسبح التفت يشوف راكان يصورهم ومد له الفنجال يقهويه سكت شوي من سمع صوت اغاني يدري انه من الشاليه الي بجانبه
ضحك راكان وهو ياشر وراه:شف المهبل الثانين طربانين
عقد حجاجه وهو يناظره وكمل راكان:خواتي جايين هنا يغيرون جو~
ضحكت من طلعت أزهار بالسماعة ومعليه الصوت مشغله اغنيه مصريه وترقص عليها ،ترف :يعني تقولين قومي ارقصي غصب
هزت راسها ازهار وهي تضحك من قامت ترف ترقص وتهز معها ،تعالت ضحكات المزن عليهم وهزت راسها بالنفي :لااا مو كذا ميلي شوي
تقدمت لها ازهار تقومها :علمينا يا ملكة الرقص
هزت راسها بنفي وهي تنكر:من قال اصلن اني اعرف ارقص ،غلطانه حياتي
هزت راسها باصرار ،ترف:شف شف كيف تنكر ،صغرت عيونها تناظرها:يالله ورينا رقصك انتي المفروض نسميك مزون رئاصه اه
ضحكو البنت من قالتها وهزت خصرها ،ما قدرت ترفض اكثر ودخلت معهم وسحبو فرح بعد وصارت استهبال ورقص طلعو
طاقتهم كلها لين جلست المزن بتعب :طلعت طاقتي كلها خلاص
ضحكت ترف وهي تجلس وتسحب قارورة المويه تشرب منها وناظرت فيهم:ماشاءالله على الطاقة للحين ما تعبو
المزن ابتسمت تشوفهم ونطقت :ازهاري خلاص وقفي شوي
مشت تجلس بتعب بعد ما سحبت عليها فرح تدخل داخل تجيب الشبسات ،ازهار:بنات تدرون العيال هنا
عقدت حواجبها ترف بعدم فهم:اي عيال؟
أزهار:فارس وراكان وفيصل مع صاحب فارس واخوانه
ترف :منهم الازعاج هاذا اجل
المزن هزت راسها:اي راكان مصورهم يسبحون
كشرت وهي تلم نفسها تحس بالبرد من قالت يسبحون
فرح :بنات من يبي قهوة
المزن:سوي لنا كلنا
أزهار بعبوس:تخيلو بنات امي قالت بتروح جده كم يوم وما بتخذني
المزن :اي بيرحون كلهم سوا عميمه وامي وابوي
ازهار :قهر كان نفسي اروح جده اشتقت لها ولصحباتي هناك
فرح :بس مو احلا من الخُبر حياتي ،عطيني الفلتر
ترف :صح عليك ،مو احلا من الخُبر
شهقت ترف وحطت يدها على فمها:صح ما قلت لكم
ناظروها بخوف ونطقت فرح:بسم الله وش فيه؟
المزن :الشهقه وراها علوم غردي حياتي غردي
ترف :تخيلو شفتو شليويح ولد عم ابوي ذاك النشبه الي دايم اتكلم عنه
هزو روسهم بايه وكملت:امس جا هو واهله وقبيلته الخايسه يخطبوني له
ضحكت ازهار بصدمه :ماغيره النشبه ذاك ؟خطبك؟
هز راسها ب ايه :وتخيلي يقول لابوي اطلب الي تبي وبيجيك يقصد المهر ،بس طبعاً ابوي رفضه
المزن ضحكت:مايمل كل مره يجي يرفضه ابوك قدامهم وبرضو صامل يبيك
فرح نطقت بمزح:مدري وش شايف فيك لجل يخطبك اكثر من مره ولا مل للحين صار له سنين وبرضو ما مل
ناظرتها ترف بحنق:ليه شفيني حياتي كلن يتمناني ولا يحصلوني
أزهار:يوهه منين لك كل هالغرور
المزن ابتسمت ورزت نفسها:طبعاً مني
ناظرتها ترف :ههه منك؟لا والله الغرور بعيد عنك كل البعد يمكن صابك الغرور مني انا لاني طالعة مغرورة على امي الله يرحمها
ضحكت فرح وهي تمد كوب القهوة لها:أحلآ مغرورة بالحياة،هاك
~
جالس فغرفته يتلبس علشان ينزل شاف رسالة ابوه الي كاتب فيها"ابيك تخطب بنت سيف بس مهي إلي أنقذتها لا الي انت منافس لها اتوقع تعرفها ما يحتاج،ما ابي اعذار "
تافف واستغفر ربه وفتح الباب ينزل بعد ما تعطر كان ينزل ويناظر بجواله يرد على فريقه بالشركة وما انتبه قدامه من صدمها رفع يده يمسكها من خصرها قبل تطيح ناظرها مصدوم ومخروش
كيف طلعت قدامه فجأة كذا ،ما انتبهت له وهو نازل سمعت من خالاتها ان هشام مو فيه فا صارت تمشي براحتها بدون جلالها لين اصتدمت بشي عريض وطويل ،شهقت بخوف ناظرت فيه:هــشــام
ناظرها مصدوم وتركها بسرعة يصد ومشى يسرع خطواته يطلع متجاهل نداء امه له ،
خافت ورجعت ادراجها لمجلس الي فيه خالاتها وهي وجهها قلب احمر من احراجها ،شافت خالتها متجهه لها ووقفت من سالتها:سلاف امي ما شفتي هشام رجع؟
هزت راسها بالنفي بدون لا تتكلم وهي تمشي تدخل المجلس تجلس بجانب البنات
رجع بعد ما سمع امه تنادي عليه واستوعب انه ما سلم عليهم وقف عند الباب وهو ينطق :يا ولد
جت سارة عند الباب :ادخل هشام ،وينك اناديك ما ترد
هشام باس راسها :معليش المعذره والسموحه بس كنت اكلم بالجوال وما انتبهت لك
هزت راسها ساره:معليه ،تعال هنا بنادي خالاتك يجون يسلمون عليك اصبر شوي
اتجهت ساره تنادي خواتها وطلعو كلهم يسلمون عليه يحبونه من حبهم لامه ساره هو الوحيد من بد عيالهم كلهم دايما مع امه ومع جده وجدته بس عقب ما صار لهم ضرر من سالم ابتعدو هشام وامه عن خواله وهاذا الشي الي خلاهم يفقدون ويدعون على سالم الي سوا في اختهم وولدها كذا صارو يكرهونه وما ارتاحو الا لما تطلقت ساره من سالم ،كانت تسمعهم يسولفون معه وهو يسولف معهم ويضحك تعرف معزته بقلوبهم وما تدري وش سبب هالحب الكبير له ابتسمت من سمعته يضحك مع جدته ونزلت راسها بخجل من سمعت جدتها تنطق له:هشام امي وش رايك في سلاف بنت خالتك نهى؟
سكت شوي ولف يناظر فيهم وشافهم مو لمه كلن يسولف وما انتبهو لسوال جدته له ابتسم بهدوء:بنت رجال والنعم فيها وفي امها وابوها
ما عرف وش يقول بس هالرد يحس انه مناسب ابتسم من ضحكت جدته تصد عنه من جو عيال خواله وخالاته يسلمون عليهم ~
نزلت بعد ما صحت البنات يصلون وجلست برا لامه شالها عليها وتتامل الشروق لفت تناظر ترف الي جت عندها تجلس بجانبها وتسند راسها على كتف المزن وغمضت عيونها من النوم ،ناظرتها وابتسمت:ما شبعتي نوم؟
هزت راسها بدون لا تتكلم ،كيف بتاخذ كفايتها من النوم وهم ما نامو الا متاخر وصحو يصلون وكل وحده رجعت تنام الا ترف والمزن الي طلعو برا يتاملون الشروق ما ودهم يفوتونه يحبون لما تشرق الشمس تعطيهم طاقه وشعور جديد وحلو يحسسهم بدايه يوم جديد تعيشينه فلحاله ،تنهدت تقوم من سمعت صوت الباب وقفت تفتحه وتطلع راسها تشوف :ميـ...سكتت شوي :راكان!
كان راكان جاي ونهار خلفه عند سيارته بعيد عنهم شوي،راكان:راحو البنات ولا لا
هزت راسها بالنفي:لا ،بس ما راح تدخل فيه ترف برا نايمه والبنات بعد نايمين فوق مالك مخل هنا
ضحك وهز راسه بزين:يعني انقلع ،ضحكت تهز راسها بايه:يعني افهمها
ناظر نهار واشر له :ابو غروب شكلي بتكي عندك طردوني الجيران
ضحك نهار من فهم عليه :حياك البيت بيتك،بس انتبه لا تجيك الطرده مني بعد
ضحك وهز راسه:لا ما تسويها انت اصيل اصيل
ضربته بكتفه تنطق بغضب:ماشاءالله وانا وشو يعني مو أصيله ولا علشان طردتك
ابتسم يسحبها له ناسي وجود نهار وانها بدون حجابها وعبايتها وباس راسها وحضنها:اخسي ،انتي الاصيله الي ما مثلك احد ويخسي نهار والي معه يصيرون أصيلين
ضحك نهار من باعهم علطول وهو يناظره ولمحها بحضنه :كنسلها ولا ما بدخلك ،صد من ابعدت عن اخوها وهي تضربه لانه سحبها لبرا يحضنها وهي مو متغطيه ،ابتسم من تذكر شكلها قبل شوي وحط يده على قلبه :اخخ يارب انك ترفق بقلبي ،دخل شاف العيال الي ما رحو كلهم بالمطبخ يسوون فطور :فارس بصوت مبحوح من التعب والنوم:ليتني ما سمعت كلامك شوفني تعبت الحين وانا عندي جلسه بكرا
ضحكو على صوته ونطق اوس:محد جبرك ولا قالك تسمع كلامي بعدين انت بنفسك صفرت وقلت قدام،كان يقلد نبرة فارس بكلامه امس
تميم:يا رجال عادي اهم شي ننبسط
فارس سحب الكرسي يجلس: اهم شي ننبسط اي بس مو على حساب تعبنا
أوس قام وصعد فوق يبدل ملابسه ويروح شغله وتميم وفارس ونهار طلعو برا يجلسون ويفطرون ،راكان وهو جاي عندهم :عندي لكم خبر
ناظروه ونطق نهار:وش هالخبر
راكان بابتسامه:تذكر نهار الي اطلقو عليك و خطفو اختي
هز راسه نهار وهو يناظر يده الي للحين ملفوفه وما يقدر يحركها ،راكان:مسكوهم اليوم واحد منهم اسمه لؤي وهو الي خطف فرح اما الي اطلق عليك ما يعرفه بس من جماعتهم
فارس :ما اعترفو من الي على راسهم ،هز راسه بالنفي :للاسف يماطلون ،جاني خبر من زميلي الي ماسك هالقضية
نهار :مرده بيطلع وبينمسك على افعاله الي يسويها بالخش والدس ،وبيتمنى الموت وما يجيه
تميم :فيه واحد ما سمعتو عنه ذي الفتره اسمه عصام اليوسف مدري يوسف ،يقولون انه تاجر ماشاءالله كان برا يدير شركات والحين رجع هنا سمعته فكل مكان زينه وشينه
نهار هز راسه وهو يضحك بسخريه وناظر فارس:هاذا اكبر مروج وهاذا الي خلف سالم والي يقود كل شي
فارس وهو توه يستوعب:هاذاك الي قلت لي عنه
نهار هز راسه بايه:بس ماشفت صورته جايتني مو واضحه
فتح جواله تميم وطلع صوره له كان متصور برا مع عقود الشركات الي يسويها ،ناظرها نهار وسحب الجوال من تميم يناظر فيه زين ونطق وهو يهز راسه :هاذا قبل ثلاث ايام شايفه ،رفع انظاره لراكان الي يشوف الصوره وعاقد حجاجه :شايفه يوم رحت للمهندسة كانت معه يتكلمون عن شي ما اعرفه
فارس:شفته ولا عرفته ؟؟نهار قول انك تمزح
نهار:لا يا حمار شفته قبل اروح للشركه ويسلمني سلمان الاوراق اكيد ما بعرفه
راكان :هالـ***يعني يبي يدخل بيننا ولا نحس فيه يبي يسوي كل شي من تحت لتحت
فارس :صبر صبر الحين لازم نتاكد اذا هو او لا ، اطلب من سلمان يجيب صوره اوضح
تميم عقد حجاجه مافهم شي منهم:تراني مافهمت وش تتحاورون فيه علمونيي
فارس فهمه كل شي وانصدم تميم لانه ما توقع ولا واحد بالميه واحد زي هاذا سمعته بين الناس وبكل لسان يطلع منه هالاشياء الشينه ~
طلعت من الشاليه بتروح السوبر ماركت تجيب اشياء لهم وراسلت هديل انها بتمرها بتاخذها معاهم للشاليه وهديل علطول وافقت ، نزلت تدخل السوبر ماركات واخذت عربيه تمشي وتحط فيها الي تبي وتشوف الاشيا الي طليوها البنات تاخذها وبعد ما خلصت مشت تحاسب وتطلع وتركب اغراضها وركبت تطلع من السوبر ماركت تتجه تاخذ لها كركديه وبعدها لهديل اخذت جوالها توها تتذكر انها ما ارسل الموقع وسجلت فويس لها ترسل من ضمنه انه تتجهز وترسل لها موقع بيتهم وبلفعل ردت عليها هديل ترسل الموقع لها وبعد مده مو طويله وصلت المزن وطلعت اها هديل تركب معاها ،هديل:اهلين مزون،كيفك
ابتسمت لها وهي تسلم:بخير كيفك انتي ؟
ابتسمت هديل:بخير الحمدلله
سكتت ثواني هديل:مزون يمدينا نروح اي محل قريب نسيت اجيب معاي شي
المزن :شدعوه هديل مو لازم بعدين شوفي انا توني متقضيه يكفي الي معاي ،لفت تشوفهم وابتسمت باحراج:بس مدري لازم ادخل وبيدي شي ما اعرف كذا
ضحكت المزن عليها :طيب وش تبغين محل ؟
ابتسمت هديل لها وقالت لها اسم المحل واتجهو له على طول
~
دخل مكتبه وجلس وهو ماسك راسه من الصداع الي جاه ورفع راسه من حس باحد يدخل بدون لا يطق الباب ويستأذنه كان بيهاوش بس سكت من شاف ابوه قدامه ،ناظر فيه ببرود:وش جايبك هنا ؟
جلس على الكرسي وهو يلعب بعصاه:ابوك يا هشام تطرده !؟يا خسارة تربيتي فيك
ضحك بسخريه :ابوي بالاسم بس والا الافعال ما اذكر مره سويت شي زين لي ،واذا على التربيه الحمدلله مربيتني امي احسن من تربيتك الي تقول عنها وانت ما سويتها
رفع عيونه يشوفه ونطق بحده صوته:مشيشتك سارة علي ؟ولا لقيت ولد عمك وقلت بيوقف بظهري ؟
سكت شوي يناظره وكمل:تراهم كلهم اقدر امحيهم بدقيقه اشاره مني بس
ضحك بسخريه وزفر:وانا لو اعطيهم الي عندي كان تصحى وانت ورا قضبان الحديد ،وما يهمني ابوي ولا لا ،لنك شخص فاسد وماذي كل الي حولك واولهم عيال اخوك الي سرقت منهم حلالهم ولا قدرو يسونن شي والحين بتروح على خالهم بتسرقه بس بنته واقفه بوجهك
ضرب الطاولة بقوه وقام:البنت هاذي بتتزوجها وانت ما تشوف الدرب وبعدها بقدر اخذ الي ابي واخذ امك بعد
هز راسه باسى:امي تخسى تخسى تقربها اذا تحاول بس بتلقاني بوجهك واخوانها بوجهك بعد والبنت ماني متزوجها وما بخلي كلامك يمشي علي سمعت ولا ما سمعت،اخذ اغراضه وطلع من مكتبه ينزل ويركب سيارته يطلع من المكان بدون وجهه محدده
~
دخل سيف البيت وشاف لطيفه جالسه لحالها وتناظر التلفزيون وعندها قهوتها ابتسم من شافها وقرب ينحني يبوس جبينها ويجلس بجانبها :ليش جالسه لوحدك ؟ما علمتيني اجي اشاركك الجلسه
ابتسمت بخجل :ما طريت على بالي تصدق
ميل شفايفه بعدم رضى :افاا يا لطيفه ما اطرو على بالك انا،تراني سيف زوجك وحبيبك اذا انتي ناسيه
صدت عنه تخفي ابتسامتها بدون لا ترد عليه وضحك عليها من طغى عليها الخجل واخذ جواله الي يرن ومن شاف الاسم طق:وش هالرقم الغريب !؟
ناظرته لطيفه ونطقت بتذكر بسرعه:رد رد يمكنه ابو ثابت زوج ثريا الي تعرفنا عليهم من قريب
استغرب منها و رد على الاتصال قبل يقفل وهو يرحب فيه بعد ما سلم ولطيفه تناظره ،ابتسم وهو ينطق:حياكم الله باي وقت ..~
بمكان اخر
ضحكت وهي تدخل مع هديل وشايلين الاغراض بيدينهم صرخت باعلا صوتها تنادي على البنات:فرح ،توته ازهــار
هديل نزلت الاكياس تسكر الباب :لايكون للحين ما صحو
تاففت وهي تدخل:بجلدهم لو ما صحو بيصير العصر وما قامو ما عندي كذا انا
دخلت المطبخ تنزل الاغراض وناظرت بهديل:بروح ادورهم واذا ما صحو بقومهم خذي راحتك مافيه احد ترا، ..ابتسمت هديل ووقفت تنزل اغراضها ونزلت حجابها وعبايتها ومشت تخرج برا سمعت تصور المكان وتصور نفسها مع الورد الي فيه استغربت الباب الي يطق المزن قايلة لها انه محد بيجي واخوانها مو فيه من بيجيهم مشت تفتح الباب وقبل لاتفتحه نطقت بنبرتها صوتها الناعمه :مين !؟
تنحنح وهو اول ما شاف الباب انفتح شوي كان بيدرعم بس وقف من سمع الصوت غريب شوي عليه ونطق:وين مزوني وفرح
عرفت انه واحد من اخوانها ونطقت بهدوء:مزون راحت تصحي البنات ،بغيت شي كلمها
راكان ابتسم من فهم وعرف انها تبيه يروح لانه مزون فوق ولا تقدر تترك الباب مفتوح له وتصعد لها تخاف يصير شي مو زين ،نطق باحراج:زين باتصل عليها ،همس وهو بيمشي بعد ما سكرت الباب :شفيهم اليوم كل واحد يطردني من جهه
تميم:راكــان ،تخاوينا ؟
ناظره وهو يمشي له:وين؟
تميم ناظر فارس الي طالع وهو يلبس كابه :بنروح نبدل وبعدها رايحين عزيمه لواحد من الشباب
هز راسه بنفس:لا ماني معكم بروح للبيت الحين وبودي ابوي وامي للمطار
فارس شهق :صح الله يذكرك بالشهاده،نسيت ان سفرتهم اليوم
راكان ضرب راسه:اش هالفهاوه فيك
ضحك نهار وهو سمع حوارهم ولبس الكاب حقه ورفع راسه:فارس مفهي حرام عليك هاذا انبه واحد فينا، ضحك راكان ونطق تميم :اذا خلصت بدري و اسعفك الوقت تعال لنا
هز راسه بزين وركب سيارته والعيال ركبو سياراتهم ما بقي الا نهار جلس يجهز نفسه بالشاليه بما انه اغراضه موجوده
~
كانت تكلم رند وتعلمها انها مع البنات ،ابتسمت من شافت المزن طالعه من المطبخ ووراها ازهار وترف:بنات سلمو على رند
ابتسمت المزن تسلم عليها بعلو صوتها لانها بعيده شوي عنها ،رند:هديل تعرفين اذا تميم مع نهار او لا
رفعت راسها المزن تناظر هديل من سمعت رند تنطق اسمه ،هديل:ما أدري اعرف بس ان نهار بالشاليه حقه بس وان معه اصحابه
رند :اوف مدري وينه اتصل عليه ما يرد قلت له يسال نهار عن حاجه بس شكله سحب علي
هديل ناظرت البنات من جلسو ورفعت اكتافها:نهار مشغول هالفتره اكيد ما حب يزعجه واليوم وامس كان يوم اجازته عن الشغل يريح له كم يوم وبعدها يرجع ،تبغين شي ثاني ؟بسكر
هزت راسها تدعي انها تشوفها وهي متضايقه انو يكونن قراب من بعض :لا باي
سكرت بوجه هديل واستغربتها هديل شوي وبعدها طنشت وهي تدخل بالسوالف مع البنات ،ترف:بنات ما راح ترحون تودعون اهلكم
هزت راسها فرح بالنفي:لا بابا قايل لنا لا تجون بس راكان بيروح لهم
ازهار بعبوس:اصلن عادي ما يزعل
ضحكت المزن عليها تعرف انها ودها ترجع جده وودها تكون مع امها بس عمتها دلال رفضت يرحون معهم  لنهم ما بيطولون وبيرجعون هم ريحين يزورون احد هناك وبنفس الوقت شغل لـ سيف ،هديل نطقت بتذكر:اي صح مزون فيه واحد جاء قبل شوي كان يدورك شكله واحد من اخوانك
هزت راسها بايه:راكان ،اتصل علي يسال اذا بنرجع او لا
~
الساعة 7:18
دخل غرفته يبدل ملابسه بعد ما تروش ، لملابس رسميه ثوب وشماغ وعقال ،وقف يشوف نفسه قدام المرايا وابتسم ياخذ دهن العود يحط منه على اماكن النبض وبعدها مسح على رقبته وخلف اذنه واخذ عطره يتعطر من الباتشولي مع العود ،لبس جزماته "تكرمون "ونزل ياخذ باقي اغراضه جوالاته ومفتاح سيارته وطلع يسكر الشاليه وركب سيارته و رد على فارس بفويس:جايك الحين ارسل لي موقع المكان
ارسل له فارس وكتب له لا يتاخر وشغل سيارته يحرك من المكان وابتسم من الاغنيه الي اشتغلت لراشد من سمع البارت الي اشتغل عليه :انت الذي ما يشبهك فالملا حي ..جمالك الي يستحق افتخاره.. يبو عيون كل ما ناظرت في... اتوه وسط الناعسات السكارى
وابتسم ينطق بخفوت : انشهد انه مايشبهك فالملا حي
لف انظاره للطريق وهو يدندن مع الاغنيه ومركز على الموقع يمشي عليه ،نزل بعد ما وصل وهو يضبط شكله واخذ جواله يسكر باب سيارته ومشى وهو يشوف جموع الناس الموجودين جايين يلبون عزيمة صاحبهم  شاف فارس وتميم وخلفهم اوس جايين سوا ،مشى يسلم على الرجال بصوت علي وبعدها كلهم قامو يسلمون عليه ،نصار :حي الله المحامي ،شخبارك وشعلومك
ابتسم وهو يسلم عليه احر السلام:الله يحيي اهل الكويت ،تو ما تنور الخُبر بجيتكم
ابتسم نصار:منوره بوجودك يبو غروب
ابتسم وهو يسلم على اخوان نصار الي من بعده وكمل يسلم عليهم ومشى يتجه لنصار الي اشر له يجي عنده ،نهار:كيف الكويت واهل الكويت
ابتسم له:كلهم بخير يبغون شوفتك ،الا وش صار على موضوعك
تنهد وهو يناظر الرجال الكثيرين من حوله:نقول انشاءالله اننا قربنا نخلص عليه
طبطب على كتفه بنوع من المواساة وقام من شاف فارس وتميم وثالثهم أوس داخلين سوا بهيبتهم ابتسم وهو يرحب فيهم بصوته العالي بما انه صاحب العزيمة،ابتسم له العيال وتقدمو يسلمون عليه بالاول احر السلام يعبر عن اشتياقهم له ،اوس:والله وتغيرت يا نصار كيف كذا
رفع اكتافه بمعنى مدري وهو مبتسم،اوس:صرت مليح غير عن اول
ناظره نصار بحنق:شقصدك !؟
ضحك من لمح انه يمثل العضب عليه:اتغشمر وياك لا تشدها يا ولد خالتي
نصار :وخر مناك بس ، وخر عنه اوس وهو يضحك عليه وكمل سلامه على الباقين ورجع يجلس مع اخوياه ،نصار ناظر فالقهوجيين من بدو يقهوون الناس ولف على نهار:عمي عبدالرحمن واخوك ثابت وينهم عازمهم ما جو ،كان نهار بينطق بس ابتسم من وقفو كل الحضور من صوت عبدالرحمن الي نطق السلام وبعدها بدا يرحب باهل الكويت وكانه صاحب العزيمة مو نصار ،بس ابتسم نصار من قوة الهيبه والفخامه ومشى يتخطى العيال ويسلم على عبدالرحمن وثابت الي عن يمينه وبعدها نهار و أوس وفارس وتميم وبعدهم اخوان نصار  والباقين من الرجال ،جلس بصدر المجلس وبجانبه عن يمينه ثابت وعن يساره اخو نصار الكبير "طلال "،مشى يجلس بجانب العيال ،فارس:وين عيالك يا نصار متشفق عليهم من يوم صورتهم لنا
ضحك واشر على اخوه الصغير"عيسى":شفهم هني ، احمد ،ناده بصوت عالي علشان يسمعه واشر له يجي وبالفعل جا وهو ماسك بايد اخته وناظر فيهم نصار وهو يبتسم:هاذا عمك نهار والي بجنبه فارس ،سلم عليهم
ابتسم لابوه وهز راسه ومشى يسلم عليهم واخذ نصار بنته"هتون"صاحبه ال٤سنوات اخذها لحضنه ،ابتسم لها نهار واخذها من نصار:ياحلوك ،كل الدلع والزين فيك
ضحك نصار من خجلت من باسها نهار  وناظر  احمد:حمني تعال جنبي هني
هز راسه فارس بالتفي:لا لا خله عندي
نصار:لا يشغلك خله ييني
فارس:لا ،بشبع منه اليوم حبيته بيصير صديقي ،صح احمد
هز راسه احمد بايه وهو بحضن فارس و هتون بحضن نهار كانت بس ابعدت عنه تتجه لابوها تجلس بحضنه
~
دخل البيت وشاف امه جالسه بالصاله ابتسم لها ما يبي يوضح انه فيه شي ونطق بهدوء:السلام عليكم
ابتسمت له و ردت السلام ومشى هو عنده وانحنى يبوس راسها ويجلس ،هشام:ما رحتي اليوم لجده
سارة:ايه ماهم موجودين رايحين هي وجدك للرياض مع خالك علي
هز راسه بزين ورفع جواله يشوف الرسالة وابتسم:خالتي نهى تقول جيب امك عندي ،لف انظاره لامه:تبيك اختك شكلها قايله لك ورفضتي صح؟
ناظرت فيه ثواني وهزت راسها بايه :ما ودي اخليك خفت ترجع متاخر وتصير جوعان ولا شي وما تلقى احد
ابتسم يمسك كفوفها:كم مره قلت لك اني اذا جعت ولا صار شي لاسمح الله بجي لك اول شي وبعدين اذا على الجوع الحمدلله المطاعم ماليه الدنيا،بس ما تحرمين نفسك من الطلعات عشاني ابي اشوفك مبسوطه تطلعين وتعيشين حياتك وتشوفين نفسك وما تسكرين على نفسك بالبيت عشاني
نزلت راسها بدون ما ترد وتهد هشام يبعد عنها ونطق :يالله تجهزي بوديك لها وبحلس انا مع العيال ،ناظرها من كانت بترفض وقام:ما ابي لا، امي يالله
قامت وهي مبتسمه تروح تتجهز وتلبس عباتها وارسل هشام لخالته انه بيجيب امه واذا العيال فيه بيجلس معهم
~
المطار~
دخل معهم بيودعهم وناظر ابوه بعد ما تاكد من موعد الرحله:باقي نص ساعه ويمكن اقل على الاقلاع
لطيف:انتبه لخواتك زين امي ،واخوك ،فيصل انتبه لهّ هالطايش
هز راسه بزين وناظر عمته:توصين شي ؟
هزت راسها بالنفي:ادري ان عيالي زعلو لني اصويت انهم ما يجون بس ما ودي اودعهم اكره الوداع وحتى ما كنت ابيك تجي بس ابوك ...هز راسه وهو مبتسم:تبيني اخليكم تروحون كذا بدون لا اتطمن عليكم لا معليش صح قدرتو عليهم بس انا ما تقدرين
ابتسمت له ونطق سيف :راكان ابوي ،بعد يومين بنرجع وبيجوننا ناس ابيك تجهز واذا انا صار لي ظرف وما رجعت بيجون لك زين
عقد حجاجه :ان شاءالله بتجي بتجي ،بس منهم هالناس؟
سيف:عبدالرحمن ال سائد ،عرفته
هز راسه بايه من عرفه:ايه ابو نهار خوي فارس
سيف :ايه ،هو
ناظرت فيه دلال وغمزت له:بيجون وبعدها بندور لك بنت ونخطبها لك
ضحك من تفكير عمته وهز راسه ب لا:وينن تو الناس عميمه
لطيفة:شف ولدك تو الناس يقول بينتصف الثلاثين ويقول تو الناس
سيف :اذا رجعنا ان شاءالله دوري له وما بسرفض صدقيني
ناظر ابوه مصدوم وما تكلم وضحك سيف عليه وهو ياخذ شناطهم ويمشي يبتعد عنه بدون لا يقول شي ومعه لطيفه واخته دلال
اخذ جواله وهو يطلع من المطار بعد ما تطمن عليهم و رد على المزن:هلا مزوني
المزن:وصلتهم؟
هز راسه بايه يدعي انها تشوفه وهو يركب سيارته ويسكر بابه
:ايه ،بغيتي شي؟فرح تحتاج شي؟ازهار؟...سكت من نطقت المزن ب لا:لا لا بس بتطمن ،وبعطيك خبر اني ببقى بالشاليه الليله بعد واذا ودك تجي تعال لن ترف مو فيه يعني ما بتجلس
هز راسه بزين:زين بمر البيت تبون شي ويمكن اطلع مع العيال
المزن :ايه ،قل لـ ساندي تحط لنا ملابس انا وفرح وجيبهم معك
راكان:زين يالله مع السلامة
سكر منها ونزل يدخل البيت ونادا على ساندي يقولها تجهز اغراض لخواته ودخل يتروش سريع سريع وطلع وهو يتلبس يلبس ثوبه ويتعطر وينزل ياخذ الاغراض من ساندي وركب السيارة واتجه للموقع الي ارسله له فارس
~
المزن :بنات البوتيك ترا الافتتاح يوم الاحد الجاي حطيناه كلكم لازم تجون وتجيبون الي تبغون بعد
ترف:احلفيي، الله اخيرا بتفتتحينه طول
المزن ضحكت على حماس ترف:توه تزين الاوضاع ،عاد الشريكه نبغى منك رسمه حلوه للاستفتاح
ابتسمت هديل وهي تاكل من الكيك:ابشري ما طلبتي شي
أزهار:جهزتي كل حاجه صح،يعني ما تحتاجين مساعده
هز راسها بالنفي:لا بس ما يمنع انكم تساعدوني وتجون من بدري ونصير نستقبل ونرتب الوضع
ترف :ما عليك بجي من صلاة الظهر بشيك على الوضع
ضحكو البنات عليها ونطقت المزن:هاذا ان صحيتي عاد عندك اجازة الاحد ما تصحين بدري بسوي عرس لا صحيتي بدري وجيتي الظهر
هديل:سويها ترف علشان تسوي لنا عرس وتصير فعاليتنا
فرح:انتبهو تتحدونها ترا تسويها والله
ضحكت المزن:ما تسويها خذوها مني
كانت تناظرهم وهم مستنقصينها ونطقت بتحدي لهم:تشوفون بتصير وبقوم وانا الي بفتح المحل وبتسوين عرس بعد
ضحكو البنات وهي تضحك معهم ~
جالس على الرمل وقدامه البحر  يتامل بهدوء ويسمع صوت الموج مع اصوات العصافير  ،قام وهو ينفض يدينه من التراب ويناظر حوله وهو يمشي وقف وناظر بالي جالسه قدامه ومو حوله ابد تهوجس تنحنح وهو يتقدم لها وهو مبتسم:صباح الخير
لفت تناظره مطهوله ومصدومه كيف جاء :صباح النور
ضحك وناظرها وناظر البحر:شكله اخذك لعالم ثاني البحر
ابتسمت تهز راسها :يصفي الذهن
جلس بجانبها وهو ساكت ويناظر بالاتجاه الي هي تناظر فيه وده يتكلم ويعبر لعا عن الشعور الي يحسه تجاهها بس مو عارف كيف يرتب كلامه ونطق بعد دقايق من الصمت:انا وقلبي نعترف . حتى عيوني تعترف ..بالحب لك والشوق لك لجلك حبيبي نعترف ..في الوجد انا مخفي غلاك والقاب هايم في هواك ..تسحّر عيوني من حلاك ويا كيف ما ..نعترف..،قالها ولف يناظرها وصدت عنه
ابتسم ينزل راسه وحس بتوترها وخجلها ،نهار :ما قدرت اعترف لك لين تاكدت من شعورك تجاهي ،المزن
وقفت وهي كانت بتبتعد انتابها شعور ما تعرف توصفه هل هو خوف توتر ولا من شعورها اتجاهه هي تضنه مجرد اعجاب وبس ليش الحين توترت كذا مو فاهمه نفسه سمعت اعترافه بأغنية وقامن من انتهى بارتباك والحين ، الحين هي وقفت لا شعورياً من نادا اسمها هي ما وعت ولا سمعت الجمله الي قالها قبل ينطق اسمها بس من نطق باسمها بدال "حضرة المهندسه "انتابها شعور غريب وحلو بنفس الوقت رفعت يدها لقلبها تحسه بيخرج من مكانه ورفعت راسها تنزل يدها من جا قدامها بيكمل كلامه،نهار  حس فيها وشلون ما يحس وهو ينتابه شعورها ،شاف رجفة يدينها من نزلتها بعد ما مانت رافعته تجاه قلبها وشاف تورد وجنتيها وعيونها الي تلمع وتصرخ بانه لا يزيد عليها ما بتتحمل اعتراف ثاني منه هي عرفت شعوره تجاهها بس هو يبي يتاكد منها مع انه عارف شعورها تجاهه بس يبي يسمع منها :اتصبحين زهرتي والهاء واو  والراء جيم
رفعت يدينها تغطي وجهها من حست فحراره جسمها ترتفع لو تحلف الحين انها اختفت كل الحروف وما عاد عندها قدرة على النطق بيصدقونها من خجلها الشديد ،ابتسم وهو ما يدري ليه يبتسم بس يحس نفسه ارتاح من اعترف لها ارتاح جز منه وباقي جز تعترف له ويرتاح ويتأكد تنهد ولف باتجاه البحر:ما بصر عليك بس اتمنى تجاوبين ولا يطول جوابك،قلب ونفسي جالس امسكها بقوه لا احي اضمك من خجلك وادخلك داخل ضلوعي ولا يمسك شي ،ضحك من مشت تبتعد عنه بخطوات سريعة حس انه احرجها زياده وضرب راسه :نهار نهار شفيك جبت الدنياء جميع شوي شوي ،خلك الحين بتقول جاي على وجهه ذا
جلس بنفس مكانها ورفع جواله يكلم فارس وتنهد:يا اخوك الحقني جبت العيد
قام فارس يتعدل من على السرير:هاه ،وش تقول ووش عيده
نهار :كانك صحيت تعال لي انا على البحر ،سكر منه وتنهد تنهيده طويلــه~
دخلت وهي تسكر الباب خلفها وتمشي مسرعه لغرفتها ودخلت تقفل الباب عليها واستندت عليه وهي حاطه يدها على قلبها الي يدق يقوه تحلف انه بيطلع من مكانه :يمه شفيني هربت ،ما صار شي اصلن ،قامت تحاول تهدي نفسها وجلست على السرير وفجأة مر قدامها اعترافه وابتسمت تاخذ المخده تغطي وجهها وتصرخ وتضحك بنفس الوقت ،سكتت ثواني من جاها اتصال وقفلت جوالها وغطت نفسها مره ثانيه بالمخده تصرخ من شعورها رفعت راسها من انطق الباب ونطقت تخفي حماسها وربكتها وحبها:نعم!
ازهار من ورا الباب:مزوني افتحي عمه لطيفه تبي تكلمك
قامت مسرعه تفتح الباب لازهار واخذت الجوال تكلم امها وازهار تناظر فيها وفملامحها ،نطقت اول ما سكرت المزن:فيك شي وما بتخبين علي علميني يالله
هي تدري ما بتفدر تخبي نفسها وشعورها اكثر من كذا ورفعت يدينها تغطي وجهها من خجلت ورفعت يدها ازهار تبعد كفوف المزن عن وجهها :وش صار،طلعتي مافيك شي رجعتي فيك الف شي ،علمينى يالله
مشت تجلس على السرير وناظرت جوالها الي يرن وتاففت ازهار بتاخذ جوالها تسكره علشان ما تتهرب منها وابتسمت من شافت ان ترف الي تتصل وردت عليها :اسمعي ولا تتكلمين
ترف:وش السالفه،وش عندكم
المزن:بــنـات ،ابي الارض تنشق وتبلعني
ازهار :اي قولي وش فيك طيب خجلانه بشكل مو طبيعي وتبين الارض تنشق وتبلعك وما تكلمتي
هزت راسها ونطقت وهي تناظر ازهار :اعترف لي قبل شوي وانت هربت بدون لا اتكلم
شهقت هي وترف سوا ونطقت وهي ما استوعبت:صبر صبر من ،مين الي اعترف ،لا يكونـ...شهقت تغطي فمها من هزت راسها المزن ونطقت ترف بحماس:ما يلعب المحامي؟اعترف لك!وانتي يالتيس هربتي
ضحكت ازهار بوناسه:الله،طيب كيف اعترف
اخذت المخده تغطي فيها وجهها ،ضحكت أزهار  عليها:مزونن ،يالله وش قال تحمست
هزت راسها بالنفي بتكرار ،أزهار:مزون قولي ولا بروح له بقول وش سويت فبنتنا ، رفعت راسها تاظرها وشعرها على وجهها وضحكت عليها ازهار:قولي طيب
ترف:مزون لا تخليني اترك شغلي واجيك ،تكلمي
تأففت وبعدت شعرها عن وجهها وعدلت جلستها:زيــن ،واضح انكم ما بتخلوني بحالي بقولكم...،قالت لهم الي صار وكيف اعترف لها وهي تشع من الخجل..،
~
انتبه لفارس الي جا وجلس عنده بدون لا يسلم وهو شبه معصب:ياخي ذا البزران يبي من ياخذ السيارات منهم ويسوي لهم اعادة توجيه ،بغى يدعسني وانا جايك ولا يهاوش على راسي بغيت اهفه بالجزمه"تكرمون "،رفع حجاجه مصدوم :ليتك هفيته ،وعلمتني اجي اطلع الطاقه الي فيني فيه ذا الورع
ضحك وهز راسه:لا ،لاما نحتاج نوجع روسنا بمشاكل مبزره،سكت ثواني بعدين لف عليه:صح،السلام عليكم وش مجلسك هنا
ضحك نهار عليه وهو يهز راسه :وعليكم السلام،ابد قمت بدري وصليت وطلعت اتمشى هنا وقبل ارجع شفت لي حوريه بحر جالسه على الشاطئ وتلت قلبي من اقصاه وقلت اروح لها واعبر عن شعوري لها ولعلها هربت
ضحك مصدوم ومو فاهم شي :لحظه لحظة،شفت بنت او على قولتك حورية البحر وقررت تعترف لها فجأة؟؟!
هز رأسه بأيه ونطق:وقررت اتقدم لها بعد ،ضحك مو مستوعب الموضوع وقام وهو يهز راسه:تستهبل نهار؟؟،كيف كيف ما تعرفها طيب
نهار حس انه ما فهم الموضوع وقاطعه:لا لا لا فارس ،لا تفهم غلط،اعرفها ،سكت ثواني ونطق وهو يوجه انظاره للبحر:حضرة المهندسة بنت سيف
مشى يجلس من استوعب شوي :المزن؟،تقصد بنت خالي سيف؟
هز راسه بأيه وحضنه فارس بقوه وانصدم منه ومن ضحكه الهستيري،نهار:فارس ولد بسم الله شجاك
بعد عنه وهو مصدوم وبنفس الوقت فرحان لخويه وصديق عمره:اعبر عن فرحتي ياخي
نهار ابتسم من الصدمه:عبر ما قلت لا بس صدمتني ياخي
ضحك وهو يعدل جلسته :متى بتخطب؟
نهار :بسم الله،شجاك؟
فارس:احسني مبسوط اكثر منك ،قلت لابوك؟
هز راسه بايه :كان بيخطب لي بنت عمي اخت تميم ،بس امي انقذت الوضع هي وهديل يسلم رأسهم والله
فارس:اسمع اذا رجعو خالي وزوجته وامي تعال وتقدم لها ،ونطق بخبث :لا تأجل ترا خطاطيبها كثير.
وسع عيونه يناظر فارس وهو ساكت ورفع حجاجه من ضحك عليه ينطق:امزح  امزح ،لا تخاف محد ماخذها منك
نهار :فارس لاتوترني ،قام يمشي وقام فارس وراه يمشون راجعين للشاليه ودخلو وصعد نهار يبدل ملابسه وفارس جلس يكمل شغله وكل شوي يبتسم ما يدري ليه مبسوط اكثر من نهار ،ناظر الايميل الي وصله من شركة خاله من "م.ترف بنت سعود بنت علي آل مسعود"،استغرب شوي ودخل على الاميل حصله الشغل الي كان يشتغل عليه من فتره مع خاله وبعض المواضيع الخاصه بالاتفاق بينه وبين محامين شركة ثانيه على مشروع ،ناظر الرسالة الي جته بجواله منها"ابوي وعمي سيف يقولون لازم توقع عليها وتبلغ محامي شركة *****يوقعون علشان يبدون المشروع"
رد عليها "طيب،بس ليه ما بلغو السكرتيرة؟"،شافتها ولا ردت وضحك بخفه وسكر جواله يشتغل على ايباده وناظر بنهار الي نزل والواضح انه توه متروش ،فارس:برد البس زين
نهار:ما عندي ملابس هنا بروح للبيت البس وبشوف امي
قام فارس:زين اجل انا بروح للشركة اذا بغيت شي كلمني اتوسط لك ،غمز وهو يطلع بعد ما اخذ اغراضه يركض يهرب من نهار الي رما عليه قارورة المويه بعد ما كان بيشرب منها بس طشرها كلها من فهم قصد فارس،نهار: يا****ما يصلح نعلمك بشي
ضحك وهو يسكر الباب ومشى متجه لسيارته يفتحها ويركب ويحرك متجه للشركة
~
"فمكان اول مره نزوره"
سكرت لبتوبها واخذت جوالها تطلع من غرفتها وتتجه للمطبخ أخذت الغلاية تحط فيها مويه
وطلعت الكاس يعد ما شغلت عليها وحطت فيه لبتن شاهي عبست وجهها من شافت رسالته :غبيه غبيه ليه اصلن ترسلين له اوفف
ناظرت الكاس ثواني وهي تصب مويه والتفتت تاخذ بسكوت من على الطاولة وهي تشوف اختها الصغيرة داخله المطبخ ،ترف:ماشاء الله وين الجامعة؟
هزت راسها تاشر لها وهي نصها نوم:ما عندي محاضرات الا وحده ومو مهمة
تخصرت تناظر فيها وهي موسعه عيونها،تاففت شروق
بملل:توته ،والله ما عندي لو هي مهمه كان رحت بس مو مهمه
ترف:لو عرف ابوي بيزعل عليك تعرفين ولا لا
رنا:احسن خليها ،بعدين اخر السنه تجلس تبكي عندنا
سحبت عليهم تطلع وتنهدت ترف منها وناظرت في رانا:وهج وين؟
رنا:مرام جاها الطلق الصباح وهي بالمستشفى و ولدتها وهج
شهقت بفرحه :مرام ولدت ،بابا عنده خبر،جا حبيب خالته
ضحكت رانا من كلام ترف السريع ومن حضنتها ،رنا:بابا عنده خبر ،زوج مرام فهد بلغه وبنروح لها لما يفتحون الزيارة العصر
مسحت دموعها من الفرحة:جا سعود الصغير ،ماني مصدقه ..
-
عطوها حقها بالنجمة والكومنت✨🩷