يا رقيقه الحُسن و يا دقيقة الاوصاف يا كُل مُصطلحات الجمال والإذهال ياغيمتي

١٧

، راكان ناظر ازهار الي يناظرونها البنات ونطق مستغرب :ازهار!؟
لاحظ راكان تقدم عصام وتراجعه بعد ما شاف المزن رايحه لازهار واستغرب عصبيته الي وضحت عليه وناظر نهار الي نفسه ما عرفو ليه عصب وهو توه كان رايق وبلحظة وحده صد عنه حصلوه طايح بالرجل ضرب ..
نطقت ازهار بخوف بعد ما شافت الرجل ينزف من شفته وراسه وركض ممبتعد عنهم ،حطت يدها على فمها بخوف:لا يكون صار له شي؟
ناظر ازهار بحدة وهو خلاص دمه فارر من غيرته وعصبيته وزادتها هي بخوفها على الشخص الي كان شوي ويذبحه، هز راكان راسه وهو يناظرهم :ما جاه شي بسيطة
المزن:من الاول نا صار شي بس كان بيعتذر
هزت راسها إزهار تأيد كلام المزن :كان يعتذر بس
نطق بعالي صوته:يعتذر!؟،ليه يبتسم ويمد يده لك ما تقولين لي
لف عليه راكان من صوته العالي وناظر نهار وفارس الي جو يركضون،ركان:عـصـام
ناظره وقرب يمسكه من ذراعه راكان وهمس له بحده صوته وهو يصر على اسنانه :بشويش ،ترا البنت ما تتحمل
ناظرته ازهار وتجمعت الدموع بعيونها ولفت تحضن المزن الي قريبه لها بعد ما جاء اخوها ونطقت بنرفزه من عصام :ماكان يبي شي بس الاسورة حقتها طاحت منها وبيرجعها ،نظف تفكيرك لو سمحت مو كل الناس نفسك
ناظرها فارس الي مستغرب:وش حاصل؟
صدت المزن ومشت ازهار لاخوها وراكان اخذ عصام يبتعد ،وانحنت المزن تاخذ أسورة ازهار الي طاحت من الرجل وقت مدها ونفضت يدها من التراب ولفت من اقترب منها نهار يسألها بخوف:انتي بخير؟
هزت راسها بالإيجاب وهي تناظر الاسورة وحطتها بجيب عبايتها وترفع راسها تناظره وابتسمت تطمنه لانها تدري بيخاف ويقلق عليها بدون داعي وهي ما تبي لانه ما حصل لها شي ،مسك يدها وناظر عيونها يتامل بدون ملل ونطق :نمشي شوي؟
هزت راسها ما تقدر تقول لا لانها تبيه وودها تكلمه عن موضوع ازعجها ،ناظر فارس ونطق :ابو عزوز ..،سكت من اشر له يفهمه بمعنى روح عادي وبالفعل راح نهار مع المزن يبتعد عنهم علشان ياخذ راحته معها وعلشان ترتاح هي بعد ..
-
«عند البنات »
مشو كلهم عند أزهار وفارس ونطق فارس وهو يناظر ازهار وناظر فرح :ارجعوا للشاليه الحين ولا تطلعون الا وانتم معطيني خبر
أزهار ناظرته :فارس طفش ما نبغى
مد يده يمسك خدها ويقبصه:الحين توك الدمعه على طرف من الي صار والحين ما تبغين ترجعين
بعدت يده يعبس وجهها بالم :طيب! ، بعدين انا الي طلبتهم يطلعون معاي
فرح تنهدت تشوفهم شوي ويبدا مناقرتهم لبعض:خلاص فارس انت تعرف اختك عنيده وأم دميعه لا تصيح علينا
ضحك يهز راسه وهي تناظرهم وحاطه يدها على خصرها :ماشاءالله ،فـارس
زاد ضحكه من تعابير وجهها وقرب منها يهمس لها :لا ،شفت عصام وش سوا ،غمز لها يخليها تحمر من الخجل،ضربت صدره:ترا بقول لامي انك قليل ادب وما تستاهل ترف
ناظرتها ترف الي كانت قريبه وسمعت كلامها تتوسع عيونها من صدمتها ،ناظرها فارس يشوف تعابير وجهها اول ما قالت ازهار انه ما يستاهلها يشوف صدمتها ابتسم من تلاقت أعينهم ببعض تصد هي بارتباك من نظراته لها الغريبة وكانه يشوف داخلها ،رفع يده يضرب راس ازهار وينطق وهو صاد عنها ويناظر جواله:أرجعو للشاليه وما ابي أسمعك تقولين لا ،وقدامي الحين تروحين
زفرت بغضب تمشي وهي ماسكه يد ترف ولحقوهم البنات ونطقت ازهار بصوت عالي علشان يسمعها:تيس ما تستاهل الترفه الي جنبي
سمعها بس ما رد عليها يمشي مبتعد وهو يبتسم ،مدت يدها تضرب ازهار وهي خلاص بتموت من تلميحات ازهار لها ،توجعت تناظرها :شفيكم اليوم انتو
ترف بعصبيه:احسن لانك ما تستحين
ضحكت فرح و وهج الي وراهم وفاهمين ازهار ومنتبهين لنظرات فارس و ترف قبل شوي وقفطوهم ،لفت عليهم تنتظرهم يضحكون ونطقت و وجهها صار احمر من كميه الأحرج الي حست فيها :خلااص تكفون
-
«مكان اخر ..»
تمشي معاه ويدها بيده ولاحظت انهم ابتعدو كثير عن الشاليهات وصار المكان هادي وفاضي ومافي صوت غير صوت خطواتهم سوا وصوت امواج البحر ،ناظرته لثواني تشوف شعره الي من الرياح يجي على وجهه ويرفعه بيده كل شوي وغمازته الي بانت من ابتسم ،نطقت بخفوت:نـهـار
لف بانظاره لها :سمي
ابتسمت كلمه جديده "سمي"وتحس بعمقها ،ناظرت المكان الي يمشون فيه :وين بنروح ؟ ،ما بنجلس قريب البحر؟
رفع يدها يبوسها ونطق :باقي شوي ونوصل ،تعبتي؟
هزت راسها بالنفي ونطق بعد ثواني طويله وهو ياشر على المكان :هنا ، وصلنا
ناظرت المكان الي اشر عليه وابتسمت من شافته مليان ورد ،تقدمت تشوفه وابتسمت باتساع شكل المكان يجذبها كان عباره عن درج لبيت قديم مليان ورد الجهنميه و ورود كثير منها وبعض اوراق الشجر والورد طايح على الدرج وصار منظرها حلو ،تقدم يحضنها من الخلف وينطق بهمس لها:عجبك المكان؟
هزت راسها تلف له:مرههه ،نهار حلو مره
ابتسم يبوس كتفها ومسك كفها تمشي معاه ويصعدون الدرج ويدخلون داخل البيت القديم الي كان شكله من الخارج يوحي انه قديم ومتهالك بس الجهنميه مجملته ،بس من الداخل كان عباره عن مشتل ورد من كثر الورد الي فيه ،تقدمت تتلمس الورد بايدها ومبسوطة بهالمكان ومو منتبهه للواقف الي يتامل حركاتها كلها ومبتسم وما يمل ابد من تأملها ،لفت عليه وهي مبتسمه:نهار المكان حلو مين صاحب البيت؟
تقدم لها يحط يده على ظهرها ووقف جنبها :مو مهم ، المهم انه عجبك
مشى يفتح البلكونه الي تطل على البحر وسحب الكرسي يمد يده لها :تعالي
مشت ومسكت كفه وجلسها بالكرسي ،جلس هو بجانبها بالكرسي الاخر وحط ذراعه على الكرسي وكفه على خده يتأملها كيف تناظر المكان ومبتسمه وكيف جالسه تصور وما يمل ابد منها .
تنهدت تلف عليه وهي لازالت مبتسمه وابتسم يقوم لها :ارفقي بي يا رقيقة الحُسن
ابتسمت تغمض عيونها من انحنى براسه يدفن وجهه بعنقها بعد ما باس جبينها ،رفع راسه بعد دقايق وهو يناظر عيونها ويدينه محاوطة خصرها :رابع العيد ،وش رايك؟
ناظرته لثواني ما فهمت وعقدت حجاجها من فهمت قصده ورفعت اكتافها ماتدري وش تقول ونطق هو يكمل:مافيني اصبر زياده ولا ادري عن الي بيصير بعدين
ناظرت ساعة يدها وابتعدت عنه :حلو بس يمدي؟
ابتسم باتساع من حركاتها هي تتهرب منه بس بنفس الوقت تبيه،ضحك ياخذ جواله:يمدي ويصير الي انتي تبينه بعد
اخفت ضحكتها واخذت جوالها تخرج قبله وهي تمشي بنفس المكان الي كانو يمشون فيه قبل ساعة المكان مظلم وفيه العقود الصفر منوره المكان شوي ومع الشجر والجهنمية صار الممشى حلو ،التفتت من نطق بصوت عالي:مزوني .
-
«داخل بالشاليه »
ناظر راكان لثواني وقام وهو ينطق :مع السلامة
رد عليه راكان الي مستغربه بس ما اهتم له مره وطلع عصام من الشاليه وناظر رسالة من نفس الشخص وتأفف يتجه لسيارته الي راكنها بعيد وهو يكلم :شوف لي الرقم هاذا مين ، وطلع لي ولد سالم من تحت الارض الآن علي الان
سكر منه وطلع مفتاح سيارته بيشغلها ولف من سمع صوت دباب جاي مسرع ولف من صوت عالي ينبهه :انتبه..، ناظر الرجل الي ما يبان منه شي بسبب تخفيه مصوب السلاح عليه وما امداه يستوعب نفسه الا هو متصوب وطاح على الارض ،رفع راسه بيشوفهم يبي يعرف من ذولا ،سند نفسه على سيارته ماسك كتفه الأيسر ويشتم فيهم:يا****تبطون ما تجيبون راسي يا الضعاف
كان يشتم فيهم ولف يناظر من جلست عنده على ركبها وترجف من الخوف :تنزف كثير
حطت يدها على فمها بخوف ما تدري وش صار فجأة،هي كانت طالعة بتاخذ طلبها فجأة شافت الي جايين ناحيته ومعهم سلاح مصوبينه عليه وما حست بنفسها الا وقت حذرته وطاح منهم وهربو بعدها كانت جايه تركض باتجاهه وتسمع يشتم وتحمد ربها انه ما مات ،ناظرته ما تدري وش تسوي وبكت من خوفها عليه :اتـ اتصل على الإسعاف، قامت تدور جوالها الي طاح منها ووقفت تجهش بكي من طلع اخوها قدامها وراكان :فـ فارس
ركض لها بخوف يحضنها:شفيك صار لك شي احد تعرض لك؟
هزت راسها بالنفي ولفت تأشر على مكانه ونطق راكان الي راح جهت ما جت هي :فارس الإسعاف بسرعة الولد ينزف كثير
طلع جواله يتصل ولف بتوتر يناظر عصام الي على الارض وملابسه متلونه بالاحمر من كثر ما نزف دم وهو يوصف للاسعاف مكانهم وبعد ثواني سكر جواله يحطه بجيبه ويتقدم عند راكان الي نطق بسرعة:شد عليه هنا
ناظره فارس من قام :وينن
مشى بدون لا يرد عليه وركض بسرعة لسيارته يشغلها ووقف من سمع صوت الاسعاف جاي اشر له بمكانهم ونطقت ازهار ببكي:هنا لا ..لايموت
كانت قريبه منه وبجنب فارس الي اخذها يبعدها بعد ما جو الاسعاف بيسعفونه
«عند ابطالنا »
كانو يمشون سوا وقربو جهت الشاليهات ابتعدت عنه وهي تضحك :خلاص نهار
سحبها لجنبه وباس خدها وابتعدت:نـهـار
نهار :سمي ولبيه وأمريني
ابتسمت تبان انيابها :الناس عـيـب ،ضحك من من غطت وجهها تحس باحمرار ملامحها مسكها يغير جهتها يصير هو يمينها وعقد حجاجه يشوف الاشخاص الي واقفين عند دباب ويناظرونه ولف لها من كررت ندائها له:سمي
ابتسمت تكمل :بكلم ابوي وارد لك عن الزواج
كان منتبه لكلامها بس باله مع الي واقفين قدامه ،لف لها يوقف وتوقف هي معه :اذا يمديك تخلصين كل الي تبين بهالمده نخليه بهالتاريخ بس اذا ما يمديك نغير عادي ونصبر
هزت راسها بالنفي وشهقت بخوف من سمعت طلق نار وصوت الدباب الي جاي باتجاهه ومصوب عليهم ،صرخت بخوف يدفها نهار بعيد وطاح على الارض بسبب الرصاصه الي جات فساقه شتمه بداخله ولف يناظر المزن الي تبكي وقام يمشي لها وانحنى على ركبتيه ومسك وجهها بيدينه وناظر عيونها يتفحصها:مزوني ،مزون .، شاف عيونها الدامعة وتنهد يشتمهم بداخله وحضنها وزفر من الالم هي ما صابته بس خدشت ساقه الايمن ،مسح على راسها :مافيني شي لا تخافين،مزوني والله مافيني شي يا ابوي انتي
ناظرته وهي تمسح دموعها وناظرت ساقه :كـ كيف مافيك شي والدم هاذا نـ نهار
ابتسم من شهقاتها الي بين كلامها وحضن راسها وباسه يطمنها بحركته هاذي:والله مافيني شي مجرد خدش بسيط ويتشافى بسرعة
قامت بسرعة من مكانها وقام معاها من مدت يدها تقومه وتمسح دموعها ومشت معه وهو ساكت يناظرها ما تكلمت ولا يدري وين بتوديه بس بيروح معها وين ما توديه لو لموته بيروح معها ،ناظرها من وقفت قدام باب الشاليه حقه تدخل وتدخله معها واستغرب هو ان الباب مفتوح ووقف يمسكها :العيال فيه اكيد ارجعي إنتي للشاليه
هزت راسها بتكرار:ما بتركك نهار
ناظرت المكان حولها ونطقت بصوت راجف :بعدين المكان هادي واضح مافيه احد ولو فيه احد اخوي وولد عمتي
ابتسم من رجعت تاخذ بيده وتلفها على رقبتها علشان يستند عليها ودخلت يستغرب نهار عدم وجودهم وجلسته على الكنبة القريبه وناظرته تتنفس بسرعة:اكيد عندك علبه إسعافات اوليه!؟
هز راسه وكشر بالم من تحرك يعدل نفسه و أوجعته رجله :فالمطبخ
ركضت تجيبها وجلست بعد دقايق بعد ما نزلت عباتها وشيلتها ،جابت طاوله ترفع رجله وطلعت الشاش وبدت تنظف الجرح بهدوء خايفه تألمه،التفت عليه تنطق:اذا يألمك قول
أبتسم يناظرها لاحظ عيونها الي قلب لونها احمر من البكي ومسك وجهها بكفه وانحنى يقبل عيونها بحنيه ويمسح دموعها الي انسابت:بس يا ابوي انتي ،قلت لك طيب بس خدش بسيط
هزت راسها وهي تضمد الجرح بحذر علشان ما يتألم:تعرفهم؟
لفت انظارها له تشوفه يناظرها :تعرف مين هم وليش يبغون يأذونك
قومها يسحبها تجلس بحضنه ومد يده يمسح على راسها : ما عرفتهم بس بعرفهم ويصير خير بعدها
قامت ترتب الاغراض وتحطها بصندوق الإسعافات ،اخذ جواله الي يرن من قامت عنه و رد وهو يناظرها :هلا فارس
قام واقفه ناسي رجله واختل توازنه يتمسك بالمزن الي انتبهت له ولفت علطول عليه تسنده ،نهار:وينكم الحين
سكر بعد ما عطاه فارس عنوان المستشفى واتكى على الكنب يناظرها ويدري بتسأله وش الي قومه كذا و مخوفه هالقد ..
-
«المستشفى »
واقفين كلهم قدام غرفة العمليات ينتظرون الدكتورة يخرج ولفو من سمعو صوت نهار ومسكه فارس الي مستغرب :ولد شفيك
مارد عليه يسال:وش فيه ،عصام؟
هز راسه فارس :هجمو عليه وهو عند سيارته وإصابته شكلها خطيرة ونزف دم كثير
راكان :رجلك شفيها؟
ناظرته ما رد عليهم وناظرت اخوها ؛جو شخصين بدباب مسلحين وصابوه
راكان ناظر فارس الي نطق :لا يكونون نفسهم هم الي صوبو عصام
ناظرهم نهار وهو عاقد حجاجه وكانه فهم وش الي يصير ،راكان:ازهار شافتهم اكيد كانت عنده اول ما طلعنا
لف يناظرها فارس كانت جالسه على الكرسي وجامدة مكانها ،مشت لها المزن وجلست ومسكتها تناديها:ازهار
ما انتبهت لها وهزتها تناديها مره اخرى تستوعبها ولف ازهار
للمزن تحضنها وتبكي :حذرته بس تأخرت صابوه قبل يهرب عنهم مزون ،ناظرت فارس الي قرب عندهم ومسحت على راسها :بيقوم ان شاءالله لا تخافين انتي
راكان:بلغت الشرطة واكيد فيه كميرات بالشارع وبيحصلونهم قريب
زفر نهار يضرب الجدار بايده بغضب ويشتم ،فارس:مزون خذي ازهار وارجعو للبيت
هزت راسها بالزين المزن وناظرت ازهار تقومها معها ،هزت راسها بالنفي بتكرار:ما ابغى اروح بجلس معاه ابي انتظره لين يخرج من هنا ،كانت تأشر على الغرفه وتبكي بحرقة والمزن تحاول تهديها :أزهار حبيبتي تقعدين وش تسوين هنا ؟،نروح البيت احسن
هزت راسها بالنفي بتكرار وناظرت المزن فارس وراكان وهزت راسها :طيب امشي معاي نخرج برا شوي
قامت مع المزن ولفت المزن تناظر نهار الي صاد عنهم يكلم وكملت طريقها مع ازهار يخرجون خارج المستشفى
-
مرت ثلاث ايام وهي من ذاك اليوم حابسه نفسها بغرفتها وما تخرج الا وقت يروح فارس يزور عصام هي تروح معه وترجع تدخل غرفتها ما تخرج منها رغم اصرار البنات وامها انهم يخرجونها بس هي ترفض ،لفت راسها من دخلت المزن عليها مبتسمه :ما ابغى اسمع كلمة لا ازهار
سكتت بدون رد تناظر المزن الي كملت وهي تتقدم لها:بنروح سوا انا وانتي بس ما معانا احد نجهز للزواج
هزت راسها :مزو..،قاطعتها المزن بسرعة:قلت ما ابغى لا ازهار تكفين امشي معاي مافي احد فاضي لي
هزت راسها بزين وابتسمت من حماس المزن وقامت تبدل ملابسها وتاخذ عبايتها وتنزل تحت مع المزن
ابتسمت دلال من شافت بنتها نازله:هلا هلا بزهرتي
التفتو لها يشوفونها ونطقت المزن وهي تناظرهم :بروح معها نكمل باقي التجهيزات
سيف هز راسه بزين:الله يحفظكم ،تحتاجين شي يبه؟
ابتسمت المزن تهز راسها بالنفي :ماتقصر
قام فيصل يتجه للباب يخرج باستعجال ونطقت المزن وهي تناظر فيه مستغربه:ماما شفيه ولدك كذا؟
تنهدت لطيفه تهز راسها:الله يهديه
مشو يخرجون وطلعت مفتاح سيارتها تشغلها وفتحت الباب تركب ، وركبت يمينها ازهار الي لا زالت ساكته وحركت تطلع من اسوار البيت ناظرت ازهار ونطقت :نهار كلمني
لفت تناظرها ازهار وكملت المزن:يقول صحى اليوم وتكلم معهم ويقول انه بخير
أزهار:ابغى اشوفه مزون
تنهدت المزن تناظر طريقها تعكس طريقها وتتجه للمستشفى:مع انه فارس وراكان محذريني بس ما اقدر اردك والله
-
«المكتب»
جالسه بمكتبها وعندها فريقها يكملون مشروعهم ويتناقشون فيه ويعدلون عليه ،جلست على كرسيها تناظر جوالها وتنهدت وناظرت فريقها تنطق بتعب :خلاص مشكورين نكمل بكرا تمام
ناظروها ومن تكلمت وهزو روسهم بزين ومشو يخرجون كلهم تنفرد هي لوحدها بمكتبها تناظر جوالها وتطقطق اصابعها على الطاولة:المفروض اني مع مزون الحين ،ضحكت تسخر من نفسها:جالسة اشتغل بنهار رمضان ،الله يعين
تأففت وقامت تخرج من مكتبها تنزل وتطلع من الشركة بعد ما ارسلت لابوها انها راجعه للبيت ،طلعت وهي تلبس نظارتها متجهة لسيارتها وقفت بمكانها من شافته تاكي على سيارتها ،رفعت يدها لنظارتها تنزلها شوي وتناظره لثواني تكلم نفسها:هاذا شجابه الحين
هزت راسها تبعد افكارها ومشت تتجه له من انتبه عليها وابتسم فارس يرفع يده يسلم عليها:سلام
هزت راسها ورفعت يدها تنطق باستغراب وهدوء:سلام
ناظرها وهو مبتسم ونطقت هي باستعجال:شعندك هنا؟
رفع أكتافه يتلفت شوي ورجع يناظرها:ابد ،قلت اجي اسلم عليك
ناظرته لثواني ما تفهمه وتستغرب حركاته وفتحت باب سيارتها بتركب:شكلها صابتك ضربة شمس وقمت تخبط
ضحك لانه هو بعد ما يدري ليه فجأة جاه احساس يبغى يشوفها وطلع من مكتبه يتجه للشركة رغم انه ما يدري اذا هي مداومة او لا ،سكر الباب قبل تركب وناظرته بنرفزه تنزل نظاراتها:خير اخوي!؟
ابتسم يناظرها وواضح انها تنرفزت :توني ما خلصت
تأففت لانها تعبت وصكتها الشمس:خلصنيي
ناظرها من وضح عليها التعب بملامحها ابتعد من فتحت الباب هي تركب وتحرك مبتعدة عنه وقف مكانه ما استوعب :من جدها ذي!، مشى راجع لسيارته :راحت عليك يا غبي محد قالك تأمل .
ناظرت طريقها ودخلت بعالمها الثاني وذبحها الفضول وش كان بيقول لها لو هي جلست وما سحبت عليه كشرت :وانتي غبيه قالك ما خلصت ليه تروحين
تأففت تستوعب حالها وضربت راسها :حرام كان بيتكلم واضح شي مهم اوفف
ناظرت رسالته الي وصلت لها وشهقت تحط يدها على فمها:بسم الله لايكون يسمعني ذا
فتحت رسالته وضحكت من شافته يسال بنوع من الهواش"ليه رحتي اقولك ماخلصت وتروحين"
تأففت ووقفت سيارتها قدام بيتهم واخذت جوالها ترد عليه "كنت مستعجله وانت جالس تتأمل"
"اذا عندك موضوع مهم قوله هنا"،ارسلتها وطلعت من المحادثه ونزلت من سيارتها تدخل البيت وطلعت مفاتيحها تفتح الباب تدخل داخل البيت تسمع الهدوء بالصاله وابتسمت من جاها صوت سعود الصغير تتجه لناحية الصوت :يا حلو صوتك بعد ،رغم انك مزعج مرات بس مسوي لنا حس بالبيت
ناظرتها مرام ونطقت :جايه بدري؟
هزت راسها وهي تلعب سعود ولد مرام :تعبت شوي وقلت ارجع بدري وبعد ما عندي شي
هزت راسها مرام تناظرها لثواني :طيب قومي بدلي بنجهز الفطور قبل الاذان باقي نص ساعة ..
-
«بعد مرور يومين - قصر عبدالرحمن »
بعد صلاة التراويح راجعين كلهم للبيت ،دخلو للصالة واتجهت ثريا للمطبخ:سارا ،سارا
وقفت من جات لها ونطقت :جهزو لنا الجلسة برا نبي نجلس الجو حلو اليوم
هزت راسها بالزين وراحت وجات هديل لامها :ماما
لفت لها ثريا وهي تنزل عبايتها :وشو
هديل:كلمتيهم على الفساتين متى يوصلون قرب الزواج
هزت راسها :بيرسلونهم بكرا كلمتهم اليوم
لفت تشوف العاملات يجهزون برا ونطقت وهي تناظر امها:ايش فيه ؟،برا بنجلس؟
هزت راسها ثريا :الجو ما يتفوت واصلاً ابوك جاء وجلس واكيد عاجبه الجو
هزت راسها بزين ومشت بتروح ورجعت :ما جاء نهار للحين؟
ثريا:الا وسال عنك ،تلقينه برا مع ابوك الحين
هزت راسها بزين ومشت تخرج وابتسمت من شافت ابوها يرحب فيها واتجهت له تجلس بجانبه وتدخل بحضنه من حضنها :بابا على دلعك هاذا ما برضى اتزوج الا واحد يدلعني نفسك
ضحك عبدالرحمن ونهار الجالس:من حقك ولا ضنتي ابوي بيرضى يعطيك اي احد
باس راسها وناظرها ينطق :انتي تدرين كم واحد رديته علشان ما تروحين عن حضني؟
ضحكت ونطق نهار :ابوي انت الحين تقطع نصيبها كذا
هز راسه بالنفي:ما اقطعه ما جاني للحين الي يستاهلها وادري انه رجال قول وفعل
ابتسمت تبوس راس ابوها ،أوس :يعني او جاك الحين واحد بترفضه علطول علشانها
هز راسه عبدالرحمن ونطق اوس وهو يناظرها مكشر وبهز راسه :الي بيتقدم لك لازم يحاول ثلاث سنين قدام علشان يعجب ابوي بالاول وبعدين انتي
رجعت شعرها ورا اذنها بغرور :ماني هينه ترا
اجلست ثريا بين عيالها:ومن قال انك هينه انتي البنت الوحيدة وحس ونور بيتنا كله
ضحك نهار :اوهه يالشيخه كنك سحبتي علينا
أوس:كرتنا يطيح عندها
ابتسم نهار يهز راسه وقام وهو يشرب قهوته ونطق عبدالرحمن:وين؟
نهار :بخلص اشغالي ،توصي شي
هز راسه عبدالرحمن:لا ،الله يحفظك
ثريا:نهار وش صار على القاعة دورتو؟
ابتسم وهو ينحني يبوس راس امه :بمرها اليوم ونروح نشوف القاعه اذا عجبتنا خذينها
عبدالرحمن:اذا احتجت شي كلمني زين نهار
هز راسه واشر على خشمه:ابشر ، يالله سلام
طلع وشغل موتره يركب ويحرك مبتعد عن البيت وارسل لها انه جاي بالطريق وحرك متجه لبيتهم .
-
نزلت وهي لابسه عباتها تناظرهم جالسين سوا وناظرت امها :ماما بخرج مع نهار
لطيفة:بترحون تدورون قاعه؟
هزت راسها ونطقت لطيفه:الله يحفظك يا امي
فرح:مزون ترا فستانك وصل اليوم
لفت لها :احلفي ،كيف ما ارسلو لي شي
هزت راسها :كلموني الصباح وجاء وقت كنتي خارجة
لطيفة:اذا رجعتي شوفيه الحين لا تتاخرين على الولد
ناظرت راكان الي دخل:مزون نهار ينتظرك
هزت راسها وودعتهم وخرجت له ولفت لطيفه لفرح :علمين وش ردك تفشلت من الحرمه ثلاث مرات تدق وتتصل وتسال عنك وابوك سال عن الولد
ناظرت امها :ماماا
فيصل:انا بفهم شي فيكم يالبنات وش الي يخليكم تتاخرون ما توافقون
لطيفة تنهدت وهي تناظرها:دلع بنات
راكان لف انظاره لها ونطق :خايفه من شي انتي
هزت راسها وناظرت امها لثواني تفكر ونطقت:ردي عليها اني موافقة بس ما بيصير شي رسمي الا بعد زواج مزون
ضحك راكان وصفر فيصل :اخيرا ما بغيتي
ناظرته بحنق ودها تقوم عليه بس ماسكه نفسها ولفت انظارها لـ راكان الي نطق :وين عمتي ؟
لطيفة:ببيتهم
فيصل:حتى ابوي عندهم شكله جاي احد يتقدم لازهار
لطيفة هزت راسها:ايه ،قال ابوك بيجلس معه هو وفارس اول علشان كذا رجعو بيتهم يمكن
راكان:مو بس كذا ، فارس قال لهم يرجعون
قام فيصل وطلع فوق لغرفته ولف راكان بناظر امه الي تتابع المسلسل الي ينبث الحين :حلو هالمسلسل؟
هزت راسه لطيفة:زين بس عليه ملاحظات شوي
ضحك من تعبير امه ولفت تناظره لطيفه:متى ناوي تفرحني وتتزوج؟
شرق وهو يشرب من كاسة الشاهي وخافت لطيفة عليه تقرب له وتمسح على ظهره،نزل البياله واخذ منديل يمسح يده وملابسه لانه طشر عليه الشاهي :يمه الله يهديك
ضحكت لطيفة عليه :يمه ماقلت شي غلط ودي أشوفك معرس
هز راسه وهو يقوم يتجه للمغاسل:يصير خير بعد ما يعرسون خواتي ابد بقولك تخطبين لي
لف يناظر ابوه الي توه داخل وسلم عليه وناظر امه:بصعد ابدل ملابسي وارجع لك
ابتسمت لطيفه تهز راسها بزين وناظرت سيف الي جلس توه وسال:وش فيه ؟كاب على نفسه شي؟
هزت راسها وهي تبتسم:يوم فاتحته بموضوع الزواج طشر الشاهي على نفسه
ضحك سيف :تدرين انه مقفل على الموضوع ليه تفاتحينه فيه
لطيفة:قضى عمره وهو مخليه على شغله خليه يعرس ونشوف عياله
-
«عند ابطالنا »
وقفت مكانها تشوف الممر الي بتمشي عليه وقت زفتها ولفت تشوف كبر القاعة ومشت فيها وشافته بعيد يكلم صاحب القاعة واتجهت له وهي مبتسمه ،وقفت بجانبه ولف يقبل راسها :عجبتك
هزت راسها :حلوه وكبيرة
ناظر نهار صاحب القاعة:تم ،نبيها رابع العيد
صاحب القاعة:تمام تعال معي علشان تدفع وتأكد حجزك
ابتسم يشوفه يمشي ولف للمزن بعد ما خرجو من القاعة وطلع مفتاح سيارته:روحي للسيارة شوي وجاي
هزت راسها بالزين ومشت تنفذ كلامه وهو اتجه للرجل يأكد حجزه ،ركبت السيارة وابتسمت براحة تحسها معاه وسعاده ما توصفها ،ابتسمت من جاء بمشي على مهله وفتح باب السيارة يركب :ايي القاعه وخلصنا منها
لف انظاره لها :باقي شي ثاني تبينه؟
هزت راسها تمد كفوفها وتحضن ذراعه وتسند راسها على كتفه ولفت بأنظارها تناظر ابتسامته ولفت تسمع ارتباك نبضات قلبه من قربها منه وناظرت الطريق ولف نهار عليها :تعبتي؟
ابتسمت تنزل عيونها وهمست:لا
ناظرها نهار واخذ جواله يناظر طريقه ويرجع يفتح جواله ويدخل على محادثاته وناظر الصوره الي وصلته وانبهر فيها ،كان عبارة عن عقد ألماس طالبه ومصممة خصيصاً لها ،ارسلو له انه بيوصل تقريباً الصباح،طلع من المحادثه من تحركت ولف يناظر عيونها الي واضح عليها الارهاق: اذا وصلتك البيت ارتاحي تمام
المزن هزت راسها ونطقت بهمس:تمام
-
«بعد مرور ٥ايام ، بالبوتيك»
كانت جالسة بمكتبها ومندمجة بشغلها وحاطه كامل تركيزها فيه لانها صار لها فتره تأجل اشغالها هنا بسبب تجهيزاتها لزواجها ،نطقت وهي لازالت مندمجة فـ ايبادها تصمم :ادخلي
فتحت الباب تدخل راسها تويق عليها :مشغولة؟
رفعت أنظارها المزن لها وابتسمت تهز راسها:يعني مو مره ،ليه؟
دخلت هديل تسكر الباب وراها وتتقدم لها وتجلس بأحد الكراسي امامها :شوفي هو المفروض ما اجيك انا بسبب اني اخت المعرس بس ،رفعت اكتافها تتنهد:بما اني عندك هنا فا بقول لك
ابتسمت المزن تهز راسها:لا عادي ، البنات موصينك على شي صح؟
ضحكت هديل لانها ما تعرف تخفي شي من حماسها وكيف المزن قفطتها بسرعة:مادري بس عادي نطلع سوا انا وانتي لمكان حلو
المزن: بعد ما اخلص عادي؟
هزت راسها هديل لانهم بيتاخرون:لا لا معليش الحين لانه بيسكر
ضحكت المزن عليها:فيه احد يسكر العصر هديل!؟
ضحكت بورطه وقامت وهي تنطق:مافيه صح ، بس اتركي شغلك شوي بس وتعالي معاي
قامت من على كرسيها :عشانك بس هديل
ضحكت تحتضن ذراع المزن وتبوسها على خدها :نروح؟
هزت راسها المزن ومشو سوا وطلعو من البوتيك وركبو سيارة المزن واخذت جوالها ترسل لنهار لانه كان واعدها يجي ياخذها بعد الدوام ويطلعون سوا ،ارسلت له بانها بتخرج مع مع هديل لمكان تبغاه وسكرت جوالها تحطه بشنطتها  هديل ابتسمت من شافتها تراسل نهار ونطقت :اعتذر عن اللقافة بس لازم تخلينه يشتاق لك قبل الزواج
المزن تنهدت :اوف هديل طاري الزواج يوترني حيل
هديل: اسمعيني نهار لا تشوفينه من اليوم لين يوم الزواج احسن علشان يكون متلهف عليك
دق جوال المزن واخذته ترد :ايوا فرح
فرح:وينك انتي وازهار ادق عليكم من ساعة محد يرد
المزن: ماجاني شي ،بس انا خارجه الحين مع هديل
ابتسمت هديل تنطق بصوت عالي:أهلين فروحه
فرح:هلا هلا ، طولتو ترا
المزن:وش طولنا عليه؟
فرح:انا خرجت للمول انتظركم تجوني احتاجكم باسرع وقت
المزن:اوكيه
وقفت المزن :انتي تبغين المول ؟
هزت راسها هديل:ايه
وقفو عند المول ونزلت من سيارتها ومشت مع هديل تدخل المول ونطقت هديل:بندلعك اليوم
المزن :يعني انتم متفقين سوا صح؟
ضحكت هديل تحضنها والتفتت من جات فرح لهم ومسكت بيد المزن :يالله لا نتاخر
تأففت المزن بتوتر  تناظر فرح الي سحبتها معها بدون مقدمات ورفعت جوالها تشوف هو شاف رسالتها ولا لا ،شافته فارغ من الرسائل ولا شاف رسالتها وابتسمت من مر طيفه ببالها هي تشتاق له اكثر من قبل لانه صار يجيها بشكل طاغي اكثر وحتى ياخذها اكثر من نفسها ويقرب منها قرب هي تتمناه وتتخيله وتحبه ، توترت من تذكرت خروجهم سوا قبل فتره ولفت تشوف فرح الي تناظرها  وانتبهت تشوف وصولهم وضحكت : طيب ليه تناظريني كذا ؟
ضحكت فرح تهز راسها بأسف ومشت تسحبها ويدخلون داخل وناظرت البنات الي جالسين ازهار و ترف بيدها كوب قهوة:عروسة قلبي
أبتسمت المزن تتقدم تحضنها ولفت تشوف مجهزين لها روبها حق الزواج :اوف توترت اكثر
هديل :بما انه فستان زواجك جاك البيت حنا قلنا نجيبك هنا وندلعك بدكير مناكير مساج ماسكات ،كذا، ضحكت تغمز لها تخليهم يضحكون وقربت المزن تحضن هديل :ياربي عقبالكم كلكم يارب
ناظرو بعض كلهم وتقدمت ازهار :تعالي اجلسي انتي وبيجون هم يسون لك بديكير
جلست المزن والبنات بعد كل وحده بكرسيها ،جات ترف ورفعت يدها :اليوم يوم البنوتات لازم ندلع انفسنا وعروستنا بعد
ضحكت هديل تقوم وتصفق لها :تعجبيني ترف
ضحكت المزن عليهم وناظرت فيهم من بدو يتمايلون على أصوات الاغاني
ترف :نسوي بروفه قبل الزواج
المزن:ايش يعني حركاتك هاذي توته تكفين
ضحكت ترف تتقدم عند المزن وتمسك كفها وتقومها تراقصها والبنات يصفرون لها وفرح تصور
هديل :اخت العروس تعالي لازم تراقصينها
تقدمت فرح تمسك كف المزن من ابتعدت ترف وبدت تتمايل معاه على انغام الاغنيه واشرت المزن لازهار تجيها وتقدمت ازهار وهي تبتسم وتراقصها
جلسو بعدها يكملون "دلعهم" على قول ترف ويسولفون شوي مع بعض وشوي تقوم ترقص ازهار مع ترف الي ما جلست من فرحتها وإصرارها بانها تسوي بروفه قبل الزواج،اخذت جوالها ازهار ومشت تطلع من جتها رساله "عند الباب"طلعت وهي مبتسمه وشافت الصندوق وانحنت تاخذه:تشبهينها، صرخت من حماسها ومشت تدخل لهم وتتقدم بشويش للمزن؛وهاذي المسكه وصلت
قامت المزن من كرسيها تاخذها وتشوفها بكل حماس ورفعت كفها تغطي فمها :تهبلل ،ازهارر ،ضحكت ازهار من لمعت عيون المزن تحضنها علطول :تستاهلين ،عاد هاذي مني ومن توته
ابتسمت ترف وهي تتاظر المزن :يعني قلنا نبغى شي بسيط وفرح قالت انك ما شريتي مسكتك وما يجي عروس بدون ورد بيدها
تقدمت المزن تحتضنها :اوف احبك ،الله لايحرمني منكم
ضحكت ترف تبادلها الحضن:آمين امين
التسمت هديل وهي تناظرهم وحضنت فرح الي بجانبها ونفس شعورها تقريباً .
-
بأحد المقاهي جالسين هو و فارس مع العيال وماخذتهم السوالف مع بعضهم،راكان:مالك حل انت
فارس:الحل عندي بس امي مو معطيتني وجه
راكان:تبيك تركد وتقر بأرضك هي وجرب مره ثانيه يمكن تضبط معها
نهار نزل كوبه يوجه انظاره لفارس:اخبرك مستعد وبتتقدم وش حصل؟
ضحك فيصل من تعابير فارس :عمتي قالت اصبر لين بعد رمضان وخلص رمضان والحين تقول بعد زواج المزن
ضحك نهار عليه :راحت عليك اجل باجل زواجي لي الشهر الجاي
ناظره فارس بحده:اذبحك نهار ،ماصدقت على الله تحطونه
فيصل:احسك تبي زواجهم اكثر منهم
-
عطوها حقها حبايبي ولا تبخلون علي بالنجمة والكومنت✨🤍