يا رقيقه الحُسن و يا دقيقة الاوصاف يا كُل مُصطلحات الجمال والإذهال ياغيمتي

٥

ثريا:تصبح على خير يا امي
ابتسم وطلع من عندهم يصعد لغرفته فتح الباب يدخل ويسكره وراه تنهد ينزع تيشرته ويدخل الحمام ياخذ له شور يريح جسمه وبعد مامرت مده طلع لابس روبه الكحلي وقف قدام دولابه يطلع ملابس اخذ شورت يلبسه وبعدها وقف ينشف شعره فمنشفته ومشى ل السرير يرمي نفسه عليه ويغطي نفسه باللحاف وغمض عيونه يستعد لنومه ابتسم من مر طيفها فباله هز راسه ينفض الافكار الي جاته ويدخل بعالم احلامه وهي من ضمنها
~
صباح اليوم التالي صحت كلها نشاط ماتعرف من ايش قامت من دخلت عليها اشعه الشمس ابتسمت تقوم تدخل الحمام تاخذ لها شور سريع وبعد ما طلعت وقفت ترطب جسمها وتلبس ملابسها تستعد لدوامها اخذت عطرها الي فـ ريحة الورد والمسك تبخ منه على جسمها واخذت الخمريه الي بعد فيها من الورد والمسك تحطها على يدها مكان النبض وتمسحه على عنقها نطقت من سمعت الباب يطق:ادخلي
نطقت ساندي خدامتهم:مدام ماما يقول الفطور جاهز
ابتسمت تنطق:اوكي شكراً قولي لها الحين بنزل
هزت راسها تطلع تسكر الباب وقامت المزن تلبس شوزها وتاخذ عبايتها وجوالها وباقي اغراضها وتنزل بعد ما سقت ورودها الي على الشباك وحطت لسمكتها اكل نزلت تسمع امها تنادي على فرح وفيصل الي توهم ينزلون جلست تفطر بعد ما صبحت على امها وابوها مهو فيه طلع من بدري ناظر ف راكان الي جالس يشرب قهوته ويناظر فجواله:صباح الخير
ناظره يرد:صباح الورد
لطيفة :راكان امي ما ودك تترك القهوة وتفطر زي الناس
نزل كاست القهوة:ودي والله بس امي تعرفيني ما احب افطر هالوقت
تنهدت:اجل تروح شغلك وانت معدتك فاضيه
المزن:خليه ماما هو الي بيتعب لا تتعبين نفسك
ناظرها بطرف عينه:لا تخافين علي اخذ معي فطور وافطر بمكتبي
فيصل:يمه ليش دايما تحاتين راكان وانا ساحبة علي
ضحكت وهي تناظر فصحنها تحشي لها التست:مايحتاج انت تاكل الاخضر واليابس حبيبي
ناظرتها لطيفه تشهق وضربتها بخفه:فرح قولي ماشاءالله الحين يصير فاخوك شي
ضحكت المزن ونطقت فرح:لا تخافين ماما ما يصير له شي حصان ماشاءالله
ناظرها بحقد :ماكل من حلالك انا ؟، وش دخلك فيني
فرح شمقت له واخذت التست حقها بعد ما لبست عباتها ولفت الطرحة على راسها تاخذ شنطتها:مزون وصليني ما ابي اتاخر على محاضرتي
قامت وهي تهز راسها ولبست عباتها ولفت حجابها ولبست نظراتها الشمسية:مع السلامة ماما تبغين شي اذا رجعت؟
هزت راسها لطيفة:لا ،ابي سلامتك امي انتبهي على نفسك واختك
ابتسمت لها تطق تحيه:ابشري من عينيا
لفت تشوف راكان للحين جالس ويشرب قهوته وعلى جواله قامت بعد ما تعدت بقلة حيله منه ما اكل شي من صحى بس يشرب قهوة،لطيفة:ساندي ،ساندي تعالي خلصنا
طلع فيصل من عند المغاسل وهو يمسح يدينه:راكان مانت رايح لدوامك
رفع راسه يرد عليه:الا ، قام يوقف وياخذ شنطته حقت الدوام ومفتاح سيارته وجواله ويمشي يبوس راس امه:توصيني شي لا رجعت؟
لطيف :ايه افطر لا تجوع نفسك لين وقت الغداء ما يصير يامي
ابتسم يبوس راسها مره ثانيه:ابشري
تقدم فيصل يحاوط كتف امه ويبوس راسها:اليوم انا جالس عندك بزعجك بخليك تطفشين مني
ضحكت وهي تشوف راكان يطلع ولفت عليه:ما اطفش من العنقود انا
ضحك ومشى خلفها لـ الصاله يجلسون واشعة الشمس داخله عليهم من نوافذ الصاله الكبيره،
سيارة المزن وقفت عند الدرايف ثرو ،فرح:مزون ابي سموذي
هزت راسها تلتفت وهي تتكلم:لو سمحت ابغى سموذي وايس درب،دفعت بعد ما اخذت طلبها ومشت تتجه لجامعة فرح ،المزن:متى تخلصين؟،نزلت مشروبها وهي تتلذذ بالطعم :عندي محاضرة وحده اليوم ويمكن ارجع مع صحبتي بعد ما نخلص
هزت راسها تهمهم:اذا خلصتي انتي وصحبتك مريني فالشركة مو البوتيك
ابتسمت تبين علامة خدها وتأشر بيدها:اوكي ، نزلت فرح فجامعتها واتجهت للشركة،وقفت سيارتها تسكرها وهي تنزل وبيدها قهوتها وحاضنه باقت الورد الي اشترتها وقفت تشوف شكلها من زجاج سيارتها ابتسمت من حست بالرضا على نفسها ومشت تدخل داخل تتجه ل الدرج تصعد تحب تستعمله اكثر من المصعد ابتسمت من سمعت ترف تناديها ومشت تتجه لها ووقفت من شافت شخص معاها تقدمت تكمل لهم سلمت :السلام عليكم صباح الخير
ترف بابتسامة:صباح النور ،ابتسمت ابتسامة صفراء من طاحت عينها بعينه ونطق بعد ما صار له مده ساكت يتامل فيها:صباح النور ،معليش جيت بدري بس كنت بشوف الديكور الخارجي اذا خلصتوه ولا لا
ناظرت ترف فالمزن الي واضح وباين عليها التوتر ونطقت بسرعة:انت صاحب الكفي النهار؟، هز راسه :ايه وصلتي
ترف بتكمل كلامها وسكتت من قاطعتها المزن تنطق:يومين ويخلص،اذا حاب تظيف شي او تعدل بلغهم اليوم
هز راسه مراراً و تكراراً:لا لا ،ما بعدل ولا بضيف شي بس جاي اتاكد متى بيخلص،عموماً مشكورة ما توقعت تخلصينه بالسرعة والوقت هاذا كنت متوقع مده اطول
ابتسمت تهز راسها :العفو ،مشت تبتعد عنه تتجه لمكتبها وحطت يدها على قلبها تهمس:بسم الله ليه من شفته قلبي تسارعت نبضاته ،دخلت مكتبها تسكر الباب وتنزل اغراضها،ترف ابتسمت له تشوفه يناظرها لين دخلت مكتبها وسكرت الباب صغرت عيونها ملاحظته ما شال عيونه عنها من اول ما جات ،تنحنحت :بغيت نخدمك بشي ؟
هز راسه ينفي ويمشي من عندها ينزل الدرج يغادر المبنا كامل ،شافت لين ابتعد عنها ومشت تتجه للمزن وهي تفكر وتحلل الي صار فتحت الباب تدخل وتتكلم:زيتونه ما يكون اسمي الترف لو ما طلع ذا الشخص معجب فيك
رفعت راسها من كانت مندمجة تشوف تصميم الخارجي للعمارة الي تشتغل عليها ،ترف سحبت الكرسي تجلس وتتركى على الطاولة تخلي وجهها يقابل المزن الي كانت بكرسيها وتشتغل على اللاب توب حقها :ليش متوترة اليوم ؟مافيه شي مو ماشي صح كل شي تمام
تنهدت وهي تسمع تحليلات ترف ونطقت:توته حبيبي عندي شغل لي راسي بدون مطرود بس احتاج اركز وانتي تقرقرين فوق راسي
عبس ملامحها ترجع لورا تسند ظهرها وتلم يدينها :لا تتهربين ليه متوتره اليوم لا يكون منـ..،قاطعتها تقوم من مكانها وتمسك ذراع ترف تقومها:ترف اعرف وش تفكرين فيه بس مو نفس الي فبالك ومستحيل يصير اصلن
وقفت عند الباب من فتحته المزن ولفت عليها تنطق:بس مزون لايقين على بعـ...،دفتها بخفة تسكر الباب وضحكت ترف من دفتها المزن تحب تنرفزها وتزعجها لان هاذا الشي اذا كانت المزن متوترة يخلي التوتر يروح عنها ،ضغطت على زر المصعد ووقفت تنتظره يفتح ومن فتح دخلت وفتحت جوالها تشوف اتصال من ابوها و باقي اتصالات ثانية من الشركات ،طلعت من المصعد وشهقت من صدمها شخص وطاح جوالها والملف الي بيدها انحنت تاخذهم وهي تتأفف ورجعت توقف ولفت من سمعته يتأسف:معليش اسف ما انتبهت لك
لفت جوالها تشوف اذا منكسر او لا وهي تنطق:حصل خير ،بس المرة الجاية افتح عيونك لو سمحت ، مشت تبتعد عنه وتدخل غرفة الاجتماعات، ناظرها من راحت ودخل المصعد تطلع منه تشه ساخرة:ايش هالاسلوب حتى بدون لا تناظر،سكت يناظر الباب الي انفتح وطلع منه
~
دخل مكت المحماه الخاص فيه يتجه لمكتبه بعد ما رجع من المحكمة انتهت بكسبة للقضية وانقاذ شخص بريء من انه ينسجن ظلم أتجه للكنبة يجلس عليها يرتاح وسند ظهره يغمض عيونه ويده على راسه يسوي له مساج يخفف صداعه وينتظر قهوته توصل علشان يكمل باقي شغله عدل جلسته من دخلت السكرتيرة ومعاها قهوته نزلتها وطلعت من ما تكلم ودخل بعدها سلمان معه ملفات :السلام عليكم ، ذولي الي طلبتهم
نهار :فارس فيه؟
هز راسه:لا ،ما جاء اليوم
هز راسه وهمهم:مشكور سلمان
سلمان ابتسم:العفو واجبنا،مشى يطلع من المكتب ،فتح جواله يشوف السآعة كم ،شاف الوقت بدري بدا يكمل شغله ومر الوقت بدون لا يحس ومن حس بتعب غمض عيونه يسند ظهره على ظهر الكنبه وراسه على الجدار ويفرك بين حاجبينه تنهد وشاف ساعة جواله:لي ثلاث ساعات نفس مكاني ما تحركت ،قام يوقف ويحاول يطقطق مفاصله:اخخ
اخذ جواله ومشى يجلس على مكتبه يفتح اللابتوب يشوف الإيميلات الي وصلو له رفع سماعت :اسيل جيبي لي كوب قهوة
سكر بدون لا يسمع ردها وانشغل يشوف انواع القضايا الي وصلو له
~
قصر عبدالرحمن
توها راجعه من النادي وصعدت غرفتها تاخذ لها شور وتبدل وبعد ما خلصت تمددت على بطنها بسريرها وفتحت جوالها تشوف سنابات صحباتها ،قامت تفك شعرها تمشطه وتلمه ونزلت ببجامتها الي عبارة عن تيشيرت وبنطلون واسع طويل ،شافت امها تتجهز بتطلع مشت تتجه لها :وين مسيرة ماما
رفعت انظارها لها ووقفت قدام المرايا الي عند بوابة الصالة تعدل حجابها:عندي موعد تنظيف بشرة،ودك تروحين معاي؟
هزت راسها وهي مبتسمه:لا ،قبل فتره مسويه
ناظرتها تلبست نظراتها الشمسية وتفتح الباب تخرج وهي تقول:اذا جا ابوك قبل ما ارجع علميه انه عندي موعد وخليهم يحطون له غداء اذا يبي هزت راسها بالزين تهمهم ومشت تتجه للمطبخ تسوي لها عصير فواكه ،فتحت الثلاجه تطلع الفواعالي تحبها من توت وفراولة وموز وباقيها وطلعت الخلاط بعد ما غسلتهم ونظفتهم بدت تقطع الفواكه وتحطهم جوا الخلاط ومن خلصت شغلته تبدا خلط العصير ،وبدأت بعدها تطلع اغراض الكويكز تبدا فيه واتجهت الخلاط تصب اها بكاس من العصير والباقي حطته في الثلاجة وبدات تكمل الكويكز التفتت تشوف العاملة الي دخلت ونطقت:سارا ، فين الشكولاته الي امس جبتوها
أتجهت للفريزل تطلعه وتمدها لها:هاذا هو مدام
ابتسمت تاخذه منها وتفتح الكيس وتاخذ من حبيبات الشكولاته تحطها مع الكويكز واخذت منه حبات تاكلها وتتلذذ بالشكولاته وكملت الكويكز وهي تدندن وتكوره تصفه بالصينيه رفعت راسها تسمع صوتهم بالصاله لفت على سارا وباقي العاملات ووجهت كلامها لسارا:سارا شوفي بابا عبدالرحمن اذا يبغى الغداء الحين حطيه لها من الي مسويته امي
هزت راسها تطلع تساله ،وكملت هديل مشت تشيله تدخله الفرن وناظرت لـ العاملة الثانية الهندية:باري انتبهي له احسبي سبع دقايق وطلعيه اوكي
هزت راسها ومشت تطلع هديل بعد ما غسلت يدينها ابتسمت من شافت ابوها ياكل على الطاوله قريت منه تبوس راسه :يا جعله عافيه على قلبك
ابتسم من باسته مره ثانيه من خده مد يده يمسح على راسها :الي ما عنده بنت مثل بنيتي ضايع
التفتت من دخل وهو سمع كلام ابوه وكمل:ايوالله انه ضايع
ابتسمت بوسع ثغرها :والي ما عنده بابا عبدالرحمن بعد ضايع
ضحك من نطقت نفس طريقت نبرته ومن مسكت ذراعه تضمها ناظرها ونطق:امك وينها ما اشوفها ،رفعت جسمها تبتعد عنها تعدل جلستها على الكرسي:عندها موعد تنظيف بشرة وطلعت قبل ساعه كذا
أوس:تدلع نفسها أم ثابت
هز راسه:خلها تدلع نفسها وتنبسط بعد ما تعبت بتربيتكم وكبرتكم الحين جا دورها تدلع نفسها وتشوف نفسها
ضحك يغمز لابوه:تدافع عنها الله يا كبر حبك لها ابوي
ضحكت هديل من ضحك ابوها ،أوس شاف كوب العصير الي مع هديل وناظر ياشر فعيونه:انتي مصلحته؟
هزت رأسها بالإيجاب ونطقت بعد ما اخذت رشفه منه:تبي؟
قام يوقف :ايي تكفين بس بروح ابدل ملابس اول قولي لـ سارا تجيبه على ما انزل
اومئت بدون لا تجاوب ومشى يتركهم ويصعد فوق يبدل
-
جالسه على كرسيها وتشوف المخططات الي وصلو لها وتشيك على الشغل اذا يمشي صح ولا لا اخذت كوب العصير تشرب منه ونطقت من سمعت صوت الباب يطق:آدخلي خلود
دخلت خلود تتقدم اها وتنزل الاوراق الي فيها نماذج وبعضها تحتاج توقيعها رفعت راسها تنطق:مشكوره رفعت يدها تشوف ساعتها ما باقي شي على العصر ونطقت قبل تطلع خلود:خلود ،وقفت تلتفت لها،المزن:انتهى الدوام قولي لهم يرجعون لا احد علشان الشغل الباقي انا بكمله
ابتسمت وهزت راسها بمعنى زين وطلعت تسكر الباب خلفها تتجه للموظفين او بالأخص الفريق الي مع المزن لان ما بقي احد غيّرهم فالشركة تبلغهم بامر المزن
تركت الي بيدها بعد ما نزلت حجابها واخذت جوالها تبلغ امها انها بتتاخر بالرجوع علشان ما تخاف عليها قامت من مكانها تاخذ باقي الاوراق وتجلس على الكرسي الثاني وتبدأ تخطط وترسم المكان واندمجت ما حست بنفسها ولا بالوقت قامت بعد ما سمعت الاذان اخذت سجادتها تصلي وبعد ما خلصت من صلاتها رجعت تنغمس فشغلها اخذت جوالها الي جاه اتصال ترد بدون ما تشوف مين وتفتحه سبيكر وترميه بجانبها على الطاوله :هلا
فرح:مزون موجوده للحين فالشركة،هزت راسها تدع انها تشوفها :ايه
فرح تنفست براحه:الحمدلله انتي بمكتبك ؟بجيك
المزن:زين ترا مافيه احد فالشركة غيري انا بس
دخلت بعد ما سكرت من المزن تمشي فالشركة اول مره تدخلها بعد اخر مره جاتها يوم كانت بالثنوي ،فرح:ماشاءالله كبيره كيف بوصل لها الحين
مشت تستكشف المكان وتصور فلوقات للبنات صحباتها صعدت فوق وهي تمشي وتتلفت حولينها وتشوف المكان صرخت من صدمت شي ولفت تشوف وش هالشي وهي مغطيه وجهها بيدينها ومفرقه بين اصابعها علشان تشوف تنهدت براحه تحط يدها على قلبها من طلعت شجرة :اوهه بسم الله ،مشت من شافت مكتب مفتوح نص الباب واتجهت له تفتحه وتنفست براحه من شافت المزن ودخلت :اهه اخيراً حصلتك
المزن:انتي الي صرختي ؟
هزت راسها واخذت الكوب الي على الطاوله تصب لها مويه وتشربه كله ناظرتها المزن وهي رافعه حجاجها:بشويش لا تختنقين
نزلت الكاس وجلست قبال المزن على الكرسي :مين الحمـ*ـار الي حط شجره فنص المكان؟،زفرت بغضب والمزن تناظرها مستغربه وضعها:بسم الله عليك،اختي انهبلتي فيك شي لايكون فيك حراره
فرح :مزون والله لازم تبعدونها الشجره هاذي خرشتني
هزت راسها المزن باسى تضحك عليها من شرحت لها الموقف الي صار ونطقت وهي تقلب بأوراقها:انتي مخروشه وعمياء بعد تمشين بدون لا تشوفين قدامك ما يصير ولا بتبدين تصدمين كل شي وبتصرخين فكل مره
هزت راسها بزين والتفتت تشوف مكتب المزن ونطقت :واو ماشاءالله مكتبك حلو ومرتب يفتح النفس ابتسمت :انا مختارته ومزينته
فرح ناظرتها:يعني انتي مصممته ،هزت راسها ،فرح:الا متى بتسوين افتتاح بوتيكك
رفعت أكتافها بمعنى ما اعرف ،فرح :اذا حددتي علميني علشان بعزم صحباتي
نطقت وهي مشغوله باوراقها:اناشاءالله
سكتت فرح من شافت المزن مشغوله وفتحت جوالها تتابع فيه وقامت طفشت تتجه للباب تخرج وهي تقول:مزون بروح أفرفر شوي بالشركة اذا خلصتي علميني
همهمت بدون ما تتكلم او ترفع راسها وطلعت فرح تدور فالشركة وتشوف مكاتب الموضفين
~
بمكان اخر كان جالس مع فارس نفث دخانه ورجع يحط زقارته بين شفايفه ويبعدها ينفث دخانها من جديد ويناظر البحر فالليل وانعكاس نور القمر عليه ابتسم من مرت على باله ونطق بخفوت صوته:رقيقة حسن
لف فارس له يناظر فيه :قلت شي؟، انتبه له وهز راسه ينفي وعدل جلسته ويطفي سيقارته وتنهد من شاف الاوراق الي امامه:ما بنخلص منه ذا شكلنا
تنهد يرجع نفسه للخلف:مطول حبيبي
نهار زفر ينطق:نرجع
هز راسه ينزلون من اليخت ويتجهون لسياراتهم كل واحد يحرّك للبيت،وصل البيت و لبق سيارته ونزل بعد ما سكرها ويفتح باب البيت بمفتاحه دخل وكان البيت هادي دليل انهم كلهم صاعدين ينامون وان الوقت تاخر دخل الصاله وجلس وغمض عيونه وهو ساند راسه على الكنب فتح عيونه من سمع صوت امه تكلمه:نهار
فتح عيونه يشوفها قدامه وقام يبوس راسها،ثريا:وراك نايم هنا ؟
هز راسه :مانمت يا حلوه اللبن،توني راجع وجلست
هزت راسها ب الزين تجلس بجانبه وهو جلس بعدها وحط راسه على فخذها ينسدح:انتي وش مصحيك هالوقت ؟
ابتسمت وهي تمسح على راسه :ما جاني النوم وشفتك ما وصلت ولا ارسلت لي انك بتتاخر وخفت ونزلت قلت انتظرك لي تجي
ابتسم وهو عارف انه غلطان انه ما ارسل لها وطمنها انه بيتاخر اليوم وهي من خوفها عليه ما قدرت تنام ،اخذ يدها يبوسها وقام يعد جلسته:جعل هاليدين ما تمسها النار
ابتسمت له وسحبت يدها تمسح على شعره :قوم يا امي نام علشان يمديك تصحى لصلاة الفجر
قام يوقف وهو ماسك يدها ويمشي معاها لفوق:وانتي بعد بتنامين وترتاحين ، ثريا:زين يا امي اهم شي ريح انت كم ساعة وقوم لـ الصلاة
وقف عند غرفة امه يبوس راسها وحط اصبعه ياشر على عيونه:ابشري من عينيا ،مشى من دخلت امه واتجه لغرفته يدخل ونزع التيشيرت الي عليه يبقى بالشورت واتجه ل الشباك يفتحه ورجف جسعمن حس ببرودة الجو ومشى لسريره يتمدد عليه ويغطي نفسه باللحاف واخذ جواله يحط منبه يصحيه قبل الصلاة وشبكه بالشاحن ورفع يده يدخلها ورا راسه وغمض عيونه يدخل بعالم احلامه
كانت جالسه برا وتناظر الزهور الي حولها وانحنت تلمسهم عبست ملامحها من شافت ازهار الاقحوان بدت تذبل:يبغالي اعتني فيك زين علشان ما تذبلين
وقفت ترجع مكانها وبين يدينها كوب هوت شوكليت جلست وشدت على الشال الي لابسته نزلت كوبها واخذت كراستها وقلم الرصاص وبدات ترسم كولكشن جديد للشتاء بما ان البوتيك حقها قرب افتتاحه وحبت تضيف شي جديد رفعت راسها من شافت ازهار و فرح جو وجلسو معها،ازهار:مزون للحين ترسمين
هزت راسها وكملت ازهار:كولكشن جديد صح،هزت راسها بـ ايه ونطقت فرح بحماس:الله تحمست أشوفه بالواقع
ابتسمت لهم وهي تكمل رسم ،ازهار:بنات ما تلاحظون امي وخالتي لطيفة فيهم شي اليوم
رفعت اكتافها مزون بمعنى ما ادري ونطقت فرح :انا حاسه بشي بس يارب ما يكون الي فبالي
ازهار ناظرتها ونطقت وهي تبتسم من عرفت الي ببالها:هم بس يخططون بس ما بيصير شي رسمي
المزن تنهدت وهزت راسها:ما ودي ارد عميمه بس انا اشوف فارس نفس راكان وفيصل
أزهار عبست وجهها:والله كنت احاول اشبككم مع بعض بس حسيتكم ما تنفعون لبعض
هزت راسها فرح ونزلت انظارها لكوبها ،المزن:اذا فاضين بكرا يمديكم تروحون البوتيك تشوفون التجهيزات الاخيره،سكتت ثواني وكملت:لاني بكرا عندي شغل بروح اشوف البيت الي عطوني اصمم ديكورها
أزهار:والفساتين متى بتأخذينها
ناظرتها وهي ساكته ونطقت:يمديك تروحين تجيبينها ،كنت بقول لتوته بس هي بتجي معاي مع عمي سعود
هزت راسها بزين:تمام ما عندي مانع ،ناظرتها فرح من قامت :انا بعد ما اخلص اختباري بروح له،نروح سوا ازهار؟
هزت راسها تبتسم:تم
مشت تدخل داخل البيت واتجهت للمطبخ وحطت كوبها وطلعت منه تصعد لفوق وتحديداً لغرفتها دخلت ونزلت كراستها واقلامها على مكتبها ونزلت شالها ترميه على السرير ودخلت الحمام تكرمون وفتحت الموية تعبي البانيو ما دافي رمت عليه كرات الصابون والورد وشغلت الشموع طلعت تاخذ روبها وترجع تدخل الحمام تنزع عنها ملابسها وتدخل فالبانيو تسترخي فيه بعد ما رفعت شعرها علشان ما يجيه مويه وبعد دقايق طويلة طلعت تلبس روبها وتحط كريماتها ترطب جسمها بريحة الورد والمسك طلعت من الحمام ووقفت قدام دولابها تطلع لها بجامه تلبسها وفكت شعرها تمشطه وتستشوره بعد ما رطبت وجهها اتجهت لشرفتها تفتحها شوي تسقي وردها وسمكتها الي كانت على الطاوله الي بجانب الشباك وعصفورها الي بالقفص حقه تحط لهم اكل ابتسمت وهي تشوف بينكي "عصفورتها"نايمه رجعتهم لمكانهم بعيد عن الشرفه وجلست هي تطلع ايبادها واللابتوب حقها وكراستها تنهي شغلها من تصميم البيت الي جاها ومن تصاميم الفساتين الي انطلبت منها قبل تفتح البوتيك شدت على شالها تدفي نفسها من البرد وتكمل شغلها بكل تركيز ،اخذت جوالها تشوف الوقت وتاففت من شافت الوقت تاخر وما بقي شي على اذان الفجر وما يمديها تنام لانها بتطلع من الساعه ٧للبيت الي هي تشتغل عليه ، رجعت تكمل شغلها باندماج ووقفت بعد ما سمعت الاذان قامت من مكانها تخرج من غرفتها وتنزل تحت تدخل المطبخ فتحت الدولاب تاخذ لها كاس واتجهت تصب لها ما من جيك الماء وشربته وفتحت جوالها ترسل لترف انها بتمرها وسكرت جوالها ومشت تصعد فوق تصحي اخونها وبعد ما تاكدت انهم صحو اتجهت لغرفتها تدخل تتوضأ وبعدها طلعت تفرش سجادتها وتصلي
~
الساعة 7:40جالس بمكتبه وهو يتأفف ونطق من دخل فارس وسلمان ،ناظر فيه فارس :ابفهم ليش معصب الحين ،ابي افهم وش صاير
نهار هز راسه من الصداع ونطق وهو ماسك راسه ومغمض عيونه:ما ني معصب ياخي بس فيني صداع ماني قادر اركز منه واليوم موعد الجلسة
ناظر فارس فسلمان ونطق وهو يعرف الصداع الي يجي نهار يخليه ما يركز ويجيه من قلة النوم :اروح بدالك ولا اجلها
هز راسه ب لا:ما اقدر ما اقدر فارس لازم اليوم اروح للمحكمة وراكان...سكت من اشتد صداعه وشد على راسه بيده:سلمان تكفى جيب لي قهوة..ولا أقولك اسبريسو احسن
سلمان:بس بيضرك تشربه على جوع ،اجيب لك..سكت من هز راسه نهار:سلمان يرحم لي امك جيب لي انا اعرف نفسي واذا على جوعي باكل لا تخاف
فارس ناظر سلمان يهز راسه بمعنى روح جيب له:نهار عندك وقت لين الموعد روق وافطر زين وانا ابتصل على راكان يجينا
نهار هز راسه وناظر جواله من جاته رساله وما اهتم لها..
وقفت داخل البيت تشوفهم يشتغلون عليها ومشت تطلع وناظرت للعمال ونطقت:هاذي حطوها يمين الدرج،هزو راسهم بالزين ومشت تشوف الحديقة وترف عندهم توريهم الاماكن علشان ما يكون فيه غلط وقفت عندها:قولي لهم يرفعونها شوي علشان تبرز تكون واضحة،هزت راسها ترف وبعد ما علمتهم كيف يسوونها لحقت المزن :زيتونه كل شي تمام نرجع للشركة لنا ثلاث ساعات هنا
المزن :اوكي ،بس وين عمي سعود ما اشوفه
ابتسمت تنزل يدها:من شوي راح عنده شغل لازم يخلصه
عبست وجهها:حسافه ما امداني اسلم عليه
دخلت يدها بذراع المزن تمشي معها :الا ما قلتي لي شصار على البارستا
عقدت حجاجها باستغراب:اي بارستا؟،غمزت لها ترف :مزون لاتسوين نفسك ما تعرفين،تركتها تمشي تفتح باب سيارتها :ما اعرف وش تفصديت ترف
تقدمت تفتاح بابها وترمب بعد ما ركبت المزن :الي جاء امس للشركة وكنتي متوترة من شفتيه
المزن:اههه،قصدك محامي ،مافي شي باقي شغلة اليوم بخلصها وننتهي منه
ترف:المهم اروح معاك ولا ما يحتاج،هزت راسها وهي مركزة بالطريق:لا ما يحتاج اصلن بخلص منه وبروح لبوتيكي واشوف اخر التحهيزات ازهار و فرح هناك يشتغلون
هزت راسها ب زين ولفت:ما انتبهتي لنضراته مزون احسه يناظرك بطريقة غير
رفعت أكتافها وتصد تخفي الابتسامة الي طلعت منها:ما اشوف شي غريب فيه
ترف ناظرتها بطرف عينها من لمحت ابتسامتها الي تحاول تخفيها:الا مزون كانه يناظرك بنظرات حب
لفت لها وضحكت :جات ازهار الثانية
ضحكت ترف:احسكم تليقون على بعض محامي ومهندسة،صرخت ونطقت :تعرفين اسمه نشوف يلوق مع اسمك و..،سكتت من وقفت المزن عند الدرايف ثرو ولفت لها تنطق:تبغين هوت تشوكلت
ناظرتها وهزت راسها تكشر:لا حر هالوقت ابغى إيس درب
ناظرت الجو المزن ونطقت :شكلها بتمطر اليوم الجو غيوم
لفت تطلب:هوت تشوكلت وايس درِب
اخذت جوالها تدفع واخذت المشروبات وطلعت تكمل طريقها وناظرت جوالها تشوف الرسالة الي ارسلتها له وما رد ولا شافها نزلت جوالها بعد ما شغلت انغام وتشوف ترف لاهيه بجوالها وقفت بعد مده بموقف الشركة ونزلت ونزلت بعدها ترف ووقفت هي تاخذ اغراضها وتسمع ترف الي تقول:مزون فيه اجتماع بتجين  ،وقفت تناظرها ونطقت ترف تكمل من شافت نظرات المزن انها ما ودها تحضره:لازم مزون تجين لازم تحضرينه انتي اهم مني
رفعت اكتافها وقوست شفايفها تمشي :ما ادري ترف ما ودي اقابل وجهه
ترف:مين ؟تقصدين سالم؟
هزت راسها ونطقت ترف بقرف:ماعليك منه الشايب هاذا عامليه كانه مو موجود
ابتسمت ودخلو داخل الشركه ورفعت يدها تنزل نظراتها تمشي مع ترف وتقدمت لها خلود :طال عمرك ،هاذا الملف يحتاج توقيعك ،ابتسمت لها واخذت الملف والقلم من يدين خلود توقف وترف معها فتحته تقراء محتواه وتوقع بعدها وابتسمت لها خلود وتروح تبتعد عنهم لفت لترف تنطق:بعد الاجتماع بطلع علطول وانتي تكملين الباقي هنا تمام
رفعت يدها تحطها على صدرها :ما عليك عندي
ابتسمت لها ووقفت من سمعت اسمها ولفت تشوف مين وكشرت بقرف ونفس الشي ترف الي كانت بتروح مكتبها بس رجعت عند المزن ،سالم مد يده:اهلاً يا الشركاء
تكتفت تناظر فيه بدون رد ،ضحك بخفه ينزل راسه ثواني ورفعه:ما عليه،بس حبيت اعرفكم ،لف ياشر على هشام الي جا يتقدم لهم:على ولدي وحيدي هشام المنافس لكم
ابتسم وهو يشوفها ويحس ببغضها له ،سلم بدون ما يمد يده لانه عارف انها ما بتسلم عليه:سلام عليكم،اتوقع ما يحتاج نتعرف على بعض لاننا نعرف بعض من عهد طويل
ابتسمت بمجامله ونطقت بسخرية: ايه وين من كنت اشتغل هنا قبل اتخرج حتا
ترف:وش المطلوب الحين
ناظرها ونطق :اوهه بنت المقاول تشتغلين هنا بعد
تأففت تكتم غضبها ونرفزتها ومسكت يد المزن:امشي اتركيهم ورانا اجتماع مهم ،شمقت لهم ومشت لمكتبها والمزن صعدت الدرج تتجه لمكتبها
~
وقف عند سيارته توه طالع من المحكمة بعد ما حدد القاضي الجلسة الثانية له مده من طلع وشاف سالم ومعاه ولده يطلعون
من المحكمة يركبون سيارتهم ويغادرون ،نفث دخانه ورجع يحط  زقارته بين شفايفه واخذ جواله يناظر اتصال فارس وامه و اوس دخل على الرسائل ولفت انتباهه الرقم الغريب مرس له ومحتو رسالته "نحتاج اليوم تكون موجود علشان تشوف اخر التعديلات و.."دخل يرد ب تمام ويسكر جواله يركب سيارته يرومي شنطته و لبس المحاماه الخاص فيه شغل سيارته يحرك للكفي حقه وبعد مده وصل ووقف سيارته ينزل وهو لابس نظراته وماسك جواله يكلم. وقف من شافها تكلم العمال وأبتسم يتأملها نطق :مع السلامه اوس مشغول
قفل ما سمع اخر كلام اوس واتجه لها وهو داخله يبتسم يحس بشعور غريب تجهها ويحس بانها اخذته بعيد اذا شافها ما يحس باحد حوله وده يكون معها وبس ،تنحنح نهار وهو يناظر العمال الي يشتغلون ويناظرها:السلام عليكم
التفتت من سمعته وهي تعدل وقفتها ويدينها خلفها على ظهرها والتقت عيونهم وطال النظر ونطقت:وعليكم السلام
ناظرها ونطق:معليش اذا تاخرت بس كان عندي شغل خلصته وجيت
هزت راسها ولفت تصد عنه :حصل خير بس مره ثانيه لو سمحت اتمنى ترد اول ما ترصلك رساله لان يمكن يحصل شي وشي ضروري
ابتسم بعد ما عرف انها هي المرسلة له الرسالة ومارد علطول :حاضرين اي شي ثاني حضرة المهندسة
هزت راسها تخفي ابتسامتها ولفت على العمال تشوفهم يزرعون الورد ونطقت تكلمه:الشتلة هاذي حطوها داخل بالنص مع الورد الباقي ،هز راسه العامل ودخل
كان يطالع فيها وهو داخل الكفي مع الموظفين يشوف الالات والاشياء الي وصلت اليوم لان افتتاحهم بكرا ،كان يناظر فيها ونطق يغني بصوت هامس :صحيح النظرة ما تكفي ..من الالم ما تشفي ولكنّ عذرنا الحاضر نراعي الوقت والخاطر ..سكت يدندن ولف من سمع صوت فارس وتميم يسولفون واصواتهم واضحه متحهين له وقف من تقدم له فارس يحضنه:اوهه اشتقت لك نهار وينك مختفي
ناظره مستغرب ودفه يبعده :خير يابوي زوجتك وانا مدري ، سلم على تميم الي يضحك عليه:بعدين شلون تشتاق وانا من ساعه كنت عندك
ضحك ونطق:طيب ما اشتاق لصديقي ،شف هالحـ**ـيوانما بستاهل احد يشتاق له
ناظر فيه نهار:عاد لا تصير شخصوني وانا صادق ما يمدك تشتاق لي
تميم ناظرهم وهز راسه باسى:اقول ما ودك تضيفنا شي من قهوتك الجديده
نهار:اكيد ابي تقييمكم لان بكرا الافتتاح
تميم:ماشاءالله،اول الحاضرين اناشاءالله،ابتسم له وهو يهز راسه ولف من ضربه فارس على كتفه بخفه:اشوف يشتغلون برا للحين ما خلصو ، نهار:الا اليوم بيخلصون كل شي ،مشى يجلس على احد الكراسي ويدورها بعيونه بس ما حصلها ولف من نطق فارس الي جلس قباله:من تدور
نهار:هاه ما ادور احد بس اشوف اذا خلصو او لا
تميم : شكلهم خلصو،الا وش صار على جلسة اليوم
نزل كوبه ونطق:اجلوها للجلسه الثانيه
فارس :كيف صداعك راح عنك ولا للحين
هز راسه:للحين بس من اكلت مُسكن ارتحت شوي
ناظر فيه فارس يشوف عيونه تميل للأحمر:روح ريح  بالبيت ولاصار باليل تجي تكمل شغلك
تميم:قالي فارس عن صداعك ،نهار لازم تروح تنام لم على الاقل ساعتين ما ينفع تجهد نفسك كذا
سكت ما رد عليهم وهو يناظر فالمكان وكمل تميم:اذا على المفي والتجهيزات ما عليك عندي انا اليوم فاضي وبشوف اوس نخلصه اليوم مع بعض بس اهم شي روح ريح ولا اذا صار بكرا بتتعب وخالتي ثريا بتخاف عليك
تنهد بتعب ونطق:والله ما ودي اترك شغلي يتراكم علي باقي لي شغل بالمكتب ما خلصته
فارس :روح انا اخلصه لك
ناظر فيهم ووقف ونطق:اجل انا بسلمكم شغلي اليوم وراجع للبيت
ناظرو فيه ويأشرون بايدينهم بمعنى روح ،فارس:روح للبيت مو للمكتب بقول لسلمان يقفل المكتب علشان ما تجيه
ضحك من سخرية فارس له ومشى يتركهم يطلع ووقف عند سيارته يفتحها وقبل يركب لف يشوف الشغل والعمال الي راحو معلنين انتهائهم ركب سيارته وتافف من رجع له الصداع وشغل سيارته يتجه للبيت ..
~
بيت سيف
جالسه تتقهوى مع دلال الي كانت من امس عندهم ما رجعو بيتهم التفتو من دخل فيصل يغني ويرقص ضحكت دلال من شكله واضح ما درا عنهم رفعت يدينها تصفق ولف
منخرش ،شهق وحط يده على قلبه وهو يصرخ يقول :يمه بسم الله الرحمن الرحيم
ضحكو من خرشته ونطقت دلال تمثل الغضب:وجع يوجع العدو ،شايف جني ؟
تقدم يجلس وهو لازال حط يده جهت قلبه :استغفري عميمه بعدين الله يهديك ليه تسوين فيني كذا تخرشينني تعرفينني ريشه
ضحكت تمد يدها تمسح على ظهره:وش اسوي فيك وانا عمتك انه مخروش علطول تشهق وتخاف ،قو قلبك
ناظرت فيه لطيفه :كم مره قلت لك لا تشهق كذا ما يصلح
فيصل هز راسه ب زين ونطق وهو يصب له قهوة:الا ما رجعو البنات
لطيفة:لا ما رايحين يساعدون مزون فشغلها
فيصل:البوتيك،للحين ما خلص
هزت لطيفه راسها ب لا ،دلال:ما عليك من ذولا ،اسمع متى تعزمني لمطعمك مشتهي اكل من طبخك
ابتسم وهو يرتشف من فنجاله ونزله بعد ما خلص ينطق:ابد متى ما فضيتي ومتى ما ودك الله يحييك انتي والي معك عميمه تنورين مطعمي
دلال:ابجيك لي يوم مع صحباتي وامك باخذها معاي بعد
وقف وهو بيده فنجاله وتمره :تشرفوني انا والتيم الي يشتغل معاي بس انتم اجزمو وابد الحساب علي
ابتسمت لطيفه ونطقت من شافته رايح:وين بتروح وانت توك راجع
دلال:وين ما شبعنا من سوالفك
فيصل وقف وهو يلبس جزماته تكرمون:ماني رايح مكان بس باخذ لي شور على السريع وبنزل ،علموني لا جو البنات و راكان
لطيفة:زين بس البس زين لاتطلع بدون لاتتلبس زي الناس
ضحك يهز راسه وصعد لفوق مسرع
دلال:الله يصلحه هالولد مخروش
هزت راسها باسى لطيفه ونطقت :تذكرت مير ما قلنا لام ثابت ما عزمنها
دلال:مين هاذي ؟
لطيفة:هاو دلال مسرع نسيتي، هاذي الي عزمتنا قبل فتره بشاليه ولدها
رفعت حجاجها من تذكرت: ايهه ام ثابت ،وين تعزمينها؟
لطيفه:بيتنا نجي ونتعرف عليها اكثر  ،نرد عزيمتهم لنا
أبتسمت تهز رأسهآ بالزين
~
بوتيك المزن
فتحت جوالها تشوف الساعة تنهدت بتعب وهي ترتب الفساتين وقفت تناظر بازهار و فرح يرتبون من جهه ثانيه،المزن:بنات
خلاص نوقف هنا اساسا ما بقى الا كم شي اخلصهم بكرا ولا فاليل اذا حصلت وقت
ازهار: مزون خلينا نخلصها الحين احسن 
فرح هزت راسها تأيد كلام ازهار:صح،بعدين بكرا نطلع سوا من زمان ما طلعنا
تنهدت تلف تشوف حولها تشوف الاغراض ما بقى الا قليل بس ما بتقدر عليهم وحدها هزت راسها واخذت ربطة شعرها ترجعه على ورا وتجمعه وترفعه على فوق وتربط شعرها :يالله اجل نخلصها ونرجع للبيت
أزهار:بنات تبغون قهوة معاي؟
فرح:انا ابي
المزن :انا ما ابي اذا فيه كركديه اطلبي لي
أزهار:نجيب لك كركديه اذا ما عندهم نخلي يصير عندهم،ضحكت ومشت تاخذ جوالها من شنطتها وتفتحه تطلب لهم
كانت واقفه ترتب الفساتين لفت لجوالها من جاتها رساله فحته تشوفها من راكان ،ردت عليه تبلغه انها للحين فبوتيكها ما بترجع بدري وان فرح وازهار معها ،نزلت جوالها ورجعت جوالها مكانه :فرح فين حطيتي البوكس الي عطيتك؟
فرح :امم، بمكتبك
المزن أخذت جوالها من جاها اتصال وردت :هلا راكان
راكان:هلا يا حبيبة اخوها
ابتسمت هي تخجل لما يدلعها ابوها ولا راكان وفيصل ابتسمت بدون رد ،راكان:شفيك بلعتي لسانك
المزن :راكاننن
ضحك من عرف انها خجلت:افتحي الباب انا جيت
لفت تناظر الباب ونطقت وهي لفت انظارها لـ ازهار الواقفه امامها:راكان صادق انت
راكان:ايه ليه امزح،افتحي اشتقت لك ما تبيني؟
ضحكت:بلّا أستهبال راكان ،مشت للباب تفتح ونطقت قبل يدخل:ازهاري ترا راكان جا
هزت راسها ازهار ولبست عباتها وحطت شيلتها على راسها تلفها ،فتحت له ودخل وهو بيده قهوة لاربع اشخاص ،المزن: الله جبت لي كركدية؟احبك راكانن
ضحك من حضنته ورفع يده بيعدها عنه علشان لا ينكب عليها القهوة:دريت انك تحبيني بس لا تنكب علي القهوة مزوني ، بعدت عنه وهي تضرب كتفه ومعبسه وجهها:عيار
ضحك ومشى يبتعد عنها وشاف البنات ونطق:السلام عليكم
فرح طلعت من واحده من الغرف ومعها كراتين :راكان!؟شجابك
رفع اكتافه ونطق وهو يجلس على الكنب:جابني الله
فرح ناظرته ومشت ترمي الكراتين عند الباب:صدق والله توني دريت
ما رد عليها واخذ القهوة يشرب منها:انتم طالبين قهوة هذي هي جبتها
أزهار شافت عدد الاكواب ونطقت باستغراب:بس انا طالبه قهوتين كيف صارو ثلاث
راكان:انا جايب لي وحده وحطيتها معهم علشان اقدر اشيلهم
جلست واخذت قهوتها من مدتها لها المزن وعطت فرح الي جلست بجانب راكان ،ناظر المكان الي واضح انه خلاص ترتب وكمل:واو المكان ماشاءالله يجنن
ابتسمت له وكمل وهو يناظر المكان بعيونه:ليش جالسين لين العصر وقريب بياذن المغرب ؟ليه ما رجعتو وكملتو بكرا
ازهار بعدت الكوب عن فمها :قلنا نخلص اليوم علشان بكرا بنطلع سوا
المزن :قلت لهم يرحون بس ما رضو وساعدوني الله يعافيهم
راكان همهم رفع يده يشوف ساعته ونطق:بروح اصلي المغرب وانتم سكرو المحل وارجعوا للبيت
المزن:بس ما خلصنا
راكان:بعد العشاء نرجع هنا ونخلص كل شي
هزت راسها ومشت تلبس عباتها والبنات معها وطلعو من البوتيك يقفلونه ويركبون سياراتهم
~
اليوم التالي
نزلت تفطر بعد ما سوت روتينها اليومي اول ما تصحى سلمت على امها وابوها وسحبت كرسيها تجلس وتبدا تحط لها من الفطور ،سيف:راكان ما صحى للحين
رفعت اكتافها بمعنى ما اعرف وهي تاكل لقمتها:مادري
لطيفة:امس بعد ما رجع هو ومزون ما نام الا بعد صلاة الفجر
سيف :ماهو مداوم اليوم
لطيفة:ما ادري عنه ،نسيت اساله امس
لفو على صوت فرح الي نازله وهي تقول بصوت عالي:صباح الخير يا عايلتي الجميلة
ناظره وهو رافع حجاجه :شعندها مروقه اليوم شكل ما عندك الا محاظره وحده ، ابتسمت وهي تسلم على ابوها وامها ومشت تجلس بجانب المزن :بابا عادي اليوم توديني للجامعه وتجي تاخذني
لطيفة:والسواق وش حاجته؟
سيف :خليها يمكن تبيني يمكن مشتاقه لابوها ،صح ؟
هزت راسها وهي مبتسمه:ايو ماما بعدين من زمان ما رحت معاه
فيصل:اخس ،لو انا اقوله قالي اذلف هناك
ناظرت فيه فرح :انت وش فيك صاير غيور بزياده ؟بعدين يفرق انا العنقود وانت كبير حتى اكبر من مزون
ضحكو من تعابير وجهه ونطقت المزن:حرام انا اشوفك صغير للحين اتوقع ماما غلطه شكلها جايبتني انا اول مو انت
ناظرها وهو مصدوم:شقصدك ،قصدك اني بزر صح؟ هاه صح؟
سكتت تكتم ضحكتها وناظرته فرح وهي ناقدة عليه :شفيك صاير حساس وغيور بزياده هالايام ولا علشان ماما تدلعك كثير
سيف:ما عليك منه وانا ابوك ،الحقيني ل السيارة اذا خلصتي بانتظرك لا تستعجلين
ناظر فيه فيصل من قام وهز راسه:المفروض اني انا جاي قبلها وتقول لها تحترمني مو توقف معها ابوي
ما رد عليه ومشى يطلع  وقامت المزن بعده وناظرت بامها:امي اليوم باخذك معاي اذا جيت اروح للبوتيك ،ابي تشوفينه وتضيفين لماساتك للافتتاح
ابتسمت تهز راسها :زين يا حبيبتي، اذا صعدتي امي صحي اخوك خليه ينزل يفطر
ابتسمت تمشي تصعد لفوق وقامت فرح وهي مستعجله تلبس حجابها وعبياتها واخذت شنطتها وباست راس امها:باي ماما لطوف
ابتسمت ومن شافتها مسرعه تطلع قالت:يا امي انتبهي على نفسك شوي شوي
شافتها تاشر بأيدها بمعنى لا تخافين وكملت هي بدورها فطورها وفيصل معها ما بقى على الطاولة الا هم
~
ناظر بفارس وتميم الي جاين له ونطق:شتبغون من صبح ربي جايين لي البيت
فارس ناظر تميم :تميم يقول لك
ناظر فيه تميم من حس بالغدرة:انت الي قول
ناظرهم مستغرب وضعهم ونطق فارس:تميم قول بسرعة
تميم هز راسه:انت قـ...، سكت من صرخ نهار:خلاااص واحد يقول يخلصني تراني جايكم بدون لا افطر قمت من فراشي لعندكم الملحق
ناظرو فبعض ونطق تميم :مافيه شي
توسعت عيونه يناظره وهو ساكت ورافع حجاجه زفر بقرف :تستهبل انت وياه خلصوني ولا بقوم وبسحب عليكم
سكتو كلهم مو عارفين كيف يقولون له الموضوع ولفو من دخل اوس مسرع :نهار الكفي حقك مكسر القزاز والزرع كله مخرب ومرمي على الارض و..،سكت من استوعب وجود فارس وتميم ونطق :سلام عليكم ، شهق من مسكه نهار المفزوع:وش تقول ،صادق اوس صدق الي صاير
لف يناظر فارس وتميم واستوعب انهم من اول كانو يحاولون يقولون له بس خايفين يقولون وينفعل ويغمى عليه وهو توه صاحي ياخفون يرتفع ضغطه ولا ينخفض سكره ناظرهم ونطق:هاذا الي كنتو تقولون لي ولا قدرتو
هزو روسهم وفز فارس يمسك نهار مع اوس من حس نهار بدوخه واستند على اوس ،رفع راسه يناظره :اوس لا تقولي ما تعرف الي سوا هاذا كله
أوس:الا ،الواضح انه سواه علشان يحذرك من شي بس لانه موضح نفسه بكميرات المراقبه
ناظر اوس ب فارس وتميم ونزل انظاره للجالس امامه ونطق:اتوقع انك تعرفه انت وفارس اسمه سالم
ضرب الجدار فارس بقهر ونطق وهو يشتم بكل انواع الشتايم:هالـ**** شيبي ما بيفكنا من شره
تميم ناظر فيهم:طيب اتركوه بحاله والقضيه الي قلت لي عليها اسحبها
ناظر فيه نهار وهو ماسك راسه:أوس جيب لي ايشي احس سكري انخفض،قام اوس مسرع وهو يدخل داخل وينادي على العامله ناظرت فيه ثريا مستغربه تعابير وجهه وخافت لا يكون صاير شي لحقته من طلع من المطبخ ومعها عصير رمان ،ثريا:شفيك ليه وجهك كذا
اوس ناظرها:امي بعدين اقولك ،طلع مسرع وطلعت تلحقه بعد ما اخذت شالها لانها تدري بوجود فارس وتميم وقفت تناد نهار بس ما ردو عليها
دخل وعطى نهار العصير يشربه :نهار امي تناديك لا تعلمها بشي الحين تخاف زود على خوفها عليك
فارس:نهار بنروح انا وتميم الحين للكفي نشوف الوضع ونضبط الي خربه وبعدها نشوف موضوعه تمام
هز راسه وقام على حيله يطلع لامه يطمنها لا تخاف عليه وقف من شافها لافه شالها عليها وتنتظره ابتسم:شيخه الشيخات وش مطلعك بالبرد
قربت منه من شافت وجه مصفر وشاحب حطت كفوفها على وجهه تمسك بيدينها:امي وراه وجهك مصفر تعبان ؟انخفض السكر؟فيك شي ؟
هز راسه وهو مبتسم يطمنها وباس راسها:لا تخافين ما فيني الا العافيه بس يمكن علشان ما اكلت دخت شوي
ناظرته وهي كلها خوف عليه :العصير الي مع اوس لك؟
هز راسه:شربته كله ؟، هز راسه :اي لا تحاتين
ثريا:امش معاي احطلك فطور  تفطر زين
هز راسه:سمي،بس شوي بسلم على العيال واجيك
ناظرته ومشت تدخل و وقفت ورا الباب تنتظره ،لف من طلعو ،نهار:فارس ابيك اذا تقدر اليوم تعدل الكفي باسرع وقت
هز راسه فارس ،تميم:نهار  اسحب القضية وخله يبعد عنك ،ما تدري اليوم يمكن ضرك بشي انت تحبه بكرا يمكن يجي لاهلك يضرهم
ناظر فيه نهار وهز راسه بتكرار ينفي:ما يقدر وانا ابخليه يرجع الفلوس الي سرقها والي هي حلال فارس واهله
تميم ناظر فارس ونطق:ليه مو انت الي رافعها
فارس:ما اقدر انا الحين لاني موقف من المحاماة حالياً
ناظر فيهم وتنهد ونزل راسه ونطق:بتدخلون حرب يعني مع ابن الـ**
أوس:اذكركم رافعين القضيه علشان اخت راكان وشركتهم كيف صارت علشان فارس واهله
فارس:لا ما رفعن قضيه لراكان لانه ما سوا شي لهم غير انه يبي يدخل شراكة معهم واخت راكان رافضه لانه اكبر عدو لها من الشركات الثانيه واكثر من مره يخرب مشاريعها
نهار:الي رافعها لفلوس  و بيعه للممنوعات
سكتو ثواني من فهمو السالفه ونطق تميم :اجل ما اقول الا الله يوفقك وتربح القضية باقل الخساير ،انا استاذن
سلم وطلع بعد ما ودعه ولحقه فارس الي ودعه بعد و اوس لحقهم لانه تاخر على شغله وهو بدوره مشى يرجع يدخل البيت مشى وهو يفكر بالوضع وقف ون فتحت امه الباب وابتسم لها وحاوط كتفها يبوس راسها ،ناظر الاكل الي مجهز فطاولة الطعام وابتسم يمشي له وثريا وراه:يا جعلي ما اخلا منك يا ام ثابت
ابتسمت له وجلست من جلس :بالعافيه امي ،اوس راح لدوامه؟
هز راسه وهو يفطر ،ثريا قامت من مكانها:زين ،انا بروح اشوف هديل اصحيها ،كمل اكلك
مشت تصعد الدرج وفتح جواله ودخل على الواتس يدخل على رقمها ويرسل لها انه يبغها تجي تضبط له الي سوته...
اخذت جوالها من جاتها رسايل ورا بعض :اوب اوب اوب ،بسم الله
ترف:شوفي مين يمكن الطلبيه وصلت
آخذت جوالها تفتحه:انا ودي اعرف ليه طالبه لك بوكس العنايه من حسابي
ترف :علشان يحطون لي خصم بما انك زبونه عندهم
ضحكت من غمزت ترف :اخس يالذكاء ،ناظرة الرسالة واسم المرسل وهزت راسها من سالت ترف"حقين الشحن؟":لا ، سكتت ودخلت تشوف محتوى الرسالة وقامت تطلع من مكتبها بعد ما  اخذت اغراضها ولحقتها ترف :مزون وين رايحة؟مزون
المزن: عندي شغل
ترف: طيب متى بتروحين تشوفين البيت ما خلصناه ترا
ما ردت عليها من نزلت الدرج ووقفت ترف بمكانها وتاففت :كالعادة ماترد ،لفت بترجع المكتب ووقفت من شافته قدامها وشهقت بخوف:يمه بسم الله،حطت يدها على قلبها وغمضت عيونها وهي تسمي ،ناظرها ورفع حواجبه وهو مكتف يدينه:لايكون شايفه جني وانا مدري
ناظرته بغضب ونطقت:انت كل ما اشوفك تخرشني كنك جني تجي بدون صوت
مشت بتروح ووقفها من قال:وين راحت المزن؟
لفت عليه ولمت يدينها ببعضها:ومنو انت علشان تسال وين راحت
طلعت منه تشه ساخره :انا ولد عمتها اذا تعرفين
ترف ناظرت فيه وما عرفته زين :واذا ،لا تحسبني بقول لك
فارس ناظرها من ابتعدت عنه وهز راسه وهو يستغفر ومشى يضغط المصعد ودخل من انفتح ونزل لـ مواقف السيارات
~
كان واقف يشوف العمال يشتغلون فالقزاز يركبونه ويحمد ربه ان الضرر قليل مهو كثير اخذ جواله من جاه أتصال واستغرب من الرقم لانه مو مسجل عنده رد وهو ساكت يسمع الشخص الي يتكلم:هالي صار هاذا ولا شي من الي بسويه لك لو ما سحبت القضية
نهار شد على يده ورص على سنونه بغضب من عرف مين: والله ما اعديها لك يا سالم والله لا اجرجرك بالمحاكم وما اكون انا ولد عبدالرحمن اذا ما سويتها
ضحك بسخريه :ورني الي عندك ،ما بتطولني ولا بتوصلني
سكت شوي وكمل : وابتعد احسن لك من المهندسه لا تدخلها معاك
نهار طلع كل الشتايم عليه من غضبه:يا*** ،وعدنا بالمحكمه
سكر الجوال يرميه على الطاولة الي قدامه ووقف واخذ جواله يطلع برا وطلع بكت دخانه وطلع وحده يحطها بين شفتيه ويولعها ،زفر دخانها ورجعها مره ثانيه بين شفايفه
وقفت بلمكان ونزلت ولفت من شافت سيارة فارس واقفه بجانب سيارتها ونزل منها ، المزن باستغراب:فارس !؟شجابك هنا؟
ناظرها وابتسم على جنب من شاف نهار يدخن وجالس باحد المراسي الي برا وناظرها:ابد رحت للشركه وسالت عنك وبلني بوحده نفسيه شفتها تلحقك وتسالك وانتي ما رديتي وسالتها ولا علمتني
ضحكت ونطقت :تقصد ترف ،هز راسه بايه:اسمها ترف بعد
المزن:ايه وكيف عرفت مكاني؟
فارس:ما عرفت ،جاي لكوفي خويي
ناظرت في نهار من اشر لها فارس ونطقت وهي شبه مصدومه:اما ذا خويك ،
هز راسه بايه ومشى من شاف نهار يناظرهم ونطق:سلام يا النهار
وقف نهار يسلم عليه ،ناظر فيه فارس ودخانه بيده :لا تقول معصب بعد ،
هز راسه ينفي:لا لا بس شوي تنرفزت من شي وطلعت ادخن برا
رمى زقارته يدعس عليها برجله من وقفت قدامه ،المزن  :السلام عليكم
ابتسم لها وهو يحلف انه من شافها وهو العصبية كلها تلاشت منه:وعليكم السلام والرحمه
لفت تناظر المكان ونطقت وهي تخفي ربكتها من نظراته:كيف صار كذا واحنا امس مخلصينه
رفع اكتاف :صار الي صار وقدر الله انك تجين وتجملين المكان مره ثانيه
ناظر فيه فارس الجالس وكتم ضحكته من حس بشي غريب من نهار وطريقه كلامه ونظراته ،نهار:لاتخافين ما بطلب شي زياده نفس الي سويتيه اول  ابي نفسه
هزت راسها بزين وناظر للورد الي على الارض ومشت تتجه له بدون لاتتكلم واخذتهم تجمعهم على وحده وحده وناظرها نهار مستغرب من نطقت :حرام كذا رامينهم
ناظر فارس بنهار الي لا زال واقف ونطق:لا تستغرب بناتنا كذا حنا رقيقات مع الورد والأشياء الي كذا
ضحك وهو استلطف حركتها ومشى لها ينحني وياخذ بعض الورد ،استغربت منه من جاها وانحنى ياخذ الورد منها وناظرت عيونه من رفع راسه يناظرها والتقت عيونهم مع بعضها ووقفت  بسرعه ونفضت يدينها من التراب وتنحنحت توزع نظرها على المكان علشان ما تطيح عيونها بعيونه مره اخرى ومشت تدخل داخل تشوف اذا فيه شي يبي تصليح وهي اصلن تبي تبتعد عنه ،حست فيه وراها ورفعت جوالها وهي حاطه يدها على قلبها من حست بتسارع نبضاته وردت على الاتصال :هلا توته
وقف من سمعها تكلم واتجه ياخذ فازه يحط فيها الورد الي ما اخترب بفازه فيها مويه بارده وناظر بفارس:اذا خلصنا اليوم كل شي بيكون الافتتاح بعد بكرا الجمعه
هز راسه بزين :راكان كلمني وبيجي الحين
نهار :ليه يبي شي ؟
فارس لف يناظر المزن الي تكلم ونطق:مادري ،غمز وهو يناظر نهار:ولد نهار حاسس بشي بينك وبين ،هز راسه ياشر للمزن وناظر فيه نهار وبعدها فالمزن وطلعت منه ابتسامه وضحك فارس من تاكد من شكه ونطق وهو مصدوم:من متى؟؟
نهار: وش متى اشتغل عرق اللقافه الحين فارس
ضحك فارس وهز راسه ب لا ولف من تقدمت المزن وهي تتكلم:انا بروح الحين وبرسل لك سكرتيرتي ومعها الفريق يخلصون الشغل ولا تخاف تراهم قد الثقه وشغلهم احسن مني
ابتسم وناظر بفارس الي مشى يدخل ولف يناظرها:تمام بس متى بيخلصونه بالضبط لاني ابيه يا اليوم ولا بكرا
ناظرته وقالت:على حسب بس من الي شفته يمكن بكرا يخلص او بعده
هز راسه بزين ومشت بتطلع وقال :حضرة المهندسة
لفت له وكمل:كيف ادفع لكم من جديد ؟نفس اول ولا كيف
هزت راسها :مو لازم اعتبرها من الشركة
جا بيرفض بس سكت من ردت على الاتصال وهي تطلع وناظر فيها لين طلعت ووقفت برا من شافت راكان وانصدمت ونطقت:لا حتى انت ،لا يكون تعرف صاحب الكفي بعد؟
راكان نزل نظراته وقرب يحضنها وباس راسها:مين ؟
المزن :صاحب الكفي
راكان:ايه اعرفه ،الا انتي وش حايبك ولا تشتغلين هنا
تاففت ونطقت:تخيل امس خلصناه وارسل لي اليوم انه اخترب كل شي بس الحمدلله يمديني اخلصه بيومين
تنهد وهو يناظر المكان:ايه سالم الـ*** هو الي مسوي كل هاذا علشان القضيه ونهار حالف ما يتنازل
ابتسمت بداخلها من قال اسمه ونطقت :طيب انت تعرفه هاذا نهار زين يعني شخص زين ولا لا
راكان ناظر فيهم وسلم عليهم من برا ولف يناظرها ويجاوب عليها:ايه ماشاءالله عليه مع ان معرفتي فيه قليلة ومالي الا كم اسبوع بس ماشاءالله شخصيته حلوه ورزين وتحسينه مثقف
هزت راسها بالزين  تخفي ابتسامتها ،راكان :ليه تسالين شايفه شي؟
المزن رفعت اكتافها وهزت راسها ب لا:لا بس شفت الي صار وقلت يمكن انه راعي مشاكل وعلشان كذا خربو عليه
راكان:لا لا الرجال زين وعلومه طيبه ما عليك
لبست نظراتها الشمسيه ورفعت نفسها وباست خد راكان :مع السلامة بروح للبيت بجهز لجمعة البنات لا تجي انت وفيصل زين
هز راسهه وابتسم لها وناظرها من ركبت سيارتها ومشت تتجه للبيت ودخل هو بدوره يسلم باعلى صوته بما ان الكفي مافيه احد غيرهم ، كان كل الي صار من حضن راكان للمزن وبوسه المزن لراكان وسوالفهم وضحكهم مع بعض تحت انظاره كان يحس بشعور غريب وده هالشي يصير معه كانت عيونه تحترق واسوعب على نفسه من ضربه فارس :ولد احرقتهم بنظراتك
صد نهار يكمل تصليح القهوة وناظرفيه فارس من ما رد عليه ونطق:لا تقول غرت لانه اذا صار مو منجد...سكت من لف عليه نهار :لا فارس  مو من جدك
لف من دخل راكان وهو يسلم ونطق :وعليكم السلام حي الله المدعي
ضحك راكان:الله يحييك حضرة المحامي
سلم عليهم وجلس معهم وناظر بالمكان :عسى الضرر مو كثير
نهار:بسيطة الحمدلله
فارس:اناشاءالله بنخلص قبل يوم الافتتاح
~
بمكان ثاني الساعه 4:19وصلت هي البيت من مده ،وبدت تجهز لجمعة البنات وو ترتب الجلسه برا وقفت وهي تشوف المكان وهو مرتب ابتسمت:كذا تمام الحين بروح اتجهز انا، مشت تدخل وتصعد لغرفتها وارسلت لترف"تعالي بدري لا تتأخرين كالعاده "
دخلت الغرفه تسكر الباب ورها ورمت جوالها على السرير واتجهت تاخذ منشفتها وتدخل الحمام "تكرمون"نزعت ملابسها تدخل تحت المويه الدافيه وتكمل الشور حقها ،دخلت غرفة المزن تدورها وما حصلتها ونطقت من سمعت صوت المويه:مزون تتروشين؟اذا خلصتي ابغاك تسوين لي شعري
المزن من الحمام بعد ما سمعتها:تمام
جلست على السرير  بعد ما طلعت ملابس من دولاب المزن تختار لها وقفت وهي محتاره ورفعت راسها من طلعت المزن وعبست :مزونن ،وش البس الصيفي هاذا والا الجاكيت هاذا مع البنطلون البيج
وقفت بجانبها وهي تلف المنشفه على شعرها :هاذا حلو بيج وبلوزه بيضاء حلو ولا تلبسين جاكيت خذي الشال البني احلا
ابتسمت من عجبها وقربت تبوس خد المزن:شكراًاا مره ساعدتيني
ابتسمت تمشي تجلس على الكرسي وتبدا ترطب وجهها وبعدها تحط ميكب خفيف ما تحب تكثر بس شي يبرز ملامحها وعيونها الخضر
اخذت الملابس الي تبيها او بالأحرى الي نسقتها لها المزن
-
عطوها حقها ولا تنسون النجمه✨⭐️