يا رقيقه الحُسن و يا دقيقة الاوصاف يا كُل مُصطلحات الجمال والإذهال ياغيمتي

٦

ومشت تطلع وهي تقول :اذا خلصتي ميكب بجي تسوين شعراتي اوكي
ضحكت المزن :اوكيه يا شعراتك، طلعت وسكرت الباب وراهاا وقامت بعدها المزن تتجه للدولاب تطلع لها ملابس وناظرت الحوسه الملابس الي على سريرها وتنهدت وهي تقول :تعرفين تاخذين بس ما ترجعين
طلعت لها فستان شتوي صوف تريكو بأكمام طويله لونه سكري وماسك على جسمها يبين انحناءات جسمها وبارزها ،لبست وخلصت وجلست تكمل طلعت الاستشوار تبدا بشعرها ترتبه
تحت فالصاله
دخلت وهي تسلم على لطيفه الي استقبلتها ومعاها ازهار وفرح الي نزلت تقولهم يطلعون القهوة برا ،ترف:وين مزون
لطيفة:فوق ما خلصت
فرح اخذت الي مع ترف تعطيه العامله :امشي نصعد لها
أزهار ناظرتهم وهو صاعدين وقالت:انا بنتظركم هنا لين تخلصون
هزو روسهم بزين وصعدو ،دخلت فرح وهي تقول:مزون ما خلصتـ..،سكتت من شافتها واقفه وتصور نفسها :واووو ،جد واوو
تقدمت تدخل عن الباب ودخلت وراها ترف وشهقت تحط يدها على فمها وناظرتهم المزن وهي رافعه حواجبها :بسم الله شفيكم ؟
ترف:بسم الله ماشاءالله تهبليننن زيتونه يا حظ الي بياخذك
فرح :طلعتي حلوه بزياده وانتي ما تكشختي مرهه وش عاد لا تضبطتي صح،سكتت من شافت خدود المزن حمرت دليل على خجلها وهي تلهي نفسها تحاول ما تبين خجلها،ضحكت ونطقت :ما علين سوي شعراتي بسرعه
ترف ناظرت المزن الي ترتب وهي صاده علشان ما يشفون تورد خدينها وصدت وهي كابحه ضحكتها :تعالي انا اسوي شعراتك كيف تبينها
فرح :حلو علشان تخلصيني بسرعه،ابي ...بدت تقولها كيف تبغها تسويه وترف بدت تسويه لها
اخذت جوالها من شافت رساله هديل انهم قربو يوصلون وابتسمت تناظرهم ونطقت بعد ما اخذت العطر تتعطر ولبست كعبها :انا بنزل لا خلصتو سكرو الانور وقفلو الغرفه  تمام
ترف :وصلو؟
المزن:هديل تقول انهم قربو ، هزت راسها بدون ما ترد وطلعت المزن وهي تنزل الدرج بسرعه ،لطيفة بخوف لا تطيح:شوي شوي يا مزون
نزلت ووقفت قدام امها:ماما وين البخور
لطيفة اشرت على ازهار:شوفيه مع ازهار تتبخر
ابتسمت ومشت بتروح لها وريعت لامها توقف وتعدل شكلها وتبتسم:كيف شكلي ماما
ابتسمت لطيفة وضحكت على حركتها :كلك تهبلين قمر قمر
ابتسمت وتقدمت تبوس خد امها ومسحت خدها وهي تقول :معليش صار فيك روج
ضحكت لطيفه ومشت تدخل الصاله الجانبيه ،وقفت عند ازهار واخذت البخور تتبخر ،ازهار:شفيك مستعجله
المزن حطت البخور على الطاوله:جو البنات
-
فالسيارة
ركبت معاه بدون لا تقول له ومعها حور ،هديل :نهار  انت بتودينا
ناظرها وهو رافع حجاجه :نعم عندي شغل يا حبيبه اخوك
هديل مسكت يده :تكفى والله مافي الا انت ثابت هو وابوي طالعين وامي ماخذه السواق و أوس ما طلع من دوامه للحين
حور :يالله نهار رند تنتظرنا
لف نفسه يناظر هديل وحور :السواق جايبينه لايش ؟مو علشانكم
هديل ناظرته بعيونها البريئة وتنهد يعدل جلسته وربط حزامه :امري لله
ضحكت تتعدل وتربط حزامها :ما عليك رايحين نشوف اهل زوجتك
لف يناظرها مصدوم :انتي كل يوم تزوجينني
ضحكت حور وهي كانت تكلم رند :خليك جاهزه علشان اذا وصلنا ندخل سوا
هديل:ما يحتاج اعطيك الموقع لان بيتهم جنب بيت عمي يوسف الله يرحمه
نهار هز راسه وهو يناظر الطريق امامه وبعد دقايق طويل وصلو ووقف قدام الباب ينتظرهم يدخلون
فتحت الباب لهم بعد ما اتصلت هديل عليها انهم عند الباب ،فتحته وبانت كلها وهي مبتسمه ترحب فيهم:اهلاً حي الله من جانا
كان بيروح اول ما انفتح الباب بس وقف من جذبه الصوت الي يعرفه صاحبته زين و لف يتاكد وابتسم من لمحها وحط يده على قلبه يتنهد بحب :اخخ تليتيني من اقصاي يم العيون الخضر
صد وحرك سيارته يبتعد
،لمحته بسيارته ويناظرها ورجعت ورا الباب تسكره بعد ما دخلو البنات وابتسمت تناظرهم وتقدم تدخلهم داخل يفسخون  عبايتهم  وحطت يدها على قلبها ومشت للمطبخ واخذت مويه تشربها وناظرتها ترف الي دخلت بعدها :مزون وين الـ...سكتت من شافت وجهها المرتبك وقربت لها تمسك يدينها وتناظر وجهها:شفيك وراك صرتي ترجفين وخدينك حمرو
المزن حطت كاس المويه وهمست لترف:شافني ، شافني وانا كذا بشكلي هاذا
استغربت وما فهمت شي ترف :منو ؟منو الي شافك بشكلك هاذا وصرتي بندوره من الخجل
مسكت وجهها بكفوفها :هو..، المحامي الي شفتيه ذاك اليوم بالشركه،وشايفني الصباح بالكوفي حقه
شهقت وضحكت ترفع يدها تغطي فمها :مزونن
حطت يدها على قلبها :مدري شفيه قلبي اليوم بس يدق من كنت عنده والحين
ترف غمزت :مزون هاذي البدايات ،بديتي تنجذبين له مزون،كتمت صرختها وناظرت فيها المزن وظربتها مع كتفها :خيررر تحللون مشاعري على كيفكم انتو ، بعدين يمكن مجرد اعجاب بس فتره ويعدي
هزت راسها ب لا وهي مبتسمه ولفو من دخلت ازهار وهي تقول:وش تسوون هنا والضيوف برا؟
ترف وهي لازالت مبتسمه وكاتمه ضحكتها :تعالي تعالي شوفي بنت خالك وقعت ومحد سمى عليها
تقدمت ازهار بفضول :كيف ،لابكون ذاك الجنتل
هزت راسها المزن ونطقت ترف:تعرفينه؟؟
ازهار:اي مره كلمتني عنه مزون بس ما قد شفته
المزن سحبت جوالها ومشت تطلع وهي تهز راسها باسى عليهم
~
وقف عند مكتبه ونزل وهو يسكر سيارته ولف من حس فشخص يناظر فيه واول ما لف لمحه مشى يتجه له وهو مستغرب مين ،نهار: مين انت
شافه الشخص متجه له وركض يركب دبابه ويغادر المكان ،وقف نهار مستغرب ورفع جواله من جته رسايل ورا بعض بسرعه فتحها وشاف الرقم "مجهول"فتح الرسالة يشوف محتوها ويقراها"لو ما سحبت أوراقك وتركتنا فحالنا ترا مو احسن لك "،عقد حواجبه وكمل يقرا التهديد"المره هاذي خربنا لك محلك ،الجايه بخليك تتمنى الموت وما تحصله"ضحك مصدوم من التهديد وكيف جالسين يحاولون فيه يسحب القضيه وهو ولا همه ضحك بسخرية وفتح التسجيل يسجل صوته للي يرسل له الشخص  "المجهول" ،نهار بضحكه ساخره:اعلا مافي خيلكم اركبوه ،ما هميتوني ، سكره والتفت وراه يناظر المكان ودخل جواله بجيب بنطلونه ومشى يدخل شركته وكانت فاضيه مافيها احد غيره على ما يضن هو ،مشى يدخل مكتبه وشاف فارس وتميم ومعهم اوس جالسين على كنبه مكتبه ،ضحك وهو يسكر الباب خلفه:ماشآءالله اجتماع بدون لا ادري وفمكتبي بعد!!
تميم قام يسلم عليه :جينا هنا علشان ماتجلس وبناخذك معنا لمكان
نهار:يعني الحين انتو اذا جيتوني كذا متوقعين اني بوافق واروح معكم
هز راسه اوس :لا طبعاً بس قلنا نحاول شويتين
ضحك وجلس على الكرسي:وين بتودوني ؟
فارس:قوم وبتشوف وين بنوديك
قام معهم مع انه كان جاي لمكتبه لانه عنده شغله وده يخلصها ،ناظر اوس ونطق:متى طلعت من دوامك انت؟هديل تقول انك بدوامك ولا تقدر توديهم
أوس:من ساعه طالع ،وبعدين هديل ما قالت لي شي ولا عندي خبر انهم بيطلعون اساساً
تميم:يالله نهار مشينا ،ناظر اوس ومشى يلحق تميم وفارس الي طلعو ولحقه اوس طلعو من الشركه ونزلو لف عليهم فارس:تميم بيجي معي لان سيارته مو فيه وانت نهار الحقنا
أوس ناظر فيهم:اوكي انا بروح البيت ابدل والحقكم
هزو رسوهم ب زين ومشى كل واحد لسيارته يركبها ويحركون لوجهتهم، عند فارس كان مشغل اغنيه لـ راشد الماجد ومخفض الصوت شوي ويدندن معها مره ومره يسكت ،تميم:ما تلاحظ فيه سياره ورانا من طلعنا تلحقنا
هز راسه فارس ولف انظاره يشوف السيارة الي كانت ورا سيارة نهار بالضبط لان نهار كان يمشي بسارته وراهم لف انظاره لطريقه ونطق:اتصل لي على نهار
هز راسه تميم واخذ يفتح جواله على خانه الاتصال ويتصل على نهار وماهي الا ثواني و رد :هلا وش هالمكان البعيد ذا لا يكون بتسفرونني
فارس :نهار السيارة الي وراك تعرفها؟
رفع انظاره يناظر المرايه الي تعكس السيارات الي خلفه وعقد حجاجه وهز راسه:لا ما اعرفها ، ليه تسال؟
فارس بقلق:نهار انتبه زين وتقدم قدامي خايف يكونون اتباع لعمي الـ***
لف يناظر مره ثانه وتاكدت من السيارة وطلعت منه تشه ساخره وقال :يعني ما بتخلين ودك تنفذ تهديدك ،فارس قال بصوت عالي:نهار انتبه تكفى ، اتركه و سو الي قلت لك عليه نهار بحدة نبرته :ماعليك منتبه ولا تخاف،سكر جواله وسرع سرعة سيارته يتقدم على فارس بعد ما عرف وين كانو بيرحون له العيال
،جلست بعد ما جابت الحلا :حيّ الله بنت عبدالرحمن وبنات يوسف
ابتسمو البنات لها ونطقت هديل بعد ما صورت جلستهم والنار المشبوبه ونزلتها فستوري سنابها :الله يحييك حياتي
فرح :ايي شخباركم بنات
ابتسمت حور ترد عليها:الحمدلله بخير انتو كيفكم
فرح :بخير بخير الحمدلله،ليه ماجبتي ولدك حور كنت متحمسه له
المزن ابتسمت:صدق ليه ما جبتيه
حور اخذت فنجالها من صبت لها المزن :والله كانت بجيبه بس امي قالت انها تبيه وعندها من امس
عبست وجهها المزن :حسافه والله
رند نزلت فنجاله :عاد بيتنا بجنبكم يمديكم تشوفونه
المزن :اه انتم الجيران الجدد ،عضت شفتها :حسافه ما تعرفت عليك من اول
ابتسمت رند :ايه مالنا الا يمكن شهر ويمكن اكثر بشوي ساكنين فيه
أزهار:ماشاءالله منزل مبارك
ابتسمت لها رند بعد ما ردت عليها"الله يبارك فيك "وبدو شوي شوي يدخلون بالسوالف ويندمجون ،كانت رند جالسه بجانب اختها ،نغزتها من ظهرها ولفت عليها حور بعد ما قطعت سوالفها مع ازهار وهمست لها:شفيك رند
رند بنفس الهمس :مافيني شي بس كنت بسألك، نهار هو من نفسه جايبكم ولا انتم قلتو له
حور:حنا قلنا له ،ليه فيه شي
هزت راسها :لا بس لاحظت اول ما وقتو ونزلتو كنت اناظر فيه ابيه ينتبه لي بس ما لاحظني ومن فتحت البنت وشكله سمع صوتها وهي ترحب فينا فز وضل يناظر فيها ويبتسم وهي لاحظته واضح عليها ارتبكت وابتعدت عن الباب وسكرته
حور ناظرتها باستغراب وما اهتمت للموضوع مره:طيب !؟
رند :حورر حاسه بشي  ،خايفه يكون بينهم شي
حور :تكفين رند لاتبدين الحين ،بعدين كيف بيصير بينهم شي وهم ما يعرفو بعض
رلعت اكتافها بمعنى ما اعرف وتنهدت بخوف لا يكون احساسه صح:حور لو يسويها نهار وياخذ وحده غيري ويحبها والله بيصير فيني شي بموت  هزت راسها باسى من اختها و هوسها فـ نهار المبالغ فيه ونطقت:رند موضوعك وقته مره غلط مرره
صدت عنها تكمل سوالف مع البنات وكلشوي تناظر رند تبيها تسولف معهم ولا ياخذها تفكيرها بشي ثاني
ضحكت بخجل من مدحتها هديل فجأه وبدون سابق انذار وابتسمت هديل وهي تناظرها:والله لو اني ولد لا اتزوجك
ترف ناظرتها:لا ماعليش لو سمحتي اغار على زيتونتي ترا
ضحكت المزن ونطقت هديل:والله تهبلين ماشاءالله،خايفه احسدك
المزن ابتسمت بخجل:هدييـلل
ضحكت وضحكو البنات من خجل المزن ،هديل قامت تحضنهاا:خلاص والله ما بقول شي بس لا تخجلين
فرح :لو تزيدين شوي بس بتقوم وتترك الجلسة
رجعت مكانها تجلس وتوسعت عيونها:والله،لا لا اجل خلاص بحاول اسكت عن جمالك علشان ما تروحين لن الجلسة بدونك ،هزت راسها :مو حلوه
ناظروها البنات ومن شافت نظراتهم ابتسمت بتوتر:امزح شفيكم بنات
أزهار: لهدرجه مو عاجبينك
حور :لا لا ما عليكم هي بس خانها التعبير بس
ضحكت وضحكو بعدها
فالداخل دخل البيت وشاف امه فالصاله تتقهوى لوحدها تقدم لها :افا ام راكان جالسه لوحدها تتقهوى
ابتسمت له لطيفه من قرب وباس راسها ويجلس عند رجلينها بما انها هي فوق الكنب جالسه :شدعوه لحالي عندي التلفزيون اتابع فيه مسلسلي مونسني
عبس وجهه واخذ الزمزميه يصب له قهوه  واخذ فنجال امه يجدده لها :كان علمتيني من اول اجي واجلس عندك اونسك انا
لطيفة:والله كنت بقول لك ول فيصل بس قلت خليني اخلي البنات ياخذون راحتهم
ابتسم وهز راسه :ما عليك يمه اعرفها مزوني ما تخليك
اخذ فنجالها يصي لها قهوه من جديد بعد مشربت فنجالها ،وناظر الحلا والمعجنات الي حطين لها وابتسم ياخذ قطعة من الحلا وسم بالله واكلها وهو يتلذذ فيها..
فمكان اخر «الشاليه »
وقف سيارته ينزل منها وانحنى يرفع الشتله الكبيره الي عند الباب يطلع المفتاح من تحتها ورفع نفسه يفتح الباب ولف يشوفهم من وقفو ونزلو من السيارة،تميم نزل وهو يتلفت حول المكان:ضيعنا السياره
فارس مشى يدخل ورا نهار:نهار هم نفسهم الي خربو محلك؟
هز راسه ودخل داخل يشغل الانوار ويتجه للمطبخ يفتح الثلاجه ياخذ قارورة مويه ويشربها ،فارس:ما بتبلغ عليهم طيب؟
نهار:حالياً لا بس اذا تمادو وريتهم وجهي الثاني
تميم سحب الكرسي وجلس :طيب اتركو الموضوع على جنب شوي !،أبطلب قهوه تبغون معي ؟
نهار :ايه انا واطلب حلا بعد
هز راسه بزين ولف انظاره لفارس الي تنهد من برود نهار وقال:اي اطلب لي
ابتسم وقام :اجل بحسب حساب اوس معنا ،مشى يطلع برا ويجلس بالجلسة الخارجيه وطلع بعده فارس الي جلس بجانبه ونهار الي طلع واتجه للسيب الطويل يشوف زرعه والورد اذا معتنين فسهم زين العمال او لا واول ما مشى فيه فتح الانوار وابتسم من تذكر شكلها بهاذاك اليوم وشكلها اليوم بعد ما نزل البنات وارتباكها يوم شافته ضحك بهدوء ومشى راجع للعيال وجلس وشافهم شابين النار ونطق وهو يقرب لـ النار:الخبر شفيها صايرة بارده هاليومين
تميم :صادق ،بس اهون من الحر
تنهد وهو يفكر بالي صار اليوم انتبه من دخل اوس وهو ينطق السلام :السلام عليكم
قام تميم بعد ما رن جواله دليل على ان الطلب وصل واتجه للباب الي من الاساس كان مفتوح وطلع ياشر لراعي التوصيل ومن شافه جاء لمه واخذ تميم الطلب منه ودخل يرجع لهم:ايي والقهوة وصلت الحين بتجي احلا جلسه
أوس:حاسب حسابي معكم؟ولا ترا بزعل
نهار :ازعل عادي محد مهتم
ناظر فيه اوس وهو مصدوم وضحك تميم ونطق فارس الي كان بجانبه:يقولك مع الفين و اربعه وعشرين لا تهتم لزعل احد خلك بنفسك وبس
ناظر فيهم وقال:ماشاءالله،ومن قال هالكلام ما عنده سالفه
ضحك تميم من نظرات اوس الي تشرح كل شي،ومد له كوب القهوة :خذ قهوتك بس و روق ما عليك منهم
اخذ قهوته وشمق لفارس الي ضحك عليه بدون سبب ونهار الي جالس يزيد بالفحم والحطب علشان يدفون بما انهم جالسين برا -
بمكان اخر اول مره نزوره ،
جلس وهو معاه كوب القهوة حقته جلس عند الدفايه يدفي نفسه من البرد بما انه توه مخلص متروش اخذ ايباده لحضنه وبدا يشتغل عليه رفع راسه من جلست امه قدامه وهي تناظره منشغل ونطقت:هشام ودني عند بيت جدتك ،خواتي مجتمعين وودي اشوفهم من زمان عنهم
هشام ابتسم لها وهو يعرف انها ملت وطفشت من جلستها بالبيت طول هالوقت مر اكثر من شهر واحد وهي ما تتحرك من بيتها :ابشر كم عندي سارة انا؟وحده والله يخليها لي
ابتسمت له وخدينها تلونو بالاحمر من خجلها تخجل من اي شي من اي مدحه يمدحها ولدها ولا اي غزل وتحمد ربها الف مره انها جابته على الحياة ورزقها الله فيه ولا سمعت لكلام سالم و اجهضته، رفعت راسه تشوفه قام وقامت معه ونطقت :البس عباتي
هز راسه وهو يرتشف من القهوه ومشت مسرعه تلبس عبأتها وابتسم وما طولت الابتسامة من اخذ جواله من سمعه يرن ،عقد حجاجه من شاف اسم المتصل-ابوي- رد وهو ماله نفس يسمع صوته بس قال بصوت حاد:هلا بغيت شي؟
سالم رفع حواجبه مستغرب حده نبرته مع انه متعود بس استغرب:وعليكم السلام بخير انا انت بخير
طلعت منه ضحكه ساخره :بخير دامك بعيد عن امي وعني انا
سالم:ما قربتها ولا سويت لها شي...قاطعه صوت هشام الي قال بصراخ بعد ما طلع برا علشان ما تسمعه امه:ما قربتها بس كلابك هم الي جوها وما بيجون لها الا لانك مسوي شي هم ما يبونه متى بتفكنا من شرك ،انا دخلت معاك وصرت معاك علشان لا تاذي امي بس اشوف ما فاد شي
سالم بنفس نبره الصراخ:كم مره اقولك لا ترفع صوتك ،وبعدين مالي يد بالي صار لامك ..سكت ثواني وكمل بعدها:اهم شي لا تنسى الي اتفقنا عليه ابيه اليوم يصير ،سكر المكالمة وضرب هشام رجله بالارض بقهر من ابوه والي يشتغل معاهم وسحب كرسي يجلس علشان يهدى لو شوي قبل تطلع امه وتشوفه ف هالحاله استغفر ربه وقام من سمع صوت باب الصاله ينفتح دليل على ان امه خرجت ابتسم يحاول يهدي نفسه ويمسك اعصابه :مشينا يالحبيبه؟
ابتسمت وتقدمت تمسك ذراعه ولبس كابه الي كان بيده بعد ما طلع من الصاله ،فتح لها الباب وركبت هي وسكر بابها يمشي لجهة السايق ويركب وربط حزامه ويحرك سيارته
ناظرت فيه ونطقت:بتجلس معنا شوي ولا بتنزلني وتروح
ناظرها وهو مبتسم :بجلس عشانك وعشان امي شريفه من زمان عنها
ابتسمت له ولف يناظر طريقه وهو مركز فيه وبنفس الوقت يفكر هل يسوي الي اتفق ابوه معه علشان يترك كل شي ولا يقربهم هو وامه ولا لا تنهد بتعب وهز راسه يشوش تفكيره وناظر طريقه
~
مر الوقت بدون لا يحسون فيه و كانو يضحكون من تعليقات فرح وهديل وترف ،ضحكت ومسكت بطنها تتالم من الضحك:خلاص بنات تكفون وقفو شوي ترف : مزون تذكرين يوم تركبين الخيل وينقز وطحتي على الارض وانكسرت يدك
عبست وجهها :ايي ،حسبي الله عليهم عطوني خيل مدري هو تعبان مدري يكره الناس المهم عقبها صرت محب اقرب لهم
رند :يمكن انتي ما عرفتي له ولا الخيل ما يسوي شي او يمكن ما حبك
هديل ابتسمت:عادي انا مره كنت مع نهار ركبني على خيله ومشى معي بس يوم ركبت خيل ثاني علشان نتسابق انا وياه طيحني من على ظهره
ارتبكت من نطقت هديل باسم نهار ما تدري ليه هو بالذات اخذت كوب الشاهي تشرب منه وتحالول تشتت تفكيرها فاليوم والي صار لها وقت شافته الصباح وبالليل اول ما جاب اخته وحور
حور :اصلن انا ما احبها اخاف منها
فرح :انا كنت اخاف بس بعدين بابا علمني عليها وصرت ما اخاف
هديل :تبغون نروح الجمعه الجايه لإسطبل خيول !؟
ترف:موافقه ما عندي مانع
ابتسمت هديل ومدت يدها وضربت يد ترف الي مدتها وضحكو ونطقت المزن:نروح بس بشوف اول اذا عندي شغل او لا واخبركم
رند بنبره كانها تسخر منها :اكيد ما بتشتغلين الجمعة
استغربت نبرتها وسكتت وهي تبتسم لها وناظرت فيها ترف وازها وهم مستغربين منها ليه لما تتكلم المزن تكلمها بذي النبره ،انتبهت حور لنبره اختها وتحس انها تفشلت ومدت يدها تقرصها من الخلف وهي تهمس:بنت ليه نبرتك كذا خلاص ما لها دخل ترا
ابتسمت هديل من توتر الجو وقالت وهي تصفق:تم اتفقنا واسمعو ترا فيها جلسات يعني وقهوة وكذا اشياء
المزن هزت راسها:حلو يعني ما نجيب معانا شي
هزت راسها ونطقت ازهار:حلو احس بديت احب المكان من دحين
ضحكت هديل من لهجتها ونطقت:حبيت اللهجة كيوت
ابتسمت وغمزت اها وترجع لها بوسه بيده من بعيد:حبيبتي
وقفت هديل وهي ما زالت تسولف معهم ونطقت من رن جوالها وشافت اسم المتصل:اجل يالله مع السلامه نشوفكم قريب
المزن عبست وجهها وهي تحضن هديل تسلم عليها:اوهه ما شبعت منكم مو كانه بدري شوي
هزت راسها حور :لا زين اننا جلسنا ل هالوقت أصلن بالعاده عمي الساعة وحدة نكون فالبيت اذا صرنا طالعين بدون عمتي
هزت راسها هديل وهي معبسه وجهها وغمزت للمزن وهي تهمس لها ونطقت:تراني كاشفه الوضع بس انتظر يصير شي
ارتبكت المزن ونطقت وهي عاقده حواجبها:اي وضع؟ وايش تنتظرين؟
ضحكت ومشت وهي تعطيعا بوسه من بعيد ولبست حجابها هديل ووقفت عند الباب بعد ما طلعو البنات ونطقت من تقدمت المزن ووراها البنات يمشون:حسافه انه السواق مو نهار
استغرب وضعها المزن وضحكت وهي تودعها وتودع حور الي سلمت عليها وعلى البنات اما رند الي سلمت على البنات وطلعت بدون لا تسلم على المزن وابتسمت بفشله حور وهي تسلم:شكلها نستك مستعجله بتودع على اديب قبل اخذه
هزت راسه وهي تنطق:لا عادي ما صار شي
فرح:حور لا تنسين المره الجايه جيبي ولدك ولا ما بنستقبلك
عبست حور وجهها وضحكت من سحبتها هديل وهي تقول:تأخرنا ابوي يتصل
مشت تاخذ أديب وأغراض بعد ما طلعت العامله حقت اهلها والمربيه حقت اديب
سكرو الباب وهم مبتسمين كانت الجلسه اليوم حلوه وساعدهم الجو بانها تكمل جلستهم برا شدت على شالها من حست بالبرد ونطقت وهي تمشي ل الداخل:بشوف امي واجيكم
~
بعد مرور وقت طويل من جلسته مع العيال رجع للبيت بعد ماكلهم طلعو من الشاليه دخل وهو يسمع اذان الفجر مشى يصعد لغرفته ،فتح الباب يدخل ويسكر الباب ومشى وهو ينزع ملابسه وياخذ منشفته بيدخل ياخذ له شور على السريع ويلحق الصلاة طلع بعد دقايق وهو يقيم للصلاة اخذ ملابسه يلبسها ولبس فوقها جكيت يدفيه عن برد الشتاء ومشى يلبس اقرب جزمات واخذ كابه يلبسه ونزل بسرعة يطلع من البيت ويلحق على الصلاة وقف وهو يفسخ جزماته -تكرمون-ودخل يلحق الركعه الاولى وما لحق يصف بالصف الاول ،سلم بعد ما خلصت الصلاة وكان بيقوم وبيطلع بس وقف من جاه ابوه يناديه وقف له ونطق عبدالرحمن:ابيك اليوم فموضوع بعد الفطور لا تروح زين وانا ابوك
هز راسه وباس راس ابوه وهو يقول:ابشر بالي تبي
طلع من المسجد وهو ورا ابوه يمشي ودخلو البيت ومشى نهار يجلس على احد الكراسي الي برا اخذ جواله يفتحه وناظر الرسائل الي جاته كثير وعبس وجهه ورفع يده وهو يمسح شنبه ،ابتسم من شاف اسمها بين كل الاسامي ،دخل يبي يرسل لها وده يعترف بس متردد وخايف تنهد تنهيده عميقه ،اخذ يكتب لها ويمسح زفر وسكر جواله ومشى يدخل داخل وصعد لغرفته ياخذ الاغراض الي يحتاجها ويرتبهم فشنطته لف يشوف جواله الي رماه على السرير اول ما دخل نور يعلن عن وصول رسالة له ما فتحها واخذه يدخله فجيبه وينزل ابتسم من شاف هديل تنزل : صباح الخير  يا باربي
لفت عليه وابتسمت:صباح النور نهاري
قرب لها وحاوط كتفها وباس راسها :كيف سهرتكم امس؟
هديل:مررره حلوه والبنوتات احلى وأحلى كان ودي اطول عندهم
ابتسم ومشى يتجه لامه ويبوس راسها:صباح الصباح يا ام ثابت
ابتسمت له ثريا وهي تنزل الفطور :صباح الخير،يالله ناد ابوك و أوس
مشى يتجه لمكتب ابوه ،جت هديل وهي تبوس راسها وتسحب الكرسي وتجلس:ماما ما سوو تست لي ؟
ثريا جلست :الا الحين تجيبه سارا
دخل بعد ما طق الباب وناظر ابوه الجالس على الكرسي وهو لا زال واقف عند الباب:يالله يبه الفطور جهز
هز راسه ب زين وقام من على كرسيه يشوف نهار الي ينتظره ومشى يطلع معه ويسكر مكتبه
~
صحت وهي تسكر المنبه الي حطته ناظرت الوقت وقامت مسرعه من سريرها تدخل الحمام -أكرمكم الله-وهي تغسل وتسوي روتينها اليومي وطلعت تبدل ملابسها للبس رسمي ومريح بنفس الوقت لانها اليوم رايحه للبيت الي تشتغل فيه و بتروح بعدها تشيك على الكفي انحنت وهي تلبس جزماتها-تكرمون- وبعدها لابست عباتها وحجابها واخذت شنطتها ونزلت تشوفهم يفطرون ابتسمت وهي تسلم على امها وابوها باستعجال:صباح الخير
لطيفة نزلت كوب الشهاي وهي تلتفت عليها:وين وين مزون ؟ما افطرتي!؟
تنهدت وهي تناظر جوالالي ما وقف اتصالات من قامت :ما اشتهي بالعافية عليكم
سيف:خذي لو قطعة خبزة يا ابوك على الاقل
هزت راسها وهي تطلع :بالعافيه عليكم ، مع السلامه
طلعت وهي تركب سيارتها وتحرك لموقع البناء
بيت سيف
راكان وهو يقوم :الظاهر انها ما بتترك شغلها كا مهندسه
لطيفة:مو على كيفها الشغل يتعبها ويخليها ما تجلس وطول وقتها بالشركه ولا بين العمال تشتغل
سيف قام وهو يمسح يدينه:الحمدلله الذي اطعمني هاذا و رزقنيه من غير حول مني ولا قوه
لطيف ناظرت بسيف الي توجه للمغاسل يغسل وراكان بجنبه:لازم تكلمونها تترك الشغل ما يكفيها البوتيك حقها خلاص تترك الشركه وش تبغى فيها
تنهد راكان وهو يتجه لعند امه:يا اميمتي ترا محد جابرها ولو بنتكلم من اليوم لي سنه قدام هي ما بتترك هي تحب شغلها
سيف :هي قالت قبل بتحاول انها تتركها بس خلاص البنت
تعودت وتحب شغلها خليها تشتغل بالي تحب ولا تمنعينها خليها
لطيفغ تنهدت :بس خايفه عليها لا...قاطعها سيف بحده :خلي البنت هي مرتاحه ما جت تشتكي لك وكلنا خايفين عليها بس بنتي ذيبه ما يصيبها شي ان شاءالله
ناظرت في راكان الي طمنها بنظراته ومشت تطلع وتتجه لغرفتها
،نزلت من السياره تشوفهم يشتغلون مشت وهي تتكلم مع العامل :عدلها من اليمين شوي
ابتسمت من تعدلت:ايوهه كذا تمام
لفت لترف الي جات وهي لابسه الخوذه ،ترف:صباح النور ،مزون صاحب العماره يبغاك داخل
المزن ابتسمت لها بعد ما ردت عليها ب"صباح الورد"ومشت تدخل بعد ما ابتعدت عنها ترف تشوف شغلها ناظرت بالشخص الي واقف يشرف على الشغل ابتسمت وهي تتقدم ومنزله يدينها ومسكتهم مع بعض :السلام عليكم،ااا..عصام يوسف
لف اول ما سمعها وابتسم لها يرد السلام:وعليكم السلام،ايه نعم وصلتي
ابتسمت وهي تلف انظارها بالمكان بتوتر خفيف :ان شاء الله كا شي تمام !؟
ابتسم وهو يناظر المكان وبعدها وجهه انظاره عليها :ايه ماشاءالله كل شي نفس ما ابي واحسن ،..انتي المهندسه المزن؟
هزت راسها بالايجاب وهي مبتسمه ومد يده بيصافحها :تشرفت فيك
رجعت يدينها خلف ظهرها تبين له انها ما تصافح رجال وصدت انظارها عنه تمشي بالمكان:الشرف لنا وان شاءالله نكون قد الثقه
نزل راسه وهو يبتسم من فهم عليها ومن رجعت يدينها خلف ظهرها ،عصام اخذ جواله من جاه اتصال ومشى يطلع على دخول ترف ،المزن:توته شوفي احس يحتاج نكسر اللون الابيض بلون ثاني صح؟
ترف :اي ،بس. اسألي صاحب البيت اول ،هزت راسها ب الزين المزن ومشت وهي تشوف الي برا الشرفه والحوش ووين تحط اماكن الزرع المناسبه ولحقتها ترف وهي تقول:مزوني
التفتت وهي تناظر عصام الي جاي وصدت تناظر ترف ،ترف:بروح انا الحين الوالد يحتاجني بشغله بروح له وبعدها بروح لـ الشركة تمام
هزت راسها ب الزين ونطقت :سلمي لي على عمي سعود
رفعت يدها وهي تتجه لسيارتها بمعنى تمام ،تنحنح وهو يبتسم ويتقدم لها:شكلكم صحبات !؟
هزت راسها بايه ورفعت جوالها الي ماوقف من الرسايل والاتصالات من الشركه ومن طلبيات البوتيك ودخلت على رساله ترد عليه وتسحب على الباقي باجابه مختصره "انا حالياً مشغوله ،مو في الشركه"
رد عليها "ارسلي لي الموقع ابغى اكلمك فموضوع "
ارسلت له وهي تسكر جوالها وتلتفت لعصام الي يكلمها :انا اقول شرايك يكون شباك كبير هنا بيطلع احلا ،شرايك؟
رفعت اكتافها :حلو بس شوف الي تبي وحنا نسويه
ابتسم :تسوون تسوون ما تقصرون خلاص سووها
المزن :واذا حاب يكون فيه زرع برا تحت الشباك بيطلع حلو كمان
ناظر ها وهي تشرح وهز راسه بايه:حلو عجبني ،دامك بتشتغلين عليه بيكون احلا بعد
ابتسمت بمجامله له وبدات تتكلم وتشرح له وكم بيجلس علشان يخلصون البيت ،دخل بسيارته وهو يشوف بكل مكان عمال نزل وهو يشوف البيت الي قدامه اشبه بالقصر من كبره مشى وهو يدورها بعيونه ولا حصلها برا هو شاف سيارتها برا بس ما حصلها هي مشى بيتجه ل الداخل ووقف من شافها خارجه وخرج وراها شخص وهي جالسه تكلمه وهو يبتسم لها وما شال انظاره عنها ،تنرفز من نظرات عصام وقرب وهو يمشي لهم ونطق بصوته الرجول وبشبه حده:السلام عليكم  حضرة المهندسة
التفتت من سمعت صوته وهي تبعد وترد السلام عليه:وعليكم السلام حضرة المحامي
ابتسم لها نهار  وناظر ب عصام الي يتبوسم بحده :فيه موضوع خاص ابغى اكلمك فيه حضرة المهندسة
توترت من نظراته لعصام ولها وهي ما فهمت نظراته وهزت راسها ب زين وضحك عصام بسخرية من فهم من نبرة نهار  ونطق:اجل انا ماشي ولنا لقاء قريب ان شاءالله يا سيدة مزن
ابتسمت ابتسامة صفرا وهي تهز راسها:ان شاءالله
مشى وناظر فيها نهار  من مشت ومشى خلفها ونطق وهو يكتم عصبيته:حضرة المهندسة،من يكون هاذا ما عجبتني نظراته لك
لفت تناظره من وقفت وعقد حجاجها:صاحب البيت ،بعدين واضح انك تحب تحكم على الناس من نظراتهم واشكالهم
ضحك بسخريه من تذكر انه اول حذرها من سالم ووضحت له انها ما نست ،نهار:بس دايم اطلع صح ما اقول شي وانا مو متاكد منه
رفعت أكتافها وزمت شفايفها :المهم وش الموضوع الي جايني عشانه ؟
نهار :سالم وهشام ،اتوقع تعرفينهم زين
هزت راسها ب ايه :اي وش فيهم؟
نهار كتف يدينه :بس بغيت اقول انك تنتبهين على نفسك منهم وثاني شي احتمال كبير يسوون فيك نفس ما سوو فيني،خربو محلي وحاولو يتسببون لي بحادث فالاحسن تنتبهين على نفسك واهلك احتمال يجونهم بس ان شاءالله ما يوصلهم ضرر
هزت راسها بزن وهي توترت زود على توترها بالاول وهي ملاحظه من طلعت اليوم فيه سيارة وراها ما تركتها،المزن :شكراً ،بعدين سالم ما بيقدر يسوي فيني شي ولا فـ اهلي لانه هو الي بيتضرر اكثر مننا
ناظر عيونها الخضر وهي تتكلم وصد بسرعه وابتسم بسخرية:ليته هو بس ،فيه عصابة وناس كبار وراه هم الي يسوون كل هاذا علشان ما ينسجن او يصير فيه شي
المزن ناظرت فيه من ضحك وتكتفت وهي تتكلم بكل ثقه:مصير الفاسد السجن لو ايش ما سوا ولا يا حضرة المحامي!؟
نهار ابتسم:صح يا حضرة المهندسة،بس الحذر واجب علينا بعد يا بنت سيف
صدت تخفي ابتسامتها من غمز لها ومشت تتجه لسيارتها ومشى وراها وهو حاط يدينه ورا ظهره،وقفت عند الباب وهي تفتحه ولفت عليه :تبي شي ثاني بعد؟
ناظرها مستغرب سوالها وهز راسه ب لا ونطقت:ليش لاحقني اجل!؟
ناظر سيارته واشر عليها :جاي لسيارتي !،انتي تبين...،سكت من هزت راسها تنطق ب "لا"ضحك وشافها تفتح الباب بتركب ونطق بصوت شبه عالي علشان تسمعه:استودعتك الله
ركبت وهي تسكر الباب وابتسمت بداخلها لاشعورياً من نطق ثغره بـ"استودعتك الله "حست بشعور حلو تحس قلبها بيطلع من مكانه بس من قال هالجملة ضحكت تسخر من نفسها :مزوني ما عرفتك تصيرين خفيفة ،اثقلي ،اثقلي شوي بس
طلعت كانت بتتجه للكفي تشوف اخر شغل فريقها بس كنسلت من عرفت بوجود اجتماع فالشركة ويبغون حضورها ،تاففت من شافت اتصالات من الشركة كثير لانها تاخرت بسبب زحمة الطريق وقفت بعد مده بالمواقف ونزلت بعد ما عدلت حجابها ومشت تسرع خطواتها علشان تلحق ،صعدت الدرج واتجهت لمكتبها تحط اغراضها وطلعت بعدها مسرعة لغرفة الاجتماعات طقت الباب وهي تفتحه تدخل وتشوف الكل موجود من ابوها وشريكة الي هو ابو ترف وسالم وباقي الموظفين،المزن :السلام عليكم ،اعذروني على التأخر
سيف :معذورة يا بنتي،التفت عليهم:يالله نبدأ اجتماعنا
بدو الاجتماع وجلست المزن بجانب ترف وهي تستمع لهم
~
طلع من مكتبه من شاف رسالة ابوه وزفر بقرف من لمح الرجال
الي يراقبونه والي حاطهم سالم علشان ما يتجرأ هشام ويبلغ ولا يسوي فيهم شي ،هو يدري لو بيتكلم من اليوم لين اخر نفس فيه ابوه ما بيتغير فيه شي تنهد بتعب :يارب تسامحني على الي راح اسويه ،قام وهو ينزل لمواقف السيارات وركب سيارته واخذ جواله وهو يطلع من شركته ،اتصل على فارس ونطق اول ما ود عليه :فارس وينك فيه؟
فارس بأستغراب:فالمكتب ليه تسال؟
هشام :اذا جيتك بتفهم
سكر واتجه لمكتب المحاماة مسرع ومتجاهل ابوه الي فجر جواله اتصالات
فمكتبه جالس قدام اوراقه ولابتبه كالعاده بس هالمره باله مو معه مشغول بالي قاله له ابوه بعد الفطور ،رفع راسه من دخل سلمان وتقدم للطاولة:طال عمرك ،الموضوع الي قلت لي ادور فيه
هز راسه وهو يناظر فسلمان والاوراق الي عطاهم اياها:ايه الي ورا سالم
سلمان ابتسم بخبث :جبت لك اسمه الكامل ،ناظره نهار بمعنى كمل،وكمل سلمان:عصام يوسف آل حازم ،ابوه القاضي السابق بوزارة العدل ،ضحك بسخرية:طبعن قبل ينسجن بسبب لعبه ودخوله بالممنوعات
سلمان:صورته موجودة بالملف يمديك تشوفه
طلع سلمان بعد ما خلص ~
دخلت مكتبها بعد ما خلصت وهي تس بشعور غريب عجزت تفهمه وتدري لو بتجلس تشرح لترف ولا ازهار كلهم بيقولون نفس الشي "انتي حبيتي ،هاذي بدايات الاعجاب "ضحكت من دخلت ترف وهي تتذمر على الاجتماع  ،جلست على الكرسي بنرفزة:اوفف ،اخخ لو عندي الشجاعة كان رفسته برجلي زي الثور علشان مره ثانيه ما يكلمني بذي النبره
ضحكت عليها :منهو هاذا اروح ارفسه معك؟ونكسر اعضامه اذا تبين بعد
لفت انظارها على المزن وهي متنرفزه:سالم الله لا يسلمه
عقدت حواجبها :وش مسوي ؟
ترف زفرت بقرف وقلدت كلامه:بنتك يا سعود ماشاءالله عليها ،ما ودك نكون قراب لبعض ونسايب
ضحكت المزن وكملت ترف كلامها:ولا يقولي قبل نطلع من الغرفة الاجتماع ،المشروع هاذا بسلمه لك ولـ المزن بنت سيف وانا واثق انكم بتنجزونه وبتكونون قد ثقتي
المزن :على كيفه ذا ،
رفعت اكتافها ونطقت:قلت له انا ومزون مضغوطين من
رفعت اكتافها ونطقت:قلت له انا ومزون مضغوطين من
المشاريع الي علينا وفوق هاذا كله عندنا اشغال ثانيه أولى من هالمشروع ،بس قهرني مزوني يوم ضحك شوي وارفسه يطيح من الدرج بس لو سعود القلب ما ناداني كان تلقينه متكسر وبالمستشفى هالحين
ضحكت وهي تقوم :عجبتيني ،بعدين يبي يضمن انه يناسب ابوك علشان حقه بالشركة ما يروح
ترف مسكت راسها من الصداع الي داهمها:يقلع بليسه جاب لي الصداع اوفف
المزن اهذت كوب القهوة وهي تجلس بالكرسي تقابل ترف:اشربي قهوة وصحصحي ورانا اشغال
اخذت الكوب تشرب منه ونزلته وهي تشهق :ايي صح ما قلتي لي وش جاب المحامي اليوم !؟
فتحت عيونها مصدومه:كيف عرفتي بسم الله
ترف عدلت جلستها وغمزت:سر ، علميني يالله
ابتسمت من تذكرت وش قال لها وهزت راسها من ضحكت ترف :شكله صار شي ولا كيف صرتي طماطه من الخجل!؟
هزت راسها بنفي ورفعت يدينها تغطي وجهها من ترف :تــرفف ،خلاص ،نزلت يدينها وقامت من على الكرسي تدور بالمكتب :بعدين ما قال شي ولا صار شي بس....سكتت وناظرت فيها ترف بحماس تحس فيه شي صاير هي شكت من دخلت عليهم المزن متأخره ووجهها يشع من الخجل وطول الاجتماع بالها مو معاهم ابد ،ناظرتها المزن وتنهدت ترجع تجلس مكانها :مدري،توته تخيلي جاي يحذرني من سالم وولده الغثيث ،وبعدين قال انا ما ارتحت لعصام هاذا وبعدين سويت نفسي اني قويه وما اخاف منهم وقلت مصيرهم السجن وابتسم لي وبعدها غمز
ترف صفقت بحماس وضحكت بقوه :اايي كملي
المزن :بس عقبها مشيت اركب سيارتي وو..سكتت من حست وجهها احتر زياده وضحكت ترف:لا تقولين اعترف!؟
هزت راسها بالنفيه :لااا قالي استودعتك الله بصوت عالي  وانا الخفيفه استحيت
صفقت مره ثانيه من الحماس وضحكت من قلبها:الله الله ،ما يلعب حضرة المحامي، اول شي جاي خايف عليك من سالم وابتسم لك وغمز واخرها يستودعك الله، الله يالحب شكله طاح بحبك ولا احد سمى عليه
المزن ضربتها وهي منزله راسها وخبيته بين كفوفها تحس بشعور غريب تحس بحب بخجل شي اول مره تحس فيه قامت باستعجال تبي تهرب لـ اي مكان بعيد عنهم من خجلها اخذت اغراضها وهي تطلع من المكتب وخلفها ترف الي تضحك عليها وتلحقها ~
قدام بوتيك المزن كان واقف ويشوف العمال داخلين طالعين منه جايبين اغراض مكتب المزن وبعض من أدوات الخياطة الي بتكون
فيه لأي تعديل ،دخل وهو يكلم بجواله من الشغل ،علمهم وين يحطون الاغراض ومشى يخرج وقف عند سيارته وهو لا زال يكلم نطق بحدة وغضب :فهد انا شفت الملف والقضية بتنرفع وهاذا اخر كلامي بلغ المحامي حقهم انهم ما بيتنازلون ولا انا راح اسمح انهم يتنازلون
فهد :ابشر طال عمرك ،سكر منه راكان من حس باحد يتقدم له وقبل يلف قال :الطاولة الي لونها وردي حطوها ثاني غرفه
تنحنحت وهي كانت بتسال ليه فيه كل العمال اليوم والمزن قالت انه فاضي ما بيجون اليوم بس سكتت من تكلم معها يحسبها واحد من العمال ،تنحنحت ولف وشافها وانصدم ،ابتسمت بتوتر:ماني واحد من العمال عشان اجاوب عليك ولا معي شي
سكت يناظرها مصدوم من الكائن اللطيف الي امامه هو يعرفها لانه شافها اكثر من مره مع خواته ضحك وهو يهز راسه:معليش كنت احسبك عامل
هزت راسها :لا عادي ،ممكن سوال؟
عدل وقفته وسكر باب سيارته الي كان مفتوح:تفضلي !
ابتسمت هديل وهي تلف تناظر البوتيك والعمال وتأشر ونزلت نظراتها الشمسيه:مزون قالت ما بيجون اليوم كيف جو ،كان المفروض نرتب الاغراض اليوم هنا
ناظرها وهي تتكلم وصد وهو يجاوب عليها من حولت انظارها عليه:والله ما اعرف شي غير انها اتصلت علي قبل ساعه تقولي ان العمال بيجون ولازم اكون موجود عندهم ،رفع أكتافه وابتسم :وبس
ابتسمت تهز راسها ب زين وهي تمشي بتدخل ونطق قبل تدخل:لاتدخلين لين يطلعون العمال من المكان
لفت هديل له استغربت بالاول بعدين فهمت عليه ومشت تدور شي تجلس عليه وتأففت لان السواق راح اول ما نزلت اصلن عبست وجهها :عبد الرحيم اخخ منك ما تعرف تنتظر لي اقول لك روح يعني
سمعها تكلم نفسها وواضع عليها انها معصبه وقف من جاه احد العمال يقول له انهم خلصو دفع لهم ومشى يركب سيارته وشافها تناظر فيهم ولا تدري وش الي يصير ضحك وضغط بوري وانخرشت وفزت من مكانها وهي تشهق ضحك غصب عنه من خرشتها فتح الدريشه وهو يقول بهمس :بسم الله عليك ،صفر لها و قربت من سيارته وهي شبه معصبه:ليه تسوي كذا خرشتني الله يقلع بليسك
اخفى ابتسامته ونطق :اسفين ما بنكررها مره ثانيه
عقدت حجاجها وهي تنطق بانفعل:وانت تحسب فيه مره ثانيه؟باحلامك الورديه بس
هز راسه ب زين وه يكبح ضحكته :قلنا اسفين خلاص عاد ،بعدين كنت بقولك ان العمال خلصوا اذا ودك تدخلين يعني بس ،هاذا جزاي اعلمك
زفرت بغضب :الواحد اذا بيعلم احد ما يخرشه ،قالتها ومشت تدخل وهي تسكر الباب وراها ،ضحك وهو ما يدري ليه يضحك مشى يتجه للنيابة العامة يكمل باقي شغله
-
عطوها حقها بنجمة وابي اشوف تفاعلكم فالكومنت✨